مشاهدة النسخة كاملة : محتار أدخل أكاديمية أخبار اليوم ولا مودرن ولا معهد ع 6 أكتوبر؟, قسم هندسة
إنتحار طالب ثانوي 22-07-2009, 08:32 PM يا جماعه دلوقتي أكاديمية أخبار اليوم فيها الأقسام ديه
1- هندسة الإنتاج و تكنولوجيا الطباعه
2-هندسة الحاسبات ونظم التحكم
3- هندسة الإلكترونيات والإتصالات
4-هندسة الميكاترونيات
5-الهندسة الصناعية
بس في موقع التنسيق بتاع السنهادي كاتبين أن المتعادل من المجلس الأعلى للجامعات هو أنتاج و ألكترونيات وحاسبات
ومش موضحين أذا كان قسم الميكاترونيات و قسم الصناعيه متعادل ولا لأ ؟
تاني حاجه أنا مش عارف أذا كان الدكاتره و المعيدين فيها ممكن يدوا دروس بره الأكاديمية ولا ممنوع ؟؟
تالت حاجه أنا مش عارف الأكاديمية كويسه في الهندسة ولا أيه النظام؟
رابع حاجه مش عارف أذا كانت سهلة ولا صعب ؟
خامس حاجه مكانها في 6 أكتوبر و أنا ساكن في مدينة نصر
بالنسبة لمودرن فيها أربع أقسام بس مستحيل أدخل عمارة
1-هندسة الكترونيات واتصالات
2-هندسة حاسبات
3-هندسة ميكانيكا قسم أنتاج
4-هندسة عمارة
والأربع أقسام متعادلين من المجلس الأعلي للجامعات !!!
بس المشكله أن بيقولوا دكاترها و معيدينها ممنوع يدوا دروس بره الأكاديميه و جوه الأكاديمية !!!!فلوا فيه مادة مافهمتهاش في المحاضرات كده ممكن أسقط فيها !!!!أحتمال كبير!!!
وسمعة مودرن فيه ناس كتير بتقول مش كويسه من حيث الناحية التعليمية
وبيقولوا سهلة و أي حد بينجح فيها !!!
وفيها ميزه أنها في المعادي و أنا ساكن في مدينة نصر !!!!
أما المعهد العالي للهندسة بمدينة 6 أكتوبر اللي في مدينة الثقافة والعلوم - أكاديمية الثقافة والعلوم - أقسامه
1-هندسة مدنية
2-هندسة حاسبات
3-هندسة ميكاترونيات
4-هندسة صناعية
والأربع أقسام متعادلة من المجلس الأعلي للجامعات المصرية !!
ومكانها في 6 أكتوبر و أنا في مدينة نصر
بس بصراحه مش عارف أذا كان المعهد ده صعب ولا سهل ولا أيه نظامه يعني !!! بس أقسامه حلوه !!! ومش عرف سمعة المعهد ده الصراحه !
يا ريت يا جماعه تقولولي أدخل أيه وأرتب الثلاث معاهد دول بأنهي ترتيب في رغبات التنسيق ؟
وشكراً لكم جزيلاً
mfa csa 23-07-2009, 03:16 AM السلام عليكم ورحمة الله وبركاته ..
معاك محمود طالع اولي هندسة مدني باكاديمية الثقافة والعلوم ب 6 اكتوبر
بخصوص سؤالك فانا أفضلك اكاديمية الثقافة والعلوم عن اخبار اليوم والمودرن وده مش عشان انا فيها
انا اصلا من المعادي ومدخلتش المودرن عشان زي ما انت قولت سمعتها مش قد كدة
لكن اكاديمية الثقافة والعلوم سمعتها حلوة وغير ذلك بان جامعة 6 اكتوبر تابعة لها
اما بخصوص الدراسة فهيا محتاجة مجهود كأي كلية هندسة ولو في حاجة واقفة معاك ممكن تروح تسال فيها المعيدين
يعني بنصحك تصاحب المعيدين عشان تستفاد منهم .. ونصيحة بلاش تعتمد علي زميل عشان انا ياما شوفت منهم في الفصل الدراسي الاول
كمان عاوز اقولك ان هندسة اكاديمية الثقافة والعلوم هيا اول كلية في مصر ينزل فيها قسم الميكاترونيات وبعد كدة نزل في عين شمس وباقي الكليات ... والقسم ده مميز جدا جدا جدا .. لكن دراسته صعبة ومحتاج مصاريف لانك بتدرس فيها ثلاثة اقسام في الهندسة وهيا الميكانيكية والكهربية والالكترونيات .. يعني بتبقي 3 مهندسين في بعض
موقع طلبة هندسة هوا www.csa-hie.com
بس الموقع الان لا يعمل لتطويره
اسف انا طولت عليك بس لو عاوز اي استفسار اخر انا تحت امرك
إنتحار طالب ثانوي 23-07-2009, 03:41 AM شكراً جزيلاً لمشاركتك
أنا لو سمحت عايزك تقوللي و بصراحه شديدة جداً جداً جداً حتى ولو في الخاص
1- المعهد ده المعيدين والدكاتره بيدوا دروس بره المعهد ؟ ولا لأ
يعني مثلاً أنا خايف أدخل مكان يكون ممنوع يدوا دروس فيه ومفهمش مادة مثلاً وأقعد أسقط فيها يبقى أنا عملت أيه ؟ منا كده ححول وأبقى ضيعت سنه ولا حاجه
2- تاني حاجه لو فيه دروس بتكون فين ؟ 6 أكتوبر ولا فين ؟؟
3- المعهد له باص ولا لأ ومصاريفه كام في السنه لمدينة نصر ؟
4- ياخد وقت مني أد أيه من مدينة نصر ل 6 أكتوبر أنا عمري ما روحت هناك
5- وهو سهل ولا صعب ؟؟ مستوى صعوبته أو سهولته أيه بالنسبه لأخبار اليوم ؟ طبعاً أنا عارف أن مودرن أسهلهم
6- الكتب مصاريفها كام ؟
7- أدوات الرسم الهندسي اللي بيطلبوها منكوا أيه ؟ ويا ريت رقم موديل طقم البراجل ؟
8- هل فيه أمكانيه عندكوا للتقديم قبل ما الشهادة تطلع حجز مكان يعني ؟ عشان أنا فاضللي مادة مأجلها دور تاني
9- مناهجكوا هل الدكاتره هما اللي بيحطوها؟ ولا بتدرسوا مناهج جامعة 6 أكتوبر ولا القاهرة ولا أيه ؟
10- الدكاتره عندكوا هما هما الدكاتره اللي بيدرسوا هندسة 6 أكتوبر ؟ معظمهم متخرج من جامعة أيه ؟
11- مستوى الأمتحانات والمناهج سهل ولا صعب ولا أيه النظام
أرجوا أن تجاوبني على ال 11 سؤال دول و أسف طولت عليك
وشكراً جزيلاً
mfa csa 23-07-2009, 05:52 AM 1- متقلقش بيبقي في دروس بيدوها معيدين جوه الجامعة او خارجها
2- الدروس بتبقي في الجامعة او خارجها
3- الباص بيكون تابعة لجامعة 6 اكتوبر واشتراكه السنة اللي فاتت كان 2500 والله اعلم السنة دي كام
4- ساعة
5- الاتنين تقريبا نفس الصعوبة
6- كتب اعدادي مصاريفها التيرم الاول 400 والتاني 500 ولما بتيجي تقدم بتدفع 120 فتح ملف
7- أدوات الرسم الهندسي اللي بيطلبوها مننا : مسطرة 80 او 100 سم , براجل , مثلث ارسطو , مثلثين واحد 45 والتاني تلاتيني ستيني , مسطرة اسكيل , فوطة , استيكة , لصق
8- بعد ما تمتحن المادة اكتب الكلية في الرغبات ولو مجموعك جايبها انشاء الله هتقبل
9- مناهجنا هي الدكاتره اللي بيحطوها,, والدكاتره اللي بيدوا في جامعة 6 اكتوبر بيدوا مناهجهم اللي بيدوها في الجامعة
10- ده سؤال غريب اوي عشان الدكاترة دول كبار في السن يعني هما كانوا دكاتره قبل ما جامعة 6 اكتوبر تتفتح
11- مستوى الأمتحانات والمناهج فيه منه السهل و الصعب بس اعدادي بتبقي اسهل سنة
بس عاوز اقولك حاجة نصيحة لو مش بتحب هندسة بلاش تدخلها عشان هتبهدل نفسك فيها . لكن لو بتحبها فتوكل علي الله .. علي العموم صلي صلاة استخارة وربنا يدلك علي الصالح ليك
إنتحار طالب ثانوي 23-07-2009, 07:34 AM طيب أنا حعرف أزاي أذا كنت بحب هندسة ولا لأ ؟؟؟؟!؟!؟!؟ أنا معنديش فكره عن الحاجات اللي بتدرسوها !!!!!
هيا مصاريف اكتب بتبقى غاليه أوي كده ليه ؟ يعني أنتوا عندكوا ب 900 و في مودرن ب 600
هو كل كليات الهندسة الخاصة والحكومة أسعار كتبها كده ولا أيه ؟
أنا أخويا في طب حكومي بس أسعار الكتب مش مبالغ فيه كده
mfa csa 23-07-2009, 09:09 AM اولا هتعرف انت بتحب هندسة ولا لا بميولك للمواد ( الرياضة والفيزياء والرسم)
ثانيا : الكتب في المودرن التيرم اللي ب 600 مش السنة كلها .. لكن في اكتوبر السنة كلها 900 اعدادي بس وممكن تصورها والسنة اللي بعدها بتبقي كتب قليلة بتبقي في حدود 200 جنية في التيرم
إنتحار طالب ثانوي 23-07-2009, 06:40 PM باشمهندس mfa csa هو قسم اتصالات أو حاسبات أصعب من ميكانيكا أنتاج ؟
أنا كان بالنسبه لي في فيزياء ثانويه عامه باب الكهربية والإلكترونيات الحديثه اللي فه الترانزستور و البوابات المنطقيه كانوا صعبين بالنسبه لي ومكنتش عارف أفهمه من كذا مدرس جربتهم لدرجة أني ما ذاكرتش الباب الخامس بتاع الإلكترونيات ده وعلى فكره المنهج ده نزل في 2005 - 2006 منهج جديد مش عارف كان على أيامك ولا لأ !!!!!!! بس هو أصعب من المنهج القديم
وكنت شاطر و بحب الميكانيكا في رياضه 2
فهل حضرتك شايف أني أدخل هندسة و أتخصص ميكانيكا أنتاج عشان مفبش غير قسم الأنتاج في ميكانيكا في الأكاديميات ديه
ولا ما أدخلش هندسة خالص ؟
وهل فيه أحتمال أني أنفع في قسم كهرباء قسم حاسبات ؟ ولا لأ ؟؟؟ ملحوظه : أنا ما كنتش بحب الكهربية في الفيزياء وكنت بدرس بالعربي مش أنجليش
أنا ممكن أجيب مدرس فيزياء يشرحلي الباب الخامس ده عشان لما أدخل الكليه أمشي فيها بس أنا كنت بالعربي!!!!
ولا هندسة بتبدي معاك من الصفر ولا بيعتمدوا على اللي خدتوا في الفيزياء في ثانوية عامه ؟؟؟؟؟
أرجوا الإفادة وشكراً لك
mfa csa 23-07-2009, 10:54 PM انا شايفك قلقان من مواد هندسة اوي مش عارف ليه؟؟؟؟؟
انت في اعدادي بتدرس تقريبا معظم مواد الثانوية لكن بتبقي بالانجليزي
ولو ما فهمتش حاجة ممكن تسال فيها المعيد او تاخد فيها كورس , اما بخصوص التخصصات دي انت بتحددها
بعد اعدادي عشان بتسال معيد كل قسم وبتشوف ايه الاحسن والمناسب ليك
اما الباب اللي انت بتقول عليه في الفيزياء ده معظم المدرسين ما بيعرفوش يشرحوه عشان هوا اصلا باب جديد
يعني ده مش مقياس ليك انك ما تدخلش حاسبات او اتصالات
... لاي استفسار تاني انا في الخدمة
إنتحار طالب ثانوي 24-07-2009, 12:03 AM طيب هو أنا ححتاج الباب الخامس ده و فصل الحث الكهرومغناطيسي في هندسة سواء أعدادي أو لو أتخصصت كهربا بعدين حاسبات ؟؟؟
يعني أذاكره و أجيب مدرس يشرحهوللي ولا في الكلية باخد الكلام ده من الأول تاني ؟؟؟؟
لأني بنسبة 95 % حدخل قسم كهربا عشان أتخصص حاسبات !!!!!!!!
mfa csa 24-07-2009, 12:50 AM دراسة الجامعة مختلفة تماما عن ثانوي .. ادخل الاول الكلية وبعد كدة الموضوع ده كله هيتشرحلك في اعدادي وبيبقي اسهل من الثانوي كتير
إنتحار طالب ثانوي 24-07-2009, 03:21 AM أنا يا مان لازم أحدد الأول التخصص اللي أنا داخل عشانه عشان الأكاديميات تخصصها قليل جداً علشان مأضطرش أحول بعد أعدادي و ممكن ما يقبلونيش
يعني مثلاً مودرن فيها كهرباء و ميكانيكا و معماري مع شطب فكرة دخول معماري !!
وأنا الكهربيه الحث الكهرومغغناطيسي في ثانوي كنت متعقد منه و الباب الخامس كذا مدرس شرحهوللي و مافهمتوش لدرجة أني دخلت الأمتحان وأنا مش مذاكر حاجه فيه أبيض يعني
فأنا لو دخلت مودرن مش حيبقى قدامي غير ميكانيكا أنتاج
وكنت عايز أعرف منك شوية حاجات
1- أنا كنت بحب ميكانيكا رياضه 2 في ثانوي وديه في ناس كتير كانت بتكرهها وعقدة الطلبة
فهل هندسة ميكانيكا قسم أنتاج أو قسم هندسة صناعية بيدرسوا فيه حاجات زي ميكانيكا ثانوي ؟ ولا أيه ؟ ولا بيدرسوا أيه وهل اللي بيحب الميكانيكا يبقى أكيد حيحب هندسة قسم ميكانيكا ؟
وهل هندسة أنتاج صعبه زي ما سمعت من ناس في هندسة حلوان ؟ و هل هي أسهل ولا أصعب من هندسة صناعية ؟؟
وهندسة ميكاترونيات صعبة ولا أيه؟
إنتحار طالب ثانوي 24-07-2009, 03:26 AM أبعتلي أيميلك في الخاص
mfa csa 24-07-2009, 04:42 AM ميكانيكا انتاج هيا هيا هندسة صناعية
علي فكرة قسم الهندسة الميكانيكية من اصعب الاقسام لانه مليان لكن لو بتحب ميكانيكا ثانوي اكيد هتمشي فيه كويس
mfa csa 24-07-2009, 04:45 AM لكن هندسة الميكاترونيات فهوا قسم الابداع لانه القسم الاول في المانيا واليابان
لانه يقوم بادخال الالكترونيات والتحكم في الهندسة الميكانيكية
مهندسين الميكاترونكس بيخترعوا الروبوت والاسانسيرات والتكييفات وحاجات تانية كتييييييييير
إنتحار طالب ثانوي 25-07-2009, 05:09 AM في أكاديمية أخبار اليوم عندهم قسم هندسة أنتاج و قسم هندسة صناعية لكن في الفرقة الأولى و الثانية بيكونوا ميكانيكا عام و الفرقتين اللي بعد كده بيتخصصوا !!!
معلش عندي شوية أسئلة
هو في ميكانيكا أنتاج عندهم رسم هندسي ؟؟ الرسم ده بيكون رسم الألات وتصميمها بس ولا بيكون رسم معماري زي اللي في قسم هندسة معمارية ؟؟ ( عشان أنا بكره الرسم المعماري ده )
وهل ميكانيكا أنتاج فيها مواد كتير محتاجه حفظ كتير أكتر من الأقسام التانية وأكتر من مدني ؟
وفي قسم مدني تخصص تشييد و بناء ده بيوازي قسم انشاءات في الكليات الحكومية؟ و لا بيوازي قسم أيه ؟
وهل في القسم ده فيه رسم ؟ وأذا كان فيه رسم هل بيكون رسم معماري ؟ ولا بيرسموا أيه بالظبط ؟؟؟
وهل في مدني عندهم حفظ كتير ؟؟
وأذا قارننا الحفظ بين مدني و بين ميكانيكا أنهي اللي فيه حفظ أكتر من الفهم ؟
معلش أسئلتي كتير و تعبتك معايا
mfa csa 25-07-2009, 06:26 AM في أكاديمية أخبار اليوم عندهم قسم هندسة أنتاج و قسم هندسة صناعية لكن في الفرقة الأولى و الثانية بيكونوا ميكانيكا عام و الفرقتين اللي بعد كده بيتخصصوا !!!
معلش عندي شوية أسئلة
هو في ميكانيكا أنتاج عندهم رسم هندسي ؟؟ الرسم ده بيكون رسم الألات وتصميمها بس ولا بيكون رسم معماري زي اللي في قسم هندسة معمارية ؟؟ ( عشان أنا بكره الرسم المعماري ده )
وهل ميكانيكا أنتاج فيها مواد كتير محتاجه حفظ كتير أكتر من الأقسام التانية وأكتر من مدني ؟
وفي قسم مدني تخصص تشييد و بناء ده بيوازي قسم انشاءات في الكليات الحكومية؟ و لا بيوازي قسم أيه ؟
وهل في القسم ده فيه رسم ؟ وأذا كان فيه رسم هل بيكون رسم معماري ؟ ولا بيرسموا أيه بالظبط ؟؟؟
وهل في مدني عندهم حفظ كتير ؟؟
وأذا قارننا الحفظ بين مدني و بين ميكانيكا أنهي اللي فيه حفظ أكتر من الفهم ؟
معلش أسئلتي كتير و تعبتك معايا
في ميكانيكا أنتاج عندهم رسم هندسي >> الرسم ده بيكون رسم الألات وتصميمها
بالنسبة لاقسام هندسة كلها مافيهاش حفظ لكنها تعتمد علي الفهم والتطبيق
إنتحار طالب ثانوي 25-07-2009, 07:26 AM يعني مش له علاقه بالرسم المعماري و المباني !!!!
أصل فيه واحد قاللي الرسم الميكانيكي صعب !!!!!
أنا كان عندي أسئلة بخصوص قسم مدني معلش
قسم تشييد وبناء ده زي قسم أنشاءات في الكليات التانيه ؟ ولا عندكوا بتتخصصوا يا أما أنشاءات يا أشغال عامة ؟ ولا ده تخصص مدني عام ؟؟
وأذا كان ده مدني عام فهل المتخرجين منه بيلاقوا شغل ولا أيه ؟؟؟
وبالنسبة للرسم في مدني بيكون الرسم فيه زي الرسم المعماري ولا بيختلف ؟؟؟
وبيكون الرسم في مادة واحدة ولا كل المواد على مدرا الأربع سنين ؟؟
واللي مش بيحب الرسم المعماري بينفع في مدني ولا بيكون بالنسبه له صعب ؟
mfa csa 25-07-2009, 11:14 AM يعني مش له علاقه بالرسم المعماري و المباني !!!!
أصل فيه واحد قاللي الرسم الميكانيكي صعب !!!!!
أنا كان عندي أسئلة بخصوص قسم مدني معلش
قسم تشييد وبناء ده زي قسم أنشاءات في الكليات التانيه ؟ ولا عندكوا بتتخصصوا يا أما أنشاءات يا أشغال عامة ؟ ولا ده تخصص مدني عام ؟؟
وأذا كان ده مدني عام فهل المتخرجين منه بيلاقوا شغل ولا أيه ؟؟؟
وبالنسبة للرسم في مدني بيكون الرسم فيه زي الرسم المعماري ولا بيختلف ؟؟؟
وبيكون الرسم في مادة واحدة ولا كل المواد على مدرا الأربع سنين ؟؟
واللي مش بيحب الرسم المعماري بينفع في مدني ولا بيكون بالنسبه له صعب ؟
اقسام الهندسة المدنية كتييييير منها الانشاءات والمياه الهيدروليكية والاشغال العامة والطرق والتشييد والمساحة وغيرها .. وكلهم في الاخر بيطلعوا مهندسين مدني
بالنسبة للرسم في مدني بيكون اسهل من الرسم المعماري
والرسم بيكون في كذا سنة طبعا
الرسم المعماري مختلف عن المدنى ... لكن المدني بياخد برده بعض مواد التصميم المعماري
Eng:OYA 25-07-2009, 01:37 PM el mechatronichs magood fen belzabt yany anhy koleyat
messi1019 25-07-2009, 05:16 PM طيب لو سمحتوا انا عايز اعرف مصاريف هندسة حاسبات بكام ؟
mfa csa 26-07-2009, 03:42 AM el mechatronichs magood fen belzabt yany anhy koleyat
الميكاترونكس في مصر يوجد في ..
هندسة 6 اكتوبر ( اكاديمية الثقافة والعلوم )
هندسة العاشر
هندسة أكاديمية اخبار اليوم
هندسة جامعة مصر للعلوم والتكنولوجيا
هندسة جامعة 6 اكتوبر
هندسة عين شمس
هندسة حلوان
هندسة اسيوط
هندسة الزقازيق ( قسم جديد بها )
mfa csa 26-07-2009, 03:44 AM طيب لو سمحتوا انا عايز اعرف مصاريف هندسة حاسبات بكام ؟
هندسة كهربية تخصص حاسبات .. مصاريفها باكاديمية الثقافة والعلوم 6300
إنتحار طالب ثانوي 26-07-2009, 11:21 PM يا باشمهندس mfa csa هو حضرتك أيميلك اللي بعتهولي في الخاص أت هوتميل ولا ياهو ؟
وحضرتك بتكون أونلاين أمتى
mfa csa 27-07-2009, 04:46 AM يا باشمهندس mfa csa هو حضرتك أيميلك اللي بعتهولي في الخاص أت هوتميل ولا ياهو ؟
وحضرتك بتكون أونلاين أمتى
ياهو ... وبفتح في اي وقت قولي انت هتدخل تاني امتي وانا هدخل
إنتحار طالب ثانوي 27-07-2009, 05:25 AM أنا عملتلك أد بس أنتا أوفلاين
amrturk 01-08-2009, 06:48 AM هوا مودرن اكاديمي الهندسة المعماري وحشة ولا انت اللي مش بتحب المعماري
إنتحار طالب ثانوي 01-08-2009, 08:49 AM لأ مش بحب الرسم المعماري
xbeso 20-08-2010, 01:16 AM انا داخل اولى فى معهد عالى هندسه بطموه وكنت عايز احول لاكاديميه الثقافه والعلوم بس عايز اعرف اذا كنت هشيل مواد ولا لا وياريت اعرف المحتوى العلمى بتاع اعدادى فى الاكاديمه
وكنت عايز اعرف بردو مواد الهندسه المدنيه وياريت الرد
وده ايميلى love_oo10على الياهو اريد التحدث مع الاخ mfa csa بس ياريت يكون فى اقرب وقت لان خلاص باب التحويلات قرب يتقفل
|