السلام عليكم

انا الحمد لله جبت 95 ادبى وان شاء الله الحق سياسه واقتصاد والسن او اعلام وانا نفسى فى سياسه واقتصاد ولكن كل اللى حواليه بيخوفنى منها ويقولى لما تتخرجى هاتشتغلى ايه واللى بيشتغل اولاد الوزرا بس ويقولولى عن السن انها زى تربيه انجليزىواعلام اصلا مش بفكر فيها وكله بيقولى تجاره انجلش احسسسسسسسسسن وليها شغل كتير فى اى حته مع انى نففسى اروح وسياسه واقتصاد بس متتردده وخايفه اخدها واعد فى البيت وبتوع تجاره اللى يشتغلوا وياريت تقولولى كمان هى درجه الانجليزى لازم تبقى كام فى السن وتجاره انجليزى المنصوره؟؟؟

ياريت تردوا علييه دلوقتى لان التنسيق بكره يا جماعه

ومعلش طولت علييكم:confused::confused::confused:

اولا مبروك على المجموع .... بسم الله ما شاء الله...ثانيا: انا عارف ان اى حد غاوى كليه وفعلا دخله بارادته ان شاء الله حيمشى ..اما الى دخلها عشان مجموعه قيده ده ممكن يفشل وممكن ينجح ...يعنى فيه ناس فى حقوق وجيبين 98 ...ليه؟ ده واحد بيحب الكليه يبقى ان شاء الله بنا حيوفقه ...وبعدين متفكريش فى حكايه الشغل لان الشغل ده رزق ملوش علاقه بالدراسه ولكننا نسعى فقط ..بالنسبه للاقتصاد و السياسه الى اعرفه ان العشره الاوائل على الكليه لازم يشتغلوااا ا... الباقى ممكن يشتغل وممكن لا...التجاره الانجليزى مش وحشه بس محتاجه مذكره و المتوفقيين فيها بيشتغلواا فى البنوك بس برده مش كل الدفعه حتشتغل ....والتجاره الانجليزى ملهاش شروط فى مجموع اللغات ...اما الالسن فشروطها :الحصول علي 70% علي الأقل من درجة النهاية العظمي لكل لغة من اللغات الثلاث كل علي حده (اللغة العربية واللغتان الأجنبيتان الأولى والثانية) ولا يحق للطلاب المعفيين من مادة لغة أجنبية ثانية الالتحاق بهاتين الكليتين...وفى النهايه انتى الى حتخشى الكليه ولو كنتى متوفقه ربنا حيكرمك مهما كانت الكليه من كليات القمه او لا...وبالتوفيق ...واى استفسار انا تحت امرك ....وربنا معانا جميعاااا... ا

عندنا برده نفس المشكلة اختى جايبة 97 ادبى وبرده من المنصورة ومش عارفين تدخل سياسة واقتصاد و لا لا بس هى عاوزها بالرغم من الغربة وكدة ومش عارفيييييييييين هتعمل ايه ؟؟؟؟؟؟؟؟

ايوااه والله زيى هما مش مواافقين علشان القاهره وكده

بس هى تجااره انجليزى حلوه يعنى؟؟؟

انا فاكره انى رديت عليكى
مش عارفه ف توبيك تانى بقى ولا الرد متحطش ولا ايه
المهم
كنت بوقلك ان تجارة انجلش مستقبلها حلو جدا مطلوبين
وبيطلبوا بالاسم اول مايتخرجوا و المرتبات عاليه كمان ماشاء الله
يعنى انا كان نفسى اخشها اوى
بس لو قلت لحد ف البيت كده ممكن يرمينى م البلكونه
مش راضين بصيدله وعاوزين طب
شوفى بقى لو قولتلهم تجارة
يلا ربنا يعملك اللى فيه الاخير
اهم حاجه تستخيرى
وشوفى يعنى لو انتى نايه تشتغلى ان شاء الله خشى تجارة انجلش
لو ملكيش واسطه تشتغلى بعد سياسه واقتصاد
لو مش ناويه تشتغلى خشى علوم سياسيه واهو تبقى دخلتى اللى انتى عوزاه
وف الاخر يابنتى هتجوزى وتقعدى تربى العيال
تمنياتى ليكى بكل خير
ربنا معاكى يا جميل

ربنا يقدم اللى فيه الخير هنكتب ساسة واقتصاااااااااد وربنا يسهلها وقوليلى عملتى ايه ؟؟؟؟؟؟

مين قال إن تجارة إنجلش مش محتاجة درجة معينة فى اللغات .............. أولا عشان تضمنها لازم يكون الإنجليزى يتجاوز 45 درجة غير إن فى أفضلية للمستوى الخاص إنجليزى ........... ياجماعة أرجوكم اللى متأكد من حاجة يقولها ....... مش متأكد بلاش أرجوكم