مفاجأة في قبول الجامعات


ارتفاع الحد الأدنى للكليات العلمية 1.3% وانخفاض الأدبية 1.2%


الطب 98% والأسنان 97.5% والصيدلة 96.7% والهندسة 92.1%


تؤكد مؤشرات تنسيق القبول بالجامعات أن هناك مفاجأة جديدة هذا العام‏,‏ تتمثل في ارتفاع الحد الأدني للقبول بكليات القسم العلمي‏1.3%,‏ وانخفاضه في القسم الأدبي‏1.2%,‏ ويأتي هذا الارتفاع بعد أن انخفض مؤشر التنسيق في العام الماضي ـ لأول مرة منذ‏20‏ عاما ـ‏.‏

ووفقا لهذه المؤشرات‏,‏ سيكون الحد الأدني للطب‏98%,‏ والأسنان‏97.5%,‏ والصيدلة‏96.7%‏ والعلاج الطبيعي‏96.4%,‏ والتعدين والبترول‏98.4%‏ والهندسة‏92.1%,‏ والحاسبات‏91.1%,‏ والاقتصاد والعلوم السياسية‏94.2%,‏ والإعلام‏94%‏ والألسن‏91.9%.‏

وصرح الدكتور هاني هلال وزير التعليم العالي والدولة للبحث العلمي بأن المرحلة الأولي للتنسيق سوف تبدأ بعد غد‏,‏ وتستمر خمسة أيام‏,‏ بحد أدني‏380‏ درجة لطلاب القسم العلمي‏,‏ و‏328‏ درجة لطلاب القسم الأدبي‏.‏

وقال السيد عبدالحميد سلامة الوكيل الأول بوزارة التعليم العالي المشرف العام علي مكتب التنسيق‏,‏ إن الموقع الإلكتروني سيكون مفتوحا علي مدي‏24‏ ساعة للطلاب الذين لديهم حاسبات آلية شخصية‏,‏ أما بالنسبة لمكتب التنسيق الرئيسي بالقاهرة وفروعه بالمحافظات‏,‏ فقد تم توفير حاسبات بها من التاسعة صباحا وحتي الخامسة مساء‏,‏ مع تزويدها بمجموعة من الخبراء لمساعدة الطلاب علي تسجيل الرغبات‏.‏

وقرر المجلس الأعلي للجامعات قبول أعداد العام الماضي نفسها بالجامعات‏,‏ وعددهم‏276‏ ألف طالب وطالبة‏,‏ مع مراعاة تخفيض أعداد المقبولين بكليات الطب هذا العام بنسبة تتراوح بين‏12%‏ و‏15%‏ عن العام الماضي‏,‏ وزيادة المقبولين بكليات الهندسة بنسبة تتراوح بين‏7%‏ و‏9%.‏

وسنوافيكم بالمزيد بإذن الله

شكرا
بس دي اخبار مش حلوه والله ربنا يستر

هوه الكلام ده مؤكد ؟
مش المفروض التنسيق بينزل بعد تقديم الرغبات

ياعم الكلام ده مش حقيقي يعني انا جايب 373.5 يعني تقريبا 91.09756

ولما نقرب الرقم ده هنلقيه 91.1 يعني هادخل حاسبات؟؟؟؟؟

الله اعلم ثم الكلام ده علي اعلي درجه للكليه ولا اقل درجة

ارجو الرد

هوه الكلام ده مؤكد ؟
مش المفروض التنسيق بينزل بعد تقديم الرغبات
طبعا دى مؤشرات فقط
وبعد التقديم بيكون فى اعلان
رسمى عن المجموع الفعلى .
وموفقين جميعا بامر الله

شكرا بس المؤشرات دي مش حلوه

يا جماعه اكتب رغباتك حسب ما انت عاوز وسيبها ع ربنا

شكرا الكلام ده طمني كتير
انا 93% وعلي نار
مش عارف هلحق هندسه ولا لا
ياريت لوحد عنده فكره يرد عليا

ياسيدى اطمن انشاء الله تدخل مجموعك 380 ابشر بقولك هتدخل انشاء الله واى جامعه انتى محتاجها ولك التوفيق

تماااااااام
يارب يطلع التنسيق كده
او اقل حاجه بسيطه

الكلام ده توقعات صح ؟عشان لو حقيقى يبقى انا رحت فى داهيه

هى اعلام واسن بياخدوا من علمى؟
ارجو الرد

ربنا يستر طيب هقول خبر اوحش قريتة فى المصرى اليوم

أعلن مكتب التنسيق أمس، عن بدء المرحلة الأولى لقبول طلاب الثانوية العامة بالجامعات هذا العام، بعد غد لمدة ٥ أيام، يسجل خلالها الطلاب بياناتهم على الإنترنت، بمعامل الكمبيوتر الموجودة بالجامعات على مستوى الجمهورية.وحدد المكتب قبول ١١٩ ألفاً و٣٨٩ طالبًا للمرحلة الأولى، بانخفاض ١٦٧٧ طالبا عن العام الماضى، من بينهم ٤٤ ألفاً و٤٧٣ طالبا للشعب العلمية، بحد أدنى ٣٨٠ درجة بنسبة ٩٢.٦٨% فأكثر بزيادة ١.٢٢% على العام الماضى، و٧٤ ألفاً و٩١٦ طالبا للشعبة الأدبية، بحد أدنى ٣٢٨ درجة بنسبة ٨٠% فأكثر، بانخفاض ١.٤٦% عن العام الماضى.وتوضح المؤشرات الأولية أن الحد الأدنى للقبول بكلية الطب البشرى سيكون ٩٨.٢%، وطب الفم والأسنان ٩٧.٣٦%، والصيدلة ٩٧.٦٠%، والطب البيطرى ٩٥.٥٨%، والعلاج الطبيعى بجامعة القاهرة ٩٦.٥%، بينما

جزاكم الله خيراااااااااااا....
.........عموووور............

ربنا يستر علينا كلنا

مرسيه قوي يارب استر

دا انا جايب 98.3% .... يعنى مش هلحق بترول وتعدين ولا إيه ؟؟؟؟

الكلية هتروح منى على 0.1 .... استرها يا رب

لو سمحتم بلاش التوقعات دى عشان بتبوظ الاعصاب
وارجو الرد هل الاعلام والالسن تنفع للعلمى؟

نشكركم يا ترى هذه توقعات ولا كلام حقيقى علشان نعمل حسابنا من دلوقت وما نعشمش نفسنا ونخرم ودانا ..........

انـــــــــــــت طمنــــــتنى
الله يكرمك

أنا جايب 376 يعنى 91.75% يا ترى ألحق أى هندسة أرجو الرد....:028ja7:

يا جماعه حد يرد عليا

انا رياضه جبت 94% بس يارب يرياحونا فى التنسيق عشان بجد تعبنا طول السنه

dah kdb w 3abt w isa el tansik y3la haga basita gdan w kol wahd yha2a2 elly ytmanah w haram 3lihom kfaya ba2a msh kfaya elly 3amaloh fina kaman hay3alo el tansik isa 5eeeeeeeeeeeeeeer

بعض الاسئلة ؟
الى اى مدى تعد مؤشرات الاهرام صحيحة ؟
هناك تناقض بين مانشر فى الاهرام وما نشر فى المصرى اليوم بخصوص تنسيق كلية الصيدلة
المصرى اليوم "(7و97)
الاهرام (7و96)
هل نصل الى درجة اليقين من هذا التنسيق
ام ان الكلمة الاولى والاخيرة للمكتب

رجاء :- انا الاحظ ان هذا القسم بلا مشرفين الناس بتخمن وتألف بلا مستند متمسكين بتنسيق العام الماضى
وطبعا بعدهم
هل ياترى انخفاض عدد المقبولين فى كليات القمة بالنسة لشعبة العلو م مجدى بالدرجة المرجوة ام ان الامر لم يؤثر من قريب او بعيد بقضية العمالة والبطالة
ليه البلد عايزة حرق دم للناس حتى طلا ب الثانوية العامة هما لسة شافوا حاجة
على العموم حسبى الله ونعم الوكيل

'طب انا واحده جايبه97 ومش عارفه هجيب صيدله ولا لا والله ده حرام

بيقولو عندي والله ان الاهرام جريده موثوق منها وان كلامها دايما صحيح

طب في حاجه دلوقتي انا عايزه استفسر عنها
وياريت حد يرد عليا
هو نهي الي بتاخد مجموع اعلي صيدله ولا اسنان
بالله عليكو حد يرد عليا بسرعه

طيب ما المصرى اليوم جريدة موثوق بها

الكلام ده توقعات صح ؟عشان لو حقيقى يبقى انا رحت فى داهيه

هى اعلام واسن بياخدوا من علمى؟
ارجو الرد

نعم طبعا الإقتصاد والعلوم السياسية والأعلام والألسن والآثار بتاخد برده من علمى وأنا كنت علمى رياضة وحاليا فى كلية الألسن الفرة الثالثة قسم إيطالى وإنجليزى وتقريبا مجموع القبول بكلية الألسن من علمى حوالى 92% بس خاللى بالك تحديد القسم داخل الكلية يعتمد على درجاتك فى الإنجليزى والفرنسى .......... بالتوفيق إن شاء الله.

نعم طبعا الإقتصاد والعلوم السياسية والأعلام والألسن والآثار بتاخد برده من علمى وأنا كنت علمى رياضة وحاليا فى كلية الألسن الفرة الثالثة قسم إيطالى وإنجليزى وتقريبا مجموع القبول بكلية الألسن من علمى حوالى 92% بس خاللى بالك تحديد القسم داخل الكلية يعتمد على درجاتك فى الإنجليزى والفرنسى .......... بالتوفيق إن شاء الله.




طيب انا جايبة 95.4

علمى علوم واكيد مش لاحقة حاجة فممكن تقولى الالسن افضل الاقسام فيها اية


وايى الاقسام الى شغلها كتير ومطلوب

وهل مجموعى يدخلنى

طيب انا جايبة 95.4

علمى علوم واكيد مش لاحقة حاجة فممكن تقولى الالسن افضل الاقسام فيها اية


وايى الاقسام الى شغلها كتير ومطلوب

وهل مجموعى يدخلنى

أعتقد قسم اللغة الإيطالية الآن من أفضل الأقسام من حيث الحصول على عمل مناسب فى السياحة، وبصراحة كل الأقسام حلوة وفى قسم الألمانى والأسبانى واروسى والتشيكى والإنجليزى وكمان الفرنسى بس ده لازم يكون اللغة الأولى فرنسى.
على فكرة اللى جايب درجة حلوة فى الإنجليزى ممكن يروح إنجليزى أو ألمانى أو روسى أو تشيكى واللى جايب درجة حلوة فى الفرنساوى ممكن يروح إيطالى وأسبانى ولكن الفرنساوى زى ما قلت لازم يكون اللغة الأولى فرنسى. ومبروك عليكى إن شاء الله وكلية الألسن كلية نظيفة جدا ومستوى راقى جدا وإحنا كلنا حتى بهيئة التدريس عائلة واحدة. وبالتوفيق للجميع.

طيب فرص عملها اكتر ولا سياسة واقتصاد

وعلى فكرة إنتى بتدرسى لغة واحدة أساسية ولغة ثانية والدراسة شيقة جدا جدا جدا .............. أنا لما ملحقتش الهندسة فكرت الدنيا خلاص إدتنى ظهرها ........ مكنتش عارف إن الخير كل الخير مستنينى فى الألسن. ولو حصل ودخلت الثانوية العامة تانى وجيبت 100% برده مش هروح غير ألسن ............ بالتوفيق للكل.

لأ مقدرس أقول مين إيه أحسن ألسن ولا إقتصاد وعلوم سياسية .............. المهم من ده كلله إنك تكونى بتحبى دراسة اللغات الأجنبية

انا جايبة 97.4% يترى الحق اسنان اوصيدلة بليز حد يرد؟

هوه الكلام ده مؤكد ؟
مش المفروض التنسيق بينزل بعد تقديم الرغبات

تمام بس دي أخبار أنا واثقة فيها من جريدة الأهرام

ربنا يسهلهالنا
انا خلاص
فقدت الامل
وعليه العوض

انا جبت 98.4 ومش عارف الحق طب اسكندرية ولا لأ ايه رايكم

ty ya basha mashkoor we ya rab el kalam da yekon sa7 sa3tha leek el 7alawa

يا جماعه الكلام ده مجرد توقعات
محدش يقلق

انا فعلا شفت الكلام ده في جريدة الاهرام
بس صدقوني يا جماعة دي مجرد توقعاااااات :040vk0:
واصلا ماتنسوش ان في مرحلة تانية وممكن تالتة .. وكمان في تفاوت بين المجاميع اللي بتقبل منها الكليات في مختلف المحافظات أكيد مش كل جامعة في كل محافظة زي التانية في المجاميع اللي بتقبل منها
وزي ماقولت ماتنسوش ان في مرحلة تانية وسعات تالتة
وكل حاجة بتبان بجد بعد نتيجة التنسيق :romarioxp6:
وربنا يقدم اللي فيه الخير ويوفقنا جميعا في الكليات اللي كاتبهالنا إن شاء الله :022yb4:

انا ادبي وجايب 84.3% ممكن اخش تجارة

انا ادبي وجايب 84.3% ممكن اخش تجارة
إن شاء الله تدخل تجارة لإن تنسيق الادبى نازل السنادى أنا كمان ادبى وجايبة90.5

طب في حاجه دلوقتي انا عايزه استفسر عنها
وياريت حد يرد عليا
هو نهي الي بتاخد مجموع اعلي صيدله ولا اسنان
بالله عليكو حد يرد عليا بسرعه

طب الاسنان السنة دى هياخد اكتر من الصيدلة عشان الاقبال علية جامد جدا وعلى فكرة الى اتنشر فى الاهرام صح 100% ان شاء الله عشان الاهرام جريدة الدولة الرسمية لكن المصرى اليوم جريدة معارضة

طب في حاجه دلوقتي انا عايزه استفسر عنها
وياريت حد يرد عليا
هو نهي الي بتاخد مجموع اعلي صيدله ولا اسنان
بالله عليكو حد يرد عليا بسرعه

اسنان طبعا

:excl:
أنا جبت 377.5 علمى رياضة يعنى 92.1% ممكن الحق هندسة أو فنون عمارة ......... أرجو الرد للاهمية الشديدة...............

طيب انا جايبة 95.4

علمى علوم واكيد مش لاحقة حاجة فممكن تقولى الالسن افضل الاقسام فيها اية


وايى الاقسام الى شغلها كتير ومطلوب

وهل مجموعى يدخلنى



بس اكتب فى رغباتك الاولى الصيدلة

خبر سعيدجدا جداجدا
فى الاهرام المسائى
د/هلال يعلن زيادة عدد المقبولين فى كليات القمة بسبب المجاميع التكرارية
وادعولى ادخل طب بشرى عين شمس

بس اكتب فى رغباتك الاولى الصيدلة

انا جبت نفس المجموع 95.4
اكيد هكتب الكليات الطبية فى الاول

بس حضرتك تقصد اكتب الصيدلة قبل الاسنان و الطب؟؟
اصلا متهيألى مش هنلحق منهم حاجة
عندى سؤال تانى
سياسة واقتصاد بتاخد كام من علمى؟؟؟

ان شاء الله الهندسة هتاخد من 75 فى الميه والله الواحد اتخنق واعصابه باظت هلحق لا مش هلحق لحد ما خلاص اتخنقت وكله بقى مفتى كله عمال يطلع توقعات تبوظ اعصابنا وخلاص طب يار يت الهندسة تاخد من 92.1 وتقل كمان ربنا يستر الواحد بجد اتخنق

يا ريت جماعة توقعات كليات التمريض ياخد من كام السنة دى...... يا ريت حد يرد

اللهم وفقنا لما تحبه وترضاه
اللهم مافيه الخير اكتبه لنا
الله نوِّل كل منا أمله

ىوىوىونغهنهنغهنفنفلهعع

انا جايبه 9608 علمى رياضه من دمياط ومش عارفه اكنتب اول رغبه هندسه المنصوره ولا حاجه تانيه عشان بيقولوا انها معقده جدا و صعبه يا ريت حد يدينى رايه عشان هكتب الرغبات اناهرده
:confused::confused::confused:

يا جماعه حد بليز يرد عليا:frown::frown::frown:

:abdoog8::abdoog8::abdoog8::abdoog8:
طب انا جبت 97.6 يا ترى هاطول طب ولا هافيص

:022yb4:سبوها على الله مفيش حد هياخذ اكتر من نصيبه

أنا جايب 376 يعنى 91.75% يا ترى ألحق أى هندسة أرجو الرد....:028ja7:
ان شاء الله هاتلحق انا جايب 91.47

قبل الامتحانات قعدوا يقولوا امتحان مش عارفة ايه هيجي صعب وامتحان ماده ايه سهل وف الاخر كله طلع تخمينات

والنتايج برضه قعدوا يقولوا المجاميع مرتفعة وشوية يقولوا لا دي هتنزل الارض وف الاخر كل واحد اخدت ع قد جهده

برضه التنسيق سبحان الله التخمينات شغالة برضه

يا اخواني سيبوها ع الله كلها اقل م اسبوع والنتيجة تظهر

واللي يقسمه ربنا ليك اقبله لان محدش عارف الخير فين

ا اخواني سيبوها ع الله كلها اقل م اسبوع والنتيجة تظهر

واللي يقسمه ربنا ليك اقبله لان محدش عارف الخير فين

على جميع الطلاب الرضا بالقضاء والقدر ، وعدم الاعتراض وعدم الحزن ؛فالله سبحانه لا يضيع أجر من احسن عملا ،وله حكمه في تصريفه لأحوال المخلوقات ومنها الطلاب فليس. الطب ولا الصيدلة ولا الهندسة نهاية المطاف، فمن حقق أحلامه فليحمد الله ،ومن لم يحالفه التوفيق يحمد الله ،وليعلم أن الله ـ عز وجل ـ سيكتب له الخير في مكان آخر، وسيعوضه وسيدخل عليه الفرحة، فليست كليات القمة نهاية المطاف. وفق الله ـ سبحانه ـ الجميع

يا جماعه ان شاء الله التنسيق هيبقى كويس و91.75 هيلحق هندسه فى اى مكان وادعولى التنسيق بتاع الازهر يبقى زى التنسيق ده

نفض وروح للموقع
http://klofeklo.ahlamontada.com

طب يا جماعة ممكن حد يدينى الرابط بتاع الموقع اللى منه اعرف ترتيبى على علمى رياضة على مستوى الجمهورية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اناجايب 95%يارب الحق هندسة الزقازيق انا اتوقع ان تنسيق الهندسة هذا العام لكليات الهندسة سوف ياخذ 92% دعواتكم لينا ] ان شاء الله ربنا يوفق الجميع

ادعو لنا ان يوفقنا الله

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ربنا يستر ياااااااااااااااااااااااااااارب
انا جايبه 92 ومش عرفه هدخل السن ولا لا
ربنا يستر

طيب انا جايبة 97.2 هالحق صيدلة ولا لأ

أنا _ الحمد لله _ عاشق للنبي _ صلى الله عليه وسلم _ لاتنسيها

أعجبني الاسم أكثر بكثير من الموضوع ان شاء الله وتعرفي على الحدود الدنيا للكليه في موقع التنسيق وستطمئني

انا الحمد لله أُعطيت 95.5 علمي رياضة

انا جايبه 9608 علمى رياضه من دمياط ومش عارفه اكنتب اول رغبه هندسه المنصوره ولا حاجه تانيه عشان بيقولوا انها معقده جدا و صعبه يا ريت حد يدينى رايه عشان هكتب الرغبات اناهرده
:confused::confused::confused:



الاحسن ليكي ان انتي تختاري اي هندسة غير المنصورة
انا من المنصورة والجامعة المنصورة معقدة هي و المعيدين بتاعها
فمنالاحسن تبعدي عن الشر:078111rg3:وتغنيله وتختاري حاجة تانية


وبردك كله براحتك مع احتترامي ليكي
:abdoog8::abdoog8::abdoog8::abdoog8::abdoog8::abdo og8::abdoog8::abdoog8:

ياربى لك الحمد كما ينبغى لجلال وجهك ولعظيم سلطانك

كن مطمئن جدا جدا ولا تفكر فى الامر كثيرا بل دع الامر لمن بيدة الامر من اقوال البا با كيرلس :d

ارجوكم ممكن حد يساعدني انا جايب 92.0 فهل ممكن الحق هندسه طاقه اللي ف اسوان دي
او الحق اي هندسه اصلي مش لاحق تنسيق مرحله اولي لانه من 92.68
قهل ممكن تبقي فيه اماكن ف كليات الهندسه بعد المرحله الاولي

ربنا يكرم كل طالب ويدخل الكليه اللى عاوزها

ارجوكم ممكن حد يساعدني انا جايب 92.0 فهل ممكن الحق هندسه طاقه اللي ف اسوان دي
او الحق اي هندسه اصلي مش لاحق تنسيق مرحله اولي لانه من 92.68
قهل ممكن تبقي فيه اماكن ف كليات الهندسه بعد المرحله الاولي


أكيد هندسة هتنزل مرحلة تانية لأن واحد صاحبي جايب 92.5 و ترتيبه 18000 و هندسة هتاخد 20300 يعني أكيد هتنزل عن 92.5 و احتمال تاخد من 92 لأن أكيد ال2000 الزيادة علي صاحبي هيبقوا حتي في 0.5 %

ماتقلقوش يا شباب طبقا لجريدة الجمهوريه انهاردةفيه اماكن فاضيه في هندسه وعلوم

شكرا على الخبر وربنا يوفقنا جميعا ان شاء الله