|
مشاهدة النسخة كاملة : الحمد لله ان جاتلى تجارة القاهرة اعمل ايه دلوقتى؟! totti_pop_2008 27-07-2009, 10:40 AM يا جماعة الحمد لله:022yb4: اخيرا جاتلى تجارة القاهرة(مش مهم انتساب حلو)دلوقتى بقى هعمل ايه واروح الكلية امتى؟ وأخد معايا ايه؟ وبطاقة الترشيح دى اطبعها ولا ايه؟وهل يوجد اقسام فى تجارة(بخلاف الانجلش) ويا ريت تقولولى ايه احسن قسم ؟ :040vk0:واخد دورات(انجلش وكمبيوترامتى) ارجو الرد سريعا .....وشكرا ....! black love 27-07-2009, 11:14 AM بضم صوتى لصوتك انا تجاره انتظام عين شمس totti_pop_2008 27-07-2009, 11:19 AM طب وانتا هتتكلم بأيه ههههههههههههه مش عارف لسه المشرفين مصحيوش ولا ايه احنا منتظرنهم اهه totti_pop_2008 27-07-2009, 12:11 PM ايه يا جماعة انتوا فيييييييييين؟ vampire1188 27-07-2009, 06:25 PM يا جماعة الحمد لله:022yb4: اخيرا جاتلى تجارة القاهرة ألف مبروك .. زمايل يعني دلوقتى بقى هعمل ايه واروح الكليةامتى؟ دلوقتي هاتعمل الآتى بالخطوات : 1- هاتستنى لما يفتحوا باب القبول وتقديم طلبات الالتحاق في الجامعات ودا غالبا هايبقي خلال اسبوع من دلوقتي .. دا ان مكانش بدأ اصلا كدا كدا انا نازل الجامعة بعد بكرة ان شاء الله (يوم الاربع يعني) .. هابقي اسألك في الشئون وعلى فكرة .. الشئون تقريبا اتنقلت لمدرج جـ و د .. انتساب في مدرج جـ وانتظام في مدرج د فانتا اسأل فين مدرج جـ وخشه وقدم ورقك عادي .. وسواءا كدا او كدا استني ليوم الاربع هاسأل وهابقي اقولك 2- هاتقدم ورقك للكلية .. اللي هوا ايه بقي ؟؟ اصل استمارة الثانوية العامة - شهادة الميلاد - 6 صور (4×6) - استمارة 2 جند (عشان تأجيل الجيش) واهم حاجة بطاقة التنسيق .. 3- حط كل الاوراق دي في ملف بلاستيك من ابو كبسولة دا .. وقدمه للناس اللي هناك في الشئون هاتتلاقي يقوم فاتح كشف كبير كدا .. الكشف دا ياسيدي هوا اللي مكتب التنسيق باعته ليهم فالموظف اللي قاعد هايفتحه ويدور على اسمك عشان يتأكد من ان البيانات صحيحة .. بعد مابيستلم الملف منك ويتأكد من ان كل الاوراق سليمة ومستوفية .. بيقوم شاطب على اسمك في الكشف 4- روح نام و اما تصحي ابقي قولي انتا عملت ايه !! وبطاقة الترشيح دى اطبعها ولا ايه أكيد يعني .. امال هاتخش الجامعة ازاي اصلا ؟! .. ماهيا دي بمثابة الكارنيه بتاعك لغاية ماتطلعه ايه؟وهل يوجد اقسام فى تجارة تجارة القاهرة فيها 3 اقسام .. محاسبة / ادارة اعمال / تأمين والتخصص من سنة رابعة تجارة عين شمس .. فيها قسمين .. محاسبة / ادارة اعمال والتخصص برده من سنة رابعة احسن قسم .. غالبا بيبقي فسم المحاسبة مش عشان جماله طبعا !! .. لا عشان الشغل فيه كتير ماشاء الله totti_pop_2008 27-07-2009, 07:01 PM انتا برنس من الاخر وان شاء الله ابقى اقابلك فى الكلية(عند مدرج العيوطى) وصحيح انت طالع القرقة الكام؟:confused::confused: vampire1188 27-07-2009, 07:03 PM انتا برنس من الاخر زان شاء الله ابقى اقابلك فى الكلية(مدرج العيوطى) أيون .. تمام اوي كدا .. هاتتلاقيني راقد هناك على طول انتا اسأل بس فين فامبير .. وهاتتلاقي ولا واحد هايعبرك ان شاء الله !! وصحيح انت طالع القرقة الكام؟ تالته انتظام ان شاء الله totti_pop_2008 27-07-2009, 07:14 PM هههههه ماشى ياعم (اول ما اروح هسأل عليك ) بس هو ده اسمك الحقيقى؟؟!! vampire1188 27-07-2009, 07:18 PM هههههه ماشى ياعم (اول ما اروح هسأل عليك ) بس هو ده اسمك الحقيقى؟؟!! لا طبعا .. اسمي الحقيقي هابقي اقولك عليه بعدين totti_pop_2008 27-07-2009, 07:20 PM بعدين امتى ؟ (هو وحش ولا ايه ) vampire1188 30-07-2009, 11:16 PM بص يا سيدي .. روحت وسألتلك .. قالولي ان التقديم هايبقي من اول يوم 2/8 .. وهاينتهي يوم 27/8 معا ملاحظة ان شئون الطلبة حاليا موجودة في مدرج جـ و د يعني انتا اول ماتخش الجامعة اسأل على كلية تجارة .. اول ماتروحها .. اسأل على مبنى مدرج جـ و د اول ماهاتخشه هاتتلاقي مدرج ج على يمينك ومدرج د على شمالك خش مدرج جـ (عشان دا بتاع انتساب) وقدم ورقك زي ماقولتلك وكدا يبقي تمام اوي totti_pop_2008 31-07-2009, 05:55 PM الف شكر يا باشا (وان شاء الله هقابلك فى الكلية ونكون صحاب كمان) التؤمان 31-07-2009, 08:53 PM بيقبلوا بالمجموع ولا الحروف الا بجدية ارجو الرد السريع التؤمان 31-07-2009, 08:56 PM ها محدش رد يعنى برنسيسة الهدوء 01-08-2009, 07:54 AM والله وجه اليوم اللي ادخل فيه تجارة انجلش استغر الله العظيم يارب ..Just Stop 01-08-2009, 12:33 PM سلام عليكم |