|
مشاهدة النسخة كاملة : بين الحاضر والماضي king mo7amed 26-07-2009, 09:46 PM قد يحن البعض للزمان وعلي راي الست قل للزمان ارجه يا زمان بس مفيش هروب من الواقع الذي نعيشه هل تفضل مصر ملكيه ام جمهوريه ؟ والسؤال هنا بعد الملك فاروق الى اين نتجه؟ Observer 26-07-2009, 10:06 PM كواحد من الشعب أفضل أى نظام يوفر لى الحاجات دى : (1) لقمة عيش (2) فرصة عمل (3) كرامة ان شاء لله يكون من النظام الجاهلى أو حتى من قريش !!! king mo7amed 26-07-2009, 10:14 PM شكرا لمرورك abou aliaa 27-07-2009, 12:05 AM و الله لما أعرف أن الثورة أياها تسببت في فقد السودان بخيراتها و هبوط الجنيه المصري بعد سنتين منها لمستوى متدني جدا و فقد مصر بورصة القطن التي كنا نتحكم فيها كسبنا أيه من الجمهورية إلا 50 ملك كل منهم جوعان علاء سيف 27-07-2009, 12:50 AM طبعا يا كنج انت عاوزها ملكيه انا عارف الحركات دي وكوماندا الغلبان لقمة عيش ايه ياعم طب قول رغيف وجواه حتتين لحمه 5 جد: المشكله في رأي ليست في الملكيه ولا الجمهوريه فهناك ملكيات متقدمة جدا وان كان معظمها يتخذ نظام رئاسة الوزراء هي الاساس وفي جمهوريات غاية في الديكتاتورية وعدم الاستقرار الفكرة في الثقافة السياسية المسيطرة وهاديلكم كثال هنا في مص كل الاحزاب والقوى السياسية والاخوان صدعونا عن تداول السلطة وان الحزب الحاكم لابد يتركها للاخرين لكن هل بيطبقو ده في احزابهم هما مفيش زعيم حزب بيسيب رئاسة الحزب ولا المرشد بيفكر يتنحى وطول ما الازدواجيه دي موجودة مش فارقة وللموضوع بيقية اوركيديا 27-07-2009, 01:34 AM مش عارفه فعلا كتير سمعت السؤال ده انهى احسن الملكيه و لا الجمهوريه بس بمنطوق الحال مش لازم الملكيه تعنى دكتاتوريه و لا الجمهوريه تعنى بالضروره وجود ديموقراطيه حقيقيه و المثال الصارخ على ده اغلب شعوب افريقيا اللى اتحرروا و بقوا جمهوريات فى اوقات متقاربه و اهم دلوقتى بيطالبوا برجوع الملكيه لاء و كمان برجوع الاحتلال مفيش حاجه تخلى حاجه بالضروره احسن من حاجه بس رايي ان الجمهوريه تعد على الاقل ان من حقنا المطالبه بالديموقراطيه و تداول السلطه و كل الشعارات دى يبقى من حقنا ان نقول لاء حتى مع القمع و الاستبداد اما مع الملكيه كل الكلام ده بيروح طبعا الكلام ده قدروا يتغلبوا عليه فى الدول دى و خلوا رئيس الوزراء هو الرئيس الفعلى للبلاد و التانى يقعد زى ما هو عايز يقعد مش فارقه المهم الرئيس الفعلى بيتغير و هما بيختاروه زى بريطانيا عشان ده مش تعتبر بريطانيا فعلا ملكيه بالمعنى الحرفى الموضوع ده الكلام عنه يطول و ليه اكتر من وجه و ينفع تقعد ترد على نفسك كتير بس اللى انا متاكده منه اننا لو طبقنا النظام الاسلامى فعلا حيبقى هو اشمل و اصلح نظام :) انشالله يكون من النظام الجاهلى أو حتى من قريش !!! اممممممم الكلمه دى خطيره ازاى انشالله فى نظام جاهلى او قريش دول بيحملوا معنى كانك بتقول انشالله فى نظام علمانى و او ما هو اخطر انه بيحارب الدين اصلا الدين عندنا هو الاصل و كل الحاجات كلها بتدور فى فلكه لازم يكون اولى الشروط و االاساسات ان يكون النظام على الاقل على الاقل بطبق الحدود الدنيا للشريعه الاسلاميه :) فى فرق بين نظام انا مجبر انى اعيش فيه فى سفر او حاجه و نظام انا بختاره و افضله :) يلا متابعه انا فى رعايه الله FRANKENSTEIN 27-07-2009, 12:32 PM طبعا الكلام ده قدروا يتغلبوا عليه فى الدول دى و خلوا رئيس الوزراء هو الرئيس الفعلى للبلاد و التانى يقعد زى ما هو عايز يقعد مش فارقه المهم الرئيس الفعلى بيتغير و هما بيختاروه زى بريطانيا الي حد ما مصر قبل الثوره كان فيها تداول للسطله وكان فيها نوع من الديمقراطيه نوع من الاختيار صحيح مش زي بريطانيا او اسبانيا او اليابان بس كان فيه مجلس شعب ليه سلطته ورأيه وكان فيه رئيس وزرا ليه قراراته الخاصه وسلطته صحيح مكنتش ديمقراطية كامله بس احسن بكتير من دلوقتي يعني ببساطه المسمي بس اللي اتغير من الملكية للجمهورية بس مفيش تغيير فعلي الموضوع ده الكلام عنه يطول و ليه اكتر من وجه و ينفع تقعد ترد على نفسك كتير بس اللى انا متاكده منه اننا لو طبقنا النظام الاسلامى فعلا حيبقى هو اشمل و اصلح نظام ازاي :d ممكن تشرحي موضوع كميل واسلوب جميل جدا ف العرض :d شكرا |