مشاهدة النسخة كاملة : تنسيق 2009 حصريا
فاروق عادل 17-07-2009, 10:14 PM مفاجأة في القبول بالجامعات
ارتفاع الحد الأدني للكليات
العلمية1.3 % وانخفاض الأدبية1.2 %
الطب98 % والأسنان97.5 %
والصيدلة96.7% والهندسة 92.1 %
القاهرة ـ محمد حبيب:
تؤكد مؤشرات تنسيق القبول بالجامعات أن هناك مفاجأة جديدة هذا العام, تتمثل في ارتفاع الحد الأدني للقبول بكليات القسم العلمي1.3%, وانخفاضه في القسم الأدبي1.2%, ويأتي هذا الارتفاع بعد أن انخفض مؤشر التنسيق في العام الماضي ـ لأول مرة منذ20 عاما ـ.
ووفقا لهذه المؤشرات, سيكون الحد الأدني للطب98%, والأسنان97.5%, والصيدلة96.7% والعلاج الطبيعي96.4%, والتعدين والبترول98.4% والهندسة92.1%, والحاسبات91.1%, والاقتصاد والعلوم السياسية94.2%, والإعلام94% والألسن91.9%.
وصرح الدكتور هاني هلال وزير التعليم العالي والدولة للبحث العلمي بأن المرحلة الأولي للتنسيق سوف تبدأ بعد غد, وتستمر خمسة أيام, بحد أدني380 درجة لطلاب القسم العلمي, و328 درجة لطلاب القسم الأدبي.
وقال السيد عبدالحميد سلامة الوكيل الأول بوزارة التعليم العالي المشرف العام علي مكتب التنسيق, إن الموقع الإلكتروني سيكون مفتوحا علي مدي24 ساعة للطلاب الذين لديهم حاسبات آلية شخصية, أما بالنسبة لمكتب التنسيق الرئيسي بالقاهرة وفروعه بالمحافظات, فقد تم توفير حاسبات بها من التاسعة صباحا وحتي الخامسة مساء, مع تزويدها بمجموعة من الخبراء لمساعدة الطلاب علي تسجيل الرغبات.
وقرر المجلس الأعلي للجامعات قبول أعداد العام الماضي نفسها بالجامعات, وعددهم276 ألف طالب وطالبة, مع مراعاة تخفيض أعداد المقبولين بكليات الطب هذا العام بنسبة تتراوح بين12% و15% عن العام الماضي, وزيادة المقبولين بكليات الهندسة بنسبة تتراوح بين7% و9%.
المصدر جريدة الاهرام
http://www.ahram.org.eg/Index.asp?CurFN=fron1.htm&DID=10012
-------------
ودة معناه انى مش هدخل اى كليه من دول:040vk0:انا جايب90%
Alia Omar 17-07-2009, 10:26 PM ربنا يستر شكلى كده مش هدخل حاجه منهم
A7MODA 17-07-2009, 10:42 PM للاسف ملياش نصيب
soha fouad 17-07-2009, 10:44 PM ولا انا
اهئ اهئ اهئ اهئ
حيران في الثانويه 17-07-2009, 11:14 PM والتعدين والبترول98.4%
يارب يكون بجد :d
hagar mohamed 17-07-2009, 11:20 PM انا جبت 400 ادخل ايه والاسنان كدة مضمونةولا احتمال ضعيف
the black rose 17-07-2009, 11:25 PM يعنى مش هدخل حاجة
خير خير :d
elwarda 17-07-2009, 11:32 PM هو دا اكيد ولا ايه
يعنى ياريت تيجى على اد كدا اهو احتمال الحق حاجة
بس كدا هيبقى زاد كتير اوى
eng.sabry elbrins 17-07-2009, 11:35 PM احنـــــــــــــــــــــا يادوبكــ نلحق سنجر اقاليم حلووووووووو اوى
خير ان شاء الله وربنا يوفقنا
رائد عبده شطا 17-07-2009, 11:40 PM رائع الف شكر جميل جدااااااااا
young coder 17-07-2009, 11:44 PM و النبي ابقوا قلولي هتروحوا فين علشان اجي معاكم :d
Sherif Elkhodary 17-07-2009, 11:46 PM يا جماعة كلام جرايد اصبروا التنسيق الرسمي خلاص هينزل
hagar mohamed 17-07-2009, 11:59 PM يعنى 400 ممكن الحق طب ردوا يا جماعة
احمد مجدى القاضى 18-07-2009, 12:00 AM هوا ده توقعات ولا كلام موثوق منه ؟؟؟؟؟؟؟؟؟؟ وهو التنسيق الحقيقي بيبقي اكتر من التوقعات ديه ولا ايه؟؟؟؟؟؟؟؟؟؟؟؟؟؟
رزق درديري 18-07-2009, 12:02 AM في رأيي أن الكلام لابد أن يكون علي لسان مسئول أو تصريح من مسئول بعينه مع احترامي الشديد لكاتبه
أما المؤشرات والتوقعات فهي اجتهاد .. واعلم أنك لن تنال الا ما كتبه الله لك .... والنجاح في المستقبل بيد الله ليس بنوع الكلية والأمثلة كثيرة .... طمن قلبك وخلي حمولك علي خالق السماوات والأرض ... والله لا تسقط ورقة من شجرة الا يعلمها سبحانه
عليك بالأسباب وادعو مسبب الأسباب يحقق لك المراد
ahmed5005 18-07-2009, 12:03 AM لو اقل هندسه 92.1 انا دكا يبقا اتسوحت
hamada_92 18-07-2009, 12:03 AM وقرر المجلس الأعلي للجامعات قبول أعداد العام الماضي نفسها بالجامعات, وعددهم276 ألف طالب وطالبة, مع مراعاة تخفيض أعداد المقبولين بكليات الطب هذا العام بنسبة تتراوح بين12% و15% عن العام الماضي, وزيادة المقبولين بكليات الهندسة بنسبة تتراوح بين7% و9%.
معلش يا جماعة حد يفهمنى العبارة دى عشان مش فاهمها يعنى الطب البشرى ولا كل الكليات الطبية وكمان
لو بشرى يعنى حيبقى 98%؟
نجم الشرقية 18-07-2009, 12:04 AM الف مبروك للجميع كل ما تحتاج اليه
من هن
تنسيق الثانوية العامة (http://www.egyptmall.net/teach/forumdisplay.php?f=235)
REEM22 18-07-2009, 12:16 AM هوه التنسيق هينزل امتى؟؟؟
ahmed5005 18-07-2009, 12:23 AM هوه التنسيق هينزل امتى؟؟؟
ايوا يا عـــــــــــــــــــم الحج هوا دا لــــــــــــــــــب الموضوع .............
مش بكتر المواضيع ..............
التنسيق امتا يا شباب ..................
y o m n a 18-07-2009, 12:25 AM وانا كمان جبت95.5 علوم ومش هلحق حاجة
يلا خير ان شاء الله
Dr.genius2009 18-07-2009, 12:32 AM تنسيق الجامعات يستقبل طلبة المرحلة الأولي بعد غد
92.68% الحد الأدني للعلمي.. و80% للأدبي
موقعان للتقديم علي الإنترنت واستثناء ال 300 الأوائل من التوزيع الجغرافي
كتب مجدي طنطاوي:
http://www.algomhuria.net.eg/algomhuria/today/images/G-1-11-A.jpg يبدأ بعد غد تسجيل رغبات المرحلة الأولي للناجحين في الثانوية العامة بمكتب تنسيق الجامعات والمعاهد وحتي الجمعة القادم عن طريق موقعي الإنترنت "تنسيق الجامعات" أو "بوابة الحكومة المصرية" وذلك بحد أدني 380 درجة بنسبة 92.68% لطلاب الشعبة العلمية و328 بنسبة 80% للأدبي.
يتم التقدم للتنسيق وفقاً لشرائح المجموع حيث تم تخصيص يوم الاثنين للحاصلين علي 402 درجة للعلمي و369 للأدبي والثلاثاء 396 للعلمي و357 للأدبي والأربعاء 391 للعلمي و347 للأدبي والخميس 386 للعلمي و337 للأدبي والجمعة 380 للعلمي و328 للأدبي.
صرح د.هاني هلال وزير التعليم العالي بأنه سيتم فتح معامل الحاسبات بالجامعات لتسجيل الرغبات من التاسعة صباحاً وحتي الخامسة مساء خلال أيام المرحلة ويمكن التقدم أيضا عن طريق الحاسب الشخصي أو حاسب متصل بالشبكة خارج الجامعات وسيكون الموقع متاحاً علي مدار 24 ساعة يومياً.
أعلن عبدالحميد سلامة وكيل أول الوزارة المشرف العام علي مكتب التنسيق أن المجلس الأعلي للجامعات قرر استثناء ال 300 طالب وطالبة الأوائل في الثانوية العامة هذا العام وفقاً لترتيب وزارة التربية والتعليم من قواعد القبول الجغرافي والإقليمي المعمول بها مع اعتبار المناطق التعليمية بالقاهرة الكبري نطاقاً جغرافياً واحداً يضم جامعات القاهرة وعين شمس وحلوان. وكليات جامعة عين شمس الواقعة خارج النطاق الجغرافي وكليات جامعة بنها داخل نطاق القاهرة الكبري.
أفهم بقى
يعني التوزيع الجغرافي بقى القاهرة الكبرى ولا الحكاية ده لل300الأوائل فقط؟؟؟؟
ياريت حد يفهمني
أنا أقرب جامعة لي عين شمس طبعا
هل اقدر احط مثلا صيدلة القاهرة رغبة اولى؟؟؟
ياؤيت حد يفهمني بجد
امنية2 18-07-2009, 12:34 AM طيب الحدالادنى للطب البيطرى كان
ارجو الرد
الفتى المصري الأصلي 18-07-2009, 12:48 AM يا نهاري حرام عليكم بأه ياجماعه
بلاش الأخبار الزفت دي
انا كده في الضياع
amany# 18-07-2009, 12:49 AM يا جماعه والنبى حد يرد عليا هو انا لما اجى اقدم فى التنسيق
اضيف درجات المستوى ولا لا
احمدبردة 18-07-2009, 12:52 AM انا جايب 378.5 في علمي رياضة يعني 92.3% هل الحق هندسة ام لا ارجو الرد
Dr.genius2009 18-07-2009, 12:53 AM نفسي اعرف ترتيبي على شعبة العلمي علوم يا جماعة
civil2020 18-07-2009, 12:55 AM اه طبعا تضاف درجات المستوى
اومال انتا امتحنت مستوى ليه......
amany# 18-07-2009, 01:00 AM معليش سورى يا جماعه يعنى انا جبت 368.5 ادبى والمستوى 3.5 درجه
يبقى المجموع 372 اقدم اول يوم فى المرحله الاولى لادبى
earth 18-07-2009, 01:05 AM تم التقدم للتنسيق وفقاً لشرائح المجموع حيث تم تخصيص يوم الاثنين للحاصلين علي 402 درجة للعلمي و369 للأدبي والثلاثاء 396 للعلمي و357 للأدبي والأربعاء 391 للعلمي و347 للأدبي والخميس 386 للعلمي و337 للأدبي والجمعة 380 للعلمي و328 للأدبي.
يعنى انا لازم اسجل يوم الاثنين مش ينفع اسجل الثلاثاء او الاربعاء
mogym 18-07-2009, 01:06 AM السلام عليكم ورحمة اللهازيكوا يا شبابمتقلقوش ده كله كلام جرايد وتوقعات ناسكل واحد شايف حاجة بيقولها اهم حاجة تعملوها دلوقتى الدعاء والاخلاص فيه اوىلان الوحيد القادر على كل شئ هو ربناوربنا وحده هو اللى يعلم الغيبوكمان كل واحدة مش هياخد اقل من قدره ده شئ مكتوب من قبل ما نتولدفنسلم امرنا لله وربنا هيحلها ان شاء الله
mogym 18-07-2009, 01:09 AM نصيحة كل واحد يسجل فى يومه
ده اضمن
mogym 18-07-2009, 01:11 AM يا جماعة التنسيق بالمستوى
يعنى ضيفوا درجة المستوى لمجموعكوا وبعد كده شوفوا انتوا يوم ايه
earth 18-07-2009, 01:13 AM نصيحة كل واحد يسجل فى يومه
ده اضمن
معنى كده انى لازم اسجل يوم الاثنين صح؟
طب لو حبيت اعدل اعدل امتى
mogym 18-07-2009, 01:17 AM بصى انتى ممكن تدخلى قبل يوم الاتنين يوم الاحد مثلا تجربي ومتسجليش
وبغد كده تقرري كويس وتسجلى يوم الاتنين
ولو غيرتى رايك ممكن تعدلى بعد كده
بس حاولى تبقى مركزة ومستقرة
علشان تبقى فى الامان
mogym 18-07-2009, 01:21 AM لو حد عنده سؤال يسأله
لعل وعسى اعرف اجاوب
وادعولى ربنا يذكرنى انا عملت ايه
انا اصلى كنت مكانكوا كده السنة اللى فاتت
earth 18-07-2009, 01:22 AM بصى انتى ممكن تدخلى قبل يوم الاتنين يوم الاحد مثلا تجربي ومتسجليش
وبغد كده تقرري كويس وتسجلى يوم الاتنين
ولو غيرتى رايك ممكن تعدلى بعد كده امتى بالضبط لو حضرتك تعرف
بس حاولى تبقى مركزة ومستقرة
علشان تبقى فى الامان
معلش اخر سؤال
ادخل فين ممكن تكتبلى اللينك
وشكراااااااااا جزيلاااااا
mogym 18-07-2009, 01:29 AM بصى انا مجربتش اعدل فى رغباتى
بعد ما سجلت
ممكن اسأل بكرة وارد عليكى
بالنسبة للينك طبعا معدش عندى
بس ممكن تدخلى على وزارة التربية والتعليم
هتلاقى حاجات عن التنسيق
mogym 18-07-2009, 01:34 AM معلش اخر سؤال
ادخل فين ممكن تكتبلى اللينك
وشكراااااااااا جزيلاااااا
يا حبيبتى اسألى براحتك
احنا اخوات
المهم بس انا اعرف اجاوب
ثانيا لا شكر على واجب
rania_alix 18-07-2009, 01:40 AM الف الف مبروووك ليكم وعقبال ماربنا يطمنكوا على التنسيق
ونصيحه ياجماعه لما حد يحب يسجل رغباته يروح للمراكز الموجوده فى الكليات
لكذا سبب اولا بيديكم ورقه تكتبوا فيها 48 رغبه بالترتيب
وثانيا بتلاقوا حد يساعدكم بدل ماتلغبطوا الدنيا فى البيت
والله انا السنه اللى فاتت رحت قدمت وساعدونى
واللى عايز موقع التنسيق
http://www.tansik.egypt.gov.eg/application/
واى سؤال انا فى الخدمه
أميرة الحب 18-07-2009, 01:40 AM يا جماعة مش المجاميع دي الحد الادني للمرحلة الأولى ؟؟
اصبروا يمكن تنزل ان شاء الله مرحلة تانية والمجاميع تقل عن كدا
ثم دي على كل الجامعات في كل المحافظات ؟ .. مش اكيد في تفاوت ؟؟
يعني مثلا حاسبات ومعلومات عندنا في اسيوط خدت من 89.1 % تقريباً ... معقول هتقفز القفزة دي السنة دي وتبقا 91.1 % ؟!!!!؟ :o
اكيد في مرحلة تاني يا جماعة .. او التنسيق ده كلام جرايد فعلا
rania_alix 18-07-2009, 01:42 AM واللى كان بيسال عن تعديل الرغبات انت ممكن تعدل رغباتك طول فترة تنسيق المرحله ( اللى هما الخمس ايام)
براحتك خالص
بس حاول متغلطش وفكر علشان متحولش انك تعدل.
احمدبردة 18-07-2009, 01:42 AM نعم يتم اضافة درجات المستوى الرفيع الي فوق 5 درجات يعني لو انت جايب 9 تضاف 4 درجات على المجموع و بذلك يضاف علي المجموع الاصلي و يتم حسب النسبة المئوية
rania_alix 18-07-2009, 01:44 AM ومحدش يسمع لكلام الجرايد سبوها على ربنا علشان كلها توقعات وهتقلقوا نفسكوا على الفاضى ( اسالونى انا)
لان نزول كليه مرحله تانيه ده بيرجع للاعداد اللى بتقبلها الكليه والاعداد اللى بتتقدم ليها.
mogym 18-07-2009, 01:47 AM علمت بان رزقي لن ياخذه غيرى فاطمئن قلبى
ربنا يكرمكوا
احمد شعبان سيد 18-07-2009, 02:30 AM الهو ال300 جايب كام
احمد مجدى القاضى 18-07-2009, 02:35 AM طب انا جايب 96.5 الحق صيدله ولا ايه
احمد مجدى القاضى 18-07-2009, 02:40 AM حد يطمني من غير مجامله يا جماعه
mogym 18-07-2009, 02:43 AM طب انا جايب 96.5 الحق صيدله ولا ايه
ربنا يكرمك وتلحق
يا جماعة انتوا اكتبوا رغباتكوا حسب ما انتوا عايزين وادعوا ربنا يقدملكوا اللى فيه الخير
houda93 18-07-2009, 04:39 AM (( و الذين إذا أصابتهم مصيبة قالوا إنا لله و إنا إليه راجعون ))
ririii 18-07-2009, 06:45 AM السلام عليكم
لو سمحتوا انا عندي استفسار هوا معني ان الحد الادني للهندسة 92.1 يبقي مش هتزيد عن النسبة دي في جميع الجامعات؟؟ عشان اسمع ان عين شمس بتاخد اعلي من اي جامعة تانية بالنسبة لهندسة...
وشكرااااا
Dr|shereen 18-07-2009, 07:55 AM انا قريت فى الاهرام الصيدله 96.7وقريت فى نفس اليوم فى المصري اليوم ان الصيدله 97.6 انا مش عارفه اصدق مين وبعدين ده كلام رسمى ولا توقعات
امنية2 18-07-2009, 08:09 AM اكيد دى كلها توقعات
ya reat ya gama3a besro3a 18-07-2009, 08:35 AM طبعا تضيفيها مش اسمه مستوي امال احنا عمالين نذاكره مع المواد التانيه ليه زيادة يعني
الكابتن عبده 18-07-2009, 08:48 AM انا378.5والحد الادنى 380 انا كده ممكن الهندسة تنزل مرحلة تانية
|