استفسار بخصوص إعادة التصحيح .. ياريت تدخلوا وتكسبوا فيا ثواب [الأرشيف]

مشاهدة النسخة كاملة : استفسار بخصوص إعادة التصحيح .. ياريت تدخلوا وتكسبوا فيا ثواب

أميرة الحب

17-07-2009, 05:08 AM

السلام عليكم
إزيكوا يا أحلى أعضاء .. يارب تكونوا بخير

طبعا يا جماعة عرفتوا إنهم فتحوا الباب لإعادة التصحيح من يوم الاحد القادم وحتى 60 يوم
معنى كدا انه من يوم 19/7 إلى 18/9

وسؤالي هو :

* لو طالب عمل الرغبات خلاص بس حصل والكلية اللي كان عاوزها ماقبلتوش وجاله التنسيق على كلية تانية
هل يقدر بعد كدا يعمل تظلم في مادة معينة هوا شاكك فيها وممكن تجبله درجات ..طول ما هو قبل 18/9 ؟ .. ولو جاتله درجات ممكن ياخدها ويحول للكلية اللي هوا عايزها ؟

معلش سؤال كمان

* ايه اجراءات اعادة التصحيح بالتفصيل المملللل ؟؟؟؟

يعني بعد دفع المية جنيه ... بيردوا بعد كام يوم عشان الطالب يروح يشوف الورقة ؟؟ .. وهل هوا اللي بيتصل بيهم ولا هما اللي بيتصلوا او بيبعتوله جواب مثلا ولا ايه ؟؟ ..
وبعد كدا لما الطالب يروح ويشوف الورقة ... ايه اللي بيحصل ... يعني بيعرف ازاي بعد كدا ان في درجات هتجيله ولا لأ .. هوا هيتصل ولا بردو هما اللي هيردوا عليه ؟؟ ... وهيردوا عليه بعد كام يوم ؟؟ ( امتا ؟ ) وبعد كدا لو كان في درجات بياخدها ازاي ؟.. وهل في ورق مثلا بيتجاب وبيتودى ساعتها ولا ايه ..

يعني من الآخر ايه الاجراءات ؟؟ ... والمشوار ده كله بياخد كام يووووووووم ؟؟ :stickjo4:

معلش انا رغاية طولت عليكوا بس ياريت تفيدوني ربنا يجعل ردودكم في ميزان حسناتكم :):av4056bb7jp3:

nancy_y

17-07-2009, 05:52 AM

انا هحاول اجاوبك على قد معلوماتى

اول حاجه انتى اة بتقدمى فى التنسيق عادى خااالص
وممكن تعملى التظلم بعد نتيجة التنسيق مادام الفترة ماخلصتش
ولو جتلك درجات بتحولى الكلية عادى

هو انتى اليوم اللى بتدفعى فيه الفلوس وبتقدمى على الطلب بيحددولك المعاد
هو انا السنه اللى فاتت كان المعاد بعدها ب 10 ايام لكن اعتقد ان سنه تالته بيخلوهم بدرى عشان التنسيق والحجات دى

اليوم بقى اللى بتروحى فيه بيدولك ورقه الاجابه للمادة اللى انتى طلباها
وورق كده عشان تكتبى فيه الشكوى اللى انت عايزاها فى الورقة
بعد كده بيتديهالهم
ولو ليكى درجاات بيبعتوولك ازااى بقى مش عارفه الصراااحه
انتى ممكن تبقى تروحى تسئلى فى نفس المكااان

يارب اكون عرفت افيدك فى أى حاجه
ودى كل المعلومات اللى عندى

alattar

17-07-2009, 10:16 AM

بخصوص التظلم
بعد دفع 100ج وتقديم طلب في الكنترول التابع له يتم تحديد موعد
في اليوم المحدد يتوجة الطالب بصحبة ولي امرة وسيجد صورة من ورقة الاجابة كاملة
علية ان يتعرف علي ورقة الاجابة وانها كاملة
جمع الدرجات المقدرة والتأكد من وضع الدرجة علي الغلاف الخارجي لورقة الاجابة
التأكد من جمع الدرجات جميعها
التأكد من تصحيح جميع الاجابات المدونة في الكراسة وان هناك قلم احمر قد اشر علي كل الاسئلة بغض النظر عن الدرجة المعطاة سواء صفر او درجة نهائية
ويتسلم نموذج منهم يكتب اعتلراضة علي كل جزئية
في حال قبول التظلم لوجود خطأ في الجمع او جزئية لم تصحح يتم اخطارك بخطاب رسمي بتعديل الدرجة وتتجة لمكتب التنسيق لتعدبل الرغبات بناء علي المجموع الجديد وتقدم طلب لاسترداد 100 ج

من خلال تجربة شخصية العام الماضي مع كنترول المنصورة الناس بتتعامل بشكل ودي للغاية ويتم اعطاؤك القرصة كاملة للمراجعة وابداء رأيك ولو لاحد حق فعلي يستحقة طبقا للسابق ذكرة يتم الحصول علية

ملاحظة هامة جدا جدا
المراجعة في هذة المرحلة هي مراجعة شكلية لما سبق ذكرة اي فقط جمع الدرجات وان جميع الجزئيات تم تصحيحها
اما لو رايت انك اجبت اجابة صحيحة ولم تأخذ درجة مناسبة فتلك مراجعة فنية لا دخل للكنترول فيها في هذة المرحلة ولكن من خلال القضاء

التوفيق للجميع

ahmed5005

17-07-2009, 11:01 AM

ranoshaa

17-07-2009, 12:49 PM

انا عملت تظلم السنه اللى فاتت وبيطلبو بطاقه ولى الامر الاب او الام واللى بيحضر الطالب ومعه والده او والدته ولو ليك درجات بيتصلو بيك وبتروح نفس المكان ومعاك الشهاده وبيدوك شهاده تانيه بعد التعديل وا 100 جنيه بتحصل عليها عن طريق نقابه المعلمين بتديك شيك تصرفه من مكتب بريد العتبه هو ده اللى حصل معايا

فاروق الباز

17-07-2009, 01:57 PM