الاميرة الحالمة
22-07-2009, 03:41 PM
السلام عليكم ورحمه الله وبركاته
انا لدي استفسار عن كلية تجارة وادارة اعمال بحلوان اللي تلقب ب كلية تجارة خارجية
ارجو ان احد يرد علي استفساري وهو
هل هذة الكلية شهادتهامعتمدة لاني سمعت اقوال انها ليست معتمدة
وهل هي مطلوبة في مجال العمل وهي هي مثل تجارة القاهرة وام افضل فيهم
كما اريد ان اعرف مصاريف الجامعة ونظام الدراسة والمواد والمحاضرات
وهل الدراسة فيها صعبة اوي ولا لاء
اريد انا احد يرد علي اسئلتي لاني احتاج الاجابة جدا عشان اعرف ان كان ادخلها ام ادخل تجارة القاهرة
vampire1188
22-07-2009, 09:30 PM
هل هذة الكلية شهادتهامعتمدة لاني سمعت اقوال انها ليست معتمدة
أكيد طبعا معتمدة .. دي جامعة حلوان يابنتي ..
يعني جامعة حكومية منشأة بقرار من المجلس الأعلى للجامعات
وهل هي مطلوبة في مجال العمل
بصي .. كقاعدة عامة .. كليات التجارة على مستوي مصر كلها مستواها متقارب
لإن اللي بيتدرس في جامعة المنصورة هوا اللي بيتدرس في القاهرة هوا برده اللي بيتدرس في حلوان
هما مش هايخترعوا مناهج جديدة يعني !
وهي هي مثل تجارة القاهرة وام افضل فيهم
والله انا شايف ان تجارة القاهرة اشهر حاليا .. لكن مستقبل حلوان قدام مش دلوقتي
خاصة ان فيها تخصصات اكتر من القاهرة ..
زي تجارة خارجية واحصاء واقتصاد دا طبعا بالاضافة للتأمين والمحاسبة والادارة
غير كدا .. فيه شعبة جديدة نزلت تقريبا السنة اللي فاتت اسمها شعبة نظم معلومات
غير كمان شعبة تجارة انجليش .. فانا شايف ان حلوان مستقبلها هايبقي احسن قدام مش دلوقتي
لإن حلوان اصلا لسه برده في طور الإنشاء .. لسه بيبنوا فيها ..
وانتي بنفسك اما تخشيها هاتعرفي دا كله ..
ورجلك هاتوجعك من كتر المشي وهاتتبهدلي من الشمس !!
الاميرة الحالمة
22-07-2009, 10:05 PM
يعني افهم كدا من كلامك ان تجارة القاهرة افضل بس ماعتقدش ان ليها شغل كتير لان بقي في كتير من خارجين تجارة اللي هي القاهرةكتير اوي
وانا بسمع بصراحة ان ممكن تكون تجارة وادارة اعمال مطلوبة اكتر
ممكن توضح كلامك اكتر
لان انا محتارة لحد دلوقتي اكتب تجارة القاهرة ولا تجارة خارجية ادخل اني فياريت توضح كلامك اكتر
vampire1188
22-07-2009, 10:43 PM
لان انا محتارة لحد دلوقتي اكتب تجارة القاهرة ولا تجارة خارجية
مش هاتفرق كتير والله ..
اصل بصي .. انا هاجيبلك من الاخر .. بس ياريت ماتزعليش من كلامي
عادة اي حد في ثانوي لسه داخلة جامعة بيبقي فاكر ان المستقبل الباهر قدامه مفتوح
وشايف الدنيا كلها وردي قدامه .. مايعرفش الواقع الأليم دا شكله ايه
وعموما بصرف النظر عن دا كله .. عملياً احسن قسم ممكن تخشيه وتشتغلي منه هوا قسم المحاسبة
لإن المحاسبين بيطلبوا كتير اوي سواءا جوا مصر او بره مصر ..
عايزة تتأكدي افتحي جرنان الوسيط واقري
وبالتالي .. يبقي مش هاتفرق قاهرة عن حلوان عن عين شمس عن اي حاجة
شوفي الاقربلك ايه وخشيها وخلاص
ALFARES
25-07-2009, 05:40 PM
على فكرة انا محمد فى تجارة حلوان طالع تانية ان شاء الله هى الكلية حلوة وسهلة والله بس هى المواد كتير شوية 12 مادة فى سنة اولى 7 ترم اول و5 تانى وبالنسبة للتخصص بيبقة فى سنة تالتة والمصاريف لو انتساب هى تقريبا 570 وانتظام حوالى 300 مش فاكر كام وا