جهاد ناصر
29-07-2009, 02:57 AM
يا جماعة انا دخلت بيطرى وكان كل املى صيدلة
والسبب الرئيسى للاسف الفزياء برغم سهولتا
حد يقنعنى بالكلية ولا احول اعلام وخلاص
والسبب الرئيسى للاسف الفزياء برغم سهولتا
حد يقنعنى بالكلية ولا احول اعلام وخلاص
|
مشاهدة النسخة كاملة : احباط شديد جهاد ناصر 29-07-2009, 02:57 AM يا جماعة انا دخلت بيطرى وكان كل املى صيدلة والسبب الرئيسى للاسف الفزياء برغم سهولتا حد يقنعنى بالكلية ولا احول اعلام وخلاص biboman 29-07-2009, 03:05 AM بيطرى حلوة وشغالة كويس قوى اليومين دول وكمان فية انفلونزا يعنى هتشتغلهتشتغل فخليك فى بيطري احسن asmaa_samakah 29-07-2009, 03:07 AM حرام عليكي اعلام ايه والله البيطري مش عارفه انتم وخدين عنه فكره وحشه ليه وبعدين ادام انتي كنت عايزه صيدله يبقي انتي بتحبي مجال الاحياء والحاجات دي واللي انتي دخلاها عشان تقولي انك في صيدله وخلاص مع ان في الدول المتقدمه بيدوا اللبيطري اهميه اكتر من البشري لان حياه الانسان متوقفه اساسا علي حياه الحيوان والنبات ولا انتي ايه رأيك مش عجبك كلامي قولي ونقشيني حيران في الثانويه 29-07-2009, 03:09 AM انا شايف ان بيطري كليه كويسه جدا جدا جدا وليها مجال واسع في الشغل خليك علي بيطري احسن young coder 29-07-2009, 03:37 AM احمدي ربنا في ناس نفسها تخشها marwa.m 29-07-2009, 03:40 AM بيطرى طبعا امال كنتى بتدخلى علمى علوم لية basmasaad 29-07-2009, 03:46 AM طب بيطرى طبعا انتى زى واحده صحبتى جلها بيطى وعايزه تحول تمريض عماله اقنع فيها لحد اما تعبت حيران في الثانويه 29-07-2009, 03:56 AM تحول تمريض ! من دكتوره للممرضه يعني انا معاكي ان البيطري طبعا مش زي البشري لكنه احسن واعلي كتير من التمريض princess bosy 29-07-2009, 05:29 AM البطري شغله كتير وكمان انا اسمع ان ممكن تعملي دبلومه بعد ما تخلصي وتبقي بشري وكمان بيشتعغلوا في معامل وشغلهم حلو اوي nadoda 29-07-2009, 12:21 PM البطري شغله كتير وكمان انا اسمع ان ممكن تعملي دبلومه بعد ما تخلصي وتبقي بشري وكمان بيشتعغلوا في معامل وشغلهم حلو اوي ازاى تعملى دبلومة وتبقى بشرى ممكن تفسرى لينا؟ hana montana 29-07-2009, 12:33 PM انا مبحبش البيطرى بصراحة الا لو هتخدى دبلومة وتبقى دكتورة تحاليل لكن فى مصر البيطرى ملهوش فرص عمل خالص كمان الكلية صعبة جدا وشغلها مقرف يعنى التعامل مع انسان مش زى الحيوان بردو كمتن شوفى قدرتك على التعامل مع الحيوانات لو انتى من الى بيخافو من القطط والكلام داه يبقى منصحكيش ببطرى وخلى بالك احنا فى مصر محدش اصلا بيهتم بصحة الانسان مش معقول هيهتموا بالحيوان انا افضل تحولى اعلام الاعلام تحفة انا لو مكنتش دخلت صيدلة كنت دخلت اعلام وعلى العموم شوفى انتى بتحبى اى وادخلية وربنا يوفقك eng.midosaid 29-07-2009, 12:37 PM البيطري كلية كويسه جدا ومجال الشغل فيها واسع وعلى فكرة من اصعب الكليات في مصر لانهم تقريبا بيدرسوا كل حاجه بيدرسوا مواد من بشري واسنان وصيدله حتي بيدرسوا مواد من تجارة واقتصاد ومواد من ادارة اعمال يعني كلية موش سهلة وطبعا ممكن بعد ما تخلصي تعملي دبلومة تحاليل او تشتغلي طبيب شرعي كل دا من بيطري يعني كويسة جدا جدا جدا مريم عبدالرؤوف 29-07-2009, 06:38 PM بيطرى بيطرى طبعااااااااااااااااااااااااا انا بنت عمى في بيطرى وبتقولى الكلية روووووووووووعة وشغلها اجمل كمان ممكن تعملى دبلومة وتفتحى صيدلية 80%بشري و 20% بيطرى ممكن تفتحى عيادة بيطرية ممكن دبلومة وتفتحى معمل تحاليل ممكن تشتغلى في شركة ادوية بيطرى دى من اجمل الكليات اوعى تسيبيها ياسمينايا 29-07-2009, 06:49 PM من خلال الردود .. برجحلك بيطري .. mohaameed 29-07-2009, 08:06 PM انا جاتلي طب بيطري زيك بس عاوز اقولك معظم شعبنا ده جاهل بكره الطب البيطري يبقى اعلى من البشري وهتشوفوااا usamak 29-07-2009, 10:47 PM الحمدلله في كام الف غيرك كان نفسهم فيها --وعسي ان تكرهوا شيئا وهو خيرا لكم-- زيزو1900 29-07-2009, 11:25 PM من وجهة نظري حولي علوم لان نفس شغل علوم هو شغل صيدله ولا يوجد فارق بين الكميائي والصيدلي وممكن لو عايز تكون معاك بكالوريوس صيدله بعد علوم بردو ممكن بس منصحكش انك تاخد صيدله بعد علوم لان الشغل ومجالات شغل علوم افضل واوسع mo0ny 29-07-2009, 11:38 PM بصى بصراحه انا قريت موضوعك ومكنتش ناويه ارد وطلعت من المنتدى بس رجعت تانى لانى كنت فى نفس موقفك امبارح وكنت محتاره بين علوم وبيطرى وبصراحه لانى حسيت باحساس الحيره ده حبيت اقولك انا طول الليل سهرانه لغايه الفجر بدور عن كل حاجه فى طب بيطرى هقولك لقيت ايه لقيت ان طب بيطرى هايله بس مش فى مصر هنا ملهمش شغل الا فى مزارع وحجر صحرى ومجازر انا مش بقلل من المهنه بس عايزه اقولك حاجه انتى لو غاويه الكلام ده ادخليها وهتحبيها باذن الله لكن لو مش غاويه بلاش احسن لان قالولى برضه كفايه كلمه دكتوره لما تدخليها طيب وبعدين كلمه دكتوره دى هتفدنى لما اتخرج وملقيش شغل انا خلينى على الحياد انا هجيبلك مجالات عمل بيطرى مع العلم ان العمل فى معامل التحاليل البشريه اتلغى وبقيتى تشتغلى فى معمل تحاليل بيطرى وبس ده من منتدى تانى نقلتهولك علشان تكون الصورة واضحه ليكى وتقررى بوضوح يلا بينا نبدأ : عيادة حيوانات صغيرة ( pets animals) :icon30: عيادة حيوانات كبيرة (large animals):smoke100: مزرعة خيول سباق ( حتعيش ملك زمانك):icon30: مزرعة دواجن( لازم تفهمها كويس) مزرعة ارانب( مربحة ومريحة جدا) مزرعة اسماك( يا سعدك لو كنت بتفهم فيها كويس):clap0000: مزرعة عجول تسمين وحلاب:smoke100: مزرعة اغنام :smoke100: معمل تحاليل ( عيش فى الميكروبيولوجى):flex0000:( مع العلم ان معمل تحاليل بشرى اتلغى) شركة ادوية بيطرية( ودى فى نفس مجالك) بس حتتعب 12 ساعة يوميا:showoff0: شركة ادوية بشرية ( ودى برة المجال) حتتعب 8 ساعات يومياdumbbells طبيب بيطرى فى المجزر ( وتعيش وسط الجزارين ومعاملتهم اللى زى العسل, افتكر بوحة ):busted_r: وده النص بتاع الغاء التحاليل الطبية السلام عليكــم ورحمـة الله وبركاتــة ،، بســم الله الـرحمــن الرحيــم مجلس الدولة يرفض السماح لخريجي الطب البيطري بممارسة التحاليل الطبية البشرية رفض مجلس الدولة السماح للحاصلين علي المؤهل المتخصص من كليات الطب البيطري بمزاولة اعمال التشخيص الطبي المعملي المتعلق بالانسان ومن ثم حظر القضاء الاداري علي الحاصلين علي بكالوريوس الطب البيطري القيام باعمال التشخيص الطبي المعملي او ابداء أية مشورة طبية او أخذ عينات من جسم المرضي الادميين للتشخيص الطبي. وقضت محكمة القضاء الاداري برفض السماح لاحدي الحاصلات علي بكالوريوس العلوم الطبية البيطرية ودبلوم الدراسات الميكروبيولوجية بكلية الطب البيطري القيد في السجل الخاص بالبكتيريولوجيين لمزاولة اعمال التشخيص الطبي ومن ثم حظر فتح عيادات تحاليل طبية معملية او أبداء أي مشورة طبية للادمين كان فى منتدى امبارح كان بيتكلم فيه خريجين بيطرى وبيقولوا انهم مش مبسوطين يعنى بدورلك عليه والله مالقيا الرابط لانى جبته من جوجل هسال صحبتى لانى كنت مدياها الرابط يمكن يكون لسه عندها انا زى ماقولتلك انا بس حبيت اقولك ده لانى تعبت اوى امبارح وحرام تتعبى زى انا كنت محتاره بين بيطرى وعلوم واخترت علوم واتوكلت على الله اما الاعلام فانا بحبها بس مش هقدر ادخلها علشان انا من اسكندريه واهلى مش هيرضوا اقعد فى بيت طالبات ربنا معاكى وابقى قوليلنا قررتى ايه^^ بارقة امل 30-07-2009, 08:56 PM السلام عليكم انا رايي بيطري احسن _طبعا_ لان الشغل فيها بالهبل كفاية انك ممكن تشتغلي في مركز البحوث او صيدلية بيطري او صيدلية 80%بشري و20% بيطري بس بعد الدبلومة معمل تحاليل كيميا حيوية بس بعد الدبلومة دكتور مراقب في مطعم ودول بيبقوا مستريحين على الاخر والاجور مجزية جداااااااااا (زي مؤمن كده) دكتور مراقب ع المواني عشان اللحمة المستوردة (بياخدوا رشاوي جام دة):049gc0: دكتور في مصنع اعلاف بعد دبلومة (بياخدوا فلوس بالهبل) غير بقى انك تشتغلي ف وحدة او تشتغلي ف مزارع خيول في الخليج بالذات غير الطب الشرعي (لو انتي بتحبي الالعاب البوليسية) غير طبعا انك هتبقي دكتورة :bosyht9: ده اللي انا فاكراه دلوقتي وربنا يوفقك بارقة امل 30-07-2009, 08:58 PM احمدي ربنا انا كان نفسي فيها جدا لكن للاسف معرفتش ادخلها زيزو1900 30-07-2009, 09:05 PM احمدي ربنا انا كان نفسي فيها جدا لكن للاسف معرفتش ادخلها هى بنت وبيطري بالنسبه للبنت صعبه جدا عشان ملهوش شغل حتى كان كل اللي بيتخرجوا بيفتحو معامل تحاليل دلوقتى لغوها من بيطري totta2010 30-07-2009, 09:12 PM وليه مفكرتيش فى علوم ؟ دى افضل من الاتنين واسمك فى كلية علمية برده واذا كان نفسك تفتحى صيدلية اعملى دبلومة تحاليل وافتحى معمل تحاليل ودا مربح اكتر ولو كنتى حابة تشتغلى فى شركة ادوية دلوقتى المطلوبين فيها خريجين علوم مش صيدلة و نصيحة منى ابعدى عن بيطرى دى خااااااااااااااالص اصلها مش مناسبة للبنت اوشاشة 31-07-2009, 07:02 AM بصى طب بيطرى حلوة وفيها مستقبل حلو لانهم بتصريح من وزارة الصحة بيشتغلوا مندوبين ادوية يعنى انتى كانك فى المجال اللى انتى بتحبيه و بعدين انتى كدة حلو حد طايل عموما صلى صلاة استخارة وبعدين مستقبلك كويس و انتى كدة فى الصح قدامك حجات كتيييييييييييييييير جميلة Moky 31-07-2009, 09:26 AM اقرأي الرابط ده http://www.thanwya.com/vb/showthread.php?t=139522 هوه في رد في الآخر بيتكلم على طب بيطري معتقدش ان حد ممكن يقولك حاجة عن بيطري اكتر من اللي في الرد وصلي استخارة وربنا يعملك اللي فيه الخير انا عارفة ان زمانك زعلانة انك ما لحقتيش الكلية اللي انت عيزاها على فرق بسيط وانك اكيد ما فكرتيش انك تدخلي بيطري ابدا قبل ما يطلع التنسيق لكن ان شاء الله ربنا حيعوضك خير السبب الرئيسى للاسف الفزياء برغم سهولتا انا الفيزياء دي اكتر مادة ذكرتها في سنتين ثانوية عامة واكتر مادة حبيتها (بس واضح ان كل قصص الحب لازم تنتهي نهاية حزينة) ومع ذلك جايبة فيها اسوأ درجة جيبتها في مادة في السنتين واعرف كتير ناقصين فيها جامد لان الامتحان كان سهل بس التصحيح كان رخم مش انت لوحدك اللي ناقصة في الفيزياء ده في كتير ناقصين فيها جامد ربنا يوفقك في الكلية اللي حتدخليها ايا كانت |