السلام عليكم :

مفيش حد هنا داخل تالته ازهر يا جماعه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

او حتى حد خلص تالته لانى بصراحه خايف وقلقان من الفيزيا والرياضيات بيقولوا بتيجى صعبه خالص

وتعجزيه

المعهد بتاعى نجح فيه تلاته بس يا ريت حد يطمنى !!!!!!!!!!!!!!!




؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا داخل 3 برضه للأسف. عندنا اعلى درجة كانت 98,5 وجابها واحد من بتوع البعوث (الافارقة)

امتحانات الازهر نادرا ما بتيجي صعبة و بيجي معظم الامتحانات من كتاب المدرسة و دليل التقويم ونصيحة لازم تذاكر الرياضيات من اول يوم في شهر 8 و اوعى تسيبها ابدا وروح درس عند مدرسين كويسين في المواد العلمية و اهتم جدا بالانجليزي حتى ولو كنت عبقري فيه لازم تذاكره كويس وتحفظ كلمات كتير اوي وكذلك المستوى الرفيع لانه مادة مهمة و المواد الشرعية لو حفظتها كويس حتضمها في جيبك وحط في دماغك اني اللي جايبين 98 و99 و 100 دول بشر عادين مش من كوكب تاني لكن كانوا بيشتغلوا من اول السنة اهم حاجة تذاكر المادة صح مش اى حاجة و اعرف ان مفيش حاجة اسمها مستحيل وان شاء الله السنادي تجيب 101% وتخش كلية الطب و السلام ختام

لكن يا جماعه ايه هو المستوى ليه كتاب محدد وكدا ولا تراكمى يا ريت حد يفهمنى

المستوى الرفيع هو مادة عليه 15 درجة و مهم جدا لانه بيرفع مجموعك يعني لو جايب 97 يبقى 99 بالمستوى لكن لا يوجد فيه كتب الا كتاب المرشد لكن بينزل السوق متاخر ممكن في شهر1 او 2 وامتحان المستوى عبارة عن سؤالين قصص كل سؤال من 5 نقط ودي قصص قصيرة موجودة في الكتاب 5قصص اسلامية و7عادية لازم تحفظهم كويس لكن خلي بالك ان الكتاب فيه اخطاء طباعية كتير المهم بيجي سؤال كمان على القواعد وهو r-write وبيبقى على قواعد منهج الانجليزي العادي مع بعض القواعد الموجودة في كتاب المستوى وكمان بيجي سؤال ترجمة وسؤال قطعة و اخيرا سؤال المقال وهو زى البراجراف لكن 25 سطر و خلي بالك امتحان المستوى غالبا بيجي صعب و التصحيح فيه زبالة يعني لازم تكون واد حريف فيه وفي منهج الانجلزي العادي و بالتوفيق ان شاء الله

السلام عليكم و رحمة الله و بركاته
أوافق الأخ (الغزالى)
و على فكرة أنا داخل الصف الثالث الثانوى الازهرى
و عايز أعرف أمتى بداية دروس الصف الثالث
و شكرا

السلام عليكم انا ان شاء الله السنه الجايه ثالثه ثانوى ازهر وباذن الله انا حجزت دروس فى المواد كلها ونظمت الجدول وان شاء الله هبدا دروس السبت القادم 1\8 وربنا يوفقنا جميعا
وسبوها على الله

انا باذن الله داخل تالتة لكن انا كنت ماجل وبعيد عشان أجيب مجموع اعلى والحمد لله اتعلمت الدرس ومحدد هدفي وعارف حعمل ايه ان شاء الله وأى سؤال عن أى مادة انا موجود و بالتوفيق للجميع ان شاء الله

شكرا يا جماعه على ردودكم لكن الكتاب بتاع المستوى الى فيه القصص الاسلاميه دا المرشد يعنى ولا كتاب تانى ولو كتاب تانى ولو كتاب تانى اسمه ايه ؟؟؟؟؟؟؟؟؟؟؟؟؟

ايوه هو كتاب المرشد لان مفيش كتب للمستوى غير كتاب المرشد

القلق هيبداء من دلوقتى ياجماعه
احنا نبداء ونعمل اللى علينا وان شاء الله
هنحقق اللى احنا عاوزينه
المعهد بتاعى نجح فيه تلاته بس يا ريت حد يطمنى !!!!!!!!!!!!!!!
ما تقلقش شويه مجهود وهتكون
من الناجحين المتفوقين كمان
باذن الله

الباب اللي يجيلك منه الريح سده واستريح
انا بقول نحول ثانوي تجاري ونريج دماغنا

اولا السلام عليكم انا مابردش على المواضيع الل زى دى لانى بجد بحس انها كلام فاضى وهاتعرفوا بقول كده ليه
اولا اخوانى واخوتى احب اطمنك ان الثانويه دى اسهل مايمكن بس عايزه واحد بيفهم مش واحده واخدها مذاكره وخلاص انا هاقولك على حكايتى معاها
انا اولا بدأت دروس فى شهر 7 (ندمت بعد كده)
لكن بدأت مذاكره فى شهر 3 عارف انكم مش هاتصدقوا لكن والله ماذاكرت فى الثانويه غير 3 و 4 ونص خمسه
والل قبل كده كان لعب انا مش بقول كده عشان ماتذاكروش لان تذاكروا بس تظبطوا مواعيدكم وتكونى بنظام لان اى حاجه مش بنظام بتضيه هباءا
اما بالنسبه للامتحانات والله والله مافى امتحان صعب وكلها تافهه خاصه فى الازهر بس اهم حاجه انك تحل تمارين كتييير وللمواد العلميه تحل امتحانات الثانويه العامه وامتحانات الازهر وكده اضمنلك انك تجيب فيهم ال 60
عموما عشان مش اطول عليكم اكيد كلكم بتقولوا هوا جاب كام انا جيبت 97 بس الل اتظلمت فيه كان الشفوى نزلت فيه 1.5 % لوحده يعنى وباقى الدرحات كانوا 14 فى مختلف المواد وكمان بعمل تظلم اكيد هايطلع ان شاء الله
يلا نهايه اطمنكم واقولك ركزوا وذاكروا كويس وان شاء الله سهله جدا
اها نسيت اقول ان امتحان الرياضه والفيزياء السنه دى كانوا هبل جدا والله تافههين بس يمكن تكون فيهم تكه شويه لكن بتسيب السؤال الل فيه التكه دى
وبالنسبه للمستوى ريح نفسك كده كده مش هاتعرف تجاوبه لواحدك لان ده فعلا بيكون تعجيزى بس ذاكر برضوا حاول تعدى فيه 7.5 انا عن نفسى جيب 12.5 يلا مع السلامه
ذاكروا وباقل مجهود ان شاء الله يحقق كل واحد حلمه

على فكره ياجماعه الل محتاج حاجه يكلمنى على الميل وان شاء الله احاول اساعده
نسيت اقولكم اوعى النت لان ده الل بيضيع وفعلا بيسرق الوقت وحاول تكون متخلص منه تمام قبل رمضان
يلا بالتوفيق للجميع

السلام عليكم انا ان شاء الله السنه الجايه ثالثه ثانوى ازهر وباذن الله انا حجزت دروس فى المواد كلها ونظمت الجدول وان شاء الله هبدا دروس السبت القادم 1\8 وربنا يوفقنا جميعا
وسبوها على الله
اولا السلام عليكم انا ماعرفكيش بس قدرت اعرف شخصيتك من خلال ردودك على بعض المواضيع الل رديتى فيها
انتى شكلك انسانه مجتهده بس صدقينى انتى واخده الثانويه على انها صعبه لكن خديها ببساطه وفعلا نظام الجدول ده كوبس بس نظميه كويس وبلاش تهلكى نفسك فى المذاكره فى مواد ومواد تانيه تسيبيها وشكرا

كونان باشا ...... عامل ايه يا باشا

يا عم ثانوية ايه
كل اللى بيتكلموا هيحسوا اد ايه كانت تافهة بعد ما يخلصوا وسهلة

هوا اهم حاجة للى داخل اللى هوا ياخدها كانها سنة عادية خالص لا رعب ولا حاجة أهم حاجة شوية مذاكرة مش اكتر وتركيز

وجداول المذاكرة والكلام دا يعنى مش اوى اصل بعد شوية مش هتلتزمى بيه اوى

اهم حاجة مذاكرة اول باول وحل كتيير بس مش زى الاخ اللى بيقول ذاكرت 3 و4 ونص خمسة هوا أكيد تعب فبهم جدا لأنه مركزش من الأول

هيا الحكاية كلها سنة واحدة هيا اللى هتحدد بعد كدة داخل ايه

لكن بقى نظام الخوف ومواعيد جدول المذاكرة لازم بالضبط والكلام دا كل الحاجات دى ممكن تأثر سلبى

أنا من رأيى ان احسن ساعات مذاكرة تكون بعد ما تصحى من النوم فى اى وقت مثلا نمت بدرى وصحيت الساعة 2 بليل دا اهدا وقت تذاكر فيه وبعد الفجر برضه جميل جدا

لكن بالنهارالواحد كان مقضيها دروس ومذاكرة قبل الدروس والحاجات دى

بس مش تعتمد على مذاكرة الدروس والاجابات والاستاذ يقولك شاطر والكلام دا لا خالص

اهم حاجة مذاكرتك بينك وبين نفسك زى مثلا التلخيص والحل الكتيير ومرااجعة المواد

وبس مش هطول اكتر من كده

السلام عليكم و رحمة الله و بركاته
أوافق الأخabob
و على فكرة أنا ما أخدتش درس خالص فى حياتى
و معتمد على المذاكرة و الحل الكثير بالمجهود الشخصى
و أن المعلومة اللى بتيجى بعد عناء لا يمكن أن تنسى حتى بعد الأنتهاء من الدراسة نهائياً
و أنا بدأت أذاكر من أسبوعين
و الحمد لله خلصت( أول وحدة فى الانجليزى و أول درس فى(الاستاتيكا ، الديناميكا ، الهندسة الفراغية ، التباديل ، الفيزياء ، الكيمياء ، الأحياء ، النحو ، تفسير سورة محمد ، التوحيد)
فإن شاء الله المذاكرة المبكرة تؤتى ثمارها
فى حاجة فى كلامى غلط يا جماعة؟
السلام عليكم

لا غلط جدا انك تبدأ بالطريقة دى صدقنى هتزأ بعد شوية

طبعا انت اكيد بتاخد دروس فى المواد العلمية فيزيا وكيميا ورياضة وانجليش واحياء دا مهم

لكن المواد الشرعية مش اوى والعربية مش هتفرق لأنة بيكون استاذ واحد بيدى كل المواد العربية

على أد ما الدروس مهمة بس المذاكرة برضه أهم الدرس دا عليه يفهمك المادة وخلاص كويس وانت تذاكرها بطريقتك لأن دا هيسهل علييك كتيير

المذاكرة البدرى يعنى لو متأكد اللى انت مش هتزأ خالص كمل لكن لو هتزأ لا بلاش وذاكر براحة خالص انت لسه قدامك السنة طويلة

لأنى جيت فى اخر شهر كده ومليت من المواد شوية مش من المذاكرة لأنك هتفضل اخر كام شهر تراجع وتراجع فممكن تزهأ شوية

بس عادى اعمل اللى على راحتك واللى انتا متعود علية

ياجماعه مش شرط انك نخلص اهم حاجه انا خلصت ازاى وازاى هاعرف اجاوب على الامتحان
فيه كتير حافظ المواد لكن مش بيجيب مجموع واكيد دولت الل اخواننا بيقولوا عليهم فى الاول
اهم حاجه بجد حل التمارين زى ماقولت وانا كنت اتكلم فى الموضوع ده قبل كده وعلى فكره انا قصدى بمذاكره شهره 3 و 4 ان ماكنتش اعرف حاجه لاء انا كنت متابع بذاكر الدرس بدرسه واراجع بعد كده وبرضو دى امكانيات بتختلف من طالب لطالب انا حبيت اوضح كلامى عشان ماحدش يفهمه غلط وانه مايذاكرش غيير فى شهر 3 او 4 بس لازم تكون داخل فاهم ان الثانويه دى مش حاجه
ثم انك هاتطلع منها وتقول انها تافهه

السلام عليكم و رحمة الله و بركاته
شكراً للأخ abob
أنا مخدتش درس خالص لا فى ثقافى و لا فى غيره
و لو حصل و جاتلى فترة زهئ المذاكرة المبكرة هتعوض الوقت ده إن شاء الله
و أعجبنى قولك (المذاكرة برضه أهم) لأن ياما فى ناس أخدت دروس و مش ببتذاكر و كانت النتيجة........؟
و من رأيى أن المذاكرة الشخصية هيه اللى بتحدد برده
و بالنسبة للمواد الثقافية عندى فى المادة الواحدة من 3 إلى 4 ملخصات من المصرح بها مش المنقولة (لا أقصد الاهانة لأحد)
فأقوم بقراءة الدرس من عدة ملخصات و اللى ملقتهوش فى الملخص ده بلاقيه فى التانى و نفس الكلام بالنسبة للمسائل الصعبة
و شكراً مرة أخرى على النصيحة الغالية

السلام عليكم و رحمة الله

ان شاء الله خير و ربنا ييسر
و نجاح 3 او 4 فقط من المعهد ليس مقياس ان المواد صعبه
لم لا ننظر للاوائل و اللى حاصلين على 99 و 98 %
ربنا ييسر ان شاء الله لنا جميعا
و كل شئ بقدر
و ان الله لا يضيع أجر من أحسن عملا
يعنى المهم نعمل اللى علينا
و ربنا ( العدل )
لا يضيع اعمالنا ولا يرضى بالظلم


ربنا يوفقنا جميعا و جميع طلبه و طالبات المسلمين

السلام عليكم و رحمة الله و بركاته
شكراً للأخ abob
أنا مخدتش درس خالص لا فى ثقافى و لا فى غيره
و لو حصل و جاتلى فترة زهئ المذاكرة المبكرة هتعوض الوقت ده إن شاء الله
و أعجبنى قولك (المذاكرة برضه أهم) لأن ياما فى ناس أخدت دروس و مش ببتذاكر و كانت النتيجة........؟
و من رأيى أن المذاكرة الشخصية هيه اللى بتحدد برده
و بالنسبة للمواد الثقافية عندى فى المادة الواحدة من 3 إلى 4 ملخصات من المصرح بها مش المنقولة (لا أقصد الاهانة لأحد)
فأقوم بقراءة الدرس من عدة ملخصات و اللى ملقتهوش فى الملخص ده بلاقيه فى التانى و نفس الكلام بالنسبة للمسائل الصعبة
و شكراً مرة أخرى على النصيحة الغالية


بس الدروس مهمة شوية بص لو عند ميل على الياهو او هوتميل دا ميلى على الاتنين

robin_hoad20

السلام عليكم

انا بدات دروس من يومين بدات بالتفاضل بيقولوا اسهل حاجه

ان شاء الله هاخد فى المواد العملميه والعربيه

والميراث هاخده بس مش دلوقت

بس اكتر حاجه يتخاف منها الفيزيا والرياضيات فلازم الواحد يحل كتي ويتدرب على الاسئله

الشرعى سهل بعون الله

ربنا يستر

ان شاء الله خير ..........استودعكم الله الذى لاتضيع ودائعه

محدش لو سمحتم يحط اميلات فى المواضيع علشان ده مخالف
******************

وان شاء الله ربنا معانا
وهيكون كل حاجه سهله باذن الله

يا جماعة هو الواحد المفوض يزاكر كام ساعة بتركيز فى اليوم

يا جماعه فى حصص على بوابه التفوق لتالته ازهر هيعملوها بس عايزين يعرفوا العدد

يا ريت تسجلوا

انا\متشكر\علي\الردود\الجميله\دي#لاكن*انامش#عارف&اذاكر*في%الاجازه

انا قراءه كل الردد كلام جميل جدا ولكن السنه دى تحديد مسير لا اكثر ولا اقل لا اقصد الاستهانه بها ولكن من يريد ان يكون شىء فى المجتمع فليسبت نفسه فى هذا العام والثانويه الازهريه سهلاااااااااااااااا وللعلم انا فى الصف الثالث الثانوى العلمى ورقمى074849450_0171255829 لاى استفسار او اى طلب او مساعده اخوكم عبدالرحمن

انا طالبه فى تالته ثانوى ازهرى ........وخيفه اووووووووووووووووى ونفسى اعمل جدول للمذكرة ومش عارفه ممكن حد يساعدنى

10 نصائح للطلبة قبل الامتحانات
1- نية كبيرة : فرق كبير بين أن تذاكر لمجرد النجاح والشهادة وبين أن تذاكر بنية فهم وتفوق لتنصر دينك وتنهض بأمتك، أن النوايا الكبيرة تدفع أصحابها لبذل مجهود اكبر من قدراتهم الاصلية، فاذا اردت أن تفجر طاقتك الكامنة فاجعل لنفسك نية كبيرة في المذاكرة.


2-همة عالية : وأقصد بها أن ترود نفسك وتصر عليها وتعزم عليها أن تجلس لساعات طويلة مع المكتب والكتاب دون سام أو ملل، فالهمة العالية قرار تتخذه وتصر عليه فتجد نفسك تدريجيا قادر على تنفيذه، وقد تتعجب من نفسك كيف استطعت أن تذاكر هذا الحجم الكبير من الساعات ... انها همة سبقتها نية.

3-ذاكر في جو هادئ : ابتعد عن كل ما يحول دون التركيز واتفق مع اهلك على توفير هذا الجو الهادئ وإذا كنت تذاكر مع زميل او صديق فاشترط عليه الحرص على هذا الجو الهادئ.

4-نظم وقتك : اجعل لنفسك جدول مذاكرة بالايام والساعات وحدد فيه ما الذي تريد أن تنجزه وأجعل هذا الجدول واقعياً ومتوزاناً ويشمل أوقات الراحة والترويح عن النفس وضع هذا الجدول في مكان واضح في حجرتك وتابعه يوماً بيوم ، ولا مانع من تعديله باستمرار دون يأس إذا أخفت في تنفيذه بدقة.

5-اجعل وقت للترفيه : اجعل الترويح عن النفس له نصيب يوميي من وقتك ولكن بشكل مقنن ومحدد بحيث لا تفقد تركيزك ويضيع يومك أثناء الترويح عن النفس، بل تعتبر أن هذا الترويح هذا من برنامج المذاكرة فلا تفقد تركيزك.

6-أقرا قران يومياً : ولو صفحات قليلة، فالقران طاقة نفسية هائلة يمدك بطاقة ربانية تعينك على التركيز وتدفع فيك الأمل.

7- لا تتوتر مهما حدث : فلن يفيدك التوتر، بل قد يفقدك القدرة على التركيز ولكن مادمت تذاكر فتعلم معنا التوكل على الله، فدع الأمر لله ولا تقلق فلا تذاكر بجدية.

8- مارس رياضة المشي : لو نصف ساعة يومياً، فالمشي تنشيط للنفس ورياضة مفيدة للبدن، بالاضافة أنه ليس رياضة عنيفة تصيبك بالارهاق ، وأعتقد أن هذه الرياضة ستعينك بشدة طوال اليوم ، وستحافظ على وزنك خاصة أن بعض الشباب ياكل بشراهة أثناء فترة المذاكرة ، وسيحافظ عليك المشي.

9-أغلق موبيلك أثناء المذاكرة

10-اجعل لنفسك دعاء يومي بالنجاح والتفوق : يجب أن توقن أن الله يستجيب الدعاء، كما أن الدعاء يعيطك الأمل ويحفزك لمزيد من بذل الجهد، كما أوصيك بشدة أن تطلب من والدتك ووالدك أن يدعو لك ، فدعاء أمك لك باب عظيم لاستجابة الله سبحانه وتعالي.

ربنا يبارك فيكم على كول الكلام ده

بجد هديتونى من الرعب الى كان جوايا والقلق

وانا كمان مش باخد دروس خالص وعمرى ما اخدت دروس

بس ده غصب عنى مش بايدى علشان بابا هو الى رافض

موضوع الدروس ده نهائى بس انا مشكلتى انى بذاكر وبحل

تمارين كتير وكل حاجه وفاهمه الى بذاكرو كويس مش بحفظ وبس

لكن عندى احساس انى ساعت الامتحان مش هعرف احل ولا حاجه

وان الامتحان هيبقى صعب ومش هحل وكل الى بعملو هيضيع

انا بحافظ على صلاواتى وبقرأ قران كل يوم بس مش عارفه ليه

الاحساس ده ليه يمكن علشان انا لوحدى وكل اعتمادى على

نفسى وبس ادعولى كتير اوى اوى

ربنا يبارك فيكم

ربنا يوفقنا جميعا نورتوا الموضوع بردودكم

السلام عليكم
اولا انا مش بحب الاستهانة باى حاجة مهما كانت هايفة ولا باحب تكبير الموضوع
كل انسان ليه طريقته فى التحصيل والمذاكرة وكل مادة وليها طريقتها انا فى تالته ازهر
وشايفة ان اهم حاجة الثقة بالله والهدف العالى

ان الله لا يضيع اجر من احسن عملا
انا بقى غصب عنى بدأت دروس من شهر 7
وانا ف علمى
وبداتها مذاكره طحن ودلوقتى بقالى شهر نايمه ومش بذاكر الا عشان الدروس وحاسه انى هضيع
وكمان انا دخلت علمى مش بايدى والضغوط اللى حوليا هتجننى
ارجوكم ساعدونى اعمل ايه والم اللى الباقى ازاى
مع العلم انى ماليش هدف خالص
كان نفسى ف صيدليه لكنى بتأثر بكلام الخارجين اللى بيلعنوا اليوم اللى دخلو فيه صيدله
فمبقاش عندى اى هدف
اعمل ايه لانى بنهاااااااار

ايييييه ياحبيبتى الياس اللى انتى فيه والاحباط ارحمى نفسك واستهدى بالله كدة ومالكيش دعوة بكلام اى حد وربنا يوفقك ان شاء الله

we must be optimistic and face hard thing not only in the 3rd sec but in every moment in live*
N2n97

انا داخل تالتة السنة دى
واللة انا مرعوب زيك باظبط

انا لسه داخل تالته وقرأت الكلام السابق بس من فضلكم جميعا ياريت كل واحد يقول طريقة مزاكرته واخطائه ونصائحه في ملخص بجانب مجموعه الكلي ان شاء الله و كله في ميزان حسناتكم وربنا يصلح حالكم ارجو الرد

بجد توبيك هايل
انا بقه داخل 3 ثانوى واللى انا خايف منه
ازاى ارتب المواد فى المذاكره فياريت اى حد ينصحنى

والله يا محمد انا قلقانه مووووووووووت زيك

السلام عليكم و رحمة الله

ان شاء الله خير و ربنا ييسر
و نجاح 3 او 4 فقط من المعهد ليس مقياس ان المواد صعبه
لم لا ننظر للاوائل و اللى حاصلين على 99 و 98 %
ربنا ييسر ان شاء الله لنا جميعا
و كل شئ بقدر
و ان الله لا يضيع أجر من أحسن عملا
يعنى المهم نعمل اللى علينا
و ربنا ( العدل )
لا يضيع اعمالنا ولا يرضى بالظلم


ربنا يوفقنا جميعا و جميع طلبه و طالبات المسلمين

الله يخليكي رفعتي معنوياتي.. يعني 98 من الاوائل
في ناس مش عاجبها مجموعي عشان مش جايب طب

بجد هوه 98 ميلحقش طب؟

لسه التنسيق مش نزل

ايه ياجماعة انابدات وخلصت دلوقت 3وحدات انجليزىوفصلين قصة و1ونص كيمياء و1ونص فيزياء و1ونص احياء والعربى خلصت النداء فى النحو و3دروس بلاغة و3صرف و4ادب ونص ايليا ابو ماضى و6دروس فقه و4 تفسير والرياضة اخدت فيها درسين من كل باب بس

http://www.thanwya.com/vb/life/icons/icon111.gifانا فى المدرسة عندى الاولى جابت 99,4 وكانت الرابعة على الشرقية......ومن كام سنة حوالى سنتين كان عندنا 6بنات دخلو طب وواحدة صيدلة واتنين هندسة دول من اصل 17 بنت وكدة طبعا انا متفائلة وكمان المدرسين فى مدرستنا بيقولو ان دفعتى احسن من دول كمان على فكرة لازم التفائل والاعتماد على الله مهما حصل وده اللىقالى عليه استاذى القدير الشيخ هشام وده تلميذ الشيخ الالبانى وكمان كان زميل الشيخ ابو اسحاق الحوينى باركلىفيه يارب انا تالتة ثانوى ازهر السنة دىhttp://www.thanwya.com/vb/life/icons/icon111.gif

السلام عليكم انا خلصت 3 ثانوي السنادي وجبت 93 اللي محتاج اي استفسار عن السنه دي انا ان شاء الله هساعدكم بس كان نفسي اقولكم نصيحه مهمه خلي بالكوا من الطلاب اللي شغلتهم في الحياه يحبطوا اصاحبهم لاني واجهت ناس كتير كده وكانوا يسالوني عملتي ايه في المذاكره عشان بس يقولولي ان ده قليل بالنسبه للاخرين وان الوقت راح وسبحان الله دول جابوا في السبعينات( كنت مغشوشه فيهم) وربنا معاكوا ويارب تدخلوا اللي نفسكوا فيه

انا انصحكم كلكم انكم تخلوا كل الدروس الصبح بدري عشان لما الدرس بيكون العصر بياكل اليوم وكمان المخ الصبح بيبقي صافي ومستوعب كل حاجه

واخيرا وليس اخرا جدول مذاكرتي يومالجمعه كنت بذاكر فيزياء لان درس الفيزياء يوم السبت السبت كنت بذاكر احياء بعد درس الفيزياء الاحد كنت بذاكر رياضه عشان درس الرياضه كان الاثنين الاثنين كنت بذاكر كيمياء وطبعا كميه قليله لان درس الرياضه بعد الظهر وعقبال ما بيخلص يبقي بعد العصر ده بوقت التصوير يعني يدوب انام من التعب الثلاثاء والاربعاء كنت بذاكر مواد عربي او شرعي حسب استيعابي وقتها خميس كنت بذاكر انجليزي واراجع كلمات النهج كله واراجع القصه والواجب لان درس الانجليزي يوم الجمعه للعلم انا كنت باخد دروس في الفيزياء والرياضه والانجليزي فقط لان مفيش وقت لاي درس تاني وعلي فكره انا مرحتش المدرسه خالص لاني مكنش عجبني مدرسين ومدرسات الفصل وقولت مدام اغلبهم مش عجبني يبقي اريح نفسي احسن من المشوار علي الاقل اتمني ان تستفيدوا من جدولي ونصائحي واي حد عاوز اي استفسار يبعت وانا ان شاء الله هرد عليه والسلام عليكم

ربنا يوفق الجميع يااااااارب

السنه من اسهل ما يمكن كماده علميه لكن الاصعب هي قوة الاعصاب
وبالتوفيق

ربنا يوفقكم شدوا حيلكم

ربنا يستر شكرا للاخ الغزالى
فعلا عندك حق فى كل كلمة

أنا كمان الحمدلله ف تالتة ومع اني برضه خايف بس احب اطمنك احنا معهدنا مع ان عدده صغير الا ان الحمد لله في واحد جايب 100.5 في المائة وبقية الطلبة كويسين برضه اهم حاجة رضا ربنا ورضا اهلك عليك وانك تعمل اللي عليك وربنا هيديك على قد عملك وفي النهاية

(قل لن يصيبنا إلا ما كتب الله لنا )

ربنا معانا كلنا

ماشاء الله عليكم ياجماعة بجد كلامكم يفرح ويطمن جدا ... وانتو كده بتعملو كلام النبى ( صلى الله عليه وسلم ) ... لأنه قال ان اللى عنده علم بأى حاجة مفيده مايبخلش بيها على حد ..

ربنا يوفقنا جميعا ... واقولكم السر فى كلمتين ..... ::::

هات أخرك ف المذاكره .... وماتقصرش عشان ماتندمش ... واستعين بالله


ايمان .. طالبة بالصف الثالث الثانوى الازهرى ... علمى ... وهبدأ دروس بكرة بإذن الله ... وده اخر يوم ع النت .. دعواتكم

يارب معانا كلنا

يارب اعنى على طاعتك ورضاك
يارب اعنى على حفظ دروسى
يارب حقق امنيتى

محمود طالب بالصف الثالث الثانوى الازهرى علمى
ادعو لى
يــــــــــــــــــــــارب

انا معاكم فى كل الى قولتوه انا معاكم وزى ما انا هحكيلكم انا داخل 3 ث ازهر انا عارف ان كل الناس فاهمه ان الازهر حفظ بس وافكك من اى حاجه تانيه طب انا موافق بس علشان تحفظ لازم تفهم علشاان لو جالك حاجه لفه تعرف تجيبها بعدين انا بروح دروس فعلا فى كل المواد بس الاختلاف انك بتروح عند مستر بيهتم بيك ومشتر بيقضيها انا عملت كدا من اول يووم الى احس انى مش فاهم منه اروح لعيره ومش عيب يعنى انا الحمد لله ربنا وفقنى لمدرس رياضه وفزيا ماشاء الله يعنى حتى متال المستر بتاع الرياضه اول جزئيه فىا لجبر التباديل والتوافيق قالك دى لازم نقطتين فى الامتحان ب 4 درجات بناخد تمارين كتير بنحل نماظخ من 1993الى 2008
يعنى لو مسئله ايه هجبها وقال انى احناكدا معانا 4 درجات وهكذا مع باقى المواد

شكرا علي الافاده بس في حد داخل تالته ازهر ادبي

انا فى 3 ث ممكن اعرف ايه اللى بيخلينى بكسل على المواد الشرعيه
ممكن حد ينصحنى