السلام عليكم ورحمة الله وبركاته

اولا باقول لكل اخواتي في الثانوية العامة بعد ظهور التنسيق الف مليون مبروك لكل واحد فيكم :022yb4:
وان شاء الله دوام التفوق في الجامعة وربنا معاكم ان شاء الله

ثانيا بصراحة انا عاملة الموضوع ده لاي طالب او طالبة التحقوا جديد بكلية طب الفيوم
لاني بصراحة واجهت السنة اللي فاتت شوية مشكلات كدة ان اغلب المواضيع اللي بتتكلم عنها في المنتدى عن
الكليات وكليات الطب بصفة خاصة بتكون معلومات بوجه عام او عن جامعات زي القاهرة وعين شمس وغيرهما باعتبار ان الغالبية هنا من هناك وبالتالي اني اعرف معلومات عن كلية الطب جامعة الفيوم كان صعب شوية

باختصااااااااااااااااار يعني عشان رغيت كتير ....لو اي حد دخل طب الفيوم جديد ومحتاج اي مساعدة او اي معلومات عن اي حاجة في الطب او الكلية يكتب هنا في الموضوع ومش يتردد وانا هاساعده على قد ما اقدر

أنا دخلت طب البحارى للأسف ولو ممكن الأفادة ياريت نتكلم ع الشات:(

اه انا ان شاءالله طب الفيوم كنت عايزة اعرف هل اخد فكرة عن الدراسة وخصوصا فى مواقع كتيرة بتنزل حاجت من دى ولا اصبر دلوقتى لان الجازة بدات من حوالى شهر بس يعنى لسه فى شهرين وكمان هى المذاكرة بتكون من كتب الدكاترة وشكرا على اهتمامك

الشكر لله يا ايمان واهلا بيكي وبروضه ونورتوا الكلية بجد والف مبروك ليكم :022yb4:
وعلى فكرة يا روضة بجد انا كنت متضايقة زيك شوية لما دخلت الكلية وكدة بس لقيت ان وجودي وسط اهلي بالدنيا كلها وكمان على فكرة بجد طب الفيوم جميلة جدا وكل حاجة فيها بجد لذيذة
المعيدين متعاونين جدا جدا جدا والدكاترة باستثناء قلة قليلية الحمد لله
وهتعرفي قيمة انك تبقي في كلية عدد الطلبة فيها قليل بعدين بجد رهيبة في الاستفادة وفي التعيينات بعدين ان شاء الله وكدة
المهم عايزة اقولكم انكم علشان تتفوقوا في كليتنا دية باذن الله لازم تحبوها بجد وترضوا عنها جدا جدا جدا وتعرفوا انها اجمل هدية من ربنا حتى لو ليها عيوب
عموما يا روضة انتي وايمان لو حابين نتكلم على الميل ابعتلوي اميلاتكم في رسالة خاصة وانا تحت امركم في اي معلومات عن الكلية ان شاء الله


بالنسبة لسؤالك يا ايمان انا هاقولك انتي اقرأي اي حاجة تلاقيها ليها علاقة باولى طب بس يعني مجرد قراءة كدة بجد هتخليكي تاخدي فكرة عن المناهج وكدة بس مش تديها اكبر من حجمها واستمتعي باجازتك على قد ما تقدري وان شاء الله وقت وايام الدراسة هيكفوا لكل حاجة بجد حتى الترفيه بس المهم ننظم وقتنا ونرضي ربنا
بالنسبة للكتب احنا بنذاكر من كتب القصر العيني كتب القسم هناك بيكون عاملها دكتور كبير مش بيحاضر عندنا وممكن يحاضر في القصر العيني وممكن لا المهم ان الكتب دية بتبقى موجودة من اول السنة ان شاء الله في مكتبتين؛ (ابن سينا) ودية المفضلة لطلبة الاكاديمي (ال3 سنين الاولى يعني ) وهي في الشارع المقابل لباب الطلبة ومكتبة ER ودية مفضلة للطلبة الاكبر بس برضه فيها كل الكتب عادي ودي عند باب الادارة من الخلف
المهم ان الكتب دية انا عن نفسي كنت بذاكر منها وهي كويسة والامتحان منها بس برضه في ناس تحب تذاكر من مذكرات الدروس ودية متوفرة في المكتبة حتى لو مش بتاخدي درس زي مذكرات د/ناجي ود/شريف في الفسيولوجي وغيرها ممكن اقولهالكم بالتفصيل او هتلاقوا اعلاناتها في المكتبة ان شاء الله
وفي كتب اناتومي بتكون مختصرة ورسوماتها افضل من كتاب القسم زي كتب د/ سامح دوس
بس مشكلتها ان في دكاترة بيكتبوا معلومات صغيرة وسط كتاب القسم وبس ومش في اي كتب تانية ويسالوا فيها شفوي
بس ده نادرا فاللي يريحكم في المذاكرة امشوا عليه

اتمنالكم التوفيق باذن الله وربنا يوفقكم وتجيبوا امتيازات طوووووووووووووول سنين الكلية ان شاء الله
اه نسيت اقول ان الامتياز في كليتنا سهل جدا جدا جدا ان شاء الله بس المهم تنظيم الوقت والتوكل على الله واخلاص النية
واي مساعدة انا تحت امركم بس اكتبوا اللي انتم عايزينه ومش تتكسفوا انا باحب اساعد اخواتي الصغيرين زي ما غيري ساعدوني قبل كدة
واسفة على تأخير الرد لاني افتكرت مفيش حد دخل طب الفيوم هنا
واخيرااااااااااا وبجد شعاري
ابتسم انت في اجمل مكان بالعالم (طب البحاري)
الحمد لله

السلام عليكم انا هبه دخلت طب الفيوم العام هل نحتاج اطلس لجسم الانسان السنة ديه ارجو الرد سريعا

:078111rg3: اهلا بيكي يا هبة
معلش في مشكلة في النت هرد عليكي حالا

وعليكم السلام يا هبة واهلا بيكي
بصي مش هتاحتاجوا اطلس ولا حاجة
رسومات الجسم بتكون موجودة في كتب الاناتومي
يعني مثلا كل عضلة وشرحها وبعدين الرسمة وكدة
بس طبعا الاطلس للزيادة وكدة مش تشتريه
جبيه من النت او صوري اللي تحتاجيه مش دلوقتي يعني لواحتاجتي حاجة
في اطالس د/فوزي جاب الله كويسة بس زي ما قولتلك مش تشتريها صوري اللي تحتاجيه

السلام عليكم انا هبه انا بدخل من اشتراك اخى لان ماعندش ايميل لان ما عندش اصحاب ليهم ايملات ياريت حد يقولى اشتك ازاي علشانر

انا نفسي نكون اصحالب لان خايفة وقلقانة اني لااحصل علي تقدير كويس لان معي بنات اشطر مني كما انى اشعر انهم يحتقروني لان مجموعياقل منهم

ارجوك ردوا عليا وياريت نتعرف اول ادخل الكلية لانى حاسة اني هابقي وحيدة انا اسفة القال مقطع لان لوحة المفاتيح عطلانة انا حصلت فى ثانوي على ثمان وتسعونو وثلاثة من عشرة ارجوكم ردوا

ايه يا هبة ما تقوليش كدة خلي عندك ثقة في نفسك وفي كرم ربنا
وانك زي ما ربنا كرمك ودخلتي الكلية اكيد ان شاء الله هتجيبي تقدير امتياز كمان لانك عندك القدرات العقلية بفضل ربنا
انا بعتلك ايميلي في رسالة خاصة وانتي اعملي ميل وابعتيهولي وان شاء الله نكون اصحاب
وربنا معاكي يا قمر

عاوزة اعرف اسمك انا ممكن اعمل ايمل ولكن مش اعرف ايميلك لان مش اعرف الرسلة الخاصة ارسلتيها فين هل هي الرسالة ارسلتيها علي ايميل اخى خالد ارجو ان تلتمسى لى الع>ر لان لااجلس على الكمبيوتر كتير فليس لدى خبرة

ماشي يا عسل ما فيش مشكلة خالص
الرسالة الخاصة مش على ايميل اخوكي ولا حاجة لاني مش اعرفه اصلا
الرسالة الخاصة هنا على المنتدى ممكن تدوسي على كلمة الرسايل الخاصة اللي بتكون موجودة تحت مرحبا بك ...
فوق في اول صفحة المنتدى على الشمال وهتلاقي الرسالة وخلي اخوكي يساعدك
مستنية ايميلك

السلام عليكم انا عملت اشتراك لنفسى وابعتى لى ايملك تانى فى رسالة خاصة وانا ساضيفك ونتكلم براحتنا انا بجد مشتاقة انى اعرف عنك حاجات كتير كما انك جعلتني اتعلم اعمل اشتراك لنفسى فى النتديات لان الحاجة ام الاختراع

مع السلامة وفى حفظ الله انا عايزة اعرف تقديرك العام الماضى

هل انت موجودة دلوتى اكلمكفى المنتدى رد[]ي عليا انا بجد نفسى

ارجوك ردي انا متضايقة ومحتاجة اتكلم معاك

معلش يا هبة والله مش شفت ردك الا دلوقتي
وانا مش بادخل كتير عموما انا بعتلك الميل
ويا ريت انتي كمان تبعتيلي ميلك
وتقديري يا ستي العام الماضي الحمد لله امتياز بفضل الله
اي حاجة تانية؟

سلامتك
غى حفظ الله