مشاهدة النسخة كاملة : لكل زوار القسم العام .. أرجو الدخول
أسيل رزق 27-07-2009, 10:38 AM السلام عليكم ورحمة الله و بركاته
إزيكم جميعاً؟؟
يا رب تكونوا بخير
الحمد لله عرفت أنزل موضوع
أنا كتبت الموضوع علشان بدأت تحصل مشاكل كتير بين مشرفات القسم وبين الأعضاء بسبب نقل المواضيع و خلافه
أنا مش هتناقش ولا هتكلم كتير .. كل اللى عايزة أوضحه للجميع إنكم يا ريت ماتتعبوش نفسكم و تكتبوا مواضيع فكرتها إتناقشت فى القسم قبل كده لإننا بدأنا نحذف المواضيع دى لإننا عايزينكم تناقشوا أفكار و مواضيع جديدة و ماتضيعوش مجهودكم فى كتابة المواضيع اللى فكرتها مكررة و ده أكيد هيفيد القسم جداً
و الحمد لله إحنا مش بنميز مواضيع حد عن حد .. العضو عندنا زيه زى المدير
بالنسبة للناس اللى هيقولوا و إحنا نعرف منين الموضوع فكرته مكررة ؟؟
ببساطة فى محرك بحث فى المنتدى ممكن تشوفوا منه و عايزة اعرفكم إن القسم 248 صفحة يعنى أكيد فيه مواضيع متناقشة كتير جداً و إن شاء الله فى فكرة هناقش فيها زينب و ولاء علشان نسهل الموضوع ده أكتر
و لازم تعرفوا يا جماعة إن أى قسم فى المنتدى غرضه النقاش مش معنى إن العام نقاشى يبقى ننزل مواضيعنا فى العام و نقفل بقية الأقسام .. امال الأقسام دى موجودة ليه؟؟ أكيد علشان برده نتناقش فيها
كل اللى طلباه منكم إنكم تساعدونا فى القسم .. يا ريت تناقشوا أفكار جديدة و ماتزعلوش إننا بننقل مواضيعكم زى ما قلت إحنا مش بنعمل عناد مع حد ولا قصدنا إننا نضايقكم .. الفكرة كلها إن القسم فيه خمول فظيع و عايزين ننشطه و يرجع منور بمواضيع أقل ما يقال عليها ممتازة
حبيت أفكركم بالقوانين الجديدة
8- لا يسمح بوضع مواضيع غير هادفة و مضمونها لغرض الدردشة فقط
9-عدم وضع الردود التى لا تحتوى على مضمون ينصب على محتوى الموضوع النقاشى
10-عند تكرار نفس الخطأ من العضو اكثر من 3 مرات سوف يتعرض للانذار
11-يمنع وضع اى مشاركات تتضمن محتوى نقدى غير بناء
12-يمنع وضع أى مواضيع علميه دون الأشاره الى الدليل و المصدر
13-يجب التنويه عن المواضيع المنقوله و عند تكرار اغفال التنويه يتم تعرضه للانذار
و يا رب تكونوا قدرتوا تفهموا وجهة نظرنا
الموضوع يا جماعة هيكون ليكم كلكم
اللى يحب يستفسر عن حاجة بخصوص القسم أو حد شايف عيب فينا أو غلط عملناه يقول .. و إن شاء الله نعمل اللى ربنا يقدرنا عليه
و ربنا يكرمكم يا رب و يعزكم
فى رعاية الله
Messenger of Peace 27-07-2009, 10:57 AM على بركة الله
مش كلها يعني يا اسيل بيكون ليها الحق تتنقل ومعتقدش ان الواحد يستشد بحادثة مثلا من جريدة مصرية يبقى الموضوع مكانه ملفات مصرية ولكن بيكون علشان السبب ده
-يمنع وضع أى مواضيع علميه دون الأشاره الى الدليل و المصدر
والواحد بيتكلم ولا حدش يسمع وكل شوية هتبعت رسالة لي ده ولا ده انتا عدنك 4 شغالين ف القسم العام وطبعا المنتدى زي الفل والواحد بيغيب علشان فترة الشغل وكده يوم مايتفح المنتدى لو فتح يعني تلاقيكي مواضيعك منقولة والقسم اللي سايبه وانتا عارف مواضيع تجي تلاقيه اتغير اروح بقى ادر في صفحة المحذوفات والمكررة اللي في القسم بتكون ملل وشلل ...... وكل حاجة
تانيا انتا لو عملت موضوع مكرر المفروض (ده عند المكوجي مش هنا) المشرف بجيبلك رابط الموضوع ويقولك مكرر يا اما في رسالة خاصة او ما يتعبش نفسه وهو بينقل يقول مكرر ومع وضع رابط المكرر علشان تكون على يقين
المواضيع بقى المحذوفة يطلع عينك ان تلاقي السبب مقنع ابدا ( على الاقل انتم قلتم ايام استاذ اشرف كان بيرخم ويحذف - مش عارف لية بيخرم يعني انا بهدئ النفوس , الراجل مش موجود وانتم بتقولوا كده - على الاقل والله كلمة لاسباب ادارية اهون من انه يقول يشبه جرس الفسحة - على الاقل تحس كده ان مهيب الركن وبيقولك ملكش دعوى مش بدل ما يسكتك يقولك سبب مش مقنع يخليك تتجن -)
ثالثا باين كده
المشرف مش بيتعامل زي العضو
يبقى ازاى المدير زي العضو
قمة المتناقضات
يعني مشرف بيعم موضوع مكرر وبيكون منقول بتم الدمج , مع العضو الغلبان بيتم النقل
خلييها على الله
معلش يا اسيل قلت افكركم بس بشوية حاجت
وانا مش اقصد احبطك ولا حاجة يعني بيييييييييس
على بركة الله ونكمل بعدين
محمد على ابوزياد 27-07-2009, 11:13 AM 10-عند تكرار نفس الخطأ من العضو اكثر من 3 مرات سوف يتعرض للانذار
شدة اكتر شوية
ومحدش يزعل من القوانين
أسيل رزق 27-07-2009, 11:46 AM أنا عملت الموضوع يا جماعة لسببين
أولأً حسيت إن الأعضاء إتخنقوا من مشرفات القسم و عايزة أسمع منكم اللى انتو عايزينه
ثانياً عايزين نتناقش مع بعض علشان ماتقولوش إحنا ديكتاتوريين
و لو عايزين الموضوع يفضل لأى مشكلة عندكم مفيش مشكلة خالص
بالنسبة لأستاذ معاذ .. كلامى هيكون للجميع
يا جماعة بصوا للأقسام التانية .. قسم زى ملفات مصرية نايم خالص و محتاج مواضيع و أعضاء تشغله
إحنا مش عايزين مواضيع سياسية فى القسم هنا .. هو صحيح إسمه القسم العام و هدفه النقاش بس فى برده قسمين واحد اسمه ملفات مصرية و التانى اسمه القضية العربية و الاتنين هدفهم النقاش و عرض الآراء المختلفة
يبقى كده نقفل القسمين و نشتغل فى العام بس؟؟!!
ماينفعش طبعاً
بالنسبة للأستاذ محمد ده مش شدة ولا حاجة دا شىء طبيعى واحد غلط و كرر غلطه أكتر من مرة لازم ياخد إنذار و لو كرر غلطه بياخد انذار تانى و بعد كده بيتوقف و إحنا مش بندى إنذارات إلا بعد 5 او 6 مرات كمان يعنى بجد إحنا مش شداد على الأعضاء فى حكاية الانذار دى خالص
Observer 27-07-2009, 11:46 AM المشرف عايز يظبط القسم ويخليه أحسن قسم فى المنتدى
والعضو عايز إهتمام واحترام أكتر لموضوعاته اللى بيتعب فيها
هى دى المعادلة الصعبة
ولو اتحققت الكل هيبقى مبسوط وسعيد
بس إزاى تتحقق ؟!
هو دة السؤال ...
أسيل رزق 27-07-2009, 11:58 AM المشرف عايز يظبط القسم ويخليه أحسن قسم فى المنتدى
والعضو عايز إهتمام واحترام أكتر لموضوعاته اللى بيتعب فيها
هى دى المعادلة الصعبة
ولو اتحققت الكل هيبقى مبسوط وسعيد
بس إزاى تتحقق ؟!
هو دة السؤال ...
هو ده اللى نفسنا نوصل ليه
مش عايزين نوصل لدرجة الديكتاتورية معاكم
عايزين نحقق الهدفين علشان من غير واحد فيهم القسم مش هيبقى كويس
و عايزة أزود حاجة بسيطة كمان .. إحنا لما بننقل مواضيع فى أول نزوله مش معنى كده إننا عايزين نطفش العضو أو عايزين نقوله تعبك اهو حدفناه الأرشيف
و الله ماقصدنا كده أبداً إحنا عارفين إنكم بتتعبوا فى المواضيع بس عايزة أقولكم إننا بيجيلنا ممل من كتر حذف الردود اللى مافيهاش مناقشة .. و ماينفعش مثلاً يكون فى موضوع مكرر و أسيبه لغاية ما يتملى ردود و بعدين أنقله الأرشيف !! يبقى كده ضيعت تعب كل اللى دخلوا الموضوع
Travel 27-07-2009, 12:19 PM كل اللى عايزة أوضحه للجميع إنكم يا ريت ماتتعبوش نفسكم و تكتبوا مواضيع فكرتها إتناقشت فى القسم قبل كده لإننا بدأنا نحذف المواضيع دى لإننا عايزينكم تناقشوا أفكار و مواضيع جديدة و ماتضيعوش مجهودكم فى كتابة المواضيع اللى فكرتها مكررة و ده أكيد هيفيد القسم جداً
مها بصى ف مشكلة انتى عندك لما العضو بيسجل وبيكون جديد مبيكونش عارف ايه المواضيع القديمة من الجديدة وبيبقى جواه عاوز يشارك وخلاص وعاوز ينزل مواضيع بالتالى كانك مبتقوليش اى حاجة وهيكون هو هو التعب لحد ما يعرف ويتعود ودى مشكلة اذلية
اما ف حتة المواضيع انها بقت مكرر
ف لو الموضوع متاخد كوبى بست زى ما مواضيع كتير بتنزل ف ده اكيد يتحذف
اما لو العضو هو اللى كاتبه بنفسه وبايده وفكرته مكررة ف ده يتم دمجه ع هيئة ان موضوعه ده هيتاخد كانه راى ف الموضوع الاصلى
لانه كتابيا بيكون مختلف خالص خالص عن الاصلى
وقلتلكوا ان تقريبا نفس الكلام ده حصل ف الفترة بتاعة
(ضرب بوش بجزمة الصحفى)
ونسمة قالت انها هتحذف كل المواضيع اللى هتنزل رغم ان كلها مكانوش زي بعضها
وهنا قلتلها يتم دمج المواضيع افضل ع اعتبار ان الفكرة هى اللى ثابتة لكن المواضيع تعتبر كردود
وده اللى حصل بدانا ف دمج المواضيع كلنا
متقوليليش هيكون صعب وسهل عليها والكلام ده كلوا
احنا 4 ع القسم
اسيل رزق,اوركيديا,ترفيل,محمود طه
العيب فينا احنا مش ف الاعضاء
ثالثا باين كده
المشرف مش بيتعامل زي العضو
يبقى ازاى المدير زي العضو
قمة المتناقضات
لا مفيش فرق بين مشرف وعضو ومدير
واقرب مثال
موضوع رصاصة الرحمة الاخير تم حذفه
واهو ادارى
:)
النظرة دى بتتمثل ف بعض الاعضاء لما بيتحذفلهم مواضيع ليس الا
ثم انت بتقول كده هاتلى اثبات او دليل ع كلامك
حد ف الادارة موضوعه مخالف ومتنقلش وفضل متساب وعضو موضوعه كده اتشال هوا
جبلى مقارنات ويبقى الكلام بالدليل
:)
wafa2y 27-07-2009, 05:42 PM كلام جميل
ربنا يوفقكم علي ال248 صفحة
:078111rg3:
اوركيديا 27-07-2009, 06:16 PM على بركة الله
مش كلها يعني يا اسيل بيكون ليها الحق تتنقل ومعتقدش ان الواحد يستشهد بحادثة مثلا من جريدة مصرية يبقى الموضوع مكانه ملفات مصرية ولكن بيكون علشان السبب ده
-يمنع وضع أى مواضيع علميه دون الأشاره الى الدليل و المصدر
والواحد بيتكلم ولا حدش يسمع وكل شوية هتبعت رسالة لي ده ولا ده انتا عدنك 4 شغالين ف القسم العام وطبعا المنتدى زي الفل والواحد بيغيب علشان فترة الشغل وكده يوم مايتفح المنتدى لو فتح يعني تلاقيكي مواضيعك منقولة والقسم اللي سايبه وانتا عارف مواضيع تجي تلاقيه اتغير اروح بقى ادور في صفحة المحذوفات والمكررة اللي في القسم بتكون ملل وشلل ...... وكل حاجة
امممممممم
و حضرتك ليه تدور هناك
افتح البروفيل بتاعك و الاحصاءيات و شوف مواضيعك
و حتلاقى جمب كل موضوع مكانه
و اللى فى قسم المكرر بيبقى مكتوب انه هناك
اما المحذوف و ده قليل اوى ابعت للمشرف
و عامه اصلا
موضوع اسباب الحذف و النقل موجود
و تقريبا اغلب المواضيع بتتكتب هناك و الحمد لله
امال انا حطاه فى توقيعى بيعمل ايه
بيتفسح
:slap1qk6:
تانيا انتا لو عملت موضوع مكرر المفروض (ده عند المكوجي مش هنا) المشرف بجيبلك رابط الموضوع ويقولك مكرر يا اما في رسالة خاصة او ما يتعبش نفسه وهو بينقل يقول مكرر ومع وضع رابط المكرر علشان تكون على يقين
المواضيع بقى المحذوفة يطلع عينك ان تلاقي السبب مقنع ابدا
ههههههههههههه
فى الموضوع الغلبان الكحيان اللى جابلى اكتئاب كل ما اشوفه و انا برد ده
بيتحط الموضوع االاصلى
:(
( على الاقل انتم قلتم ايام استاذ اشرف كان بيرخم ويحذف - مش عارف لية بيخرم يعني انا بهدئ النفوس , الراجل مش موجود وانتم بتقولوا كده - على الاقل والله كلمة لاسباب ادارية اهون من انه يقول يشبه جرس الفسحة - على الاقل تحس كده ان مهيب الركن وبيقولك ملكش دعوى مش بدل ما يسكتك يقولك سبب مش مقنع يخليك تتجن -)
هههههههههه
طاب نتراهن
هاتلى موضوع اتحذفلك و كان ظلم و جبروت
و انا مستعده اسيب الاشراف ده خالص
:d
شكلك حتشمر ايديك و تدور فى الموضوعات من سيعه ما مسكت انا
نفسكووا فيها تى
:d
ثالثا باين كده
المشرف مش بيتعامل زي العضو
يبقى ازاى المدير زي العضو
قمة المتناقضات
يعني مشرف بيعمل موضوع مكرر وبيكون منقول بتم الدمج , مع العضو الغلبان بيتم النقل
خلييها على الله
هههههههههه
اكيد كلها على الله
احنا لينا غيره
اسأل محمد ناصر
و هو يرد على النقطه تى
:romarioxp6:
معلش يا اسيل قلت افكركم بس بشوية حاجات
وانا مش اقصد احبطك ولا حاجة يعني بيييييييييس
على بركة الله ونكمل بعدين
ههههههههههههههههه
ده كله و بيس
امال لو ناوى على وار كنت حتقول ايه
:d
شدة اكتر شوية
ومحدش يزعل من القوانين
هههههههههههههه
ايون ايون
فعلا انا شايفه محتاجين شده اكتر من كده
248 صفحة
كتار اوى
انا بقول اللى ينزل مواضيع يتوقف 3 ايام و لا حاجه
احنا ناقصين
:d
المشرف عايز يظبط القسم ويخليه أحسن قسم فى المنتدى
والعضو عايز إهتمام واحترام أكتر لموضوعاته اللى بيتعب فيها
هى دى المعادلة الصعبة
ولو اتحققت الكل هيبقى مبسوط وسعيد
بس إزاى تتحقق ؟!
هو دة السؤال ...
ههههههههههه
مش عارف
مفيش اختيارات
:(
اممممممم
بجد
ياريت توضيح اكتر للطلبات بس بادله عشان يبقى كلامنا على اساس
و نطلع منه بحاجه
:)
كلام جميل
ربنا يوفقكم علي ال248 صفحة
:078111rg3:
هههههههههههههه
ربنا يعين
مع انى حاسه اتها تريقه
:bosyht9:
أسيل رزق 27-07-2009, 06:24 PM كلامك ده يا زينب لو المواضيع جديدة يتم دمجها
لكن إحنا هنجيب منين المواضيع القديمة كلها وندمجها .. دمج موضوعين يعنى بالظبط بنبوظ الحكاية أكتر
الأعضاء هيقولوا اشمعنا ده تم دمجه لازم الكل يتدمج
و هنا بقى هنسيب شغلنا و ندور على المواضيع المشابهه
أنا عندى فكرة هبقى أكلمكم فيها بعدين
و أنا خلاص لو مالقتش حل للمشكلة دى غير الدمج يبقى مش هدمج ولا هحذف
معاذ أنا نسيت أرد عليك فى الجزء اللى ردت عليك فيه زينب
أنا من كام يوم لقيت موضوع استاذ عصام متثبت فى العام بدون أى مناسبة .. أستاذ عصام على عينى وراسى بس المواضيع المثبتة مش بتنادى على مواضيع تانية تتثبت فلغيت تثبيته و إنهارده تم نقله لقاءات وحوارات
اوركيديا 27-07-2009, 06:33 PM مها بصى ف مشكلة انتى عندك لما العضو بيسجل وبيكون جديد مبيكونش عارف ايه المواضيع القديمة من الجديدة وبيبقى جواه عاوز يشارك وخلاص وعاوز ينزل مواضيع بالتالى كانك مبتقوليش اى حاجة وهيكون هو هو التعب لحد ما يعرف ويتعود ودى مشكلة اذلية
لو قولنا مشكله ازليه و سكتنا
يبقى خلاص ننام على الحيط احسن
الموضوع اننا عايزين طريقه اسهل فى البحث و انا فى دماغى فوكره كده
بس حتحتاج وقت على ما تتنفذ صح
الله المستعان
:bosyht9:
اما ف حتة المواضيع انها بقت مكرر
ف لو الموضوع متاخد كوبى بست زى ما مواضيع كتير بتنزل ف ده اكيد يتحذف
اما لو العضو هو اللى كاتبه بنفسه وبايده وفكرته مكررة ف ده يتم دمجه ع هيئة ان موضوعه ده هيتاخد كانه راى ف الموضوع الاصلى
لانه كتابيا بيكون مختلف خالص خالص عن الاصلى
وقلتلكوا ان تقريبا نفس الكلام ده حصل ف الفترة بتاعة
(ضرب بوش بجزمة الصحفى)
ونسمة قالت انها هتحذف كل المواضيع اللى هتنزل رغم ان كلها مكانوش زي بعضها
وهنا قلتلها يتم دمج المواضيع افضل ع اعتبار ان الفكرة هى اللى ثابتة لكن المواضيع تعتبر كردود
وده اللى حصل بدانا ف دمج المواضيع كلنا
متقوليليش هيكون صعب وسهل عليها والكلام ده كلوا
احنا 4 ع القسم
اسيل رزق,اوركيديا,ترفيل,محمود طه
العيب فينا احنا مش ف الاعضاء
اممممممممم
اتناقشنا فى الحكايه دى قبل كده
بس اقول ايه
مخك .... :slap1qk6:
يا حبيبى الموضوع اللى انتى جايبه عليه مثال ده كانت ظاهره
الكل بيكتب فيها
و مش اتناقشت قبل كده
كلهم فى اول صفحتين و دمتم على كده
فطبيعى سهل
هوب هوب
اهم الموضوعات و ادمجوا
:006et4:
اما بقى اللى احنا بنتكلم عليه
مثلا موضوع عن المعاكسه و لبس البنات
كام موضوع اتعمل عنهم
هووووووووووه
مش تعدى
انا مثلا اللى فاكراه بتاع خالد
انتى فاكره واحد تانى بتاع عضو تانى
أس أس فاكره تالت و هكذا
فى ميت موضوع
لو ضمينا اللى احنا فاكرينهم بس
بيبقى ظلم للتانين
حتقوليلى نضم للناس الموجوده دلوقتى بس
اقولك الفكره ان الموضوع بيبقى متناقش اكتر من قدرتك على الحصر
عشان تقولى اللى موجودين او لاء
:bosyht9:
فى رعايه الله
Observer 27-07-2009, 07:54 PM يا جماعة دة إسمه قسم عاااااااااااااااااااام
وعارف والله إن فيه أقسام تانية وبرضه للحوار والمناقشة ممكن العضو يكتب فيها
بس دة إسمه القسم العام ومن حق أى حد ينزل فيه أى موضوع فى أى مجال ودة حقه
لأنه ببساطة اسمه القسم العام
:039uw8:
وهو دة التحدى للمشرفين ، حد يقولى إيه هو التحدى يا عم الحلو
أقوله التحدى هو إظهار الروح الديمقراطية وسعة الصدر والفطنة بشكل أكبر
وتكبير الدماغ أحياناً عن بعض الآراء أو الموضوعات متوسطة المستوى أو الموضوعات الخفيفة
أنا أعرف بعض الأعضاء سابو المنتدى واستقالو بسبب الحذف والحجر على الآراء
وفى ناس بتقول الله يكون فى عون الحكومة اللى مستحملانا واحنا مش طايقين بعض !!
:bosyht9: الموضوع فى منتهى البساطة :bosyht9:
اتركوا الموضوعات دون المستوى بلا حذف وستجدون أنها اختفت فى أقل من ساعة إلى الخلف
لأن القارئ حكيم وعنده القدرة على التمييز بين الموضوع الجيد وغير الجيد
وصاحب الموضوع لما يلاقى موضوعه متقراش هيغير نوعية الكتابة للأفضل
وفى نفس الوقت هيحس بالديمقراطية أكتر ويحبه أكتر
وانتو يا مشرفين هترتاحو أكتر أكتر وأكتر
جربو ومش هاتندموا
:friendsxs3:
mohamadelhawary 27-07-2009, 09:54 PM 11-يمنع وضع اى مشاركات تتضمن محتوى نقدى غير بناء
و حتى لو كان بناء
علاء سيف 28-07-2009, 06:00 AM الغالية اسيل والعزيزة اوكيديا وباقي المشرفين الاعزاء
اكيد هتلاقوا نقد كتير انتم هنا الحكومة وماحدش يبعجبه قرارات الحكومة
ولكن انا شايف مجهودكم رائع رغم ان حذف لي ونقل عدة مواضيع ولي عندكم طلبين
الاول عدم الحكم على اي موضوع انه مكرر او ينقل من مجرد عنوانه ساعات بتحصل
ماهي معايير ان الموضوع يثبت ان مش عارف ارجو نشرها
شهدالجنة 28-07-2009, 09:30 AM تمام يافندم علم وينفذ بس ساعات فعلا
مش بتبقى لها ممكن تتحذف عموما ع بركة الله
*NODY* 28-07-2009, 10:39 PM مع انى مش فى المنتدى من زمان
ولسه مكتبتش مواضيع
بس انا عاوزة اقول .......
ايه المشكله لو فى حد عاوز يتكلم فى موضوع
سبق وان تكلم فيه غيره بس بطريقته وباسلوبه
ممكن يكون عنده وجهة نظر فيه تحترم
ymymym 29-07-2009, 03:23 AM الغالية اسيل والعزيزة اوكيديا وباقي المشرفين الاعزاء
اكيد هتلاقوا نقد كتير انتم هنا الحكومة وماحدش يبعجبه قرارات الحكومة
ولكن انا شايف مجهودكم رائع رغم ان حذف لي ونقل عدة مواضيع ولي عندكم طلبين
الاول عدم الحكم على اي موضوع انه مكرر او ينقل من مجرد عنوانه ساعات بتحصل
ماهي معايير ان الموضوع يثبت ان مش عارف ارجو نشرها
هما قالوا حاجه متكلموش اصلا اليل قالته اسيل واضح انهم شافوا الموضوع مكرر يعني بالحرف والمسطره فبيتحذف لانه مالوش لازمه خلاص ماهو موجود واللي كتبه قبلك ليه الحق اللي موضوعه يتحط لكن هما مش من عنوان هيحذفوا لأ هما بيشوفوا المحتوي نفسه هو هو بيحذفوا متغير او نفس الفكره ممكن يدمجوه
خلاص انتهت الحكايه علي كده
غير كده انا ملاحظه ان كلام مها واضح قوي ومافيهوش حاجه تتعاب او مثلا اننا نعترض عليه
لانه كلام صح فعلا
وربنا يعينكم علي ال248 صفحه دول :p
اوركيديا 03-08-2009, 03:05 AM يا جماعة دة إسمه قسم عاااااااااااااااااااام
وعارف والله إن فيه أقسام تانية وبرضه للحوار والمناقشة ممكن العضو يكتب فيها
بس دة إسمه القسم العام ومن حق أى حد ينزل فيه أى موضوع فى أى مجال ودة حقه
لأنه ببساطة اسمه القسم العام
انا فاهمه حضرتك
بس الموضوع كله
ان ده اسمه القسم العام زى ما بتقول
بس مش معناه ان اى حاجه تتحط فيه
لاء معناه ان المواضيع اللى مش ليها مكان تانى
هى اللى تتحط
لو بالمنطق ده كده المفروض نلغى كل الاقسام و نسيب القسم العام بس
و لا ايه ؟؟؟
اتركوا الموضوعات دون المستوى بلا حذف وستجدون أنها اختفت فى أقل من ساعة إلى الخلف
لأن القارئ حكيم وعنده القدرة على التمييز بين الموضوع الجيد وغير الجيد
وصاحب الموضوع لما يلاقى موضوعه متقراش هيغير نوعية الكتابة للأفضل
وفى نفس الوقت هيحس بالديمقراطية أكتر ويحبه أكتر
انا فاهمه حضرتك
بس هو كده احنا وظيفتنا ايه ؟؟
لما كل المواضيع الناس تشوفها و تضيع وقتها فيها و هى مش على المستوى المطلوب
احنا وظيفتنا بالاضافه للحذف و النقل بالنسبه للمكرر
هو معرفه المواضيع اللى مش على المستوى و نحذفها
مش كتره على الفاضى هى
و تضييع لوقت الاعضاء
يعنى لو عملنا كده مع المواضيع اللى حتروح ورا اللى مش على المستوى
مواضيع تانيه على المستوى بردو حتروح لورا و يبقى كده فقدنا روح العام
و ده اللى انا شايفاه حاليا
نووووووووووم
:bosyht9:
11-يمنع وضع اى مشاركات تتضمن محتوى نقدى غير بناءو حتى لو كان بناء
يا جماعه انا قولت و الله
طلعولنا اخطاءنا
و انتوا حقكوا حيبقى قدام الكل
زى ما بقول على طول
احنا زى العربيات
على طول بنشوف كشافات الناس اللى قدامنا بس عمرنا ما بنشوف كشافتنا
و زييها مش حد بيشوف عيوبه
ورونا العيوب
و احنا مستعدين نغيرها
حنمانع ليه
؟؟؟؟
لهى حاجه دايمه و لا حاجه مريحه اصلا
هوففففففف
:bosyht9::bosyht9::bosyht9:
ماهي معايير ان الموضوع يثبت ان مش عارف ارجو نشرها
بيعتمد اولا على فايدته للقسم
و انه حيوى و فى نقاش
و كمان يكون من كتابه العضو نفسه
بس كده
:)
شكرا يا جماعه لكل اللى ردوا
و بقول تانى
خلوا الموضوع ده لاى شكوى شايفينها مننا او حاجه زياده عايزينها
بجد انا اكتئبت
العام نايم جداااااا
و مش فى مواضيع كويسه
:bosyht9:
يلا فى رعايه الله
فنكوشه المنكوشه 03-08-2009, 03:38 AM ازيك يا اسيل عامله ايه :)
عارفه يابنتي انا مشكله حياتي المشاركات
ساعات تلاقي واحد دخل قسم ومن غير ما يبص للمواضيع اصلا ياخد كوبي من رده ويرد بيها علي المواضيع كلها
ودا عشان يزود مشاركاته
بتنرفز جدا من اللي يقولك شكرا علي الموضوع تقبل مروري ياسيدي انا مش متقبله
بس عارفه لو المشرفين اول ما يشوفوا ردود من النوع دا يحذفها هتلاقي الموضوع دا يخف
شويه بشويه
اما بالنسبه للمواضيع غلبيه المواضيع بتلاقيها منقوله
|