manoosh2010
23-07-2009, 09:30 PM
السلام عليكم يا طلبة الثانوية العامة سابقا ان شاء الله الجميع بخير وان شاء الله تدخلوا الكليات اللي ترغبوا فيها
فى الحقيقة انا محتارة جدا ومحتاجة لاستشاره اهل الخبره انا داخله تانية ثانوي ان شاء الله ومترددة بين اني اكمل ثانوى عام مصري او احول النظام الانجليزي اللي هو الاي جي ( ig. ) زي ما انا شايفه وبسمع كل يوم الثانوية العامة المصري دمار ومرهقة جدا وكأننا داخلينا معركة ولازم يكون الواحد دحيح ويحفظ صم حتى بدون فهم وانا مشكلتي معنديش قدرة على الحفظ والصم بدون فهم كمان مش متعوده على الدروس الخصوصية والمجاميع كبيرة العدد بصراحة حاسة اني مش هقدر اجيب محموع يدخلني كلية طب او طب اسنان لان تنسيقهم عالي جدا فياريت اللي عنده معلومات عن شهادة ig يقولي عنها اللي اعرفه انها شهادة قوية جدا ومستوى التعليم فيها عالي لكن بدون شد اعصاب
فى انتظار ارائكم اخواني الاعزاء وشكرا لكم
adel hasan
23-07-2009, 09:32 PM
ig بالنسبة لى زى الصينى بالظبط .......... أنا آسف مش هعرف أفيدك
** MR.SmilE **
23-07-2009, 09:35 PM
شوفي حضرتك
اولا اكيد لازم تكوني لغات .. لأن اي شهادة اجنبية تستلزم وعي تام باللغة بتاعتها
ثانيا : انا اتطلعت قبل كدة علي منهج الـ ig علي فكرة هو مش سهل بالمرة
يستلزم انك تكوني متفوقة دراسيا جدا
يعني العربي مثلا بياخدوا عربي شديد حتي ان موضوع التعبير بيقوللك اكتبي من 400 الي 600 كلمة
ده علي سبيل التوضيح و ليس الاحباط !!
بس في الاخر محصلة المنهج بالتأكيد اسهل من المصري
و لكن بيحتاج اهم حاجة معرفة كاملة بالانجلش لأن حتي المدرسين هيكلموكم انجلش
النقطة التانية بيحتاج قدرة مادية عالية شوية لأن الشهادة الانجليزية بتحتاج دروس خصوصية
كتير و مواظبة ع المدرسة كمان و بيتابعوا الحاجات دي كويس غير ان المصاريف المدرسية اساسا
كبيرة شوية ..
ربنا يوفقك
manoosh2010
23-07-2009, 09:36 PM
بسيطة ولا يهمك انا كمان مكنتش اعرف عنها حاجة غير لما فكرت ادخلها :blush:
ومرسي كتير على ردك واهتمامك
manoosh2010
23-07-2009, 09:52 PM
مرحبا سمايل
فعلا انا مدرسة لغات ادرس كل المواد تقريبا بالانجلش واطلعت على مناهج الـ IG هي فعلا صعبة لكن اعتقد بعد دراستها هتكون معقولة وسهل استيعابها زي اي حاجة فى الدنيا فى البداية بتكون مبهمة وما بنقدر نحكم عليها حكم صحيح تمامابس نقول الله يعين
بالنسبة للتكاليف الدراسية هي فعلا مكلفه شوية اكثر من الثانوية العامة المصري فى حالة الدروس الخصوصية لكن اذا المدرسة بتقوم بواجبها وبيكون فيه التزام من الساده المدرسين اعتقد ان الواحد ممكن يستغنى عن الدروس الخصوصية ده طبعا بعكس الثانوية العامة اللي مفيش دراسة فى المدرسة نهائيا وكله بيعتمد على الدروس الخصوصية من الالف الى الياء ولا ايه رأيك :confused:
مشكور كتير اخي الفاضل على ردك واهتمامك
Dr\heba
23-07-2009, 10:05 PM
بصى انا بسمع بابا بيقول كتير انه ياريت كان يدخلنا اجنبى اوحنى لغات بس طبعا اجنبى احسن وفرصتهم اكبر لان الغات هى اللى مطلوبه وفرصهم فى الشغل اكتر ادخليها على بركة الله وربنا يوفقك
manoosh2010
23-07-2009, 11:15 PM
بصى انا بسمع بابا بيقول كتير انه ياريت كان يدخلنا اجنبى اوحنى لغات بس طبعا اجنبى احسن وفرصتهم اكبر لان الغات هى اللى مطلوبه وفرصهم فى الشغل اكتر ادخليها على بركة الله وربنا يوفقك
اشكرك على ردك وربنا يوفقنا جميعا
والله يحفظ لك بابا
pureheart
23-07-2009, 11:19 PM
انا اعرف ان ال ig
ليها مشكلة مهمة و هى ان التنسيق بتاعها بيبقى غير بتاع ثانوية عامة
fatac2
24-07-2009, 05:34 AM
المصاري كتير يبقي مفيش مشكلة
لمصلحتك ادخليها وسيبك من ثانوية يسري الجمل
ده اهم لمستقبلك