هينار
08-09-2006, 10:09 PM
أكيد كلنا عندنا أسرار بس أكيد مش أى حد تقوله على أسرارك ياترى أول شخص هتلجأله مين باباك ......مامتك....... ولا صاحبك
أكيد الأغلبية هتقول صاحبى أو صاحبتى طب تفتكروا ليه؟؟؟؟؟؟؟؟؟؟؟؟؟؟؟؟؟؟؟؟؟؟
ليه أصحابنا بيعرفوا عننا أكتر من أهلنا ؟؟؟؟؟؟؟؟؟؟؟؟؟
وياترى ده صح ولا غلط؟؟؟؟؟؟؟؟؟؟؟؟؟؟؟؟؟؟؟
مستنية أراءكم
وشكرا
القطة الروشة
08-09-2006, 10:17 PM
اولا شكرا على الموضوع
انا معنديش اسرار ولو عندى مش بخبيها على اهلى
لكن لما بتبقى نفسيتى وحشة او مضايقة من موقف او اى حاجة معنديش غير صاحبه واحده الى بحكى لها على الى مضايقنى
لانها من سنى وبتحس بيا
ميرسى على الموضوع يا هينار
وفى ناس كتيرة اوى بتحسدنا
الرجل الاخضر
08-09-2006, 10:57 PM
انا زى القطه الروشه معنديش اسرار واسرارى فى القميص بتاع زرارى
ههههههههههههههههههههههههههههههههههههههههههه :rolleyes: :)
fethaghors
08-09-2006, 11:22 PM
معنديش اسرار بجد بس لما يبقى عندى مش هقول لحد
نهى جلال
09-09-2006, 12:26 AM
انا في الغالبية اسراري بقولها لماما او اختي بس في اسرار مش بقولها لحد
بس انا معنديش اسرار تحتاج اني اخبيها على ماما ;)
وشكرا يا هينار على الموضوع الجميل :)
ranony
09-09-2006, 03:03 AM
الموضوع حلو اوى انا راى و ده اللى بعمله و هو حسب طبيعة السر يعنى فى اسرار بقولها لماما و اسرار لاختى و اسرار تانية لصحبتى.و فى اسرار تانية بتفضل جوايا و مابقولش لحد. B) B) :D
هينار
09-09-2006, 11:29 AM
شكرا جداااا لمرورك ( القطة الروشة) أحب أتعرف عليك وعايزة أقولك إن بقى نادر أوى إنك تلاقى حد مابيخبيش حاجة على أهله بس ده حاجة أكيد كويسة جدااا ميرسى جدا ليك :) :) :)
شكرا جدا لمرورك (نمر الثانوية العامة ) واضح إنك واثق من نفسك جدا وبصراحة مش فاهمة :lol: :lol: :lol: :lol:
شكرا لمرورك جدا ياأحمد بس فى رأيى لما بيكون فى حد مشاركك أسرارك ده حاجة جميلة جدا بتحس معاه بالأمان وشكرا ليك
:rolleyes: :rolleyes: :rolleyes: :
شكرا ليك جداا فعلا مشاركتك عجبتنى جميل أوىىى إنك تحس بالتواصل الأسرى :D :D :D
شكرا ليك أوىىى ياراى وعلى فكرة ده رأى ناس كتير جدااا ميرسى :P :P :P
bosy .. mostafa
09-09-2006, 07:47 PM
<span style="color:#FF99FF"><div align="center">بسم الله الرحمن الرحيم
السلام عليكم و رحمة الله وبركاته
انا عندي اسرار كتيييييييييييير جداً جداً
بس مش بقول لحد عليها .. نادراً تلاقيني بقول لحد .. و لو قلت لحد بقول لأخويا الكبير لإنه أقرب شخص ليا في العيله و بيفهمني جداً .. و بقول لصاحبتي الأنتيم برضو
ميرسي عالموضوع</div></span>
هينار
09-09-2006, 08:28 PM
ميرسى ليك إنت ياجارة القمر على فكرة ماشاء الله إسمك جميل جدا وهقولك زى ماقولت لأحمد حاجة جميلة إنك تحسى إن فيه حد مشاركك أسرارك
فتاة الاسلام
11-09-2006, 04:41 AM
:) :) :)
انا الصراحة اسرارى كلها مع ماما لانها بجد اقرب انسانة ليا بتفهمنى بسرعة اوى
وفى اوقات بحكى لبابا واوقات بحكى لصديقتى بس بتكون مواقف ضايقتنى كدة يعنى لكن ماما طبعا بتكون عارفة بيهم اولا
يعنى بشكى لماما
بس انا ليا رد على سؤالك هل هو غلط ولا صح ان اصحابنا بيكونوا عارفين كل حاجة عننا ؟
ف الحالة دى بترجع للاهل يعنى لو الاهل مش محتضنين الابن او الابنة فبالتالى هيحكى لاصدقائة لكنى مش مرشحة دة اوى
الا لو كانوا اصدقاء بمعنى الكلمة محل ثقة يعنى واحنا فى هالزمن صعب بجد انك تلاقى صديق يستحق صداقتك بس لو دورنا واحسنا الاختيار اكيد هنلاقى
سورى طولت عليكم
شكرا ليكى هينار موضوع مهم
هينار
11-09-2006, 09:56 PM
شكرا ليك يافتاة الإسلام جزاكم الله خيرا على ردك اللى أعجبنى فعلا
محمد البري
12-09-2006, 04:40 AM
اولا شكرا للموضوع يا هيناز
انا الحمد لله أسراري مش بقلها لأي حد في البيت الا العادية جدا لكن في اسرار مش تتقال في البيت تقريبا وأكيد كله معايا في النقطة دي
فيه حاجات تتقال بصراحة ودي انا بحكي لوالدي ووالدتي واخواتي كلهم لما نبأى قاعدين مع بعض عليها
لو كان شئ خطأ بحكي لوالدتي او اختي بس لما نكون بنتكلم لوحدنا وابدأ اعرف تفكير كل شخصية فيهم مثلا في البيت واعرف لو اقتنعت مية مية مقتنعتش اتناقش معاهم لغاية ما أعرف كل حاجا وهل ما فعلته صح او خطأ
بس انا الحمد لله ليا صديقين تقريبا أخواتي وصحاب لأكثر من عام وهما اخواتي بجد
منهم هنا اسلام رشوان
وواحد تاني
ودول بأتمنهم على كل أسراري
بس الكل الكل بيكون اسلام
مع اني منكرش ان صديقي التاني اقرب لقلبي
بس اسلام ليه مواقف معايا ولان تقريبا اسلام برضو اسراره معايا فانا بقله والحمد لله لينا اكتر من سنوات كتيرة مع بعض وكاتميين أسرار بعض والحمد لله
ودي حاجا الحمد لله بحمد ربنا عليها انه رزقني باصدقاء زي الاتنين دول
اه ليا باقي اصحاب بس دول الاتنين بحبهم اكتر من اخواتي
وشكرا مرة اخرى هيناز للموضوع
اية فايد
12-09-2006, 04:42 AM
انا عندى اسرار اكيد بس انا مع ذلك عندى اكتر من صديقة بحكيلها اسرارى تقدرى تقولى احنا كلنا كدا شلة واحدة بنقول لبعض كل حاجة وبناخد راى بعض فى كل حاجة
ودايما اصحابى يقفوا جنبى وينصحونى ويساعدونى لو كنت فى محنة
والحمد لله انا وكل اصحابى رابطة واحدة مش بنطلع اسرارنا برة ودايما مترابطين رغم افتراقنا فى الدروس والفصول لما كنا فى ثانوى وكل واحدة فينا دخلت كلية غير الثانية الا اننا على طول بنتكلم وبنشوف بعض ولسة الترابط موجود بينا
الحمد لله انى بلاقى حد احكى معاة
اما بخصوص اهلى فانا محبش اشغل بالهم بكل حاجة لو فى حاجة مهمة بقولهالهم بس
شكرا على الموضوع الجميل دا
هينار
12-09-2006, 09:41 AM
شكرا لمرورك جدا محمد البرى عجبتنى وجهة نظرك الجميلة فعلا
شكرا لمرورك جدا يا(gharaam) وربنا يخليلكك أصحابك وما تفترقوش عن بعض خالص :lol: :lol: