مشاهدة النسخة كاملة : ياترى هايجى علينا يوم ونبقى .......????
الجويرية 28-07-2009, 03:56 PM السلام عليكم ورحمة الله وبركاته
ازى حضراتكم جميعا؟؟
اتمنى ان تكونوا بخير حال
معلش ندخل فى الموضوع على طول موضوعى هو بخصوص شخصية
هو انا عمرى معملت موضوع لحد او عن حد
واترددت فى انى انزل الموضوع ولا لا
بس اللى خلانى انزله انى فكرت ان ممكن يجى عليا يوم وابقى مكان الحد ده
مش هاطول عليكم انا بتكلم عن
الاخ اسلام جايد
اكيد كلنا نعرفه ونعرف تقريبا هو اقدم اقدم الاعضاء اللى هنا
وجت عليه فترة كان سلطة عليا ومع ذلك ماتكبرش وبقى يدى للمنتدى بحب وكان انشط حد
واتوقف كام مرة بردوا علشان مصلحة الاعضاء والمنتدى
ورجع تانى عضو وبردوا ماسبش المنتدى لا ادى فيه بحب
معملش زى اى حد ساب الادارة قال دى متستاهلنيش ومشى لا فضل فيها وده دليل على صدقه فى العمل
انا مش بقول الكلام ده سيرة الذاتية لا
انا بقول الكلام ده علشان حاجة واحدة بس
وفعلا اترددت انى اعرضها بس ده حق
انا بطالب بتعيين الاخ اسلام ادارى ده اقلها لكن بصراحة هو يستحق نائب
لان فعلا مفيش حد وقف مع البوابة زيه
وكان ايام ماكان ادارى كان انشط واحد
محدش يفتكر بقول كدة مجاملة لحد
لا انا ماليش علاقة بحد ولا حد يعرف انى هاعمل الموضوع ده اصلا
بس فعلا انا شايفة ان الاخ اسلام ده مش مكانه
والمفروض يتعين ادارى
هاتقولولى احنا 7 اداريين
جه علينا وقت وكنا 8 والاستاذ عصام قال احنا محتاجين 8 بشغلهم
ممكن تقولولى من 7 اداررين كام بيشتغل
ده فى اداريين الاعضاء متعرفهمش
انا مش بطالب برفع حد
بس بطالب بتعيين من يستحق
ده لو عاوزين نرتقى
لا يجى علينا يوم ونبقى اسلام المرشد 2 اول مانترفع خلاص بالسلامة
مفيش تقدير اللى عملناه
فانا بطالب الاستاذ محمود سرحان
انه زى حضرتك مابتخاف على البوابة وعاوز مصلحتها
فلازم بردوا نخاف ونمسك فى الناس اللى خلت البوابة دى تقف على رجليها
وفضلت معاها حلوها ومرها
وجزاكم الله خيرا
طمعانة فى رضاك يا رحمن 28-07-2009, 04:07 PM وانا معاكي في الكلام يااية
لان اسلام فعلا اكتر واحد يعرف المنتدي كويس
وبيحب ع طول يساعد الاعضاء
ياريت يتعين
اانا موافقه عليه
..Just Stop 28-07-2009, 06:09 PM تسجيل اعتراض
دمتم فى رعاية الله
admin 28-07-2009, 10:17 PM السلام عليكم
لقد تحدثت من قبل مع إسلام بهذا الخصوص و سيتم محاولة إسترجاع عضويته إن شاء الله
تحياتى
الجويرية 28-07-2009, 11:00 PM وانا معاكي في الكلام يااية
لان اسلام فعلا اكتر واحد يعرف المنتدي كويس
وبيحب ع طول يساعد الاعضاء
ياريت يتعين
اانا موافقه عليه
تمام يافندم:d
تسجيل اعتراض
دمتم فى رعاية الله
من غير اسباب؟؟؟:angry2:
السلام عليكم
لقد تحدثت من قبل مع إسلام بهذا الخصوص و سيتم محاولة إسترجاع عضويته إن شاء الله
تحياتى
وعليكم السلام ورحمة الله
اولا جزاكم الله خيرا على سرعة الرد
ثانيا الشخص بذاته مش بعضوياته اى كان فين هو هو
فياريت يتعين بعضويته دى وبعدين لو رجعت العضوية تدمج
ولكم جزيل الشكر والاحترام
MoHaMeD ELsHeRbEnY 28-07-2009, 11:28 PM السلام عليكم
اولا ياريت محدش يزعل من ردى
اول نقطة معلش يا اخت اية مينفعش ادارى يرشح ادارى زية
بالتالى الموضوع مكانة مش هنا
تانى نقطة حضرتك تقريبا مش فاهمة الموضوع بكامل تفاصيلة
هوة مين قال لحضرتك ان اسلام اترفع ؟
ومين قالك ان الادارة بتنسى الى اشتغل ليها
اسلام دخل بعضوية محمد السادات وحذف عضويتة وكان وقتها نائب ادارة
يبقى هوة الى رفع نفسة وحكم على نفسة بكدة
تالت نقطة قبل ما نفكر فى تعين حد نسألة الاول
اسلام المرشد رافض تماما كلمة رجوعة لطاقم الادارة
رابع نقطة اول حد فكر فى موضوع رجوع اسلام المرشد نائب ادارة مش ادارى
كان انا ويومها بعت للاستاذ محمود وطلبت منة انة يحاول يرجع عضوية اسلام
وكلمت يومها محمود طة واحمد رضا كمان ومش فاكر حد تانى ولا لا
خامس نقطة اعتقد ان المنتدى كدة هيبقى كلة ادارين لما يبقى 8 ادارين
احنا اكلمنا قبل كدة فى النقطة دى ومينفعش نفضل نعين كدة وخلاص
احنا قلنا ان جت فترة كان المنتدى فى عز صحوتة كان ادارى واحد
وفترة تانية كنت انا ومحمود وهند
وفترة انا وناصر وهند
يعنى بصراحة فية ناس مش شغالة نهائى فى الادارين
ودا مش هيطول باذن الله
سادس نقطة ياريت ردى ميزعلش حد
بس انا استغربت من الموضوع
وعلى فكرة انا هنزل موضوع فوق بعد ما الامور تهدى باذن الله عن اسلام
وهيكون فعلا الموضوع مكانة فوق ولو تم الموافقة من المجلس ومن اسلام
سيتم التعين اكيد
لو لم يتم الموافقة من المجلس او من اسلام خلاص
اعتقد كدة انا رديت على الموضوع بالكامل ووضحت سبب الرفض الحالى للموضوع
فى رعاية الله
..Just Stop 28-07-2009, 11:35 PM جبت المفيد يا لورد
الجويرية 28-07-2009, 11:50 PM السلام عليكم
وعليكم السلام ورحمة الله
اولا ياريت محدش يزعل من ردى
ونزعل ليه اعتقد انه محطوط للنقاش
اول نقطة معلش يا اخت اية مينفعش ادارى يرشح ادارى زية
بالتالى الموضوع مكانة مش هنا
احم مين اللى قال كدة؟؟؟
ممكن دليل
لو كان كدة فعلا كان من الاولى الاستاذ محمود عقب:romarioxp6:
بالعكس من حق اى فرد انه يطالب برفع رئيس عليه ممكن يكون ظالم
ويرشح حد غيره انه شايفه اكفا
تانى نقطة حضرتك تقريبا مش فاهمة الموضوع بكامل تفاصيلة
يبقى هوة الى رفع نفسة وحكم على نفسة بكدة
يااخ اللورد انا عمرى ماهاجى اتكلم عن موضوع وجاهلة جوانبه
لا انا عارفة اللى حصل كويس
وكلنا حصل معانا كدة
ومين فينا مجاش عليه وقت وقدم استقالته وممكن اترفع ورجع تانى؟؟
اعتقد ده بيبقى وقت غضب مش علشان كدة نقوله ده جزاته خليه يستحمل لا فين الانتماء بقى
تالت نقطة قبل ما نفكر فى تعين حد نسألة الاول
اسلام المرشد رافض تماما كلمة رجوعة لطاقم الادارة
معتقدش انه ممكن يكون رافض
وبعدين احنا مش متعودين ع كدة
بنيجى ونشوف فى قبول ولا لا اتقبل نروح ناخد راى المترشح
رابع نقطة اول حد فكر فى موضوع رجوع اسلام المرشد نائب ادارة مش ادارى
كان انا ويومها بعت للاستاذ محمود وطلبت منة انة يحاول يرجع عضوية اسلام
وكلمت يومها محمود طة واحمد رضا كمان ومش فاكر حد تانى ولا لا
انا قولت انه يتعين مش تتعاد العضوية
لان اعتقد من الصعب استعادها
خامس نقطة اعتقد ان المنتدى كدة هيبقى كلة ادارين لما يبقى 8 ادارين
احنا اكلمنا قبل كدة فى النقطة دى ومينفعش نفضل نعين كدة وخلاص
انا قولت بردوا فى كلامى فى ناس مش شغالة وفيه ناس تستحق
انا ماليش دعوة باللى مش شغال هما حرين
انا لى ف اللى يستحق
سادس نقطة ياريت ردى ميزعلش حد
بس انا استغربت من الموضوع
زعل ايه بس انا رديت على كل نقطة
وانا مش حطاها علشان الكل يقول آمين
لا ننتناقش لانه جدير بده
اعتقد كدة انا رديت على الموضوع بالكامل ووضحت سبب الرفض الحالى للموضوع
وانا وضحت كلل نقطة
فى رعاية الله
فى رعاية الله وامنه
..Just Stop 29-07-2009, 12:46 AM انا ادارى زيك اهو يا اية
ولو هتكلم كلمة حق
مش من حقنانعين حد معانا
اللى اعلى مننا هو اللى يعين وبعد كدا نوافق او نرفض انما مش نعين
الجويرية 29-07-2009, 12:56 AM انا ادارى زيك اهو يا اية
ولو هتكلم كلمة حق
مش من حقنانعين حد معانا
اللى اعلى مننا هو اللى يعين وبعد كدا نوافق او نرفض انما مش نعين
لا اله الا الله هو احنا بنجبر لا
انا حاطة الموضوع للمناقشة يااة يا لا ولا ليه؟
لكن من حقنا حتى ترشيح نائب ادارة
ليه لو شوفت حد الادارة غافلة عنه اسكت؟؟؟
ع راى اللى قال
كدة يبقى
فين االادارة
هابقى اعملها حلقة فى خرومباية
رحلة البحث عن الادارة:d
احمد رضا 29-07-2009, 03:37 AM بناءاً علي ايه دلوقتي يعني ناهيناعن المقدمة الكبيرة دي يااخت آيه
:d
انا شايف إن فيه ناس كتير تستحق تبقي إدارية اكتر من ناس كتير واولهم انا بنشاطهم الغير مُبرر مع الإداريين أصلاً
شكراً لحرصك علي مصلحة المنتدي يااخت آيه
ربنا يبارك فيكي يارب
:)
MoHaMeD ELsHeRbEnY 29-07-2009, 10:17 AM احم مين اللى قال كدة؟؟؟
ممكن دليل
لو كان كدة فعلا كان من الاولى الاستاذ محمود عقب:romarioxp6:
بالعكس من حق اى فرد انه يطالب برفع رئيس عليه ممكن يكون ظالم
ويرشح حد غيره انه شايفه اكفا
الى قال كدة قبل ما انا اتعين نائب
وقبل حركة التغيرات دى اول ما اشرف اترفع
والاستاذ احمد نجم عين احمد رضا واحمد المجاهد اتكلمنا كتير فى النقطة دى
وكان النتيجة الى الكل اقتنع بيها ان مش من حق ادارى يرشح ادارى زية
ولكن من حقة انة يعرف قبل التنفيذ
عشان ميبقاش اخر من يعلم
وطبعا مينفعش نقعد نعيد فى الكلام دة اعتقد الى بنتفق علية دلوقتى اى قوانين اى قرارات الى بيجو بعدنا لازم بيلتزمو بيها
مش لازم بنقعد نشرحها ليهم
حضرتك طلبتى دليل وانا جبت لحضرتك دليل
وكلامك مقنع جدا من حق اى فرد يطالب بعزل رئيسة
بس باسباب ومش فى موضوع على الملاء بيكون على الخاص
اعتقد كدة النقطة دى منتهية وهقولها تانى تحت وياريت نلتزم بيها
ــــــــــ
يااخ اللورد انا عمرى ماهاجى اتكلم عن موضوع وجاهلة جوانبه
لا انا عارفة اللى حصل كويس
وكلنا حصل معانا كدة
ومين فينا مجاش عليه وقت وقدم استقالته وممكن اترفع ورجع تانى؟؟
اعتقد ده بيبقى وقت غضب مش علشان كدة نقوله ده جزاته خليه يستحمل لا فين الانتماء بقى
متاسف بس حضرتك بتقولى اترفع فقولت اكيد مش عارفة تفاصيل الموضوع
بس تعقيب صغير كلنا حصل معانا كدة اية
اخت اية معلش
انا مش هعين عضو ب 500 مشاركة ادارى
شكلنا قدام الاعضاء الجدد اية اصلا
وهوة اعتقد قبل ما يحذف عضويتة عارف انة من المستحيل انها ترجع طول ما قاعدة البيانات موجودة
يبقى مين الى يتحمل الغلطة دى
احنا ولا هوة ؟
اعتقد الى نفذ
وغير كدة بردة فية فرق بين الاستقالة وحذف العضوية
اعتقد الكلام اكتر من كدة هنا هيبقى بنكبر الموضوع دا اوى
ــــــــــ
معتقدش انه ممكن يكون رافض
وبعدين احنا مش متعودين ع كدة
بنيجى ونشوف فى قبول ولا لا اتقبل نروح ناخد راى المترشح
انا مش بقول كلام من عندى والله تقدرى تسالية
انا بقولك انا اول واحد فكر فى الموضوع دة
ومش فى اسلام بس والسادات كمان ولو هنكلم فعلا
السادات الوحيد اىل من حقة يرجع
لان هوة كان نائب ادارة والاستاذ عصام فى موضوع فى حجرة المديرين قال هنرجع
السادات مشرف ادارى ويبقى نائب ادارة نجم المشاعر فقط
وكان من حقة الاستقالة واتقبلت فورا حاجة غريبة والله
يبقى مين الاولى ؟
بس على فكرة السادات بردة رافض الرجوع
وايمها بردة فكرت فى الاسطورة والحمد لله قدرت ارجعة
ودلوقتى بحاول اكلم ايمن وكوماندا والناس دى والله احنا مش بننكر الجميل
واسلام المرشد من اكفئ الناس للادارة
بس الموضوع فى الوقت الحالى مرفوض
ــــــــــــ
انا قولت انه يتعين مش تتعاد العضوية
لان اعتقد من الصعب استعادها
ومن الاصعب علينا احنا
اننا نعين ادارى ب 500 مشاركة
حضرتك السايت هيتقلب علينا
ووقتها مش هنقول لهم الشخص مش بمشاركة الشخص بنفسة
لا طبعا دول اعضاء ميعرفوش
ــــــــــ
انا قولت بردوا فى كلامى فى ناس مش شغالة وفيه ناس تستحق
انا ماليش دعوة باللى مش شغال هما حرين
انا لى ف اللى يستحق
طيب منا بقول لحضرتك قبل ما نفكر نعين
نشيل الاول الى ميستحقش
وبعد كدة نفكر فى التعين
وبصراحة مينفعش نرفع فى الوقت الحالى اى حد
مع الادارة الجديدة باذن الله الى يستحق بس هوة الى هيستمر
بس لسة التشكيل تحت الانشاء :romarioxp6:
ــــــــــ
فى رعاية الله وامنه
اعتقد كدة فية نقطة باختصار لازم نلتزم بيها
قولناهم فوق
** مش من حق ادارى يرشح ادارى زية او نائب ادارة او مدير الا على الخاص لمن اعلى منة
** مش من حق ادارى ينتقد ادارى زية او نائب ادارة او مدير الا على الخاص لمن اعلى منة
فى رعاية الله
الجويرية 29-07-2009, 04:42 PM وطبعا مينفعش نقعد نعيد فى الكلام دة اعتقد الى بنتفق علية دلوقتى اى قوانين اى قرارات الى بيجو بعدنا لازم بيلتزمو بيها
مش لازم بنقعد نشرحها ليهم
مممممم
حضرتك قولتلى
يعنى كدة كل شئ اسلف عليكم نقول عليه آمين؟
يااخ اللورد انا فرد من افراد الادارة يعنى من حقى اقدم اى اقتراح او اناقش اى شئ يخص الادارة والمنتدى
انا مش بقول المجلس لا
اعتقد كدة النقطة دى منتهية وهقولها تانى تحت وياريت نلتزم بيها
نلتزم حاضر بس لو كلام مقنع
يعنى شئ غير مقنع انى اقدم شئ ممكن يكون صح ويُعترض عليه لمجرد انه ماينفعش ادارى يرشح ادارى
لان ياريت نبص للموضوع من منظور كنهه
ــــــــــ
انا مش هعين عضو ب 500 مشاركة ادارى
شكلنا قدام الاعضاء الجدد اية اصلا
مش عارفة حاسة فى تناقدات بين كلام حضرتك
حضرتك كنت قولت جملة معناها انه محدش ليه دعوة بالناس له بس انه بيشتغل وماشى تمام
يااخ اللورد مين في المنتدى يجهل الاخ اسلام؟؟؟
دى نقطة
ولو حضرتك تفتكر حضرتك لما اتعينت ادارى كانت كام مشاركة عند حضرتك؟
متهيالى اقل من 500
واثبت نفسك
اعتقد الكلام اكتر من كدة هنا هيبقى بنكبر الموضوع دا اوى
يااخ اللورد انا هنا ادارية يعنى لى الحق انى احط اى موضوع ويتناقش
ولو حضرتك اكتفيت فده براحة حضرتك
بس اللى خلانى اعقب انى لاقيت كلام فعلا متناقض
ــــــــــ
انا مش بقول كلام من عندى والله تقدرى تسالية
يااخ اللورد لعاشر مرة بقولها انا حاطة الموضوع ده مش لشخص محدد لا ده انا حطاه كاستحقاق لا اكثر
وبردوا قولت انا ماليش كلام مع حد ولا حد يعرف بالموضوع ده
انا لى انى اعرضه ولو اتوافق يتاخد رائيه فقط
السادات الوحيد اىل من حقة يرجع
يبقى مين الاولى ؟
انا بتكلم على حد قاعد معانا فى المنتدى ماسابهوش
ــــــــــ
طيب منا بقول لحضرتك قبل ما نفكر نعين
نشيل الاول الى ميستحقش
وبعد كدة نفكر فى التعين
مش من حقى انى اوجهه الادارة فى رفع حد
لانها هى الادرى بالشغل بتاعنا كويس
لكن من حقى انى انوه عن شئ خفى عنهم
ياريت تكون المعلومة وصلت
وجزاكم الله خيرا
الجويرية 29-07-2009, 04:47 PM بناءاً علي ايه دلوقتي يعني ناهيناعن المقدمة الكبيرة دي يااخت آيه
:d
انا شايف إن فيه ناس كتير تستحق تبقي إدارية اكتر من ناس كتير واولهم انا بنشاطهم الغير مُبرر مع الإداريين أصلاً
شكراً لحرصك علي مصلحة المنتدي يااخت آيه
ربنا يبارك فيكي يارب
:)
بحس ان كلام حضرتك الغاز
بس ينفعنا فى القسم بردوا:d
عموما هى شكلها باينة من اولها
ع راى اللى بيقول
اتفقوا الاداريين مع مجلس الادارة الا يتفقوا:bosyht9:
وجزاكم الله خيرا
..Just Stop 30-07-2009, 02:59 AM اتفقوا الاداريين مع مجلس الادارة الا يتفقوا:bosyht9:
هو فين مجلس الادارة اللى متفقش مع الاداريين
انا بتكلم كادارى دلوقت
حضرتك طرحتى اقتراح
ونا من حقى رفضه او قبوله
مش مسألة ادارة ومجلس
تصبحى على خير
الجويرية 30-07-2009, 12:41 PM حضرتك طرحتى اقتراح
ونا من حقى رفضه او قبوله
تمام اوى
يتقبل او يترفض كااقتراح
لكن مش تيجى تقول لا مش من حقك طرحه
انا بتكلم فى النقطة دى بس
ودلوقتى فى انتظار رد الاستاذ محمود سرحان
وججزاكم الله خيرا
الاسطورة 30-07-2009, 02:06 PM انا عن نفسى
موافق على الفكرة
بس اظن اسلام مش ها يوافق
عمومآ لو اخدتوا تصويت مين موافق ومين لأ
فا انا موافق
MoHaMeD ELsHeRbEnY 31-07-2009, 12:00 PM مممممم
حضرتك قولتلى
يعنى كدة كل شئ اسلف عليكم نقول عليه آمين؟
يااخ اللورد انا فرد من افراد الادارة يعنى من حقى اقدم اى اقتراح او اناقش اى شئ يخص الادارة والمنتدى
انا مش بقول المجلس لا
حضرتك مش هينفع نتكلم فى النقطة دى كتير
ومش هينفع كل ما نعين ادارى جديد نفتح كل المواضيع الى اتناقشنا فيها قبل كدة عشان من حقة معتقدش يعنى ان دى تكون ادارى
ياريت كفاية كلام فى الجزء دة
نلتزم حاضر بس لو كلام مقنع
يعنى شئ غير مقنع انى اقدم شئ ممكن يكون صح ويُعترض عليه لمجرد انه ماينفعش ادارى يرشح ادارى
لان ياريت نبص للموضوع من منظور كنهه
حضرتك انا قولتلك ممكن ترشحى ادارى او تشتكى ادارى ولكن على الخاص ليس على العام مش بقولك مترشحيش او متشتكيش
فاهمانى يا اخت اية ؟
ومش هينفع اكلم فى النقطة دى اكتر من كدة
ــــــــــ
مش عارفة حاسة فى تناقدات بين كلام حضرتك
حضرتك كنت قولت جملة معناها انه محدش ليه دعوة بالناس له بس انه بيشتغل وماشى تمام
لا اله الا الله
على فكرة والله انا عمرى ما كنت متناقض
انا فعلا قولت ان الشخص بشغلة
بس الاعضاء تعرف شغلة منين ؟
احنا مسئولين عن كل عضو ومسئولين عن تنفيذ كلام كل عضو يا اخت اية
مش هنقول احنا الادارة ومحدش لة دعوة
يااخ اللورد مين في المنتدى يجهل الاخ اسلام؟؟؟
السؤال بصيغة تانية مين فى المنتدى يعرف الاخ اسلام غير الناس القديمة ؟؟؟؟
دى نقطة
ولو حضرتك تفتكر حضرتك لما اتعينت ادارى كانت كام مشاركة عند حضرتك؟
متهيالى اقل من 500
واثبت نفسك
كان التعين وقتها كلة كدة
ما عدا محمود كان الف
كان انا وهند ومحمد ناصر كلنا فى 670 مشاركة تقريبا
وفعلا كان فية كلام كتير جدا ودا الى بنكلم علية
ومكنش حد فينا بيفتح بوقة ولا بيرد على الاعضاء
كنا بنتشتم يا اخت اية والادارة كانت بتتشتم وكان الكل ساكت
تقدرى تسالى ياسمين بنوتة اهلوية ولا اقولك اسالى محمود طة اية الى كان بيحصل
ومش هينفع نعيدة
اة على فكرة كان كل مشاركاتنا 500 مشاركة بس شغل
مش مشاركات سخرية وترخيم :)
يااخ اللورد انا هنا ادارية يعنى لى الحق انى احط اى موضوع ويتناقش
ولو حضرتك اكتفيت فده براحة حضرتك
بس اللى خلانى اعقب انى لاقيت كلام فعلا متناقض
موضوع تم مناقشتة قبل كدة يبقى مناقشتك فية على الخاص لو مش حابة يكون معايا
عندك الادمن والاستاذ احمد نجم
ولتانى مرة حضرتك انا كلامى مش متناقض
بس كلامى الشخصى شئ وكادارة شئ
انا مش هعين عضو بـ 500 مشاركة يدخل عضو جديد يقولى انت متخلف انت ماشى بطريقة الكوسة انت معينة عشان صاحبك
اثبتلة ازاى انة معدى 5000 مشاركة ؟
عموما شكرا لرايك فعلا انا متناقض :)
ــــــــــ
ـــــــــــــ
يااخ اللورد لعاشر مرة بقولها انا حاطة الموضوع ده مش لشخص محدد لا ده انا حطاه كاستحقاق لا اكثر
وبردوا قولت انا ماليش كلام مع حد ولا حد يعرف بالموضوع ده
انا لى انى اعرضه ولو اتوافق يتاخد رائيه فقط
حضرتك قبل ما تعرضى موضوع المفروض تفكرى فى سلبيات وايجابيات الموضوع دة
حضرتك فكرتى هنا بروح الانسانية فقط
لكن مش بروح الادارة وتفكير كل عضو :)
ـــــــــ
انا بتكلم على حد قاعد معانا فى المنتدى ماسابهوش
امممممممم
اكبر دليل ان حضرتك مش متابعة
مين قال لحضرتك ان السادات ساب المنتدى ؟
وانة مبيشاركش معانا ؟
السادات مسابش المنتدى بعضويتة الاساسية الا لما لاقى انة ملوش لازمة فى المنتدى وراح مع الى بيقدرة
وعلى فكرة السادات بيشارك هنا وقلة قليلة الا يعرفو ان دة السادات
بس مش بيدخل بعضويتة وبيدخل بعضوية جديدة وبيشارك بشكل فعلى كمان مش بيشارك مشاركات سخرية :)
ــــــــــ
مش من حقى انى اوجهه الادارة فى رفع حد
لانها هى الادرى بالشغل بتاعنا كويس
لكن من حقى انى انوه عن شئ خفى عنهم
ياريت تكون المعلومة وصلت
زى ما مش من حقك تنوهى لرفع حد
نفس الكلام مش من حقك تنوهى لتعين حد
على الملاء
ولكن من حقك الاتنين على الخاص :)
اعتقد الموضوع منتهى
وياريت نلتزم بالكلام الى قولناة دة
فى رعاية الله
MoHaMeD ELsHeRbEnY 31-07-2009, 12:02 PM اتفقوا الاداريين مع مجلس الادارة الا يتفقوا:bosyht9:
مش هعلق على الجزء دة يا اخت اية
ولو سمح الجميع الموضوع منتهى لحين فتحة مرة اخرى فى حجرة مجلس الادارة
فى رعاية الله
الجويرية 31-07-2009, 05:29 PM انا مش هاتكلم تانى فى الموضوع ده
مع انى والله لى رد على كل كلمة
بس مش يهمنى كل ده
انا عاوزة رد الاستاذ محمود سرحان
بس فى نقطة احب اوضحها
انا مش قولت متناقض دى ع شخصية لا انا مش يخصنى ده فى حاجة
ولا اقدر احكم على حد مااعرفهوش
بس انا بتكلم على جمل متناقضة لا اكثر
وجزاكم الله خيرا
MoHaMeD ELsHeRbEnY 31-07-2009, 05:54 PM مش بتفرق تناقض شخصية او تناقض جمل
على فكرة اول مرة اسمع حاجة اسمها تناقض جمل
عموما خير وشكرا على رايك
ــــــــــــــــــــــــ
بما ان حضرتك مش هتكلمى تانى فى الموضوع دة
ومنتظرة رد الاستاذ محمود سرحان
تقدرى تبعتى لة عالخاص وهتعرفى رد الاستاذ محمود
وسيتم نقل الموضوع دة لمجلس الادارة فى خلال ساعات باذن الله
لان فية ناس فوق طالبة تتناقش فى كلامنا دة
فى رعاية الله
الجويرية 31-07-2009, 06:24 PM اتفضل انقله
انا عرفت الرد
واعتقد مالهوش لازمة دلوقتى
وجزاكم الله خيرا
MoHaMeD ELsHeRbEnY 31-07-2009, 06:30 PM واعتقد مالهوش لازمة دلوقتى
بالظبط يا اخت اية
اة على فكرة عشان الكلام ميكترش
وعد منى انى هفتح موضوع اسلام تانى باذن الله
ان فضلت موجود يعنى :d
فى رعاية الله
|