تنسيق المرحلة الثانية ... عملتوا ايه يا رياضة ؟ [الأرشيف]

مشاهدة النسخة كاملة : تنسيق المرحلة الثانية ... عملتوا ايه يا رياضة ؟

Eng. Alios

29-07-2009, 01:24 AM

سلام عليكم

مجموعي 379
علمي رياضة

و كتبت رغباتي كالآتي :
- كل حاسبات و معلومات
- كل سياحة و فنادق
- كل علوم
- كل تجارة

طمنوني , كتبتوا ايه ؟!
طبعاً علمي رياضة اللي زي حالاتي ح يحتاروا

لكن
العبرة مش بنضافة الكلية
عمر ما كان نضافة الكلية و حلاوتها هو المقياس

كتييير دخلوا هندسة و اتخرجوا من غير شغل
و كتيير دخلوا طب و صيدلة و اتخرجوا من غير شغل

العبرة
باللي يتخرج و يلاقي اكل عيشه و يتميز عن الآخرين
و اللي محققوش في ثانوية
يحقق نجاحه و تميزه في كليته
انشالله لو معهد

ياريت تبصوا للموضوع من قدام
مش من ورا
لان في اهالي بتجبر على اولادهم انهم يدخلوا هندسه او طب
علشان الاسم و اللقب
لكن الشغل , اللي تميز فقط ح يلاقي شغل
لكن زي ماقلت
كتييير دخلوا هندسة و ضاعوا
و كذلك طب و صيدلة و ضاعوا

بصوا للموضوع على : اكل عيشك فين ؟

ياريت كل واحد علمي رياضة يدخل و يطمني

و يارب الحق حاسبات و لو اسيوط

طمنوني
و الله بإذن الله الموفق ...

Muhammad Jamal

29-07-2009, 01:51 AM

انا لسة معلمتش بتاعي
لكن بإذن الله هعمله
حاسبات
علوم
تجاره
سياحة وفنادق

وبما اني عارف ان شكلي بمجموعي ده 378 مش هلحق حاسبات ومعلومات

يبقى هحاول أشوف كلية السلاب لإني مش هدخل علوم مع اني سمعت ان فيها علوم حاسبات تقريباً ومش هدخل تجاره ولا سياحة وفنادق وربنا يسهل

Eng. Alios

29-07-2009, 02:06 AM

لا ان شاء الله ح تلحق
الكليات الخمسة دي منزلتش مرحلة اولى
يعني ممكن توصل لمجموعك
باذن الله

casper.eg

29-07-2009, 02:59 AM

Eng. Alios

29-07-2009, 03:09 AM

الحمد لله
انا جبت 381.5
وبرضه ملحقتش هندسه
قد الله وما شاء فعل
وجالي معهد طاقه اسوان
الحاسبات للمرحة التانيه افضل الحلول دا لو مكنش ليك رغبه تاني عايز تحطها
في كمان معهد طاقه اسوان اللي جالي ده
مش وحش
- المعهد العالي للطاقة بأسوان:
مدة الدراسة: خمس سنوات دراسية للحصول علي بكالوريوس الهندسة في:-
- هندسة القوي الميكانيكية – قسم محطات القوي.
- هندسة القوي والآلات الكهربية – قسم شبكات الجهد الفائق.
شهادة المعهد معادلة لشهادات كليات الهندسة بالجامعات المصرية
بقرار من المجلس الأعلى للجامعات
و بالتوفيق

بس للأسف
مش نازلة مرحلة تانية
كل الكليات اللي كانت طبيعي بتنزل تانية
نطت اولى

دلوقتي علمي رياضة مقدامهمش غير : الحاسبات و المعلومات ( و أملها ضعيف بالنسبة لي لان انا جايب 379 و خايف تبقى كل الحاسبات 379.5 )
و الجامعات الخاصة ( و دي مقدرش عليها )

اما بقى اللي صاحب لياقة و رشاقة و متأكد من نفسه
يقدم في الفنية العسكرية
افضل كلية
لان كل حاجة فيها مضمونة
بيتك - مرتبك - وظيفتك - امتيازاتك
و يا سلام بقى لو بقيت اوائل من الفنية العسكرية
تروح المخابرات او تبقى دكتور في الكلية
حاجة آخر ألاجا

لكن
ربنا ما بينساش عباده
و بإذن الله تيجي حاسبات و معلومات

mazikatak

29-07-2009, 03:15 AM

fabergas4

29-07-2009, 03:16 AM

انا جايب 378 وبفاضل مابين معهد تكنولوجيا بنها ومعهد طاقه اسوان ياريت اللى يعرف اهنو الافضل يقولى وفى الاخر بعد مجمجوع 92.2 حبقى دخلت معهج سبحان الله:078111rg3:

casper.eg

29-07-2009, 03:16 AM

بس للأسف
مش نازلة مرحلة تانية
كل الكليات اللي كانت طبيعي بتنزل تانية
نطت اولى

دلوقتي علمي رياضة مقدامهمش غير : الحاسبات و المعلومات ( و أملها ضعيف بالنسبة لي لان انا جايب 379 و خايف تبقى كل الحاسبات 379.5 )
و الجامعات الخاصة ( و دي مقدرش عليها )

اما بقى اللي صاحب لياقة و رشاقة و متأكد من نفسه
يقدم في الفنية العسكرية
افضل كلية
لان كل حاجة فيها مضمونة
بيتك - مرتبك - وظيفتك - امتيازاتك
و يا سلام بقى لو بقيت اوائل من الفنية العسكرية
تروح المخابرات او تبقى دكتور في الكلية
حاجة آخر ألاجا

لكن
ربنا ما بينساش عباده
و بإذن الله تيجي حاسبات و معلومات
ايه ده معقول
دي اول مره يقفل مرحله اولي من لما اتعمل
علي العموم بالتوفيق

اين اشتين

29-07-2009, 03:18 AM

عندك حق والللللللللللللللللللللللللللللللللللله

casper.eg

29-07-2009, 03:20 AM

والله احنا مظلومين على الاخر مش عارف ليه كلهم بيستقصدوا علمى رياضه لما الهندسه تاخد من 95.5 فى المنصوره دى هتتكتب بميه دهب فى السنين الى جايه والله طب الى كان جاى فى الجرنال ان الهندسه لسه فيها 1500 مقعد كان كله بقى فى الفاضى محدش يصدق كلام الجرايد بعض كده . والله لانه كلام كدب فى كدب مش عارف ايه الى هيحصل لما يكتبوا كلام صح همهم كله انه يكتب ويعد صفح وبس يله كله عند الله وشكرا
لا مش مظلومين وبس دا احنا مطحونين
خد عندك
رياضه 2 ماده اغلس بكتير من احياء
الجدول جه زفت وخاصة للي زيي كنت علم نفس وبيجي كل سنه كده
الامتحانات صعبه
التنسيق اتنيل بستين نيله السنادي

casper.eg

29-07-2009, 03:23 AM

انا جايب 378 وبفاضل مابين معهد تكنولوجيا بنها ومعهد طاقه اسوان ياريت اللى يعرف اهنو الافضل يقولى وفى الاخر بعد مجمجوع 92.2 حبقى دخلت معهج سبحان الله:078111rg3:

علي فكره معهد طاقه اسوان كان فيه اعتصامات من الطلبه انه يبقي كليه
ودي امتيازاته
المشاركة الأصلية كتبت بواسطة casper.eg http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=1452225#post1452225)
الحمد لله
انا جبت 381.5
وبرضه ملحقتش هندسه
قد الله وما شاء فعل
وجالي معهد طاقه اسوان
الحاسبات للمرحة التانيه افضل الحلول دا لو مكنش ليك رغبه تاني عايز تحطها
في كمان معهد طاقه اسوان اللي جالي ده
مش وحش
- المعهد العالي للطاقة بأسوان:
مدة الدراسة: خمس سنوات دراسية للحصول علي بكالوريوس الهندسة في:-
- هندسة القوي الميكانيكية – قسم محطات القوي.
- هندسة القوي والآلات الكهربية – قسم شبكات الجهد الفائق.
شهادة المعهد معادلة لشهادات كليات الهندسة بالجامعات المصرية
بقرار من المجلس الأعلى للجامعات
و بالتوفيق
لكن معنديش فكره عن تكنولوجيا بنها

Eng. Alios

29-07-2009, 03:29 AM

بصوا

علمي علوم ربنا كارمه نسبياً
و ادبي طبعاً كل سنة بتتفتح لهم ابواب كتيرة

لكن علمي رياضة
اتظلم ظلم مش عارف اعبر عنه ازاي

امتحاناته مش سهلة
جدول امتحاناته زفت
و تنسيقه زبلاه

و واضح ان البلد مش عايزة مهندسين كتيير
و واضح ليه ؟
ما الواقع اهو

مهندسين بيتخرجوا مش لاقيين شغل
اطباء و صيادلة بيتخرجوا قفاهم يقمر عيش
مهندسين ديكور و مصممين على اقفا من يشيل , لكن فين الشغل

فين الشغل ؟
ما فيش

محدش يزعل لو مدخلش هندسة
و كل واحد يرضى بكليته
المهم يحقق بقى النجاح فيها و اللي محققوش في ثانوية عامة
علشان يتميز

يا جماعة و الله معظم الاهالي بتبقى ضاغطة على ولادها بالعافية
علشان يدخلوا هندسة و طب
لمجرد اللقب و التفاخر

لكن اعتقد ان ده مش صحيح
لابد ان يكون للشخص ميوله
و ميوله التي تدفعه للعمل
مش لمجرد حمل اسم مهندس او دكتور

ادعوا ربنا انه يفكها من عنده
و ان شاء الله ندخل كليات كويسه

young coder

29-07-2009, 03:35 AM

محتار ما بين تجارة (انجلش) و هندسة خاص

basmasaad

29-07-2009, 03:36 AM

يااااااااااااااااااااااااااااااااااااااااااااااااا اااااااااااااااااااااااااااااااااااااااااااااارب

Eng. Alios

29-07-2009, 03:40 AM

محتار ما بين تجارة (انجلش) و هندسة خاص

و الله تجارة انجلش ح تلاقي شغل

لكن هندسة خاص فده على حسب قسم الهندسة اللي ح تدخله بعد اعدادي
اتصالات - مدني - معماري - ميكانيكا - كهربا - كمبيوتر - .......

لكن , ربنا معاك ان شاء الله

Eng. Alios

29-07-2009, 03:46 AM

المفروض ان احنا الايام دي ننسى
و نخليها على الله
و اللي شايفه ربنا هو الصح
و هو السليم

احنا نكتر من صلاتنا دلوقتي
و نصلي ركعتين حمداً و شكراً
بسبب او من غير سبب
سبب سعادة او سبب حزين
تصلي ركعتين شكراً لله كل يوم
و ما تقطعهمش

كذلك نبعد عن الجرايد و القنوات و المواقع الاخبارية
اسمعوا كلامي
بلاشهم , لانهم بيجيبوا احباط نفسي

تذكروا ان احنا مظلومين
و ربنا مابينساش المظلومين
و بلاش نظلم في حق نفسنا
احنا لسه قدامنا مشوار طويل
و اللي جاي بيبقى انيل من اللي فات

لكن كله بتساهيل ربنا

ادعي و صلي و اقرا القرآن
بقلبك
و حسن نيتك

ربنا بيكرم
و كل ما نشكر ربنا
كل ما ح يرزقنا اكتر
و لو بعد حين

حيران في الثانويه

29-07-2009, 03:47 AM

لو كنت مكانك كنت هكتب كده بالظبط

casper.eg

29-07-2009, 04:00 AM

Eng. Alios

29-07-2009, 04:01 AM

معاك حق

لكن في اهالي دماغهم ناشفة

على العموم
اللي حصل حصل
و ربنا يستر في اللي جاي
و ربنا ميرضاش بالظلم ابداً

casper.eg

29-07-2009, 04:16 AM

معاك حق

لكن في اهالي دماغهم ناشفة

على العموم
اللي حصل حصل
و ربنا يستر في اللي جاي
و ربنا ميرضاش بالظلم ابداً
الحمد لله علي كل شئ محدش بياخد اكتر من نصيبه في ناس كتير زعلت لما مجتلهاش الرغبه الاولي وجاتله رغبه غيرها
زيي كده لكن بعد الدراسه في الكليه ارتاحت جدا
واتمنت انها ما كانت زعلت لحظه
يارب دا يحصل معايا
اما اللي لسه هينسق
يارب محدش يزعل وتجيله اول رغبه من الكليات المتاحه
قولوا اميييين

Eng. Alios

29-07-2009, 04:19 AM

آمييييييييييييييييييييييييييييييييييييييييين