لا لليوجينيا [الأرشيف] - بوابة الثانوية العامة المصرية

مشاهدة النسخة كاملة : لا لليوجينيا

mostafa kernawy

20-07-2009, 11:34 PM

طبعا معظمنا دخل تالتة ثانوي والحمد لله طلعنا منها (يا رب على خير )

اجمل حاجة في العربي كانت ايه

من وجهة نظر العبد لله هي دروس القرأة ولا ايه رأيكم
بجد استمعت بدراستها بغض النظرعن درس زي قضية السكان الي معرفش قصد الكاتب منه

اجمل درس هو اليوجينيا
بجد حاسس ان انا اتثقفت واستفدت ونميت مداركيي ووعي
وبجد لازم يكون القناع سقط امام عيوننا جميعا احنا الشباب

فيه فقرتين في الدرس اتحب لو نعلق سوا هنا عليهم

اولا الفقرة الي بتقول
(لقد غدا كبح جماح النمو السكاني .......تطلب جزء من ابادة شعبها ... حافزا ماديا ...)
فكرين ولا ايه ؟؟
بجد كده لو تمعنا هنلاقي الفقرة دي بتضرب درس قضية السكان خالص
وايه قصد كاتب قضية السكان في اخر درسه من طريق السلامة وطريق الندامة هو فاكر ايه مفيش عقل مفيش منطق مفيش جيل واعى مثقف فاهم طالع مفيش صحراء تستصلح مفيش موارد طبيعية تستغل احلى استغلال ..ده احنا خير امة اخرجت للناس وبلدنا اغنى بلد في الموارد الطبيعية والى احنا فيه ده مجرد فترة وان شاء الله هتعدي

ثانيا الفقرة الى بتقول
( ثم اخذت
اليوجينيا تتطرق مدخلا جديدا ...تحويل نمط الحياة لدي سكان العالم الثالث ...كي تتوافةق اكثر مع نظرة الغرب المتحررة نحو الجنس والتكاثر ......)
فكرين ولا ايه ؟؟
بجد كده احنا لو اعملنا عقلنا في الفقرة دي هنلاقي كل حاجة بتحاصرنا عشان تحقق ده أفلام هابطة في دور السينما وأغاني مستواها تحت الدنيئ في كل القنوات الفضائية ..الهدف الأول والأخير اننا احنا الشباب ننفسد وتضيع اخلاقنا ومبادئنا وقيمنا بس لأ لازم
نفــــــــــــــــــــــوق ونقاوم هذا الاحتلال الفكري والثقافي ونتمسك بتعاليم دينا ومبادئنا

ونمشي صح لغاية منوصل ان شاء الله بإذن الله

لازم نصرخ بأعلى صوت في وجه الى عايز يدمرنا ويدمر اخلاقنا _احنا احفاد الفراعنة خير جند الارض الى دمرنا العدو في حرب اكتوبر مش هنقدر نقاطع شوية مواقع وافلام واغاني اباحية –

لا لليوجينيا

**تسابيح**

21-07-2009, 08:43 PM

ونمشي صح لغاية منوصل ان شاء الله بإذن الله

لازم نصرخ بأعلى صوت في وجه الى عايز يدمرنا ويدمر اخلاقنا _احنا احفاد الفراعنة خير جند الارض الى دمرنا العدو في حرب اكتوبر مش هنقدر نقاطع شوية مواقع وافلام واغاني اباحية –

لا لليوجينيا
انا بكره حاجة اسمها اليوجينا
أكيد بضرر
وانا فاكرة كويس الدرس دا لاني كنت مذاكرة اوووووووي
كان نفسي يجي في الامتحان بس مجاش يالا بقي
بس احنا مفروض نفتخر اننا مسلمين مش احفاد الفراعنة
العرب كلهم بيتعجموا في حياتهم وتفكرهم
ربنا يستر علينا
شكرا ع التفكير بالماضي الاليم(الثانوية العامة طبعا:d)

هل تعتقدوا أن اليوجينيا توجد في المنتديات ؟؟؟؟؟؟؟
ازاي يعني :bosyht9:

Sharp

21-07-2009, 09:27 PM

من وجهة نظر العبد لله هي دروس القرأة ولا ايه رأيكم

من رايي المتواضع مش مفيدة اوي دروس القراءة
فين نظرة الابداع لكل طالب وفين نقدة للموضوع اساسا لو كان من حقك
انا درست الموضوع وانت درست الموضوع اية الفرق بيني وبينك في الزيادة في معلومة
حتي طريقة الامتحان بجد الواحد بيحس الاهانة لما يسألك في موضوع واحد كاتب حطة ولازم تاخد برأية حتي لو مش عاجبك ولو مش عاجبك مش هتاخد الدرجة تعليم اية دة ان شاء الله
يارب الحال كدة يتصلح ويبقي احسن

احمد رضا

21-07-2009, 10:04 PM

mostafa kernawy

21-07-2009, 10:12 PM

لا والله
انا اقصد يوجينيا في المنتديات
لما تلاقي كده كل الموضوعات ليها هدف خفي كلها كده بتحوم حولين نقطة معينة انا لقيت ده في كذا منتدي بس يمكن مش هنا ويمكن انا ظالمهم عشان كده باخد رأيكم
لماتلاقي انسياق غبى وراء الغرب في طريقة الكلام واللبس والثقافة وحاجات تانية كتييييير كدة
لدرجة ان الواحد بيحس ان العضو المميز في المنتدي هو الى بيقول كلام اجنبي كتيير وافكاره متحررة على حد التعبير
عولمة بقي
هل دي يوجينيا ؟؟

mostafa kernawy

21-07-2009, 10:14 PM

بس احنا مفروض نفتخر اننا مسلمين مش احفاد الفراعنة
العرب كلهم بيتعجموا في حياتهم وتفكرهم
ربنا يستر علينا

حضرتك فعلا عندك حق في النقطة دي انا اسف احنا فعلا مفروض نفخر اننا مسلمين انا كمان كنت حافظ الدرسده عن ظهر قلب وكان نفسي يجي

mostafa kernawy

21-07-2009, 10:16 PM

انا درست الموضوع وانت درست الموضوع اية الفرق بيني وبينك في الزيادة في معلومة
حتي طريقة الامتحان بجد الواحد بيحس الاهانة لما يسألك في موضوع واحد كاتب حطة ولازم تاخد برأية حتي لو مش عاجبك ولو مش عاجبك مش هتاخد الدرجة تعليم اية دة ان شاء الله

فعلا حضرتك عندك حق بس حتي لو الوقت مش يسمح ممكن الواحد ينقض الموضوع بينه وبين نفسه ويتناوله في مذاكرته بطريقته هو .. وربنا يهدي الى بيحط الامتحان

mostafa kernawy

21-07-2009, 10:18 PM

** MR.SmilE **

21-07-2009, 10:37 PM

طبعاً انا مبقتنعش بصياغة موضوعات القراءة دي أصلاً لإنها بتعرض وجهه نظر شخص مش قرآن وكلام مُنزل
ومفيش أي لمسة من لمسات المنهج الكشفي ( علم نفس تربوى ) يعني مش عارف بحس إن شوية ناس فاكره نفسها مثقفة قاعدين علي مصاطب وبيقولوا ننزل الكلام ده وخلاص نحشي بيه المناهج
:d
يعني مثلاً اليوجينيا مُمكن نعملها إعادة صياغة وتبقي حاجة جميلة جداً
وهي إن فعلاً نقلل فئة الأغبياء ( اللي قدراتهم قليلة ) يقللوا النسل شوية
عشان ميستهلكوش موارد كتيرة بدون إنتاج
وف نفس الوقت نعمل علي ترقية الأجناس دي بطرق تحسين السلالة
يعني مثلا نجيب سلالة أقل قدرات مع سلالة أكثر قدرات
وعمل مزيج مكستشر يعني
بس في حين عمل المزيج ده وخطوات الحل
نقلل بقي الجماعات اللي بتطلع ترزل علينا ف الدُنيا دى
:d
ودي بالنسبالي اليوجينيا العادلة
اللي بتهدف للمصلحة العامة
وطبعاً مش هتبقي عادلة
إلا ما يبقي فيه دولة عادلة مُهيمنه
وده مش هيحصل ( مش موضوعنا يحصل او ميحصلش )
انا بتكلم عن الفكرة بس والمبدأ
:)
شكراً وده أكيد رأيي الشخصي محدش مُطالب إنه ياخد بيه
:)

كنت متأكد انك هترد يا احمد ع الموضوع ده

يوجيني عتيد طول عمرك :d

عشان كدة انا جاهز بالرد علي طول

يعني مثلاً اليوجينيا مُمكن نعملها إعادة صياغة وتبقي حاجة جميلة جداً
وهي إن فعلاً نقلل فئة الأغبياء ( اللي قدراتهم قليلة ) يقللوا النسل شوية
عشان ميستهلكوش موارد كتيرة بدون إنتاج
وف نفس الوقت نعمل علي ترقية الأجناس دي بطرق تحسين السلالة
يعني مثلا نجيب سلالة أقل قدرات مع سلالة أكثر قدرات
وعمل مزيج مكستشر يعني
بس في حين عمل المزيج ده وخطوات الحل
نقلل بقي الجماعات اللي بتطلع ترزل علينا ف الدُنيا دى

طيب احنا هنعرف ازاي السلالة الغبية من الذكية
اصل الذكاء و الغباء لا يتوارث
و الا كان العلماء بيخلفوا علماء و الادباء بيخلفوا ادباء
نسمع بقي عن اينشتين التاسع عشر
و برنارد شو العاشر .. دي تبقي هيصة :d

يعني مثلا زمان كانوا بيقولوا ان السود مثلا اغبياء و خلقوا ليكونوا عبيدا
لو واحد اسود قاعد في اتوبيس لازم يقوم يقف لو واحد ابيض دخل عليه :040vk0:

دلوقتي بفي بيطلع منهم رؤساء لأمريكا

حاجة كمان .. ايه هو تعريف الذكاء ؟؟

او مين هو الانسان الذكي ؟؟

اكيد انت عارف ان دلوقتي متوسط الذكاء 110
اللي اقل من كدة يعتبر ببساطة غير ذكي
و اللي اكتر من كدة ذكي .. صح ؟

طيب لو افترضنا اننا قللنا النسل الغبي
و ارتفع متوسط الذكاء لـ 140مثلا

هيبقي عندك نسبة من البشر اقل من 140 و دول
هيعتبروا في نظر اللي اعلي منهم اغبياء

و هكذا في حلقة مفرغة الي ما لا نهاية

تخيل كدة نعيش ف عالم مستوي ذكاؤه 180 او ما شابه
دي تبقي مصيبة :d

دي وجهة نظري المتواضعة في الموضوع ده
عموما الاختلاف ف الرأي لا يفسد للود قضية :)

سلام

mostafa kernawy

21-07-2009, 10:57 PM

دي وجهة نظري المتواضعة في الموضوع ده
عموما الاختلاف ف الرأي لا يفسد للود قضية :)

سلام

كل الاحترام والتقدير لوجهة نظرحضرتك ... وشكرا لمرورك الكريم
ايوة كده يا جماعة الرأى والرأي الاخر ....

طالبة الغفران

27-07-2009, 08:37 AM

احم

يوجينيا اية بس يا جماعة

الكلام ده ليس له اساس من الواقع !!!!!!!!!!1

محمد نبيل علي عبد الحميد

27-07-2009, 08:50 AM

السلام عليكم
بصراحة كل اللي اعرفه عن اليوجينيا انها كانت درس رخم في العربي . دلوقتي فيه ابادة جماعية و تمييز عنصري تحت شعار الشرعية الدولية. بس زي ما قال دكتور / وجدي غنيم مفيش حاجة اسمها شرعية دولية الشرعية يجب أن تكون إلهية.

طالبة الغفران

27-07-2009, 06:12 PM

انا حاسة ان كله بيدخل يقول كلام كبير

ومفيش لغة للتفاهم

لو حد يقدر يبسطلي اكون شاكرة
مبحبش احس اني جاهلة

اوركيديا

27-07-2009, 06:43 PM

يعني مثلاً اليوجينيا مُمكن نعملها إعادة صياغة وتبقي حاجة جميلة جداً
وهي إن فعلاً نقلل فئة الأغبياء ( اللي قدراتهم قليلة ) يقللوا النسل شوية
عشان ميستهلكوش موارد كتيرة بدون إنتاج
وف نفس الوقت نعمل علي ترقية الأجناس دي بطرق تحسين السلالة
يعني مثلا نجيب سلالة أقل قدرات مع سلالة أكثر قدرات
وعمل مزيج مكستشر يعني
بس في حين عمل المزيج ده وخطوات الحل
نقلل بقي الجماعات اللي بتطلع ترزل علينا ف الدُنيا دى
:d
امممممممم
ايه تعريف الغبى و ايه تعريف الذكى
؟
هل هو اللى ليه قدره على حل المعادلات الرياضيه
فهم المنطق
معالجه المشكلات
عنده ذكاء اجتماعى
ذكاء معنوى او نفسى
قدرات فى الحفظ
هل هل هل
انهى بالظبط هو اللى تقدر تعتبره ذكى بالقدر الكافى
فى قاعده عامه ساريه على كل بنى البشر
ان كل واحد فينا عنده قدرات
يمكن ناس مش يستغلوها لغايه ما يموتوا
بس ده لا يمنع ان عندهم قدرات
فى ناس كل حياتهم بتتلخص فى كلمه
بس الكلمه دى ممكن تنقذك و تبقى منهج حياه
كل انسان فى الكون ده
ربنا خلقه لعله
و مش بيموت
غير لما تتحقق
اللى عاوزه اوصله
ان مش فى حد ملوش لازمه
او قلته احسن يعنى
:)

تانى نقطه
هل فى نمط واحد فى طريقه التوريث الجينى
بمعنى
انا ذكى بابايا ذكى جدى ذكى مراتى غبيه مثلا
ابنى ليه حتماليه و قانون مندل و الكلام ده
اللى عايزه اوصله
ان ربنا خلقنا شعوب و قبائل لنتعارف
كله مكستشر على بعض اساسا
من سيعه ما ربنا خلقنا
مفيش سلاله غبيه و سلاله اكثر ذكاء
و الانسان السوبر مش حييجى
و لو جه يبقى على اجساد الوف من البشر
عشان اليوجينيا دى تتحقق
:)

اه ف حاجه كنت عايزه اضيفها
دلوقتى فكره اليوجينيا هى من اخصب الافكار فى العالم الغربى العنصرى
و خلى بالك من الصفه
و اول ما ظهرت كانت على ايد نيتشه و كتابه هكذا تحدث زرادشت و اللى اتمخضت عنها النيازيه زى ما حضرتك عارف
هما كانوا بيامنوا ان الجنس النازى هو الاساس
و الباقى مرجد عبيد اتخلقوا عشان يكملوا الصوره حواليهم مش اكتر
و البتالى كانت المعمله بتاعتهم لغيرهم منطقيه جدا
بكل بساطه غيرهم مش يستحقوا يعيشوا
لازم نقلل نسلهم
غيرهم اغبياء
(نفس كلام حضرتك )
و على نفس المنوال بدا الكلام دلوقتى
و بطبيعه الحال مش حتاجين نقول ان المرادى حيبقى الاتجاه ناحيه مين
لابادتهم
تحت دعوى اليوجينيا و تحسين النسل
و طبعا دليلهم على اننا لا نستحق الحياه جاهز
تخلفنا هو اللى ادلهم المبرر و قوتهم ادتهم الحق و اليوجينيا ادتهم الفكره
ربنا يعين

يلا فى رعايه الله

طالبة الغفران

29-07-2009, 09:22 AM

ايه تعريف الغبى و ايه تعريف الذكى

الغبي من يتكاسل

الذكي من يجتهد

Its My Life

29-07-2009, 11:17 AM

الحمد لله كنت في ثالثه ثانوي
ودرست اليوجينيا
بس كنت باشتغل شغل صميمه الحمد لله
كنت حفظه الكتاب من الجلده للجلده ومش فهمه منه حاجه
أصلي كنت أدبي:d
هو ده التعليم في مصر:d
تحيا مصر

شهدالجنة

30-07-2009, 09:45 PM

ههههههههههههههههههههههه

والله فكرتنى بالزى مضى اناكان عندى

درس فى العربى فى تالتة ثانولى عنه

بسسببه كرهت العربى كله والله

اليوجينا اختراع فاششششششششششششششششششششششل

أميرة الأحلام

01-09-2009, 01:47 AM

كويس والله انك كتبت الموضوع ده فكرتنى لما اخدت الدرس ده وخرجنا انا واصحابى نتناقش فيه (وللاسف الشديد جدا جدا ان الاستاذ شرح الدرس بطريقه تانيه خالص رغم ان الهدف الاساسى من الدرس كان واضح جدا يله ربنا يسامحه).
يومها انا واصحابى فكرنا لو فعلا الكلام ده صح تبقى مصيبه لان الغرب بيفكر ازاى يبيدنا واحنا نايمين فى العسل .
وبجد النقطتين الى انت اشرت ليهم مهمين جدا فعلا الى بيحصل دلوقتى ان الغرب بيعمل على انه يخلينا زيهم فى كل حاجه واحنا مشاء الله مستسلمين جدا اكيد مش كلنا بس نسبه كبيره مننا .،بجد بعد ما اخدت الدرس ده قررنا انا واصحابى اننا نواجه الامر ومفيش حاجه اسمها الاغبياء ميتعلموش لان كل واحد عنده حاجه متميز فيها لازم نستغلها ، ومش احنا الى اغبيا هما الى عيزينا نكون اغبيا.

eng_emy

01-09-2009, 03:53 AM

يااااااااااه
فكرتنى بالعربى
انا كنت بعشق دروس العربى
بس كنت بحبها فى تانية اكترمن تالتة
وفعلا كنت بحب درس اليوجينيا اوى وكنت برضه مذكراه جامد
بس مجاش
وطبعا زى ما قولت لالليوجينيا

بس حقيقى ذكريااااااااااااات مش حتتنسى ابدا

دينا وهبه

01-09-2009, 12:20 PM

بغض النظر عن الواحد اصلا ماكنش بيطيق حاجة اسمها عربى
وقضية السكان ده انا داخلة الامتحان من غيره :confused:
الا ان اليوجينيا ده فعلا اكتر درس اتذاكر, مش حبا فيه ولا غباء م الاخرين, انما بسبب الاعجاب بالمعلومات اللى فيه
ده غير ان شكله يبدو مختلف عن دروس القراءة اللى متعودين نذاكرها طول عمرنا
بس اللى فادنى فعلا فى الثانوية العامية دى, اكتر م اليوجينيا, دروس علم النفس
رغم ان كان حفظها رخم جدا وبيتبخر الا ان الفهم موجود والمعلومة محفورة ف الدماغ وطبعا باذن الله قابلة للتطبيق فى المستقبل
وربنا وفقنا جميعا

يالا بينا

04-09-2009, 01:31 AM

انا ملاحظة ان الموضوع اتقلب لذكرى عن العربي....
على كل حال احب اقول:
ان اليوجنين اللي احنا خايفين منهم واللي هم اجانب
خطرهم
اقل بمراحل من خطر اليوجينين العرب
تحديدا
المصريين
بتوع الجامعات الخاصة وما شابه ذلك.....

د/بسمة الاسلام

20-12-2009, 04:37 PM

اه فعلا
يا
يلا بينا
عندك حق
ربنا يسترها علينا من اليوجينين المصريين