استفسارات عن هندسه المنصوره [الأرشيف] - بوابة الثانوية العامة المصرية

المساعد الشخصي الرقمي

مشاهدة النسخة كاملة : استفسارات عن هندسه المنصوره

soso2025

18-07-2009, 12:01 PM

ريناد2025

18-07-2009, 05:05 PM

:(ايه يا حماعة مفيش حد هنا هندسة المنصورة ؟

الاسطورة

18-07-2009, 05:20 PM

بصى انا ها ارد عليكى على قد معرفتى
الكلية مش صعبة ولا حاجة هى محتاجة مجهود (طبعآ مافيش حاجة سهلة )
بالنسبة بقى لهندسة قسم حاسبات واتصالات وكلية حاسبات ومعلومات
شوفى هى دى حاجة ودى حاجة
اى نعم فى حاجات مشتركة
بس حاسبات اكتر تخصص ف السوفت وير
لو ها تختارى انا انصحك بحاسبات (انا عن نفسى اختارتها)
بس برضو هندسة جميلة قوى
وبالتوفيق ليكم كلكم

LATICS FAN 2008-2009

19-07-2009, 07:03 PM

انا جايب 387.5نسبه 94.5 ممكن الحق هندسه المنصوره ولا ا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

AhMeD_EnG

20-07-2009, 12:03 AM

انا جايب 387.5نسبه 94.5 ممكن الحق هندسه المنصوره ولا ا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

إن شاء الله تلحق هندسة بإذن الله

AhMeD_EnG

20-07-2009, 12:07 AM

اعتقد قسم حاسبات و نظم فى هندسة جاااامد

و ده لينك الكلية خش و اقرأ عن الاقسام
http://www.mans.eun.eg/faceng/arabic/

EnG.Mohammed

20-07-2009, 03:06 AM

هوا محدش بيتكلم عن مدني ليه هوا قسم تعبان اوي كده ؟؟؟؟

انا جايب 386 حلحق المنصوورة باذن الله ولا ايه النظام ؟

زهره الخريف

20-07-2009, 12:18 PM

السلام عليكم و رحمه الله وبركاته
انا كنت عاوزه اسأل اللى فى هندسه المنصوره عن نظام الكليه
وهل هيه معقده ومكلكعه وتقيله على القلب ولا لا ؟
و الدكاتره طيوبين كده ولا هيخلونا نندم ان احنا دخلناها ؟
ياريت تقولولنا اسامى الدكاتره و طريقه كل منهم
يعنى من الاخر هرتاح فيها وللا ادور على حته تانيه ؟
وانا كنت عاوزه ادخل قسم اتصالات او حاسبات
فهل هندسه فى الاقسام دى مش متخصصه اوى وحاسبات ومعلومات متخصصه عنها ؟
ومين اللى ليه الاولويه فى التعيين خريج هندسه قسم حاسبات او اتصالات وللا خريج حاسبات ؟
ولو فيه اقسام احسن ياريت تفيدونا
بس كده
معلش طولت عليكم
thanks
او ب اليابانى arregato

وعليكم السلام ورحمه الله وبركاته
انا هندسه المنصوره وان شاء الله تنورونا
هندسه المنصوره مش معقده ولا حاجه
اي كليه في الدنيا عشان تنجح او تجيب تقدير لازم تذاكر
اما من ناحيه التعقيد مفيش تعقيد والحمد لله وكل اللي محتاجه مزاكره وتركيز
بس اكيد هيبقي اقل من مزاكره الثانويه العامه بمعني انه مش هيبقي في ضغط علي اعصابك
والدكاتره ما شاء الله طيبين وهيساعدوكم في اي حاجه تحتجوها
وكمان بيعملو لقاءات طلابيه كل اسبوع وفي بدايه الدراسه بيعملو لقاءات كتيره عشان لو
اي حد عنده شكوي او اقتراح يقول عليه
وبجد هتلاقي مجموعه من الدكاتره والمعيدين يتمنوا انهم يساعدوك
وان شاء الله هترتاح في كليه هندسه جامعه المنصوره علي الاخر
اما بالنسبه للتخصص والاقسام فبيبقي بعد اعدادي وحسب مجموعك في السنه الاعداديه
قسم حاسبات وتحكم انا ان شاء الله ناويه ادخله ومن الكلام اللي سمعته عنه انه جميل
ومفيد لان كل المستقبل هيبقي عباره عن تكنولوجيا
واي استفسار تاني انا موجوده

زهره الخريف

20-07-2009, 12:22 PM

هوا محدش بيتكلم عن مدني ليه هوا قسم تعبان اوي كده ؟؟؟؟

انا جايب 386 حلحق المنصوورة باذن الله ولا ايه النظام ؟

ان شاء الله تلحقها

AhMeD_EnG

20-07-2009, 12:31 PM

وعليكم السلام ورحمه الله وبركاته

انا هندسه المنصوره وان شاء الله تنورونا
هندسه المنصوره مش معقده ولا حاجه

واي استفسار تاني انا موجوده

بما أن حضرتك فى هندسة المنصورة

أذن يا ريت حضرتك تعملى موضوع تكلمينا فيه عن هندسة المنصورة و يا ريت تفيدينا شوية عن الاقسام و الادوات اللى ممكن نستخدمها فى اعدادى
وابقى كده تعبتك معايا أوى
بس ربنا يجعله فى ميزان حساتك بإذن الله

و إن شاء الله نكون معاكوا السنة الجاية

masternew

21-07-2009, 01:46 PM

:022yb4:السلام عليكم و رحمه الله وبركاته
انا كنت عاوزه اسأل اللى فى هندسه المنصوره عن نظام الكليه
وهل هيه معقده ومكلكعه وتقيله على القلب ولا لا ؟
و الدكاتره طيوبين كده ولا هيخلونا نندم ان احنا دخلناها ؟
ياريت تقولولنا اسامى الدكاتره و طريقه كل منهم
يعنى من الاخر هرتاح فيها وللا ادور على حته تانيه ؟
وانا كنت عاوزه ادخل قسم اتصالات او حاسبات
فهل هندسه فى الاقسام دى مش متخصصه اوى وحاسبات ومعلومات متخصصه عنها ؟
ومين اللى ليه الاولويه فى التعيين خريج هندسه قسم حاسبات او اتصالات وللا خريج حاسبات ؟
ولو فيه اقسام احسن ياريت تفيدونا
بس كده
معلش طولت عليكم
thanks
او ب اليابانى arregato

اهلا وسهلا بأحلى ناس :022yb4::022yb4:

بصراحة المنتدى ده كان له فضل عليا السنة الى فاتت لما كنت لسه بفكر ادخل هندسة المنصورة
فأن شاء الله ارد الجميل واجاوب على كل الاستفسارات بخصوص هندسة المنصورة بعد ما قديت فيها سنة كاملة تعتبر فى حياتى ب1000 سنة :d:d

اولا بخصوص الدكاترة فمعظم دكاترة اعدادى كويسين ....انما ده ميمنعش ان ممكن تقابلى دكتور ولا اتنين ميعجبكيش...........لو عاوزه تعرفى الاسماء و صفات الداترة ممكن ابقى اعمل موضوع خاص بدكاترة اعدادى هندسة المنصورة (و بالصور كمان)

ثانيا موضوع هترتاح ولا لأ ده بيعتمد فى الاساس على الطالب لان ممكن يكون موضوع الغربة مأثر شوية وكمان (محدش داخل هندسة عشان يرتاح -مضى زمن النوم-)

بس بصراحة برده عاوز اقولك حاجه مهمة عن الجامعة عامتا ......دلوقتى لما كنت فى ثانوى محدش كان بيعتمد على التعليم الحكومى .....الدروس الخاصة كانت هى الاساس ....فتقريبا فى ثانوى كنا بنتعلم فى القطاع الخاص فممكن تحس بالفرق لما تروح الجامعة وترجع للقطاع العام الحكومى فى التعليم و تفتكر مساوئ الحكومة فى الادارة و التنظيم و الموارد و الامكانيات الضعيفة

ثالثا موضوع الاقسام .....

فى المنصورة فى قسم اسمه حاسبات ونظم تحكم .......وقسم تانى خالص اسمه اتصالات والكترونيات
بخصوص قسم حاسبات ونظم تحكم ده يختلف جداا عن كلية حاسبات ومعلومات لانك بتطلع منه معاك بكلريوس فى هندسة التحكم تقريبا .......طب ايه هو التحكم ده ؟؟؟ ده فرع من فروع الهندسة الكهربية بيهتم بكيفية التحكم بالالات والمصانع وبكل شئ حتى بالمفاعلات النووية....و مع ثورة التكنولوجيا تم ادخال الحاسب الالى ليكون الشريك الامثل فى اجهزت التحكم فى كل الالات فاصبح من الضرورى دراسة الحاسبات و البرمجه مع نظم التحكم باستخدام الكمبيوتر ....بس بصراحة ووهجة نظر شخصية القسم الى فى المنصورة مبيهتمش بعلوم الحاسب اوى لانه بيدرس معاها التحكم و عشان كده هو تقريبا اسمه قسم نظم التحكم مش حاسبات .....والله اعلم
و ده كلام هنقلهولك بخصوص القسم ده :

"
طبعا وبكل صراحه يا جماعه
معظمنا مش بقول كلنا
لكن معظمنا
داخل القسم ده ومش عارف هوا هيطلع يشتغل ايه
مش كده ولا كلامى فيه غلط؟؟؟
وفيه اللى دخله عشان الناس قالوله ده اريح قسم
وطبعا هوا شاف العكس طبعا لما دخل المحاضرات
وكمان ناس كتير مننا دخلوا القسم ده
عشان تقديرهم فى تنسيق اعدادى مجبش غير القسم ده
وناس مننا كتييييير
لما حد بيساله انت دخلت قسم ايه
يقوله حاسبات ونظم تحكم
فيقوله ايوه يعنى هتطلع تشتغل ايه
يقوله مممممممم مهندس تحكم
يقوله ايوه يعنى اييييييه؟؟؟؟؟؟
مش بيعرف يرد!!!!!
فبينجز ويقوله يعنى هشتغل فى مجال الكمبيوتر وكده
يقوم التانى الرخم يقوله يعنى تخلص وتروح تفتحلك سيبر
ايه القسم اللى انت دخله ده
انت اتهبلت
ما بتاع تجاره وبتاع حاسبات حتى بتوع المعاهد والاكاديمات
هياخدوا كورسات ويشتغلوا احسن منك
وطبعا كمان شكلك بيبقى وحش اوىىىى
وانت مش عارف ترد ........

اولا :

يا بشمهندسين فى قسمنا ده
انت مش اسمك فيه مهندس حاسبات
انت اسمك مهندس تحكم (control)
والحاسبات ده جزء منه
يمكن كل النااااس تقدر تعرف الحاسبات وانظمتها بكل ما فيها
وهوضح بعد كده
لكن نقطة التحكم دى خريج هندسه قسم تحكم هوا اللى بيعرفها ودى اللى بتميزه عن بتاع تجاره والاكاديميات !!!!

جميعنا يعرف تخصصات الهندسة مدني معماري بترول ------- كهرباء
تخصص الهندسة الكهربية من اصعب التخصصات واخطرها وينقسم الي العديد من الفروع مثل الباور والاتصالات و --------------

الي ان تصل الي التحكم الالي
تخصص هندسه التحكم الالي حاليا في العالم يعتبر هو فاكهه التخصصات لانه مزيج من الحاسبات والكهرباء والميكانيكا بصورة بسيطة

في الاول مامعني التحكم الالي وايه دخله في الهندسة الكهربية
التحكم الالي يعني بكل بساطة بناء نظام مستقر يخضع لقوانين تم وضعها مسبقا للحفاظ عليه في وضع الاستقرار مع مرور الزمن

انا عارف ان الكلام صعب لكن بكل بساطة مرة تانية مثال علي هذا الكلام
السخان الكهربائي في المنازل نلاحظ انه عندما يصل الي الmaxفي درجة الحرارة اللي متصمم عندها الmaxيفصل الكهرباء او التسخين بطريقة الية(اوتوماتيك)
واستخدامات هندسة التحكم الالي في الهندسة الاليكترونية والصناعة كبير جدا
طيب ايه هو دور مهندس التحكم
مهندس التحكم هو المصمم للنظام والتخصص ده محتاج خبرة عملية رهيبة لان الغلطة بفورة ازاي

مهندس التحكم الالي هو ال top في اي مفاعل نووي قبل مهندس النووي اساسا
لان لو حدثت مشكلة مهندس النووي حيعمل اي انما كل التفكير والمسئولية تكون علي مهندس التحكم

"

masternew

21-07-2009, 01:57 PM

و بخصوص قسم حاسبات فى القاهرة فهو يختلف عن المنصورة لانهم ما بيدروسوش فيه نظم التحكم خالص (بيدرسوها فى قسم الاتصالات والالكترونيات فى القاهرة) ففى هندسة القاهرة بتاخد بكلريوس فى علوم الحاسب الألى و ده يعتبر متخصص اكتر من المنصورة فى مجال الحاسب الالى

wafa2y

21-07-2009, 05:12 PM

masternew

21-07-2009, 06:30 PM

بسم الله الرحمن الرحيم

أولا إن شاء الله حضرتك تشرفي و تنوري هندسة المنصورة
بالنسبة للكلية
والله والله الكلية سهلة جدا و جميلة
و الدكاترة كلهم زي العسل و هتعرفي تتأقلمي معاهم
و محترمين و مش بيعقدوا الطلبة
هما بس في الأول عايزين يدخلوهم في جو الكلية و التغير من مرحلة لمرحلة
فبيخوفوهم بالكلام بس
و في الترم التاني بيبقوا ملايكة
ولو أي حاجة هتقف معاكي مكاتبهم مفتوحة طول ما هما موجودين
و مش هتحتاجي كورسات لو إنتي مجتهده و بتسألي المعيدين و الدكاترة
و كلهم معيدين محترمين
و بالنسبة لأسم الكلية
فهي مترتبة عالميا بعد عين شمس و قبل القاهرة
و شهادة أحسنم من أي شهادة في أي كلية و بيتختفوا
و طبعا مافيش مقارنة بين هندسة و حاسبات خالص
هندسة هي التوب
و حاسبات دي حاجة فرعية
و بالنسبة للبنات فأفضل قسم عمارة بس هو الوحيد اللي محتاج تقدير
و أحسن قسم للبنات
و بجد هتستريحي في الكلية عن أي كلية
علي الأقل كله بيحترمك في الكلية من أول الفراش لحد وكيل الكلية بيقولوك يا باشمهندسة
:d:d:d:d:d
hajmemachti
:078111rg3::078111rg3::078111rg3:

ايه الى بتقوله ده يا وفائى :stickjo4::stickjo4::stickjo4:!!!!!!!!!!!!!!!!!!!! !

دنتا معلش قربت تخرف :wacko::wacko::wacko:

ملايكة ايه و سهلة ايه و منصورة ايه الى قبل القاهرة

---------------------------------------------------------------------

دنا طبعا بهزر معاك متزعلش...... بس بصراحة كلامك مبالغ فيه جدا جد ا جدا جدا

هى لو كانت الكلية سهلة........ اه ممكن ........بس مش تقولى دى سهلة جدا بلاش مبالغة

و مستحيل يكونوا الدكاترة كلهم زل العسل ......انا قولت ان اغلبية دكاترة اعدادى كويسين ......بس مستحيل يكون كلهم يعنى كويسين (بلاش نتكلم و نذكر اسامى و قولك مثلا الدكتور شبارة الى بيشتم ومرة ضرب واحد بالقلم - ولا الدكتور ايهاب مصطف الى بينده للطلاب و يقولهم يلاه- ولا الدكتور ممدوح الصعيدى الى ملوش دعوة خالص بالتعقيد)

فطبعا اغلبية الدكاترة كويسين جداا و محترمين ....انما مش 100% زى العسل زى منتا بتقول برده فى نماذج مش اوى

و بعدين يا وفائى سيب موضوع تقييم الدكاترة ليا -انت مكنتش بتحضر كل المحاضرات :p:p:p- انما انا كنت بحضر للدكاترا بتوعى واكتر وكما

و بعدين برده ايه مش هتحتاجى كورسات دى !!!! ايه يا عم محمود ؟؟؟؟؟ عاوزها تجيب مقبول فى الرسم زى منا جبت (بزمتك مش 90% من الكلية بتاخد كورس رسم عند ايمن الدرينى؟؟؟؟) والى مخادوش زى جابوا مقبوول او حتى شالوا المدة ؟؟!!!!

و المعيدين برده مش كلهم ميه ميه فى اشكال زبالة كانت بتيدنا فى الرسم يا حوده ولا انت نسيت الى كانوا بيدوك الترم التانى ؟؟؟؟

و المنصورة ايه الى مرتبة عالميا بعد عين شمس وقبل القاهرة ؟؟؟؟؟؟؟؟؟؟؟؟؟؟؟؟؟؟؟؟؟

http://www.webometrics.info/rank_by_country.asp?country=eg&zoom_highlight=cairo (http://www.webometrics.info/rank_by_country.asp?country=eg&zoom_highlight=cairo)

شوف بس كده قبل ما تكلم .....شوق ال WORLD RANK الى على الشمال

Cairo University (http://www.cu.edu.eg/)http://www.webometrics.info/images/eg.png1,627
Mansoura University (http://www.mans.edu.eg/)http://www.webometrics.info/images/eg.png3,252

شوف الترتيب العالمى ........حراااااااااام عليك يا باشمهندس ده فرق بين القاهرة و المنصورة عالميا اكتر الف وخمسميت جامعة تانيه

اش جاب لجااب بقى بتقارن المنصورة الى فيها 7 اقسام بالقاهرة الى فيها 14 قسم غير نظام الساعات المعتمدة ؟؟؟؟

بقى بتقارن المنصورة الى 12 مبنى بالقاهرة الى حوالى 40 مبنى ؟؟؟؟

معلش يا وفائى الناس دى دلوقتى بتتحدد مستقبلها فياريت متقولش كلمة غير لما تكون متأكد منها مش تقولى ان المنصورة عالما قبل القاهرة

و بالنسبة للأقسام برده مش عمارة بس الى مناسب للبنات ......عندك حاسبات واتصالات انما الاقسام الى البنات فيها قليلة اوى زى مدنى وانتاج لان شغلها بيحتاج رجالة

و اى نعم معظم الكلية بتناديك وتقولك يا باشمهندس ......ده ميمنعش ان فى دكتور ممكن ينادى الطلاب و يقولهم يالاه ......او انك ممكن تقف على رجليك طول المحاضرة او السيكشن او انك متسمعش الدكتور لان المايك مش شغال ......و عامتا هتشوفوا الاحترام من اول يوم فى الدراسة لما يدخلوا 2000 طالب فوق بعض فى مدرج مياخدش إلا 700 او 800

بص يا جماعة محدش يقول على متشائم انا بنقلكم مواقف من الكلية حقيقية و انتم الى تحكموا .......مش عاوز اعملكم البحر طحينة واهيئلكم انكم داخلين جنة اسمها هندسة المنصورة ......الكلية كلها مميزات ودكاترة محترمين جدااااا و عالميين كمان .....بس طبعا فيها الوحش برده ....... و زى ما قولت قبل كده متنسوش انكم فى تعليم حكومى يعنى استحملوا الى ممكن يحصل كله عادى فى البلد دى

و اسف على الاطالة

wafa2y

22-07-2009, 04:47 AM

ايه الى بتقوله ده يا وفائى :stickjo4::stickjo4::stickjo4:!!!!!!!!!!!!!!!!!!!! !

دنتا معلش قربت تخرف :wacko::wacko::wacko:

ملايكة ايه و سهلة ايه و منصورة ايه الى قبل القاهرة

---------------------------------------------------------------------

دنا طبعا بهزر معاك متزعلش...... بس بصراحة كلامك مبالغ فيه جدا جد ا جدا جدا

هى لو كانت الكلية سهلة........ اه ممكن ........بس مش تقولى دى سهلة جدا بلاش مبالغة

و مستحيل يكونوا الدكاترة كلهم زل العسل ......انا قولت ان اغلبية دكاترة اعدادى كويسين ......بس مستحيل يكون كلهم يعنى كويسين (بلاش نتكلم و نذكر اسامى و قولك مثلا الدكتور شبارة الى بيشتم ومرة ضرب واحد بالقلم - ولا الدكتور ايهاب مصطف الى بينده للطلاب و يقولهم يلاه- ولا الدكتور ممدوح الصعيدى الى ملوش دعوة خالص بالتعقيد)

فطبعا اغلبية الدكاترة كويسين جداا و محترمين ....انما مش 100% زى العسل زى منتا بتقول برده فى نماذج مش اوى

و بعدين يا وفائى سيب موضوع تقييم الدكاترة ليا -انت مكنتش بتحضر كل المحاضرات :p:p:p- انما انا كنت بحضر للدكاترا بتوعى واكتر وكما

و بعدين برده ايه مش هتحتاجى كورسات دى !!!! ايه يا عم محمود ؟؟؟؟؟ عاوزها تجيب مقبول فى الرسم زى منا جبت (بزمتك مش 90% من الكلية بتاخد كورس رسم عند ايمن الدرينى؟؟؟؟) والى مخادوش زى جابوا مقبوول او حتى شالوا المدة ؟؟!!!!

و المعيدين برده مش كلهم ميه ميه فى اشكال زبالة كانت بتيدنا فى الرسم يا حوده ولا انت نسيت الى كانوا بيدوك الترم التانى ؟؟؟؟

و المنصورة ايه الى مرتبة عالميا بعد عين شمس وقبل القاهرة ؟؟؟؟؟؟؟؟؟؟؟؟؟؟؟؟؟؟؟؟؟

http://www.webometrics.info/rank_by_country.asp?country=eg&zoom_highlight=cairo (http://www.webometrics.info/rank_by_country.asp?country=eg&zoom_highlight=cairo)

شوف بس كده قبل ما تكلم .....شوق ال world rank الى على الشمال

cairo university (http://www.cu.edu.eg/)http://www.webometrics.info/images/eg.png1,627
mansoura university (http://www.mans.edu.eg/)http://www.webometrics.info/images/eg.png3,252

شوف الترتيب العالمى ........حراااااااااام عليك يا باشمهندس ده فرق بين القاهرة و المنصورة عالميا اكتر الف وخمسميت جامعة تانيه

اش جاب لجااب بقى بتقارن المنصورة الى فيها 7 اقسام بالقاهرة الى فيها 14 قسم غير نظام الساعات المعتمدة ؟؟؟؟

بقى بتقارن المنصورة الى 12 مبنى بالقاهرة الى حوالى 40 مبنى ؟؟؟؟

معلش يا وفائى الناس دى دلوقتى بتتحدد مستقبلها فياريت متقولش كلمة غير لما تكون متأكد منها مش تقولى ان المنصورة عالما قبل القاهرة

و بالنسبة للأقسام برده مش عمارة بس الى مناسب للبنات ......عندك حاسبات واتصالات انما الاقسام الى البنات فيها قليلة اوى زى مدنى وانتاج لان شغلها بيحتاج رجالة

و اى نعم معظم الكلية بتناديك وتقولك يا باشمهندس ......ده ميمنعش ان فى دكتور ممكن ينادى الطلاب و يقولهم يالاه ......او انك ممكن تقف على رجليك طول المحاضرة او السيكشن او انك متسمعش الدكتور لان المايك مش شغال ......و عامتا هتشوفوا الاحترام من اول يوم فى الدراسة لما يدخلوا 2000 طالب فوق بعض فى مدرج مياخدش إلا 700 او 800

بص يا جماعة محدش يقول على متشائم انا بنقلكم مواقف من الكلية حقيقية و انتم الى تحكموا .......مش عاوز اعملكم البحر طحينة واهيئلكم انكم داخلين جنة اسمها هندسة المنصورة ......الكلية كلها مميزات ودكاترة محترمين جدااااا و عالميين كمان .....بس طبعا فيها الوحش برده ....... و زى ما قولت قبل كده متنسوش انكم فى تعليم حكومى يعنى استحملوا الى ممكن يحصل كله عادى فى البلد دى

و اسف على الاطالة

بوص يا محمد شوف أنا قلت إيه و إنت جايب إيه
بقولك الكلية
و إنت بتجيب الجامعة
لازم أقول كلية الهندسة جامعة المنصور
قبل
كلية الهندسة جامعة القاهرة
مش ده كان مقرر في الإنسانيات يا حوبي
و غير كده
الدكتور إيهاب أطيب دكتور في الجمعة
ولما بينادي للطلاب بيلا
بيعتبرهم زي أخواته
لو تبص لمكانه العلمية و الفرق بينه و بينك هتعرف
إحنا بس يابني اللي صدقنا عشان دخلنا هندسة نبقي بشوات
لأ الناس دي تقيله و دماغه عالية
الصعيدي بوء علي الفاضي أعد يمثل و جاب إمتحان ما فيش أتفه منه و تصحيح زي العسل
هو شبارة بس اللي رخم و انا والله والله والله ما شوفتوا أصلا
لأنوا ماكنش بيدي لمجموعتنا و إنت عارف كده
يعني إحتمال 30% إن هي تقابله
يبقي ليه تخاف منه
نيجي لموضوع الكورسات
إنت مكنتش بتاخد كورسات جيبت كام؟؟؟
مش جيبت جيد جدا
واحد صاحبي
أقسم لك بالله ما إشتري ولا مذكرة و كان بيذاكر من الكتاب بس
و عمره ما فكر أصلا ياخد كورس
عارف جاب كام؟؟؟
جاب 87.5%
ده اللي خلاني أقولك الكلام ده
و الواد يوسف مكانش بياخد كورسات و جاب 95%
أنا عارف انا بقول
راجع كلامي ولو كنت غلط إنت معايا علي طول
:):):):)

masternew

22-07-2009, 12:37 PM

انا اتكلمت على القاهرة كجامعة عامتا ثم حددت كلية الهندسة ة قلتلك :
اش جاب لجااب بقى بتقارن المنصورة الى فيها 7 اقسام بالقاهرة الى فيها 14 قسم غير نظام الساعات المعتمدة ؟؟؟؟

بقى بتقارن المنصورة الى 12 مبنى بالقاهرة الى حوالى 40 مبنى ؟؟؟؟

ده كله عن هندسة

و منهج انسانيات ايه الى بيقول الكلام ده ؟؟؟؟

الى بيححد المستويات لازم يكون محايد مش دكتور اببراهيم جار العلم لما يقولك حاجه فى كتاب الانسانيات تبقى تصدقها على طول من غير ما تحكم عقلك ؟؟؟

و مش هتناقش معاك فى الدكاترة لان ده مش موضصوعى دلوقتى .......بس لو شوفت كلامى هتعرف انى بقولك برده ان معظم الدكاترة كويسين بس برده مش 100% اكيد فى ناس ممكن متحبش دكتور معين و فى ناس مسترخمه دكتور معين وكدا يعنى .....

وموضوع الكورسات انا بكلمك على الاغلبية !!!......مش على بكلمك على الاول على الدفعة ولا على ناس معينة

و انت برده مجاوبتنيش .....مش 90%من الطلاب كانوا بياخدوا كورسات فى الرسم الهندسى ؟؟؟؟؟؟
وانا مع انى جايب جيد جدا فى التقدير العام إلا انى فى الرسم جايب مقبول

وانا مش قصدى حاجه من ورى كلامى إلا انى انقل الصورة صح
من غير مجامل و اقول كلام مش صح

wafa2y

22-07-2009, 03:48 PM

انا اتكلمت على القاهرة كجامعة عامتا ثم حددت كلية الهندسة ة قلتلك :

ده كله عن هندسة

و منهج انسانيات ايه الى بيقول الكلام ده ؟؟؟؟

الى بيححد المستويات لازم يكون محايد مش دكتور اببراهيم جار العلم لما يقولك حاجه فى كتاب الانسانيات تبقى تصدقها على طول من غير ما تحكم عقلك ؟؟؟

و مش هتناقش معاك فى الدكاترة لان ده مش موضصوعى دلوقتى .......بس لو شوفت كلامى هتعرف انى بقولك برده ان معظم الدكاترة كويسين بس برده مش 100% اكيد فى ناس ممكن متحبش دكتور معين و فى ناس مسترخمه دكتور معين وكدا يعنى .....

وموضوع الكورسات انا بكلمك على الاغلبية !!!......مش على بكلمك على الاول على الدفعة ولا على ناس معينة

و انت برده مجاوبتنيش .....مش 90%من الطلاب كانوا بياخدوا كورسات فى الرسم الهندسى ؟؟؟؟؟؟
وانا مع انى جايب جيد جدا فى التقدير العام إلا انى فى الرسم جايب مقبول

وانا مش قصدى حاجه من ورى كلامى إلا انى انقل الصورة صح
من غير مجامل و اقول كلام مش صح

فهمتك يا حوبي
بس أعذرني أنا متعصب شوية
دي مهما كانت دي مدينتي
فلازم أعتز بيها
بس بردو هرجع وأقول
إن شهادة مهندس خريج المنصورة
أحسن من شهادة خريج القاهرة
و أسأل في دي
:):)

الاسطورة

22-07-2009, 04:11 PM

و طبعا مافيش مقارنة بين هندسة و حاسبات خالص
هندسة هي التوب
و حاسبات دي حاجة فرعية

علي الأقل كله بيحترمك في الكلية من أول الفراش لحد وكيل الكلية بيقولوك يا باشمهندسة
:d:d:d:d:d

شوف بيتكم فين وروح العب قدامه

wafa2y

22-07-2009, 05:29 PM

شوف بيتكم فين وروح العب قدامه

هههههه
ليه كده بس
أنا مكنش قصدي حاجة يا محمود
بس هقولك حاجة
إنت لو كانت جتلك هندسة كنت هتدخل حاسبات؟؟؟؟؟
و جاوبني بجد
ليه بقي عايزه يدخل حاسبات؟؟

masternew

22-07-2009, 06:12 PM

لأ برده القاهرة طبعا شهادتها احسن بكتييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييير

wafa2y

23-07-2009, 05:23 AM

BaNZeR

23-07-2009, 10:27 AM

هههههه

ليه كده بس
أنا مكنش قصدي حاجة يا محمود
بس هقولك حاجة
إنت لو كانت جتلك هندسة كنت هتدخل حاسبات؟؟؟؟؟
و جاوبني بجد
ليه بقي عايزه يدخل حاسبات؟؟

على فكرة انا واحد من اللى كانوا بيفكروا في كده

حتى إني لما جيت اكتب الرغبات حطيت 3 هندسة وبعديها 3 حاسبات وبعدين كملت الهندسات والحاسبات الباقيين

حتى قعدوا ينصحوني اخلي كل هندسات في الاول ومش عارف ايه بس انا فعلاً كنت بفكر جامد في حاسبات

ولولا إني كنت مرتب من زمان على هندسة وكل اصحابي راحو هندسة كان ممكن يكون ليا فكر تاني

ومين قالك بتاع حاسبات ميقفش جنب بتاع هندسة
هو صحيح كشهادة بتاع هندسة هو الافضل
لكن كوظيفة بتاع حاسبات مش قليل برده

ومن ناحية لقب باشمهندس بقى العامل دلوقتي يبقولولو يا بشمهندس :d

soso2025

23-07-2009, 12:03 PM

الاسطورة

23-07-2009, 01:56 PM

هههههه
ليه كده بس
أنا مكنش قصدي حاجة يا محمود
بس هقولك حاجة
إنت لو كانت جتلك هندسة كنت هتدخل حاسبات؟؟؟؟؟
و جاوبني بجد
ليه بقي عايزه يدخل حاسبات؟؟

هههههههه يا روحى انا ناوى على كلية حاسبات ومعلومات دى من تانية ثانوى
وفى تنسيقى كان فى 5 كليات هندسة وكلية هندسة الكترونيات وانا كتبت 11 حاسبات رغبة اولى

masternew

23-07-2009, 03:19 PM

ايه يا مشرفين و يا جدعان ؟؟؟؟؟؟؟؟؟؟؟؟
انتم خرجتوا عن الموضوع وقلبتوها كلام عن هندسة او حاسبات ؟؟؟؟؟؟؟؟؟
كده مينفعش والله ده موضوع استفسار عن هندسة مش الموضوع التانى بتاع هندسة ولا حاسبات

EnG.Mohammed

23-07-2009, 03:33 PM

طب يعني لازم اخد كورسات في الرسم الهندسي ولا حسقط لو مخدتش ؟؟؟؟؟؟؟؟

wafa2y

23-07-2009, 04:04 PM

طب يعني لازم اخد كورسات في الرسم الهندسي ولا حسقط لو مخدتش ؟؟؟؟؟؟؟؟
معاك البناmastrnew
مخادش كورس و نجح
و أعرف واحد صاحبي مكانش بياخد و جاب جيد جيدا

wafa2y

23-07-2009, 04:10 PM

السلام عليكم ورحمه الله وبركاته
معلش يا جماعه انا اتاخرت عليكم اوى فى الرد
و الله العظيم انا استفدت منكم كتيييييييير اوى
انا مكنتش اعرف اى حاجه عن الكليه بس الحمد لله انى لقيت حد يفيدنى
شكرا للاستطوره وزهره الخريف و masternew و banzer
وشكر خاص ل sai لانه حببنى فى الكليه اوى وطلعت بتعرف يابانى كمان اول مره الاقى حد ثقافته يابانى زيي
وشكرا للجميع
sayonara

لا شكر علي واجب ده واجبنا
لأ بالنسبة للثقافة فهي فعلا ياباني
konichiwa
watachi wa mody dessu
:d

هههههههه يا روحى انا ناوى على كلية حاسبات ومعلومات دى من تانية ثانوى
وفى تنسيقى كان فى 5 كليات هندسة وكلية هندسة الكترونيات وانا كتبت 11 حاسبات رغبة اولى

ok
:006et4:

EnG.Mohammed

23-07-2009, 04:25 PM

هوا الشرح كويس في الكلية ولا اي كلام ؟

masternew

23-07-2009, 04:35 PM

لو انت امكانياتك مش عالية فى الرسم خد كورس عشان تجيب تقدير عالى فى الرسم
انما انا مختش مع انى مليش فى الرسم و مع ذلك برده نجحت بجيد جداااا

الشرح فى الكلية ميه ميه و الدكاتره معظمهم كويسين جداا و لما تروح فى السكاشن هتفهم من المعيدين الى انت مفهمتوش من الدكاتره

انما بالنسبة للرسم بصراحةفى وجهة نظرى الشرح غير كافى بالمرة ...دول بيبقى 45 دقسقة فى الاسبوع و سعات مبيرسوش على 30 دقيقة فى الاسبوع
ومعظم معيدين الرسم ولاد ....... مش هيفيدوا بكتير لانهم عارفين ان الكل بياخد كورسات

بس خد فى بالك لو انت عاوز تتعلم هتتعلم

wafa2y

23-07-2009, 04:52 PM

BaNZeR

23-07-2009, 04:55 PM

هوا الشرح كويس في الكلية ولا اي كلام ؟

السؤال اللى كل واحد يسأله
الكلية صعبة ؟
موادها مكلكعة؟
دكاترتها كويسين؟

ببساطة
انا في كلية اسيوط مثلاً
بنبقى متقسمين مجموعات
انا في ممكن في المجموعة التالتة بيديني دكتور بتاع رياضة
وفي المجموعة التانية جنبينا بياخدو برده رياضة بس بيديهم دكتور تاني
والاتنين بيشرحو نفس المنهج

بس بتاعنا غلس وبتاعهم حلو
ممكن اروح احضر مع المجموعة التانية واسيب المجموعة الاصلية بتاعتي
بس سعات الدكتور يغلس وياخد غياب
ولو الدكتور حطك في دماغه ممكن متعديش :d

يبقى انا ححكملك على دكتور مجموعتنا ولا دكتور مجموعتهم ؟

مهو الاتنين في نفس الكلية والاتنين بيشرحوا

كان في دكتور ميكانيكا مش بنفهم منه حاجة
الافتراضي إنه المحاضرة مش اقل من 300 واحد للمجموعة الواحدة
وبتاع 60 واحد للسكشن مع بعض

السكشن بيبقى صغير زي الفصل كده

طبعاً احنا عشان مش بنفهم من دكتورنا ده كنا بنروح سكشن ميكانيكا لمعيد شرحه جميل وبيديك م الآخر
فتخيل مجموعة كاملة 300 واحد قول منهم 100 واحد مثلاً بيروحوا يحضروا معاه
والسكشن اصلاً 50 واحد عالاقل
ده غير اللى بيجي من بره تاني

المهم مرة الدكتور ده دخل علينا في السكشن ده اتفاجئ
لقي السكشن بقى محاضرة وكلنا راكبين على بعض

في حين المحاضرة بتاعته بتصفى على 35 واحد :d
انا لو مكانه اشيل الدفعة كلها الصراحة

EnG.Mohammed

23-07-2009, 06:07 PM

شكرااااا على الردود

انا مليش في الرسم خاااااااااااااااااااااااااااااااالص تقريبا صفر فيه ياعني

احسن كلمة :الي عاوز يتعلم بيتعلم

masternew

23-07-2009, 07:05 PM

لأ فعلا الى عاوز يفهم ئ فى الكلية هيفهمه كده كده

لان فيه اكتر من دكتور بيشرح نفس المنهج
ولان فيه اكتر من معيد بيشرح نفس المنهج

فلو انتا فى حته مش فاهمها ممكن تحضر مع دكتور تانى
او تحضر مع سكشن تانى
وعلى فكرة فى المنصورة كان فيه 48 سكشن يعنى السكشن بيتعاد 48 مرة فلو فاتك حاجه هتعرف تحصلها بسهولة

بس انت ادعى ربنا يفضل عندك الرغبة فى الفهم للاخر و تفضل بنفس الحماس بتاع اول يوم

لان فعلا بتبقىالمشكلة ان الواحد بيبقى قرف خلاص و بقى كسلان ...معتش عاوز يعمل حاجه او يتعب نفسه

على فكرة اهم حاجه انك تعتمد على نفسك ..انت الى تسأل و تدور على المعيدين الكويسين وتحضرلهم و انت الى تنظم جدولك و كده تحل الشيتات و تجاوب و تعمل التقرارير

masternew

23-07-2009, 07:08 PM

و على فكرة انا لو عاوز اجيب فى الرسم امتياز من غير اى كورسات ممكن ..............ززبس المشكلة ان محدش عاوز يتعب فى طلب العلم والسؤال وانا اولهم

كله عاوز المعلومة تجيله متقشرة و جاهزة زى الدروس بتاعت ثانوى ...بس ده تنسااه فى الجامعة خاااالص

ريناد2025

26-07-2009, 03:51 AM

soso2025

26-07-2009, 01:43 PM

اخييييييييييييييرا رديتى يا ريناد
اول مره اعرف ان انتى بتقولى حكم
منوره الموضوع

masternew

26-07-2009, 02:37 PM

اكيد كل كلية فيها الحلو والوحش ومش كل حاجة بتبقى سهلة على طول كدة بالتدريب والممارسة كلة يهون وميرسى كتيير للى حببنا فى الكلية وميرسى برضة للى بينلنا مساؤها عشان الرؤية تبقى من اولها واضحة واكيد لازم يبقى فى دكاترة وحشين ما احنا كنا بنشوف الكلام دة فى الثانوى مش كدة يا سوسو المهم فى دة كلة ان احنا نبقى عندنا طموح عالى حتى لو كانت الحاجة دى صعبة ومقرفة مش الحاجة دى اللى هتوصلنى لهدفى اللى بحلم بية من وانا بيبى خلاص ادعوا الاول ربنا يوفقنا وندخلها وبعدين يحلها ربنا:d:d:d

كلام جميل جدااا

واهم حاجه فيه انك تحافظى على الطموح والروح الجميلة دى الى بتبتدى بيها المرحلة الجامعية

لان الى تفوق وجاب امتياز مجبش امتياز إلا لانه فعلا عنده طموح ومستعد للبذل والعطاء

والى سقط برده مشقطتش إلا لنها مكانش عنده اى نفس يذاكر وقرفان من الكلية

انما الكل تقريبا متساوى فى الامكانيات الذهنية .....المشكلة فى الحماس والى يعرف يحافظ عليه لنهايةالسنة (لانك ممكن تشوفوا مواقف كتيير )

نسال الله الثبات

و احنا فى خدمتك للرد على اى استفسارات

ريناد2025

26-07-2009, 10:58 PM

اخييييييييييييييرا رديتى يا ريناد
اول مره اعرف ان انتى بتقولى حكم
منوره الموضوعاخيرا يا سوسو بقى انا بقول حكم ميرسى من بعض ما عندكم

ريناد2025

26-07-2009, 11:09 PM

كلام جميل جدااا

واهم حاجه فيه انك تحافظى على الطموح والروح الجميلة دى الى بتبتدى بيها المرحلة الجامعية

لان الى تفوق وجاب امتياز مجبش امتياز إلا لانه فعلا عنده طموح ومستعد للبذل والعطاء

والى سقط برده مشقطتش إلا لنها مكانش عنده اى نفس يذاكر وقرفان من الكلية

انما الكل تقريبا متساوى فى الامكانيات الذهنية .....المشكلة فى الحماس والى يعرف يحافظ عليه لنهايةالسنة (لانك ممكن تشوفوا مواقف كتيير )

نسال الله الثبات

و احنا فى خدمتك للرد على اى استفساراتبصراحة كلامك حضرتك الاجمل واحنا متشكرين اوى والله مشعارفة من غيركم كنا هنعمل اية انتم عرفتونا حجات كتير عن الكلية وان شاء الله هتكونوا اول ناس نستعين بيهم فى رحلتنا الجامعية

wafa2y

27-07-2009, 06:04 PM

بصراحة كلامك حضرتك الاجمل واحنا متشكرين اوى والله مشعارفة من غيركم كنا هنعمل اية انتم عرفتونا حجات كتير عن الكلية وان شاء الله هتكونوا اول ناس نستعين بيهم فى رحلتنا الجامعية

هي فعلا رحلة
بس اللي هياخدها بجد هيفرح في النهاية
بس اللي هيستهتر و هيعتمد علي ذكائه
ممكن تكون متاهة مش رحلة
يعني فعلا هي المذاكرة من أول يوم
هي اللي هتنجح
انا كنت بقول لما أدخل الكلية هيحصل كذا و كذا
بس بردو مذاكرتش
و ربنا يعيني و تكون السنة اللي جاية
هي أول سنة في الرحلة
اللي أتمني إني أكملها في الكلية بعد الأربع سنين
و ده مش مستحيل
و كل واحد ده لازم يكون طموحه
عشان لو لا قدر الله وقع
يوقع واقف
ربنا يوفقكوا و نسمع أساميكم و أسامينا من الاوائل إن شاء الله
في رعاية الله
konbanwa
mata mata
:078111rg3::078111rg3::078111rg3:

BaNZeR

27-07-2009, 06:16 PM

konbanwa
mata mata
:078111rg3::078111rg3::078111rg3:

ده اسباني ولا ايطالي :d
اصل انا كنت الماني والله :av4056bb7jp3:

وهي فعلاً رحلة جامعية بس مش مذاكرة من اول يوم
كفاية عليك لو عايز تبقى متميز تذاكر ساعتين في اليوم وبذمة

انا يمكن في امتحانات كل اللى ذاكرته فيها
ساعتين قبل امتحان الميد تيرم وساعتين قبل امتحان التيرم
وجبت المقبول في الآخر في المادة ده

تخيل بقى لو ذاكرت ساعتين كل يوم ؟

طبعاً اللى ناوي على دكتور او معيد ملوش دعوة بيا خالص
ايوه
عشان محدش يقولي خليتونا نفتكرها سهلة

وبما إنه التنسيق ظهر وادبستو هندسة اللى وشها حلو
نوريكو بقى الاسنان المسوسة من جوه :d

masternew

27-07-2009, 11:58 PM

konbanwamata mata
:078111rg3::078111rg3::078111rg3:

ده تلاقيه يابانى:022yb4::022yb4::022yb4:

اصل الباشمهندس محمود كان بيصلح تلفزيونات قبل كده فى اليابان:p:p

على العموم بالنسبة لموضوع الذاكرة

JUST DO WHAT YOU SUPPOSED TO DO

ريناد2025

28-07-2009, 12:50 AM

وبما إنه التنسيق ظهر وادبستو هندسة اللى وشها حلو
نوريكو بقى الاسنان المسوسة من جوه الحمد لله جالى هندسة المنصورة بس حرام تنسيقها عالى اوى واخدة95.4 دى اعلى سنة بس الحمد لله ربنا ستر وانا عايزة اشششششششششوف الاسنان المسوسة بس للاسف ان مش دكتورة اسنان ممكن اوديك لاخصائىاسنان ما تقلقش

soso2025

28-07-2009, 12:52 AM

ohayoghosaymous
انا زعلالالالالالالالالالالالالالالالالالالالالالالالا لالالانه جدا لان مجاليش المنصوره على درجه
همه بيقولوا انى ممكن احول بس انا خايفه مووووووووووووووووت لاحسن ميقبلونيش فى التحويل
انا لو متقبلتش فى المنصوره مش هعد فى اى حته تانيه وهحول على حاسبات المنصوره (حلمى الاساسى)
واسونى يا ناس انا مضااااااااااااااااااااااايقه اوى

ريناد2025

28-07-2009, 01:00 AM

قلتلك مليون مرة متقلقيش قلقتينى معاكى والله العظيم هتموتينى اساسا هى فرقة معاكى على 2 من عشرة يعنى ليكى الاولوية فى التحويل وربنا يصبرنى عليكى ادعولى ياجماعة مش هستحملها كتير انا ممكن ارتكب فيها جريمة ان ما بطلتش قلق

soso2025

28-07-2009, 01:22 AM

والله انا عارفه يا ريناد ان انتى مستحملانى بالعافيه
بس اعمل ايه يا بنتى انا خدتلى صدمه الصبح زى مكون جبت فى الثانويه العامه 70% مش 95.2%
ربنا يستر واحول

ريناد2025

28-07-2009, 01:40 AM

مش مستحملاكى بالعافية ولا حاجة احنا اصحاب بس مش عايزاكى تقلقى زيادة عن اللزوم اطمنى ربنا مش هيضيع تعبك على الفاضى ان شاء الله وان حولتى حاسبات ومعلومات فانا وراكى والله ما بهزر

soso2025

28-07-2009, 02:11 AM

للدرجه دى يا ريناد والله انتى صحبه بجد ربنا يستر واحول المنصوره علشان مبآش ضيعت مستقبلك

حيران في الثانويه

29-07-2009, 05:57 AM

انا جالي هندسه المنصوره
وباذن الله عندي طموحات كبيره جدا يعني مش نظام انجح وخلاص
وانا بطبيعتي بحب المذاكره
انا جايب في الثانويه 98.7 ومعايا 13 درجه زياده عن هندسه المنصوره
ياريت الاخوه اللي هنا يفيدوني ازاي اطلع بتقدير كبير في اول سنه
جيد جدا او امتياز
مهما كانت التكاليف لو في كورسات او كده عادي اقدر مثلا لحد 5000 في السنه
هل دا كافي اني اجيب التقدير اللي انا عايزه ولا ايه بالظبط ؟

masternew

29-07-2009, 05:07 PM

الف مبروك يا باشمهندس
لن شاء الله تشرف الكلية و تبقى من الاوائل
و على فكرة الكورسات مش ضروريا خاالص للناس الشاطرة الى بتركز فى المحاضرات وتتابع
الاوائل محدش فيهم بياخد كورسات
و تابع معايا ان شاء الله هنزل موضوع هنا عن كل ما فى هندسة المنصورة وازاى ممكن تجيب تقدير بسخولة

soso2025

31-07-2009, 12:28 PM

فى الكليات التانيه بيقولوا انهم مش بيخدوا يوم الجمعه اجازه
فى هندسه المنصوره بيخدوه اجازه ولا لا

masternew

01-08-2009, 12:19 AM

لا طبعا يوم الجمعة اجازة فى المنصورة و السبت كمان او الجمعة والخميس حسب المجموعة الى انتى فيها
انما ممكن يعنى لو جدول الامتحانات بايظ شويه دكتور يجيبكوا تمتحنوا ميدنرم ولا حاجه يوم الجمعه