كنانو
28-07-2009, 11:44 PM
فى 2008 كنت فى ثانية ثانوى دخلت الامتحان فى اربع مواد وتركت الكيمياء لذا كان لزاما على انى اقسم ثالثة علشان كده دخلت الامتحان فى اربع مواد ايضا هى عربى وانجليزى وفيزياء وعلم نفس وتركت الكيمياء والاحياء للسنة الجاية وهى سنة الفراغ الان مجموعى فى 8 مواد بالمستوى289 ولسه باقى مادتين ب100 درجة يعنى لو ربنا سهل وجبت النهائيات تصبح 389 دلوقتى انا محتار احول رياضة ولا ابقى احياء وهل ممكن بالمجموع ده ادخل صيدلة السنة الجايه ولا احول رياضة والعب على المضمون وهى الهندسة انا محتار ومخى وجعنى وتعبت ارجو النصيحة واعتبرونى اخوكم مع العلم انى كويس فى الاحياء وفى الرياضة لانى جبت فى رياضة تانية 48 وفى احياء اولى ثانوى كنت كويس
ياريت الى يدخل يقرا الموضوع يبدى رايه او نصيحته لانى كتبت الموضوع علشان اعرف رايكم
hana montana
29-07-2009, 12:06 AM
انا شايفة انك تحول رياضة عشانك مش هتلحق صيدلة
خاصة ان الحد الادنى للمجاميع هو نفس بتاع السنة دى
وربنا يوفقك
كريم ايمن مصطفى
29-07-2009, 12:09 AM
شوف هى اهم حاجة تحدد انت عايز تطلع اي وسيبك بقى من كونك شاطر فى الرياضة او الاحياء
انا اتوقع تنسيق السنة الفراغ حيبقى كويس لان الدرجات منخفضة جدا فى ثانية
ركز انتا بس علشان تقفل الكيمياء والاحياء وسيب الباقى على الله
amin saleh
29-07-2009, 12:14 AM
المهم انت بتحب اية انت شايف نفسك عاوز تبقي اية في المستقبل وفكر كويس واعمل استخارة وربنا هيوفقك للصح انشا اللة
كنانو
29-07-2009, 03:16 AM
شكرا لكل واحد حب انه يساعدنى بنصيحته وبالرد بتاعه وانا اطمع ان اى واحد يقرا الموضوع يضع رد ودى هتبقى مساعدة كبيرة اوى بالنسبة لى وجزاكم الله خير
bibo.bibo
29-07-2009, 03:32 AM
السنه الفراغ هتبقي مجميعها زي السنه دي
فضمن لك حول رياضه احسن
والعب علي هندسه اضمن
dr_mido 2050
29-07-2009, 04:23 AM
ازاى هتاخد احياء وتدخل رياضة؟
عالعموم انا رأئى تدخل رياضة وعلى فكرة تنسيق السنة الجاية زى بتاع السنة دى يعنى مش هتلحق صيدلة وصراحة يعنى كدة ربنا معاك انت لسة فاضلك شوط كامل وورينا مهارتك يا لعيب...................................ههههههههههه هه