مشاهدة النسخة كاملة : نفسك تطلع ايه ؟!....
_GUIDE_ 22-07-2009, 04:20 PM بسم الله الرحمن الرحيم
نفسك تطلع ايه ؟
سوال ربما يكون قد مر على كثير منا فى احدى المراحل الدراسية
عندما يقف مدرس الفصل ويسال الطلاب كل على حد نفسك تطلع ايه ياحبيبى ؟
فكانت الاجابة البديهية للكثير اما ظابط او مدرس او طيار او طبيب او مهندس الخ الخ
من المهن المعروفة والمرموقة فى المجتمع لكن الان ما ان يبداء المدرس بسوال نفسك تطلع فى ايه تجد ان 90% من اجابات الطلاب نفسى اطلع زى ابو تريكة هذا الشغف بشخصية ابو تريكة جعل الجيمع يتخذه مثل اعلى والجميع يود ان يحتذى بيه لست هنا بصدد الحديث عن ابو تريكة واخلاق ابو تريكة ولكنى هنا بصدد التحدث عن جيل جل همه ابو تريكةفلم يعد احد يتحدث عن زويل او البردعى مصطفى السيد او الباز وغيره وغيره من العلماء البارزين فى مختلف المجالات الذين نهضوا بالعلم وساعدوا البشرية فى التقدم وشرفوا العرب فى مجال العلمبعد ان تخلفنا فى الكثير والكثير من المجالات الاخرى
ويقول كم اتمنى ان اكون زويل القادم او مصطفى السيد القادم او البردعى او او او ولكنى هنا التمس العذر لكل هولاء فمن منا لا يحب ان يكون مشهورا وثرى فى نفس الوقت من منا لا يحب ان يدور الناس فى فلكه يتغنون بأسمه ليل نهار حب الناس شىء مطلوب عند الجميع وغاية صعب تحقيقها أصبح ابو تريكة ظاهرة مصرية وليس حالة فردية عند بعض الاشخاص وحلم ومثل اعلى عند كثير من الاطفال وبعد ان اصبحت كورة القدم هواية اصبحت وظيفة وبعد ان كان لاعب كرة القدم يتحصل على بعض العشرات من الجنيهات
اصبح الان هناك بورصة للاعبيين ووصل الامر الى اننا نسمع ان ابو تريكة تلقى عرض ب40 مليون ووصل سعر عمرو ذكى الى 66 مليون جنيه فلما العجب هنا اذا اراد الطفل ان يصير مثل ابو تريكة او ذكى فاذا ما فكر تريكة فى يوم ان يسير فى احد الشوارع ربما يتم استدعاء الامن المركزى لفض الناس من حوله لكن تعالى هنا وانظر اذا ما صار الدكتور مصطفى السيد او الباز او البرادعى او زويل حتى ربما لا يعرفهم احد
فبعد سنوات من العلم والتعليم والمكانة المرموقة فى مجالات العلم تصبح قيمة فى مجتمع غير مجتمعك على العكس والنقيض فى مجتمعك الذى ربما لا يتعرف عليك وانت فى قمة مجدك وثرائك العلمى فى احدى الدول الاوربية ولكنك ربما لا تحتاج الى الشهادة الابتدائية حتى وتمتلك موهبة كروية وتكون محط اعجاب وتقدير من جميع فئات وطوائف المجتمع قمة التناقد فى المجتمع المصرى لا يهم ان تكون متعلما حتى تكون محط اعجاب من الناس
وليس مهما ان تكون جاهل حتى يرتمى الناس فى احضانك ولكن الاهم ان تكون ابو تريكة القادم
ولكن اوتعلمون شيئا كم اتمنى ان يكون لى ابن فى المستقبل ويكون مثل ابو تريكة
اوركيديا 22-07-2009, 04:42 PM هههههههههههههه
نفس الكلام اللى كان بيناقشه المسلمانى امبارح
الكل ابقى نفسه يبقى زى ابو تريكه الحضرى عمرو ذكى
و عروض الملايين بتقدم الاجابه لكل من يستفهم زيك عن السبب
و النص التانى من الاجابه يلاقيه عند ناس زى اساته هيئه الطاقه الذريه
ماجستير و دكتوراه فى العلوم الفيزيائيه و الفيزياء النوويه و تعيين فى مركز البحوث اللى هو المفروض مركز العلم النابض فى مصر
و نلاقى العلماء هناك بيشتغلوا باليوميه
قمه
قمه فى المهزله
ده انا لو قريت روايه خيال علمى عن ان فى يوم حيبقى الدنيا كده مش كنت حصدق
بس زى ما بيقولوا
الواقع اشجع كثيراُ فى تقديم الماسى من اى خيال
:d
يلا خير خير
الامل فينا
و بكره احسن
و بلدنا بتتقدم بينا
و لو حبينا بجد عملنا و لما نقول احنا اللى عملنا
يمكن نعلى حقيقى و نصبح اقوى شعوب الارض
:d:d:d
حلو التفاؤل ده
:d
على فكره اول رد ليا من زمان و القسم خلطبيطه بس الموضوع جذبنى فعلا
احم .. طبعا عشان اطلع شويتين الاكتئاب اللى عندى و اصيغهم فى حروف
متعه لا تقاوم
:d
يلا فى رعايه الله
bosy .. mostafa 22-07-2009, 04:51 PM بجد كله بيبص عالمكسب
محدش بيقول عايز ابقى عالم او بتاع محدش بقى عايز برستيج
كله بيقول مكسب و خلاص
صدقني والله و انا جايه اقدم في التنسيق
بابا قعد يكلمني عن المرتبات و كل كليه لما اتخرج ممكن ابقى ايه و اقبض كام
كله بيبص في المكسب فقط لا غير
و العلم ده تراجع خلاص
اصلك بعد ما تتعب و تلاقي نفسك جبت 96 و مش طايل حاجه و من الاوائل عالمدرسه .. تقول ايه؟
و كمان لو دخلت كليه كويسه و بقيت معيد فيها .. ييجي الجيش يقطع عليك الكلام ده كله و تعيش فيه مع نفسك و تشوف المهزله و التهزيء كله
محدش بقى بيبص للعلم .. حتى اللي بيبص له .. مش بيلاقي حد يقدره
الحمد لله على كل حال
_GUIDE_ 22-07-2009, 05:07 PM هههههههههههههه
نفس الكلام اللى كان بيناقشه المسلمانى امبارح
الكل ابقى نفسه يبقى زى ابو تريكه الحضرى عمرو ذكى
و عروض الملايين بتقدم الاجابه لكل من يستفهم زيك عن السبب
و النص التانى من الاجابه يلاقيه عند ناس زى اساته هيئه الطاقه الذريه
ماجستير و دكتوراه فى العلوم الفيزيائيه و الفيزياء النوويه و تعيين فى مركز البحوث اللى هو المفروض مركز العلم النابض فى مصر
و نلاقى العلماء هناك بيشتغلوا باليوميه
قمه
قمه فى المهزله
ده انا لو قريت روايه خيال علمى عن ان فى يوم حيبقى الدنيا كده مش كنت حصدق
بس زى ما بيقولوا
الواقع اشجع كثير فى تقديم الماسى من اى خيال
:d
يلا خير خير
الامل فينا
و بكره احسن
و بلدنا بتتقدم بينا
و لو حبينا بجد عملنا و لما نقول احنا اللى عملنا
يمكن نعلى حقيقى و نصبح اقوى شعوب الارض
:d:d:d
حلو التفاؤل ده
:d
على فكره اول رد ليا من زمان و القسم خلطبيطه بس الموضوع جذبنى فعلا
احم .. طبعا عشان اطلع شويتين الاكتئاب اللى عندى و اصيغهم فى حروف
متعه لا تقاوم
:d
يلا فى رعايه الله
على فكرة الموضوع فعلا مقتبس من حلقة المسلمانى
كل يوم اتفرج على الاعادة الساعة 2 بالليل وانام معرفش انام غير لما ضغطى يرتفع
بس هو ليه الهرم مقلوب انا سمعت الجملة دى كتير
هى عقولنا على فكرة هى اللى مقلوبة
انا مش عارف بقيت ساعات بتجيلى حالة قرف من الناس كلها
وبشتم فيهم كمان
اصل انا واثق ان مفيش تغيير والناس راضية وقانعه والمصيبة الاكبر انها كمان مبسوطة
كان فى من يومين شخص بيسالنى بيقولى ايه رايك طب بشرى ولا بيطرى
قولتله مش هتفرق كتير فى كلتا الحالتيين مش هتعالج غير بهايم ضحك وقالى ازاى
قولتله الناس كلها مبقتش تفكر غير فى هم بطنها زى البهايم بالظبط كل تفكيرها منصب فى زيادة النوع والاكل
شكرا على ردك ياولاء :)
FRANKENSTEIN 22-07-2009, 05:13 PM سيبك انتا كوره ايه بس
المستقبل ف مصارعه التيران :d
بقواا كتير
وبعدين ابوتريكه ايه بس
ايه الناس اللي معندهاش طموح دول
بص فوق شوية :d
رونالدوا بس الله ماشاء الله
94 مليون يورو
ابراهيموفيتش 80
كان زميلي الروح بالروح ع فكره
بس ربنا فتح عليه وسقط ثانوي :d
wafa2y 22-07-2009, 05:23 PM سيبك انتا كوره ايه بس
المستقبل ف مصارعه التيران :d
بقواا كتير
وبعدين ابوتريكه ايه بس
ايه الناس اللي معندهاش طموح دول
بص فوق شوية :d
رونالدوا بس الله ماشاء الله
94 مليون يورو
ابراهيموفيتش 80
كان زميلي الروح بالروح ع فكره
بس ربنا فتح عليه وسقط ثانوي :d
إيه ده!!!:o
علي كده إنت كنت في الفصل اللي جانبي يا بسام
:006et4::006et4:
بس بجد أنا واحد في هندسة
و لو إتخرجت و إتفحت 40 سنة لو كان ليا عمر
مش هعرف أجيب جزء من المبلغ اللي هياخدو رونالدو
يبقي لازم نكون واقعيين
:d:d:d:d
بجد انا نفسي أطلع مهندس ناجح
أنفع بلدي
بس أخرج من الكلية دي سليم
:bosyht9::bosyht9:
الباشا حسن 22-07-2009, 08:27 PM هههههههههههههههههههههههههههه
الصراع بين القناعة و الطموح ( الصراع الأزلى )
مشكور صاحب الموضوع ( اللى قلب علينا المواجع )
عاشقـــ الانمى ـــة 22-07-2009, 09:10 PM كل واحد بيبص للجانب ال بيحبه وحاسس انه حاجة كويسة وممتعة
معظم الناس بتحب الكورة والتمثيل والغنا
مفيش حد بيحب الجانب العلمى المعقد دا الا شوية ال فاكرين نفسهم نابغين
يا ناس اتنيلوا بقى هتبقوا ايه يعنى كان غيركوا اشطر
بس كويس ان يكون الانسان عنده طموح حتى لو كان فى شئ هايف
يكفيه شرفا انه انسان عنه طموح
فيه ناس مخنوقة من حياتها وبتكره اليوم ال اتولدت فيه
the black rose 22-07-2009, 09:40 PM نفسك تطلع ايه ؟
نفسى اطلع الهرم :d
ندخل فى موضوعك بقى
ابوا تريكة مثل اعلى ليه
عشان معاه فلوس و مشهور
المشكلة مش فى اللى عندهم ابو تريكة و امثاله مثل اعلى
المشكلة فى الدولة
اللى هى بتهتم باللعب و الغنى و التمثيل و الرقص بس
بقى دول المشهورين و اللى عندهم فلوس
يسرا ترفع اجرها فى الفيلم الواحد ده ماشى
لكن مخترع ينفذ اختراع لاء
عايز يبقى حاجة يروح لماما امريكا
لكن فى مصر ملوش مستقبل
و الناس عايزة مستقبل
و العبقرية و الاختراع خلاص مبقوش يوكلوا عيش :romarioxp6:
كل واحدة عايزة تدخل معهد رقص شرقى
عالاقل يضمنوا شغلانة :d
لكن العلماء يبقوا تعبوا و سهروا و طلعت عينه
و الاخر محدش يهتم
قولى انت يبقى الناس تطلع زيهم ليه
تلاقى واحد خريج هندسة و بيشتغل فى قهوة
و الله بتحصل
يبقى على ايه بقى ده كله
يبقى الكورة هى المستقبل :022yb4:
ولكن اوتعلمون شيئا كم اتمنى ان يكون لى ابن فى المستقبل ويكون مثل ابو تريكة
و هتستنى ابنك ليه
يبقى مش هتحقق امنيتك
عندك حمدى و عمير و عباس :p
ولا اطلع انت ابو تريكة
مانت كدا كدا مش بتشتغل حسب كليتك :romarioxp6:
شكرا عالموضوع يا اسلام
Its My Life 22-07-2009, 09:43 PM نفسك تطلع ايه ؟!....
نفسي أخلص دراسه واقعد في بيتنا وكفايه أوي لحد كده
nothing 22-07-2009, 10:04 PM انا عاوز اتجوز واقعد ف البيت بلا وجع دماغ:d
يعنى اتخرج من كليتى واشتغل بقا ان لاقيت يعنى
ربنا المستعان
** MR.SmilE ** 23-07-2009, 12:11 AM نفسك تطلع ايه ؟سؤال وجيه .. بس للأسف لو مشيت ف الشارع و سألته للناس هيقولولك
(http://thanwya.com/vb/member.php?u=51077)nothing (http://thanwya.com/vb/member.php?u=51077)
بجد بقي في حالة من الاحباط من اول العيل الصغير التايه في تعليمه
للراجل الكبير
اللي طلع ع المعاش و مش عارف يجيب الدواء اللي بيتعالج بيه
الناس بقت عايشة لمجرد انها تعيش يومها و يا دوب مستورة و الحمد لله
لأن ببساطة مفيش شغلانة نافعة
لو خطفت رجلك يا اسلام و طلعت علي قسم التنسيق
هتلاقي الطلبة حيرانيين
طب و لا صيدلة و لا اسنان و .... و حاجات كتير
و منهم اللي يجيب م الاخر و يقعد ف البيت :d
انا فاكر ان انا قلتلك ف موضوع ليك قبل كدة
ان الناس بقت متقسمة لقسمين
الاول : ينطبق عليه و بشدة المثل ( اللي معاه قرش محيره يجيب حمام و يطيره )
و ده بيشمل معظم لاعيبة الكورة و الفنانينو غيرهم .. و كمان الحرامية .. احم :d
التاني: و هو الطبقة السفلى المطحونة اللي اتكلمت عنها فوق
يبقي الطموح هييجي منين ؟؟
سلام
الطفل اللى بيشوف اسرته اهتمامها واعجابها منصب على ابو تريكة
لازم يتمنى يبقى ابو تريكة
احنا اللى بتفاهتنا بنزرع ف اطفالنا حب التفاهة
:bosyht9:
وزى ما ولاء قالت العلماء ف مركز البحوث بيشتغلوا باليومية
مش دول لو كانوا بيلعبوا كورة او بيغنوا كان بقى ليهم مستقبل
ربنا يهدينا
:blush:
ymymym 23-07-2009, 01:34 AM يا عم اخلص تعليم واتجوز واجيب عيال اربيهم احسن تربيه وخلااااااااص:d
هو موضوعك حلو فعلا
بس انا بعتبر ان المشكله دي بتبقي سببها الاب والام الصراحه تقولي ليه لان الطفل بيسمع كلام اهله وبيقلدهم تقريبا في كل حاجه
او بيشوف تفكيرهم ازاي فبيحاول يبقي زيهم فلو الاهل دول الاب والام يعني حطوا او غرسوا في عيالهم والاولاد دول حب العلم والطموح والاختراع وانه يحب الناس الكويسه او يقتدي بالناس الكويسه اللي تفيدهم ولو خلوهم يحسوا بانهم لو هيشتغلوا فهيشتغلوا بس عشان يفيدوا بلدهم مش عشان يجيبوا فلوس وخلاص ويبقي من اصحاب راس المال هتلاقي الطفل طلع كويس انسان بيحب بلده هيعتبر الناس الي قلت عليهم دول قدوه هيقلدهم هتلاقي ان في روح المنافسه ما بينهم فهتلاقي شغل جامد او هتلاقي البلد بقت كويسه وهيتحقق اللي بنقول عليه
مش عارفه اذا كان كلامي اتفهم ولا لأ بس ده راي السخصي
سلام:romarioxp6:
eng.sabry elbrins 23-07-2009, 02:06 AM نفسى اطلع الهرم :d
ندخل فى موضوعك بقى
ابوا تريكة مثل اعلى ليه
عشان معاه فلوس و مشهور
المشكلة مش فى اللى عندهم ابو تريكة و امثاله مثل اعلى
المشكلة فى الدولة
اللى هى بتهتم باللعب و الغنى و التمثيل و الرقص بس
بقى دول المشهورين و اللى عندهم فلوس
يسرا ترفع اجرها فى الفيلم الواحد ده ماشى
لكن مخترع ينفذ اختراع لاء
عايز يبقى حاجة يروح لماما امريكا
لكن فى مصر ملوش مستقبل
و الناس عايزة مستقبل
و العبقرية و الاختراع خلاص مبقوش يوكلوا عيش :romarioxp6:
كل واحدة عايزة تدخل معهد رقص شرقى
عالاقل يضمنوا شغلانة :d
لكن العلماء يبقوا تعبوا و سهروا و طلعت عينه
و الاخر محدش يهتم
قولى انت يبقى الناس تطلع زيهم ليه
تلاقى واحد خريج هندسة و بيشتغل فى قهوة
و الله بتحصل
يبقى على ايه بقى ده كله
يبقى الكورة هى المستقبل :022yb4:
و هتستنى ابنك ليه
يبقى مش هتحقق امنيتك
عندك حمدى و عمير و عباس :p
ولا اطلع انت ابو تريكة
مانت كدا كدا مش بتشتغل حسب كليتك :romarioxp6:
شكرا عالموضوع يا اسلام
والله العظيم كلام صحيح وواقعى ياشيرين وفعلا احنا نبقى واقعين مانبصش لابو تريكه عالطول ولا نبص للاوهام عالطول بس نصيحه منى لاسلام ياريت تبقى تتفرج على الحلقه مباشرة هى بتجى الساعه 8.5
مع تحيات احمد المسلمانى
تصبحوا على خير :p
_GUIDE_ 23-07-2009, 12:04 PM بجد كله بيبص عالمكسب
محدش بيقول عايز ابقى عالم او بتاع محدش بقى عايز برستيج
كله بيقول مكسب و خلاص
صدقني والله و انا جايه اقدم في التنسيق
بابا قعد يكلمني عن المرتبات و كل كليه لما اتخرج ممكن ابقى ايه و اقبض كام
كله بيبص في المكسب فقط لا غير
و العلم ده تراجع خلاص
اصلك بعد ما تتعب و تلاقي نفسك جبت 96 و مش طايل حاجه و من الاوائل عالمدرسه .. تقول ايه؟
و كمان لو دخلت كليه كويسه و بقيت معيد فيها .. ييجي الجيش يقطع عليك الكلام ده كله و تعيش فيه مع نفسك و تشوف المهزله و التهزيء كله
محدش بقى بيبص للعلم .. حتى اللي بيبص له .. مش بيلاقي حد يقدره
الحمد لله على كل حال
عندك حق والله يابنتى ايه كمية التشائم دى الحمد لله مطلعتش انا لوحدى
وفى حاجة عايز افهمها باباكى بيكلمك على مرتبات
على اعتبار انك اصلا هتشتغلى بعد ما تخلصى ولا هتلاقى شغل كمان 4 سنين
متفائلة اوى:d
COoL HEaRT 23-07-2009, 04:35 PM هههههههههههههههه
موضوع ظريف بس مش شايفين انكم متحاملين زياده عن اللزوم
ماله ابوتريكه اعتقد ان ياريت يكون عندنا ابوتريكه تانى وتالت ورابع وعاشر
مش فى الكوره بس وفى المجالات التانيه
العيب مش ع الاطفال ولا المراهقين اللى عايزين يبقى زيه
ولا حتى العيب فى انك تبقى زيه
العيب انك ميكنش ليك هدف وهى دى المشكله
انا مش شايفه ان فى مشكله انى اكون عاوز اطلع لاعب كوره
بالعكس ده شيء جميل ومش تافه انا مقدرش احقر من اى وظيفه او مهنه حتى لو كانت فى نظر الناس تسالى
ولسخريه القدر ان الكوره دى الشيء الوحيد اللى يعتبر ماشي عدل واهو حاله بدأ يرجع ويبقى زى اى حاجه فى البلد
المشكله او الازمه الموجوده فى ثقافتنا احنا
انا بختار مثل اعلى ليا قب مختار طريقى ودى مشكله
المفروض عمليه عكسيه
انا اختار طريقى واشوف مين اللى نجح فى المجال واحاول اكون احسن منعا للتكرار او ان العمليه مش تقليد او تقليد بابتكار
اليابان من اشهر الدول واليابان مش دوله مبتكره اليابان من الدول اللى بتاخد وتطور
زمان من اول موعيت ع الدنيا وكانت فكره انى اكون رائده فضاء حاجه جميلع لغايه اعداديه
اول مره قلت الموضوع ده كانت مدرسه الدين بتسأل وتقريبا كنا داخلين هنتأخر وانا كنت بتفلسف فسألت
اول حاجه قالتها او عملتها انها ضحكت وقالتى شكلك لمض وهتتعبينى ادخلوا ادخلوا
مش بحكى قصه حياتى بس كلام الناس عامل مؤثر ع الاختيارات ومؤثر بشكل مباشر
من بعدها كنات كل الناس تستغرب من الاختيار وان مستحيل انى اوصل لكده مفيش عربى وصل لكده
واقصد كونه رائد وعامه هى وظيفه تعبانه اصلا هى جمالها انك تشوف الارض بصوره احلى من بره لان هى من تحت فعلا وحشه
بس عامه هو واحد محطوط فى تابوت جميل بيدور فى الفضاء بيعانى من الوحده و و و .. ماعلينا مش موضوعنا
من بعدها او من 3 اعدادى وانا عاوزه طب
بس كلام الناس فرق لان طريقك لناسا والعالم ده مستحيل وبيتطلب دخولك علوم اللى هيا كخ ويع دلوقتى مع انها من اصعب الكليات
احنا معندناش الثقافه دى زى حجات كتير احنا مش بنمتلكها
المشكله مش فى الاختيار او مش فى اختيار ابوتريكه المشكله فى سبب الاختيار
هل هو المال والشهره بس لانه لو بس ده تخلف الحجات دى ضروريه بس محتاجين حاجه كمان جنبها لان الحياه مش فلوس ولا شهره بس
ولاء بتقلك جزء من اغنيه بلدنا بتتقدم بينا جزء من اغنيه
المهم انا مش شايفه ان الجمله دى للتريقه احنا عندنا شريحه كويسه من الشباب ع فكره
انتى يا ولاء نفسك اهو شخصيه مثقفه وع قدر كويس من التعليم
ايه المشكله ان بلدك تتقدم بيكى يا دكتوره !!
عارفه انه صعب وان اللى بيفهموا حاليا مش بياكلوا عيش
ماعلينا
المهم بس ان موضوع ابوتريكه مش بالشىء السيء او الحاجه الفظيعه يعنى
وزى متفضل الاخ فوق وقالك عندك واحد زى كريتيانو رونالدو شوف بيتباع بكام
فى الدول المتقدمه بردو اللعيبه الكبار مثل اعلى للشباب وانها مرحله عمريه انت مش بيبقى فارق معاك غير الشهره وكده
بس هما عندهم الاهل اللى يوجه او المدرسه اللى ممكن تعلمك او تديك هدف
اما احنا مشكلتنا ان مفيش
يلا موضوعك نحس بجد كنت كاتبه ردين محترمين عن كده مره النت يفصل مره النور يقطع ربنا يباركلك فيه
Ayman Inventor* 23-07-2009, 05:03 PM حرام عليكم احبطتونى:(
كان نفسى ابقى مخترع و عالم
ابو تريكة ايه ياجدع اذ كنت انا ضد النادى الأهلى والدورى المحلى بيفرق المصريين عن بعد مافيش غير الدولي اللى احبه
ونفسى اشرف مصر اتخرج هندسة توفر لى المال بس معقولة يومية المخترع يقبض يومية انا نفسى ابقى زى زويل والبرادعى والباز ومصطفى السيد والفريد نوبل واينشتاين اذا كان الطفل المصرى من اذكى اطفال العالم ده اذكى من الصينيون بس بيفقد ذكائه من التيليفزيون وعدم تنمية الذكاء والكمبيوتر وانا الحمد لله مهما قلتواى هاخدد كام هابقى عالم واشرف مصر ده حتى مكتب براءة الإختراع معقدها وحطط رسم على كل خطوة انت اللى تدفعه وبعدين هيعملولك ايه هيقولى مصرى حقق براءة اختراع كخبر فى الجرنال ولا حد هيشتريه الا اذا كان ابو تريكة رايح مانشستر ولا برشلونة ولا عمر ذكى هيروح ريال مدريد ده حتى عاملين فيلم عن الكورة مش الإختراع ولا قصة عالم مصرى ده ولا مصرى نفسه ياخد نوبل ويتريقه على اللى راح يدى نوبل لأمريكا واما جيب فى المدرسة 137 من140 كل اللى فى الفصل استكرهونى وعشان زملكاوى يضايقو ويفتخرو بابو تريكة ويتريقو على العلمة ولو حد غيرهم طلع الأول يزعلو وميذاكروش اكتر عشان يتفوقوا لا يتمنو الشطار يسيبو المدرسة ويخنقوم لغاية مايمشو لغاية ما الفصل بقى فيه 6 وبع دمايمشو ينمواعليهم و يقولو دحيحين ويبقى الأول بمثلا ب70 من 140 وميعزوش يذاكرو وهيطيرو من الفرحة من الدرجةاللى جابوها:angry2::angry2::angry2::abdoog8::slap1qk6:: 040vk0::giljotiiniug3:<_<
الباشا حسن 23-07-2009, 10:11 PM أبوتريكة مش هو سبب المشكلة
بالعكس , نتمنى كل إنسان مصرى يكون مخلص فى عمله زى تريكة فى مجاله
الحكاية أكبر من مجرد تريكة أو زمايله أو فنانين
المشكلة فى فكرنا كمصريين فيهم صفات حالية مش إيجابية
account closed 24-07-2009, 01:15 AM احم احم
والله يا جماعة أنا مش ببص لها كده
يمكن ليا نظرة تانية ووجهة نظر خاصة شوية
يعنى مثلا وانا ف تانية ثانوى
كان نفسى أدخل كلية عيوم قسم كيمياء فيزياء
بس مجبتش مجموع
حولت أدبى وقررت أدخل أداب إنجليزي لأنى بعشقه
فرقت معايا على درجة
وأنا دلوقتى ف أسبانى
مستريحة فيه جدا
وكمان بحمد ربنا انى مدخلتش انجليزي
لان دفعتى 80 طالب بس
فعلا الخيرة فيما اختار الله
محدش يعرف الخير فين
يمكن ف نظرنا بيكون فشل وزعل
بس ف الاخر أكيد هو خير وإحنا مش وخدين بالنا
وشكرا ع التوبيك يا أستاذ إسلام
اوركيديا 24-07-2009, 02:13 AM معلش حرد هنا يا اسلام
ردها استفزنى
:d
هههههههههههههههه
موضوع ظريف بس مش شايفين انكم متحاملين زياده عن اللزوم
ماله ابوتريكه اعتقد ان ياريت يكون عندنا ابوتريكه تانى وتالت ورابع وعاشر
مش فى الكوره بس وفى المجالات التانيه
العيب مش ع الاطفال ولا المراهقين اللى عايزين يبقى زيه
ولا حتى العيب فى انك تبقى زيه
العيب انك ميكنش ليك هدف وهى دى المشكله
على فكره انتى بتتكملى فى منطقه تانيه من الموضوع
احنا مش بنتكلم فى ابو تريكه كشخص اكتر ما بنتكلم على الاوضاع العامه
على التقدير المستحق اللى كل انسان بياخده
ابو تريكه فنان معاكى
هل يستخق فى دوله ناميه زيينا الملايين دى
لاء
هو ده المنطق
نطبق نفس المنطق
علماء الفيزياء النوويه
مبدعين
هل يتسحقوا ملايين فى دوله ناميه
اها
هل بياخدوها
لاء
ده المنطق اللى بتكلم عليه
عدم توازن الفرص بين كفتين غير متكافئتين اصلا
لا فى العلم و لا فى التعب و لا فى المجهود الانسانى البحت و لا فى الاحتياج ليهم
يبقى المنطق ان اللى بيقول انا عايز اطلع زى ابو تريكه
مش عشان هو انسان خلوق و ملتزم و محترم و فنان فى الكوره
لاء
عشان هو بيكسب
فقط لا غير
لغه المال هى الاساس
و ستظل هنا
لو لم يرحمنا ربنا
:bosyht9:
ولاء بتقلك جزء من اغنيه بلدنا بتتقدم بينا جزء من اغنيه
المهم انا مش شايفه ان الجمله دى للتريقه احنا عندنا شريحه كويسه من الشباب ع فكره
انتى يا ولاء نفسك اهو شخصيه مثقفه وع قدر كويس من التعليم
ايه المشكله ان بلدك تتقدم بيكى يا دكتوره !!
عارفه انه صعب وان اللى بيفهموا حاليا مش بياكلوا عيش
ماعلينا
اممممممم
لاء حلوه النقطه تى مش ما علينا و لا حاجه :d
نتكلم بالمنطق
شوفى الاغنيه
هى ايه
مجرد كلام
بحت
كلام مرسل
طلع على فراغ و مشى فى الفراغ و وصل لفراغ (اللى هو عقولنا:d )
عارفه الاغانى الوطنيه دى انا احبها فين
لما تبقى للتشجيع
واحد بيعمل و بيشتغل و عرقان
بقوله بلدك حتبقى و انت حتعمل و انتوا حلوين
عشان ينشط و لا حاجه ثبطته فى النص العزيمه تزيد
بس واحد نايم مخمود
مش الاول حصحيه
و افوقه
و اكب على راسه الميه الساقعه
و بعدين لما يفوق و يصحى و يبدا يشتغل
اقوله قوم يا مصرى مصر دايما بتناديلك
قوم لنصرى نصرى دين واجب عليك
اما بقى لما قولتله الاغنيه اللذيذه بتاعت بلدنا بتتقدم بينا و هو لسه نايم
مش بعيد يبتدى يشخر
و يكمل نومه فى العسل
:bosyht9:
اما بقى الميه الساقعه اللى قصدى عليها اللى حتصحى الراجل
هى الحقيقه
ان احنا بلد متخلف
ماشى بالوسطه و الكوسه و المحسوبيه
بلد طلعت منه رائحه العفن حتى كادت تخنق الانفاس
بلد نجاحه فى انه يواجه حققه ان بيطرد اولاده اللى المفروض يتقدم بيهم
انا عايزه اغانى تقول كده
و تواجه الناس
تطاردهم
تقلق مضاجعهم
توريهم الحقيقه و بس
بدون لا افتاءات امل
و لا دعاوى تقدم زائف
فهمتينى
:bosyht9:
ده غير ان فى جانب تانى مهم فى الموضوع
ان الناس اللى بتقول الحاجات دى هى اساسا مش مقتنعه بيه
و لا بتقوله من قلبها
و لا عمر البلد ما حتتقدم بيهم
اكيد فاكره الاغنيه اللى لاقت شهره عالميه من كتر التريقه اللى طلعت عليها
مشربتش من نيلها
و اكيد عارفه ان مغنيتها الطروب سافرت لندن تقريبا و لا امريكا
عشان الجنسيه
:bosyht9:
لازم الحاجه تبقى من القلب عشان توصل
يعنى انا لما اسمع نداء الكرامه من جمال عبد الناصر لازم افتخر
و ابتسم
هو ده الفرق
:)
..Just Stop 24-07-2009, 03:06 AM المشكلة فى الاساس يا اسلام تحديد هدف
للاسف محدش بيحدد اهداف
هو ابو تريكة واللا عمرو ماله يعنى تمام ياريت منه كتير
على الاقل نفع نفسه انما مين تانى نفع نفسه
اما اطلع ابوتريكة احسن اما اطلع من بيتى واول قهوة اقابلها اترمى فيها واشرب واتسطل وابقا فى التمام
بلدك عايزة كدا يا اسلام عايزاك متفكرش او بمعنى اصح تبقا تربية وتهجين وليس تعليم
تعليم ايه يا اسلام باشا شوف المناهج الفراعنة كانو تقريبا يغيرو المناهج دى بس للاسف احنا اخدناها منهم كتحف تعليمية
مع ان التحف والاثار كلامها هيروغليفى ميعرفوش اللى زينا
بلدك مش بتقدر لا العلم ولا العلماء
بلدك بتقدر النصابين والمحتكرين واللى ملهومش لازمة
بلدك يا اسلام مبتعملش جايزة لعالم انما بتعمل جايزة لمطرب يقول بحبك يا حمار
بلدك يا مرشدنا مش بتحاول تطلع جيل يقول انا فاهم وعارف حقى فين لا بيلجمو العقل علشان متفكرش
وفى الاخر تقوللى نفسك اطلع ليه
كتب العقاد وطه حسين وغيرهم من العلماء فى المكتبات عايزة حد يشيل التراب اللى عليها ويردم بيه قناة
افتح التليفزيون فى اى وقت هتلاقيهم بيتكلمو عن دينا او عن سعد الصغير وغيرهم
نادرا و لقيت حد بيقول العالم الفلانى عمل انما يقولك الراقصة الفلانية هزت عرش مصر
نيجى نحسبها بالعقل كدا
لاعب كورة او فنان وكام ماتش او كام مشهد ملوش لازمة = شهرة وفلوس وعيش حياتك
عالم زرة او عالم فى اى حجاة طب هندسة صيدلة = يطلع عينك فى التعليم تاخد على قفاك بعد التخرج دورلك على شغل كام ملطوش كل اول شهر
اظن العقل هيفهم المعادلة وهيعرف ايه اللى فيهم صح
جاست سمايل انت فى المحروسة
وعظيمة يا مصر يا ارض البلح
**تسابيح** 24-07-2009, 11:28 AM العيب فينا احنا اللي رفعناهم السما ..... وما زلنا ......
انا فاكرة مرة الاستاذ اجل الحصة عشان االكورة .........
والاهل بيلعب .. لما كم هايل من الشعب المصري
بيستمتع بالكورة وبيتفرج عليها ... حتي الريس بيشجعها .....
كل دا مش عايزها تبقي في القمة .............دا يبقي حرام حتي
انا مش ضد الرياضة او الكورة انا ضد الطريقة اللي بتتعامل بيها ....
يعني لما واحد يقعد ساعتين يتفرج ع حاجة مش هتفيد مش عارفة بيقعد ليه؟؟؟؟؟؟؟؟!!
ع العمووم ........
محدش عارف يمكن ع ايد ابنك اللي هو ابوتريكة القادم البلد تتقدم
COoL HEaRT 24-07-2009, 01:34 PM معلش حرد هنا يا اسلام
ردها استفزنى
:d
ههههههههههههههه
رد واقعى بئا بدل السواد اللى انتو بتعيشونا فيه
احنا مش بنتكلم فى ابو تريكه كشخص اكتر ما بنتكلم على الاوضاع العامه
هههههههههههه
انا لسه بعرف اقرا :d
واحنا ليه نبص للموضوع كده
لوح كتير فى فنانين رسموها وكان ليها اكتر من معنى
المعنى بيختلف من عين لعين تانيه مش اكتر
احنا بدل منقول للعيال ابوتريكه ايه يا ابنى خليك زى زويل
وحياتك انتى اصلا مفيش حد فى العيال يعرفه واللى يعرفه ميعرفش عمل ايه
انا اشغل عقل الطفل ده واقله اه خليك ابوتريكه بس ابوتريكه مش شرط يكون فى مجال الكوره
واجيبله كتب صغيره حتى انا اقرهاله واعلمه
انا الصراحه الايام دى مش بطيق اتكلم فى مشكله
لان بجد لو فضلنا نتكلم فى المشاكل اللى فى البلد مش هيحصلنا حاجه غير رفع ضغطنا زى محصل للباشمهندس اسلام
انا بحاول احط حل مش اكتر بحاول افكر بس فى طريقه نحاول نصلح بيها
الدنيا لهى سود ولهى بيضه
على التقدير المستحق اللى كل انسان بياخده
ابو تريكه فنان معاكى
هل يستحق فى دوله ناميه زيينا الملايين دى
لاءطب والحل اقوله انت متستحقش وطبعا كلامنا مش هيغير حاجه ولا استخدم النموذج بتاعه فى اثاره خيال لااطفال
مش من حقنا نقول مين يستحق ومين لأ
ابو تريكه مثلا او اى (س) لو كان احترف كان هياخد اضعاف من دول مش ناميه
كنت هقول لأ بردو ميستحقش
ده حد تعب فى بدايه حياته
خدو ابوتريكه اللى شقا ةاشتغل وبنا واشتغل واشتغل وبعدين ربنا كرمه
مش اقول ميستحقش
كل واحد فى البلد دى يستحق حياه اكرم
لا هو شرق ولا قتل ناس فى عباره ولا اخد قرض من البنك وطلع ع لندن
هو ده المنطق
نطبق نفس المنطق
علماء الفيزياء النوويه
مبدعين
هل يتسحقوا ملايين فى دوله ناميه
اها
هل بياخدوها
لاءيبقى غلط مين دلوقتى غلط نظام دوله
علماء محتاجين تمويلهم او ان احنا نمول تجاربهم
مش غلط ابوتريكه ولا اى حد تانى
بالمناسبه السعيده اللى رجعتنى للموضوع ده
بصى هو تمويل النادى الاهلى مش تمويل دوله اصلا عشان نتكلم
تقريبا لو مكافئات لو اخدو بطوله دورى بتاع بتبقى من الدوله
غير كده العمليه بيزنس
وبيزنس ناجح انا مش هعرف امنع مجموعه رجال اعمال من تمويل مشروع ناجح
فالصراحه مش عارفه انتى شايفه ان اللعيبه اللى بياخدوا فلوس بمبالغ عارفه انها مبالغ فيها
بس ده مش من حقنا الاعتراض عليه اصلا
انا راجل اعمال هممول المشروع اللى يكسبنى
واصلا مجلس اداره النادى مجموعه رجال اعمال
اما تمويل المشاريع بتاعه المبدعين
مانتى ادرى بالحال
واحد زى فاروق الباز او زويل الاول طلب عمل وادى محازى من قرون ازليه
ولا حياه لمن تنادى لا دوله ولا بتاع
وصدقينى صعب رجل اورجال اعمال يمولوا مشروع زى ده لان العائد مش هيكون بنفس كميه المصروف
وزى ماخدتى فى الاقتصاد
ان المشاريع اللى من النوع ده مش بتخلق الدافع الشخصى
يبقى التحميل ع الدوله
وبلدك مسروقه
يبقى تاسب المسؤولين مش تقولى ع لاعب ميستحقش لان كلامنا ع مبالغ بياخدها لاعب مش من حقنا
ده المنطق اللى بتكلم عليه
عدم توازن الفرص بين كفتين غير متكافئتين اصلا
لا فى العلم و لا فى التعب و لا فى المجهود الانسانى البحت و لا فى الاحتياج ليهمههههههههههههههههه
كميل اوى المنطق
بس بلدك مش بتمشي بيه
ولا حد بيعترف بيه
يبقى نحاول نلاقى مخرج تانى من الحدوته دى
انتى بتفكرينى بواحد واقف قدام باب مقفول بيحاول يدخل منه والمشكله انه مقفول اصل هتدخل ازاى يا ابنى
المفروض يروح يدور ع مكان تانى
بالمناسبه الدول بنت الناس
بتعترف جدا باهميه فكره الرياضه بوجه عام والكوره ع وجه الخصوص
عامه انا فاهمه انتى عاوزه ايه من الجزء الاخير بس المشكله ان كلامك بيقفل الطريق فى وشنا
يبقى نستغل الوضع الغريب ده فى بنايه حاجه افضل
يبقى المنطق ان اللى بيقول انا عايز اطلع زى ابو تريكه
مش عشان هو انسان خلوق و ملتزم و محترم و فنان فى الكوره
لاء
عشان هو بيكسب
فقط لا غير
لغه المال هى الاساس
و ستظل هنا
لو لم يرحمنا ربنا
هههههههههههههه
مين فينا مش عاوز الفلوس يا انسه اوركيديا !!
معتقدش ان فى حد مش عاوز فلوس
ده شيء بديهى
المهم اساس الشخصيه اخلاقه واحد مغيرتوش الفلوس ولا راح عمل فيها ابراهيم سعيد حد محترم
ياريت كل اللى يكسب يحتفظ بنفس البساطه
اممممممم
لاء حلوه النقطه تى مش ما علينا و لا حاجه :dههههههههههه
ماعلينا لما بقولها معناها اننى عاوزه اخلص واقفل الكلام
مش اكتر
نتكلم بالمنطق
شوفى الاغنيه
هى ايه
مجرد كلام
بحت
كلام مرسل
طلع على فراغ و مشى فى الفراغ و وصل لفراغ (اللى هو عقولنا:d )
عارفه الاغانى الوطنيه دى انا احبها فين
لما تبقى للتشجيع
واحد بيعمل و بيشتغل و عرقان
بقوله بلدك حتبقى و انت حتعمل و انتوا حلوين
عشان ينشط و لا حاجه ثبطته فى النص العزيمه تزيد
بس واحد نايم مخمود
مش الاول حصحيه
و افوقه
و اكب على راسه الميه الساقعه
و بعدين لما يفوق و يصحى و يبدا يشتغل
اقوله قوم يا مصرى مصر دايما بتناديلك
قوم لنصرى نصرى دين واجب عليك
اما بقى لما قولتله الاغنيه اللذيذه بتاعت بلدنا بتتقدم بينا و هو لسه نايم
مش بعيد يبتدى يشخر
و يكمل نومه فى العسل
:bosyht9:ههههههههههههه
مش الفكره ياسيدتى الجميله
انتى لو اخدتى بالك انا اتكلمت عن مين وذكرتك كمثل الا اذا كنتى انتى نايمه وده انا مش بعتقد بيه
انا بتكلم ع شريحه كويسه فى المجتمع بتاعنا
مش بتكلم ع واحد نايم ركزى شويه معايا
اما بقى الميه الساقعه اللى قصدى عليها اللى حتصحى الراجل
هى الحقيقه
ان احنا بلد متخلف
ماشى بالوسطه و الكوسه و المحسوبيه
بلد طلعت منه رائحه العفن حتى كادت تخنق الانفاس
بلد نجاحه فى انه يواجه حققه ان بيطرد اولاده اللى المفروض يتقدم بيهم
انا عايزه اغانى تقول كده
و تواجه الناس
تطاردهم
تقلق مضاجعهم
توريهم الحقيقه و بس
بدون لا افتاءات امل
و لا دعاوى تقدم زائف
فهمتينى
:bosyht9:هههههههههههههههههه
بجد انتى ثكر والله
هقله قوم ياابنى بلدك تولع
هيقلك متولع بجاز وانا مالى
انتى مفكره واحد نايم فى العسل نوم هيقومه الكلام اللى يحسسه بالهم
هموه عارفه وعايشه
هيقلك وانا مالى
الاحباط بينفع كوسيله تحفيز مع الناجح اما انا مش واحد عندى مشاكل وحالتى بالبلى
واجى اقلك شوف العباره غرقت
هيقلك ابويا كان عليها
مسرح بنى سويف اتحرق
هيقلك اختى كانت بتمثل عليه
فى اهمال فى المستشفيات
عيقلك مامتى ماتت فى مستشفى الطوارىء كانت دداخله تجبس ايدها طلعت بكانسر
الحقيقه ممعروفه وواضحه
وسبب فى احباطنا اصلا
المشكله واللى تدعوا للسخريه انك شوفى اغنيه قوم يا مصري مصر دايما بتناديك كانت معموله فى ظروف عامله ازاى!!
بالمناسبه عقول الشباب مش فراغ :D
عقول الشباب مش لاقيه توجيه صح
وده اللى انا بطلبه من البدايه حضرتك بدل الترهات والكلام اللى ملوش لازمه اقله ع طريق يمشي فيه
ده غير ان فى جانب تانى مهم فى الموضوع
ان الناس اللى بتقول الحاجات دى هى اساسا مش مقتنعه بيه
و لا بتقوله من قلبها
و لا عمر البلد ما حتتقدم بيهم
اكيد فاكره الاغنيه اللى لاقت شهره عالميه من كتر التريقه اللى طلعت عليها
مشربتش من نيلهاانا اعرف مشربتش من نيلها
معرفش اول اغنيه بتاعه بلدنا بتتقدم بينا
بس عجبنى كلامها
بالمناسبه الموضوع الاصلى مجبش سيره اغانى ع أد مذاكرتى الضعيفه بتقلى
:d
و اكيد عارفه ان مغنيتها الطروب سافرت لندن تقريبا و لا امريكا
عشان الجنسيه
:bosyht9:ههههههههههههه
انتى بتحاكمى مين :d
مكله بيسافر امريكا زويل الباز مع الفرق
بس اهو كله بيهج من البلد
شيىء طبيعى فى ظل الاحباط
وماعلينا انا مش جايه بناقش ظروف حياه مغنيه وانا مالى حياتها متخصنيش
لازم الحاجه تبقى من القلب عشان توصل
يعنى انا لما اسمع نداء الكرامه من جمال عبد الناصر لازم افتخر
و ابتسم
هو ده الفرق
:)
ممكن يكون عندك حق فى الجزء ده فعلا او تقريبا ده الجزء الوحيد اللى مقنع فى ردك :d
بالنسبه ليا ع الاقل
شوفى رد طه بردو كويس
اه قبل مروح كان فى جمله بتقلك الحقيقه تؤلم من تعود ع الاوهام
دى تنطبقى ع اللى انت قلتيه
بس المشكله زى مانا قلتلك ان الناس دى عارفين وعايشين المآساه
a7med_sale7 24-07-2009, 10:17 PM اى حاجه بس تكونه شغلانه مكسبها حلال
Hamset_Etab 25-07-2009, 01:26 AM بجد التوبيك جامد
الناس كلها عوزه تدخل صيدله كله بيدور على الفلوس:bosyht9:
الفلوس بقت رقم واحد واتنين ومليون
انا عن نفسى اول ما قولت لاهلى ادخل علوم اتغيروا خالص كانى قولت هدخل النار
هما بيدوروا اللى اما اتخرج منه هلاقى فلوس او لا;)
ميراج 25-07-2009, 01:45 AM هههههههههه
حلو اوى الموضوع ده
انا من رأيى ان الاطفال ديه بتقول عايزه اطلع زى ابوتريكه
عشان خلاص التعليم مش بقا ليه امان:028ja7:
يعنى كنا بنحلم زمان نبقا دكاتره ومهندسين
اكن مصر ربنا يحميها
فيها ثانويه الكوسه
اللى ضيعت مستقبلنا:bosyht9:
يعنى انا مثلا كان بابا
نفسه اطلع صيدلانيه زيه:p
بس بعد المجموع الجميل اللى جبته فى تانيه
شال الفكره من دماغه خالص
ومش اودامه غير اخويه
وطبعا من اللى شافه فى امتحاناتى
والله بيخليه يقرأ فى منهج 2ث
فى الاجازه:022yb4:
عشان خلاص مفيش امان للتعليم الجميل
بتاع مصر ام الدنيا:d
ويارب يرزقك بولد زى ابوتريكه
ويرزقنى ب ميسى بقا
اشمعنا ابوتريكه يعنى
هههههههه:d
Amethyst 25-07-2009, 01:50 AM نفسك تطلع ايه ؟!....
رئيس جمهورية
:d
|