" لازم امشى " بقلم بـنـدق [الأرشيف] - بوابة الثانوية العامة المصرية

مشاهدة النسخة كاملة : " لازم امشى " بقلم بـنـدق

بندق__2007

25-07-2009, 02:25 PM

بحبك دى كلمة قولتهالك
عمرى يوم ما هقولها بعدك
و كلمة بحبك مش هنسهالك
تفضل فى ودنى رغم بعدك
انتى عارفة انا قد ايه
عشقت قلبك و عشت ليه
و النهاردة انا لازم امشى
و عن حياتى ابعدك
عشان حياتك من غيرى تمشى
و ما يكونش حبى مقيدك
لانى صعب اطول هواكى
و مقدرش انى اوعدك
و لا هقدر امسحلك دموعك
و لا هقدرفى يوم انى اسعدك
اهون عليا نمشى و نرحل
و لا انى افضل معذبك
حبيتك و بعدك مش هعيش
لكن سعادتى حريتك
تعيشى زى كل البنات
و تهون عليا ضحكتك
الجنة مع قلبى سواد
و السواد مش سكتك

olanor

25-07-2009, 02:44 PM

بجد كلمات رائعه فوق الوصف
واسلوب متميز طبعا كالعاده
واحلى حاجه ان كتاباتك دايما فيها فكره
واتمنالك التوفيق والى الامام دائما

بندق__2007

25-07-2009, 02:56 PM

بجد كلمات رائعه فوق الوصف
واسلوب متميز طبعا كالعاده
واحلى حاجه ان كتاباتك دايما فيها فكره
واتمنالك التوفيق والى الامام دائما

يشرفنى انك تكونى اول رد على قصيدتى

و ميرسى على الكلام الجميل ده يا فنانة

و اكيد لازم يكون فيه فكرة مع الاحساس

الشعر أو الابداع هو التقاء الروح بالجسد ..... المادية بالمعنوية

الفكرة و الاحساس المجردين مع القدرة على التعبير بالكلمات المادية

ميرسى ليكى تانى و نورتى القصيدة

بنت الريف

25-07-2009, 03:49 PM

كلمات جميلة جدا
الله عليك بجد مبدع
والإبداع شىء بسيط على حضرتك
دائما فى إبداع وتألق
ربنا يوفقك

الأستاذة ام فيصل

25-07-2009, 06:05 PM

و مقدرش انى اوعدك
و لا هقدر امسحلك دموعك
و لا هقدرفى يوم انى اسعدك
اهون عليا نمشى و نرحل
و لا انى افضل معذبك
حبيتك و بعدك مش هعيش
لكن سعادتى حريتك
تعيشى زى كل البنات
و تهون عليا ضحكتك
الجنة مع قلبى سواد
و السواد مش سكتك

رائع ومبدع كعادتك
اسلوب جميل ومتميز
وقمة الوفاء والاخلاص
والتضحيه اسمح لي اسأل
ده من قلبك او من وره قلبك
اللي يحب مش من السهل
يترك الحبيب
لان الحب فيه نوع من الانانيه
مع تحيات اختك نغم

hend ere

25-07-2009, 06:48 PM

بجد موضوع كثير جميل ومميز كعادتك
وبتمنى انك ماتكونش عايش اللى انت كاتبه ده وتفضل دائما مع اللى انت بتحبها
دائما بتمتعنا بمواضيعك
فى انتظار المزيد من مواضيعك المميزه
فى رعاية الله

بندق__2007

26-07-2009, 02:54 AM

كلمات جميلة جدا
الله عليك بجد مبدع
والإبداع شىء بسيط على حضرتك
دائما فى إبداع وتألق
ربنا يوفقك

مش عارف اقولك ايه

بجد كتير اوى اوى عليا الكلام ده

ميرسى على ردك و مرورك يا فنانة

بندق__2007

26-07-2009, 02:59 AM

رائع ومبدع كعادتك
اسلوب جميل ومتميز
وقمة الوفاء والاخلاص
والتضحيه اسمح لي اسأل
ده من قلبك او من وره قلبك
اللي يحب مش من السهل
يترك الحبيب
لان الحب فيه نوع من الانانيه
مع تحيات اختك نغم

اختى العزيزة نغم

ميرسى على الكلام الكبير الى انا ما استحقوش ده

و يارب دايما كل اللى بكتبه يعجبك

و اسمحيلى اجاوبك

هما الاتنين

انا مش عايز اقولك

انا واحد من الناس الى دمعتى بعيدة جدا

مش جامد و لا بنى ادم معنديش احساس

بس كل الموضوع ان مش سهل دموعى تنزل

انا بعد ما كتبت القصيدة دى بكيت بكا ما بكيتهوش فى حياتى

و لكن فى وقت لازم أنسحب عشان الطرف التانى يعيش سعيد

لو الحب هيخسر حبيبتى سنين عمرها و هخليها تعيش حزينة و لو للحظة

انا مش هرضى ليها الحزن لو لحظة بسبب حبى

عذاب فراقنا وقته مهما طال قصير لكن عذاب اننا نكون لبعض طويل اوى

ميرسى على مرورك و سؤالك الجميل

بندق__2007

26-07-2009, 03:02 AM

بجد موضوع كثير جميل ومميز كعادتك
وبتمنى انك ماتكونش عايش اللى انت كاتبه ده وتفضل دائما مع اللى انت بتحبها
دائما بتمتعنا بمواضيعك
فى انتظار المزيد من مواضيعك المميزه
فى رعاية الله

للأسف يا بيبو انا عايش اللى انا كاتبه

و اللى انا كتبته واحد على مليون من اللى انا عايش فيه

ادعيلى يا بيبو

و ميرسى على مرورك و اهتمامك

الشاعر/محمد علي

26-07-2009, 10:44 AM

بحبك دى كلمة قولتهالك

بحبك: فعلا الكلمة دى مش سهل تطلع من القلب وسهل يقولها اللسان
بحبك : اخترت تقولها يا بندق لمين؟ صعب جدا فى هذا الزمن انها تخرج لحد
كثيراً من نقابل وكثيراً ما نعجب وكثيراً ما نحس
بس صعب الكلمة نقولها من قلبنا
بس يا شاعرى لى تحفظ عند كلمة (دى) أو اسم الاشارة (هذه) اللى بالعامية كلمة (دى)
دايما لما نشير نشير لشيىء لم نعرفه من قبل فى الجملة لكن لما تقول : بحبك - دى- كلمة قلتهالك بتخلى الكلمة (بحبك) ضعيفة لأن الكلمة نفسها كبيرة المعنى لا تشير لتعرفها لاحقا وايه رأيك لو قلت :
قلتلك انى بحبك ولا عمرى يوم هاقولها بعدك

عمرى يوم ما هقولها بعدك
و كلمة بحبك مش هنسهالك
تفضل فى ودنى رغم بعدك

ياريتها تفضل فى قلبك قبل ودنك فى ظل هذا الزمن المليىء بالصخب

انتى عارفة انا قد ايه
عشقت قلبك و عشت ليه

دا كلام جميل بيفكر المحبوبة بكم العشق والحب لها

و النهاردة انا لازم امشى
و عن حياتى ابعدك

صديقى الشاعر : تعلمنا أن نسرد فى وصف الحياة التى تسبق القرار
قرار الفراق والبعاد أكيد سبقته حياة مريرة او جميلة تخشى تخشى عليها
لذا وجب السرد والوصف لكن أخى بندق قد تعجل وأخذ القرار ويمكن سرعته هذه كانت ملحه رغبة فى عدم استمرارالعذاب

عشان حياتك من غيرى تمشى
و ما يكونش حبى مقيدك
الله جميل التضاد هنا بين (تمشى ) و (مقيدك)
فقيدك لها منعها من المشى

لانى صعب اطول هواكى
بس انا فهمت انها قالتلك (بحبك ) برضه وهتفضل ترن فى ودنك صح؟؟؟

و مقدرش انى اوعدك
و لا هقدر امسحلك دموعك
و لا هقدرفى يوم انى اسعدك
النفى هنا جميل يبين قدرة الشاعر ومعرفته مقدرته من عدمها على اسعاد محبوبته

اهون عليا نمشى و نرحل
أيوة بس انتى اللى هاتمشى وترحل!!

و لا انى افضل معذبك
حبيتك و بعدك مش هعيش
لكن سعادتى حريتك
تعيشى زى كل البنات
و تهون عليا ضحكتك
الجنة مع قلبى سواد
و السواد مش سكتك
الجنة مع قلبى سواد طبعا دا مجازاً ان السواد يفيد عكس الجنة لكن يا أخى بندق كنا عاوزين قفلة ترضى قرارك الجريىء اللى أخذته وهو قرار جاء فى وقته منك كان ينبغى عليك الزج بمبرراتك وسوق الحجج
وكيف لا يكون السواد مش سكتها ، تقصد انك اخترت الصعب وهى لا تقوى على هذه الصعاب
او تقصد انك اخترت لنفسك العذاب واخترت لها الراحه؟؟

فى نهاية زيارتى وغوصى بالقصيدة أرى :
تقدم كبير فى صياغة الشاعر
برغم ان المعنى او الموضوع متناول كثيرا لكن قدر بندق يخرجنا من دائرة الشعر المسطور الى الشعر الغنائى
وأخيراً أرحب بك يا بندق واتمنى أن أكوةن قدمت بعض ما رأيته فى كلامك الجميل ومقدرتك الأدبية
محمد على

بندق__2007

27-07-2009, 12:52 PM

ما تعرفش يا أستاذى انا سعيد بغوصك فى قصيدتى المتواضعة قد ايه

بجد نورتنى و اسمحلى اعلق على شوية حاجات

بحبك دى كلمة قولتهالك

يا شاعرى لى تحفظ عند كلمة (دى) أو اسم الاشارة (هذه) اللى بالعامية كلمة (دى)

انا استخدمت دى عشان اقصد الكلمة

انا اتكلمت فى باقى البيت على الكلمة نفسها انى مش هقولها لحد بعد ما قولتها لحبيبتى

فشفت ان الافضل ان اقول " بحبك دى كلمة قولتهالك " عشان اقدر اتكلم على الكلمة نفسها بعد كدة و اديلها خصوصية

و قد أكون مخطئ

و النهاردة انا لازم امشى
و عن حياتى ابعدك

تعلمنا أن نسرد فى وصف الحياة التى تسبق القرار
قرار الفراق والبعاد أكيد سبقته حياة مريرة او جميلة تخشى تخشى عليها
لذا وجب السرد والوصف

انا اتكلمت على القرار بس فى القصيدة و اكتفيت بالاشارة فى بيت واحد

نظرا لأنى ما اقدرش اقول الحياة الجميلة اللى عشناها سوا عشان ما تأثرش على قرارى و لا على تقبلها للقرار

اما عن الحياة فممكن تكون سلسلة ملاك وصفت جزء من ملائكيتها و جمال الحياة معاها

لانى صعب اطول هواكى
بس انا فهمت انها قالتلك (بحبك ) برضه وهتفضل ترن فى ودنك صح؟؟؟

الرغبة شئ و تحقيقها شئ آخر ..... طبعا حبيتها و هفضل احبها طول عمرى

و لكن الظروف صعبة و صعبة جدا جدا اننا نكون لبعض و هو ده سبب القرار

اهون عليا نمشى و نرحل
أيوة بس انت اللى هاتمشى وترحل!!

مش انا بس قد أكون انا اللى خدت القرار لكن القرار برحيلنا و فراقنا احنا الاتنين

الجنة مع قلبى سواد
و السواد مش سكتك
الجنة مع قلبى سواد طبعا دا مجازاً ان السواد يفيد عكس الجنة لكن يا أخى بندق كنا عاوزين قفلة ترضى قرارك الجريىء اللى أخذته وهو قرار جاء فى وقته منك كان ينبغى عليك الزج بمبرراتك وسوق الحجج
وكيف لا يكون السواد مش سكتها ، تقصد انك اخترت الصعب وهى لا تقوى على هذه الصعاب
او تقصد انك اخترت لنفسك العذاب واخترت لها الراحه؟؟

انا بررت قرارى بالصعاب اللى هى هتقابلها انا مش مهم

بس مش ممكن انى ابنى سعادتنا على ضياع أحلى سنين عمرها

و مش معقول عشان اطولها و نكون لبعض انى اجازف بيها هى و بسعادتها و ده انا قولته

انا اخترت العذاب لينا احنا الاتنين لأننا حبينا بعض مش زى أى اتنين ما حبوا بعض

بس عذاب دلوقتى مهما طال أهون و اقصر من عذابها لما تضيع منى و كمان تضيع احلى سنين عمرها

و انا عذابى دلوقتى اهون انها تضيع منى على انها تضيع منى و كمان اكون سبب فى ضياع حياتها

عشان كدة اخترت العذاب الأخف و ان كان عذاب صعب اوى اوى اوى بس التانى أصعب

ميرسى يا أستاذنا تانى على مرورك فى القصيدة

.. Mysterious ..

28-07-2009, 02:42 AM

اهون عليا نمشى و نرحل

دائما وابدا الرحيل والوجع والحزن الي الابد هو طريق القلب .. طريقه الوحيد
الذي لا مفر منه ولا هرب
واخيتار الآه والوجع .. بدل من ابتسامه فرح

الجنة مع قلبى سواد
و السواد مش سكتك

إحساس قلبنا بالجرح الشديد ... وعذابه وقتله
معتقدش هيكون فيه كلمات أخري تعبر عن مدي تألم القلب
بس القلب كله نور يا عم بندق .... ليه
عشان القلب دا ... هو اللي قال ... بحبك

وعشان كلمه بحبك اللي فوق
جد الجد تسلم الايدين اللي كتبت هذا الكلام
ويسلم القلب الذي أطلق هذا الكلام
ويسلم الإحساس اللي أتحمل وجع فوق وجع
لخروج هذا الاحساس الباكي لك قبل أن يكون لنا
تسلم كل حاجه فيك

بندق__2007

28-07-2009, 02:59 AM

ما تعرفش يا احمد رأيك يهمنى قد ايه

أكيد عشان شاعر و فنان زيك يهمنى رأيه

و عشان كمان انت صاحب و أخ و انت عارف

مش عارف اقولك ايه على الكلام الجميل ده

نورت بجد القصيدة المتواضعة

الأستاذة ام فيصل

30-07-2009, 10:21 PM

رغم الالم اللي فيها
الا انها بديعه ورائعه
دمت مبدعا

بندق__2007

31-07-2009, 12:28 AM

ميرسى يا شروق على ردك و متابعتك

و يارب افضل عند حسن ظنكم دايما

هنا الفقي

31-07-2009, 12:39 AM

ممممممممممم
انها فوق الجميلة ده الطبيعي بتاعك يا بندق
جميلة كقصيده
انما كاحساس ممكن نقول غريبة
والفكرة اللي فيها اغرب واغرب
عموما
هانتناقش ف الحكاية دي دلوقتي

amr_2010

31-07-2009, 01:15 AM

جميلة جداااااااااا يا بندق

وعجاني اوي وكلامها رائع

تسلم

بندق__2007

01-08-2009, 12:40 AM

ممممممممممم
انها فوق الجميلة ده الطبيعي بتاعك يا بندق
جميلة كقصيده
انما كاحساس ممكن نقول غريبة
والفكرة اللي فيها اغرب واغرب
عموما
هانتناقش ف الحكاية دي دلوقتي

حمد الله على السلامة يا هنا

و ادينا اتناقشنا يا ستى

و الفكرة جايز مش متداولة انما مش غريبة

مش غريبة ان يكون فيه حد بيحب حد اوى اوى اوى اوى

و عشان بيحبه الحب ده مش عايز يضيع مستقبله

و مش عاوزه يخسر سنين من عمره و يخسر حاجات كتير ما يتفعش يخسرها

و ميرسى على الرد الجميل ده يا هنا

بندق__2007

01-08-2009, 12:43 AM

جميلة جداااااااااا يا بندق

وعجاني اوي وكلامها رائع

تسلم

تسلم على مرورك يا عمرو و يارب دايما كلامى يفضل عاجبك

ميرسى يا غالى

مروج البحر

03-09-2009, 02:33 AM

من زمااااااااان مشفتش حاجه بالروعه ديه يا بندق بجد والله تسلم ايدك

ربنا يحفظك

بارقة امل

03-09-2009, 03:53 AM

بالسلامة
بهزر
بجد جميلة

بندق__2007

24-09-2009, 06:09 AM

بالسلامة
بهزر
بجد جميلة

ميرسى على مرورك العطر

elsaidhafez

24-09-2009, 06:40 PM

بندق__2007

26-09-2009, 01:15 AM

برافو يا بندق و الله أحلى حاجة الكلام يطلع زى ما بنحسه لأن تغيير الإحساس صعب و تطلع الألفاظ زى ما تتطلع
زى ما بنحسها بتطلع فصحى أو عامية مع إن عاميتك عجبتنى أكتر ... بس يا راجل فى الفصحى تحبها الحب دا كله و فى العامية تتخلى عنها بسهولة ....بس أنا خايف لتكون واحدة تانية...الله الله الله لا يكون عملت زنبه و أنا مش واخد بالى...تقبل تحياتى للعوطف الجياشة... و أفكارك الجميلة

أستاذى الفاضل و شاعرنا الكبير

أشكر لك ذوقك و رقة مجاملتك و أتمنى أن أكون على قدر و لو بسيط مما وصفتنى به

أما بالنسبة لموضوع القصيدة فعندما تحب شئ تتألم كثيرا لفقدانه

و لكنك تتألم أكثر و أكثر و أكثر إذا كسرته أنت بيدك و أبقيته معك مكسورا

فأنا أرى الحب مقامرة و بالنسبة لموضوعى بشكل خاص إذا خسرت المقامرة فالطرف الآخر سيخسر بشكل يفوق خسارتى بمراحل

فكنت قررت وقف اللعب و الانسحاب لأننى لن أرضى بخطأ ما أن أخسر المقامرة و أدمر أحب الناس لدى

لهذا كتبت تلك القصيدة

مرورك أمتعنى و أسعدنى كثيرا و أتمنى أن تكون من الحاضرين دوما بموضوعاتى

جنة الوكيل

01-10-2009, 01:32 AM

بندق__2007

05-10-2009, 10:58 PM

استاذ بندق بجد بجد بجد والله العظيم من غير مجامله
انت عندك ابداع رهيب وزياده على كده بيغلف الابداع ده احساس رهيب
لدرجة ان انا حسيت ان القصيده ده عليا
ربنا يخليك متحرمناش انت وباقي الاعضاء المتميزين من الاشياء الجميله ده
على فكرة انا اول مرة اقرأ قصيده فيها احساس قوي كده واحس فعلا ان اللي مألفها عايشها
شكرا على الاداع الرئع ده
والى الامام دائما

كلماتك أعطتنى فوق ما أستحق

حقا و صدقك كلماتك كم هى عندى غالية

و كم تحمل من الصدق جعلنى أحمل لك احترام و ود

مرورك أسعدنى و كلماتك أعطتنى وساما على صدرى

و أتمنى أن أكون دوما على هذا القدر من الاستحسان لديك

rona99

24-10-2009, 09:54 PM

بحبك دى كلمة قولتهالك

عمرى يوم ما هقولها بعدك
و كلمة بحبك مش هنسهالك
تفضل فى ودنى رغم بعدك
انتى عارفة انا قد ايه
عشقت قلبك و عشت ليه
و النهاردة انا لازم امشى
و عن حياتى ابعدك
عشان حياتك من غيرى تمشى
و ما يكونش حبى مقيدك
لانى صعب اطول هواكى
و مقدرش انى اوعدك
و لا هقدر امسحلك دموعك
و لا هقدرفى يوم انى اسعدك
اهون عليا نمشى و نرحل
و لا انى افضل معذبك
حبيتك و بعدك مش هعيش
لكن سعادتى حريتك
تعيشى زى كل البنات
و تهون عليا ضحكتك
الجنة مع قلبى سواد
و السواد مش سكتك

كلمات رائعة عن جد
وأحساس رائع
وللأسف بشعر بالعجز فى إيجاد كلام يوافى
إبداعك المتواصل فى كل قصائدك
http://www.arabsys.net/pic/thanx/24.gif

بندق__2007

26-10-2009, 03:02 PM

كلمات رائعة عن جد
وأحساس رائع
وللأسف بشعر بالعجز فى إيجاد كلام يوافى
إبداعك المتواصل فى كل قصائدك
http://www.arabsys.net/pic/thanx/24.gif

أشكر لك هذه الإطلالة المميزة و المستمرة على أعمالى

تلك الإطلالة التى تمنحنى الثقة قبل المدح و الشرف قبل التشجيع

حقا هذه الإطلالة كم هى غالية

أدامها الله و أدام عليك الحس الفنى الرائع

دمتِ بود

أحمـدنجـم

27-10-2009, 06:30 AM

هانى الشرقاوى

27-10-2009, 06:40 PM

انت جميل أوى يا أحمد
أنا والله من كتر الكلام الحلو معتش لاقى حاجة أقولها
احساسك عالى أوى يا أحمد
تسلم يا فنان

بندق__2007

25-01-2010, 12:33 AM

بندق الغالي
ضحيت هنايا فداه .. وهعيش على ذكراه
هو لسه في كده يا بندق ؟ ياااااااااااااااه
طب هو فيه حد يستاهل ؟ يااااااااااااااااااااااااااااااااهين
طب هو فين دا ؟ 3 ييااااااااااااااااااااااااااااااهااااااااااااااااا اااااااااااااااات

ميرسى يا أستاذى الفاضل و معلمى الجليل و أخى الحبيب على المرور و الاطلالة الجميلة

و مجرد قراءتك لعمل من أعمالى ده شرف كبير و الرد فيه شرف أكبر

و تعليقى على ردك شرف أكبر و أكبر أرجو ألا ينقطع

لا حرمنى الله من وجودك و مرورك

بندق__2007

25-01-2010, 12:33 AM

انت جميل أوى يا أحمد
أنا والله من كتر الكلام الحلو معتش لاقى حاجة أقولها
احساسك عالى أوى يا أحمد
تسلم يا فنان

ميرسى يا هانى باشا على الكلام الكبير اوى عليا

و يارب دايما اكون عند حسن ظنك و اقدر بموهبتى المتواضعة أرسم شئ من الامتاع على جدران هذا القسم

الملهمة

25-01-2010, 07:25 PM

كلمات بسيطه جدا ولكن ما أعمقها بجد جميله وخليك معانا أوعى تمشى:(

المتبتلة

27-01-2010, 11:54 PM

shren

28-01-2010, 06:34 PM

جميله جدااااااااااااا
تسلم ايدك

فرعونية

30-01-2010, 02:57 AM

بندق__2007

03-02-2010, 05:30 PM

كلمات بسيطه جدا ولكن ما أعمقها بجد جميله وخليك معانا أوعى تمشى:(

ميرسى على المرور العطر و دايما منورة موضوعاتى المتواضعة

بندق__2007

03-02-2010, 05:31 PM

مش عارفة اقولك ايه انت خلتنى ارجع تانى مش حضرتك اللى عامل هدية السنة الجديدة وكانت الكلمات بترقص من السعادة ايه اللى جرى احنا حسدناك على العموم إن شاء الله خير ربنا يارب يرجع السعادة تانى يا رب

دمت مبدعا أخى بندق وطبعا سعادة الحبيب فى قربه ممن يحب دعائى لك بالسعادة

هو القصيدة دى كانت نزلت قبل قصيدة السنة الجديدة كنت اخدت القرار ده

و بعدين الطرف التانى رغم كل ده تمسكت بالحكاية و تمسكت بحبنا رغم المصاعب و الظروف

فأنا كمان زاد تمسكى بيها و كتبتلها فى راس السنة " بحبك "

و ده كل الموضوع

و عموما طبعا طبعا منورانى و مشرفانى و بجد يا رب اكون عند حسن ظنك دايما و افضل مستمتع بمرورك الغالى

بندق__2007

03-02-2010, 05:32 PM

جميله جدااااااااااااا

تسلم ايدك

ميرسى على المرور الجميل و يارب ما تحرميناش من وجودك

بندق__2007

03-02-2010, 05:34 PM

بجد يابندق انت موهوب ومبدع وطبعا مفيش نقاش على هذا الامر وانت نسيت انى حذرتك ساعة راس السنة من الحسد مسمعتش كلامى هههههههههه بجد انا زعلت جدااااااااااا انك بقيت فيما كتبت عنه مكنتش حبه انك بذات بكل المشاعر الجميلة والرومانسية العاليه جدا اللى عندك تكتب حزين عارف والله لسه بقول لصحابى فى واحد اسمه بندق فى المنتدى عليه اشعار رومانسية تحفة بجد انا مش عارفة اقولك ايه بس الحقيقة مراحل الحب والفراق مراحل بتعدى على كل الناس والحياة بتمشى يكفى ان الموضوع انتهى بكل احترام وتضحية منك بتاكد قد ايه انت انسان محترم قلبك كبير عشان تضحى بحب من اجل سعادة من تحب ان شاء الله ربنا يسعدك فى ايامك وتعيش دائما فى حب مع من حولك وربنا يوفقك معلش انا طولت شوية تقبل احترامى وتقديرى لك كشاعر وكانسان

طبعا انا وضحت ان القصيدة دى كانت قبل القصيدة التانية بتاع السنة الجديدة

و اطمنى انتوا مش حسدتونى و لا حاجة

و على فكرة اللى عايز يحسد يحسد براحته

لأن بجد الاحساس اللى انا عايشه أكبر بكتير من أن الحسد ياثر عليه

أما بقى بالنسبة لكلامك فبقولك بجد كتير عليا اوى الكلام ده

و ميرسى كتير كتير ليكى لأنك دايما متابعة و دايما منورانى و دايما بتحرجينى بذوقك و كلامك

ميرسى يا فرعونية كتير