تسجيل الدخول

مشاهدة النسخة كاملة : ممكن حد يفيدنى ولا اشد فى شعرى

الورده الحمرا
18-07-2009, 08:57 PM
السلام عليكم

ازيكم جميعا
يارب تكونوا بخير بعد النتيجه
طبعا استريحنا من جزء من الهم
بس لسه الهم موجود وهو هم التنسيق

انا السنه اللى فاتت كنت جايبه 60%
لكن السنه دى الحمد لله جبت 89.5
يعنى المتوسط 75%

بس انا مش عارفه ممكن ادخل اداب انتساب
ان شاء الله
وانا جايبه فى علم النفس
والفلسفه
الاتنين جايبه فيهم 47
والتاريخ 45.5 اللى هموت على درجته
المهم
ايه احسن فى الاداب
التاريخ ولا علم الاجتماع
ولا اى قسم تانى احسن

بس برده بفكر ممكن ادخل حقوق
بس كله بيقول صعبه

لكن انا حابه الاداب اكتر

ايه احسن بقى
الاداب ولا الحقوق
وايه احسن اقسام الاداب

وميرسى كتير ليكم
ومعلش على الاطاله

والف مبروك للناجحين
totti_pop_2008
18-07-2009, 09:22 PM
اداب مناسبة اوى لمجموعك وانصحك تخشى علم نفس
لانو فسم جامد وكمان مناسب ليكى.......!
الورده الحمرا
18-07-2009, 09:29 PM
علم نفس
ههههههههه
اعمل ايه شعرى بقى زى اطاطا ههههههههه
لسه واحد قريبى قايل علم النفس تقيل
اعمل ايه
Eslam Farouk
18-07-2009, 09:35 PM
طيب ايه اخبار اللغات؟
ba7eb alahly awi
18-07-2009, 09:40 PM
الفلسفه حلوه
ابو تريكه بجلاله قدره اداب فلسفه
nancy_y
18-07-2009, 10:50 PM
انتى روحى اعملى الموضوع دة فى القسم بتاع كلية آداب وهما هناك اكييد هيفيدوكى اكتر مننا


دة اللينك بتاع قسم كلية اداب
http://www.thanwya.com/vb/forumdisplay.php?f=163
adel hasan
18-07-2009, 10:58 PM
أنا من رأيى، شدى فى شعرك أحسن !!!!
حنان الزيبق
18-07-2009, 11:01 PM
هو بعد الثانوية لسه عندك شعر دااحنا هنحسدك بقى
محبة العلم
18-07-2009, 11:02 PM
طب و فيها ايه لما ابو تريكه اداب فلسفه

ده مش مبرر لاى حد
الورده الحمرا
20-07-2009, 07:24 AM
قروا بقى على شوية الشعر اللى باقيين
هههههههه

خلاص هروح قسم كلية الاداب
واشوف ايه الاخبار
hazem_ayman
20-07-2009, 07:45 AM
ان شاء الله هتلحقى اداب انتساب مش لازم فى محافظتك ممكن تلحقى محافظه تانيه
لو اهلك مش هيوافقوا انك تطلعى بره يبقى مش قدامك غير حقوق

افضل الاقسام فهى اقسام اللغات مستقبلها جاااااامد جداااا
وقسم الاثار المصريه لانك ممكن تشتغلى فى مجال السياحه (مرشده سياحيه)
الورده الحمرا
20-07-2009, 07:51 AM
لا سيبك من اللغات
ممكن العربى فيها بس مش حابه
لكن فكرت فى قسم الاثار
وكتبت الاقسام اللى عايزاها والاثار منها
فى قسم كلية الاداب
لسه بعتمد الموضوع
النور قطع
هههههههههههههه

هشوف كده وصل ولا ايه


ومش مهم مكان الكليه
بس مايبعدش اوى

وميرسى على رأيك
الورده الحمرا
20-07-2009, 08:00 AM
ده لينك الموضوع

http://www.thanwya.com/vb/showthread.php?p=1425954#post1425954