مشاهدة النسخة كاملة : المرحلة التانية .... ضايعين ضايعين
Eng. Alios 28-07-2009, 02:27 AM سلام عليكم
اللي داخل مرحلة تانية رياضة زي حالاتي كده
ربنا معاه بقى
لأنه مش ح يبقى قدامه غير
الحاسبات و المعلومات
و بس ...
و العلوم , ربنا معاهم ...
اما الادبي , فـحيلاقوا أماكن ليهم في كل كلية ... يعني ماشية معاهم
لكن اعتقد ان ربع الطلاب اللي في المرحلة التانية هما اللي ح يتقدموا
لانه كله ح يتجه للخاص , و بالذات علمي رياضة
طبعاً انا لا اتوقع , لان العلم عند الله سبحانه و تعالى
لكن انا بحط احتمال ضعيف من اللي موجود قدامي
كتير من اصحابي و كتير من الناس هنا قالوا انهم ح يتجهوا بقى للكليات الخاصة و المعاهد الخاصة
يعني الوزير ضرب رياضة في كل حاجة
و مش عارف هما جايين على علمي رياضة ليه بالذات ؟
يمكن علشان يمنعوا انهم يطلعوا عباقرة في تلك البلد
مش عايزين الناس تشغل دماغها
على العموم
كل واحد يكتب و يقول هو ناوي على ايه
يعني انا لو مجتليش حاسبات لا قدّر الله
أو فنون جميلة عمارة - ده لو اتبقى فيها مكان -
يبقى ح اسحب ورقي بكل هدوء و اروح للفنية العسكرية
كلية مضمونة في شغلها
و اللي يتخرج منها بيبقى حاجة كبيرة في البلد
او الدفاع الجوي
و ربنا اللي بيقدم اللي فيه الخير
و جزاكم الله كل خير
و بالتوفيق ...
maryam.s 28-07-2009, 02:35 AM طيب مالها علوم انا صحبتى رياضة 2 وعمالة اقولها علوم علوم بس مامتها اصلا مش مخلياها تحس انها نافعة وبتقولها تجارة اخرك
هو حضرتك ما تعرفش اى قسم ينفع تكون منه دكتورة تحاليل؟؟؟؟؟؟؟؟؟؟؟ يعنى تفتح منه مركز تحاليل ولا اخليها ع تجارة انجليش مثلا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اين اشتين 28-07-2009, 02:38 AM انا زيك جايب 90.7% علمى رياضة هشوف هندسة خاصة
bibo.bibo 28-07-2009, 02:44 AM انا ليا تعليق بسيط
حضرتك تقصد ايه بالحفيظه
علفكره مش كل ادبي حفيظه بس الواحد لو مكنش فاهم عمره مهيحفظ
نرجع بقي لموضوعنا الاصلي
الادبي التسيق بتاعه حلو والحمد لله متبقي فيه كليات مكنتش متوقع انها هتنزل مرحله تانيه لكن الحمد لله وربنا يسهل
وعلوم يعني الي حد ما كويسه لكن الرياضه هي اللي في ضيعه خالص ربنا يكون في عونكوا
بيضيعوا تعب السنين اللي فاتوا دي كلها بالتنسيق
قل لن يصيبنا الا ما كتب الله لنا
زيزو1900 28-07-2009, 02:44 AM طيب مالها علوم انا صحبتى رياضة 2 وعمالة اقولها علوم علوم بس مامتها اصلا مش مخلياها تحس انها نافعة وبتقولها تجارة اخرك
هو حضرتك ما تعرفش اى قسم ينفع تكون منه دكتورة تحاليل؟؟؟؟؟؟؟؟؟؟؟ يعنى تفتح منه مركز تحاليل ولا اخليها ع تجارة انجليش مثلا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ع فكرة انا دكتور تحاليل من علوم
القسم اللي لازم تدخله من علوم هو قسم سبيشيل بالنسبه لعلمى رياضة بس لازم تجيب تقدير جيدجدا في سنه اولي لانه بياخد من علمى رياضة بتقدير جيدجدا
ولو خلصت بكالوريوس علوم كميا بتاخد دبلومة تحاليل سنه وبتبقي دكتورة تحاليل
Eng. Alios 28-07-2009, 02:48 AM انا ليا تعليق بسيط
حضرتك تقصد ايه بالحفيظه
علفكره مش كل ادبي حفيظه بس الواحد لو مكنش فاهم عمره مهيحفظ
نرجع بقي لموضوعنا الاصلي
الادبي التسيق بتاعه حلو والحمد لله متبقي فيه كليات مكنتش متوقع انها هتنزل مرحله تانيه لكن الحمد لله وربنا يسهل
وعلوم يعني الي حد ما كويسه لكن الرياضه هي اللي في ضيعه خالص ربنا يكون في عونكوا
بيضيعوا تعب السنين اللي فاتوا دي كلها بالتنسيق
قل لن يصيبنا الا ما كتب الله لنا
انا مش قصدي الادبي
على الاقل الادبي فيه اقتصاد و احصاء و جيولوجيا
و دول محتاجين فهم
انا قصدي علمي علوم
مجاميعهم عالية جداً
و هما السبب انهم اخدوا معاهم رياضة في الرجلين
و بالتالي نطت كليات للمرحلة الاولى مكنش المتوقع انها تنط كده
زي التخطيط العمراني و الفنون الجميلة و الحاسبات و المعلومات و معاهد الطاقة
طبعاً علمي علوم قلة قليلة منهم واخدة اقتصاد و احصاء
لكن عليهم مواد في الاساس كلها حفظ
لا تُفهم
زي الاحياء و الكيمياء
على العموم
ربنا العالم و هو المطلع
و هو على كل شيء قدير
و اي حاجة تيجي مش مشكلة
ربنا بيقدم اللي فيه الخير في اي مكان و في اي وقت
MuHaMeD kHaLeD 28-07-2009, 02:54 AM قسم البيو كيمستري
لعلمي رياضه
و ميكروبيولوجي
لعلمي علوم
..........................
زميلي بتوع علمي علوم مش حفيظه
Eng. Alios 28-07-2009, 02:55 AM دلوقتي احنا بنتكلم على رياضة
ماليش دعوة بالعلوم يا جماعة
canary 28-07-2009, 02:57 AM هوا اقل علوم واخده من كم؟
Eng. Alios 28-07-2009, 03:00 AM هوا اقل علوم واخده من كم؟
بالنسبة لمرحلة اولى و لا تانية ؟
على العموم تانية لسه مظهرتش الحدود الدنيا بالنسبة للمرحلة التانية
زيزو1900 28-07-2009, 03:01 AM قسم البيو كيمستري
لعلمي رياضه
و ميكروبيولوجي
لعلمي علوم
..........................
زميلي بتوع علمي علوم مش حفيظه
بيوكمستري وميكروبيولوجى الاتنين لعلمى علوم
maryam.s 28-07-2009, 03:16 AM يعنى كميا سبيشيل ده ينفع رياضة ومنه تكون دكتور تحاليل ولا؟؟؟؟؟؟؟؟؟
-------------------------------------------------------------------------------
وع حضرتك ما ينفعش تتكلم عن حاجة مش جربتها خالص اقصد الكميا والاحياء وبالفعل احنا موش حفيظة بالمرة اصلا
ولو المجاميع عالية نبقى حفيظة علاطول غريب اوى المقياس ده!!!!!!!!!!!!!!!!!!!!!!!!!!!!!!!!
ده اظن اللى نزل فى علمى كان بسبب النظرى الحفظ ديه اكييييييدة
و ربنا يوفقنا جميعا
زيزو1900 28-07-2009, 03:29 AM اه ينفع كميا سبيشيل بس مش هيبقي بنفس كفاءة اللي متخرج من كمياحيوى والميكروبيولوجى لان التحاليل عباره عن 60%كمياحيوى و40% ميكروبيولوجى
بس بعد مابيخللص بياخد دبلومة كمياحيوى وبياخد دبلومة ميكروبيولوجى وبيفتح معمل عادى
Bent 3bdo 28-07-2009, 03:41 AM سؤال معلش يا جماعه
هى فنون تطبقيه خلصت ولا لسه؟
وفنون جميله عمارة معلش؟
Eng. Alios 28-07-2009, 03:46 AM سؤال معلش يا جماعه
هى فنون تطبقيه خلصت ولا لسه؟
وفنون جميله عمارة معلش؟
و الله فنون جميلة عمارة احتمال ضعيف تنزل مرحلة تانية
فنون تطبيقة مخلصتش
marwa.m 28-07-2009, 03:50 AM ربنا معاكم
MuHaMeD kHaLeD 28-07-2009, 03:52 AM افتكر ان حضرتك قلت كده في موضوع كلية العلوم
بس بشرط ان الطالب يكون جايب جيد جدا لو كان علمي رياضه ......!!!
ده كلام حضرتك
وليه طبعا قسم رياضة
وليه قسم كميا سبيشيل بس بشرط يجيب جيدجدا في سنه اولي وبالتالي ممكن يبقي كميائي وبالتالي تنطبق عليه معظم الوظايف السابقة (معظمها مش كلها)
اما علمى علوم فليه كل اقسام الكليه
moon 2010 28-07-2009, 04:06 AM يا نهار
انا جايبة 379.5 يعنى 92.56 مش هلحق حتى حاسبا ت القاهرة ؟؟؟؟؟؟؟؟؟؟؟؟؟؟؟؟؟؟؟؟
زيزو1900 28-07-2009, 05:14 AM افتكر ان حضرتك قلت كده في موضوع كلية العلوم
بس بشرط ان الطالب يكون جايب جيد جدا لو كان علمي رياضه ......!!!
ده كلام حضرتك
وليه طبعا قسم رياضة
وليه قسم كميا سبيشيل بس بشرط يجيب جيدجدا في سنه اولي وبالتالي ممكن يبقي كميائي وبالتالي تنطبق عليه معظم الوظايف السابقة (معظمها مش كلها)
اما علمى علوم فليه كل اقسام الكليه
كلام مظبوط لازم يجيب جيدجدا بتاع علمى رياضة عشان يدخل قسم كميا سبيشيل
~: Zac :~ 28-07-2009, 05:29 AM انا الحمد لله جايب 379.5 يعني 92.6
يعني ف اول المرحلة التانية
وان شاء الله الحق حاسبات حلوان بعد كده هبقى احول تاني سنة لاي جامعة تانية
دعواتكم ...
E/GOGO 28-07-2009, 06:22 AM انا الحمد لله جايبة379.5 يعنى فى اول المرحلة التانية
اى نعم كدة ان شاء الله هلحق حاسبات ومعلومات الزقازيق بس الصراحة كان نفسى فى هندسة اكتر
بس قدر الله وماشاء فعل
والحمد لله ان كلية حاسبات مستقبلها حلو والواحد هيطلع منها مهندس
ربنا يستر
بس انا مستغربة اوى من التنسيق كليات الهندسة ارتفعت بطريقة غريبة
اقل كلية وخدة 93 لية كدة وهما مش قالو هيزودوا عدد المقبولين للكليات الهندسية
ولا كل الناس جابت مجاميع عالية فى الرياضة ولاايه بالظبط
نوران محسن 28-07-2009, 09:26 AM السلام عليكم انا نوران من القسم الادبى حصلت على73.29 فى المية اقدر ادخل كلية سياحة وفنادق او اقسام السياحة فى كلية الاداب
المكرر 28-07-2009, 09:31 AM 373.5 ممكن الحق ايه
ارجو الرد
M.E.M.s 28-07-2009, 09:32 AM هو معاد المرحلة التانية امتى؟
و كمان الحد الأدنى لأدبى كم ان شاء الله
Miky Mouse 28-07-2009, 10:15 AM معاد المرحلة الثانية بكره لكن لو حتنسق من البيت بيقولوا ممكن النهاردة و عموما ادخل على موقع التنسيق ازا فتح التنسيق نسق67.07%
Eng. Alios 28-07-2009, 11:21 AM يعني اللي جايب بقى 379 زي حالاتي
مش ح يلحق حاسبات كمان
و ايه اللي يخليكو متأكدين
انها ح تاخد من 379.5 ؟
|