السلام عليكم ورحمه الله وبركاته

يا جماعه انا جايبة 396 يعنى 96.59 وبالحاجات اللى نزلت فى الجرايد النهاردة معنى كده انى مش هلحق تنسيق
سؤالى : هو ده التنسيق الحقيقى ولا هم بيحطمونا وخلاص وكله كلام
ولو هو معنى كده ان اللى جايبين 97.9 عمرهم ما هيلحقوا طب
طب ازاى الحاجات دى وانا حتى مش هلحق صيدله فى اى مكان وكمان فيه كتير من اللى جايبين مجاميع طب بيفضلوا يروحوا صيدلة معنى كده ان انا مش هلحق خالص
يعنى الواحد يبقى اظلم فى الدرجات وحتى مش لاحقة كلية كويسة بعد التعب ده
وسؤال كمان لو الواحد عمل تظلم وراجعنا ورق الاجابة وطلع لنا درجات بناخدها علطول ولا لأ





يا ريت من فضلكم حد يرد عليا ويطمنى

كلام الجرائد ليس له اى صحه ............... انتظرى تنسيق المرحله الاولى .........

اما عن التظلم ...... لو الجمع خطأ ... بتخدى الدرجات ... وكمان لو فى سؤال مش متعلم ... بيتعلم وبتخدى عليه درجته ....

امال لو انتى مجاوبه على سؤال صح .. والمصصح مدهيولك خطأ مش هتخدى درجاته .... واسمع فى الحاله دى انك ممكن تستخدمى القضاء

انا مش عايزة احبطك بس فعلا فى ارتفاع كبير جدا فى المجااميع بس ممكن تلحقى علاج طبيعى

انا جايبة نفس المجموع وعندي امل في صيدلة حد يقولي حاجة اصدق الجرائد ولا لا

حد يرد علي ضروري

بالنسبه لموضوع التظلم ده مفيش فيه اي امل الا اذا كانت جزئيه مش متصححه او الجمع غلط زي ما قالك
غير كده حتي لو حاله صحه وواخداها غلط انسي بقا
لازم قضيه وحليني بقا علي ما تطلع وتحكملك تكوني خلصتي سنتين من الكليه اللي انتي دخلتيها اصلا

يعنى الواحد ينسى حكاية التظلم دى خالص
طب انا عاوزة اعرف انا ممكن ان شاء الله الحق صيدلة ولا لأ
وخصوصا ان كتير جايبين مجاميع طب ومش هيدخلوه وهيدخلو ا صيدلة
كده اعداد اللى هيدخلوا صيدلة هتزيد يعنى جايز ميكونش فيه احتمال ينزلوا التنسيق خالص