بسم الله الرحمن الرحيم

السلام عليكم ورحمة الله وبركاته

كل عام وانتم بخير

رمضاان كريم

انا عارف هتقولولي احنا فين يا عم ورمضان فين
اسمعوني بس
احنا الحمد لله امتحنا عربي
علاقتنا بالاعراب لحد ما ندخل كلية (ربنا ينول كل واحد فينا أمله يا رب ) شبه منتهية
احنا بقي هنا جايين نصحي اللغة العربية في ادمغتنا
الاعراب ده شيئ لذيذ جدا يا جماعة
وانا نفسي سوا نعد اجمل هدية لشهر رمضان المبارك
من غير مقدمات يا جماعة
احنا كلنا هنا هنحاول ان شاء الله نعرب جزء عم كاملا اعرابا يسيرا جيدا صحيحا تحت اشراف معلمنا ومدرسينا الاوائل
طبعا لا داعي للقول ان الاعراب فرع الفهم واننا ان شاء الله لو حولنا كلنا سوا نعرب ولو جزء واحد من القران ان شاء الله هنتعلم التدبر والتدقيق ونفهم كلام الله
ونكون جهزيين نفسيا لشهر رمضان الكريم
ونملأ وقت فراغنا بحاجة ترضي ربنا وتسعدنا وتفدنا
ايه رأيكم يا جماعة
نبدأ ازااي احنا ممكن مثلا نطلب من مدرس لغة عربية متطوع (بارك الله فيه وجزاه عنا خيرا) انه يشرف على اعرابنا ويتابعنا بحيث لو مثلا كلنا حددنا اننا ولغاية3 أسابيع مطلوب مننا اننا نجتهد في اعراب منسورة الشمس الى الناس
الاستاذ يتابع ردودنا ويلغى الردود الخطأ ونثبت الحلول الأقرب الى الصواب ان شاء الله
ويشترك معانا مدرسين المادة ونطلع على كتب فقهه ونحللل ونفسر ونفهم بجلاء ان شاء الله

:):):(:(ألا يوجد من يقود برنامجنا ويبتغي الأجرعند الله عز وجل .......

الفكره صعبه شويه بس اكييييييييد ربنا هيسهلها
على قد ما اقدر انا ان شاااااء الله معاكو

فكرة كويسة جدا يا مصطفى مع انها صعبة شوية

وانا اول المنضمين لها ....

فكرة صعبة
فكرة صعبة
لااااااااااااااا الله هو المستعان

يلا نبدأ دلوقتي حالا
توكلنا على الله

فيييييييييييييييينكم

نحن هنا ومستعدين للبدء حالا فلننطلق

بإذن الله معكم أنا

اهلا بسيادتك

يلا بقي يا جماعة
نبدأ
نعرب سورة الناس ؟؟؟؟؟؟؟؟؟؟

تمام

أنا هبدأ إن شاء الله .....

قل :- فعل أمر مبنى ع السكون وحدفت الواو لمنع التقاء الساكنين
والفاعل ضمير مستتر تقديره أنت

أعود :- فعل مضارع مرفوع وعلامة رفعه الضمة والفاعل ضمير مستتر تقديره أنا

برب :- الباء حرف جر مبنى لا محل له من الاعراب
رب :- اسم مجرور وعلامة جره الكسرة الظاهرة
الناس :- مضاف اليه مجرور وعلامة جره الكسرة الظاهرة