السلام عليكم

ازيكم يا جدعان انا اهو ان شاء الله داخل على اولى جامعه

انا مجموعى 80.6 يعنى لو على تنسيق السنة اللى فاتت الحق تجارة انتساب اسكندرية ان شاء الله

بس كنت عايز اعرف الفرق بين الانتساب والانتظام

وهل الانتساب بيبقى مواعيدهم غير الانتظام وايامهم غير الانتظام او اقل

واقل ازاى وهل المحاضرات مختلفه وهل الانظام بيبقى متصرحلهم بحاجات مش للانتساب وبرضه عايز اعرف ايه

عيوب الانتساب من كل حاجة علشان افهم

يعنى كنت عايز اعرف كل الفرق بين الاتنين

لان برضه حاطط الرغبة بعد التجارة حقوق وانا كده كده عايز ادخل يا دى يا دى لان برضه لو على تنسيق السنة

اللى فاتت كده ادخل حقوق انتظام جامعه اسكندرية ان شاء الله

وحيبقى ايه الافضلى تجرة انتساب ولا حقوق انتظام

فانا عايز اعرف علشان بعد كده ما اندمش :blush:

بص يا بوب

تجارة انتساب لا تختلف عن تجارة انتظام الا في بعض النقط ..

1- انتظام مصاريفها اقل من انتساب

2- انتظام ليهم سكاشن لكن انتساب مالهومش

3- امتحانات انتساب اسهل من امتحانات انتظام

4- المناهج هيا هيا في انتظام وانتساب ..

لكن الدكاترة بيحنوا على بتوع انتساب ويحذفوا حاجات من مناهجهم

بخلاف كدا .. طالب انتساب هوا نفسه طالب انتظام .. مافيش اي فروق تانية

انتا بتحضر محاضرتك .. وهوا برده بيحضر محاضرته .. انتا قاعد في الكلية .. وهوا برده قاعد في الكلية

زيك زيه .. مافيش اي مشاكل

أما بالنسبة لحكاية المواعيد فا دي عادي برده .. الجدول بيتحط بطريقة عادلة ومنصفة لإنتظام وانتساب

يعني مثلا النهارده يبقي عندك محاضرات الصبح .. بكرة يبقي عندك بالليل .. وهكذا

مافيش حاجة بقي اسمها ان انتساب الصبح وانتظام بالليل والكلام الفاضي دا

عيوب الانتساب من كل حاجة علشان افهم

انتساب مالهاش عيوب .. غير يمكن في ان مصاريفها اعلي من انتظام بس

غير ان انتساب مالهومش سكاشن شرح

والسكاشن دي بيتم فيها شرح الحاجات اللي انتا مافهمتهاش من الدكتور في المحاضرة

والشرح بيبقي على ايد المعيد بتاعه

بس طبعا الكلام دا مش بيحصل .. لإن الطلبة بيستهفأوا المعيد .. فعشان الدكتور يزنق الطلبة .. يقوم عامل حركة

هوا ان مايشرحش حاجات معينة ويسيب المعيد يشرحها ..

وبالطريقة دي تبقي انتا مجبر انك تحضر السيكشن وتسمع للمعيد غصب عنك

يعني تقدر تقول ان انتساب اريحلك من حيث المذاكرة والحضور

وعموما انتا تقدر تحول من انتساب لانتظام .. بس بشرط انك تجيب جيد على الاقل

في اي سنة من السنين الدراسية الاربعة اللي هاتمر بيها

والله يا برنس انت كده ميه ميه وريحتنى كثير

بس بالنسبة لنقطه الحقوق

يعنى مثلا انت عارف فى الفترة دى الكل بيتكلم وادخل كذا ولا ما تدخلش كذا بس انا رسيت عالتجارة والحقوق

فانا كنت عايز اعرف اخر حاجة بس علشان ابقى عرفت نفسى فى الحوار ده ^_^

وهى التجارة الانتساب اريحلى ولا الحقوق

وانا كده كده حابب الاتنين بس انت طبعا اكيد عارف وشايف الانتساب

فمثلا لو عملنا ميزان على حسب المميزات يبقى ايه الافضل

وانا كده كده قدمت فى الغربات التجارة وبعديها الحقوق يعنى ^_^

عايز رأيي .. خش تجارة انتساب وعيش حياتك ..

بس ذاكر وماتستهترش عشان ماتشيلش مواد وتتعب

عالبركة ^_^

طيب معلش تقلت عليك

لو انا مثلا كده ان شاء الله دخلت انتساب وبغدين جيبت تقدير وحولت لانتظام

حيبقى زيى زى اى طالب انتظام ولا ابقى اسم واحضر فى محاضراتهم عادى وادفع مثلا زى الطالب الانتساب

حيبقى زيى زى اى طالب انتظام ولا ابقى اسم واحضر فى محاضراتهم عادى وادفع مثلا زى الطالب الانتساب

لا خلاص انسي انتساب دي بقي .. هاتبقي راجل تبع انتظام ومالكش دعوة بانتساب

طب بانسبه للانتساب ممكن احضر السكاشن دي افرض في حاجه مش فهماه يعنى

مفيش اجمل من تجارة انتساب انا ناوى عليها ان شاء الله وانا الحمد لله جايب 82 ادبى واخشها مستريح (وخلى الاعلام ينفعهم)

طب بانسبه للانتساب ممكن احضر السكاشن دي افرض في حاجه مش فهماه يعنى

ممكن اه ماحدش هايقولك حاجة لإن العدد اصلا بيبقي كبير وهما كمان مش بياخدوا عليه غياب

لكن انت هاتحضره تطوعا منك .. لمجرد بس انك عايز تفهم ..

لكن بتاع انتظام غصب عنه بيحضر لانه بيبقي مرتبط بالمعيد اللي بيشرح

ماحدش يعرف تقديم الرغبات للمرحلة الاولى حينتهى امتى لانى سمعت انه انتهى ^_^

ماحدش يعرف تقديم الرغبات للمرحلة الاولى حينتهى امتى لانى سمعت انه انتهى

على حسب الاخبار الواردة .. قايلين انه هايخلص يوم الجمعة (24 يوليو) .. واخر ميعاد الساعة 7

السلام عليكم

انا التنسيق بتاعى جالى تجارة انتساب جامعة حلوان بس محتاره احول من تجارة انتساب لااداب انتظام ولا ايه مع العلم انى مليش ميول لاى منهم وعايزه لو دخلت اداب ادخل قسم لغات ومجموع اللغات جايبلى اللغات الشرقيه ولو فضلت فى تجاره انتساب باانتساب ادخل جامعة عين شمس لاانها اقرب ولا ايه وفى انتساب هنتقابل نع بتوع انتظام