مشاهدة النسخة كاملة : غرامة 100 جنيه لمن يرفض التعامل بـ العملة المعدنية
Observer 28-07-2009, 05:20 PM قررت وزارة المالية بتغريم من يمتنع عن التعامل بالعملة المعدنية 100 جنية من فئة الجنية و النصف جنيه.
يذكر أن بعض المواطنين يرفضون التعامل بالعملات المعدنية نظرا لثقل وزنها في الجيب وسهولة ضياعها، وهو ما أكدت المسئولون مخالفته للتشريعات المالية المصرية.
ومن جانبه أكد شريف صادق رئيس مصلحة صك العملة في تصريحات لبرنامج "90 دقيقة" الذي يذاع على قناة المحور الفضائية أن القانون يشمل عقوبات لمجموعة من الفئات المخالفين للقانون، ومن ضمن هذه الفئات التعامل بالعملات الرسمية للدولة.
وشدد صادق على أن أي رفض للتعامل بهذه العملات يوقع على الرافض غرامة لا تزيد عن 100 جنيه، وأشار إلى أنه هناك خطة لإحلال الجنيه المعدني كبديل عن الجنيه الورقي بشكل كامل، وسيتم سحب الجنيه الورقي من قبل البنك المركزي.
http://www.egypty.com/people-talk-details.aspx?people_talk=3026
Mr.Hani 28-07-2009, 05:32 PM قرار حكيم لتأديب البائعين والسائقين
لعله يتم تفعيله
وألا يصبح كباقي القوانين التي لا تفعل
BaNZeR 28-07-2009, 06:14 PM هو قرار حكيم لتأديب البعض اه
لكن غلسة موضوع احلال العملة المعدنية مكان الورقية ده
يعني انت حتشييل في المحفظة ورق ولا عملات معدنية
ايه الرزالة ده
حنمشي بحصالات بعد كده
من اللى بتغني ده :d
عاشقة الموج 29-07-2009, 07:58 AM مشكوووور
فعلا يساء لنا من قبل المتعاملين معنا فى شتى مناحى التعامل النقدى
لدرجة مرة سائق التاكسى فى إحدى المحافظات رفض أخذأجرته
منها بعض الجنيهات الفضية و عندما طلبت منه التوجه لأقرب كمين
و بالفعل ذهبنا للكمين فما كان منهم إلا أن قالوا المحافظة ترفض التعامل
بتلك العملة
و أجبرنى العسكرى على دفع الأجرة بالعملة الورقية
Mr.Hani 29-07-2009, 06:52 PM مشكوووور
فعلا يساء لنا من قبل المتعاملين معنا فى شتى مناحى التعامل النقدى
لدرجة مرة سائق التاكسى فى إحدى المحافظات رفض أخذأجرته
منها بعض الجنيهات الفضية و عندما طلبت منه التوجه لأقرب كمين
و بالفعل ذهبنا للكمين فما كان منهم إلا أن قالوا المحافظة ترفض التعامل
بتلك العملة
و أجبرنى العسكرى على دفع الأجرة بالعملة الورقية
همه بيغالطوا نفسهم
منين قانون يحذر من عدم التعامل بها
ومنين الكمين بيقول لا نقبل العمل بها
إحنا فين بالضبط
آه نسيت احنا فى مصر
www.onlyineg.com (http://www.onlyineg.com)
موقع به من المضحكات المبكيات مثيلة هذا الخبر
عاشقة الموج 29-07-2009, 08:34 PM همه بيغالطوا نفسهم
منين قانون يحذر من عدم التعامل بها
ومنين الكمين بيقول لا نقبل العمل بها
إحنا فين بالضبط
آه نسيت احنا فى مصر
www.onlyineg.com (http://www.onlyineg.com)
موقع به من المضحكات المبكيات مثيلة هذا الخبر
أشكرك مستر هانى
فعلاً هم يضحك و هم يبكى
أكيد أكيد أحنا فى مصر
جمال سراج 29-07-2009, 09:00 PM هو الناس يعنى هتجيب سيالة بقا زى بياعين السوق تحط فيها فلوسها
صح الفلوس المعدن - بس مش تلغى الورق زى ما سمعنا ان معتش جنيهات ورق هتنزل وان من يدخل البنك منها لا يخرج
لازم تتحل المشكلة دى - بجد مشكلة
انا من الناس اللى بتخلص من المعدن دا باى طريقة
ولا اظاهر انهم عاوزين يفلسوا الناس بدرى بدرى
ربنا يتولانا برحمته
صحيح انه التاكسى والباص وغيرهم معزورين فى عدم اخدها وان كان ملهمش حق بس هيعملوا ايه
ادينا عقولقم
Bent 3bdo 29-07-2009, 09:24 PM بصارحه موضوع الفلوس المعدن اختراع فاشل
ماله الورق ياعنى
بجد بتشل لما اشترى حاجه ويدينى الباقى معدن
اشيلهم ازاى انا؟؟؟؟
شكرا ع الخبر
Observer 05-08-2009, 11:55 AM ويا سلام لما تيجى تشرب حاجة ساقعة من أم جنيه وربع وتدى البقال عشرين جنيه
فيديلك الباقى جنيهات ونصاص وارباع من المعدن
منتهى الشلل !!
احنا كدة تقريباً راجعين لعصر الصرة وأكياس الدراهم والدنانير بتاعة الأفلام القديمة
والمشكلة الحكومة مش مصدقة ان الشعب مش عايز الفلوس دى
طب نعمل إيه ؟!
النجم الكبير 05-08-2009, 01:15 PM كل يوم ارجع البيت بشوية فضة
اسيبهم على الترابيزة وانزل فارجع بشوية فضة فاسيبهم على الترابيزة وهكذا
تقريبا المصاريف فعلا زادت على اوى
اصلا انا شايل مفاتيحى فى جيبي من غير مادلية علشان اخف من شيلها
المهم ياااااااااارب الغرامة لما اجى ادفعها ويلاقوها فضة حيخدوها ولا حيرفضوها فيدفعوا هم الغرامة
هههههههههه
شكرا لصاحب الخبر
هيه الفلوس المعدن بتبقى رخمة في التعامل
ولو ماكنوش عملوها كان يبقى احسن
بس طالما اتعملت كويس اللي همه عملو القانون ده
لان في ناس كتير بترفض التعامل بيها
يبقى انا بقى اروح ارميها عشان محدش عايز يخدها:bosyht9:
بس على الله يتنفذ
محمد ابو اسلام 06-08-2009, 08:06 AM أنا أقترح أن يكون الزى الرسمى لموظفى الدولة الجلابية وبسيالة عشان يسها لهم شيل العملات الجديدة
Observer 06-08-2009, 12:10 PM أو إجبار كل مواطن على حمل كيس قماشى لحمل الفلوس يكون على شكل صرة
وتغريم كل مواطن لا يحمل هذا الكيس مبلغ مالى كبير
واهو كل خير للبلد !!!!
earth 06-08-2009, 04:41 PM وأشار إلى أنه هناك خطة لإحلال الجنيه المعدني كبديل عن الجنيه الورقي بشكل كامل، وسيتم سحب الجنيه الورقي من قبل البنك المركزي.ايوه عشان الناس تقبض المرتب فى اكياس زى
بتاعة زمان
ببقى ماشية فى الشارع و الفلوس عمالة ترن فى الشنطة
و تقيلة
و ضاعت منى بدل المرة الف
ليه يعنى
كانت عملتلهم ايه الفلوس الورق
دى حتى ارخص فى التكاليف
صحيح نفسى اعرف الفلوس المعدن دى مصنوعة من ايه :bosyht9:
theotherface 06-08-2009, 05:55 PM صراحة الفلوس المعدن ديه رخمة اخر رخــــــــــــــامة انا بحاول اهرب منها باى شكل
بس خلى بالكوا ياجماعة تكلفتها ارخص من تكلفة الورق لان بيان بيصنعوها من النيكل حاجة كده يعنى رخيصة
اما حوار القانون ده حلو اوى عشان اى سواق يكلم معايا علطووووووووووووول على القسم .........
hapo2007 06-08-2009, 06:38 PM ههههههههههههههههههههههههههه والله العظيم انا محتاره هى الحكومه بتاعتنا دى شغلها الشاغل هو ازاى تقرف المواطنين اهو افرحوا يا شباب افرحوا يا بنات كل واحد هيمسك كيس علشان يقبض المصروف والعيال يزفوه ابو شنطه جنان اهو يا ولاد
ربنا يرحمنا برحمته
احمد رضا 07-08-2009, 03:36 AM هههههههههههههه
سرة من الدنانير يامليجي
:d
---
علي فكرة ياجماعة
العملة إقتراح كويس جداً
وبيقلل فاقد الميزانية
يعني مثلا بالفلوس الورقية
كان مثلا لو الدولة عملت
5 جنية للدولة بحالها
واتقطع جينيه وباظ
يبقي كدا الناتج نقص جزء من دورة الاقتصاد
فهي عملية بس لو البلد كلها تشتغل بيها
ده رأيي الشخصي
:)
puma_stone 07-08-2009, 01:27 PM الحكومة عندها حق لأ ننا بنسيئ استخدام العملة الورقية بشكل غير حضارى و كمان شوية يخترع الناس حاجة للعملة المعدنية يسياحوها مثلا احنا شعب ملناش حل زى الأمراض المزمنة
Observer 07-08-2009, 04:05 PM الحكومة عندها حق لأ ننا بنسيئ استخدام العملة الورقية بشكل غير حضارى و كمان شوية يخترع الناس حاجة للعملة المعدنية يسياحوها مثلا احنا شعب ملناش حل زى الأمراض المزمنة
عندك حق
احنا شعب جاهل ومتخلف وعبيط كمان والمفروض منمسكش الفلوس من أساسه
ربنا يصبر الحكومة دى علينا أنا مش عارف هما بيستحملونا ازاى ؟!
اللهم اخرب بيتنا يا شيخ :mad:
|