الجمال [الأرشيف] - بوابة الثانوية العامة المصرية

مشاهدة النسخة كاملة : الجمال

ymymym

21-07-2009, 05:24 AM

انا النهارده موضوعي هيتكلم عن الجمال انا بقالي كذا يوم بخطط للموضوع ده:)
يعني انا من رايي ان الجمال ده ليه كذه نوع جمال الروح جمال الشكل
بس يا تري انهي الافضل؟
كتييييييييير هيقول الشكل وسوري طبقه خايبه واكتر هيقول الروح ودول بحييهم بجد:078111rg3:
فعلا جمال الروح اهم من جمال الشكل

انتوا عارفين يعني الي حد ما لاحظت في الاغلبيه ان اللي بيتمتع بجمال الروح مبيتمتعش بجمال الشكل واللي بيتمتع بجمال الشكل مبيتمتعش بجمال الروح
وفيه اللي بيتمتع بالاتنين
تقولولي ازاي هقولكم صدقوني فعلا انا لما بشوف بنت اخلاقها كويسه ومحترمه وطيبه وذوق كده بحس فعلا انها انسانه جميله بجد فعلا يستحيل تتعوض هي دي الجوهره
فيه بنات بتقول علي نفسها شكلها مش حلو قوي يعني ايه كلامك ده ؟
غلط ومليون غلط وبتبقي مش واثقه من نفسها عشان ايه ده كله يعني ؟
بالعكس انتي ربنا محتفظ ليكي بحاجات اجمل واجمل من جمال الشكل كلنا حلوين كلنا جمال بس بدرجات بس انتي جميله
صدقوني اللي تقول علي نفسها انا وحشه تبقي عبيطه
مافيش حاجه اسمها كده
انا اكتشفت ان في ناس بتحب جمال الشكل ودول هينولهم الخيبه والندامه
وفي ناس بتحب جمال الروح الاخلاق دول هذبوا نفوسهم بجمال روحهم خلوا جمالهم يطغي علي الكل
بجد بحس بكده
فيا بنت او يا فتاه عشان لغه عربيه بطلي عبط ياللي بتقولي انا وحشه يا ستي لو انتي وحشه خليكي جميله باخلاقك هترتفعي في نظر الناس وهيحبوكي ودي كفايه وخليكي واثقه من نفسك

فالجمال الحقيقي
هو استشعارالجمال والاحساس به بقلب مرهف
متصل بخالق الكون الله سبحانه وتعالى واهب الجماليين الداخلي والخارجي
وصدقوني ربنا هيحبك قوي وهيعوضك خير عن اللي انتي حطاه في دماغك

مش عارفه جايز افكاري متلخبطه كالعاده لما بعمل موضوع كته بس انا قلت اللي في نفسي عشان اي واحده تحس باحساس زي ده تشيله من دماغها وتبقي حطه في بالها ان الجمال هو جمال الروح مش الشكل كلنا هنمووووووووت فمش هيفرق جمال الشكل معانا ويا فتاه ياللي عجبك شكلك حاسبي لا تندمي في منهم بنات كويسين بس الاغلبيه بيبقي مغرور او شايفه نفسها قوي فدي مع السلامه بس يا بخت اللي سايبه حاجه جميله في حياتها قبل ما تموت
يارب يبقي موضوعي لطيف ولذيذ ومحدش يزعل مني بالعكس انا عاوزه المصلحه للكل يارب يوفقكم كلكم ويعينكم يارب علي الحياه دي
:):):):)

mostafa kernawy

21-07-2009, 05:34 AM

الله الله الله الله

ايه الروعة دي
موضوع جميل وفي وقته ياريت البنات كلهم يقروه خصوصا الى داخلين كلية لانه فعلا كلام درر

الله يباركلك

ymymym

21-07-2009, 10:17 PM

الله الله الله الله

ايه الروعة دي
موضوع جميل وفي وقته ياريت البنات كلهم يقروه خصوصا الى داخلين كلية لانه فعلا كلام درر

الله يباركلك

نورت الموضوع متشكره ليك علي ردك ومرورك

Observer

21-07-2009, 10:57 PM

أنا مؤمن تماماً بالحكمة التى تقول :

كن جميلاً ترى الوجود جميلاً ..

ليتنا نعود إلى زمن الجمال والرقى فى التعامل والحوار

ليتنا نرى الوجود بعين الجمال والإحساس لا بعين القبح والأنانية ..

فالعين الثانية أتعبتنا وأفرزت لنا جرائم القتل والإعتداء والترويع

العين الجميلة تضمن لنا الحد الأدنى من الرقى فى التعامل

وشكراً ....

earth

21-07-2009, 11:23 PM

موضوع رائع و بجد فعلا جميل

الجمال ينبع من ثقة بالنفس و الثقة بالنفس تنبع من جواكى يا بنتوته
ففى واحدة دمها خفيف
فى واحدة شكلها حلو
فى واحدة شعرها ناعم
فى واحدة لا تشتم و الفاظها راقية

انواع الجمال كتيرة

ليه مش تؤمنى بنفسك

مش لازم تكونى رفيعة و بيضاء
ممكن تكون مليانة بس روحك جميلة و الناس تحبك

و الله والله فى بنات ما بطيق اقعد معاهم من كتر ما لسانهم بيشتم و هما جمال المنظر

و فى بنات تانية الله اكبر عليها ما شاء الله ادب ايه واخلاق ايه و برده مش وحشة بتحسى ا وشها منور من كتر صفاء قلبها و روحها

يا بنتوته ثقى بنفسك

صدقينى انتى جميلة
بس بطريقتك

earth

21-07-2009, 11:26 PM

ymymym

21-07-2009, 11:38 PM

ymymym

21-07-2009, 11:40 PM

abou aliaa

22-07-2009, 12:32 PM

السلام عليكم
أود أن أقول أن الله خالق الناس بدرجات في كل شيء
بعضنا يحظى بالجمال المادي أو النفسي أو العلمي
فمن وجد في نفسه شيء فمن الله و ليحمد الله عليه
و لا يكون حانق أو حاسد بل عليه أن يبحث عن الجمال في ذاته

أنظروا لهذه الإعرابية و تتحدث عن الجمال ( منقول للأمانة )

(( سئلت إعرابية متقدمة في السن وقد احتفظت بنضارة شبابها وروعه جمالها أي موادالتجميل تستعملين؟؟
فأجابت:
استخدم لشفتي الحق..
ولصوتيالصلاة..
ولعيني الرحمة
وليدي الإحسان
ولقوامي الاستقامة
جمال العقل .. بالفكر ..
وجمال اللسان .. بالصمت ..
وجمال الوجه .. بالعبادة
وجمالالفؤاد.. بترك الحسد
وجمال الحال .. بالاستقامة
وجمال الكلام .. بالصدق))

the black rose

22-07-2009, 12:45 PM

طبعا يا ياسو
جمال الروح احسن
اكيد جمال الشكل لوحده ده سئ جدا
بتبقى واحدة مغرورة و قياسها للجمال غلط
و تلاقى يا ياسو كل واحدة عايزة تبقى ملكة جمال اسيوط :p
طب هى ربنا خلقها كدا
هى كدا حلوة و حلاوتها مش هتكون ف غير كدا
لان ربنا مبيعملش حاجة غلط ابدا او حاجة ممكن يكون فيه احسن منها
و تلاقى فيه شباب عايزين يتجوزا ملكات جمال
والله والله والله جمال الشكل ده مش بيدوم ابدا
حتى لو فضل موجود الواحد بتعود عليه
هقولك مثلا فيه واحد قريبى
كان عايز يتجوز واحدة جميلة
و فضل يدور على عروسة جميلة
خطب مرتين بنات زى القمر
لكن طبعاهم زى الزفت
و طبعا قبح الروح بيخلى جمال الشكل ملوش معنى
و فى الاخر اتجوز واحدة امورة اوى برده
بس الحمدلله روحها حلوة
بس و هو قاعد معانا قالنا
والله جمال الشكل ده عادى جدا
و انه كان عبيط لما كان بيدور عالجميلة
قالنا اه انا ممكن اتبهر بواحدة جميلة لاول مرة
لكن مرة ورا مرة هبقى متعود عالجمال ده
و بقى بالنسبالى زيها زى اى واحدة
و لكن اللى بيدوم هو الطبع
شكرا عالموضوع يا يميميم

ymymym

22-07-2009, 10:56 PM

ymymym

22-07-2009, 10:57 PM

طبعا يا ياسو

جمال الروح احسن
اكيد جمال الشكل لوحده ده سئ جدا
بتبقى واحدة مغرورة و قياسها للجمال غلط
و تلاقى يا ياسو كل واحدة عايزة تبقى ملكة جمال اسيوط :p
طب هى ربنا خلقها كدا
هى كدا حلوة و حلاوتها مش هتكون ف غير كدا
لان ربنا مبيعملش حاجة غلط ابدا او حاجة ممكن يكون فيه احسن منها
و تلاقى فيه شباب عايزين يتجوزا ملكات جمال
والله والله والله جمال الشكل ده مش بيدوم ابدا
حتى لو فضل موجود الواحد بتعود عليه
هقولك مثلا فيه واحد قريبى
كان عايز يتجوز واحدة جميلة
و فضل يدور على عروسة جميلة
خطب مرتين بنات زى القمر
لكن طبعاهم زى الزفت
و طبعا قبح الروح بيخلى جمال الشكل ملوش معنى
و فى الاخر اتجوز واحدة امورة اوى برده
بس الحمدلله روحها حلوة
بس و هو قاعد معانا قالنا
والله جمال الشكل ده عادى جدا
و انه كان عبيط لما كان بيدور عالجميلة
قالنا اه انا ممكن اتبهر بواحدة جميلة لاول مرة
لكن مرة ورا مرة هبقى متعود عالجمال ده
و بقى بالنسبالى زيها زى اى واحدة
و لكن اللى بيدوم هو الطبع
شكرا عالموضوع يا يميميم

متشكره يا باشا علي الرد هو ده بجد اللي اقصده والله
ومتشكره علي مرورك

هانى الشرقاوى

22-07-2009, 11:00 PM

المشكلة فى قياسنا احنا للجمال
يعنى بنحسبها غلط

موضوع جميل

ymymym

22-07-2009, 11:06 PM

المشكلة فى قياسنا احنا للجمال
يعنى بنحسبها غلط

موضوع جميل

يا سلام علي الكلمتين دول:d
رايق
نورتني بجد

gamal saber

23-07-2009, 09:18 AM

مش عارف الناس عمالة تجيب فى سيرتى لية
وانا اقول كل شوية اكح لية
بجد موضوع جميل جدا
وانا متفق تماما مع ان الجمال جمال الروح يعنى الفكر والاخلاق
انما الشكل الخارجى فهو مش فى المقام الاول للحكم على اى انسان
واى شخص يقدر يجبر الناس على احترامة لو هو احترم نفسة واحترم الى حولية

Spring_Rose

27-08-2009, 10:34 AM

مرسى يا قمر ع الموضوع الراااااااااااائع ده
وفعلا مفيش اجمل ولا احسن من جمال الروح

The Philosopher

27-08-2009, 01:30 PM

السلام عليكم ورحمة الله وبركاته
أولا شكرا جزيلا على الموضوع الرائع ده
ثانيا بالنسبة لمفهوم الجمال وهل الجمال يكون شكليا أم أنه يكون روحيا؟
من وجهة نظرى أن جمال الانسان هو جمال روحانى داخلى
فالانسان الجميل هو الانسان الذى يملك روحا جميلة طيبة وليست خبيثة
جمال الروح أكيد هو الجمال الحقيقى الذى ينعكس على المظهر الخارجى للانسان ويجعله جميلا فى عيون الناس
ان الجمال الطبيعى يعنى ببساطة أن تكون انسانا على كافة المستويات وأعنى بذلك أنه عندما نقول أن هذا انسان يمتلك الجمال الطبيعى أو أنه جميل ذلك أنه يمتلك تلك الهبة الخاصة بكونه جميلا من الداخل والذى ينعكس طبيعيا على مظهره الخارجى وعلى الرغم من ان عددا قليلا فقط من البشر يولدون مع هذه الهبة الالهية فيكون الفرد انسانا بكل معانى الكلمة ومعطاء ومحبا
فأنا أؤمن بشدة بأن هذا ليس نهاية الأمر فكل واحد منا -نحن البشر- يمكن أن يمتلك هذه النعمة اذا كانت ارادته قوية وبذلك نستطيع جميعا أن نعطى ونشارك الآخرين مشاعرنا الانسانية باتباع الأساليب الطبيعية
فيمكن لكل انسان أن يغذى روحه من الداخل بمعانى بديعة وصفات جميلة
فمفهوم الجمال هو أنه ذلك الشعور الرائع الذى يشع من داخلنا ثم ينعكس على مظهرنا الخارجى
والانسان يظل حى طالما أن روحه بقت متعلقة بجسده ولم تفارقه فان فارقته يموت الانسان
ومع مرور الزمن تتبدل ملامح الانسان ويتغير شكله ومظهره الخارجى ولكن تبقى روحه كما هى لاتتغير
أتمنى أكون أوضحت وجهة نظرى
فى رعاية الله

يالا بينا

28-08-2009, 01:12 AM

انا متفقة معاكم كليا وجزئيا بان مفهوم الجمال روحي اكتر منه شكلي...... لكن لا مانع ابدا ان الانسان يهتم بجماله الشكلي بعدم افراط او مبالغة.....تمام كده ولا ايه؟
اذن لازم نعرف ان كل واحد فينا سفير لبلده ولدينه كمان......
عشان كده مش عيب ابدا لو اهتمينا بالشكل طالما كان الاهتمام ف النطاق المحمود......

يالا بينا

JASSY

28-08-2009, 01:48 AM

بجد موضوع جميل جداااااا....بارك الله فيكي:)

وفعلا زي ما بتقولي جمال الاخلاق والروح هو اللي بيبقى مش جمال الشكل المؤقت لان كلنا هنموت..........

ميرسي ليكي يا قمر على الموضوع....تسلم ايدك:av4056bb7jp3:

في رعاية الله.......

ymymym

28-08-2009, 11:37 AM

متشكره ليكم جميعا علي مروركم

thedentistmod

29-08-2009, 04:21 PM

مسرة سعيد

30-08-2009, 12:49 AM

ايوة انا متفقة معاك ومع يالا بينا
صحيح ليه مش نهتم بالشكل؟

pureheart

30-08-2009, 02:13 AM

جمال الروح اهم من جمال الشكل و هذه حقيقة و لكن جمال الشكل مهم ايضا و هذه حقيقة يعنى لو قلنا ان جمال الروح 55% فيبقى الشكل 45% و هو ده الصح مش ان جمال الروح 95 % و الشكل 5 % الكلام ده غلط و مفيش شاب بيقول كده و لا هيقول كده و عشان كده انا متفق مع صاحبة الموضوع فى المبدأ لكن مش معنى كده التهوين من الشكل و زى ما واحد صاحبى قالى المفروض تكون روح البنت حلوة بس متكونش شبه محمود يعنى
اوك انا معاك
بس فيه حاجة مهمة ايه هى مقياس الجمال اللى احنا بنتكلم عليه
جمال الشكل اللى هو ازى
يعنى سؤال لو حضرتك حبيت واحدة بس الجمال عندها 35 % حتسبها
و اكيد مفيش بنت حتبقى شبة محمود و لا حتة سيد :)

timo mido

30-08-2009, 03:44 AM

جمال الروح اهم من جمال الشكل و هذه حقيقة و لكن جمال الشكل مهم ايضا و هذه حقيقة يعنى لو قلنا ان جمال الروح 55% فيبقى الشكل 45% و هو ده الصح مش ان جمال الروح 95 % و الشكل 5 % الكلام ده غلط و مفيش شاب بيقول كده و لا هيقول كده و عشان كده انا متفق مع صاحبة الموضوع فى المبدأ لكن مش معنى كده التهوين من الشكل و زى ما واحد صاحبى قالى المفروض تكون روح البنت حلوة بس متكونش شبه محمود يعنى

ههههههههههههههههههههههههههههههههههه الرد ده عجبني اوي وانا متفق معاه

ymymym

30-08-2009, 08:53 PM

اللي اقصده يا دينتيست
ان فيه مثلا شباب لما بيجوا يختاروا البنت بيختاروها من حيث الشكل في حين انها انسانه ميله فعلا من جواها
دي حاجه
حاجه تانيه انت ممكن تسمع من شخص معين يقولك انا شكلي وحش شكل وشي وحش يعني ليه يقول كده
الجمال الشكلي مش مطلوب قوي يعين لانها خلقه ربنا كده ربنا خلقني كده غير كده طالما انا شايفه ان الانسان اليل قدامي ده حلو في الاخلاق والدين مبهتمش بشكله فيمفكرش كده
بس ده اليل اقصده
في رعايه الله

riham_eg

18-09-2009, 08:54 PM

موضوع رائع وكلام جميل اوى
عجبنى اوى كلام الاعرابيه(( سئلت إعرابية متقدمة في السن وقد احتفظت بنضارة شبابها وروعه جمالها أي موادالتجميل تستعملين؟؟
فأجابت:
استخدم لشفتي الحق..
ولصوتيالصلاة..
ولعيني الرحمة
وليدي الإحسان
ولقوامي الاستقامة
جمال العقل .. بالفكر ..
وجمال اللسان .. بالصمت ..
وجمال الوجه .. بالعبادة
وجمالالفؤاد.. بترك الحسد
وجمال الحال .. بالاستقامة
وجمال الكلام .. بالصدق

لا يوجد اسم

20-09-2009, 01:31 AM

اولا مين قال ان فيه بنت وحشة

كل البنات حلوين

وعموما الجمال نسب ان ممكن تشوف بنت وحشة فى نظرك بس حلوة فى نظر حد تانى

وعلى فكرة الانسان ممكن كل يوم يعمل عملية تجميل لنفسه

ازاى؟؟؟؟

بتجميل شخصيتك الداخلية يعنى روحك

اذا صلحت الكثير من شخصيتك وتمتعت بروح جميلة

هذا الجمال الذى فى داخلك سيظهر على جمال وجهك

حتى لما الانسان بيكون فى حالة اكتئاب مش بيطيق يبص على نفسه فى المرايا

ولكن لما بيبقى مبسوط بيبقى وجه صافى وجماله الداخلى بيظهر على شكله الخارجى

عشان كده انا ممكن اشوف انسان احس ان ملامحه مش حلوة لكن لما اعرف شخصيته واكتشف جمالها بيحلو فى نظرى

وبحس ان شكله حلو اوى

يارا احمد

25-09-2009, 12:07 AM

شكرا ع موضوعوك
بجد في معلومات قيمه

who cares

25-09-2009, 12:37 AM

بجد موضوعك رائع جدا
وفعلا انا شايفه ان جمال الروح اهم بكتيييييير من الشكل
اولا مفيش بنت وحشه انتى لو اقتنعتى من جواكى انك جميله الناس كلها هتشوفك جميله
الاحساس بالجمال ده حاجه بترجع للبنت وجمال شخصيتك و روحك من جوا هوا اللى هيأثر فى الناس
صفاتك و سلوكياتك معاهم هيا اللى الحاجات اللى هيفضلوا فاكرينها لكن مش جمال وشك هوا اللى باقيلهم
انا دى بجد وجهه نظرى بس بصراحه انا حاسه ان وجهه نظر الولاد حتختلف عننا
لكن انا موافقه تماما ان جمال الروح افضل بكتييييير

ميرسى اوى يا بنوته بجد موضوعك جامد

***star***

26-09-2009, 01:01 AM

الحلاوه حلاوه الروح... اه ممكن اكون سمعتها اما واحد يحب يرخم علي واحده مش جميله...

بس فعلا الجمال مش جمال الروح بس..

يعني مش مستعد اصحي الصبح في يوم... الاقيهم بيقولولي دي حبيبتك

http://bsh.jeeran.com/photo/ug11.jpg

اعتقد ساعتها لاهينفع ذوق ولا ادب ولا خفة دم ولا أي حاجه خالص...

فأكيد الجمال له اكتر من عامل بيحدده ...

وشكرا علي الموضوع ....

ymymym

28-09-2009, 01:26 PM

ستار انت عاوز تقول ايه يعني بالظبط؟

***star***

04-10-2009, 05:11 PM

ستار انت عاوز تقول ايه يعني بالظبط؟

؟؟؟؟؟؟!!!!!!!...... انا ردي كان واضح ان الجمال مش ذوق او ادب او خفه دم بس ... لأ الجمال بينتج من دول مع بعض واكيد بردو الشكل له عامل كبير...

..Just Stop

06-10-2009, 09:14 PM

المفروض تكون روح البنت حلوة بس متكونش شبه محمود يعنى

ماله محمود ان شاء الله ؟
دنا توم كروز بيغير منى
:d
؛؛؛؛؛؛؛؛
الجمال مطلوب سواء خلقة او خلقا
ممكن تلاقى واحدة جميلة جدا بس متكبرة واخلاقها مش تمام
ممكن تلاقى بنت جميلة بس مش اوى نص نص كدا شبه جنات مثلا :dبس اخلاقها كويسة وجمال روحها بيعوض النقص فى الجمال الخلقى
بس مش معنى كدا ان يبقا طبعى كويس وروحى عاية واخلاقى رياضية وبشجع المنتخب وف نفس الوقت مش مهتم بالجمال الخلقى
لازم نهتم خلقة وخلقا
ان الله جميل يحب الجمال
يبقا لازم نهتم بنفسنا بردو بدون ما نعصى ربنا
ودا بيرجع طبعا لنوع الصابون اللى هنستخدمه
يعنى الاسرة التى تستخدم ديتول قليلا ماتمرض
:d

كلا الجمالين مطلوب بالاضافة الى جمال عبد الناصر
شكرا على الموضوع
دمتم فى رعاية الله