abdelRhman772007
24-07-2009, 02:34 AM
بسم الله الرحمن الرحيم
و السلام عليكم و رحمة الله و بركاته
الاستفسار واضح و مباشر
مثلاً دلوقت روحت كلية و فى أقل من شهر حسيت أنى روحت كلية غلط
ممكن أحول ؟
أسئلتى بقى
التحويل ده آخر معاد ليه ايه ؟ و ظروفه ايه
أى حد عنده علم بالموضوع ده يا ريت ما يبخلش بيها
و ربنا يوفقكم آخرة و دنيا
melanoo2020
24-07-2009, 04:23 AM
نفس الاستفسار برجاء الرد في اسرع وقت لان اخر معاد بكرا
kalefam
24-07-2009, 04:44 AM
بعد ظهور المرحلة الثانية سيفتح باب التحويلات على نفس الموقع اللى نسقنا منه
melanoo2020
24-07-2009, 05:17 AM
بعد ظهور المرحلة الثانية سيفتح باب التحويلات على نفس الموقع اللى نسقنا منه
يعني لو انا مثلا عايز احول لكلية مجموعي جاب الحد الادنى ليها
هل هحول بدون شروط ولا بيكونوا طالبين اعداد معينة
لان محتار بين هندسة و بين بترول السويس
حيران في الثانويه
24-07-2009, 05:25 AM
انتا فهمتو غلط :d
قصده بعد ما يدخل الكيه نفسها
fatac2
24-07-2009, 05:38 AM
هناك تنسيق داخلي للتحويلات تجريه ادارة التنسيق وغالبا قبل رمضان
مرخلتان
تحويل بين الكليات غير المتناظرة اي من هندسة الي تجارة او من علوم الي تربية والعكس
الثاني بين كليتين متناظرتان وهو بشروط خاصة
كافة التفاصيل داخل موقع التنسيق
koper_9992010
24-07-2009, 06:04 AM
بص يا ريس ... انا معنديش معلومات وافية عن اسئلتك
بس .... انصحك انك تسأل على الكلية اللي هتدخلها في الاول من ناس بيدرسوا فيها من قبلك
عشان ترسى على الحوار كله وكل حاجه تظهرلك .. ومتضطرش بعد كده تحول وتغلب نفسك وتلف ...
ده رأيي المتواضع
abdelRhman772007
24-07-2009, 07:03 PM
متشكر على الردود وضحتلى جزء مكنتش أعرفه
بس لسه شروط التحويل بين كليات متناظرة
هحاول أشوفه بس لو حد عنده معلومات تفدنى
يا ريت ما يبخلش بيها
Sharp
24-07-2009, 07:15 PM
عملية التحويل بين الكليــات..شروط وتفاصيل
عملية التحويل تنقسم إلى نوعين :
1-التحويل إلى كليات غير مناظرة :
والذى يسمح فيها للطالب الذى تم ترشيحه فى عملية التنسيق فى كلية ما خارج أو داخل المنطقة الجغرافية الخاصة به بالتقدم للتحويل إلى كلية غير مناظرة فى منطقته الجغرافية بشرط حصوله على مجموع الدرجات الذى قبلته الكلية المطلوب التحويل إليها وبشرط استيفاء باقى قواعد القبول بالكلية مثل النجاح فى اختبار القدرات إذا وجدت .
و مثالا على ذلك إذا قبل طالب بكلية الهندسة جامعة أسيوط وهو من محافظة الغربية يمكنه التحويل إلى كلية غير كلية الهندسة ( علوم - رياضة - تجارة .... إلخ ) فى جامعة طنطا حيث تقع جامعة طنطا فى النطاق الجغرافى الخاص به وبشرط أن يكون مجموعه مستوفيا للحد الأدنى للكلية المراد التحويل إليها.
2-التحويل لكليات مناظرة :
يتم القبول فيها فى حدود نسبة مئوية يحددها المجلس الأعلى للجامعات وطبقا للامكانيات الاستيعابية للكليات ويسمح للطالب الذى رشح فى كلية ما خارج منطقته الجغرافية بالتقدم للتحويل إلى كلية مناظرة فى نفس المنطقة.
*أما فى حالة وجود أكثر من كلية مناظرة فى نطاقها الجغرافى يسمح للطالب الذى رشح فى كلية داخل أو خارج النطاق الجغرافى الخاص به باختيار أى عدد من الكليات فى نطاق منطقته الجغرافية طبقا لرغباته وعلى الطالب الراغب فى الحصول على أعلى فرصة للتحويل كتابة أكبر عدد من الرغبات .
وبالنسبة للكليات التى بها انتساب موجه ، يسمح للطالب المرشح كطالب انتظام بالتحويل لكلية مناظرة بمنطقته الجغرافية ولكن بنظام الانتساب الموجه ، ويتم ترتيب الطلاب طبقا لرغباتهم فى كل كلية بنطاق الطالب الجغرافى وتحويل العدد الذى حدده المجلس الأعلى للجامعات طبقا للامكانيات الاستياعبية للكليات.
abdelRhman772007
24-07-2009, 10:17 PM
هو مفهمتش من كلامك كتير
لأنه مش منطبق عليا
الحمد لله ممكن أروح أى كلية من غير التوزيع الجغرافى
فى الحالة ده ايه النظام معايا ؟؟؟
حد عنده فكرة ؟
و شكرًا جزيلاً على الرد
و بالتوفيق آخرة و دنيا
melanoo2020
24-07-2009, 11:13 PM
هو مفهمتش من كلامك كتير
لأنه مش منطبق عليا
الحمد لله ممكن أروح أى كلية من غير التوزيع الجغرافى
فى الحالة ده ايه النظام معايا ؟؟؟
حد عنده فكرة ؟
و شكرًا جزيلاً على الرد
و بالتوفيق آخرة و دنيا
ازاي يعني تروح اي كلية من غير التوزيع الجغرافي؟؟؟
abdelRhman772007
24-07-2009, 11:46 PM
ازاي يعني تروح اي كلية من غير التوزيع الجغرافي؟؟؟
من ال 116 طالب الأوائل على علمى رياضة
و دول خارج التوزيع الجغرافى
أظن وضحت لحضرتك الرؤيا
بالتوفيق للجميع آخرة و دنيا
واحدة وخلاص
25-07-2009, 12:59 AM
انا عايزه حد يرد عليا ويفهمنى بوضوح
بعد نتيجة التنسيق لو انا رشحت لطب وعايزه اروح صيدله اعمل ايه
Dr\heba
25-07-2009, 11:37 AM
لو انا عايزه احول مثلا من صيدلة القاهره لصيدلة اسكندريه قبل بداية الكليات اعمل ايه؟