بسم الله الرحمن الرحيم

السلام عليكم

انا رايحة تانية علمى ان شاء الله

وكنت بسمع ان الجغرافيا اتلغت من المستوى الرفيع علمى

دى طبعا كان الكل بياخد فيها النهائية والحمد لله شالوها من بتوع علمى

فبالتالى احب اعرف منكم انا اختار عربى مستوى رفيع ان شاء الله ولا لا

أحب اعرف اخدت كام ف الامتحان

لو مش عايز حد يعرف درجتك اوكى تقدر تصوت منغير ما تكتب رد

فبالتالى تبقى صوتت و ف نفس الوقت ماحدش عرف درجتك

انما فى الرد احب اعرف رأيكم فى الامتحان كان سهل ولا صعب و المادة نفسها صعبة ولا سهلة

و انتا علمى ولا ادبى

واغلب بتوع علمى اختارو ايه لو تعرف

كمان مهم اوى تقول ازا كنت لغات ولا حكومة

بصي يا ستار احنا مدرسة حكومية كانالعلمى اللى فيهااكييييييد اغلبه عربى لانه الاسهل بس كان جدوله وحش شويتين واللى اخد انجليزى كانوا اللى بيحبوا المادة(انا منهم) او مش ناقصين عربى تانى لانه كان 14 درس تخيلى فى الاخر جه منهم 2 بس يعنى كان فيه كام بنت مذاكرين ودحينهم بمعنى الكلمة وكانوا هيشدوا شعرهم من كده
اما الباقيين كانوا 15 رياضة(هم علمى رياضة اصلا يعنى) ومعرفش الامتحان كان عامل ازاى بس انا اعرف كام واحدة جايبين 10 فيه اما بالنسبة للاحياء(للعلمى علوم يعنى) كان معايا 4 فى اللجنة واخدينها بس مانصحكيش بيها ابدا لان فيهم جابوا فيه 6 او 6،5
بالنسبة للامتحان فهو كان غير السنين اللى فاتتت اللى ما كانش عندنا غيرها يعنى مثلا واحدة صحبتى قبل الامتحان كانت بتقولى لو الاختيارات والتصحيح والريريت جه بره امتحانات السنين اللى فاتت انا هسقط
لكن اظن هو ده الشكل اللى الامتحان المفروض يبقى عليه مع اننا كان فيه حاجات بالتخمين او توفيق من ربنا يعنى
بس كمان اغرب حاجة ان كان فيه سؤال فى الدروس اللى علينا فى الامتحان مش كان موجود خالص فى النص الاصلى اللى كان موجود فى كتاب the best اللى كنا بنذاكر منه كمان والله انا ما قصنيش فى الامتحان ده الا انى فكرت زيادة عن اللزوم والله بس مش عايزة اجيبلك المراة عالعموع انا كنت كيميا فى تالتة فكانقدامى وقت كبير وجبت 9 فى المستوى وكان ممكن لو جبت 10 اجيب 410 بس قدر الله وماشاء فعل
الا صحيح لما انتى لسة تانية بتفكرى فى كده ليه؟؟؟؟؟ سيبيها على الله وادعى علاطول اللهم دبر لى فانى لا احسن التدبير
عالعموم لو لسة عايزة تستفسري عن حاجة تانية عتابع الموضوع اوك؟؟؟؟؟؟؟؟
اختك مريم سامى

اذا كنتى ناوية علمى فانصحك بالعربى هى عباره عن مواضيع قراءه وكلهم سهل وبيدوره حول موضوع واحد واحب اقولك حاجه انا ذاكرت العربى مستوى من كتاب اسمه المثالى انا جبته فى شهر 4 كان هو اول كتاب نزل مستوى وذاكرت فيه وحفظت الاسئله اللى فيه واجابتها لما اخذت الامتحان وجدت اسئله بالنص منه وكام سوال لم يمر على منه لكن استنتاجت الاجابه من خلال سياق موضع الدرس الذى جاء السوال منه. هذا بالنسبه لمواضيع القراءه اما بالنسبة للبلاغة مااحتاجت انى اعيد عليها لانها مدروسه على مدارس ثلاث سنوات اما الموازنة الشعرية فمن خلال نموذج اجابه للامتحان سابق عرفت كيف يكون الاجابه عليه الخلاصه ان فى العربى مستوى رفيع فيه هامش من المرونه تسمح ليكى ان لو عجزتى عن اجابة سوال ان تستنتجى اجابه مقاربة للاجابة الاصلية وفى الاخير انا جبت فى العربى 9من 10

انا كمان كتبت في الاستماره عربي بس لسه مستفرتش اصل بيقولو الامتحان السنه دي مش حلو اوي انا داخله تانيه ثانوي

خذى انجليزى لانة كويس ونا جبت فية 9 وكمان العربى رخم اوى

هو الانجليزى حلو وكويس
انا مكنتش مزاكر غير ال3 دروس القراءة وجبت فيه 9
وكان عندى غلط كتير
انا مكنش عندى وقت ازاكر مستوى لان كان عندى امتحان فلسفة قبلها بيوم
بس امتحان المستوى الانجليزى كان وحش ان شاء الله على سنتكم يبقى كويس
اما العربى فكل الناس قالت حلو وكلهم جابوا 7
والاحياء كان صعب خالص

خديها نصيحه
ابعدي عن الاحياء
هتقعدي تذاكريها طول السنه ومش هتفهمي فيها حاجه
والاخر كله بيتساوي ببعضه
اللي زاكر واللي مذاكرش معظمنا جبنا 8
وحتي8 دي ولا حاجه
خدي لغه عربيه احسن
كلهم جابوا فيها9.5 ومزاكروهاش الا ف اخر السنه
ولو مش بتحبي العربي
خدي لغه انجليزيه
ده لو كنتي علمي احياء
اما لو انتي علمي رياضه
خدي رياضه2 مستوي بدون تردد
هتجيبي فيها10

اما لو انتي علمي رياضه
خدي رياضه2 مستوي بدون تردد
هتجيبي فيها10



حرام عليكى يا لولو رياضه ايه بس
انا أصحابى اللى كانوا واخدين رياضه خادو كام حصه وبعد كده حولوا عربى

طبعا رياضة متنفعش ف المستوى الا لواحد برفكت في الرياضة
و أنا كنت واخد المستوى الرخم اللي اسمه احياء
و طبعا العربي اسهل بكتيييير و افضل من ناحية ان انتي تقدري تجيبي فييييه درجاااااات

والله عندنا بتوع رياضه 2 كلهم جايبين 10 ف المستوي
بس بالنسبه للاحياء عربي كانت اعلي درجات

انا احب اقولك ان انا جربت مستوى الاحياء حصة واحدة وبعد كدة حولت على طول عربي بجد الاحياء صعبة جدا ومحتاجة مذاكرة طول السنة وممكن تيجي على حساب مواد اساسية وده يبقى اكبر غلط وما ينفعش تتساب لاخر السنة لانها بصراحة تقيلة جداااااااااااااااااااا
اما العربي 14 درس قراءة اول سبع دروس سهلين جدا وبعد كدة متوسطين ماعدا درس وحيد صعب وهو نظرية النظم للجرجاني ده درس واحد كاتبه من زمان فبتلاقي الاسلوب متغير عن الاسلوب المعاصر بس الميزة في الدروس دي ان اي درس يساوي ف الطول نصف درس من المنهج الاساسي يعني يعتبروا سبع دروس بس وميزة العربي برضه ان الكلام الكتير في اجابة اي سؤال بتاخد عليه درجات المهم الاجابة طويلة وخلاص
وانا الحمد لله جبت 9.5 من10

بصى انتى لو بتحبى العربى خدى مستوى رفيع عربى لان بيقولوا سهل وبيجيبوا فيه درجات
انما انتى بقى لو زى حالاتى كده ومش بتطيقى العربى يبقى خدى انجلش احسن صدقينى انا كنت ادبى وكان عندى نص يوم بس قبل الامتحان عشان كنت فلسفة المهم قعدت لميت كام درس كده ودخلت الامتحان وانا الوحيدة اللى فى اللجنة كنت انجلش الباقى كله كان جغرافيا وخرجت من الامتحان وكان عندى غلطات كتيرة بس الحمد لله جبت 9 ونص فالتصحيح فى المستوى انجلش بيبقى حلو والمنهج نفسه كمان مش صعب اوى وهيساعدك فى الانجلش العادى والمنتدى هنا هيساعدك كتيييييييير اوووى فى المنهج اسألى مجرب;)
وكل الناس اللى كنت اعرفهم علمى خدوا انجلش
وربنا يوفقك يا رب