أقتراحات حول منتديات القريه الذكيه [الأرشيف] - بوابة الثانوية العامة المصرية

مشاهدة النسخة كاملة : أقتراحات حول منتديات القريه الذكيه

™ Ī ДӍ ҊǾŦ ДLΣǤΣҊÐ

25-07-2009, 10:59 PM

السلام عليكم ورحمه الله وبركاته

أرجو عمل قسم لليونكس لأن لا يوجد قسم مناسب لوضع مواضيع تخصه حيث أن قسم البرامج هو قسم تابع للويندوز والويندوز شىء والليونكس شىء آخر

وأقترح أيضا تغيير أسم منتديات القريه الذكيه بأسم منتديات التكنولوجيا والمعلومات

ولمذا لا توجد دوره فى الصيف لزياده خبره الأعضاء عن عالم الكمبيوتر ويساعد فيها كل من يمتلك علم فى مجال الحاسب؟

حيث أن معظم الطلاب يستخدمون الكمبيوتر بكثره فى الأجازه ....فلماذا لا يستفيدون بهذا الوقت؟

وأنا عندى أستعداد أساعد فى الموضوع بما أعرفه ده لو حد هيشارك

أرجو دراسه هذه الأقتراحات جيدا ومن ثم الرد عليها

والسلام عليكم ورحمه الله وبركاته

Amethyst

25-07-2009, 11:08 PM

الويندوز شىء والليونكس شىء آخر
هو مش كان اسمه لينكس
مين خلاه ليونكس
و لا ده صابون و لا إيه ؟
:d

BaNZeR

25-07-2009, 11:15 PM

Rymonda

25-07-2009, 11:25 PM

هو مش كان اسمه لينكس
مين خلاه ليونكس
و لا ده صابون و لا إيه ؟
:d

احم احم ..
بتهزر بتهزر ..;)
حلوه الفكره يا كابتن .. سير على بركة الله ..
دول اعداء النجاح ..:d
انطلق انت .. وسيبك !!
:d

™ Ī ДӍ ҊǾŦ ДLΣǤΣҊÐ

25-07-2009, 11:40 PM

هو مش كان اسمه لينكس
مين خلاه ليونكس
و لا ده صابون و لا إيه ؟
:d

أخى الفاضل الكلمه الأصليه linux

وعند تعريبها ممكن تتنطق ليونكس أو لينكس

أما الصابون أسمه لوكس

وعلى فكره كويس جدا وده من كلام ناس كتير

وأنصحك بيه :p

http://eshop.ambroweb.com/images/product/LUX.bmp

™ Ī ДӍ ҊǾŦ ДLΣǤΣҊÐ

25-07-2009, 11:50 PM

ياستي لينكس ولا ليونكس ولا لوكس حتى مش فارقة :d

انا مع اقتراحك بعمل قسم خاص كدورات كمبيوتر وشروحات وكده (لو مكنش في فعلاً قسم)
بس قسم خاص للينكس مش معاه
لأنه قليل جدا اللى بيستخدمه ومينفعش يتحط قسم ملوش اقبال عليه

فبالتالي يبقى تابع للقسم الحالي وخلاص

شكرا على المرور

أنا مش قصدى يتعمل قسم للشروحات ... انا قصدى يتعمل دورات

وقسم اللينكس(الليونكس) لمعلوماتك 10% من مستخدمى الكمبيوتر بيستخدموا اللينكس

وبالسنبه أنه مش منتشر هنا علشان للأسف الجهل بس بيه ....

تعالى نشوف كما واحد بيستخدم ويندوز ويعرف بس معنى ليونكس مش بأقولك يعرف يستخدمه أو جربه ؟

مجرد بس سمع عنه؟ شاف صوره واحده بس ليه؟ قرأ عنه؟

وعلشان تصدق

لو أنت من مستخدمى الويندوز العظيم ... ماذا تعرف عن اللينكس؟ هل جربته؟ هل شوفت حد جربه حتى؟ تعرف أيه مميزاته؟ تعرف أيه الفرق بينه وبين الويندوز؟

متظر أجابتك يا غالى :excl:

وهذا أقتباس من موضوع
مميزات نظام التشغيل جنو/ لينوكس والرد على الأكاذيب والخرافات (http://thanwya.com/vb/showthread.php?t=139589)

معلومة وسؤال آخر لكم: يكفي إن أغلب سيرفرات العالم تستخدم جنو/لينوكس ومنتشرة بشكل كبير جداً، فهل تعتقد عزيزي القاريء إن Google أو Yahoo أو Novell أو IBM أو Amazon أو أو أو فقراء مالياً لشراء أنظمة ويندوز؟ أم إن هناك أسباب أخرى جعلتهم يسيرون مع جنو/لينوكس ؟ أظن جوابه لديكم :d

أيضاً ﻻ تنسى عزيزي القاريء أكثر من 65% من سيرفرات العالم قائمة على برنامج إسمه Apache تم صنعه على الليونكس .

وعلى العموم مش هتفرق يعنى لو ما أتعملوش قسم ومش هأصدع دماغى على الفاضى

لأنى بأتنفخ على ما الموضوع بيتعمل وربنا العالم

وأنا مش بأعمل كدا علشان مش لاقى حاجه أعملهاى أو كدا

أنا برضه مشغول جدا والوقت الى أعلم واحد فيه ليونكس ممكن أتعلم فيه حاجه فى الهاك أو ال C# او أزود حتى معلوماتى وخبرتى فى الليونكس

بس بحاول أفيد الناس لأن ده واجب عليا

خيركم من تعلم العلم وعلمه

وأسف إذا كلامى ضايقك لكنها الحقيقه
وأيضا أنا لأ أحب أن ينتقد أحدهم الليونكس بدون أن يعرفه عنه شيئا

والسلام عليكم ورحمه الله وبركاته

™ Ī ДӍ ҊǾŦ ДLΣǤΣҊÐ

25-07-2009, 11:53 PM

احم احم ..
بتهزر بتهزر ..;)
حلوه الفكره يا كابتن .. سير على بركة الله ..
دول اعداء النجاح ..:d
انطلق انت .. وسيبك !!
:d

شكرا على التشجيع

وياريت يا جماعه الى يعترض على حاجه يبقى فاهمها كويس وعارف هو بيعترض على أيه

وبلاش تبقى الردود أستفزازيه

لكم كل أحترامى

ومنتظر رد الأداره

والسلام عليكم ورحمه الله وبركاته

Amethyst

26-07-2009, 12:02 AM

وياريت يا جماعه الى يعترض على حاجه يبقى فاهمها كويس وعارف هو بيعترض على أيه

لا متقلقش
اللي بيفهموا هنا كتير
انت بس اللي مش عارفهم

وبالسنبه أنه مش منتشر هنا علشان للأسف الجهل بس بيه

ياااه
ربع مليون مشترك
وصفتهم بالجهل
يا كترة حسناتك يابني
و اللي رد عليك بنزر ده مش ولد صغير
و بلاش بقى أسلوب حضرتك إنك توصفنا بالجهل
و عدم الفهم
دمتم بود
في أمان الله

™ Ī ДӍ ҊǾŦ ДLΣǤΣҊÐ

26-07-2009, 12:22 AM

لا متقلقش
اللي بيفهموا هنا كتير
انت بس اللي مش عارفهم

ياااه
ربع مليون مشترك
وصفتهم بالجهل
يا كترة حسناتك يابني
و اللي رد عليك بنزر ده مش ولد صغير
و بلاش بقى أسلوب حضرتك إنك توصفنا بالجهل
و عدم الفهم
دمتم بود
في أمان الله

أولا أرجو التعليق على كل الكلام مش نصه

على العموم ماشى

أولا بالنسبه لقولى

وياريت يا جماعه الى يعترض على حاجه يبقى فاهمها كويس وعارف هو بيعترض على أيه

هنا طلبت ممن يريد أن يعترض أن يعرف ما ينقضه جيدا
ولم أقل يا منتدى الثانويه تعالوا أنتقدونى وأنتوا ما بتعرفوض حاجه

ثانيا

قولى

بالسنبه أنه مش منتشر هنا علشان للأسف الجهل بس بيه

أنا هنا وصفت من لايعرفه ليس بالجاهل لكن بالجاهل بالنظام وهذه حقيقه ولو أستطعتى أنكارها سوف أعتذر لكى فى موضع منفرد

ياااه
ربع مليون مشترك
وصفتهم بالجهل
يا كترة حسناتك يابني
و اللي رد عليك بنزر ده مش ولد صغير
و بلاش بقى أسلوب حضرتك إنك توصفنا بالجهل
و عدم الفهم
دمتم بود
في أمان الله

وهنا لم أذكر ربع مليون الصراحه ولكنى ذكرت 90% تقريبا من الكره الأرضيه يعنى 3.7 مليار شخص تقريبا بجهلهم بالنظام وليس الجهل بصفه عامه
ولم أسىء للأخ الفاضل بنزر بشىء ولم أقل أنه ولد صغير

ويكفى أنك فى أول الموضوع وضعتى الرد الأول الذى كان خارج الموضوع و أستفزازيا وأيضا يدل على عدم معرفتك بالليونكس ولكنى علقت بمزحه معكى ومارضتش أتكلم

وعلى العموم
أنا أسف ونحن أخوه فى الله وما تزعليش
ولو كنت قولت حاجه زعلتك
أنا أسف
ولا أخجل من قولى أنى أسف لأن كان غرضى من الموضع الفائده للأعضاء وليس لخلق العداوات والتصارع بين الأعضاء وّا كان الموضوع سوف يتسبب فى ما لا أريد فسوف أحذفه

والسلام عليكم ورحمه الله وبركاته

™ Ī ДӍ ҊǾŦ ДLΣǤΣҊÐ

26-07-2009, 12:33 AM

أتأسف لأستخدامى صيغه التأنيث والتذكير ولكنى لا أعرف أنت ولد أم بنت

لكن فى النهايه نحن أخوه فى الله

Rymonda

26-07-2009, 12:33 AM

طب والله انت جدع !!
وعادي يا جماعه بتحصل ..
صلوا ع النبي كده واهدوا بقى ..
يخرب بيت الشيطان ..
وبالنسبه لكلمة التشجيع .. حضرتك بتتريق ولا بتتكلم جد ؟؟
انا فعلا كان قصدي تشجيع !!

Amethyst

26-07-2009, 12:34 AM

كل اللي ردوا عليك يعرفوا اللينكس
و كلهم اشتغلوا عليه
و ريموندا الغلبانة دي تعرفه
و اشتغلت عليه
أنا اشتغلت على الدوس
و اللينكس و 98 و 2000 و قريباً ويندوز 7 إما ينزل ف أكتوبر
ده مشهور اللينكس
و عموماً
أنا كنت بهزر
دمتم بود
في أمان الله

..Just Stop

26-07-2009, 01:15 AM

Rymonda

26-07-2009, 01:50 AM

™ Ī ДӍ ҊǾŦ ДLΣǤΣҊÐ

26-07-2009, 11:46 AM

طب والله انت جدع !!
وعادي يا جماعه بتحصل ..
صلوا ع النبي كده واهدوا بقى ..
يخرب بيت الشيطان ..
وبالنسبه لكلمة التشجيع .. حضرتك بتتريق ولا بتتكلم جد ؟؟
انا فعلا كان قصدي تشجيع !!

شكرا أختى الفاضله وانا لم يكن قصدى التريقه لأنى مش داخل هنا أتريق على الناس والله

وشكرا على المدح :)

كل اللي ردوا عليك يعرفوا اللينكس
و كلهم اشتغلوا عليه
و ريموندا الغلبانة دي تعرفه
و اشتغلت عليه
أنا اشتغلت على الدوس
و اللينكس و 98 و 2000 و قريباً ويندوز 7 إما ينزل ف أكتوبر
ده مشهور اللينكس
و عموماً
أنا كنت بهزر
دمتم بود
في أمان الله

يا أخى الفاضل أنتم على دماغى من فوق

وربنا يزيدك من العلم كمان وكمان

وأنا الصراحه ماجربتش كل الأنظمه دى لأنى أنا أصلا مش محترف أنا على قدى لسه وبأحاول أتعلم وأزيد خبرتى

وأتمنى نبقى أخوات إن شاء الله

وبالنسبه لويندوز 7 على ما أظن نزل من زمان وأخويا شغال بيه على اللاب توب بتاعه

شكرا لمرورك وتفاهمك وأسف مره أخرى لو كان حد زعل منى يا جماعه

™ Ī ДӍ ҊǾŦ ДLΣǤΣҊÐ

26-07-2009, 12:16 PM

يا جماعة مصممين تقلبو الموضوع ليه
خلاص يا مرمورة بقا حصل خير
دا الراجل زى العسل اهو :d
:::::::::::::::::
سيبك م اللى فوق وخليك معايا هنا :d
اولا قسم لليونكس دا واللا هو بيتنطق ازاى :d تقريبا مش هتنفع فى الوقت الحالى لان محدش هينزل مواضيع فيه غير حضرتك
فكحل مؤقت حضرتك تعمل موضوع وتشرح فيه اليونكس من اول الف باء لحد ياء بطة :d
وعليا ليك انى اثبتهولك وابقا من تلاميذ حضرتك من باب العلم بالشىء ولا الجهل بيه
بالنسبة لدورات اليونكس دا فدى سهلة
ان شاء الله على بكرة تكون الغرف الصوتية اشتغلت وبقت تمام فهنحدد يوم فى الاسبوع حضرتك تشرحلنا فيه
اظن كدا كله تمام :d
شكراع على الموضوع
دمتم فى رعاية الله

أولا: شكرا على مرورك

ثانيا: طب معلش سؤال صغير

أولا linux ده نظام تشغيل كامل يعنى ليه ألعاب وليه برامج وليه شروحات

هل تعتقد أن هأقدر أحط ده فى موضوع واحد؟

طب والأستفسارت لما حد عنده مشكله؟

وبالنسبه للمواضيع أنا عملت بالفعل موضوع لشرح تسطيبه من الألف للياء البطه

~¤®§( طريقه تسطيب نظام تشغيل الليونكس + طريقه تجربته بدون تسطيبه )§®¤~ (http://thanwya.com/vb/showthread.php?t=139771)

شوف الموضوع طويل أد أيه ومجرد شرح بس التسطيب

فما بالك بالشغل على النظام ذات نفسه؟ :028ja7:

أنا لا أعدك إذا أتعمل قسم هأفضل أتابعه مدى الحياه لأنى برضه ورايا دراسه بس المشكله مواضيع الليونكس مش لاقيلها مكان فى المنتدى

ولو واحد شاف موضوع مثلا مقدمه عن الليونكس وحب يشوف موضوع تانى هيتووه

وبالنسبه للدورات أنا لا أريد غرف صوتيه

الغرف الصوتيه سوف تفيد عدد معين وهم الى هيدخلوها لكن المواضيع سوف تفيد الناس إلى ما شاء لله

وأنا كان قصدى كل الناس الى بتعرف فى أى مجال تساعد برضه يعنى مش ليونك وبس

أنا كنت بس عاوز الناس معايا تشارك وإن شاء الله هأحط خطه كويسه لعمل هذه الدورات

يعنى تتعمل دروات فى مجالات تانيه

دورات فى أستخدام مثلا اليوندوز

دورات فيجول بايسك

كدا يعنى ...

كل واحد يعرف حاجه ينشرها برضه مهما كانت صغيره

يعنى مثلا لو أنا عملت دوره لليونكس وواحد يعرف فى الليونكس يساعد برضه

وكمان برضه الأداره تقدم مثلا ألقاب أو تكبير فى الصوره أوأوسمه أو أى حاجه رمزيه للمتفوقين فى الدورات

يعنى كنت عاوز أعمل دوره لتعليم الكتابه بالتاتش وممكن خلال شهر تعرف تكتب تاتش بس الفكره دى شوفتها فى منتدى برمجه وكان ليها جايزه لقب لكن مارضتش أعملها هنا لأنى مش هأعرف أدى حد ألقاب

هذه أخر مناقشاتى فى الموضوع وأعملوا الى أنتوا شايفينوه صح

والسلام عليكم ورحمه الله وبركاته

BaNZeR

26-07-2009, 02:20 PM

شكرا على المرور

أنا مش قصدى يتعمل قسم للشروحات ... انا قصدى يتعمل دورات

وقسم اللينكس(الليونكس) لمعلوماتك 10% من مستخدمى الكمبيوتر بيستخدموا اللينكس

وبالسنبه أنه مش منتشر هنا علشان للأسف الجهل بس بيه ....

تعالى نشوف كما واحد بيستخدم ويندوز ويعرف بس معنى ليونكس مش بأقولك يعرف يستخدمه أو جربه ؟

مجرد بس سمع عنه؟ شاف صوره واحده بس ليه؟ قرأ عنه؟

وعلشان تصدق

لو أنت من مستخدمى الويندوز العظيم ... ماذا تعرف عن اللينكس؟ هل جربته؟ هل شوفت حد جربه حتى؟ تعرف أيه مميزاته؟ تعرف أيه الفرق بينه وبين الويندوز؟

متظر أجابتك يا غالى :excl:

وهذا أقتباس من موضوع
مميزات نظام التشغيل جنو/ لينوكس والرد على الأكاذيب والخرافات (http://thanwya.com/vb/showthread.php?t=139589)

أيضاً ﻻ تنسى عزيزي القاريء أكثر من 65% من سيرفرات العالم قائمة على برنامج إسمه Apache تم صنعه على الليونكس .

وعلى العموم مش هتفرق يعنى لو ما أتعملوش قسم ومش هأصدع دماغى على الفاضى

لأنى بأتنفخ على ما الموضوع بيتعمل وربنا العالم

وأنا مش بأعمل كدا علشان مش لاقى حاجه أعملهاى أو كدا

أنا برضه مشغول جدا والوقت الى أعلم واحد فيه ليونكس ممكن أتعلم فيه حاجه فى الهاك أو ال C# او أزود حتى معلوماتى وخبرتى فى الليونكس

بس بحاول أفيد الناس لأن ده واجب عليا

خيركم من تعلم العلم وعلمه

وأسف إذا كلامى ضايقك لكنها الحقيقه
وأيضا أنا لأ أحب أن ينتقد أحدهم الليونكس بدون أن يعرفه عنه شيئا

والسلام عليكم ورحمه الله وبركاته

أنا أعترف ومفهاش حاجة إني أول الجهلة :d
ومعاك برده إنه كتير جداً ميعرفوش حاجة عن الليونكس

وانا صراحة مع كل كلامك
واللى عنده خبرة ياريت ميعممش خبرته على كل الناس :d
احنا مش قديكو برده :d

بس ليا سؤال واحد

الوندوز منتشر اكتر بين الناس هنا
عشانه طلع قبل اللينكس فالناس عرفته في الاول
ولا عشان استعماله اسهل وابسط منه اللينكس

يعني مش معقد كده زي وندوز الفيزتا

وبالنسبة لوندوز 7 هو فعلاً نزل من فترة وموجود مع بعض الناس

™ Ī ДӍ ҊǾŦ ДLΣǤΣҊÐ

26-07-2009, 02:55 PM

أنا أعترف ومفهاش حاجة إني أول الجهلة :d
ومعاك برده إنه كتير جداً ميعرفوش حاجة عن الليونكس

وانا صراحة مع كل كلامك
واللى عنده خبرة ياريت ميعممش خبرته على كل الناس :d
احنا مش قديكو برده :d
بس ليا سؤال واحد
الوندوز منتشر اكتر بين الناس هنا
عشانه طلع قبل اللينكس فالناس عرفته في الاول
ولا عشان استعماله اسهل وابسط منه اللينكس

يعني مش معقد كده زي وندوز الفيزتا

وبالنسبة لوندوز 7 هو فعلاً نزل من فترة وموجود مع بعض الناس

شكرا لردك وهأفهمك ليه الويندوز منتشر

أولا: اللينكس سهل زى الويندوز بل يمكن أسهل كمان من اليوندوز

يعنى اللينكس مش معقد ولا حاجه
يعنى لما تبقى عاوز أى برنامج في اللينكس مش هتلف فى منتديات ولا هتروح تشتريه

بتفتح add or remove program وتختار البرنامج الى انت عاوزه وأوتماتيك يتنزل على الجهاز ويتسطب وببلاش
يعنى مش هتدور على ****ات ولا ***** ولا تلف فى منتديات وكمان من ناحيه تانيه مش هتبقى سارق البرنامج زى على الويندوز

انا تعلمت أستعمال اللينكس وقدرت أنتقل عليه فى أقل من أسبوع ووفر كل الحجات الى كنت عاوزها على الويندوز

كمان تيجى لتعريف مثلا الصوت والحجات دى كلها أوتماتيك يعنى اللينكس بيتعرف عليها لوحده

مافيش حاجه أسمها نسخه باظت وأنزل نسخه تانيه

مجرد بتعمل خطوات صغيره ترجع النسخه زى الأول

مافيش فيروسات يعنى مش كل شويه تتدور على الكاسبر وتحاول تعمله activate

أنا كنت بأضطر فى الأول أنزل نسخه كل شهر علشان أشغل الكاسبر

فى رأيك مين الأسهل ؟

ثانيا:مشكله هنا فى المصريين ماشيين بمثل: الى نعرفه أحسن من الى مانعرفوش

ولو عاوز تتعرف على الليونكس أتفضل الموضوعين دول وقولى رأيك

نظام لينكس .. نظام تشغيل متكامل ومجاني!! (http://thanwya.com/vb/showthread.php?t=139530)
مميزات نظام التشغيل جنو/ لينوكس والرد على الأكاذيب والخرافات (http://thanwya.com/vb/showthread.php?t=139589)

والموضوع ده لشرح تجربته من غير ما تسطبه حتى
(ملحوظه: لو عندك السنخه فى سى دى مجرد ماتنزل النسخه وتحرقها على سى دى وتشغله هتلاقى نفسك شغال على اللينكس فى 5 دقايق بالكتير أوى ولو عجبك سطبه فى أقل من نص ساعه )

~¤®§( طريقه تسطيب نظام تشغيل الليونكس + طريقه تجربته بدون تسطيبه )§®¤~ (http://thanwya.com/vb/showthread.php?t=139771)

أتأسف أذا كنت خرجت عن الموضوع الرئيسى

وماتنزعلش منى يا بانزر

وعلى فكره انا رديت عليك أمبارح فى منتدى البرامج فى موضع أطلب أى برنامج على الأستفسار بتاعك

والسلام عليكم ورحمه الله وبركاته

..Just Stop

26-07-2009, 03:58 PM

كدا وضحت الرؤيا ان شاء الله قريب هتلاقى القسم معمول
وحط مواضيع زى ماتحب :d
وان شاء الله هنتابع
دمت فى رعاية الله

™ Ī ДӍ ҊǾŦ ДLΣǤΣҊÐ

26-07-2009, 05:25 PM

كدا وضحت الرؤيا ان شاء الله قريب هتلاقى القسم معمول
وحط مواضيع زى ماتحب :d
وان شاء الله هنتابع
دمت فى رعاية الله

أخيراااااا

ألف شكر يا باشا

بس محتاج شويه دعايه

هعهعهعهعهع

امم ما تجربه معانا بالمره:p

والسلام عليكم ورحمه الله وبركاته

..Just Stop

28-07-2009, 12:59 AM

حاضر من عونيا انت تؤمر
بمجرد عمل القسم
هتلاقى بانير فى المنتدى معمول بمقاس اتناشر متر فى خمستاشر :d
شكلى هجربه طالما بتقول انه سهل
دمتم فى رعاية الله

..Just Stop

28-07-2009, 11:58 AM

يؤسفنى ابلغك بان فكرة انشاء القسم مرفوضة من قبل الادارة

بس محلولة
حضرتك تعمل موضوع باسم مواضيع تخص نظام اليونكس ( متجدد )
والموضوع دا هيتثبت فى قسم شروحات الحاسب
وكل ما تعمل موضوع تحط الرابط بتاعه فى الموضوع دا وكأنه قسم رعى
دمت فى رعاية الله