مشاهدة النسخة كاملة : داخل طب ليه؟
omar_3f 22-07-2009, 06:42 PM يا جماعة انا طالب لسة مخلص 3 ثانوي
بصراحة انا كان نفسي و امنية حياتي ادخل كلية علوم
بس للأسف جبت 99.4% و للأسف اكتر لازم ادخل طب
يا ريت كل واحد داخلها يقول داخلها ليه و ايه المميزات اللي فيها علشان انا بصراحة داخلها و انا مش طايق نفسي
علشان كده عايز بأي طريقة الاقي فيها اي ميزة علشان مادخلهاش و انا كاره عيشتي
حيران في الثانويه 22-07-2009, 06:49 PM انا والله العظيم مش شايف فيها اي ميزه
يعني ايه الواحد يقعد يذاكر طول عمره عشان في الاخر ياخد مرتب تعبان
لو جاب كام علبه مناديل وسرح بيهم في المترو هيكسب اكتر منهم
Dr.M0hamed 22-07-2009, 06:54 PM هيا للاسف لازم تكون داخلها ويكون غرضك الاخير الماديات
في بعض الاراء والتعليقات من دكاترة في اخر الصفحة دي ------->http://www.thanwya.com/vb/showthread.php?t=138930
Bent 3bdo 22-07-2009, 06:57 PM ربنا معاك
اهم احجه تخلى ف نيتك انك داخل تساعد الناس
عاشقة القراءه 22-07-2009, 07:07 PM لو رايىى يهم حد
الموضوع مش موضوع مجموع
يعنى عادى تبقا جايب لو حتى 100% و تدخل علوم مفياش حاجه
كل واحد وهدفه انت ماشى ورا المجموع و لا ماشى ورا الهدف و الحلم و العمل اللى بتتمناه؟
و اوعى حد يضحك عليك بلقب كليات القمه
كل الكليات قمه للى بينجحوا فيها
ادخل اللى انت حاسس بانك هتنجح فيه مش مهم الدرجه المهم النجااااااااااح
وربنا يوفقك فى حياتك العلميه و العمليه
تحياتى
اسفه للاطاله
حيران في الثانويه 22-07-2009, 07:08 PM صح زي ما هم بيقولو الي داخل طب يبقي هدفه اولا واخيرا مساعده الناس
لكن لو هتبص لفلوس يبقي تدخل اي حاجه تانيه احسن
حيران في الثانويه 22-07-2009, 07:13 PM لو رايىى يهم حد
الموضوع مش موضوع مجموع
يعنى عادى تبقا جايب لو حتى 100% و تدخل علوم مفياش حاجه
كل واحد وهدفه انت ماشى ورا المجموع و لا ماشى ورا الهدف و الحلم و العمل اللى بتتمناه؟
و اوعى حد يضحك عليك بلقب كليات القمه
كل الكليات قمه للى بينجحوا فيها
ادخل اللى انت حاسس بانك هتنجح فيه مش مهم الدرجه المهم النجااااااااااح
وربنا يوفقك فى حياتك العلميه و العمليه
تحياتى
اسفه للاطاله
صح عندك حق 100 %
اول حد اشوفه في المنتدي دا فاهم صح
لان هنا كل واحد بيشوف مجموعه ايه وبعد كده يدور علي كليه علي مقاس مجموعه
بالعكس ان المفروض كل واحد ليه حلم انا فاكر من وانا عندي 5 سنين
كان اي حد بيسالني نفسك تطلع ايه كنت بقوله مهندس وفعلا عدت الايام والسنين
وجبت المجموع اللي يدخلني اللي انا عايزه الحمد لله
بعكس اللي عامل الموضوع انتا نفسك تخش علوم وحاسس انك هتحبها وتنجح فيها
يبقا تعمل كل حاجه عشان تدخلها احسن ما تدخل حاجه انتا عمرك ما فكرت فيها ولا حبيتها
amal_amal 22-07-2009, 07:14 PM انا كمان رأيى من رأى (عاشقه القراءة ) انتا المفروض تدخل الكليه اللى انتى عايزها وبس
و طالما انك بتحبها اكيد هتحقق فيها حاجه ، وان شاء الله ربنا يوفقك
hana montana 22-07-2009, 07:35 PM انت لازم تدخل الكلية الى انت عيزها مش الى الناس عايزينك تدخلها بس ارجع واقولك انك ممكن تتفوق فى اى مكان والطب لى فرص عمل اكتر شوية من العلوم بس لو انت حابب العلوم بجد ادخلها ولا تتردد
Sharp 22-07-2009, 08:09 PM ادخل اللي بتحبة :)
omar_3f 22-07-2009, 08:27 PM يا جماعة بالراحة شوية
انا قعدت احارب 3 سنين علشان اخش اللي انا بحبه بس للأسف التخلف اللي في البلد أقوى من أي حب أو أي ارادة
انا سألت عن رئيس القسم اللي انا داخله الناس اللي داخلة هندسة لقيته نظام واسطة و بيسقط اللي على مزاجه و ينجح اللي على مزاجه و النظام ده
يعني مهما كنت بحب المجال برضه ممكن يجيب قريبه و يعينه بدل مني
واحد صاحبي قاللي طب شوف منح الجامعة الأمريكية قعدت تقريبا 6 شهور اسأل و استفسر و تقريبا اقنعتهم يدولي منحة كاملة بس كانوا مشترطين تحيب gpa 3.7 من 4.0 يعني بالعربي امتياز مع مرتبة الشرف كل سنة و الا تدفع المصاريف كاملة اللي هي حوالي أكتر 100 الف جنيه غير المصاريف بتاعة الاقامة
من الآخر مفيش طريق علشان ادرس المجال ده الا لما سلكته
و بعدين اللي ايده في المية مش زي اللي يده في النار
و بعد كل ده انا لسة مصر ان اللي يدخل طب لازم بردو يفيد الناس بحاجة مش يمر عليها مرور الكرام كده و خلاص و حاسس اني لو اجتهدت ربنا ممكن يوفقني و اعمل حاجة يعني انا لما قررت ادخل طب مكنش همي الفلوس و لا الجانب الاجتماعي خالص و اللي كان ده غرضه اما يبقى فاشل او نصاب
مش مهم اوي تدخل الحاجة اللي انت بتحبها لان الظروف ممكن تمنعك بس المهم تعمل حاجة
بصراحة دي الخلاصة بعد تجربة طويلة و مريرة علشان ادخل الكلية اللي انا بحبها
اسف للاطالة
و ربنا يوفقنا جميعا
omar_3f 22-07-2009, 08:40 PM و بعدين يا جدعان علوم ايه و بتاع ايه
انا اروح الجيم اعمل عضلات و افتح القميص على الاخر و افرد شعري و اغير اسمي و ابقى تمورة
و اعمل كام شريط هايف و كام فيلم اهيف و ابقى مشهور
صح و لا ايه؟
bosy .. mostafa 22-07-2009, 09:32 PM و بعدين يا جدعان علوم ايه و بتاع ايه
انا اروح الجيم اعمل عضلات و افتح القميص على الاخر و افرد شعري و اغير اسمي و ابقى تمورة
و اعمل كام شريط هايف و كام فيلم اهيف و ابقى مشهور
صح و لا ايه؟
:d:d:d
جبت الخلاصه
احنا في مصر
thedentistmod 22-07-2009, 09:40 PM شوف انا كنت جايب 99.1 % من 3 سنين و لكن اخترت طب الاسنان و كان اغلب المعارف معترضين على كده بس انا دلوقتى مش ندمان على اختيارى ابدا و فرحان بطب الاسنان و انت اختار اللى بتحبه و ادخله لو علوم عايزها ادخل لو عايز طب بس من غير فترة طويلة فى الدراسة يبقى طب الاسنان هو الافضل
la rouse 22-07-2009, 09:50 PM أولا لازم تختار اللي بتحبه
ثانياً انا في طب قبل ما ادخل في ناس قالتلي طب طويلة قوي وهتضيعي عمرك بس لو انت حابب اللي انت فيه عمرك ما تبص على سنين او ماديات المهم انك تفكر انك تبدع في اللي انت بتعمله وتعمل اقصى ما عندك ويكون هدفك مساعدة الناس والارتقاء ببلدك مع طموح شوية لانه بيساعد كتير
theotherface 22-07-2009, 10:03 PM انا بقى بقولك خش ياض احسن لك اوعى تسمع للى يقولك خش اللى بتحبه لان اللى بتحبه مش هياكل عيش خلينا صرحة شوية يعنى الشغل اهم ولا تعقد جمب الكليه اللى بتحبها تأشر بصل:):):):) ...........
عاشقة القراءه 22-07-2009, 10:32 PM هههههههههههههههههههههههه
يالهوى عليكوا
تاشر بصل ايه و تمورة مين
فين الطموح يا بشر
و بعدين يا عمر انت خايف لرئيس القسم يسقطك
ان الله لايضيع اجر من احسن عملا
اتكل على الله و استخير ربنا و هتلاقى نفسك قدمت فى المكتوب ليك انك تدخله
fatac2 22-07-2009, 10:42 PM الاجبار خير وسيلة للفشل
الحق نفسك والتحق بما تحب وترغب
هو كالزواج لو جوزوك واحدة ولو قمر وانت مش طايقها عمرك ماتعرف الحب او الحنان تفضل مكره طول العمر
راجع نفسك وقم بالصلاة واستخر ربك وسوف يهديك
اما الطب فهو مهنة انسانية ويجب ان تحبها
hamada_92 22-07-2009, 11:35 PM لو عاوز تسالنى انا قدمت على طب ليه اقولك ان ده حصل بعد صراع مرير مع النفس اولا انا اسبعدت صيدلة عشان انا مبحبش الكيميا وكمان بحس ان دراستها حاجة وشغلها حاجة تانية يعنى الواحد مش بيستفيد من الخمس سنين الا فى معرفة اسماء الادويه اما يالنسبة للاسنان فهى مش وحشة بس انا الصراحة مش متخيل نفسى بعد عشر سنين قاعد حاطط حاجة دقيقة فى بق مريض واحشى واخلع وواعمل تقويم محستش نفسى كده وكمان حاجة مملة نوعا ما ان الواحد مقضى طول شغله مركز فى فم المريض وبس والانسان بطبعه بيحب التنوع اما طب فانا لما شوفت موادها عجبتنى صراحة وملت ليها حسيت انى حقدر اكمل وكمان طب حتدينى احتمالات اكتر انى الاقى نفسى فى قسم يناسبنى اما بالنسبة لمده الدراسه فدى مش فارقة اوى يعنى الفرق سنة دراسية بس مش حاجة مهولة انا خايف بعد كده اندم واقول يا ريت اللى جرى ما كان
انا والله مش عارف اعدل واكتب اسنان واشترى نفسى ولا اعمل ايه عالعموم ده جواب سؤالك ويا جماعة لو حد عنده نصيحة ليا يا ريت يقولى قبل ما الفاس تقع فى الراس
thedentistmod 22-07-2009, 11:41 PM البشرى عيبه انه محتاج 10 سنين عشان تقدر تبقى دكتور و تكشف و ليك عيادة و كده اما الاسنان ميزتها انك مجرد ما تتخرج يبقلا خلاص كده مفيش احتياج لانك تعمل ماجستير و كده
الفتى المصري الأصلي 23-07-2009, 12:15 AM يا جماعه الراجل شكله خلاص قرر يدخل طب
ملهوش لازمه الكلام بأه
|