علوم ولابيطرى؟؟؟ [الأرشيف] - بوابة الثانوية العامة المصرية

mo0ny

28-07-2009, 04:55 PM

السلام عليكم ورحمه الله وبركاته
انا جايبه 95.6 وكنت خلاص مقرره علوم
لكن اهلى بيقولوا بيطرى انا كنت ارتحت واحترت تانى
بيقولوا علوم صعبه وانا مش عارفه اعمل ايه
خصوصا انا من اسكندريه يعنى بيطرى مش هتكون فى محافظتى وهضطر اروح بيت طالبات
او اروح وارجع كل يوم وده كده هيضيع اليوم منى
ارجوكم ساعدونى فى اختيارى

goryy

28-07-2009, 04:59 PM

لو انتى بتحبى مواد العلوم زى الفيزياء و كده فمش حتكون صعبه عليكى ان شاء الله و كمان علوم مستقبلها احسن

انا شايفه كده

و ربنا يوفقك

MuHaMeD kHaLeD

28-07-2009, 05:01 PM

بيطري
في اقسام كويسه برده

biboman

28-07-2009, 05:03 PM

انا من رايي ادخلى بيطري احست واسهل بكتير وفيها امر تكليف

نورا 2008

28-07-2009, 05:13 PM

بيطري احلي علوم صعبة وعلي الاقل بيطري تبقي دكتورة

eng.midosaid

28-07-2009, 05:16 PM

بيطري طبعا احسن من علوم بكتير ومجالات الشغل فيه كويسه
على فكرة البيطري صعب برضه زي العلوم ويكاد يكون اصعب
لانهم بيدرسوا مواد كتير جدا جدا جدا

mo0ny

28-07-2009, 05:40 PM

شكرا لمساعدتكم
بس مش عارفه اختار ايه
هستحمل اروح بيت طالبات بعيد عن اهلى وانا اصلا مش بعرف اعمل كوبايه شاى
هعمل ايه وقتها هذاكر ولااعمل الحاجه

زيزو1900

28-07-2009, 05:49 PM

شكرا لمساعدتكم
بس مش عارفه اختار ايه
هستحمل اروح بيت طالبات بعيد عن اهلى وانا اصلا مش بعرف اعمل كوبايه شاى
هعمل ايه وقتها هذاكر ولااعمل الحاجه

وجهة نظري زى ماقلتلك علوم طبعا

لان بيطري ملهاش مستقبل حتى شالوا دبلومة التحاليل من عليهم ومش من حقهم يفتحو معامل تحاليل

hana montana

28-07-2009, 05:54 PM

بيطرى مش حلو خالص وشوفى بقى لو قلتى لحد الى انتى فى بيطرى على التريقة الى هتخديها العلوم احسن وفيها مجالات كتير اوى اوى احسن علوم البيطرى ملوش مستقبل فى مصر

زيزو1900

28-07-2009, 05:58 PM

http://up.up-images.com//uploads4/images/image-54a12b0b64.jpg (http://fashion.azyya.com)

mo0ny

28-07-2009, 05:58 PM

خلاص انا هتوكل على الله وادخل علوم
واللى فيه الخير يقدمه ربنا
متشكره جدا ليكم

زيزو1900

28-07-2009, 06:00 PM

دة كان من شهريين ومنعوا اي حد من بيطري انه يشتغل في التحاليل ومنعوهم بردوا من انهم يفتحوا معامل تحاليل ودة كانت ناس كتير اوى في بيطري بيعتمدوا عليها بعد ما يتخرجوا

emy_maryooo

28-07-2009, 06:12 PM

انا كنت في تجاره انجلش و هحول علوم ان شاء الله

أمل ونور

28-07-2009, 06:13 PM

أختي برضه كانت في نفس الحيرة ودخلت علوم في الآخر الحمد لله

emy_maryooo

28-07-2009, 06:13 PM

ادعولي ربنا يوفقني فيها

new vet

28-07-2009, 10:28 PM

بيطرى مش حلو خالص وشوفى بقى لو قلتى لحد الى انتى فى بيطرى على التريقة الى هتخديها العلوم احسن وفيها مجالات كتير اوى اوى احسن علوم البيطرى ملوش مستقبل فى مصر
تريقه ؟؟
دبلومه التحاليل من سنين طويله اتلغت برضه ورفعوا قضايا ورجعوها تاني
ده غير ان في دبلومات تانيه كتير حتي لو دي مش رجعت
سوري ده رايي العلوم كليه جميله لكن لما نيجي نفضل هتكون البيطري ليها الاولويه

زيزو1900

28-07-2009, 10:40 PM

دبلومه التحاليل من سنين طويله اتلغت برضه ورفعوا قضايا ورجعوها تاني
ده غير ان في دبلومات تانيه كتير حتي لو دي مش رجعت
سوري ده رايي العلوم كليه جميله لكن لما نيجي نفضل هتكون البيطري ليها الاولويه

بس هى دى الحقيقه بيطري ملهاش مستقبل والمعظم كان بيدخلها وبعد كدة بيشتغل في التحاليل خصوصا البنات بس التحاليل اتقفلت بقرار من مجلس الدوله
وبالنسبه لعلوم علوم افضل من جميع النواحى واكتر كليه علميه ليها شغل

زيزو1900

28-07-2009, 10:41 PM

وع فكرة يا جماعة واللهى ما بجاذف لما بتدخل اولي علوم بتلاقي ربعهم كان جايلهم بيطري ومحولين لعلوم عشان مجالات الشغل وعشان انتوا عارفين بيطري يعنى

Dr\heba

28-07-2009, 10:45 PM

طبعا علوم احسن كفايه ان اتخرج منها الدكتور العظيم احمد زويل

نسمة الربيعh

28-07-2009, 11:10 PM

Galaz

28-07-2009, 11:16 PM

بس مش كل واحد داخل علوم يبقا احمد زويل ... البيطري كليه محترمه و ممكن تشتغلي في شركة أدويه
و على فكره الأرزاق دي بتاعت ربنا

y o m n a

28-07-2009, 11:44 PM

انا بردو فى نفس الموقف جبت 95.5
والحق بيطرى وعلوم ومش عارفة
لأن كتير بيعيدوا السنة فى علوم وبيقولوا صعبة

Phenom_taker

29-07-2009, 01:39 AM

انا جايب 95.2 وحاخش بيطرى ان شاء الله ان عشنا

خشى عالرابط ده

http://www.thanwya.com/vb/showthread.php?t=129693

زيزو1900

30-07-2009, 12:46 AM

بلاش كل واحد يصصمم على رايه علوم كويسه بس صعبه وانا فى نفس الموقف تقريبا بس من وجهة نظري ان الدكتوره افضل من غيرهال لو حابه ده كما لاحظوا دلواتى انفلونزا الطيور والاخنازير برضو وفى الاول والاخر الارزاق بتاع ربنا

مع احترامى ليكى خريج كليه علوم يطلق عليه دكتور في سوق العمل
سواء كان ميدكال ريب او في شركات الادويه او كان فاتح معمل تحاليل
دى نقطة فكدة كدة كلمه دكتور في علوم مافيهاش فصال
....................
بالنسبه لبيطرى وانفلونزا الطيور والخنازير الناس بتتخرج وبتقعد ولا انفلونزا ولا احزنون واللهى دى حقيقة

..................
كان في شهر 5 اللي فات عايزيين عدد من خريجى الطب البيطري حوالي 500 واحد عينوهم ع 500 جنيه واكيد اللي اتعين بالواسطة طبعا
..................

زيزو1900

30-07-2009, 12:47 AM

انا جايب 95.2 وحاخش بيطرى ان شاء الله ان عشنا

انتى بتتكلمى فى ايه يا انسه

خشى عالرابط ده

http://www.thanwya.com/vb/showthread.php?t=129693

لما هتتخرج هتعرف الفرق مابين علوم وبيطري
كفايه دى

dr.roodyy

30-07-2009, 01:01 AM

المشاركة الأصلية كتبت بواسطة a l m a s http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=1423277#post1423277)
د.قمر ..
الف شكرليكي ..
يا ريت تكتبي لنا ككل اللي تعرفيه عن كلية الطب البيطري ..
الطب البيطرى علم بيدرس كل حاجه عن الحيوان وبتتخرج منها وانت بتعرف حاجات كتير جدا عن الانسان لان جميع اجهزة الجسم مشتركه مفيش فيها اى اختلاف تماما
مجالها اوسع كتير من البشرى وكفايه انك بتعرف معلومات عن حاجات 99%من الشعب المصرى جاهل فيها ولا يدرى بيها اى شئ يعنى انت هتبقى مميز
انا هتكلم الاول على المجالات يعنى السؤال الوحيد ال انت بتساله لنفسك انا لما اتخرج هشتغل ايه يعنى ببطرى دى
1-تقدر تعمل دبلومة البايو ال من خلالها تبقى دكتور تحاليل مش اقل من اى دكتور بشرى كمان هتمتلك الصلاحيه ف عمل نوع من التحاليل(اعتذر بس انى نسيت اسمه)ال متخرج من علوم مش بيعرف يعمله وهتبقى ليك الامتياز بكده
2-اشهر مجال ممكن تشتغل من خلاله بيقى مندوب ف شركة ادويه بعد دبلومة الفارماوده الشائع
3-ممكن من خلال دبلومة الفارما دى وتكون جايب تقدير ف مادة الادويه فتح صيدليه تكون 40%بشرى60%بيطرى لان فيه امراض وادويه كتير جدا مشتركه بين الحيوان والانسان
4-مادة التغديه برده بعد انك تجيب فيها تقدير كويس وتعمل دبلومه ممكن تبقى دكتور تغديه ف اى مستشفى يعنى الرقابه الصحيه على الاغذيه
5-من المشاريع الناجحه جداا عمل شركة ادويه بالجمله بتوزع الادويه على العيادات والصيدليات الصغيره (مشروع نادر وناجح جدااااا)
6-دبلومة الباثولوجى ويتم من خلالها العمل ف معامل الاورام
7-معامل تحليل غذائيه
8-شركات الالبان ف مجال الطب الشرعى
طبعا كل ده خارج وبعيد تماما عن التعامل المباشر مع الحيوان لان اكيد فيه منا هيواجه فيه صعوبه اما مجالات العمل ال فيه تعامل مباشر مع الحيوان:
9-طبعا تبقى دكتور ف مزرعه وده بجد مركز كبير جدا ف المجتمع
10-ممكن لو عايز تدخل ف المجال اوى يعنى تفتح عياده (اعتقد ان ده من رابع المسحيلات عند ناس كتير)
11-التخصص فى مجال الاسماك
12-طيور الزينه مجال شيق جدااااااااااا (بيكسب جامد جدا)
طبعا كل ده غير انك ممكن تتفوق ف دراستك وتجيب تقدير وتبقى م الاوائل وتتعين ف الكليه وتبقى معيد وبعد كده ان شاء الله دكتور ف الجامعه
علشان نستفيد اكتر .. لان الناس فاكريين انها كليه اي كلام ..
و يا ريت تقولي لنا ايه الاقسام اللي موجودة في الكلية دي
اقسام الكليه:
1-قسم التشريح
2-قسم الخلايا والانسجه
3-قسم الفسيوليوجيا
4-قسم الكيميا الحيويه وكيمياء التغذيه
5-قسم الباثولوجيا
6-قسم الباثولوجيا الاكلينيكيه
7-قسم الطفيليات
8-قسم الفيروسات
9-قسم البكتريا والفطريات المناعه
10-قسم الادويه
11-قسم الطب الشرعى والسموموالاجراءات البيطريه
12-قسم الصحه والامراض المشتركه
13-قسم التغذيه وامراض شوء التغذيه
14-قسم الرقابه الصحيه على الاغذيه
15-قسم الامراض الباطنه والامراض المعديه والاسماك
16-قسم امراض الدواجن
17-قسم الجراحه والتخدير والاشعه
18-قسم التوليد والتناسل والتلقيح الاصطناعى
19-قسم الرعايه وتنمية الثروة الحيوانيه
دى الاقسام الموجوده عندنا بالفعل ف طب بيطرى المنصوره

.. و السنة التخصص بتكون امتى .. ؟؟
لا يوجد سنة تخصص ف كلية الطب البيطرى كل الطلبه بتدرس نفس المواد لمدة خمس سنين وبعد كده انت بقى ال تسلك الطريق ال انت عايزه

وعلى فكره النقض بتاع التحاليل هيتقبل بسهوله مش عايزين كلام مالوش اساس الله يخليكو
غلط انك تحكم على حاجه انت اساسا ش بتفهم فيها
اصلا مصر بتخلفها هى ال عملت كده ف الطب البيطرى لكن ف الدول المتقدمه الطب البيطرى هو التوب ومشبيخلو اى حد يتعامل مع الحيوان الا لما يكون متمكن فعلا ودارس وباحث
بس امتى بقى مصر تتقدم وتفهم كفايه جهل بقى..يمكن انا قبل مادخلها كنت بقول نفس كلامكو بس غلطتوعرفت انى كنت غلط فعلا ومن يومها معتش بحكم على حاجه الا لما اكون بفهم فيها

والكلام دهمكتوب ف موضوع هنا اسمه الطب البيطرى وانا اقتبسته بس

dr.roodyy

30-07-2009, 01:09 AM

على فكره بقى فيه الوقتى توزيع اقليمى يعنى كل واحد بيبقى تابع للمحافظه بتاعته

زيزو1900

30-07-2009, 01:10 AM

dr.roodyy

30-07-2009, 01:18 AM

زيزو1900

30-07-2009, 01:26 AM

ماشى ماحضرتك بتقول ان مافيش مجالاتلشغل بيطرى وده غلط تماما وزى ماحضرتك شايف شوف كام مجال تقدر تتجه ليه من خلال بيطرى ....العقل بيقول ان مجالات بيطرى افضل
وعموما اختلاف الراى لايفسد للود قضيه
وعلى اى حال اهم حاجه الانسان يدخل الكليه ال يبقى مقتنع بيها ويقدر قيمتها ومافيش كليه مالهاش فايده

اكيد طبعا بس ع فكرة كليه علوم افضل من وجهة نظري وناس كتير جدا بيفضلو علوم عن بيطري يعنى انا كانت حوالي دفعتى فيها 140 واحد منهم 20 واحد كان جايلهم بيطري وجم معانا علوم لان علوم اصلا مجالاتها واسعة جدا جدا

وبالنسبه للبنات خصوصا كانت بتدخل بيطري كتير منهم عشان يفتحوا معامل تحاليل ودة منعوه و نقابه الطب البيطري ووزارة الصحة دلوقتى بتدي للطبيب البيطري بعد ما بياخد دبلومة التحالييل مساعد اخصائي تحاليل مش اخصائي تحاليل
ودة كمان لينك من موقع بيطري المستقبل ياكد بيه كلامى

http://future-veterinarian.com/forum/index.php?showtopic=3591&st=20

وزى ماقلت الاختلاف في الراي لا يفسد للود قضيه

dr.roodyy

30-07-2009, 01:34 AM

زيزو1900

30-07-2009, 01:49 AM

وانا بوقل لحضرتك ان النقض اترفع واترفع قبل كده وبيتقبل بسهوله ان شاء الله يتقبل وعلى فكره التحاليل ده اخر مجال من مجالات بيطرى ال الواحد يفكر فيها
برده حضرتك مصمم على رايك وبتفكر زى ما معظم الشعب المصرى بيفكر
عموما انا ليا الفخر انى ف كليه زى زى وبدرس علم يجهل به 99% من الشعب المصرى ومطمنه جدا من ناحية مستقبلى ان شاء الله
بالنسبه للتحاليل النقابه بتاعة الطب البيطري ووزارة الصحة حاليا بتدى للطبيب البيطري مساعد اخصائي تحاليل انما نقابه العلميين والوزارة بتدى لعلوم اخصائي تحاليل لان علوم اقرب للتحاليل من بيطري
و معظم البنات خصوصا كانوا بعد ما بيتخرجوا بيفتحوا معامل تحاليل عشان مش بيلاقي شغل

وفيه توضيح تانى قبل ما يمنعوا البطري من التحاليل ياما بيسجل في قسم البكتريولوجيين او الكميائيين الطبيين اللي هو اصلا مجال كليه علوم مش بيطري
...........................................

وبالنسبه للبيطري انا مش بقلل منه بس اللي حابب يدرسو هيدرسوا كل واحد ومزاجه وممكن يبدع فيه كمان

shimaaa

30-07-2009, 03:27 AM

هو القرار فى الاخر لرغبتك هل بتفضل علوم ولا بيطرى عشان تعرف تمشى فيها والشغل والحاجات دى بتاعت ربنا لان الكليتين متميزين ومينفعش حد يقلل منهم

وعلى فكره التحاليل ده اخر مجال من مجالات بيطرى ال الواحد يفكر فيها

انا كنت فى كورس تحاليل طبية من اسبوعين تقريبا وكان معانا عدد كبير جدا من بيطرى .. اصل صعب على بنت تبقى طبيبة بيطرية الا اذا كانت حابة ده ....

عشان كده القرار فى الاخر لرغبتك حابب اى كلية وهتمشى فيها ناس كتير بتهرب من علوم عشان صعبة ودى حاجة مصر كلها عارفها اى حد يجيب سيرة علوم كل الناس تقولك الله يكون فى عونك مع انها سهلة وحلوة وممتعة للى بيحبها
وعموما ربنا يوفقكم انا اخويا علمى رياضة تالتة وكتب علوم رغبة اولى .... ربنا يوفقكم كلكم

king57

30-07-2009, 05:48 AM

اخويا فى علوم قسم فيزياء وليزر المنوفيه
وجايب 3 امتياز
و3 جيد جدا
و1 مقبول التقديرات ككتازه هناك

ahmed6600231

30-07-2009, 12:05 PM

انا طبيب بيطرى وكليه الطب البيطرى بها علم هائل وعظيم ولكن الطبيب البيطرى بعد التخرج سيواجه متاعب وصعوبات ستجعله يندم على التحاقه بهذه الكليه واقول هذا الكلام بمنتهى الامانه

mo0ny

30-07-2009, 02:21 PM

اختى رودى اليوم اللى انا نزلت الموضوع ده فيه طول الليل كنت بدور على كل حاجه فى بيطرى بينى وبينك كنت بدور على كلام الخريجين ووالله العظيم انا قريت كلام يقطع القلب بحاول ادور على الموقع اللى كنت قريت منهـ الكلام ده للاسف انا مسحته من غير مااخد بالى انا عمرى ما شوفت نفسى فى الاخر مع الجزارين او فى مرزعه انا اخرى امسك قطه ومن بعيد لبعيد كمان
تعرفى انا لو كنت بره والله العظيم كنت دخلت بيطرى اما فى مصر لا بره بيطرى ده تحفة انتم مش بتشوفوا انيمال بلانيت ده بيعاملوا الحيوان هناك معامله تحفه
لكن هنا انا مش هستحمل كلام الناس وهخيب فى الكليه لانى مش هكون قبلاها حتى بابا اللى كان قايلى ادخليها دلوقتى قالى متدخلهاش لانى سألتلك وقالولى فى مصر الطبيب البيطرى مش واخد مكانته مع انه انسان عظيم
سامحينى اختى انا بس بقولك اللى عرفته
وشكرا بجد على مساعدتك ليا

زيزو1900

30-07-2009, 04:02 PM

انا طبيب بيطرى وكليه الطب البيطرى بها علم هائل وعظيم ولكن الطبيب البيطرى بعد التخرج سيواجه متاعب وصعوبات ستجعله يندم على التحاقه بهذه الكليه واقول هذا الكلام بمنتهى الامانه

وهو دة اللي بقوله فعلا

totta2010

30-07-2009, 04:12 PM

انا الحمد لله جاتنى علوم ورايىان بيطرى مش مناسبة للبنت ومستقبل علوم افضل
ولاتصح مقارنتها ببيطرى دى هى كلية القمة فى كل الدول المتقدمة ولازم هتاخد حقها قريب باذن الله

حاتم سعيد

30-07-2009, 08:42 PM

انا ليا كل اصحابى بيطرى وشغالين فى شركات ادويه واحسن من علوووووووووووم
علوم ملهاش مستقبل

mo0ny

31-07-2009, 03:36 PM

بس بيطرى ملهوش مستقبل اكتر على الاقل لو اشتغلت فى ادويه وانا خريجه علوم هشتغل فى تصنيع الادويه نفسها
اما لو اشتغلت فى شركه ادويه وانا خريجه بيطرى هشتغل ميديكال ريب بس ودى شغلانه مش حلوه للبنات
وبعدين علوم بتعادل صيدله ويمكن كمان مجالاتها اوسع

زيزو1900

31-07-2009, 05:16 PM

انا ليا كل اصحابى بيطرى وشغالين فى شركات ادويه واحسن من علوووووووووووم
علوم ملهاش مستقبل

بيشتغلوا ايه كميائيين ههههههه ولا في اقسام الميكروبيولوجىحتى لو اشتغل بيطري في شركات ادويه اظن الكل عارف الفرق بين علوم وبيطري في الادويه

y o m n a

31-07-2009, 05:22 PM

طيب وايه الميديكال ريب ده ؟؟

زيزو1900

31-07-2009, 05:34 PM

طيب وايه الميديكال ريب ده ؟؟

ميدكال ريب هى تسويق الادويه وهى شغلانه بردو بيشتغلها علوم وصيدله واحيانا بيطري

smart .doctor

31-07-2009, 05:53 PM

انا زيكم فى ثانوية عامة اناجبت100.5% كان حلمى ادخل طب بس اهلى عايزين صيدلة عشان طب سنين كتير وانا بنت مش عارفة اعمل ايه!بيقولوا ان صيدلة مستقبلها احسن

smart .doctor

31-07-2009, 05:59 PM

انارايى ان علوم احسن كتير بالنسبة ليكى على فكرة ليا صديقة محتارة زيك كده بس هى اقتنعت فى الاخر بكلية العلوم كفايه انها خرجت لنا احمد زويل ومصطفى السيد

smart .doctor

31-07-2009, 06:00 PM

Xx_Youri_xX

31-07-2009, 06:01 PM

أحيانا بيطري

معلش يا زيزو
هاكلفك اتنين جنيه تجيب اهرام الجمعة

عايزك تطلعلي كام شركةة من كام شركة كاتبين انهم عايزين علوم
وكام شركة مش كاتبه بيطري :d

زيزو1900

31-07-2009, 06:05 PM

أحيانا بيطري

معلش يا زيزو
هاكلفك اتنين جنيه تجيب اهرام الجمعة

عايزك تطلعلي كام شركةة من كام شركة كاتبين انهم عايزين علوم
وكام شركة مش كاتبه بيطري :d

اه ونبي عايزك تشوف بنفسك وتحكم

زيزو1900

31-07-2009, 06:07 PM

جرنان الاهرام انهاردةالإعلان: مساحات الدورية: الاهرام - مصرية الصفحة: 16 الجهة المعلنة: ص ب : 251 هليوبوليس ـ مصر تخصصات: بائعون / كيميائى / مدير جودة / مدير مبيعات / مدير مشتريات / مدير موارد بشرية / مهندس انتاج / مهندس صيانة / مهندس كهرباء / مهندس ميكانيكا معلومات إضافية: طلب مدير جودة ومعامل ورئيس صيانة ميكانيكية شرط الخبرة ومهندس انتاج ومهندس صيانة ميكانيكية ومهندس صيانة كهربائية وكيمائي " حديثي التخرج " وطلب مدير مشتريات ومدير مبيعات واخصائي موارد بشرية وبائعين شرط اجادة الانجليزية والخبرة واجادة الحاسب

زيزو1900

31-07-2009, 06:09 PM

الإعلان: مساحات الدورية: الاهرام - مصرية الصفحة: 18 الجهة المعلنة: ص ب : 1034 المعادي ـ مصر تخصصات: كيميائى / محاسبون / مدير مالى / مدير مبيعات / مندوب مبيعات

زيزو1900

31-07-2009, 06:10 PM

التاريخ: 31/07/2009 نوع الإعلان: مبوبة الدورية: الاهرام - مصرية الصفحة: 40 الجهة المعلنة: هاتف :
ممنوع وضع نمر
travel
ـ مصر تخصصات: طبيب بيطرى / كيميائى / مندوب اعلانات معلومات إضافية: طلب خريجي علوم وبيطري " كمندوبين دعاية "

زيزو1900

31-07-2009, 06:12 PM

التاريخ: 31/07/2009 نوع الإعلان: مبوبة الدورية: الاهرام - مصرية الصفحة: 45 الجهة المعلنة: ـ السعودية تخصصات: عمال / فنيون / كيميائى / ممرضون / موظف استقبال

زيزو1900

31-07-2009, 06:13 PM

\: 31/07/2009 نوع الإعلان: مبوبة الدورية: الاهرام - مصرية الصفحة: 45 الجهة المعلنة:
مصر تخصصات: فني مختبر / كيميائى معلومات إضافية: طلب كيمائيين وفنيين لمعمل تحاليل طبية بقليوب

زيزو1900

31-07-2009, 06:15 PM

الإعلان: مبوبة الدورية: الاهرام - مصرية الصفحة: 45 الجهة المعلنة: ص ب : 137 / 2009 جريدة الاهرام ـ مصر تخصصات: فني برادة / فني طباعة / فني كهربائى / كيميائى / مهندس ميكانيكا / مهندسون معلومات إضافية: طلب حديثي التخرج في تخصصات " هندسة ميكانيكا انتاج ـ قسم كيمياء ـ صنايع قسم برادة ـ دبلوم صنايع قسم كهرباء ـ دبلوم صنايع قسم طباعة "

زيزو1900

31-07-2009, 06:17 PM

التاريخ: 31/07/2009 نوع الإعلان: مبوبة الدورية: الاهرام - مصرية الصفحة: 10 الجهة المعلنة: ـ مصر تخصصات: كيميائى / مهندس مبيعات / مهندس مدنى / مهندس معمارى معلومات إضافية: طلب مهندسين كيمائيين خبرة بالمبيعات ومهندسين معمار ـ مدني خبرة بالتسويق ومدير مبيعات طباسي ونعنع

زيزو1900

31-07-2009, 06:18 PM

الإعلان: مبوبة الدورية: الاهرام - مصرية الصفحة: 10 الجهة المعلنة
ممنوع وضع لينكات مواقع اخرى
travel
تخصصات: فني طباعة / كيميائى / مهندس انتاج / مهندسون معلومات إضافية: طلب مهندسين فنون تطبيقية " طباعة منسوجات ـ وكيمائيين وفنيين صباغة خبرة ثلاث سنوات ومهندسين وفنيين معمل صبغة وطباعة

smart .doctor

31-07-2009, 06:18 PM

انا برضه محتارة بين صيدلة وطب مش عارفه اعمل ايه

زيزو1900

31-07-2009, 06:19 PM

التاريخ: 31/07/2009 نوع الإعلان: مبوبة الدورية: الاهرام - مصرية الصفحة: 11 الجهة المعلنة: مصر تخصصات: فني مختبر / كيميائى معلومات إضافية: طلب كيمائيين وفنيين لمعمل تحاليل بمدينة نصر

زيزو1900

31-07-2009, 06:20 PM

التاريخ: 31/07/2009 نوع الإعلان: مبوبة الدورية: الاهرام - مصرية الصفحة: 13 الجهة المعلنة:ـ مصر تخصصات: طبيب بيطرى / كيميائى معلومات إضافية: طلب كيمائيين وبيطريين

زيزو1900

31-07-2009, 06:22 PM

أحيانا بيطري

معلش يا زيزو
هاكلفك اتنين جنيه تجيب اهرام الجمعة

عايزك تطلعلي كام شركةة من كام شركة كاتبين انهم عايزين علوم
وكام شركة مش كاتبه بيطري :d

عرفت بقي دة جرنال الاهرام بتاع انهاردة بس فيه بتاع 15 اعلان عايز علوم

زيزو1900

31-07-2009, 06:37 PM

انا برضه محتارة بين صيدلة وطب مش عارفه اعمل ايه

شوفي انتى ميولك واللي انتى بتحبيه اكتر واللي انتى تحسي انك ممكن تعملي حاجة فيه ووممكن تبدعى فيه

Xx_Youri_xX

31-07-2009, 06:42 PM

شوف برضه مكلف نفسك شمال

أنا عايزك تشتري أهرام النهاردة وتطلعلي الخمستاشر إعلان دول

عشان بس تعمل مقارنة ما بين بيطري وما بين علوم

يعني ميديكال رب بس .. انت أي كلمة علوم أو كيميائي جبتلي نسخة منها

لكن وماله .. أديني جبت الجرنان أهوه لما نراجع ورا سعادتك

جرنان الاهرام انهاردةالإعلان: مساحات الدورية: الاهرام - مصرية الصفحة: 16 ـ مصر تخصصات: بائعون / كيميائى / مدير جودة / مدير مبيعات / مدير مشتريات / مدير موارد بشرية / مهندس انتاج / مهندس صيانة / مهندس كهرباء / مهندس ميكانيكا معلومات إضافية: طلب مدير جودة ومعامل ورئيس صيانة ميكانيكية شرط الخبرة ومهندس انتاج ومهندس صيانة ميكانيكية ومهندس صيانة كهربائية وكيمائي " حديثي التخرج " وطلب مدير مشتريات ومدير مبيعات واخصائي موارد بشرية وبائعين شرط اجادة الانجليزية والخبرة واجادة الحاسب [/
quote]
جرب تسأل على المرتب للكميائي حديث التخرج وبلغني

[quote] الإعلان: مساحات الدورية: الاهرام - مصرية الصفحة: 18
تخصصات: كيميائى / محاسبون / مدير مالى / مدير مبيعات / مندوب مبيعات

خبرة من 5-6 سنين ومطلوب زيه زي أي مدير مالي ومدير مبيعات .. عادي يعني

التاريخ: 31/07/2009 نوع الإعلان: مبوبة الدورية: الاهرام - مصرية الصفحة: 40 ـ مصر تخصصات: طبيب بيطرى / كيميائى / مندوب اعلانات معلومات إضافية: طلب خريجي علوم وبيطري " كمندوبين دعاية "

لمعلوماتك الصفحة دي فيها ثلاث إعلانات في الصفحة دي سيتي فارما صاحبة الإعلان ده هي الوحيدة اللي قالت ممكن بتوع علوم

المهم مش هاكمل عشان الباقي فاضح نفسه أصلا

السعودية تخصصات: عمال / فنيون / كيميائى / ممرضون / موظف استقبال
يعني كمالة عدد جنب العمال والفنيون

فني مختبر / كيميائى
عامل يعني

وهكذا شوف بقه صفحة خمسة واربعين اللي انت بتتكلم عليها دي فيها كام إعلان لبيطري أكثر من سبعة انا عديتهم وانا بتفرج من بعيد كده من غير تدقيق

وتلف الجرنان دور على أي إعلان لشكركة محترمة تلاقيها كاتب بيطري

بس الشركات الوقيع اللي مش عايز تكلف نفسها في الأول تلاقيها كاتبة علوم

اتحداك بعمري لو لقيت شركة محترمة طالبة علوم .. ليه ؟؟
لأن بكل بساطة خريج علوم جاهل بأبسط قواعد الطب

والله ما عارف أقول إيه .. بلاش الحماس بتاعك ده وجرب تبص للواقع من دلوقتي ..

أنا في بترول وتعدين وخايف إني ملاقيش شغل .. وبتدرب على كذا شغلانة من دلوقتي

متحطش المنظار الوردي لنفسك وتقنعها ان عقد العمل هيبقى متدبس في شهادة التخرج

7med@

31-07-2009, 07:15 PM

انا رأيي علوم احسن بكتير من بيطري ولو مكانك هاختار علوم

the black rose

31-07-2009, 07:19 PM

لو سمحتم
النقاش اتقلب لجدال
و هيتقلب خناقة
كل واحد قال وجهة نظره
و صاحب الموضوع يشوف هو عايز ايه
لكن كدا هتوتروا الناس اكتر

PRO.EINSTEIN

31-07-2009, 08:15 PM

بص يا زيزو

أنا مبحبش الجدال لمجرد الجدال

لكن عمومًا عشان هننهي الموضوع

أي حد منصف هيلاقي ردك كله حلفانات مش أكثر ..

أقولك بتاع الميكرو بيولجي ولا بيفهم حاجة غير التركيب .. تقولي بيدرسها أربع سنين !!
اربع سنين منين .. انت معملتلهمش زيارة قبل كده
وغير كده كل دراستهم تركيب أو وظيفة .. ملهمش علاقة إطلاقًا بأي معرفة طبية

بتاع كيمياء مبيفهمش غير في الكيمياء ولا يعرف أي حاجة عن الدوا .. تقولي أقسام مشتركة حيوان ونبات والكلام ده

اسئل أي واحد بتاع حيوان بتاخدوا إيه
هيقولك تركيب وظيفة تسمية .. مش أكثر .. ماله هوه بالمرض وإزاي نشأ وليه

الأكثر مداعاة للضحك بجد اني خالص آمنت إني صبي حانوتي
الباشا بيقول إنه معاه دبلومة كيميا حيوي وجاي يقول مال الطب وما الكيميا الحيوي

دلوقتي معلش شغل مخك ثانية واحدة
انت واحد بتاع كيميا درست بيو في سنة رابعة ولا ثالثة .. درستها ليه ؟؟
عشان انت بتدرس كيميا الميه وكيميا الإسمنت إلخ إلخ إلخ .. !!
فكمالة أنواع الكميا البيو

إنما متطلعش بيهم السما وتقولي بقيت دكاترة

تشتغل انت دكتور إزاي وانت كل معلوماتك ان الجلوكوز بيتحرق بالكربس سيكل
تشتغل إنت في معمل إزاي وانت كل مجهودك في الدنيا إن الدهون بتتحول لتراي جلسريد !!!

خلاصة الكلام عشان ننهي .. أنا معرفش واحد في علوم وفرحان بكليته وخصوصًا قسم كيمياء ..

خلي بالك إني هندسة بترول وأغلب الدكاترة عندنا من علوم من ومن تربية

يعني دكتور رياضة فاضي .. بيجوا شغلوه عندنا عشان يحلل فلوسه
دكتور كيميا فاضي ييجي يخنقنا بشوية كيميا عضوية وهكذا !!

.. أنا مش ضد الكلية .. لكن ضد الحماس بتاعك ليها ..

بصراحع بعد الكلام اللي انت قلته ده انا معندش كلام تاني اقوله انت جبت من الاخر زي ما بيقولو

PRO.EINSTEIN

31-07-2009, 08:43 PM

الموضوع واضح

صيدله و علوم
و الله مات الكلام

Travel

31-07-2009, 09:23 PM

هو ليه التعصب
انا حاسة انى مش داخلة استفسار علوم ولا صيدلة
انا داخلة صفحة جرنال
ياخوفى لحسن ادخل الوفيات
:d
بصى يا صاحبة الموضوع علشان نسيت الاسم والله
:d
المشكلة مش ف مين احلى علوم ولا صيدلة ولا هندسة حتى
المشكلة انتى جواكى عاوز ايه
هل هتتقبلى دراسة مواد علوم ولا مواد صيدلة ولا طب
؟
بصى ع حسب تفكيرك انتى وزاكرتك من غير ما تبصى للشغل او خلافه
يبقى تدخلى
وبرضوا صلى استخارة
وربنا يوفقك ويقدم اللى فيه الخير