العنب العنب العنب [الأرشيف] - بوابة الثانوية العامة المصرية

The_Relativistic200

11-09-2006, 01:26 AM

العنب العنب العنب

كنت غارق فى احلامى الجميلة ونومى فى قترة لاتتكرر يوميا
حتى افاجأ بما يزلزل دماغى ويخبطها تلاتين مرة فى الحيطة
فرح كان جنبينا او سبوع مش عارف ولقينا
اغنيه جديده لواحد معرفش اسمه ومش عايز اعرفه ولا اشوف خلقته ...
الاغنية دي انتشرت بطريقه غريبه جدا ..
الساده الفنانيين العظماء بتوع الدي جي اللي مبيحبوش يحرموا الشعب من حاجة بيعتبروا الاغنية دي
اغنية رسميه بيبدوا بيها بعد اسماء الله الحسنى لهشام عباس وينهوا بيها قبل اسماء الله الحسنى لهشام عباس برضه!
العجيب فى الامر بقى انى لاقيت تلات بنات واقفين عند السراج مول ومشغلين الاغنية بصوت عالي ..
المشكلة الكبيرة برضه ان البنات دول محجبات .. صحيح لابسين بناطيل جينز ضيقه بس برضه محجبات ..!
عادي يعني كبر يا باشا

انا مرة سمعت الاغنية دي في فرح بس مكنتش سامع كلماتها من الدوشه والزحمه ،
لما خرجت من الفرح بسال واحد صاحبي مين اللي بيغني الاغنية دي قاللي انت اول مرة تسمعها ولا ايه !؟
قلت له اه قاللي دي بتاعة ..... مش فاكر اسمه ، من كام يوم سمعت الاغنية اكتر من مرة في كذا مكان لدرجة
اني فعلا قعدت اضحك على نفسي والومها انى فعلا عبيط لاني مش قادر استوعب التطور الطبيعي للاغنية المصرية
المعلبه تحت السلم والمنتشره في الفنادق ذات النجوم الخمسه والسبعه

كبرت في دماغي امبارح اسمع الاغنية دي .. يمكن يكون الراجل ده اكتشاف وتضرب معاه زي شعبولا
يبقى احنا من الاول كده على علم عشان منلاقيهوش مرة واحدة على السي ان ان او على فوكس نيوز
او فجأة نلاقيه ضيف أوبرا كأهم من غنى للعنب في العالم وقيمة العنب تلك الفاكهة التي تستخلص منها افخر
انواع الخمور العالميه

مكدبتش خبر وعملت سيرش على جوجل .. كتبت ... اغنية العنب .. لاقيت مدونه برضه بتسال عليه
ولاقيت واحد ابن حلال كاتب على احد المنتديات .. انهاردة جايب اغنية جديدة بعنوان العنب للفنان الشعبي
المحبوب عماد بعرور.. ياااااه مش قادر اوصف لكم اد ايه انا فرحت بالانجاز الرائع وكم كان لكاتب هذه
الرسالة فضل في قتل فضولي واراحة عقلي من محاولات استذكار اسم الفنان القومي عماد بعرور حتى استطيع
ان اشفي غليلي من بعرور وادعو له بان يستمر في حياته العنقوديه وان يعين مستشارا خاصا ويا حبذا لو كان
خريج زراعة قسم عنب بناتي جامعة سوق العبور

نزلت الاغنية فعلا وسمعتها اكتر من مرة عشان ابقى متابع اولا وعشان افهم بعرور ده بينعر بيقول ايه
، وندمت اشد الندم على تفريطي في حق البجم عندما قصرت في محاولة البحث عن فنه الأصيل
وابداعه اللا متناهي واضافة بصمه جديده لعالم البصمجية من مطربي الميكروباصات المتهالكة

لملاحظة اللي دايما باخد بالي منها ان احد اسباب نجاح الاغاني اللي بنقول عليها مجازا شعبية هي التكرار
.. يعني تلاقي الكوبليه مكرر خمس مرات.. كوبليه!!؟ اسف... اقصد الجمل الارتجاليه الضعيفه والمد في الحروف
والحفاظ على الاطاله فى حرف الالف واقلاب الباء كما لو كان حافظا لمتن تحفة الاطفال لابن الجزري في التجويد
او كان دارسا للقراءات العشر او يحفظ الفية بن مالك عن ظهر كلب او سينية البحترى

شوف بقى الاغنية بتقول لك ايه

اكل العسل حلو لكن النحل بيقرص

ايه رايكم؟ ادى اول كلمه نطق بها الفنان

يا جااااامد يخرب عقلك.. بيقول حكم الواد ده يا جدعاان

طب ما تسمعوها وتحكموا انتم؟؟

وبعديها
ينفع فى الشتا والصيف ( يا راجل)
احمر

اصفر

اخضر

كل ده عن العنب

فعلا عمل بقول الله تعالى(ويتفكرون فى خلق السماوات والارض)

واغنية تانية تقوللك
مش كل حاجة بيضة حلوة تبقى وزة
ومش كل بنت لابسة كت تبقى مزة

الله عليك والله
ابداع بلا حدود
يا سلام بقى الالفاظ

اثبت نظرية عجزت عنها المراجع العلمية والعملية

ادي اللينك بتاع المنتدى.. اه وياريت تقروا المشاركات اللى بتشكر الراجل الطيب اللي جابلهم الاغنية ..
ناس بيقولوا شكرا لك اخي الكريم وجزاك الله خيرا ومشكور حبيبى
وواحد بيتغنى بيها فى الرد
دخلت فى نغاشيشه
على رأى مزاجنجى

. انا منشكح يا جماعة.. فعلا منشكح بهذا التطور الهائل
اللي عايشين فيه

وياريت تشكروه انتو كمان دى خدمة للوطن برضو
منقول بتصرف شوية

قبل ما نمشى
تحية كبيرة للنجم عماد بعرور
مع مزيد من التقدم والامتاع والابداع

اخوكم المطحون
خالد

وجدتها
وجدتها
وجدتها

حمل بسرعة يا بنى
اغنية عماد بعرور الاولى
تم حذف الرابط بواسطة عبقرينو لان قوانين المنتدي لا تسمح بوضع اي روابط للاغاني والافلام (http://thanwya.com/#)

متعة لا تضاهيها متعة
واتفضل اللينك

اسمعوها بجد وضحكونى معاكوا

[color=#660000]انا نزلتها مخصوص عشانكم
وشوفت العجب العجاب فى المنتديات
وانا بنزلها :D

سلام عليكم

محمد البري

11-09-2006, 01:35 AM

ههههههههههههههههههه ايه دا ايا خالد

بجد بحب اسوبك الساخر والناقد قوي قوي

وبجد مأساة وانا عن نفسي بكرة الشعبي قوي

بس انتا نسيت

شرب الحشيش دماغه عالي :D

أ/محمد أبو النور

11-09-2006, 01:38 AM

هههههههههههه

عندك حق واللهى يا خالد

بس الراجل اتشهر فعلا

وهو مطلع اغنية تانية اسمها

افرس من دى :P

اسمها

المكرونة

:lol:

مش عارف الراجل ده همه على بطنه ولا ايه

ومطلع ايه اغنية مشهورة

اسمها

هيصة(شب بيرقص على تربيزة والفلوس نازلة عليه وهيصة)_ياريتها جابت دكر بط

وعلى ما اعتقد

اغنية تانية بعنوان من خمسة(من خمسة لخمسة ونص وانا واقف بستناك)_اراهن ان كان بيفهم فى الساعة وجه ميعاد غلط

واللى يغيظك

ان الناس بتسمعه

وانا منهم(بحكم شغلى مش اكتر)

بس انا مش بطيق الاغانى دى

واغنية (مش اى حاجة) لسعد الصغير

اللى انت ذكرتها

وغيرها

ده فى اغانى يابنى

اديك اسمها واسمعها(ابحث على الجوجل)

فى بيقول
سيب البتاع

الشعبطة جليطة

توك توك يا صغير

احمد يا عمر

فى الضلمة

وغيرها منالاغانى اللى تحسسك بالذنب

للكلام بقية

Maramero

11-09-2006, 01:47 AM

:D :lol: :D :lol: :D

بجد اسلوب الموضوع جامد جداً :P

الأغنية دى بالذات انتشرت فى وقت قياسى

بقيت اسمعها فى كل مكان،،تخيل اخويا كان راجع من دفنة قريب وركب عربية واحد جارنا وطبعاً جارنا حب يفرفش فشغل الكاسيت على اعلى صوت بما انه مبسوط يعنى وراجع من مكان مشرح للقلب وكده
واكيد سمع كل اللى راكبين احلى اغنية شعبيه فيكى يا مصر دلوقتى وهى اغنية العنب العنب .....

يا جماعه للأسف احنا اللى مش قادرين نفهم التطور الطبيعى للأغنية المصرية زى ما بتقول :D

ربنا يهدى ويتوب علينا من المطربين الخزعبليين اللى بيتحفونا بأغانيهم العظيمه كل يوم والتانى ياااارب

msamido

11-09-2006, 01:48 AM

هههههههههه

لا بجد الاسلوب الساخر كان جميل اوي يا خالد

وبعدين عديها بقي هو ده مستوي الاغنية المصريه خلاص

The_Relativistic200

11-09-2006, 01:54 AM

اممممممممممممممممم
انا قلت منقول بتصرف
عشان بس الكاتب ياخد حقه بجد :D

واللهى انا قلت بس اجيب نبذة مختصرة عن
احد علماءنا الاجلاء
اللى اثروا الفكر الحقيقة

واستنوا لسه فيه تانى

واحتمال اجيبلكم
باقة متميزة لسعد الصغير وعماد بعرور
وعماد مرعى وعمدة
يمكن تعمل فرح ولا حاجة

واهو ابقى خدت ثواب الناس اللى فى الفرح

ولى تعليق عليكم بس عشان الحق اقرا الردود

اسلام رشوان

11-09-2006, 01:57 AM

هههههههههههههههههههههه

شكرا قوي يا خالد

بس ممكن تصحيح صغير

البداية

اكل العسل حلو بس النحل بيقرص

مش لكن النحل بيقرص

أ/محمد أبو النور

11-09-2006, 02:02 AM

يا جماعة

ومن غير زعل كده

احنا اللى بنجح الحاجات دى

سورى فى اللفظ

زى منتدنا العزيز

لما يجى عضو ينزل موضوع قيم يا دوب رد 2 وممكن مفيش

لكن لو حاجة هايفة او لعبة يا ربنا 10000000000 وتعدى

نفس الحكاية

الناس بتعلق معاها الحاجة الهايفة

ويسيبوا الحاجة ذات معنى

مثلما نقلد الاجانب فى اللبس&العادات&الطريقة............الخ

لما لا نقلدهم فى التطور ..........الى اخره

اننا شعب غير جاد

فلا نستغرب على الاغانى فقط

واحب اقولكم

ان

(خولى الجنينة امير كان على العنب بيغير قطفلى حبه اللى استوى هو ايه_الواحد حافظها من كتر ما سماعها)

لنا عودة

JuMpO

11-09-2006, 02:09 AM

الأغنية انتشرت في الوقت ده بسرعة مش ممكنة
بتشتغل في الأفراح والمشكلة ان الناس مهيصة
وأغنية هيصة (شب بيرقص على تربيزة والفلوس نازلة عليه وهيصة و كله يرقص ياللي قاعد على ... رقص رجليه وهيصة)
وقرف من ده كتير زي من 5 ل 5.5 وانا واقف بستناه
بجد اغاني بيئة اوي

The_Relativistic200

11-09-2006, 02:18 AM

ليا عودة بس اعلق
على كلام حبيبنا ابو النور
بيقول الراجل ده كلام مظبوط( بس هل اللى قلته عن المواضيع ينطبق على هذا الموضوع؟) :D
اللى يهلى واحد زى سعد الصغير
فيلمه ينجح عشان اغنية معفنة اساسا

هى الناس بقت بتحب الصداع دلوقتى ولا ايه
تخلف عقلى والله
لما نلاقى خمس شباب بيترقص احسن من الحريم على الاغنية
آال ايه يا خويا
اخته بتتجوز ولا اخت واحد صاحبه ولازم يعمل منظر
عشان ميطلعش عيل

عادات زى الطين ناس ماشية وراها
بس نقول ايه

وطبعا يا ابو النور مش هخش فى حكاية المواضيع مش عاوزين مشاكل :D

طبعا حبيبى قلبى اسلام رشوان
راجل متابع ودارس
ووجب التصحيح
دى حقوق ملكية فكرية يا ناس
وعموما
شكرا
للجميع
اولهم البرى
وابو النور
وميدو
ومراميرو
وجامبو
واسلام

ولنا عودة

أ/محمد أبو النور

11-09-2006, 02:27 AM

لا يا عم

موضوعك

لا يندرج تحت المواضيع التافهة الغير هادفة

لان موضوعك

يناقش مدى الانحدار الذى وصلت اليه الاغنية المصرية

من حيرت قلبى&زى الهوا الى ينفع فى شتا او صيف

تاتا تاتا تاتا هو ايه

we will back

zizo2_2

11-09-2006, 03:02 AM

خالد للأسف الشديد أنا مش هقدر أرد عليك في اي موضوع تانب بجد لاني بحث اني عاجز عن وصف ما اشعر به منذ أن أبدأ في قراءة الموضوع الى روتانا سينيما مش هتقدر تصلي الفجر

بص يا خالد أقسم بالله ان مواضيعك اهم مواضيع بالمنتدى بأجمعه لقد اتخذت اسلوب الأستاذ بورسعيدي فقد كنا نسميه رجل السياسة الأول لأنه بالفعل أول من أمتعنا بذلك الأسلوب

وها انا أرى فيك بورسعيدي أخر يأتي لنا بمواضيع من واقع حياتنا لنعرف أننا شعب يجمعه المزمار وتفرقه العصا وفي كل موضوع لك باقة تقدمها لنا لنرى مرير الحياه في اسلوب ضاحك

مسيو محمد عياد

11-09-2006, 03:55 AM

فعلاً يا أستاذ زيزو عندك حق

أكثر الله من أمثالك يا أستاذ خالد

الأستاذ محمد أبو النور وضع إيده على نقطة مهمة في جوهر القضية

وهي أننا نرفع الردئ إلى أعلى عليين ونهبط بالجيد إلي أسفل سافلين

بس معلش برضه يا جماعة أعذروا الناس .. دي سياسة عليا

وأشكركم أنكم لفتوا نظري لأهم الأغاني المصرية علشان إن شاء الله فرحي قرب

هههههههه

وكما قال المطرب الأصيل .. اللي أحسن من الجزمة التفصيل :

"الذنب ذنب أصحابي .. هما اللي رموني عليه"

The_Relativistic200

11-09-2006, 11:37 AM

احم احم
طيب انا دلوقتى قاعد فى البيت فى امان الله
والاقى الخبط والرزع ده فوق نافوخى
فى رأيكم اعمل ايه
لاقطن بينفع
ولا سماعات ولا مخدات

لو نزلت اهزأ الناس
الفتوات يطلعولى
ايييييييييييييييييييه بلاش نفرح يعنى
يالالا المهم نشوف كده

<div class='quotetop'>إقتباس</div>بجد اسلوب الموضوع جامد جداً

الأغنية دى بالذات انتشرت فى وقت قياسى

بقيت اسمعها فى كل مكان،،تخيل اخويا كان راجع من دفنة قريب وركب عربية واحد جارنا وطبعاً جارنا حب يفرفش فشغل الكاسيت على اعلى صوت بما انه مبسوط يعنى وراجع من مكان مشرح للقلب وكده
واكيد سمع كل اللى راكبين احلى اغنية شعبيه فيكى يا مصر دلوقتى وهى اغنية العنب العنب .....

يا جماعه للأسف احنا اللى مش قادرين نفهم التطور الطبيعى للأغنية المصرية زى ما بتقول

ربنا يهدى ويتوب علينا من المطربين الخزعبليين اللى بيتحفونا بأغانيهم العظيمه كل يوم والتانى ياااارب[/b]
مشكورة على مرورك يا مراميرو اللى زى العسل
بس برضو انتى غلبانه مش عارفة حاجة
عنب ايه
دى جزء من كل واحتمال تبقى بدل مطابق
لازم المرجلة والجدعنة تبقى بسماع
15 اغنية من الطراز الرفيع الموضح باللينك
وبكده الرجولة صح صح
وعموما الاغنية المصرية ملهاش ملامح عشان تتطزر
كفاية امال ماهر دى كمان

الله يرحم ايام ...............
<div class='quotetop'>إقتباس</div>الأغنية انتشرت في الوقت ده بسرعة مش ممكنة
بتشتغل في الأفراح والمشكلة ان الناس مهيصة
وأغنية هيصة (شب بيرقص على تربيزة والفلوس نازلة عليه وهيصة و كله يرقص ياللي قاعد على ... رقص رجليه وهيصة)
وقرف من ده كتير زي من 5 ل 5.5 وانا واقف بستناه
بجد اغاني بيئة اوي[/b]
يا ريت يا جامبو اسم الكريم مش بحب الالقاب
وباين عليك مجرب
ومن حيث بيئة فهى BMW اما ترجمتها
فكل واحد يترجمها على مزاجه

ولنا عودة اذا عثرنا على اغنية تانية

Miss_CaR!zma

11-09-2006, 11:38 AM

اولا انا مش هرد باكتر من كلام زيزو
بجد مواضيعك من مجتمعنا فعلا
واقع مرير والله
شخصيا فى اليوم الواحد ببقى خلاص هتجنن اكتر من مره بسبب انى بسمع الاغنيه اللى كلمه غبيه قليله عليها جدا
صوت غريب وكلمات اغرب من الغرابه وموسيقى مش عارفه ايه مصدرها
المشكله ان ليه مستمعين
هنا طبعا يبدا القلق على الشعب المصرى
لا اسمع لا ارى لا اتكلم
ده شعارهم
المشكله ان انا اكتشفت انهم بيسمعوا وبيبقوا كمان فى قمه السعاده منها اوى
والاغنيه دى بالتحديد زى ما انت قلت فى افراح كتير بس مش كلها طبعا لان برده ليها ناسها برايى
وطبعا اسم عمو اللى بيغنيها كله ايقاع
اعتقد فرنساوى الكلمه دى :P
يللا ربنا يشفى
والله لو اطول انفجر كنت من زمان اوى لانى خلاص الصداع بقى اعز اصدقائى بسبب النوع ده من الاغانى
شكرا خالد لموضوعك مره تانيه يا خالد
والى الامام دائما

وسورى على الرغى الكتير ده :rolleyes:

القطة الروشة

11-09-2006, 04:03 PM

دى طبعا مهزلة
انا سمعتها قبل كده
بس مفهمتش حاجه
لانى افتكرته جعان
انا بكلم جد
انا مش بحب الشعبى نهائى
والمفروض بعد كده نحب الاغانى الوطنيه
لو سالت اى حد عن اغنيه وطنيه هيقول لك انا عمرى ما سمعت عن الاغنية دى قبل كده
لكن لو سالت اى حد عن اغنية شعبيه هتلاقيه بيغنهالك
استغفر الله العظيم

اسلام رشوان

11-09-2006, 04:35 PM

يا شباب المشكلة ان الكلام ده انتشر

و خصوصا الغناء للفواكه

اذا سمينا الكلام ده غناء

المطرب العبقري

سعد الصغير

منزل اغنية جديدة بيغني فيها للعنب و البلح

sara777

11-09-2006, 05:21 PM

هههههههههههههههههههههههه
بجد بجد الاسلوب تحفففففففففةانا فطست من الضحك
والله يوميا تقريبا بنقعد انا والشلة كده قاعدة رومانسية بنتريق فيها علي الاغنية دي
وبنقول عليها تعليقات لو شفتنا هتقول علينا مساطيل واحنا بنقلده وبنتريق عليه
بس انا الحقيقة ماكنتش اعرف اسمه
كويس والله انك قلتلنا اسم المغني الفنان العبقري ده ايه
اشبعت فضولي
انا اول مرة سمعتها كنت لسه صاحية من النوم برضه
واضح انها معمولة بالذات علشان تبقي منبه حلو
والله قمت مفزوعة من النوم
ايه الصوت الجميل ده علي الصبح يا فتاح يا عليم يا رزاق يا كريم

ركزت في كلمات الاغنية
لقيتها مليانة كلمات رومانسية شاعرية لا توصف
زي العسل
مين الشاعر ده
يا سلام ونعم الاغاني ولها
لثلاث ايام بعدها متعاقبة اصحي علي نفس الاغنية
لدرجة اني شكيت ان فيه فكهاني فاتح تحتنا وبيحاول يحلي في البضاعة بتاعته ويجمل فيها
والاغنية دي واحد حلو كده غناهاله مخصوص يحصي فيها انواع العنب علشان التثقيف برضه واللي عمره ما شاف العنب يعرف كام نوع من العنب موجود
بس بجد الاغنية ضايقتني جدا
لما لقيتها في ارقي المحلات والمطاعم والفنادق
لدرجة ان فيه مطعم سميناه مطعم العنب من كتر ما بيشغلها
وبقينا نتجنبه علشان الازعاج
بس بجد موضوع لذيذ وبيوضح اد ايه مستوي الاغنية المصرية بقي في الارض
شايفينه
هههههههههههههههه
مشكور خالد علي الموضوع والطرح الرائع

_the_sad_smile_

11-09-2006, 07:01 PM

يعنى انا فى فرح شغال جنبنا ومشغلين الاغنية افتح المنتدى الاقى الاغنية هنا كمان اروح فين اموت نفسى يعنى عشان ترتاحوا :D :P

bosy .. mostafa

11-09-2006, 09:40 PM

<span style="color:#CC66CC"><div align="center">بسم الله الرحمن الرحيم
يؤيؤ
انت سمعت اول حاجه لبعرور
فيه اغاني فيها الفاظ ابشع :blink:
مره و انا في اسكندريه كنت قاعده عالبحر
سمعت واحد مشغل اغنيه لمعرفش واحد اسمه ايه
بتقول "طب يلا يا ابن الـ ..." مش عايزه اقول ايه عشان الكلمه مش لايقه اصلاً
فجه واحد قاله غير الأغنيه دي لو سمحت عشان الألفاظ دي و فيه اطفال قاعده
فراح مشغل "ناصر صقر - سترانا" عايز يقلد ام كلثوم بس فشل :lol:
و بعرور ده بقى لما تركب ميكروباص تلاقي اغنيته المشهوره " .. رجلي بيوجعني ... اتنى تحتي و وقعني"
على فكره انا مسحت اول كلمه اللي قبلي رجلي عشان مش لاقيه هي كمان
يا عمي ده لو فننا الشعبي ..يبقى كمان سنتين هتلاقي الشركات على اسماء شتايم بقى :rolleyes:
و في فرح اخويا قعدوا يشغلوا اغنية العنب .. و اديك تقول ماخدتش .. و ميكروباص اتفتح في آخر الفرح ماتفهمش ايه ده
كنت عايزه اقوم اضرب بتاع الدي جيه :lol:
الأغاني دي هتلاقي منها كتيييييير ماتخافش هههههه</div></span>

Xx.Youri.xX

11-09-2006, 09:53 PM

<div class='quotetop'>إقتباس</div>شرب الحشيش دماغه عالي [/b]

اخر معلوماتى بتقول ان البتاعه اللى اسمها اغنيه دى بتقول شرب الحشيش مزاجه عالى . مش دماخه . فضحت نفسك يا برى .. لووووووووووووول..

محمد البري

11-09-2006, 10:23 PM

يا يوري هههههههههههههههههه بأى كاد بتشمت فيا

يا عم مزاجه عالي دماغه عالي

والله بكره الشعبي ومش بسمعه نهائي

اخر مرة كنت في فرح قلبو شعبي والله سبته ومشيت

لؤلؤة

11-09-2006, 10:58 PM

فعلا مصر بتتقدم فعلا

ومش عارفة الاغاني الايام دي والمغنين بقوا

اي كلمة تخطر على بالهم يغنوها

ربنا يهديهم

ayooosh

11-09-2006, 11:23 PM

يااااااااااه ايه الاغانى دى

مش عارفه اقول ايه ولا ايه

يلاااااااا مش مشكله ربنا يهديهم

دى حاجه بجد تغيظ فى كل حته كده موجوده ايه اللى عاجباهم فيها

المجاهد فى سبيل الله

12-09-2006, 12:13 AM

السلام عليكم ورحمة الله وبركاته
ههههههههه انتم سمعتو ى بس انا مره ماشى فى مكان عندنا كده مشهور جدا جدا المهم المكان ده مشهور انه شعبى ومن الشعبى العلى الاخر يعنى
المهم وانا ماشى لقيت اغنيه كده ولله ولله كلها عباره عن كفر ايوه كفر بالله كلها سب دين استغفر الله العظيم
وكلها شتيمه قولت يه يا اعم ده دى اغنيه ولا عركه دى لقيته بيقول (عليه معرفش ايه كده انتى البتحبينى يا بت دين معرفش ايه برضه انتى الجوه القلب ) وحاجات من دى كده ولله انا خفت وجريت قولت المفروض الراجل البيغنى الاغنيه ى بتعدم فى ميدان عام

بورسعيدى

12-09-2006, 01:31 AM

تدنى حال الاغنية العربية مؤشر خطير للزوق العربى للاغنية

وسبب الانتشار هو زوقنا نحن فى اختيار الاغنية

ومقياس نجاح العمل الفنى بيقاس بالارقام والمبارلغ والارباح المحصلة

بغض النظر عن المادة الفنية المقدمة

The_Relativistic200

12-09-2006, 11:35 AM

مشكورين يا جماعة على المرور
اولا استاذ زيزو
ومحمد الشهير ب (strong man)
وهند الشهيرة بتويتى
والقطة الروشة
و جارة القمر(طب ازاى :D )
ويورى (مبتجيش ليه مش تبقى تيجى :D )
وسارة
ولؤلؤة
وتيمون
و بسمة
ومجاهد
واستاذ بروسعيدى
شكرا على المرور
جميعا

وغالبا الاغنية المصرية هتتلخص والموضوع فى الاتى
( فلوس>>>>>>اغنية زبالة ناجحة)
(صوت جميل وشحات>>>>>>العب فى الطينة جنب بيتكم)

غير ده وده
طول ما الهبل كتير اذن الاغانى دى فى ارتفاع مستمر فى الايراد
وفى النهاية اقول

العنب
العنب
العنب

احمر وشكله ظريف
ينفع فى شتا او صيف
وللحديث بقية ان كان فى اى شئ بقية