شخصية .....وتحليل (محمد ناصر) [الأرشيف] - بوابة الثانوية العامة المصرية

ابن مصر2008

28-07-2009, 04:36 PM

اولا بسم الله الرحمن الرحيم

السلام عليكم ورحمة الله وبركاته

شخصية ......وتحليل

ارجو ان لايكون هذا الموضوع مكرر

سيكون جميعنااطباء نفسيين

نحلل شخصيات الاعضاءواتمنى انلا تخذلوننى بعدم تجوابكم مع الموضوع
سوف نحلل شخصياتهم على الواقع
ويكتب كل عضو تحليله ومن يكن الاقرب للعضو المختار سيمنح نصيب من الموضوع
وسيتم كتابة العضو علشان نحلل شخصيته
الموضوع كالتالى

فى كل يومين نختار عضو وعليكم انتم تحليل الشخصية
ولكن العضو فقط يراقبكم ولايشارك
وبعد انتهائكم من التحليل
ياتى هذا العضو يعلق على تحليلاتكم
وبعدها يختار العضوالذى جمع اكثر صفات موجودة فيه
شروطها
عدم استغلال التحليل لتجريح الاعضاء
اتمنى ان نبعد عن المدح الكثير ونمتلك الصدق
مدة المشاركة يومين وبعدها يمنعى الرد

عايز راى حضراتكم فى الموضوع
لو عجبكم
هنكمله
سلام عليكم

wafa2y

28-07-2009, 05:54 PM

الفكرة بجد حلوة جدا
و انا جديد في المنتدي و مش عاؤف هي مكررة و لا لأ
بس للملاحظة
اعتقد إن هي مش زي كرسي الإعتراف
عشان هي عكس كرسي الإعتراف
دي أحسن بكتير
و يارب الكل يوافق
و ميتركنش الموضوع ده
:bosyht9::bosyht9:
و الحمد لله إن هو إتنقل يبقي مش هيحذف
:006et4::006et4:

اوركيديا

28-07-2009, 11:25 PM

ههههههههههه
حلوه و اعتقد جديده
بس ياريت مش يبقى فيها تحيز و شغل شلل
على العموم نشوف
:bosyht9:

فى رعايه الله

you_my_lovely

28-07-2009, 11:40 PM

موضوع جامد جدا
اتمنى انه يستمر متابع التطورات إن شاء الله:d

BaNZeR

28-07-2009, 11:54 PM

الفكرة جديدة وحلوة

..Just Stop

28-07-2009, 11:57 PM

تمام الفكرة يا معلم طه
وفى انتظار بدا اول حلقة منها
شكلنا هنضحك كتير هنا :d
دمتم فى رعاية الله

Prof.Dr/A.T.M

29-07-2009, 12:10 AM

فكرة حلوة جدا
معاكم

GAMALEWEES

29-07-2009, 12:18 AM

الفكرة بجد حلوة اوى بس ياريت مش يبقى فى تجريح للاعضاء منتظرين اول حلقة بس ياريت تبلغوا عن اسم العضو قبلها بشوية علشان كلنا نعرف

bosy .. mostafa

29-07-2009, 04:36 PM

فكره جميله كتير
انا معاكم

•-{«-•OkOhama•«-}-•

29-07-2009, 04:46 PM

والله كنت هعملها

اصلي شاطر اوي في التحليل النفسي

مروه

29-07-2009, 10:20 PM

جميل جدا الفكره وجديده

متابعه ان شاء الله

هتبدأو إمتى ؟

dr \manoo

29-07-2009, 11:33 PM

ثوووووووووو جود وبيس
معاكم اكيد

GAMALEWEES

29-07-2009, 11:46 PM

احنا مش هنبدا ولا اية فين صاحب الموضوع يقترح اول شخصية هنقوم بتحليلها او مش مهم حد من الاعضاء يقترح هو ولو معندكمش مانع او عند صاحب الموضوع اى مانع ممكن انا اقول عضو انا مش هقول اسم العضو غير لما انتم توافقوا

star 1

30-07-2009, 12:22 AM

نيس توبيك معاكم ان شاء الله

ابن مصر2008

30-07-2009, 10:06 PM

شكرا لكل اللى ردو فى الموضوع ورفعو معنوياتى :d
واسف على التأخير فى الرد بسبب ظروف .......
وبسم الله نبدأ الموضوع
واول شخصية معانا
شخصية الكل عارفها فى المنتدى ونا عن نفسى عارفها عن قرب
مشهورة بكلمة كلوزد :d
معانا فى اول حلقة
الادارى
MAHMOUD_TAHA
وزى ما اتفقنا يا جماعة التحليل هيكون بدون تجريح

GAMALEWEES

30-07-2009, 10:13 PM

بصراحة انا كنت عايزاك تختار العضو دة مش عارفة لية بس بصراحة انا معرفش العضو عن قرب فممكن احنا نسالة اسئلة و هو يرد علينا فى خلال اليومين دول و من خلالها هنعرف نحلل شخصيتة من خلال الاسئلة ياريت ترد علية يا ابن مصر2008 الاول قبل ما تبداوا

ابن مصر2008

30-07-2009, 10:19 PM

لا كدا هيبقا زى المواضيع التانية
الموضوع معمول علشان تقولو تحليلكو ليه من خلال تعامله فى المنتدى وليس من خلال اجابة اسئلة توجهونها اليه
ياريت يا جماعة نبدأ فى الموضوع ونحلل الشخصية بناءا على تعاملها فى المنتدى

مروه

31-07-2009, 12:16 PM

نااااااايس تشوز

GAMALEWEES

31-07-2009, 12:28 PM

بصراحة هو شكلة دمة خفيف لانة دايما بيبدا كلامة ب ههههههه

GAMALEWEES

31-07-2009, 12:33 PM

بصراحة ذى ماقولتلكم انا معرفش العضو خالص بس ممكن او اكيد هو عصبى شوية لان مفيش حد فى الدنيا مش عصبى و خاصة لو كان مصرى يارب يطلع تخميناتى لشخصيتة صح

Its My Life

31-07-2009, 12:39 PM

بصراحة هو شكلة دمة خفيف لانة دايما بيبدا كلامة ب ههههههه

هههههههههههههه
نظريه برضه

GAMALEWEES

31-07-2009, 01:25 PM

اية يا جماعة ماتبداوا تحللوا شخصية استاذ محمود على العموم انا هكتب صفة كمان يعنى ممكن تكون فيك انت مثلا ممكن تكون شاب متدين و بتعرف ربنا كويس
يمكن الحاجات البقولها حاجات هبلة و تحليلى لشخصية حضرتك مش اوى يعنى بس دى صفات مشهورة ممكن تكون فى اى بنى ادم
على العموم انا مبسوطة جدا انى اكون اول واحدة تحلل شخصية حضرتك

GAMALEWEES

31-07-2009, 02:19 PM

شكلى انا الهكتب عنك وبس اصل انا بصراحة بحب اوى احلل الشخصيات
و بالرغم انى معرفش حضرتك خالص الا انى ممكن اقدر احلل شخصيتك و متسالنيش ازاى علشان مش هقولك دى اسرار المهنة
يالا انا هقولك على بعض الصفات الممكن تكون فيك يعنى مثلا
انت انسان لبق فى كلامك مع الاخرين
بتحب تكون ناجح فى اى عمل تقوم بة حتى لو كان بسيط
انت انسان كريم و مضياف
برضة زى ماقولتلك انت شكلك دمك خفيف
و بتحب تضحك كتير
وشكلك برضة متدين و بتعرف ربنا و الله اعلم
يعنى دى بعض الصفات بس ممكن ماتكنش فيك و برضة الله اعلم انا خمنت

ابن مصر2008

31-07-2009, 06:09 PM

ياريت الشخص اللى بيحلل الشخصية
يكون عارفها ويقول صفات
مش مجرد تخمينات
سؤال
فى باقى الناس
سلام عليكم

Amethyst

31-07-2009, 11:14 PM

موضوع جميل
و فكرته أجمل
:blush:
بالنسبة لمحمود
مش هاعرف أكتب عنه نص كلمة
دي فيها وقف يا جماعة
:d
بهزر لو لقيت وقت هكتب
بس حبيت أسجل اعجابي بالتوبيك
لذيذ
;)

COoL HEaRT

31-07-2009, 11:37 PM

JusT l0sT

31-07-2009, 11:50 PM

الموضوع لذيذ جدا
وفكرته جامده

بس انا هتفرج زييى زى محمود لانى مش اعرفه ومقدرش اتكلم

اوركيديا

01-08-2009, 12:53 AM

احم
محمود شخصيه جميله
طيب طيب لابعد الحدود
اممممممم
عصبى جدا و فيه عرق برود صافى :d
بس نشيط جدا و لما بتتوكله مهمه بيعملها فعلا
من الناس الكويسه هنا
ردوده حلوه
بس عايزه شويه عمق مش عارف من انهى حته بس اهو كده يعنى
:bosyht9:

يلا كفايه كته
:d
فى رعايه الله

ابن مصر2008

01-08-2009, 04:37 PM

Amethyst

01-08-2009, 04:49 PM

MAHMOUD_TAHA
طيب
و محترم
و اداري كويس
بس بقى
مبحبش أقول عيوب حد ف وشه كده
:d
أحياناً بيخرج عن المألوف في أسلوبه
أو هزاره
أو كده
:bosyht9:

Travel

01-08-2009, 11:41 PM

اوركيديا

02-08-2009, 01:02 AM

[

بص
بعيدا عن شغل البكش ده علشان مبعرفش اجامل ومش شايفة فيك حاجة كويسة
انا هدخل ف العيوب ع طوول
:d

ههههههههههههههههه
مفتريه
:d

انا حبيت اضيف حاجه صغنتته :d
ياريت ياريت حد يعلمه ياخد اقتباس زى بقيت اعضاء ربنا
مش ياخد الكلام كوبى و يكمل عليه بنفس اللون و بعدين يعمل اقتباس
بتشل
او ساعات مش بياخد اقتباس اصلا
بيسيبها كده
:d
مش عارفه باشمهندسين ايه دول
:d
لو افتكرت حاجه تانى جايه
:d

يلا فى رعايه الله

you_my_lovely

02-08-2009, 01:28 AM

الجويرية

02-08-2009, 07:48 AM

السلام عليكم ورحمة الله
طالما بقى اخر يوم وكدة فالواحد يدخل يقول كلمتين
هو انا تقريبا معرفهوش كويس ولا اتعامت معاه قبل كدة
بس من خلال الردود والادارة بقت تبين ردود افعال
فيعنى من خلالها
انا بحس انه شخصية متقلبة شوية
يعنى مثلا تيجى فى الهزار تحسه انه انسان على طول بيهزر وسخرى
تيجى حالة تانية تحسه انه انسان ملتزم ومتدين
حالة تالتة تقول لا ولا الاولى ولا التانية

بس يعنى بحس ببعض التقلب فى الشخصية شوية
او يمكن انا علشان متعاملتش معاه فعندى الفكرة دى

عموما ربنا يوفقه ان شاء الله
والموضوع ماشاء الله جميل
جزاكم الله كل خير

dr.asmaa

02-08-2009, 10:22 AM

هو انسان محترم ودمة خفيف وبيحب يساعد الناس وانا كل شوية قرفاة بطلباتى بس ممكن سؤال هىthe black rose اتوقفت لية

~WEGDAN~

02-08-2009, 10:33 AM

هو انسان محترم ودمة خفيف وبيحب يساعد الناس وانا كل شوية قرفاة بطلباتى بس ممكن سؤال هىthe black rose اتوقفت لية
لاء دى اتوفقت عشان حاجة ملهاش دعوة بالموضوع
و مش محمود اللى وقفها

ابن مصر2008

02-08-2009, 10:16 PM

شكرا يا جماعة لكل اللى ردو فى الموضوع وما شاء الله معانا حد اتوقف اهو :d
الموضوع دا شكله وشه حلو على الناس والناس هتتوقف كتير ودا شغل للادارة

كدا يا جماعة انتهى تحليل شخصية محمود طه ويمنع منعا باتا اى حد يرد تانى
غير لما محمود يرد على الكلام اللى اتقاله وبعدها هنبدأ مع عضو جديد
فى انتظار رد محمود طه
سلام عليكم

you_my_lovely

02-08-2009, 11:02 PM

ليه بس كده كنت عاوز انزل تحليل
يلا حصل خير:)

..Just Stop

02-08-2009, 11:23 PM

you_my_lovely

02-08-2009, 11:39 PM

شكرا لكل اللى قال كلمتين بكش فى حقى

وشكرا بردو للى ...... هيتوقفو بردو
ان شاء الله هرد عليكم كلكم
واللى عايز يحلل احم يقول رايه عادى اثناء منا برد لان انا معايا بكره كله ومش هقعد فاضى كدا
دمتم فى رعاية الله

إنت إللى جبته لنفسك;)

قلنا قبل كده انه متسامح شويه
شخص مرح اغلب الوقت بيتقبل كل حاجه بصدر رحب بس ليها وقت معين
بيحب تبقى فى تقدم دائم
صعب انك تغلط نفسك
وصعب انك تعترف بخطأك
صعب انك تقتنع بوجهه نظر إللى قدامك

كفايه كده لما اكتشف حاجه تانى ابقى احتفظ بيها لنفسى:d

..Just Stop

03-08-2009, 01:41 AM

انا غيرت كلامى مش هرد على حد :d
دا رايكم فى شخصية محمود ومحمود اللى هو انا مش من حقه يجاوب على حاجة
فهنكتفى بكدا
ونخلى صاحب الموضوع يقول حد تانى نحلل شخصيته
لانى بصراحة مش عارف ارد اقول ايه
:::::::::::
بس تعقيبا على اللى قال انى بارد ورخم احم

ياريت بس يجيبولى موقف انا اتباردت فيه او اتراخمت
غير كلمة كلوزد دى :d

hapy dream

03-08-2009, 04:18 PM

انا معاكم

اه فيها لاخربهالكم خالص فاهمين

ربنا انقظكم منى لو كنتوا بداتوا من غيرى

يلا انا قلبى زى الجبنه الفيتا يا قلبك الطيب يا هبى دريم

المهم انا معاكم اوك

خليك فى حالك

03-08-2009, 05:24 PM

المهم انا معاكم اوك

وماله
انا بردو معاكم

خليك فى حالك

03-08-2009, 05:26 PM

انا غيرت كلامى مش هرد على حد :d

مينفعش متردش بصراحة
لازم ترد متخالفش شروط الموضوع

الجويرية

03-08-2009, 05:39 PM

مينفعش متردش بصراحة

ايوة قوله يااخ خليك فى حالك:d

..Just Stop

03-08-2009, 06:36 PM

مينفعش متردش بصراحة
لازم ترد متخالفش شروط الموضوع

متخليك محضر خير وتخليك فى حالك:d
ايوة قوله يااخ خليك فى حالك:d

لو مكنتوش تحلفو بس
حاضر هرد وامرى لله

..Just Stop

03-08-2009, 06:47 PM

بصراحة هو شكلة دمة خفيف لانة دايما بيبدا كلامة ب ههههههه
:d
هيا خفة الدم بتتقاس بكدا بكره تلاقى المنتدى بيقول ههههههه فى اول كلامه
:::::::::::::::::
اية يا جماعة ماتبداوا تحللوا شخصية استاذ محمود على العموم انا هكتب صفة كمان يعنى ممكن تكون فيك انت مثلا ممكن تكون شاب متدين و بتعرف ربنا كويس يمكن الحاجات البقولها حاجات هبلة و تحليلى لشخصية حضرتك مش اوى يعنى بس دى صفات مشهورة ممكن تكون فى اى بنى ادم على العموم انا مبسوطة جدا انى اكون اول واحدة تحلل شخصية حضرتك
الحمد لله عارف ربنا الى حد ما بس مقصر شوية او شويتين فى حق ربنا ربنا يسامحنى
ربنا يبسطك كمان وكمان :d

::::::::::::::::::
شكلى انا الهكتب عنك وبس اصل انا بصراحة بحب اوى احلل الشخصيات و بالرغم انى معرفش حضرتك خالص الا انى ممكن اقدر احلل شخصيتك و متسالنيش ازاى علشان مش هقولك دى اسرار المهنة يالا انا هقولك على بعض الصفات الممكن تكون فيك يعنى مثلا انت انسان لبق فى كلامك مع الاخرين بتحب تكون ناجح فى اى عمل تقوم بة حتى لو كان بسيطانت انسان كريم و مضياف برضة زى ماقولتلك انت شكلك دمك خفيف و بتحب تضحك كتير وشكلك برضة متدين و بتعرف ربنا و الله اعلم يعنى دى بعض الصفات بس ممكن ماتكنش فيك و برضة الله اعلم انا خمنت
طب ازاى
:d
ربنا يخليهوملك يارب
بحب انا شغل البكش دا
متخافيش مش بوقف حد :d

::::::::::::::::::

موضوع جميلو فكرته أجملبالنسبة لمحمودمش هاعرف أكتب عنه نص كلمةدي فيها وقف يا جماعةبهزر لو لقيت وقت هكتببس حبيت أسجل اعجابي بالتوبيك لذيذ

ههههه
واخدين عنى فكرة غلط
هاتيلى مرة حد وقفته ظلم
وبكدا شكلك هتتوقفى
:d

..Just Stop

03-08-2009, 06:55 PM

هههههههههههه
موضوع ابن ناس شغال يعنى
المهم الحاج محمود طه من الشخصيات الظريفه
واللى دمها خفيف بتقرا ردودها الواد بيبتسم ده لو مضحكش :p
يعنى قدرته ع انه يتناول موضوع جاد فى اطار كوميدى
من غير ميطلع عن حدود اللياقه والادب بجد كويسه
- طبعا انا حاسه ان جمال مبارك هو اللى بيحلل شخصيته -
الى حد ما ينفع يتكلم فى السياسه
لان اسلوبه ساخر كده بشكل مش جارح
-مش اوى يعنى متتغرش -
اما عن العيوب هو عامه شخصيه الى حد ما كتومه
لو اضايق مش بيقول
العالم دى لما بتتنرفز بتبقى مش ظريفه :d
والدنيا كلها بتدخل فى بعض
وبيقفلوا جامد وصعب انهم يخرجوا من المود ده
شخصيه فى المجمل كويسه وبتحاول تكون احسن
ربنا معاه :d
ربنا يكرمك يا ياسمين
مع انك افرطتى فى البكش شويتين او شويات
بس مش مشكلة اختى بقا ولازم اتحمل
مش هعلق على البكش
هعلق بس على العيوب
مش كتوم ولا حاجة دنا لسانى دا فاضحنى بفكر اعمله كات واعمله بيست فى جسم بنى ادم تانى علشان يبقا بلسانين :d
بالعكس انا بروق بسرعة ومش بتنرفز بسرعة انا بصبر كتير بس ساعة لما بتضايق بشوط فى اللى ادامى

بس اقل حاجة بهدا كدا وببقا تمام
عموما ربنا يكرمك يا ياسمين
متجيش هنا تانى بقا :d
دمتى فى رعاية الله

..Just Stop

03-08-2009, 07:00 PM

بس انا هتفرج زييى زى محمود لانى مش اعرفه ومقدرش اتكلم

وماله يكون احسن بردو :d
احم

محمود شخصيه جميله
طيب طيب لابعد الحدود
اممممممم
عصبى جدا و فيه عرق برود صافى :d
بس نشيط جدا و لما بتتوكله مهمه بيعملها فعلا
من الناس الكويسه هنا
ردوده حلوه
بس عايزه شويه عمق مش عارف من انهى حته بس اهو كده يعنى
:bosyht9:

يلا كفايه كته
:d
فى رعايه الله

طب الحمد لله ان انا طيب اصل الناس مفكرنى توفيق الدقن
عصبى اه ممكن شوية بس انا مش شايف كده
انما متقوليش ولا عرق برود ولا عرق سوس
تعرفى ايه عن البرود انت :d
هو انتى شوفتى حاجة لسة
طب العمق دا بخصوص ايه
نجيبه منين يعنى

ردوده حلوه
بس عايزه شويه عمق مش عارف

وضحى ما تحته خط :d
شكرا لاهل اسيوط كلهم
دمتم فى رعية الله

..Just Stop

03-08-2009, 07:07 PM

الله محمود :049gc0:
جالك يوم يا ظالم :slap1qk6:
بص يا كابتن محمود انت طيب اه
لكن رخم رخم رخم
انت الايام دى حاسة انك متغير عن اول ما عرفتك
بقيت خفة و رخم كدا:d
بجد فى حاجة جديدة غيرتك ايه هى الله اعلم :romarioxp6:
الاول كنت بتحترمنى دلوقتى بقى :unsure:
المهم
انت انسان بتحب تساعد الناس
طيب و نشيط و بتعجبنى ارائك
بتحب الضحك
:d
تلاتة رخم مرة واحدة
وربنا انا طيب :d
ممكن يكون بيتهيألكو انى رخم بس فى الحقيقة لا يمكن بتكلم بعشم وبضحك
عموما كل حاجة هتتغير
انا بحترم الكل يمكن بفرط فى الهزار شوية بس بردو بحترم الناس
اللى بيحترمنى بكون محترم اكتر مننه معاه
واللى مش بيحترمنى الله يسهلله ويسامحه ومش هشيل منه
ربنا يبارك فيك

عصبى جدا و فيه عرق برود صافى
معاكى يا لولا
اقد المسؤلية و بتحترم الناس
شخصية بجد محترمة و بتعرف تخلى الناس يحترموك
يلا كفاية كدا لو افتكرت حاجة هرجع
ورينى هتوقفنى ازاى :p

ربنا يكرمك ويهدينا
وعمرى ما هوقفك علشان بتقولى راى طالما مخرجتيش عن حدود الادب
ربنا يكرمك

..Just Stop

03-08-2009, 07:12 PM

الظاهر يامحمود انهم مستحلفنلك وبيعزوك اوى لابعد الحدود:049gc0:
وربنا يستر
يا جماعة اخر رد فى الموضوع بكره فلو حد حابب يعلق واللا حاجة يتفضل
اللى خابف من الوقف ميعلقش علشان محمود شكله .... زى الفل :d

سلام عليكم

جدا يا طه
انت اخترتنى ليه اصلا:d
عموما جزيت خيرا
ادينا عرفنا اللى مكناش نعرفه
ربنا يكرمك ياحج
دمت فى رعاية الله

..Just Stop

03-08-2009, 07:16 PM

هكمل الردود بالليل
08:12

علشان دا وقت صلاة بقا :d
دمتم فى رعاية الله

Travel

03-08-2009, 08:09 PM

معلش معلش
بس بجد ف حاجة لفتت انتباهى ولازم اعلق عليها مع احترامى لقوانين الموضوع وصاحبه

انى ممكن اقدر احلل شخصيتك و متسالنيش ازاى علشان مش هقولك دى اسرار المهنة يالا انا هقولك على بعض الصفات الممكن تكون فيك يعنى مثلا انت انسان لبق فى كلامك مع الاخرين

:d
محمود بذمتك انت شايف ان الكلام ده صح
اللى باللون الاحمر
??

..Just Stop

04-08-2009, 12:46 AM

اسف يا جماعة
مش هعرف ارد غير بعد ثلاث ايام
:::::::::
ابدا مع حد جديد يا طه
واسف ع التأخير
ولما ارجع هرد ان شاء الله اذا امكن يعنى
دمتم فى رعاية الله

ابن مصر2008

04-08-2009, 09:20 PM

اسف يا جماعة
مش هعرف ارد غير بعد ثلاث ايام
:::::::::
ابدا مع حد جديد يا طه
واسف ع التأخير
ولما ارجع هرد ان شاء الله اذا امكن يعنى
دمتم فى رعاية الله
:022yb4:
علشان خاطرك بس يا محمود هأجل الموضوع
كان نفسى انت اللى تقول كلوزد :d
عموما هقولها من نفسى بقا كلوزد لحين عودة محمود
سلام عليكم

..Just Stop

07-08-2009, 06:26 PM

ورجعنالكم مرة تانية واسفين على التأخير

MAHMOUD_TAHA
طيب
و محترم
و اداري كويس
بس بقى
مبحبش أقول عيوب حد ف وشه كده
:d
أحياناً بيخرج عن المألوف في أسلوبه
أو هزاره
أو كده
:bosyht9:

ربنا يكرمك يا ( جميلة بالروسى :d)
فى نظرى انا مش بخرج عن المألوف
ممكن اكون برد وبهزر بعشم لانى عارف ان اللى ادامى مش هيزعل منى
عموما فى حاجة كدا اتغيرت وهتريح الكل
دمتى فى رعاية الله

..Just Stop

07-08-2009, 06:31 PM

معلش معلش
بس بجد ف حاجة لفتت انتباهى ولازم اعلق عليها مع احترامى لقوانين الموضوع وصاحبه
اقتباس:
انى ممكن اقدر احلل شخصيتك و متسالنيش ازاى علشان مش هقولك دى اسرار المهنة يالا انا هقولك على بعض الصفات الممكن تكون فيك يعنى مثلا انت انسان لبق فى كلامك مع الاخرين
:d
محمود بذمتك انت شايف ان الكلام ده صح
اللى باللون الاحمر
??

ههههههه
كل شىء فى الزمن دا جايز
يمكن اكون كدا فعلا بس معتقدش :d
ثم هيا قالت انها متعرفنيش
مهى لو تعرفنى مكانتش قالت كدا :d
عموما شكرا ليها على كل حال

:::::::::::::::

تم الانتهاء بحمد الله
وفى انتظار العضو القادم
دمتم فى رعاية الله

Travel

07-08-2009, 09:08 PM

ههههههه
كل شىء فى الزمن دا جايز
لا مش جايز انا مبشوفش كده بدل ما افضحك :slap1qk6:
يمكن اكون كدا فعلا بس معتقدش :d
ثم هيا قالت انها متعرفنيش
مهى لو تعرفنى مكانتش قالت كدا :d
اهااا
هو السر ف كده فعلا
نبيه من يومك
;)
:::::::::::::::
تم الانتهاء بحمد الله
وفى انتظار العضو القادم
دمتم فى رعاية الله
لا
انت معلقتش ع كل الردود بتاعة الاعضاء اللى دخلت قالت رايها فيك
بتخم ولا ايه:stickjo4:

..Just Stop

07-08-2009, 09:51 PM

ايه العالم البكاشة دى

:bosyht9:
طيب ومرح ودمه خفيف
ده طيب ده
ده مية من تحت برميل مسرب
:d
بص
بعيدا عن شغل البكش ده علشان مبعرفش اجامل ومش شايفة فيك حاجة كويسة
انا هدخل ف العيوب ع طوول
:d
لما بتتعصب بدعى ربنا يقبل حاجة من اتنين
يا نتى يفصل يا الكهربا تقطع
ولو ربنا مستجابش بفصل انا الفيشة وكانه استجاب
:unsure:
ممكن تشم ريحة شياط ع بعد 15 سم من شاشة الكمبيوتر وانت قاعد من كتر العصبية
بس دى لما بتكون عصبى بجد
والحالة دى انا مجربتهاش غير مرة واحدة وكانت زكرتها جميلة
فاكرها طبعا
دمج مليون موضوع ف موضوعك
:d
بتبقى كووووول اوى (يعنى باارد) لما بتدخل ف خناقة شغالة وكلوا سخن فيها
وانت تقول
كلوزد مغلق يعنى
وربنا انا لو مكان عضو ساعتها وعملت معايا كده
مكونتش هقولك ع رد فعلى
ده بيكون غير متوقع ;)
اممممم
ساعات بحس انك بتفرط ف الطيبة ساعات مع اشخاص اجارك الله
:d
كيبوردك ع طووول مش معدول
تقريبا مفيش عيوب اكتر من كده بالنسبالى شايفاها
اه نسيت
من غير تهذيق
خلينا مؤدبين احسن

:(

ياساتر
ايه الدخلة الغبية دى :d
ال هندخل فى العيوب علطول ال
طب قولى كلمتين كدا جبر خواطر :d
مش عارف صراحة الكل شايفنى عصبى ليه
مع انى هادى جدا
وفى يوم دمج المواضيع دا مكنتش متعصب ولا حاجة انتى اللى كنتى خايفة من اللى هعمله بس :d
من هنا اتولد عندك شعور انى عصبى
::
بانسبة لكلمة كلوزد دى
فى بعض المواقف لازم تتحسم وهو ده الحسم بتاعها
يعنى هتفرق ايه عن كلمة مغلق
خلاص هشوف معناها بالروسى واكتبه طالما الانجليزى مش نافع ومش عاجب :d
:::::::
اما حكاية الطيبة دى
فنا مش طيب لدرجة السزاجة
انا ماشى بمبدأ حرص ولا تخونش
بتعامل مع الكل على انه طيب لحد ما يثبت العكس ساعتها ابدأ اغير المعاملة
::
كيبوردى معدول ؟!
لا دا كويس جدا مبعدلوش غير لما اللى ادامى يطلب انه يتعدل :d
كفاية رغى بقا
دمتم فى رعاية الله

..Just Stop

07-08-2009, 10:16 PM

[

ههههههههههههههههه
مفتريه
:d

انا حبيت اضيف حاجه صغنتته :d
ياريت ياريت حد يعلمه ياخد اقتباس زى بقيت اعضاء ربنا
مش ياخد الكلام كوبى و يكمل عليه بنفس اللون و بعدين يعمل اقتباس
بتشل
او ساعات مش بياخد اقتباس اصلا
بيسيبها كده
:d
مش عارفه باشمهندسين ايه دول
:d
لو افتكرت حاجه تانى جايه
:d

يلا فى رعايه الله

انا سامع حد من اسيوط بيتكلم
ماله الاقتباس يا شاطرة مهو تمام اهو
المنتدى ساعات بس بيستعبط لانى بستعبط عليه بردو :d
حاضر يا ستى
بس اما اخد اقتباس غلط احسن ما اكتب مدونة فى رد :d
دمتم فى رعاية الله
ومشوفكيش هنا تانى

..Just Stop

07-08-2009, 10:27 PM

معقوله بدأتوا تحليل وكمان بتحللوا محمود طه

عموما بكره بقى نبقى نشوف اغلب الردود واشترك معاكم فى التحليل
اهم حاجه من غير زعل :abdoog8:
انا اتعاملت معاه قليل جدا ومن خلال التعامل ده مكشفتش غير انه متسامح شويه
لسه بقى لما اشوف مشاركاته واحاول استنتج منها حاجه;)
ربنا يكرمك يا حسام
ال متسامح ال :d
دمت فى رعاية الله

السلام عليكم ورحمة الله

طالما بقى اخر يوم وكدة فالواحد يدخل يقول كلمتين
هو انا تقريبا معرفهوش كويس ولا اتعامت معاه قبل كدة
بس من خلال الردود والادارة بقت تبين ردود افعال
فيعنى من خلالها
انا بحس انه شخصية متقلبة شوية
يعنى مثلا تيجى فى الهزار تحسه انه انسان على طول بيهزر وسخرى
تيجى حالة تانية تحسه انه انسان ملتزم ومتدين
حالة تالتة تقول لا ولا الاولى ولا التانية

بس يعنى بحس ببعض التقلب فى الشخصية شوية
او يمكن انا علشان متعاملتش معاه فعندى الفكرة دى

عموما ربنا يوفقه ان شاء الله
والموضوع ماشاء الله جميل

جزاكم الله كل خير

وعليكم السلام ورحمة الله وبركاته
منورة يا اية
بصى يا اية فى حاجة انا مؤمن بيها
لكل مقام مقال فلو الامر يستدعى انى اضحك او اهرج بضحك وبهرج
ولو مستدعى انى اتكلم جد اتكلم جدا
مثلا لو بنتكلم فى حكم دينى فمينفعش اهزر فيه
لان الاحكام دى مستنبطة من نصوص شرعية مينفعش نعدل عنها
بس انا فى معظم الاوقات ببقا صاحب مزاج :d وبهرج
نورتينا يا اخت اية
ربنا يوفقنا جميعا
دمتى فى رعاية الله

..Just Stop

07-08-2009, 10:34 PM

هو انسان محترم ودمة خفيف وبيحب يساعد الناس وانا كل شوية قرفاة بطلباتى بس ممكن سؤال هىthe black rose اتوقفت لية

ربنا يكرمك
احنا بس بنحب نخدم :d
وبالنسبة للوقف اسألى شيرين وهيا تقوللك
دمتم فى رعاية الله
::::::::::::::
وبكدا اكون انتهيت
فوتتكو بالعافية

اوركيديا

07-08-2009, 10:56 PM

وبكدا اكون انتهيت
فوتتكو بالعافية
لاء سؤال طيب
هو ايه معنى الصوره الرمزيه دى :d
هو الواحد بيقعد قد ايه بالظبط عشان انا بفكر اجى تانى اعمل اول مدونه تحليليه
اكيد طبعا عارف اول حد حختار احلله فيها
:d
لما نشوف اخرتها
:bosyht9:
فى رعايه الله

Dr.love ferdos paradise

07-08-2009, 11:13 PM

you_my_lovely

08-08-2009, 12:03 AM

ربنا يكرمك يا حسام
ال متسامح ال :d
دمت فى رعاية الله

مين حسام ده
لسه مكتشف دلوقتى ان فيه اوقات بيبقى عندك زهايمر:(
لسه باقى التحليل تحت علق عليه:stickjo4:

GAMALEWEES

08-08-2009, 12:14 AM

دمتم فى رعاية الله
على فكرة انا بتعجبنى اوى الكلمة دى مش عارفة لية و بعدين انت على طول بتكررها
وعلى فكرة برضة انا كنت اتمنى انى اعرف حضرتك لانك فعلا شخصية محترمة و محبوبة جدا من اعضاء المنتدى
على العموم خيرها فى غيرها
تسمحلى اقلدك يا محمود
دمتم فى رعاية الله

..Just Stop

08-08-2009, 12:46 AM

لاء سؤال طيب
هو ايه معنى الصوره الرمزيه دى :d
تدفعى كام واقوللك
لما تكبرى هتعرفى
هو الواحد بيقعد قد ايه بالظبط عشان انا بفكر اجى تانى اعمل اول مدونه تحليليه
اكيد طبعا عارف اول حد حختار احلله فيها
:d
لما نشوف اخرتها
:bosyht9:
فى رعايه الله
احم
طب ليه الازية يعنى متخليكى بنت ناس زى منتى كدا :d
دمتم فى رعاية الله

مين حسام ده
لسه مكتشف دلوقتى ان فيه اوقات بيبقى عندك زهايمر:(
لسه باقى التحليل تحت علق عليه:stickjo4:
هههههه امال انت اسمك ايه :d
عموما يا حمادة ربنا يخليك
فين الباقى ده ؟!!

..Just Stop

08-08-2009, 12:58 AM

انا مش عارفه كده خلاص ولا ايه
طيب انا هقول وخلاص

محمود انا مش اتعملت برضوا معاه كتير وكده
بس بحس انه محترم
وبرضوا بيهزر كتير في مواضيع
او مثلا بيبقى عايز يوصل حاجه بس بيخلي الاسلوب مثلا في هزار كده
وبتيعجبني اختياره لعناوين موضوعاته

ربنا يوفقك في بقيت حيااتك ان شاء الله
في رعاية الله
مع ان المدة انتهت ونا المفروض انى خلصت
بس علشان خاطرك نخالف القوانين :d
ربنا يخليكى
طب دى ميزتين تلاتة من مميزاتى الكتيرة :d

فين بقا العيوب؟!!
متشكر يا دكتورة
ربنا يكرمك
دمتى فى رعاية الله

..Just Stop

08-08-2009, 01:02 AM

على فكرة انا بتعجبنى اوى الكلمة دى مش عارفة لية و بعدين انت على طول بتكررها
وعلى فكرة برضة انا كنت اتمنى انى اعرف حضرتك لانك فعلا شخصية محترمة و محبوبة جدا من اعضاء المنتدى
على العموم خيرها فى غيرها
تسمحلى اقلدك يا محمود
دمتم فى رعاية الله
عاملها زى البادج كدا فى اى رد تلاقينى لازقها فى الاخر كدا :d
انا كمان بحبها اه والله :d
ربنا يخليكى يارب
عقبال اما نشوفك فى بيت العدل ( هوار مش تريقة :d)
وماله قلدى
لو تحبى اتنازللك عنه مفيش مشكلة خالص
فى جمل تانية غيرها يعنى :d
دمتى فى رعاية الله

Dr.love ferdos paradise

08-08-2009, 01:21 AM

مع ان المدة انتهت ونا المفروض انى خلصت
بس علشان خاطرك نخالف القوانين :d
ربنا يخليك يارب :022yb4:
ربنا يخليكى
طب دى ميزتين تلاتة من مميزاتى الكتيرة :d
اكيد طبعا :d
انا قولت لسه هقولهم كلهم
بس فقولت الحاجات المميزه :d

فين بقا العيوب؟!!
مممممم
مش عارفه والله
مفيش عيوب
انا خدت بالي منها يعني
بس
ربنا يوفقك يارب
ومايكنش في عيوب ان شاء الله

متشكر يا دكتورة
ربنا يكرمك
دمتى فى رعاية الله

ابن مصر2008

08-08-2009, 11:33 AM

:d
اخيرا رديت يا محمود
دنتا عطلة يا راجل :d
وبكدا نكون انتهينا من تحليل شخصية محمود طه
وهنبدأ النهاردة مع شخصية جديدة
شخصية حولت المنتدى لعشة فراخ بتوقيعاتها

اكيد كلكو عرفتوها
TRAVEL
سلام عليكم

you_my_lovely

08-08-2009, 03:41 PM

:p
هههههه امال انت اسمك ايه :d
عموما يا حمادة ربنا يخليك
فين الباقى ده ؟!!

حلوه حماده مقبوله منك بس كده يبقى فيه اتنين حماده انا وانت:p
كنت تقول لا تعليق ونكتفى بكده لكن انت بتتهرب يبقى سبتوا عليك:022yb4:

منوره ترافل:d
هاجيب دجاجه واقعد قدامها يوم كده واحلل شخصيتها واجى احط الرد بتاعى على طول:blush:

..Just Stop

09-08-2009, 01:29 AM

اكيد كلكو عرفتوها
TRAVEL
سلام عليكم

ههههههههه
احتمال ارد

COoL HEaRT

09-08-2009, 01:31 AM

هههههههههه
زينب الديك الشركسي
كويس كويس
اهو انا طنت دى لما بكلمها بنكاكى مش بنتكلم بلغه البشر
يلا ع البركه :d

ابن مصر2008

09-08-2009, 11:15 AM

اولا سلام عليكم
ويارب تكونوا بخير
وياريت ياجماعة نبدأ فى تحليل شخصية ترافيل
وزى ما اتفقنا التحليل بدون تجريح
سلام عليكم

..Just Stop

13-08-2009, 12:53 AM

تنشيط بس
ما تحلللو يا دكاترة
الموضوع نام كدا ليه

GAMALEWEES

13-08-2009, 12:57 AM

فعلا انا حاسة كدة برضة
ممكن تختاروا اى حد تانى
بصراحة انت يامحمود كنت كاسح الكل
ماشاء الله يعنى مش بحسد ولا حاجة

..Just Stop

13-08-2009, 01:13 AM

فعلا انا حاسة كدة برضة
ممكن تختاروا اى حد تانى
بصراحة انت يامحمود كنت كاسح الكل
ماشاء الله يعنى مش بحسد ولا حاجة

ههههههههه
ليه بس
ماترافيل كويسة بردو
وليه نجيب حد تانى
الموضوع بس اللى نام
ياريت نبدأ فى تحليل شخيتها
دمتم فى رعاية الله

Amethyst

13-08-2009, 01:37 AM

:wub:زوزو :wub:
:wub:حبيبة قلب مورا :wub:
زوزو بنوتة أمورة و طيبة خالث
و لسة متخانقين
بنتصالح من أول امبارح
يعني شبه اتصالحنا
:stickjo4:
عيبها إنها عنيدة
و ده واضح من خناقتي أنا و هي
:stickjo4:

nothing

13-08-2009, 05:03 PM

على ما اعتقد ان زينب شخص مثقف وبيفكر كويس اوى وطيبه بردو
بس عيبها انها لازم تثق ف الناس شويه
لان الناس كلها مش وحشه ولا حلوة
اه وكمان هيا طموحه اوى

ymymym

17-08-2009, 12:17 AM

ترافل

لغايه دلوقتي مش عارفه احلل شخصيتها مش عشان مثلا هي غامضه لأ
بس هي اكيد فاهماني كويس
معرفش بجد
مش عارفه ان ليه كتبت المشاركه دي بس جايز هي تقدر تجاوبني

Travel

17-08-2009, 08:57 PM

مش عارفه ان ليه كتبت المشاركه دي بس جايز هي تقدر تجاوبني

اكيد زى ما جواكى حب يكتب المشاركة دى هو اللى لازم يقولك ليه مش انا
:)

هانى الشرقاوى

17-08-2009, 09:14 PM

هههههههه
ترافل
بالنسبة لى أغمض شخصية فى المنتدى معرفش احدد ملامح شخصيتها فى كلمة ولا اتنين
بس أكتر حاجة كانت بتعجبنى فى ردودها الجراءة والثبات
هههههه والخناقات

بس على كل هى حد جميل

اوركيديا

18-08-2009, 11:24 PM

زوزو
من اجمل الشخصيات اللى شوفتها هنا
بتجمع بين حااجات كتير و بشوف فيها حاجات انا كنت كتير عايزاها تكون فيا
حاجه فيها كده بحسها بتكملنى

اممممم
زوزو رقيقه اوى و بنوته حساسه اوى
ممكن تدارى كل ده بالغلاسه و الرخامه بقى
بس حتى فى غلاستها عسوله و بتبان الجمال الروحى اللى فيها
روحه بريئه فعلا
ساعات بحسها طفله
او زى الصوره اللى كانت بتحطها زمان بتاعت الفراشه بجناحات

اممممم
زوزو عنديه جدا جدا
و ده يمكن يكون صح كتير بس لازم تتعلم تسمع للناس اللى بيحبوها
و ده بيوصلنا لنقطه انها تحب الناس اللى بيحبوها
و اعتقد انها و صلت للنقطه دى

اممممم
زوزو حبيبى انا
بث بقى بتكثف
:wub:

فى رعايه الله

you_my_lovely

19-08-2009, 05:46 PM

امممممم
ممكن نقول اول حاجه انهاشخصيه مرحه يعنى بتهزر كتير
بس اوقات متقلبه
مندفعه شويه
بتتخانق كتير جدا جدا
ههههههه
بس فى الاخر انسانه طيبه

متوصلتش لأكتر من كده :)

**تسابيح**

19-08-2009, 11:16 PM

طبعا ترافيل مشهور بخناقات
بتحب تجيب حقها حتي لو من فم الأسد (شجاعة بقي)
روحها مرحة
متقلبة المزاج
من الشخصيات المشهورة والمجبوبة في المنتدي

ابن مصر2008

20-08-2009, 04:53 PM

اولا سلام عليكم
شكرا يا جماعة لكل اللى ردو فى الموضوع
كدا يا جماعة انتهينا من تحليل شخصية travelويمنع منعا باتا اى حد يرد تانى
غير لما travelترد على الكلام اللى اتقاللها وبعدها هنبدأ مع عضو جديد
فى انتظار رد travel
سلام عليكم

COoL HEaRT

22-08-2009, 03:11 AM

اممم معلش يا شباب المستقبل زينب دخولها نادر اوى ياريت تختاروا اللى عليه الدور .. وشكرا :d

..Just Stop

23-08-2009, 06:56 AM

:d
عندك حق ياياسمين
فى انتظار الاخ صاحب الموضوع
اللى مش بنشوفه غير كل سنة مرة دا
:d
ياريت بقا المرادى يبقا ولد
:d
دمتم فى رعاية الله

ابن مصر2008

24-08-2009, 10:26 AM

اولا سلام عليكم

وكل سنة وحضراتكم طيبين

وانا اسف جدا على تاخيرى

علشان خاطرك يامحمود هيبقا ولد المرادى:)

وبحب اشكر كل الى ردوا فى الموضوع وبشكر ايضا زينب

سلام عليكم

اوركيديا

24-08-2009, 01:52 PM

علشان خاطرك يامحمود هيبقا ولد المرادى:)

ههههههههه
ايه التمييز العنصرى ده <_<
تسجيل اعتراض :stickjo4:
احم .. و لا بلاش احسن من الفضايح بردو
مشوها ولاد على طول عشان بالمره الواحد يعتزل التحليل ده -_-

فى رعايه الله

ابن مصر2008

25-08-2009, 10:05 AM

ههههههههه
ايه التمييز العنصرى ده <_<
تسجيل اعتراض :stickjo4:
احم .. و لا بلاش احسن من الفضايح بردو
مشوها ولاد على طول عشان بالمره الواحد يعتزل التحليل ده -_-

فى رعايه الله

ههههههههههههه
ولا تمييز ولا حاجة احنا ماشيين مرة ولد ومرة بنت

ودلوقتى دور الولد والمرة الجاية ان شاء الله هتبقا بنت

شكرا على مرورك
سلام عليكم

ابن مصر2008

25-08-2009, 11:19 AM

نأسف على هذا الفاصل الطويل
وبعد غياب المشرف السوبر السابق ترافيل
عدنا اليكم من جديد
مع شخصية جديدة
ياريت تقولولنا ايه تحليلكم ليها
شخصية الحلقة
هو محمد ناصر

‏Lost Dreamer (http://www.thanwya.com/vb/member.php?u=60018)

سلام عليكم

COoL HEaRT

25-08-2009, 04:02 PM

بعد الفطار بئا :d نرد ان شاء الله
بس انت مختر الموزعين الدرجه التانيه ولا ايه :d
فى عيال كويسه فى الدورى الممتاز :d
يلا اما نفطر كمان كام ساعه نيجى نرخم

ابن مصر2008

29-08-2009, 04:57 PM

فين تحليلاتكم ياجماعة
اية كل دا بتفطرم :d

عاشقـــ الانمى ـــة

31-08-2009, 02:06 AM

فين تحليلاتكم ياجماعة
اية كل دا بتفطرم :d
شخصية طيبة
ملهاش فى جو المشاكل والكلام دا
بتحب تمشى جمب الحيط
وشخصية كمان نشيطة

Travel

01-09-2009, 12:14 AM

Lost dreamer
او
رصاصة الرحمة
ك شخص
طيب جدااا و محترم اووى .. ذوق ف اسلوبه
مرح ودمه خفيف
وكان ليه مواقف كتير ف ردود ليه كوميدية
ساعات بيكون اسلوبه ساخر
بس بيكون جميل
دايما تفكيره بيرجعه لورا او عاوز ياخره رغم ان عقليته كويسة
وانه ناجح بس مش راضى يعترف بكدا
وف تفكيره بيفكر ف الحاجات او المواقف الوحشة الى تهبط روحه المعنوية
ويسيب المواقف اللى تشجعه وتقويه
مش راضى يعترف انه حد ناجح ابدا
:(

فاكرة انى بوظتله موضوع زمان
بس عدا ع خير
:d

كان زمان بينى وبينه عمار يا مصر
بس دلوقت الحمد لله
;)

اتحسنت المعاملة كتير خاصة لما قدرت افهم شخصيته واسلوبه
يعتبر مجهول ف الفترة الحالية
لانه مبيشاركش
لا بمواضيع ولا بردود
بيكتفى بالتواجد والمشاهدة فقط
بتمنى انه يتفاعل اكتر
علشان الاعضاء تقدر تفهمه
او
ع الاقل
علشان يعرفوا مين
Lost dreamer
:)

..Just Stop

01-09-2009, 12:34 AM

محمد ناصر
محمد ناصر انا شوفت الاسم دا فين قبل كدا اه افتكرت :d

حبيبى الواد ده وربنا
محمد من الشخصيات الكويسة جدا
طيب الى ابعد الحدود معايا ( مع غيرى الله اعلم ):d
متفاهم كدا وابن ناس
دمه خفيف كدا بيضحكنى وربنا
واد عسل اوى عسل جدا ياواد يا جامد انت :d
بيقوللى افكار كدا بتبقا كويسة وشغالة
وكالعادة اسرقها منه
لما يكون ليه مزاج من الشغل بيشتغل
ومش هتاخدو بالكو زمان لما كان شغال فى التعليمى كان بطل
نسيبنا بقا م الكلام البكش دا :d
ندخل فى صميم العيوب بقا فى تفاصيلها تفاصيلها تفاصيلها (شوفت الجملة دى فين قبل كدا )
محمد دايما واخد جمب كدا
مش بيتفاعل مع الناس زى الاول
بيضايقنى فيه انه بيسيب حقه
مش ضعف بس تكبير دماغ
ياريت يدافع عن حقه وميعملش حساب النقد
نفسى يرجع زى الاول محمد المتفاعل المتحاور
مش واثق فى نفسه اوى
مش بيعترف انه كويس
مع انه التالت على روما ( خمسة وخميسة يا محمود )
اى النعم الدفعة كلها كانت تلاتة بس اهو طلع مالاوائل وخلاص :d
ربنا يوفقك يا حج محمد
عايزين نشوفك ونتقدم للوالد بقا ياقمر انت :d

Amethyst

01-09-2009, 10:14 PM

هو شخص كويس و محترم
بس لو رجع زي زمان في المنتدى هيكون أفضل و أفضل
و أنا آسفة فعلاً على اللي فات
لأني كان قصدي أرخم بس مش أكتر
حضرتك فعلاً شخصية جميلة
بس الأيام دي بقت كل الردود سخرية
يمكن بتسعد ناس كتير السخرية دي
و بتضحكهم
بس بردو بتضايق ناس كتير
و بالأخص الأعضاء الجدد
:)

**تسابيح**

02-09-2009, 11:38 AM

بصراحة فعلا هو من الشخصيات المحترمة اووووووووي
وبيعمل مواضيع في منتهي الروعة
ودمه خفيف
عيووووووووووبه
انه لما بيكتب مواضيع والمنتدي كله يعجب بيها مش بيكملها

مع انه التالت على روما ( خمسة وخميسة يا محمود )
اى النعم الدفعة كلها كانت تلاتة بس اهو طلع مالاوائل وخلاص

ههههههههههههه
وانا برده بقول ايه الشطارة دي كلها :d

ابن مصر2008

05-09-2009, 09:03 PM

سلام عليكم
وبكدا نكون ياجماعة انتهينا من تحليل شخصية محمد ناصر
وزى مانتم عارفين يمنع الرد لحين رد محمد ناصر على تحليلاتكم
فى انتظار رد محمد ناصر
سلام عليكم

COoL HEaRT

10-09-2009, 01:42 AM

هههههههههه
لا استنوا رايحين فين من غيرى :d
واضح ان فطارى طول اوى يا محمد :d
رمضان بقى ومفجوعه ياعينى وحالتى صعبه :p
معلش بقى مكنتش بدخل كتير بجد اصلا
المهم
نحلل الاخ ده .. حلو حكايه التحليل دى ..
امم محمد ناصر
كبدايه اكيد كنا فى فتره مش طايقين خلقه بعض والحمد لله
مشاكل انا مش راضيه انه يكون مشرف عام تقريبا وهو شايف ان مين العضوه الرخمه دى اللى بتدخل
تقريبا لغايه اخر الاجازه اللى فاتت والدنيا كانت فركش فركش يعنى :d
بس السنه دى الواحد بقى اقل عصبيه بدأ ياخد الامور ايزى عرف ان فى ناس كتير بجد شخصيات كويسه من جواهم
زى محمد .. شخصيه محترمه بجد .. اخويا الصغير او الكبير مش فارقه المهم اخوات يعنى :d
حد دمه خفيف .. فى تلقائيه وعفويه جميله بجد او نادر لما تلاقيها ونادر لما تلاقيها وحد يفضل محتفظ بيها
وواضح انه بيحب الخير ودى حاجه كويسه .. محمود طه بيشهدله بالخير هو وزينب وانا بثق فى الاتنين دول وبثق فى التالت اللى هو محمد
طبعا بكشنا كتير اوى كعيوب انا حاسه ان فى سنه اندفاع شويه .. اعتقد انه متفوق دراسياً واعتقد انه متفتح
كان نفسي استفيد منه اكتر زى مزينب قالت ياريت يرجع يكتب ويشارك اينعم كلنا مشاركتنا قلت بس عاوزين نشوفه تانى
وعاوزين ردود تعرفنا الشخصيه دى احنا بنهزر فى اوقات الهزار وفى المواضيع النقاشيه بنتناقش -ده فى حاله وجودها واللى اصبحت نادره بجد- عاوزين بجد نعرف دماغك من خلال ردودك يا محمد
كده كفايه اوى لكاكه انا اوى :d