ازيكم يا احلى اخوات ف الدنيا



النهارده جيبتلكم موضوع



ويا ريت نتناقش فيه مع بعض


الموضوع ببساطه



هل كلام الناس يُقدم ويؤخّر ؟؟؟





قد نضطر الى القيام بأفعال لا نريدها ونتبنى اراء لا نؤمن بها حقيقة ونقول اشياء لسنا مقتنعين بها

قد نضطر لتلوين حقائقنا تفاديا للوقوع تحت سيطرة السنة اناس نخشاهم بقدر
ما نحسب لهم الف حساب وحتى اذا تفاوتت درجة تلك الخشية من شخص الى اخر إلا
أنه ما من جدال بشأن قدرة كلام الناس على هزنا لو بقدر بسيط





احيانا يطعننا كلام الناس كخنجر يدمينا برغم اننا لا نعمل شيء خطأ لكن قد نصطدم بالتقاليد والاعراف





فاذا كان كلام الناس لا بيقدم ولا يأخر فلماذا نعمل له كل هذا الحساب؟

وهل نستطيع ان نفصل انفسنا عن الناس ونحن من الناس ؟

ومن اكثر تأثرا بكلام الناس البنت او الولد ؟وهل انت|انتى تتاثر بكلام الناس؟

نتمنى ان الكل يبقى اخوه


بصى اختى شهد
الانسان بطبيعته كائن اجتماعى ميقدرش يعيش من غير بنى جنسه فلازم هايبقى فيه تأثير بكلام الناس حتى ولو كان تأثير بسيط وأى حد ها يتأثر
سواء ولد او بنت بس أكيد البنت ها تتأثر اكتر
واكيد طبيعه الشخص نفسه بتحكم فى درجه التأثير
يعنى فيه ناس ممكن تخاف وتبع أى كلام تسمعه
وناس مش بتقتنع غير برأيها وميهمهاش كلام الناس
وأنا رأيى حتى لو كلام الناس ها يأثر التنفيذ ها يكون للى أنا اشوفه انه صح بالنسبه ليا
بجد اكتر من موضوع ادخله ليكى شهد وألاقيه روعه
ربنا يوفقك
:av4056bb7jp3:تقبلى مرورى:av4056bb7jp3:

فعلا وجهه نظرك تكاد تكون صحيحة

ودة طبعا من زوق حضرتك ونورتنى فى الموضوع

وشكرا

ايه الجمال ده
هو انتي كده على طول يا شهد
مواضيعك كلها مفيده
مفيش حاجه ملهاش لزمه ابدا
بجد يا شهد انتي من اعقل الناس في المنتدى
ربنا يخليكي لمصر
ويخليني ليكي:d


طبعا انا متكلمتش في الموضوع
لان انا مقرأتوش للاخر علشان عيني وجعاني
بسجل متابعع

موضوع جميل جداا (مع انه منقول )

و رأيى ان الكل بيتاثر بكلام الناس

بس الفرق فى الدرجة

يعنى مفيش حد عنده تحرر مطلق من كلام الناس

بارك الله فيكم ياجماعى دة من زوقك يا بوسى

هل كلام الناس لا يقدم ولا يؤخر ؟؟

بيتهيألي لأ ممكن

انت / انتي مش ممكن تمشي ورا كلام حد وتنفذ حاجة مكنتش حتعملها إلا بعد ما اقتنعت بيها


مش ممكن واحد فاشل يديك نصيحة
زي (نفش تعش تنتعش :d ) وانت تنفض بجد وتفشل زيه
يبقى كده الكلام تأثرك بيه رجعك ورا

بفتكر واحد صاحبنا في اعدادي كان هو الوحيد معانا في نص السنة اللى سقط وجاب 49.8%
يعني كمان اتنين من عشرة وكان عدى

قلنالو ليه كده
قالنا اصلي كل ما كنت بسأل حد يقولي مابذاكرش مبذاكرش
قلت اعمل زيهم ونجحو كلهم ولاد الـ............. الكدابين :d

هو في الحقيقة كانوا فعلاً مبيذاكروش بس بيعوضو ليلة الامتحان
لكن هو اتأثر بالكلام بتاعهم بدون وعي وفهم وبدون اتباع نفس خطتهم وبالتالي رجع لورا


جايز الشخص اللى بيتلون وبيكدب في نظره غنه هو كده حيتقدم
لأنه رئيسه مثلاً حيقدمه في العمل ويزيد من منصبه

ويبقى هو كده اتقدم اسرع

لكن لو واحد تاني اشتغل بذمة ومبالغش محتاج فترة عشان يثبت نفسه ويقف على رجله ويبان

فياخد مدة طويلة
لكن طبعاً المنصب اللى بييجي بسرعة ومش بحق بيضيع برده بنفس السرعة مادام متعبش فيه


ومينفعش الواحد ميتأثرش بكلام الناس لأنه هو جزء من الناس
والجزء جزئية من الكل :)
وزي ما في ناس بتتأثر بكلامي اكيد انا بتأثر بكلام الناس

وإلا يبقى السمع مكنش كان ليه لازمة

شكلي طلعت بره الموضوع مش كده :d