مشاهدة النسخة كاملة : منصوراوي في الجامعه الامريكيه
حيران في الثانويه 26-07-2009, 05:58 PM بسم الله الرحمن الرحيم
ازيكم يا شباب :slap1qk6: ويا بنات برضو عشان محدش يزعل :av4056bb7jp3:
النهارده كنت في الجامعه الامريكيه عشان امتحن الامتحان بتاع المنحه
المهم يا جماعه مبدأيا كده الامتحان منيل بستين نيله صعب جدا جدا جدا واكتب جدا مليون مره
يعني مش في مستوي طالب في ثانوي نهائي ، احنا كان بيمتحن معانا ناس graduated عشان ياخدو الشهاده بتاع الامتحان ده
المهم يا جماعه الامتحان كان عباره عن 3 اجزاء
اول جزء كان writing والمده المحدده ساعه
وطلب تكتب موضوع عن تسرب الطلاب من المدرسه وتحليل الاسباب وتقديم حلول
ثاني جزء كان متعدد شوية
يعني كان عباره عن 110سؤال في 80 دقيقه
في 54 سؤال منهم عباره عن قطع فهم بس صعبه جدا انا لحد دلوقتي يمكن كل اللي فهمته قطعتين من بين ييجي 5 قطع يعني 3 قطع مفهمتش بيتكلمو عن ايه
لان طبيعه المواضيع صعبه والورق نفسه مطبوع في امريكا وبيمتحنوا نفس الامتحان هناك برضو اللي بيقدمو لبعض الجامعات
كمان لما نيجي نشوف طبيعه الاسئله بتاعتهم نلاقيها صعبه جدا يعني بيجيبلك كلمه من القطعه ويقولك
ايه المعني الاقرب للصح بيكون في منهم صح بس لازم الاقرب طبعا
وبرضو اسئله من نوعيات تانيه بس كلو choose
وبعدين بعد كده من 54 لـ 70 عباره عن vocabulary بيجيب كلمه في جمله والكلمه طبعا غير
معروفه نهائيا وبيطلب تخمن معناها دا كان برضو صعب شوية
الجزء التالت من 70 لـ 110 هو الجرامر وده كان اسهل جزء بالنسبالي
تالت امتحان هو listening
وهو مقسم لـ 3 انواع
اول نوع بتسمع جمله قصيره ويسالك عليها سؤال
ثاني نوه بتسمع محادثه بين اثنين ويسالك عليها
ثالث نوع وهو الاصعب بتسمع حاجه طويله زي lecture مثلا ويسالك عليها
دول كلهم كانو حوالي 40 سؤال
المهم انا حليت اللي اعرفو واللي معرفتوش خبطت
والنتيجه يوم 6/8
ادعولي
maryam.s 26-07-2009, 06:05 PM ربنا يوفقك بس بجد كنت هموت وامتحنه كنوع من التحدى فياريت لو حضرتك باى طريقة تنزل صورة منه
ولك جزيل الشكر
وبالتوفيق
حيران في الثانويه 26-07-2009, 06:22 PM لا المشكله انهم خدوا ورق الاسئله والاجابه
لان بيبقي ورقه الاسئله ممنوع يتكتب فيها اي حاجه وتقريبا في ناس تانيه بتمتحن بنفس الورق
اللي اقدر افتكرهولك سؤال الريتينج عشان تتعقدي من اولها
مطلوب موضوع عن
pupils who ____ of schools , especially at elementary and preparatory stages
analyze the reasons and the the solutions
مكان الشرطه دي كلمه بمعني يتسربو من المدارس يعني بس مش فاكرها بالظبط
وطبعا مطلوب تكتبي كتير مش اقل من 3 صفحات مثلا في ورقه كبيره زي بتاعه نموذج الاجابه بتاع الثانويه
انا كتبت 3 صفحات ونص وانا اصلا في التعبير في العربي مكنتش كاتب الكميه دي يمكن نصها كمان
وفي ناس كتبت اكتر كمان في ناس كتبت 5 و 6 صفحات فكري كده مع نفسك تقدري تكتبي موضوع زي كده
بالكميه دي ؟
عمرو ع 26-07-2009, 06:25 PM انا كان نفسى امتحنه بس يا خساره جبت 88.5 فى المجموع و85 فى الانجلش
حيران في الثانويه 26-07-2009, 06:27 PM وطبعا دا مش زي الثانويه مش بيقيسوا بالكميه
الراجل كان بيقول مطلوب تكتب باسلوب قوي
وتقدملي اسباب وحلول مقنعه
مش زي الثانوية لو قالك اكتب عن اي حاجه ودخلت في حاجه تانيه بيدوك درجات زياده كمان عشان الكميه
maryam.s 26-07-2009, 06:30 PM هو انا للاسف ما لحقتش اقدم فى المنحة
بس الموضوع ده بالذات عادى لان لو حضرتك تسمع عن اخر مشاريع صناع الحياة التسرب من التعليم وطبعا المشروع جامد جدا وجارى تنفيذه بنشاط وببساطة هو يستوفى كل المطلوب فى المقال ده وما عليك الا الترجمة الحسنة بس المشكلة الوحيدة لو الوقت مش كفاية
يالا قدر الله وما شاء فعل
Dr.genius2009 26-07-2009, 06:31 PM يا جماعة هو ايه شرط حضور الامتحان ده؟؟؟
وليه الناس الgraduated بياخدوه؟؟؟
أنا مدرسة عربي خاص هل ينفع ولا ده لل IG بس؟؟؟؟
حيران في الثانويه 26-07-2009, 06:32 PM هو فعلا انا اول ما قال ساعه اتخيلت انها كتير جدا
وفضلت شغال كتابه لقيته بيقول فاضل 10 دقايق !
الوقت عدي بسرعه جدا
هو فعلا الموضوع مش صعب اوي بس عشان تكتبي كميه في موضوع زي ده مثلا
مش هو اللي يتكتب فيه ومحتاج vocabulary جامد عشان تعبري كويس
dr/amera 26-07-2009, 06:33 PM ربنا معاااااااااك
وبالتوفيق ان شااااااااااااااااااااااااااااااء الله
لو قبلت ان شااااااااااء الله ناوى تدخل كلية ايه؟
حيران في الثانويه 26-07-2009, 06:35 PM يا جماعة هو ايه شرط حضور الامتحان ده؟؟؟
وليه الناس الgraduated بياخدوه؟؟؟
أنا مدرسة عربي خاص هل ينفع ولا ده لل IG بس؟؟؟؟
بص سيداتك هو الامتحان دا انتهي مبقاش في تقديم
لكن هو كان في منحتين
منحه تبع الوزاره وهياخدو 10 طلاب ومن طلاب مدارس الحكومه بس
ومنحه بياخدو 58 ودي مش عارف شروطها كلها بس دي بتاخد من كل المدارس
المهم يا سيدي
شوف انتا لما بتروح تمتحن لغه عشان تاخد شهاده تشتغل بيها
الـ graduated بيمتحنوه عشان الشهاده دي
اتخيل ان احنا طلبه ثانويه عامه ولسه مدرسناش انجلش صج
ويدونا امتحان زي ده
حيران في الثانويه 26-07-2009, 06:37 PM ربنا معاااااااااك
وبالتوفيق ان شااااااااااااااااااااااااااااااء الله
لو قبلت ان شااااااااااء الله ناوى تدخل كلية ايه؟
ان شاء الله construction engineering
Dr.genius2009 26-07-2009, 06:41 PM أنا امتحنت امتحان زيه بالضبط في الجامعة الألمانية ومصر الدولية والكندية
زي ماتقول كده أخدت كل الجامعات وده كان في الearly admission
والحمد لله نجخت فيهم كلهم
بس أنا ان شاء الله ناوي على صيدلة عين شمس
أي جامعة حكومة أحسن من أي جامعة خاصة
أما الامريكية وضع تاني
بس عايز أسااال هو الامريكية فيها صيدلة وأسنان ولا بس كليات نظرية وهندسة؟؟؟
Dr.genius2009 26-07-2009, 06:42 PM وعلى فكرة شكرا على الرد يا حيران
حيران في الثانويه 26-07-2009, 06:45 PM العفو يا مان
فعلا الجامعه الامريكيه تختلف عن اي حاجه تانيه ولا تقارن تماما بالالمانيه حتي
يعني النهارده كان معانا واحد قضي سنتين في الالمانيه وجاي يقدم بس مش منحه تقريبا
لانه بيقول الامريكيه دي فرصه العمر للي يدخلها
بالنسبه للكليات مش عارف للعلوم بس في هندسات اقسام كتير
واعتقد في برضو حاجات للعلوم
لان كان في بنات جايبه مجاميع كبيره وهما علوم وفي منهم معديين 410
وسابو الدنيا كلها وجايين يمتحنو عشان الجامعه الامريكيه
اعتقد اللي جايب 410 فيما فوق يدخل اي كليه هو عايزها بس هي حاجه تانيه طبعا
واعتقد اكيد برضو في كليات للعلوم اكيد الناس دي مش جايه تدخل اداره اعمال مثلا
Dr.genius2009 26-07-2009, 06:47 PM شكرا على ردك الكريم
حيران في الثانويه 26-07-2009, 06:51 PM العفو
اي خدمه
harrrpo 26-07-2009, 06:53 PM انا امتحنت الامتحان ده بس مش في المنحة و لكن تبع التقديم العادي
و اذا كنت انت بتقول انك شفت ناس graduate فانا شفت امريكان و افارقة ، اما الطلبة العاديين فكانوا من مدارس international اما الجهلة الحقراء كانوا ماسكين كتب ال sat
اما انا طبعا انا و بلا فخر .. فمن اسيووووووووووووووط ، و تبع الثانوية العامة
و على فكرة
الامتحان ده معمول لطلبة ال highschool مالهمش دعوه شهادتك ايه ، المهم مؤهلك متوسط
و هو مش مهم قوي في قبولك في المنحة ، هو بس بيقولهم انت محتاج تاخد كام كورس انجليزي في سنة اولى عشان تقدر تفهم الي الاساتذة بيقولوه بالانجليزي
لو كنت ليد فلااااااااااااازم تركز في المقابلة الشخصية ، و لي اصحاب ليد كتير شبه فشلوا في الامتحان ده بس خدوا المنحة (خدوا اول ترم انجليزي بس)
و الجامعة فيها كل كليات العلوم ماعدا الطب و الصيدلة
و هي الجامعة ذات الترتيب الاول عالميا في المنطقة العربية
تخيل لو انا اتقبلت ، مش حابقى بس منصوراوي ، لا ، صعييييييييدي في AUC
harrrpo 26-07-2009, 07:01 PM ملحوظة نسيت اقولها ، مفيش حد بيمتحن الامتحان ده بره مصر ،ال elpet مصدره الوحيد ال auc و هو اساسا بديل ال توفل
و هو مناسب لطلبة الثانوية تماما
و متفتكرش انه امتحان ثانوية عامة عشان تقفله
و المدارس خاص عربي مينفعش منح ابدااااااااااااا( نفس ظروفي )
لو حد عايز اي سوال عن الموضوع يبعتلي لاني بدور في الموضوع ده من ابريل
و ادعيلي انا جايب 411.5 و ان شاء الله ربنا يكتبلي الي فيه الخير
A7MODA 26-07-2009, 07:57 PM طب سؤال بسيط يا اخ حيران
ما هي المنحة الامريكية ومنين وازاي وليه يعني فايدتها ايه
وايه الكليات اللي ممكن تخشها وتدرس فيها بعد ما تحصل ع المنحة وشكرا
واحدة وخلاص 26-07-2009, 09:07 PM انا فعلا كنت هقدم بس سالت وقالوا ان مفيش طب ولا صيدله عشان كده خلاص ويارب تنجح
heba 77 27-07-2009, 01:00 AM انا قدمت للمنحه بس جبت مجموع طب الحمد لله فاهلى ما وافقوش علشان انا من الغربيه وكدا هتغرب انا زعلانه اوى انى ضيعت الفرصه دى يلا ربنا يوفقنا
abdelRhman772007 27-07-2009, 01:19 AM ربنا يوفقك يا منصوراوى
و منصور إن شاء الله
silver_born 27-07-2009, 01:27 AM يا جماعة انا مقدم فى منحة lead هل امتحانها نفس الامتحان ده؟؟
وممكن يسالو ايه فى الانترفيو؟؟
يا جماعة انا لرحت الجامعة فى القاهرة الجديدة دى وهم كبيرة جدا جدا
silver_born 27-07-2009, 01:31 AM على فكرة الناس اللى بيسالو على المنحة هو ميعاد التقديم خلص
الينك بتاع المنحة اهو
http://www.aucegypt.edu/currstudents/lead/Pages/Admission.aspx
nanares 27-07-2009, 02:18 AM يا جماعة منحة اليد دى شروطها مجموع 85% وانجليزى 90% وان ميكونش ليك اخ درس فى المنحة دى وان تكون عضو اتحاد طلبة او ليك اى نشاط فنى او رياضى يخسارة كان نفسى اقدم فيها بس النجليزى بتاعى 89% مع ان مجموعى 94.5 بس يلا ربنا يعمل الخير
nanares 27-07-2009, 02:20 AM المنحة بتاعت الييد لازم مدرسة حكومية او تجريبية لكن التانية بتاعت الوزارة اللى هى 10 منح بس دى لازم حكومية لاكن مينفعش تجريبية ولازم اكتر من 95% للعلمى و90% للادبى
حيران في الثانويه 27-07-2009, 03:18 AM nanares (http://www.thanwya.com/vb/member.php?u=245149)
بالظبط كده ، المنحه بتاعتنا تختلف عن الييد
goryy 27-07-2009, 04:25 AM ممكن اسالك سؤال ؟
انت جبت كام فى المجموع كله ؟ و كام فى e ؟ و انت علمى ولا ادبى ؟
حيران في الثانويه 27-07-2009, 04:45 AM ممكن اسالك سؤال ؟
انت جبت كام فى المجموع كله ؟ و كام فى e ؟ و انت علمى ولا ادبى ؟
المجموع الكلي 404.5
في الانجلش في تانيه 24.5 وتالته 24 المجموع الكلي 48.5 يعني 97 %
انا علمي رياضه
ENG:3assoma 27-07-2009, 05:00 AM انا قدمت الورق في الاول بس مبعتش شهادة تالته علشان مجموع الانجليزي 44 ولازم يكون 45 او اكتر
يلا اللي فيه نصيب اكيد ربنا كاتبهولنا
mg2008 27-07-2009, 08:11 AM أنا بعت كل الورق و كل حاجة و لسة متصلوش بية ؟؟ أنا مش فاهم أروح أمتحن أمتة و أذاي ؟
حيران في الثانويه 27-07-2009, 08:15 AM لا هما مبيتصلوش بحد انتا لازم تتابع الموضوع
انا بعثتي دي امتحانها انتهي ومفيش امتحان تاني
البعثه التانيه معرفش بقا بس بيتهيالي كانو معانا ولكن غير متاكد اتصل انتا اسالهم
silver_born 27-07-2009, 09:29 PM لا هما مبيتصلوش بحد انتا لازم تتابع الموضوع
انا بعثتي دي امتحانها انتهي ومفيش امتحان تاني
البعثه التانيه معرفش بقا بس بيتهيالي كانو معانا ولكن غير متاكد اتصل انتا اسالهم
لا يا معلم
انا رحت امبارح وقالو لو اختاروك هيتصلو بيك عشان الامتحان
ودى للمدارس الحكومية بس
محمد جاد الله 27-07-2009, 10:13 PM ربنا يوفقك
dr \manoo 29-07-2009, 04:25 PM وهى اية الاسئلة الى موجوده فى الاترفيو ؟ اعتقد انهم بيسالو اساله خاصه بالانشطة وات متفتح وكده ولا اية
واية اقسام الى ممكن تدرس فيها ؟
ENG:3assoma 30-07-2009, 04:34 AM يا جماعة انا مقدم في منحة الليد والجامعة اتصلت بيا يوم الاربعاء 29/7/2009 وقالولي اروح امتحن يوم الجمعه 31/7/2009 الساعه 7 الصبح في قاعة ايوارت رغم اني مبعتش نتيجة تالته ثانوي علشان انا جايب 44 في الانجليزي مش 45 ..
اروح ولا ايه ..؟؟؟ وهل ده يعتبر ترشيح ليا
(على فكرة انا ورقي والدوسيه كامل ومليان شهادات حاصل عليها وكده ) ممكن يكون عجبهم؟!!!
بس للأسف معرفتش استفسر على اي حاجه تانيه غير ان الامتحان اسمه erpet
أعمـــــــــــل ايــــــه ..؟؟
Sharp 30-07-2009, 04:48 AM الامتحان مكنش صعب ولا حاجة كان منطقي جدًا
حيران في الثانويه 30-07-2009, 05:00 AM طبعا لازم تروح يابني دول هما اللي متصلين بيك
علي فكره مش شرط الدقه اوي في الدرجات يعني عادي انك جبت 44
الموضوع مش بالدقه اللي انتا متخيلها في ناس كتير قدمت متاخر عن المعاد واتقبلت برضو عادي
الامتحان اسمه elpet مش erpet
هو مش صعب اوي لكن يعني هو اعلي من مستوي طالب ثانوي
ENG:3assoma 30-07-2009, 05:06 AM طبعا لازم تروح يابني دول هما اللي متصلين بيك
علي فكره مش شرط الدقه اوي في الدرجات يعني عادي انك جبت 44
الموضوع مش بالدقه اللي انتا متخيلها في ناس كتير قدمت متاخر عن المعاد واتقبلت برضو عادي
الامتحان اسمه elpet مش erpet
هو مش صعب اوي لكن يعني هو اعلي من مستوي طالب ثانوي
على حسب ما سمعت في التليفون elpet أو erpet مش فارقه
خلاص ان شاء الله هروح وخلاص :)
ميرسي على الرد
حيران في الثانويه 30-07-2009, 05:13 AM العفو
وربنا يوفقك وان شاء الله من الناجحين
|