مشاهدة النسخة كاملة : قناة الناس.....


The_Relativistic200
09-09-2006, 10:32 PM
بسم الله الرحمن الرحيم
كتير اوى يعرف قناة الناس الفضائية
ان لم يكن رأها فانه قد سمع عنها
قناة متميزة بحق
وقد تعرض لهذا الامر
العضو strong man
هنا (http://www.thanwya.com/forums/index.php?showtopic=16999&pid=215325&st=0&#entry215325)
مبينا اهداف القناة ومميزاتها
والتى نجحت فى وقت قصير للغاية
من كسب شعبية هائلة
لما تعرضه من شيوخ اجلاء يندر وجودهم فى اى قناة اخرى او ينعدم
امثال الشيخ محمد حسين يعقوب - محمد حسان - محمود المصرى.....
ولكن ما انا بصدده مختلفا تماما

عن عيوب تلك القناة والتى
من الممكن جدا ان تؤثر على رسالتها

كم رهيب رهيب من الاعلانات الجوفاء
والمثيرة للاشمئزاز
قبل وفى منتصف وبعد اى برنامج
بحيث تصيبك بالصداع التام
مشكلة جد مستفزة

لاشاهد شيخى المفضل
على ان اتابع هذا الكم المقزز
واغير القناة واعيدها لاجد الاعلانات مستمرة فى العرض

ممكن ومن المؤكد ان تكون الاعلانات وسيلة لربح المال
مما يعنى تحسن خدمة القناة
ولكن ليس بهذا الشكل
الذى لانشاهده فى اى قناة دينية اخرى
واستمع للاعلانات وقد بلغ بى الغيظ مبلغه

التليفون الاسلامى....يوقظك عند كل صلاة و....و......
وهل من المفترض مثلا ان القى تليفونى
الكافر بالله وكتبه ورسله ولم ينطق الشهادتين ولا يؤذن حتى اشترى هذا النوع
ام ماذا
فضلا عن الحياة الزوجية السعيدة مع هذا المنتج
وغالبا معروضات جوفاء لا طائل منها للمبتاع سوى ان جره هبله ان يلقى اذنه خلف تلك
الاعلانات

حد موافقنى
ولا محدش ملاحظها غيرى ولا ايه....؟

ayooosh
09-09-2006, 10:40 PM
انا ملا حظها

بس مش للدرجه دى


هى بجد فعلااااااااا تزهق
مع ان قناه الناس افضل قناه اسلا ميه من رايى

بس انا ساعت الفاصل او كده بقوم من على التليفزيون اصلا

بس بجد شكراااااااا لطرحك هذا الموضوع

ومستنيه اراء باقى الاعضاء

mohamed_oweis
09-09-2006, 10:49 PM
السلام عليكم ورحمة الله وبركاته
جميل أوي الموضوع يا خالد ...والكلام دة اعتقد كلنا بنلاحظه
بس برده هو مبرر..لان موارد القناه قليلة جدا و امكانيتها المادية ضعيفة ..فطبيعي لازم الاعلانات دي عشان تغذيها ... :)
بس الاعجب من الاعلانات دي الشريط الازرق اللى تحت دة..بتلاقي فيه كلام عجيب خصوصا اللى بيدور على زوج أو زوجة...
بس برده انا اعتبرها من افضل القنوات الدينية اللى ظهرت دلوقتى عشان الشيخ الرائعين اللى انت ذكرتهم ...خصوصا الشيح محمد حسين يعقوب..اسلوبه جديد جدا...

ayooosh
09-09-2006, 11:00 PM
فعلا معاك حق

انا برده بعتبرها افضل قناه دينيه

يلاااااااا ربنا يعين ويوفق العاملين على هذه القناه

msamido
09-09-2006, 11:14 PM
انا معاك يا خالد انها بتبقي كتير بشكل مستفز بس زي ما الناس قالت موارد القناة قليلة جدا فلازم تعمل كده

بس هي القناة الافضل حاليا يبقي لازم نتحملها شويه

وفعلا الشريط الازرق ده هو اللي ممل في الحاجات اللي بتظهر فيه دي

مفروض يتعمل عليه كنترول شويه

المجاهد فى سبيل الله
09-09-2006, 11:23 PM
السلام عليكم ورحمة الله وبركاته
انا معاكم فى الكلام النتم بتقولوه بس يا اخى دى قناة خاصه يعنى محتاجه الى مصاريف لكى تقف على قدميها
وهذه الاعلانات هى التى تمدها ومن غيرها لا تستطيع القانه ان تقدم اى برامج ولا ايه

محمد البري
10-09-2006, 03:58 AM
يا عم خالد اانا مش بسمع القناة دي


كفاية اني امبارح بتمشى مع صحابي سمعت محمد حسنيين يعقوب غلط في حديث

يا عم اصلا مبحبش قناة تقعد تقولك التليفون الاسلامي

والمعقلة الاسلامية

والخلاط الاسلامي

والبنطلون الاسلامي


كمان يومين هينزلوا الريسيفر والتليفزيون الاسلامي :lol: :D

مسيو محمد عياد
10-09-2006, 01:07 PM
<div align="center">أما بالنسبة للإعلانات فهي مشكلة فعلاً .. بس أعتقد مش بالصورة دي
والأسباب في وجود الإعلانات ، الإخوة الأفاضل ذكروها
ونظام كل قناة ذي ما بتشوفوا دايماً .. يتطلب وجود فاصل بسبب طول فترة البرنامج</span>[/b]


اللهم أعزنا بالإسلام وأعز الإسلام بنا </div>

فتاة_الإسلام
12-09-2006, 08:18 PM
السلام عليكم ورحمة الله وبركاته
قناة الناس هي قناة رائعة جداً ولا أعتقد أن هنا من يخالف رأيه ذلك
بالنسبة للإعلانات لا أعتقد أن أي قناة يمكنها أن تتخلى عن الإعلانات فهي بمثابة الوقود الذي يمدها بالحياة لتستمر في عطاءها.. وأعتقد أن إعلانات هذه القناة أفضل من إعلانات قنوات أخرى بكثير.. فهي على الأقل تعلن عن التليفون الإسلامي..
أما ما يثير غيظي حقاً في هذه القناة هو ذاك الشريط الأزرق!!! ولا تعليق عليه

The_Relativistic200
12-09-2006, 10:39 PM
شكرا على مروركم يا جماعة

ههههههههههههههههه
اظاهر ان الكل متغاظ من الشريط اللى تحت :D
لو سمحتم تليفون الشيخ محمود المصرى

انا م.م.غ مصرى مهندس 33س اريدها طويلة عريضة جميلة متدينة(متدينة فى الاخر شايفين :D )

الى م.م.غ نرد التواصل

يا فرحتى وانشكاحى بالكلام ده
عموما
ليه القناة تبقى كاملة
لازم يبقى فيها حاجة تفور الدم
والست اللى بتقول الاعلانات ...........هى اللى بتستفزنى مش الاعلان نفسه
كأنها بتكلم اطفال فى حضانة ولا مش عارف طريقة ايه دى بالظبط B)


كل ده كوم
والتليفونات اللى بتطلع للشيوخ فى وسط الحلقة كوم
استغفر الله العظيم فى ناس غبية بجد
بتطلع تلألأ وتتلعثم على الهوا
وناس بتطلع مش عارفة تسأل فى ايه
يا اما الحلقة فى كوم بتتكلم عن حاجة والسؤال عن حاجة عبيطة فى حاجة تانية

غير الناس اللى بتحرجم دايما على اى فتوى تحلل الربا
لازم 472394204تليفون يسألوا الشيخ فيها فى كذا حلقة لكذا شيخ

حاجة تقرف فعلا
لكن اهو الواحد بيغمض ودنه وخلاص
وكويس انه بيشوف الشيوخ اللى عمره ما شافهم قبل كده