أحمد أخويا (أرجوكم ردوا عليا ) [الأرشيف] - بوابة الثانوية العامة المصرية

Esraa_Ahmed،s sister

23-07-2009, 11:01 AM

أولا السلام عليكم ورحمة الله وبركاته
حضراتكوا أنا اسراء محمد عبدالله أخت أحمد محمد عبدالله
كنت عايزة من حضراتكوا تقولوا ليا أحمد أخويا كان مسجل فى المنتدى ده باسم ايه ومين أكتر ناس كان بيتكلم معاهم
أرجو من حضراتكوا التوضيح أنا مش عارفه هو ده المنتدى اللى كان بيدخل عليه ولالا
بس أنا لقيت عنوان المنتدى مسجل فى قائمة عنواين المواقع
أرجو من حضراتكوا التوضيح والرد لأن أحمد أخويا تعبان جدا اليومين دول وهو راح عند خالتو وهيقعد هناك شوية
ماما والله هى اللى قالت ليا أسألكم
يارب يخليكم أى حد كان بيتكلم معاه يقولى كان بيقولوا ايه أحمد دلوقتى منهار بجد أرجوكم ردوا عليا
والسلام عليكم ورحمة الله وبركاته

علاء سيف

23-07-2009, 11:09 AM

ارجو الله ان يطمنكم عليه ويصلح حاله وحالنا

Its My Life

23-07-2009, 11:32 AM

طب ممكن تجاوبي على الاسئله دي الأول لاني شكله في حد كده

احمد لخوكي ده علمي علوم؟؟؟؟؟ظ
من محافظه ايه؟؟؟؟؟؟؟
مدرس الفيزياء بتاعه كان اسمه ايه؟؟؟؟؟؟؟

بجد لو جاوبتي على الاسئله دي وطلع الي في دماغي هاقدر افيدك

Khaled Soliman

23-07-2009, 11:57 AM

لا أعلم اي احمد تقصدين
أعتقد أن هذا الرابط من الممكن أن يفيدك
http://www.thanwya.com/vb/showthread.php?t=139136

http://www.thanwya.com/vb/member.php?u=280174

كما نرجوا إعلامنا بما أصابه وما الأعراض التي كان يعاني منها وما الحديث الذي كان يتحدث به حتي نستطيع أن نفيدك

Khaled Soliman

23-07-2009, 12:04 PM

http://www.thanwya.com/vb/showthread.php?t=136922

http://www.thanwya.com/vb/showthread.php?t=136001

Its My Life

23-07-2009, 12:07 PM

على فكره مبنفعش تنقلوا الموضوع كده
لان صاحيه الموضوع اول مره تدخل المنتدى ومش هتعرف توصل للموضوع تاني كده
ومشكلتها مهمه جدا فياريت الموضوع يرجع مكانه او تعرفوها في رساله خاصه

Mystry

23-07-2009, 12:15 PM

والله انا مبقتش فاهم اى حاجة خااالص

Esraa_Ahmed،s sister

23-07-2009, 12:29 PM

حضرتك هو علمى علوم
من الدقهلية
كان اسمه الأستاذ مسعود
شكرا جزيلا لحضرتك انك بعتى ليا الموضوع فى رسالة خاصة لأنى مش كنت هعرف أدخل عليه تانى
أرجوكى وضحى ليا
وأسفه ليكم ياجماعة أنى أزعجتكم بس قولولى هو كان مسجل باسم ايه وأنا عارفه الرقم اللى هو بيحبه وبيسجل بيه أى حاجة

Esraa_Ahmed،s sister

23-07-2009, 12:35 PM

أرجوكم ياجماعة قولولى بس كان مسجل باسم ايه ربنا يخليكم
يارب يجزيكم خيرا
ساعدونى ربنا يهديكم

Mystry

23-07-2009, 12:41 PM

أرجوكم ياجماعة قولولى بس كان مسجل باسم ايه ربنا يخليكم
يارب يجزيكم خيرا
ساعدونى ربنا يهديكم

طب ممكن رقم موبايله او اى تليفون اتصل عليه ؟؟؟

Esraa_Ahmed،s sister

23-07-2009, 12:42 PM

حضرتك ياأستاذ خالد الموضوعات اللى أنت جايبها دى أخويا هو اللى كتبها
ايه ده

Esraa_Ahmed،s sister

23-07-2009, 12:44 PM

ايه ده أحمد أخويا كداب حرام عليكم والله

Esraa_Ahmed،s sister

23-07-2009, 12:46 PM

http://www.thanwya.com/vb/showthread.php?t=136001 (http://www.thanwya.com/vb/showthread.php?t=136001)
ايه ده الكلام ده أحمد أخويا كان كاتبه
أكيد غلطنين لا مش ده أخويا أحمد أكيد

عاشقـــ الانمى ـــة

23-07-2009, 12:50 PM

لا تقريبا هو اخوكى
لانه كاتب فى موضوع من مواضيعه كاتب اسمك اسراء
انا بصراحة عمرى مشوفته اساسا فى المنتدى
بس انتى ممكن تحكيلنا ال مضايقه ونديكى راينا فى المشكلة دى

Esraa_Ahmed،s sister

23-07-2009, 01:08 PM

أسفه والله حضراتكوا بس هو مش سجل بالأرقام اللى أنا عارفاها يعنى غير المرة دى
هتعبكوا معايا شوية بس اعذرونى ده أغلى حاجة عندى فى الدنيا
ممكن أى حد كان بيتكلم معاه يبعت ليا رسالة ويقولى كان بيتكلم معاه فى ايه
أرجوكم وشكرا ليكم

Dr_toka

23-07-2009, 01:10 PM

اولا نورتى يا اسراء
مش تقلقى عليه هيبقى كويس ان شاء الله
بس يمكن قلقان من المجموع والتنسيق وكده
ان شاء الله خير
ادعيله انتى بس

الاسطورة

23-07-2009, 01:10 PM

الحقيقة انا مش فاهم بالظبط ايه الغرض من الموضوع -!!-

Esraa_Ahmed،s sister

23-07-2009, 01:19 PM

شكرا لحضرتك ياتقى بس أحمد مكنش متأثر بالمجموع أو أى حاجة بس زعل شوية واحنا قدرنا نهدى ونساعده وهو أصلا لسه مش قدم فى التنسيق مع أن ميعاده كان من يومين يوم الثلاثاء
وميعاد التنسيق هيروح عليه خايفة عليه جدا مش مهم تولع الثانوية المهم أخويا

Its My Life

23-07-2009, 01:39 PM

بصي يا اسراء
احمد كان قايل انه من الدقهليه وعلمي علوم ومدرسه كان اسمه مسعود فعلا
يعني احنا مغلطناش في حاجه
هو فعلا احمد الي احنا نقصده

أحمد في بدايه الدراسه كان طبيعي جدا وما شاء الله طالب مجتهد وذكي جدا ومتحمس وشخصيه محترمه جدا
وفضل كده لحد اخر السنه
بعد الامتحانات مخلصت متعرفيش ايه الي حصله فجأه كده

كلامه غريب جدا مكتإب على طول وهو الي قال على نفسه كداب محدش قال عليه كده

بس معتقدش ان الي حصله ده بسبب الناس الي في المنتدى
هو ليه صحاب كتير في المنتدى
بس كلهم كويسين ومحترمين وبيعتبروه زي اخوهم بالظبط
وعمر مفي حد زعله قبل كده

ويا ستي اخوكي ليه 3 عضويات
1- حموكشه عبده
2- ليه يا دنيا
3- احمد ehl

بس بجد أحمد باين عليه ان حالته النفسيه وحشه جدا من مواضيعه واسلوبه في الكلام
ياريت تحولى تعرفي ايه السبب منه هو
وياريت تطمنينا
بس ياريت الكلام ده ميوصلوش
ومتعرفيهوش ان انتي عملتي كده

في رعايه الله

Esraa_Ahmed،s sister

23-07-2009, 01:46 PM

شكرا جزيلا لحضرتك يابوسى هجربهم بردوا وهشوف بس مش متأكدة أنى هعرف أدخل بس ممكن تقولى ليا حضرتك ايه أول عضوية له عشان احتمال كبير يكون مسجلها بالرقم اللى أنا عارفاه

أمنية 1992

23-07-2009, 02:08 PM

أسفة ياسراء كان نفسى أساعدك بس أنا لسه مسجلة امبارح ومش أعرف عنه أى حاجة بس مش شفت الاشوية مشاركات هحاول أجيبها ليكى وان شاء الله تطمنى عليه

أمنية 1992

23-07-2009, 02:12 PM

http://www.thanwya.com/vb/showthread.php?t=139059
هو ده الموضوع اللى أنا شفته ربنا يهديه وشكرا

Lost Dreamer

23-07-2009, 02:28 PM

بعد مطابقه الاي بي بتاع حضرتك

مطلعش غير عضويه واحده بس تحمل نفس الاي بي

اسمها ليه يادنيا

http://www.thanwya.com/vb/member.php?u=274541

وانا بحثت في مشاركاته

طلع ان اسمه احمد فعلا

يا ريت تلحقو تساعدوه فعلا

لان ردوده بتبين قمة الاحباط

كانت حياتى هى الشىء الذى لم أفهمه فكان الموت هو الأصلح
لذلك قررت أن أنتظر الموت
فلن أحيى فى عالم مثل هذا العالم الذى كرهت كل من به

يا رب اكون قدرت اساعدك

اسف لو حصل اي نوع من انواع التقصير

Mystry

23-07-2009, 04:39 PM

كنت عايز ارد من بدرى بس النت كان فاصل:

كنت عايز اقول ان احمد انسان محترم
هو بس حساس ازيد من اللازم

و اعصابه تعبانة شوية الفترة دى
سيبوه براحته و هو هيراجع نفسه

وهو مكانش يقصد كل الكلام اللى هو كاتبه ده

و شكرررا

MoHaMeD ELsHeRbEnY

23-07-2009, 05:34 PM

الى هنقدر نساعد بية كأدارة من وجهة نظرى

هوة انى هجيبلك باسوردات العضويات دى

ياريت تتابعينى على الخاص لو فية اى حاجة تانية وعشان ابعتلك الباسوردات دى كمان

1- حموكشه عبده
2- ليه يا دنيا
3- احمد ehl

الادارة بالكامل تحت امرك فى اى حاجة تحتاجيها

وانا معاكى ان شاء الله من دلوقتى

ربنا معاكم يارب وان شاء الله هيبقى كويس

فى رعاية الله

A.ra7man1

23-07-2009, 06:42 PM

انا مش فاهم بس مش مهم
؟؟؟؟؟؟؟؟؟؟؟؟؟؟؟؟؟؟؟
ده تقريبا موضوع شفته دلوقتى ليه
http://www.thanwya.com/vb/showthread.php?p=1433931&posted=1#post1433931
! ! ! ! ! ! !

NOUFALL

23-07-2009, 07:08 PM

ياجماعة والله خلاص هى بس كانت فترة كنت تعبان فيها جدا بس الحمد لله راجعت نفسى ورجعت لنفسى
أنا دلوقتى الحمد لله مقبل جدا على الحياة متفائل لأقصى الحدود
خلاص مش هقول غير الحمد لله على كل حال وياريت كلنا مش نقول غير كده
شكرا ليكم لأنكم وجهتونى فى وقت ممكن أكون فقدت فيه فيه السيطرة على نفسى

ان شاء الله هرجع فريش أكتر من الأول
خلاص بقيت باخد بمبدأ طنش تعش تنتعش
طبعا كلنا أخوات مش أصدقاء بس
بس استنى بس بعد النتيجة

حمد لله ع السلامه يا حمد
طمنتنا عليك

الردود دى فى موضوع انى رااااااااااااااااااااااااااااااااااااااااااااااااا احل

Esraa_Ahmed،s sister

23-07-2009, 07:19 PM

شكرا لحضراتكوا جميعا وشكرا لكل اللى رد من الادارة وأرجو أن حضرتكوا تبعتوا ليا البسوردات وأرجو كمان من أى حد كان بيتكلم معاه يولى بصراحة بس عشان أقدر أساعد أخويا أرجوكم ساعدونى
أسفة لو كنت أزعجتكم وشكرا مرة تانية

NOUFALL

23-07-2009, 07:21 PM

اسف خبر مش حلو

اللى كتبته فوق نقلا عن احمد
كان بتاربخ 10/7/2009

وكتب النهارده
موضوع كداااااااااااااااااااااااب

يعنى ايه مش فاهم حاجه ؟؟؟؟؟؟؟؟؟

حد يفهمنى ؟؟؟؟؟؟؟؟؟؟؟؟؟؟؟؟؟؟؟؟؟

Esraa_Ahmed،s sister

23-07-2009, 07:27 PM

حضرتك هو أحمد أخر مرة كان موجود هنا النهارده الساعة 3 الفجر واللى بحكيه ده حصل بعد كده

earth

23-07-2009, 08:48 PM

لا اله الا الله
كان نفسى اساعدك

واضح انه فعلا متضايق اوى كان كاتب موضوع فعلا حزين و مكتئب جدا

ربنا يعافيه ان شاء الله و يبقى كويس

اظن انه محتاج حبة كلام بالعقل محتاج يقتنع بس مش بكلام معسول

عايز واقع يقدر ينفذه

خليكى معاه يا اسراء و قولى لاقرب حد ليه يقعد معاه

او اقنعيه انه يدخل هنا و ان شاء الله الاعضاء يعملوا الواجب

ان شاء الله يبقى كويس

اختك ايرث

Esraa_Ahmed،s sister

23-07-2009, 08:54 PM

The Philosopher

23-07-2009, 08:59 PM

شكرا جزيلا لحضراتكوا مرة تانية خلاص أنا عرفت أدخل بس بالله على كل اللى كانوا بيتكلموا معاه يردوا عليا ومش يمشوا ويسيبونى والله مش هعمل حاجة لحد بس عايزة أتكلم معاهم وأشوف ايه اللى زعل أخويا ووصله لكده

عاشقـــ الانمى ـــة

23-07-2009, 09:18 PM

Sherif Elkhodary

23-07-2009, 09:18 PM

انا مقرتش الموضوع من كله الصراحة بس هو اخوكي دلوقت فين ؟ طيب لو عارفة مكانه متحاولي تتكلمي معاه

Its My Life

23-07-2009, 09:58 PM

- حموكشه عبده
2- ليه يا دنيا
3- احمد ehl

العضويات دي أنا مش متأكده منها بالظبط
لان محمد ناصر ملقاش منها غير التنيه بس

3 - أحمد Ehl اعتقد كده صح
والاولى ممكن تكون بالته المربوطه مش الهاء

مش عرفه بصراحه

Its My Life

23-07-2009, 10:05 PM

شكرا لكل اللى حاول يساعدنى بس أنا الحمد لله لقيت طريقة بس ياريت كل اللى أخويا كان بيتكلم معاهم يردوا عليا أنا عرفت الباسوردات مش هعمل حاجة لحد والله بس عايزة أتكلم معاهم أرجوكم اتكلموا معايا

بصي يا استاذه اسراء
أولا ياريت تدخلي بعضويتك انتي
ثانيا مش من حقك تدخلى بعضويه أخوكي لانه لو اكتشف ده بعد كده واكيد هيكتشفه هيزعل منك وهتحصل مشاكل
ثالثا وده الأهم الي كانوا بيتكلموا مع تتحمد كتير جدا وأنا منهم
بس كلامه مع الناس كان كله في الدراسه ومكنش خارج نطاق قسم الفيزياء وقسم الأحياء وبس
كان بيحل مسائل مع الأعضاء ويتناقش معاهم فيها وكل واحد كان بيساعد التاني
والحمد لله هو مكنش بيزعل من حد هنا
والدليل على كده انه لما كان بيكون مضايق كان بييجي يشتكي هنا ويقول ايه الي مضايقه
بس بصراحه كلامه كان بيكون غامض جدا
بس معتقدش ان الي هو فيه ده بسبب حد في المنتدى

انا أسفه لو مقدرتش اساعدك يا اسراء

The Philosopher

23-07-2009, 10:54 PM

بصي يا استاذه اسراء
أولا ياريت تدخلي بعضويتك انتي
ثانيا مش من حقك تدخلى بعضويه أخوكي لانه لو اكتشف ده بعد كده واكيد هيكتشفه هيزعل منك وهتحصل مشاكل
أسفة بس حضرتك احمد مش هيزعل منى لأنى مش هعمل حاجة غلط بس هحاول أتكلم مع الناس اللى كان بيتكلم معاهم بس ياريت كمان مرة يفضلوا موجودين هنا
ثالثا وده الأهم الي كانوا بيتكلموا مع تتحمد كتير جدا وأنا منهم
بس كلامه مع الناس كان كله في الدراسه ومكنش خارج نطاق قسم الفيزياء وقسم الأحياء وبس
كان بيحل مسائل مع الأعضاء ويتناقش معاهم فيها وكل واحد كان بيساعد التاني
والحمد لله هو مكنش بيزعل من حد هنا
والدليل على كده انه لما كان بيكون مضايق كان بييجي يشتكي هنا ويقول ايه الي مضايقه
بس بصراحه كلامه كان بيكون غامض جدا
بس معتقدش ان الي هو فيه ده بسبب حد في المنتدى

انا أسفه لو مقدرتش اساعدك يا اسراء
بصى حضرتك أنا عرفت خلاص السبب وهحاول أساعد أخويا وشكرا جزيلا لحضراتكوا جميعا

klmnopq

23-07-2009, 10:54 PM

يا ريت لو سمحتىى بسرعه اهم حاجه تعمليله التنسيق لأن انا قاريء حالا من الموقع ده

http://www.tansik.egypt.gov.eg/

مكتوب
طلاب المرحلة الأولى الذين لم يتقدموا في المرحلة المخصصة لهم سيكون متاحا أمامهم الأماكن الشاغرة فقط في الكليات في المرحلة الثانية كما أنهم لن يستطيعوا التقدم للمدن الجامعية وأقسام اللغات بالكليات

يا ريت التنسيق بتاعه يتعمل بسرعه جدا

earth

23-07-2009, 11:02 PM

The Philosopher

23-07-2009, 11:02 PM

شكرا لحضرتك بس أنا مش عارفه اعمل ايه ومش عارفه هو عايز يكتب رغباته ازاى هقول لبابا وهخليه يكتب ليه وخلاص بس يارب يكون اللى هو عايزه

klmnopq

23-07-2009, 11:09 PM

رأيي اكتبى حسب تدرج المجموع فى الكليات
يعنى كليات الطب حسب الأبعد وبعد كده الأسنان وبعد كده الصيدله وبعد كده العلاج الطبيعى وبعد كده اى حاجه

بحيث
انك تخلصى كتابه التنسيق النهارررررررده لأن الوقت قرب أوى أوى وكده هتبقى مشكله

يا ريت تعمليه دلوقت اى حاجه بحيث تدرج مجموع الكليات عشان بس إن شاء الله تضمنوا ان تنسيقه كويس

ومثلا إذا جاتله طب اسنان وهو عايز صيدله عادى ممكن يتحول عادى

بس أهم حاجه تنسيقه يخلص لأنه الأمر هااااااام

ويا ريت تطمنينا على أحمد ضرورى لأن فعلا احنا كلنا زعلانين لحاله الكآبه واليأس اللى عنده ديه

The Philosopher

23-07-2009, 11:16 PM

خلاص حضرتك أنا بعمل فيه دلوقتى شكرا لاهتمامك

Mystry

24-07-2009, 12:02 AM

كان نفسى اساعد بس مفيش حاجة اقدر اعملها
لانى معرفش حد قاله حاجة زعلته

بالنسبة للتنسيق بيتهيالى اكيد حضرتك عارفة احمد كان عايز يدخل كلية ايه

The Philosopher

24-07-2009, 12:06 AM

هو المشكلة حضرتك مش عايز يدخل كلية ايه انما عايز يرتب ازاى يعنى يكتب الكليات ازاى
بس خلاص أنا عملته ليه وان شاء الله كده كويس

klmnopq

24-07-2009, 12:18 AM

حسب مجموع الكليات والتوزيع الجغرافى (قرب الكليه بالنسبه له)

وعلى العموم
الحمد لله ان التنسيق اتعمل
لأن اهم حاجه انه يتعمل

والله اكثريه المنتتدى او حتى كلنا -وانا واحد منهم- زعلانين عشان احمد وعايزين نطمئن عليه

bosy .. mostafa

24-07-2009, 01:00 AM

ربنا يفك كربه
هو اكيد فيه حد عمل معاه موقف مش كويس و هو مش كان متوقعه فاتصدم
و فضل كاتم جواه و لما الامتحانات خلصت الموقف ده ابتدى يتعايش معاه بقى

ياريت لو حد يعرفه يحاول يهديه
و يخليه مش يفكر في الكلام ده
الدنيا مش تستاهل والله

abdelRhman772007

24-07-2009, 10:30 PM

ربنا يفك كربه و عمومًا كل اللى كان يعرفهم فى الرابط ده
http://www.thanwya.com/vb/showthread.php?t=136922
و أظن السر فى الموضوع ده مش عارف ليه هو إحساس
و خصوصًا فى أول اسم اللى متكتبش اسمه
مجرد احساس و عمومًا احنا متابعين الموضوع أهه و إذا فيه جديد أو كده احنا موجدين
و بالله عليك لو معاكى نمرة أحمد أو ايميله أو أى حاجة قوليلنا و إن شاء الله احنا(كريم معايا ) هنروقه و نرجعه زى الأول بعون الله

بجد أحمد كان من الشخصيات اللى بتضحك علطول مش عارف ايه اللى قلبها غم كده عليه
يا ريت لو نعرف لو مش عايزة تقولى هنا ممكن تبعتلنا (أصحابه اللى فى الموضوع ده ) ايه السبب ممكن نقدر نخرجه من الجو الكئيب ده
ربنا يهديه و يصلح حاله

Amethyst

24-07-2009, 11:02 PM

الله يعينه
و يساعده
و يخفف عنه
و حاولوا تودوه لدكتور نفسي
أو تتكلمو معاه
و إن شاء الله خير
:)

Mystry

25-07-2009, 12:53 AM

و بالله عليك لو معاكى نمرة أحمد أو ايميله أو أى حاجة قوليلنا و إن شاء الله احنا(كريم معايا ) هنروقه و نرجعه زى الأول بعون الله

يا ريت لو نعرف لو مش عايزة تقولى هنا ممكن تبعتلنا (أصحابه اللى فى الموضوع ده ) ايه السبب ممكن نقدر نخرجه من الجو الكئيب ده
ربنا يهديه و يصلح حاله

وانا معاك يا عبد الرحمن

منتظر اى خبر عنه

نفسى اساعده

بس مفيش فى ايدى غير الدعاء