|
مشاهدة النسخة كاملة : طيب انا كنت فى مدرسه عربى عاديه ehabpophoba 24-07-2009, 10:37 PM طيب انا كنت فى مدرسه عربى عاديه وقدمت على هندسه عين شمس وخايف من حكايه الدراسه بالانجليزى من اول سنه ديه مع العلم انى حلو فى الانجليزى بس مش اوى يعنى متوسط ولا جيد جدا ولا ضعيف جداا شكرا لاحلى منتدى واحلى اعضاء guest87 25-07-2009, 02:50 AM الموضوع ممكن يكون صعب في الاول بس مع الوقت هتتعود كمان هي مش هتكون انجليزي مسة في المية الدكاتره هتلاقيهم بشرحوا بالعربي بس المصطلحات بالانجليزي و بعدين كده كده لازم تكمل مفيش مفر .... و اللى عليك على غيرك برضه معظم الطلاب بيكونوا من مدارس عربي و نسبة قليلة اللى بيكونوا من مدارس لغات KeMoZzAzZ 25-07-2009, 07:56 AM عارف انا كنت زيك بالظبط وكانت دى عقدتى فى اول السنه وقولت انا كده خلاص هشيل يعنى هشيل فعلا الحوار ده كنت قلقان جدا منه وقعدت اقول الله يرحمك يابو كيمو كان فيك الخير والحجات دى كلها :d انما بجد يعنى عن ثقه انت فى الاول اه هتتعب شوية فى حوار اللغه ده بعد شهر او اتنين بالكتيييير اوى هتلاقى ان الدراسه بالانجليزى احلى كمان بالذات فى الفيزيا والحجات دى لانك مش بتلاقى كلمة عربى وكلمة انجليزى :d وفى الاول اساسا المذكرات بتلاقى البمشهندسين بينزلك الكلام بالانجليزى وترجمته بالعربى تحت عشان عارف مشكلتنا فى الاول انما بجد هتلاقى الحوار عادى جدا بعد شوية فى الكلية ;) wafa2y 25-07-2009, 05:14 PM لألألألألأ متخافش يا عمي مافيش فرق إنت عارف إيه الفرق بينك و بين اللي كانوا في لغات إن هما بيعرفوا يذاكرو بالإنجلش ومش شرط إن هو يكون حلو أساسا في الإنجلش و الدليل علي كده نص دفعة لغات عندانا في الكلية شايلين لغة متحطش في دماغك و علي فكرة الدكاترة لو طيبين هيقولوك أكتب بالعربي عادي و الشفوي بيبقي معظمه بالعربي يعني دي أخر حاجة تفكر فيها و ربنا يوفقك إن شاء الله BaNZeR 25-07-2009, 05:53 PM هي عين شمس فرقت في اعدادي بس لكن باقي الكليات بما فيهم كليتنا حتبقى بالانجليزي بعد اعدادي بالعكس دنتو كده بيأسسوكم انجليزي صح واحنا اللى حنفشل بعد كده :d EnG.BeLaL 25-07-2009, 10:52 PM هو انت هتتعب اه شوية في الاول بس صدقني الدراسة بالانجلش احسن و بعدين هتتعود و ربنا يوفقك Eng.Sherief 26-07-2009, 07:08 PM فعلا اسمع كلام الناس اللى فوق دى انتا ف اول شهر ولا اتنين :: هتلاقى مصطلحات انجليزى كتير وبالمذاكره وبالتكرار هتتحفظ وهتشتغل بيها على طول ده غير ان مفيش جرامر غالبا ,,,,الدكتور وهوا بيصحيح بيدور على كلمات معينه لقى الكلمه خلاص هوا ده الحل متخااااااااااافش KeMoZzAzZ 27-07-2009, 06:28 AM وبص فى مواد الراجل بيقولك حل بالعربى او الانجليزى اللى ييجى على بالك المهم تحل :d وصدقنى مش هتفرق عربى ولا انجليزى :d وغير كده انت هتلاقى انك اتعودت على الانجليزى ومش هتعرف تحل بالعربى حتى لو عايز ده لو عرفت تحل بده او ده يعنى :d ehabpophoba 27-07-2009, 11:54 PM الف شكر يا جماعه طمنتونى |