مشاهدة النسخة كاملة : يا جماعه محتاج رايكم


el_joker
19-07-2009, 07:55 PM
السلام عليكم جميعا وعلى ادارة هذا المنتدى ومشرفيه واعضاءه وزواره

انا يا جماعه كنت كل سنة بطلع من الاوائل وعندى شهادات تقدير كتيييييييييير وجبت فى 3 اعدادى 266.5 من 280
فطبعا قلت بالمجموع ده ادخل ثانوية عامة فدخلت.. ويارتنى ما دخلت

جبت فى اولى ثانوى مجموع حلو الى حد ما

لكن جيت فى تانيه وتالته وضعت خالص وبطلت اذاكر من غير سبب وكرهت الكتب وكرهت التعليم كله

جبت فى تانيه 70% .. اتخضيت وكنت هموت لكن قلت يلا اعوض السنة الجاية
جيت فى تالته بطلت اذاكر خالص
لدرجة والله العظيم من غير كدب كنت بذاكر الماده لاول مرة قبل الامتحان بيوم ولا اتنين ومن غير دروس ولا كتب خارجيه كنت بحسبها زى السنين اللى قبلها .. مع انى عارف ان ده جنون
وجيت دلوقتى وخلصت الثانوية واصبح مجموعى الكلى 65% بالتمام والكمال

مع العلم انى كنت مضايق جدااااااااااااااااااا وكنت هرمى نفسى ادام عربيه من مجموعى ده وانى لو كنت ذاكرت كنت هجيب حاجة وتسعين لكن .. دلوقتى قلت يلا ده نتيجة استهتارى بالثانوية العامة وبعدين مجموع زى ده يعتبر انجاز للى كنت بعمله

فدلوقتى هل ايه اللى اقدر ادخله بالمجموع الزباله ده ده اذا كان فيه حاجة اقدر ادخلها
واسف جدا على الاطاله

BaNZeR
19-07-2009, 11:59 PM
................................

استنى لما تشوف تنسيق المرحلة التالتة والرابعة وشوف

حد يستهتر كده في ثانوية عامة !!!

Bent 3bdo
20-07-2009, 01:21 AM
انت كنت علمى ولا ادبى
لو علمى ممكن تلحق اداب
وزراعه بتفضل ل50%
ربنا يعملك اللى فيه الخير

el_joker
20-07-2009, 03:01 AM
متشكر جدا على ردودكم وانا فعلا ندمت على استهتارى

و للاسف يا نغم انا ادبى

parparosa
20-07-2009, 03:26 AM
يا جماعة انا جايب 94% علمى علوم ..... فانا عاوز اعرف ممكن الحق تمريض المنصورة

Bent 3bdo
20-07-2009, 03:38 AM
متشكر جدا على ردودكم وانا فعلا ندمت على استهتارى

و للاسف يا نغم انا ادبى

ان شاء الله خير

sympathique
20-07-2009, 04:08 AM
طبعا محدش يقدر ينكر استهتارك

والثانوية بتختلف عن اللى قبلها

بس مش دى نهاية المطاف

مهما كان اللى هتدخله خلى عندك هدف واجتهد وجيب تقديرات عالية

وعاوز فى يوم من الايام اقولك على المنتدى ده يادكتور (جامعى)

فكر فى كلامى واحسبها كويس

Ma7moud_442
20-07-2009, 04:24 AM
فعلا سيبك من اللى فات مهما كان ...... ولو بتقول انك استهرت فكدا بداية كويسة جدا جدا انك اعترفت بغلطك
ويم انك عندك القدرة على المذاكرة وكنت بتجيب مجموع من صغرك يبقى مهما كانت الحاجة اللى هتدخلها لازم تثبت وجودك
ودا مش هيتحقق غير بعهد تاخده على نفسك دلوقتى حالا ...... أيوة دلوقتى وانت بتقرأ الرد بتاعى ......... انك تذاكر وتبذل اقصى جهد عندك لاثبات ذاتك وربنا يوفقك وبالمناسبة عاجبنى ردك جدا يا esraa لانه الرد الوحيد اللى فيه امل من الردود اللى قبل كدا

el_joker
20-07-2009, 01:44 PM
متشكر جدا على ردودكم جميعا وبخاصه اسراء ومحمود لانهم بصراحة رجعولى الامل من جديد وان شاء الله خير ومتشكر مرة تانية على ردودكم وربنا يوفقنا جميعا