eng.midosaid
21-07-2009, 12:49 AM
السؤال دا حبيت اعرضه عليكم لاني شفت نماذج كتير موش عارفه تجاوب عليه
هل انت راضي عن نتيجتك ؟ هل انت راضي عن اللي ربنا كتبه و اللي قدره عليك؟
حبيت اطرح عليكم السؤال دا لاني سمعت كلمة ما كنتش احب اسمعها
كلمة ليه انا ؟؟ اكتر من واحد قللي الكلمة دي قال يا رب ليه انا وقال بنفس الاسلوب
مذاكرة وذاكرت صلاة وصليت دروس واخدت امتحانات وحليت يبقي ليه انا اللي اجيب
مجموع موش كويس وزمايلي يكون حظهم احسن مني ويجيبوا مجموع عالي
يا ريت كل واحد يدخل ويقوللي كان ايه انطباعه بعد النتيجة وبعد بدا التنسيق
يا تري كان راضي ولا لاقدر الله كان حاجه تانيه بس الصراحه مطلوبة وشعورك لحظة
اعلان النتيجة لازم تقوله كان عامل ازاي؟؟؟
BaNZeR
21-07-2009, 04:00 AM
لو علم الناس ما في الغيب لرضوا بالواقع
لو اللى قال كده كان عارف كان حيفشل ازاي لو دخل الحاجة اللى كان عايزها
كان حمد ربه
انت ممكن تدخل كلية علوم وتطلع دكتور وتبقى حاجة كبيرة
وممكن تدخل كلية هندسة وتشتغل مدرس حاسب آلي وتبقى اقل من اللى دخل تربية !!
مش بهزر
في عندنا فعلاً ناس مهندسين من هندسة وحاسبات بياخدوهم مدرسين بالحصة !!!!
يبقى كل واحد يرضى باللى فيه
في دكاترة مرميين في الشارع ومش لاقيين شغل
العملية مش عملية كليات قمة ولا عملية الحاجة اللى عايزها من غير ما اعرف مستقبلي ايه
هل انت راضي عن نتيجتك ؟ هل انت راضي عن اللي ربنا كتبه و اللي قدره عليك؟
اكيد راضي ولا يسعني غير الرضا بقضاء الله مهما كان اللى جالي
mostafa kernawy
21-07-2009, 04:12 AM
احم
طبعا طبعا الحمد لله رب العالمين اللهم لك الحمد ولك الشكر كما ينبغي لجلال وجهك وعظيم سلطانك اللهم لك الحمد كله ولك الشكر كله ولك الثناء كله حمدا مباركا طيبا ملء السموات وملء الأرض وملء ما بينهما وملء ما شئت يا ربنا من شئ بعد
الحمد لله انا راضي بما قسم الله لى (..ولو ان يعني ......) الحمد لله على كل حال
المشكلة بس في الدرجات العالية
الحمد لله وعسي ان تكرهوا شيئا وهو خير لكم وعسي ان تحبوا شيئا وهو شر لكم والله يعلم وانتم لا تعلمون
eng.midosaid
21-07-2009, 11:47 AM
شكرا يا جماعه على ردودكم والحمد لله
لسه في ناس بترضي غير اللي انا
شفتهم خالص
Bent 3bdo
22-07-2009, 01:41 AM
الحمد لله راضيه جدا
وم ساعه النتيجه وانا بشكر ربنا بجد
الف حمد وشكر ليك يارب
مكنتش متوقعه خالص انى اجيب الدرجات دى
ساعه النتيجه بقى
انا عرفتها ع العصر كده لما جت الاداره
مصدقتش خالص وقلت اكيد غلط
و قعدت اعيط
و فصلت قاعده ساكته
لغايه لما الحمد لله اتأكدت بليل ع النت
soha fouad
22-07-2009, 01:58 AM
اه طبعا الحمد لله راضية ع النتيجة جدا لاني اصلا مكنتش متوقعاها
لكن للاسف مش راضية ع مجهودي لانو كان ممكن ازوده بس الحمد لله
واللي مكتوب لنا هنشوفه ولو ايه حصل
المهم الواحد يدخل لاكتر كلية هو مرتاح لها
bosy .. mostafa
22-07-2009, 05:19 PM
في الأول ماكنتش راضيه
بس بعدين قولت ده احسن لي بكتير من اللي كنت عايزاه
الحمد لله رب العالمين
هستفيد ايه لو كنت جبت 98 ولا 99 و حصل لي حاجه حادثه بقى بتاع
ولا كان هينفعني بحاجه
طول مانا بصحتي و معايا ناس بتحبني
يبقى الدنيا كلها ملكي
الحمد لله ياااارب
انا بحبك اوي يااارب انك خلتني اجيب المجموع ده
الحمد لله راضية جدا عن نتيجتى
بس مش راضية عن الكلية اللى هادخلها
لانى عملت اللى عليا وكان ف ايدى ادخل اللى عايزاه بس الظروف بقى
الحمد لله
:bosyht9: