المساعد الشخصي الرقمي

مشاهدة النسخة كاملة : خاص بالمتظلمين

لمى 2016
18-07-2009, 10:38 PM
السلام عليكم و رحمة الله و بركاته
بخصوص المتظلمين
بصراحة عشان مش ابقى بفتى يعنى
انا مش اعرف غير قطاع الاسكندرية بس
لانى تبع القطاع ده
بالنسبة لباقى القطاعات شوفوا لجنة النظام و المراقبة بتاعتكم فين و روحوا عندها
هتروحوا هناك(ليسيه الحرية بالنسبة للقطاع بتاعى)
و بعدين تاخدوا البون بتاعكم
و بعدين تروحوا تدفعوا الفلوس فى فرع البنك الاهلى اللى هيقولوا لكم عليه فى الكنترول
و بعدين ترجعوا الكونترول تانى
عشان يقولوكم تيجوا تراجعوا امتى
(على فكرة فى المرة الاولى مش ضرورى تروحوا انتم شخصيا اللى هيدفع بس هو اللى يروح
و بخصوص الفلوس فهى 105 مش 100 بس)
فى اليوم المحدد للمراجعة لازم انت اللى تروح
مع ولى امرك انتوا الاتنين بس اللى بتدخلوا الاوضة
ولى امرك بيسيب بطاقته بره
و بيدخل
بيدولك ورقة اجابتك مصورة و بتاخد نموذج الاجابة
و بتكتب كل ملاحظاتك اللى على الورقة كلها كلها
سواء مراية سواء سؤال مش متصحح
سواء سؤال متصحح غلط

اكتبوا كل حاجة
و بعد كده مستشار المادة بيشوف الورق ده
و اللى يستحق درجة بياخدها
بس طبعا بتقدموا فى التنسيق عادى خالص
لو اتغيرت الدرجة بتروحوا القاهرة تغيروها بقى هناك
و تغيروا الكلية بتاعتكم
و مش تسمعوا كلام الناس اللى بتقول مش هتاخدوا غير غلطة الجمع و السؤال اللى مش متصحح
حتى فى الجرايد بيكتبوا كده
عشان الناس تياس و العدد يقل
انا اعرف واحدة اخدت درجة فرقت معاها من علوم لبيطرى
و واحدة تانية فرقت على نص درجة من بيطرى لصيدلة
ربنا يوفقكم يا رب
اها كنت هنسى النتيجة بتظهر بعدها بشهر
y o m n a
18-07-2009, 11:13 PM
شكرا يالمى عالموضوع
بس كنت عايزة اسأل
الموضوع ده هيبتدى من بكرة صح ؟؟
وبعدين مش فاهمة ايه المراية دى؟؟
و ممكن فعلا سؤال متصحح غلط اخد درجته؟؟
سيدرا
18-07-2009, 11:15 PM
شكرا
بس صاحبتى كان ليها 5 درجات ومااخدتش حاجه
لمى 2016
18-07-2009, 11:19 PM
شكرا يالمى عالموضوع
بس كنت عايزة اسأل
الموضوع ده هيبتدى من بكرة صح ؟؟
وبعدين مش فاهمة ايه المراية دى؟؟
و ممكن فعلا سؤال متصحح غلط اخد درجته؟؟
اها بكره
المراية دى اللى بيبقى فيها درجات الاسئلة
اللى هى الجدول اللى برا
casper.eg
19-07-2009, 06:22 PM
انا جبت 93%
علمي رياضه
وفيزياء 44
روحت النهارده اسيوط اصل انا من قنا روحت المدرسه الفكريه واخدت رقم الحساب
وحولت 102 جنيه وبعدها خدت ايصال التحويل ورجعت المدرسه
كتبت اسمي في كشف وبعدها ادوني ورقتين كتبت بيناتي فيهم وقالي استني بتاع نص ساعه و وتشوف ورقتك
بعد نص ساعه سمعت اسمي و دخلت مع ولي الامر
بدون اي شئ لا موبايل ولا نموذج اجابه ولا اي حاجه تبع الفيزياء
ملقيتش غلطات في الجمع ومفيش اسئله مش متصححه
بس لقيت اربع نقط كل نقطه عليها درجه الاجابه صح ومتعلم غلط

واداني ايصال فيه رقم تيليفون اتصل يوم 4\8
علشان اعرف النتيجه
وهنسق عادي يوم الجمعه اصل انا 381.5

تفتكر هيجيني اي درجات؟؟
Fulla92
19-07-2009, 07:15 PM
انا كنت تانية السنة اللي فاتت وكان ليا درجتين في الانجليزي وما اخدتش حاجة
كان الاجابة صح واتعلمت غلط
وكان معايا نموذج اجابة اخدوه مني وقالولي ممنوع
ودفعت وهاكشف السنة دي كمان وانا واثقة ومتاكدة اني مش هاخد حاجة
هو اللي بيروح بيرجع؟؟؟؟؟؟؟؟؟
ضرورى
19-07-2009, 07:44 PM
معقول بعد شهر ؟