السلام عليكم ورحمة الله وبركاته
salamo 3alikom w ra7mt allah w barkato
اولا : احب اقول الف مبروك لكل من نجح في الثانويه العامة وربنا وفقه وجاب مجموع كويس
ثانيا: احب اقول الف مبروك لكل طالب داخل كلية الصيدلة جامعة طنطا واقوله اهلا ومرحبا بك في بيتك الجديد
ثالثا: يا ريت اي حد عنده استفسار او سؤال عن كلية الصيدلة جامعة طنطا يكون التوبيك ده هو الحوا الرئيسي بين الطلبة
رابعا: عايزين نخلى التوبيك ده للتعارف بين دفعات الكلية للاستفادة
احب اعرفكم بنفسي انا اسمي مصطفى طالب بكلية الصيدلة جامعة طنطا كنت في الفرقة الاعدادى بس خلاص عدت والحمد لله وبقينا في الفرقة الاولى مع بداية العام الدراسة
واحب اقول لكل طالب في دفعتي الف مروك على النتيجة والنجاح
والسلام مسك الختام

السلام عليكم كنت عاوز استفسر بس على حاجة
انا كنت كاتب اول رغبة صيدلة الزقازيق وبعد كده طنطا علشان انا من بنها
وجاتلى الزقازيق
بس انا نفسى احول طنطا
مع العلم ان صيدلة طنطا واخدة نفس مجموعى
لكن الزقازيق واحدة اقل منى بدرجتين
مش عارف بقى ممكن اعرف احول ولا ايه النظام
ياريت تفيدونى

:078111rg3:
انا داخلة طب طنطا الحمدلله يعنى جنبكوا وكمان ليه اخت داخلة رابعة صيدلة طنطا
لو حد عايز مساعدة ولا حاجة وكما اختى الكبيرة معيدة فى طب قسم الهستولوجى
بس لسة اول سنة ليها السنة دى بس مفتكرشى انها ممكن تساعدكوا لاانتوا ولاانا حتى

الحمد لله انا باذن هحول من القاهرة لطنطاواكون معاكو

السلام عليكم كنت عاوز استفسر بس على حاجة
انا كنت كاتب اول رغبة صيدلة الزقازيق وبعد كده طنطا علشان انا من بنها
وجاتلى الزقازيق
بس انا نفسى احول طنطا
مع العلم ان صيدلة طنطا واخدة نفس مجموعى
لكن الزقازيق واحدة اقل منى بدرجتين
مش عارف بقى ممكن اعرف احول ولا ايه النظام
ياريت تفيدونى
طبعا يا محمد وحتى لو مش واخده مجموعك اوك تيجي وانت بتقول انك من بنها والتوزيع الاقليمي بتاع بنها على فكرة جامعة طنطا لان ناس من اصحابي من بنها ومعانا في صديلة طنطا عادي
وبالنسبه للتحويل مش تحمل همه هيتقبل ان شاء الله
وان شاء الله تبقى معانا السنه اللي جايه واي استفسار عن طبيعة المواد هقوله حاضر واي اسئله انت محتاجها وعموما يا محمد انا ايميلي *********** وانا معاك في اي حاجه انت عايزها بالنسبه للكليه عندنا

:078111rg3:
انا داخلة طب طنطا الحمدلله يعنى جنبكوا وكمان ليه اخت داخلة رابعة صيدلة طنطا
لو حد عايز مساعدة ولا حاجة وكما اختى الكبيرة معيدة فى طب قسم الهستولوجى
بس لسة اول سنة ليها السنة دى بس مفتكرشى انها ممكن تساعدكوا لاانتوا ولاانا حتى
اهلا طبعا بيكي في المجمع الطبي في كلية الطب وان شاء الله ربنا مع اختك سنة البكالوريوس بقى ان شاء الله ربنا معاها ويوفقها وان شاء الله تبقى معيده برده زي اختك يا رب

الحمد لله انا باذن هحول من القاهرة لطنطاواكون معاكو
اهلا بيكي طبعا يا دكتور ساره معانا واكيد هتنوري كليه الصيدلة جامعة طنطا
وبرده اي استفسار محتاجاه اسالي فيه وانا ان شاء الله اجاوبك

ايه يا جماعه فين اسئلتكم ولا مفيش حد داخل صيدلة طنطا ولا ايه
عايزين نشاط كده وانتم داخلين الكليه

كلنا مع بعض يلا بلش كسل انا من طنطا وباذن الله هادخل طنطا ونفسى اعرف على ناس كتير لانى كان نفسى اروح القاهرة بس يلا كل واحد لازم يكون بجانب اهله يا جماعة عاوزين تواصل يلا يلا يلا

اوك يا دكتوره ساره
انا اسمي مصطفى طالب بالفرقة الاولى واهلا بيكم في الكليه معانا

انا الاء جاتلى صيدلة بنى سويف وعايزه احول طنطا ارجوكم افيدونا فى ميعاد التحويل وهل فرق الدرجات يؤثر على التحويل

انا الاء جاتلى صيدلة بنى سويف وعايزه احول طنطا ارجوكم افيدونا فى ميعاد التحويل وهل فرق الدرجات يؤثر على التحويل

انا يا الاء السنه اللى فاتت جالتى صيدله بنى سويف والتحويل الالكترونى متقبلش
روحت اداره الجامعه فى طنطا وقدمت طلب تحويل واتقبل
يعنى لو الالكترونى متقبلش منك روحى اعملى تحويل ورقى ب100 جنيه
بس بنى سويف كانت حلوه برده انا قعدت هناك اسبوعين
الدرجات مش بتفرق اهم حاجه حصلتى على الحد الدنى للصيدله وخلاص

شكرا لحضرتك يادكتور بس انا سمعت ان التحويل الورقى تم الغاؤه هذا العام
ياريت لوعند حضرتك فكره تخبرنى

شكرا جزيلا يا دكتور
بس للاسف انا سمعت ان التحويل الورقى تم الغاؤه هذا العام
ياريت لو عند حضرتك فكره تخبرنى

با جماعة ربنا معانا باذن الله يارب وفق الامة من اجل الامة يارب يا جماعة خلينا ايد واحدة نتحدى العالم كلة ده احنا الفراعنة يا جماعة عاوزين حماس

الفراعنة ؟!!!!!

ههههههههههههههههههههههههه

أوكـ أنا أول فرعون جديد

أنا داخل طب طنطا

بس طالع منها بسرعة ما تقلقوش ((:

اول حاجه يا جماعه هنتكلم عن الكليه شويه
كلية الصيدلة جامعة طنطا هي احدى كليات الصيدلة العريقه اللي فعلا تخرجوا منها حسوا بقيمة هذه الكليه عن التقدم لوظيفه لشركة وخلافه او للعمل الخارجي
عميد كلية الصيدلة جامعة طنطا هو الاستاذ الدكتور مختار محمد مبروك بالفعل وهو عميد يشهد له الجميع بالتفوق الدائم في عمله بل ونحن كطلبه للدكتور مختار بالفعل الدكتور مختار عندما يشرح فالجميع ينصت باهتمام شديد مش بس لان الدكتور مختار شخصيته قوية لا بالاضافه الى ذلك من متعة الشرح يجعل الجميع ينصت الى شرحه
وعموما بالنسبة للناس اللي داخله اعدادي دكتور مختار ان شاء الله يشرح لكم جزء من مادة physical chemistry وبالاضافة لدكتور مختار المادة ده برده اللي هتشرحها معاكم من الاول ان شاء الله دكتوره ميرفت الحمامصي
وبالنسبه للترم الاول ان شاء الله هيكون عندكم سبع مواد وهي كالتالي :
1) مادة physical chemistry الكيمياء الفيزيائية وهي مادة ممتعه جدا جدا وهتحسوا ان عندكم فكره عنها من قبل كده وكمان غير كده هي مادة لذيذه جدا لان اللي بيشرح لكم الدكتور مختار والدكتوره ميرفت
2) مادة pharmacy orientation مدخل صيدلة ده مادة بتعرفكم عن الصيدلة كويس جدا وبتعرفكم نظام الدراسة ازاي وبداية الصيدلة كانت ازاي وازاي اتطورت يعني من الاخر مادة بتحكي تاريخ الصيدلة وهي ماده ممتعه جدا جدا وبرده اللي هيشرحها لكم ان شء الله الدكتور مختار
3) مادة English مادة اللغه وده مادة ان شاء الله اللي هيشرحها لكم دكتور سعيد الجوهري وهي مادة فيها مقالات صيدلية طبعا كلها انجليزي علشان اللغه عندك ترتفع وكمان طريقة النطق والكلام دكتور سعيد بيركز عليهم جدا
ده المواد اللي العملى بتاعهم او السكاشن يعني هتبقى في صيدلة يعني هتاخدوا الشرح وكمان العملى في معامل الكليه عندنا وان شاء الله التلت مواد دول يا جماعه اسهل من بعض وان شاء الله تجيبوا فيهم اعلى التقديرات
في بعد كده مواد اللي بيشرحها دكاتره من كلية علوم والمواد كالتالي:
4) مادة math رياضه وده مادة كويسه جدا وعايزه حضور محاضرات يا جماعه لان الدكاتره بتوعها بيجيبوا بالنص الحاجت اللي بيقولوها في المحاضره فيعني يا ريت فيها الحضور الحضور
5) مادة Zoology علم الحيوان والمادة ده برده هيدرسها لكم دكاتره من علوم في قسم الحيوان طبعا اللي ان شاء الله هيشرح لكم الماده دكتور محمد منى وياريت برده الحضور في الماده ده سواء محاضرات او معامل وهي ماده بتتكلم عن تصنيفات الكائنات الحية وخلافه وهتدرسوا فيها كمان عملى تشريح الضفدعه
6) مادة Bootany علم النباتات ده مادة بتتكلم عن النباتات بالمجمل العام على الشكل الظاهري وتقسيمة النبات وخلافه وهي يمكن تكون هتبقى اصعب مادة عندكم الترم الاول بس امتحانها بيبقى كويس جدا وهي بس عايزه مذاكره شويه عن الباقي
7) مادة physics فيزياء ومفيش حد يتعقد يعني لو كان مش بيحب الفيزيا في الثانوي لان ده ملهاش علاقه الى حد كبير باللي كنتوا بتدرسوه في الثانوي ده مادة لذيذه جدا وبرده العملى بتاعها هتاخدوه هناك في كليه علوم
ده بالمجمل العام المواد اللي هتدرسوها الترم الاول وارجو يا جماعه الالتزام التام مع الدكاتره يعني احنا دفعتنا اتقال عليها انها من اكتر الدفعات اللي كانت مش ماشيه على النظام كويس
بس عكسنا ده في النتايج بتاعتنا في الاخر لان الامتيازات عندنا كانت كتير وجيدا جدا وجيد واللي كان قليل جدا كان المقبول واللي معهم مواد والباقون للاعاده
فياريت ان شاء الله تكون الصورة بتاعت الدفعه بتاعتكم كويسه
واي سؤال انا تحت امركم في اي شئ................

يا ريت اي حد عنده اي استفسار اوك انا موجود وتحت امركم في اي استفسار حد عاوزه.....

يا ريت يا جماعه نلاقي فاعليه اكتر من الناس واللي عنده اي استفسار يا ريت يكته في الموضوع هنا..............

السلام عليكم

انا قبلت فى صيدلة حلوان بس انا عايزة احول طنطا ياترى هقبل ولا لا علما بأن الفرق نصف درجة

وياترى انتى فى سنة كام وهل فى الكلية حد حول عن طريق النت ولا كله اترفض

فى اسئلة تانية بس لما تجيبى على هذه الاسئلة

السلام عليكم

انا قبلت فى صيدلة حلوان بس انا عايزة احول طنطا ياترى هقبل ولا لا علما بأن الفرق نصف درجة

وياترى انتى فى سنة كام وهل فى الكلية حد حول عن طريق النت ولا كله اترفض

فى اسئلة تانية بس لما تجيبى على هذه الاسئلة
اولا انا ولد مش بنت بس عادي ولا يهمك
لا عادي التحويل هيتقبل عادي حتى لو مش اتقبل في تحويل تاني بيتعمل على فكره برسوم ده مليون في الميه بيتقبل
لان على فكره السنه اللي فاتت كنا قبل التحويلات دفعتنا بالظبط كانت حوالى 600 طالب والتحويل الالكتروني الاول اترفض لكن التحويل التاني اتقبل وبقت الدفعه 1250 تقريبا
يعني المعظم بتاع التحويلات اتقبل متخفيش من نقطة زي ده
وانا عموما كنت السنه اللي فاتت في اعدادي لكن حاليا فرقة اولى
واي اسئله تانيه انا تحت امرك فيها.............

ايه هو التحويل التانى

وانا اسفة

بصي في الاول التحويل الالكتروني وده بيكون له ميعاده المحدد لو التحويل ده اترفض
ف تحويل تاني تحويل ورقي بتدفعي 100 جنيه رسوم التحويل ده وان شاء الله ده بيتقبل اكيد
ونص درجه اطمني يعني في ناس كات فارقه عن الكليه عندنا السنه اللي فاتت درجتان وتحويلهم اتقبل وبرده كان ليا ناس في حلا وحولوا طنطا فمش تقلقي من حكاية التحويل
وبلاش اسف حصل خير
واي اسئله برده اتفضلي اسالي وان شاءالله اردلك عليها

بيكون امتى التحويل الورقى ( قبل ولا بعد بداية العام الدراسى )

وهل تحويل النت اترفض تماما السنة اللى فاتت

اهاااااااااااااااا فعلا تحويل النت السنه اللي فاتت اترفض كله تماما بس ان شاء الله السنادي ممكن يتقبل
وقلتلك حتى لو مش اتقبل
عى طول بعد ما تظهر نتيجة التحويل الالكتروني لو مش اتقبل يعني تاخدي بعضك وعلى ادارة جامعة طنطا في شارع البحر وتقدمي عل موضوع التحويل الورقي من قبل ادارة الجامعة وان شاء الله ده اكيد هيتقبل
هيبقى امتى بالظبط بعد نتيجة التحويل الالكترون ما تظهر تروحي مبني ادارة الجاعه وتقدمي على الموضوع ده

التحويل الورقي ده حضرتك تعمليه بعد ما تظهر نتيجة التحويل الالكتروني
بتعمليه فين بتروحي مبنى ادارة الجامعة الموجود في شارع البحر وبتقدمي على التحويل والتحويل ده نتيجته بالظبط بتظهر مع بدء الدراسة بس انا بقولك ناس مثلا اعرفهم كان جايلهم المنصورة مثلا مش راحوا المنصورة وانتظروا نتيجة التحويل الورقي واتقبل وجم طنطا وقدموا الملف بتاعهم في طنطا بدل ما كانوا يقدموا في المنصورة وبعدين يسحبوا الملف ويقدموه في طنطا
واي سؤال تاني انا تحت امرك..............

سلاموو عليكووو
.
.
عمو الجينيس الف شكر عالموضوع الجامد
.
.
عامة انا مش في صيدلة انا بعدكوا بكلية في طب يعني بس ليا سؤال بس
.
بالنسبة لاعدادي صيدلة
هما بيحتاجو ايه مثلا من ادوات ومعدات
.....
انا سألت ناس قالولي هاتي بايبت وبيورت وسلايدس وادوات تشريح
.
.
وناس قالتلي لا لا مش هيحتاجوا الحاجات دي اصلا
.
بما ان حضرتك عديت من اعدادي فقوللي ايه الادوات اللي ممكن
يستخدموها
ااه صحيح هما هيحتاجوا قاموس طبي وللا لأ...؟
.
High.T

سلاموو عليكووو

.
.
عمو الجينيس الف شكر عالموضوع الجامد
.
.
عامة انا مش في صيدلة انا بعدكوا بكلية في طب يعني بس ليا سؤال بس
.
بالنسبة لاعدادي صيدلة
هما بيحتاجو ايه مثلا من ادوات ومعدات
.....
انا سألت ناس قالولي هاتي بايبت وبيورت وسلايدس وادوات تشريح
.
.
وناس قالتلي لا لا مش هيحتاجوا الحاجات دي اصلا
.
بما ان حضرتك عديت من اعدادي فقوللي ايه الادوات اللي ممكن
يستخدموها
ااه صحيح هما هيحتاجوا قاموس طبي وللا لأ...؟
.

High.T



اول نتكلم عن موضوع القاموس الطبي صدقيني ملوش اي لزمه اه طبعا الاصح ان اي حد يجيبه بس حكايه اللغه والمصطلحات هتيجي فتره بفتره مع الوقت في الكليه والمحاضرات وكده والطبيعي يعني انك لما تلاقي كلمه في كتاب او في ورق مش عارفه معناها هتبحثي عنها في النت او القواميس والدكتور بيكون مراعي الموضوع ده فبيترجم الكلام اللي بيقوله
ثانيا موضوع الادوات انتي بلظبط المواد اللي هتحتاجي فيها اداوات هي مادة zoology هتحتاج بس ادوات التشريح علشان تشريح الضفدعه بس الافضل تتجاب لما تتطلب منكم لان المعيدين في المعمل بيبقى طالبين مواصفات خاصه للادوات اللي هتحتاجوها غير كده انتي مش هتحتاجي اي اداوت خالص
لان عملى الفيزيا انتي بتعملى التجربه وبتستلي الادوات من المعمل
وعملى مادة النبات Botany انتي مجرد انك هتشوفي نباتات وتشوفي الشكل الظاهري بتاعها وتشوفي انواع بقى leave--- steam----root وحاجات تانيه
وعملى الzoology هو بس اللي انتي هتحتاجي فيه اداوت التشريح علشان الضفدعه بس
وعملى الphysical chemistry برده هيسلموا ليكم الادوات في المعمل
هما دول بس الاربع مواد اللي عندكم فيهم عملى الترم الاول
انتم عندكم طبعا سبع مواد ف الترم الاول الاربعه طبعا اللي ذكرت العملى بتاعهم
والتلاته التانيين math-------pharmacy orientation--------english
رياضه ومدخل صيدلة و لغة والتلاته اسهل من بعض
وان شاء الله ربنا معاكوا ويوفقكوا
واهلا طبعا بيكي في المجمع الطبي طب اخواتنا برده
واي اسئله انا تحت امركم...............

شكراااا على المعلومات دى

انا عايزة اعرف هى المحاضرات بتبدا حوالى الساعة كام وكمان السكاشن

بالنسبة لموضوع مواعيد المحاضرات والسكاشن ان شاء الله بينزل جدول للعام الدراسي بتاعكم
بالنسبة للمحاضرات طبعا ميعادها بيكون بدري يعني على الساعه 8.30
والسكاشن بتختلف بقى على حسب انتي سكشن كام وده برده هتعرفيه لما تروحي الكليه قبل بدء الدراسه باسبوع او في اول اسبوع ليكي في الكليه
وان شاء الله لما ينزل الجدول ان شاء الله انزلهلكم على المنتدى هنا علشان هو ده اللي هتمشوا عليه في الدراسه
لو اسم حضرتك ريهام يبقى هتكوني ان شاء الله في سكشن 3 والمواعيد هتنزلك على حسب السكشن بتاعك
واي سؤال تاني انا تحت امركم....................

يخسارة يعنى مفيش محاضرات متاخرةعلى الساعة 9أو 9.30

طيب والمحاضرات بتنتهى الساعة كام تقريبا والسكشن3 فى رايك بيبدا امتى سورى انا اسفة بجد طولت فى الاسئلة

حكايه التاخير ده بترجع لليوم بتاعك اساسا يعني المحاضرات بيبقى المجمل اخرها لغاية الساعه واحده او اتنين السكاشن بقى هي اللي بتتاخر شويه
بس لا سكشن 3 هيبقى مثلا اخر اليوم بتاعك على الساعه تلاته او تلاته ونص بالكتير اربعه
ومش كل يوم هيبقى عندك محاضرات الساعه 8.30 لا في ايام يعني هتبقى سكاشن وممكن سكشنك مثلا يبقى على الساعه 10 مثلا
لا عادي طبعا ولا يهمك
واي اسئله تانيه اكيد انا تحت امرك

جزاك الله كل خير وميرسى اوى على المعلومات دى اصل حكاية المحضرات دى شغلانى شوية بس انت(ى) طمنتنى ربنا يطمنك وحكاية البالطو دى هو احنا هنجيبه بعد الدراسة

جزاك الله كل خير وميرسى اوى على المعلومات دى اصل حكاية المحضرات دى شغلانى شوية بس انت(ى) طمنتنى ربنا يطمنك وحكاية البالطو دى هو احنا هنجيبه بعد الدراسة
اهااااااااااا جبيه لما تبدا الدراسه وتبداى شغلك العملى في المعامل مش تشغلى بالك بيه دلوقتي
لكن لو عايزه تجيبه برده قبليها مش هتفرق وله اماكن كتير يعني عند الجامعه او جوا المجمع او المكان اللي انتي قلتي عليه بس كل الحاجت ده مش تشغلى بالك بيه لا بالطو ولا ادوات لان الحاجات ده هتتطلب منكم في المعمل واللي بيقولوا لكم المواصفات يعني المعيدين بتوع قسم الحيوان بكلية العلوم
لكن اللى ممكن تهتموا بيه دلوقتي المواد بتاعت الكليه نظام الدراسه ازاي كده يعني
واي اسئله تانيه انا تحت امركم

انا عاوز استفسر عن 4 نقاط شاغلين بالى

اولا :pانا جالى صيدله الاسماعيليه جامعه قناه السويس وعملت طلب تحويل الكترونى وانا حاسس انه مش هيتقبل زى اللى حاولوا السنه اللى فاتت وانا المنتدى فعلا افاندنى فى معرفه التحويل الورقى ولنفرض انه اترفض هو كمان هيبقى ايه العمل لما اجى احول تانى سنه وازاى ده هياثر على اختلاف المواد فى الكليتين على حد علمى؟؟؟؟؟؟

ثانيا;)بالنسبه للبكالريوس الاكلينكى عاوز اعرف عنه اكتر بس اللى افهمه انى هبقى تقريبا دكتور بشرى اقصد شبه يعنى وصيدلى فى نفس الوقت اى هتبقى عندى القدره على فهم تشخيص الحاله المعطى من قبل الطبيب واعطى انا الدواء وده نظام العالم الغربى اللى بطمح اشتغل فيه ازاى انضم لهذه الفرقه الاكلينكيه؟؟؟؟؟

ثالثا:oانا ان شاء الله داخل الصيدله اقتداء باختى اللى هيا مقيمه بدوله السعوديه واللى حكتلى كويس جدا عن صوره كليه صيدله طنطا فى الخارج وكيفيه احترام خريجها هناك وانا واخده هوايه ونفسى ادخل الكليه مخرجش منها يعنى ابقى معيد فيها بس انا سمعت ان فيها تسيب فى التعليم واعطاء الدرجات ويبقى حظى وحش لو فى دفعتى ابن دكتور هل ده هيقتل حلمى ولا ؟؟؟؟؟؟

رابعا:)هل احنا كطلبه هدخل مشرحه طب غير تشريح الضفادع والفئران والنظام اتغير عن زمان ولا لا لان انا ندمان بس انى مدخلتش طب لان كان نفسى ادخل مشرحه؟؟؟؟؟؟؟

وسؤال منى ليك انت اميلك ياهو ولا هوت ميل ولا سكايب ولا ايه

محتاج الرد

انا عاوز استفسر عن 4 نقاط شاغلين بالى

اولا :pانا جالى صيدله الاسماعيليه جامعه قناه السويس وعملت طلب تحويل الكترونى وانا حاسس انه مش هيتقبل زى اللى حاولوا السنه اللى فاتت وانا المنتدى فعلا افاندنى فى معرفه التحويل الورقى ولنفرض انه اترفض هو كمان هيبقى ايه العمل لما اجى احول تانى سنه وازاى ده هياثر على اختلاف المواد فى الكليتين على حد علمى؟؟؟؟؟؟

ثانيا;)بالنسبه للبكالريوس الاكلينكى عاوز اعرف عنه اكتر بس اللى افهمه انى هبقى تقريبا دكتور بشرى اقصد شبه يعنى وصيدلى فى نفس الوقت اى هتبقى عندى القدره على فهم تشخيص الحاله المعطى من قبل الطبيب واعطى انا الدواء وده نظام العالم الغربى اللى بطمح اشتغل فيه ازاى انضم لهذه الفرقه الاكلينكيه؟؟؟؟؟

ثالثا:oانا ان شاء الله داخل الصيدله اقتداء باختى اللى هيا مقيمه بدوله السعوديه واللى حكتلى كويس جدا عن صوره كليه صيدله طنطا فى الخارج وكيفيه احترام خريجها هناك وانا واخده هوايه ونفسى ادخل الكليه مخرجش منها يعنى ابقى معيد فيها بس انا سمعت ان فيها تسيب فى التعليم واعطاء الدرجات ويبقى حظى وحش لو فى دفعتى ابن دكتور هل ده هيقتل حلمى ولا ؟؟؟؟؟؟

رابعا:)هل احنا كطلبه هدخل مشرحه طب غير تشريح الضفادع والفئران والنظام اتغير عن زمان ولا لا لان انا ندمان بس انى مدخلتش طب لان كان نفسى ادخل مشرحه؟؟؟؟؟؟؟

وسؤال منى ليك انت اميلك ياهو ولا هوت ميل ولا سكايب ولا ايه
نتكلم اول حاجه عن مسألة التحويل انت قلت انك دخلت كلية صيدلة الاسماعيليه تابعه لجامعة قناة السويس
بالنسبة للتحويل انت اكيد عملت التحويل الالكتروني ولو لاقدر الله مش اتقبل زي السنه اللي فاتت
يبقى هتعمل التحويل التاني وهو التحويل الورقي وده تيجته بتبقى على بداية اول سبوع من الدراسه لا اطمن اللى اعرفهم كلهم وقدموا على التحويل الورقي التحويل بتاعهم اتقبل في ناس كانوا في اسيوط والمنيا وبني سويف وحلوان والمنصورة وكهم عملوا التحويل الورقي ودخلوا صيدلة طنطا
لو ده لا قدر الله مش اتقبل وده مستبعد شويه اهااااااا هنيجي بقى لمشكله انك تحو مثلا بعد سنه من الكليه هتبقى مشكله لان طنطا وعين شمس على النظام القديم وعلى ما اعتقد الاسماعيليه بقت نظام جديد
يعني لو لو حولت الكليه هنا هتديلك مواد ده هتبقى مشكله عليك
فان شاء الله التحويل يتقبل ومش تتحط بقى في حكايه التحويل بعد سنه من الكليه
.................................................. ...........................
القسم الاكلينيكي بكلية الصيدل هو احد اهم الاقسام الموجوده لانه بيديلك خبره التعامل مع المضرى بالاضافه الى المعلومات الكافيه اللي ممكن تخليك تشخص المرض والمقصود بكلمة اكلينيكي اي سرير يعني صيدلى مستشفى هتبق مهمته تشخيص المرض وصرف العلاج المناسب
لان طبعا يا محمود في الخارج الدكتور مهمته وهي تشخيص المرض يعني يقول للميض الاعراض ويروح للصيدلى ويقوله الاعراض ويبدا الصيدلى يصرف العلاج
فكلية صيدلة جامعة طنطا موجود فيها القسم ده وفعلا هو قسم محترم وهيفيدك اكتر لم تسافر
.................................................. ...........................
طبعا خريج كلية الصيدلة جامعة طنطا انا بقولك فعلا وزي ما الدكتوره اختك قالتلك فعلا له الاحترام الكامل بالخارج لان الكليه خلاص على مشارف الاعتماد الدول مش العربي بس
بالنسبة بقى لحكايه التصحيح والنتايج لا اطمن من الموضوع ده ذاكر انت وتوكل على الله وان شاء الله تبقى من اوائل الدفعه متخفش من نقطه زي ده لان العميد بتاعنا الاساذ الدكتور مختارمحمد مبوك عميد محترم جدا جدا جدا جدا وانسان فعلا بيحب شغله اوي اوي اوي
.................................................. ............................
فئران ايه بس يا محمود انت اللي عندك بس تشريح الضفدعه وهيبقى في كلية علوم
بالنبه للترم التاني عندك مادة اسمها Anatomy and Histology التشريح والهستولوجي وان شاء الله تدخل المشرحه في عملى الاناتومي عن نفسي انا مش دخلت لان السكشن بتاعي كان سكشن فقر لكن لخت مع اصحابي في طب وا ن شاء الله تدخل يعني مش تخاف بس مش هتشرح هتشوف بس
.................................................. ..............................

واي اسئله او استفسار تاني انا تحت امرك.......................

بس ايه لزمت دخول المشرحة فى الترم التانى واحنا اصلا فى صيدلة يعنى الكيميا وبخصوص التحويل الورقى انا سالت بابا وأقلى انو اتلغى السنةدى وبخصوص الاكلينيكى ببلاش عندنا فى طنطا ببلاش اما فىعين شمس والقاهرة بفلوس نحمد ربنا

بس ايه لزمت دخول المشرحة فى الترم التانى واحنا اصلا فى صيدلة يعنى الكيميا وبخصوص التحويل الورقى انا سالت بابا وأقلى انو اتلغى السنةدى وبخصوص الاكلينيكى ببلاش عندنا فى طنطا ببلاش اما فى عين شمس والقاهرة بفلوس نحمد ربنا
انا معاكي ان المشرحه ملهاش لزمه دخولها او لا لان ما ان مدخلتشالمشرحه ومع ذلك عادي يعني ولا اتاثرت لان في اسلايدس وصور وكده بتغني عن الموضوع
بس مش كل حاجه هناخدها يبقى ملهاش لزمه طيب ما انتي هتدرسي مثلا الترم التاني هستولوجي ويتكلم ن الخليه والاعضاء وبتشوفي كل العينات في الميكروسكوب برده ملهاش لزمه
ان شاء الله لما تكبري في الكليه هتدرسي ماده اسمها pharmacology ده ماده بتتدرسي من خلالها تاثير الادوية على الاعضاء اظن لازم تكوني عارفه شكل العضو الكويس والمنطقة بالظبط اللي هياثر عليها الماده الفعاله للدواء
بالنسبة لموضوع التحويل الورقي معنديش علم او معرفه انه اتلغى السنه ده وحتى لو زي ما انتي بتقولى انه اتلغى اكيد الكليه هتقبل التحويل الالكتروني على حسب العدد اللي هتطلبه
بالنسبة للاكلينيكال اللي اعرفه ان طنطا وعين شمس فعلا دراسة الاكلينيكال مجانيه وان القاهره القسم ده بمصاريف
واي اسئله او اسفسار اوك......................

شكرااا يا دكتور مصطفى ويارب تذودنا بكل ما هو جديد وبالتوفيق بالدارين وجزاكم الله كل خير

شكرااا يا دكتور مصطفى ويارب تذودنا بكل ما هو جديد وبالتوفيق بالدارين وجزاكم الله كل خير
لا شكر على واجب يا دكتوره ساره
انا بعمل كده علشان احنا مش لقينا اللي يعمل معانا كده
وعموما انا تحت امركم في اي استفسار واي سؤال تسالوه

يا دكتور مصطفى ان حضرتك لسه هتدخل الفرقه الاولى فانا احب اعلق على شويه حاجات وحابب اسمع رايك

اول حاجه سؤال عاوز اساله انت من خلال كلامك بتتكلم من واقع السنه الاعدادى اللى انت درستها ولا انت عندك علم بالخمس سنوات الدراسه فى الكليه؟؟؟؟؟؟

تانى حاجه بالنسبه لموضوع تشريح الفئران وكده على فكره انا سالت اكتر من واحد كليه صيدله واكدلى فعلا انه فيه تشريح فئران بيضه واقرب الناس دى اختى بس انا اختى التحقت بالكليه دى عام 97 وكان اول دفعه تتطبق عليهم الاكلينيكال وسمعت كمان انه فيه تشريح ارانب انا بس محتاج منك انك تتاكد واقرب دليل ممكن اقدمه ليك انا عاوزك تكتب فى جوجل صور كليه صيدله طنطا هتلاقى اول لينك فى السيرش بعنوان وداعا كليه صيدله طنطا ده واحد بيحكى عن واقع دراسته فى الخمس سنوات والصور مع اصدقائه وبيقول الضفادع مش بتموت والفران بتجرى عليك فى المعمل والاحماض بتيجى على هدومك وكانت بتيجى فى وش اصحابه والحنفيات بايظه كان ناقص يقول كليه مش منظمه خالص والصور كمان يعنى بتبين قولى بقى اصدق ولا لا

http://dabos.files.wordpress.com/2007/06/5.jpg

دى احدى الصور اللى انا قلت عليها لخريجى دفعه 2007 واظن الصوره بتقول المنظر العام للجامعه بس اكيد اتغيرت

بالنسبه ليك بقى يا دكتور مصطفى اكيد هتشرف بمعرفه حضرتك فى الجامعه فيس تو فيس انا محرج اطلب رقم موبايلك او اقابلك قبل الجامعه لفرصه تعارف اكتر لانك اكيد هتفيدنى جامد وقبل الافاده وكل ده والمهم انى حتى اعرفك كصديق واخ قبل كل شىء

معلش هتقل عليك انا سمعت كمان ان فى اخر سنه ان شاء الله بيطلب مننا مرض نتخصص فى تشخيصه اوكده وعرفت من مجموعه بنات انهم اختارو امراض جلديه وكده واتعرفوا على بعضها بالصور وبعضها على الطبيعه هل انت عندك علم بده ولا لا؟؟؟؟؟؟؟؟؟؟؟؟؟؟؟

.. و هتوحشني ايام القرف و البهدلة فى الكلية http://dabos.files.wordpress.com/2007/06/5.thumbnail.jpg (http://dabos.files.wordpress.com/2007/06/5.jpg).. و التيرمات اللى فيها عشر مواد .. و الادوات اللى بتتكسر و الضفادع اللى مش بترضى تموت و الفران اللى بتقف على رجلين اتنين بس و حمض الكبريتيك اللى بيضرب من الانبوبة فى وش اي حد و الحنفيات البايظة و المعيدين الرخمين و الميعدين الطيبين .. و الدكاترة .. و ما ادراك ما الدكاترة ..
على فكره يا دكتور مصطفى ده الكلام اللى انا قريته وكاتبه احد خريجى دفعه 2007 يعنى مش كلامى انا انا وفرت عليك دخول السيرش بس قولى رايك فى الكلام مستنى رددددددددددك

دكتور مصطفى انا شفت انك متواجد حاليا انا هقوم اصلى الفجر ومستنى ردك

بالنسبه ليك بقى يا دكتور مصطفى اكيد هتشرف بمعرفه حضرتك فى الجامعه فيس تو فيس انا محرج اطلب رقم موبايلك او اقابلك قبل الجامعه لفرصه تعارف اكتر لانك اكيد هتفيدنى جامد وقبل الافاده وكل ده والمهم انى حتى اعرفك كصديق واخ قبل كل شىء
اكيد ان شاء الله يا محمود انت اخ ليا برده واكيد اي حاجه انتي عايزها اكيد تحت امرك فيها
وممكن يا محمود تكلمنى على الايميل ونتكلم في النقطه التانيه ده اوك
.................................................. ..........................................
معلش هتقل عليك انا سمعت كمان ان فى اخر سنه ان شاء الله بيطلب مننا مرض نتخصص فى تشخيصه اوكده وعرفت من مجموعه بنات انهم اختارو امراض جلديه وكده واتعرفوا على بعضها بالصور وبعضها على الطبيعه هل انت عندك علم بده ولا لا؟؟؟؟؟؟؟؟؟؟؟؟؟؟؟
لا بالنسبه للموضوع ده انا معنديش فكره عنه ومعتقدش ان حد قالي حاجه زي ده لا في الكليه ولا خارج الكليه لكن اوك ابقى اعرفلك نقطه زي ده
.................................................. ........................................
تعليقي : اول هو كاتب ايام القرف والبهدله في الكليه لا طبعا بالعكس الايام كانت لذيذه وممتعه جدا وحتى احنا بنشتاق ليها جدا في الاجازه جدا جدا ونفسنا الدراسه ترجع تاني علان نتجمع زي زمان ونروح السكشن مع بعض وكده
تاني حاجه كاتب التيرمات اللي فيها عشر مواد مين اللي قال الترم الواحد بيبقى فيه سبع مواد ومعظمهم كويسين جدا وسهل تجيب فيهم تقدير
تالت حاجه هو كاتب الادوات اللي بتتكسر ما هي الطلبه اللي بتكسر واحد ال test tube سخنه على ايده تقع منه طيب وليه مجبتش ماسك معاك
بالنسبه للضفادع والفيران اولا الضفادع مالها ده تشريحها كان ممتع جدا هو اه صحيح بنات كتير اتقرفت من الموضوع بس لذيذ يعني والفيران مفيش تشريح فيران في صيدلة
بالنسبة لل materials في المعامل ده مفروض حاجه انت تحافظ عليها وتحافظ على نفسك وامشي تبع قواعد المعيدين علشان مش يحصل فيك حاجه
والحنفيات البايظه : يا سيدي اهي المعامل اتجددت وبقت زي الفل ومحصلش معانا حاجه زي ده
بالنسبه للمعيدين والدكاتره فاكيد فيه الحلو اوى اوى اوى اوى اوى اوى وفي برده مش كويس
لان ده اختلاف في شخصيات البشر عادي يعني
واي اتفسار برده انا تحت امرك وحاول تكلمنى على ايميل الياهو لو عندك اوك.....................

يعنى يا دكتور مصطفى انت فاتح الياهو حالا
اوك انا هضيفك حالا واكلمك

انا لسه يا دكتور مصطفى مصمم اعرف حقيقه التشريح فى كليه الصيدله وبالاخص الفئران اصل ايه مصلحه الناس اللى قالتلى انها تكدب بتخوفنى يعنى بالعكس ده انا امنيه حياتى كنت اشرح جثث مش ضفادع وفئران عشان كده سالتك عن دخول المشرحه صراحه انا جانى احباط لما بتقولى هتتدخل لكن مش هتشرح فعلا الحلو مش بيكمل
وتانى حاجه انا طلبت منك تتدخل على السيرش فى جوجل واكتب (صور كليه صيدله طنطا)واختا اللينك اللى بعنوان وداعا كليه صيدله وشوفه كاتب ايه لو انت مش مصدق اللى انا نقلته ليك من المنتدى ده وانا سالتك انت كلامك ده من واقع دراستك فى السنه الاعدادى ولا بتتكلم عن السنين اللى انت كمان مدخلتهاش ولا بتتكلم على اساس اللى سمعته من الناس

والسؤال التانى الاكلينيكال ده اجبارى ولا اختيارى وهل انا هاخد شهاده معتمده يتكتبلى فيها دكتور صيدلى ومش صيدلى بس وايه هيوضح فى شهاده تخرجى انى هبقى اكلينيكى تعرف انا رحت انا وزمايلى المنصوره ولقينا القسم ده له دور لوحده والطلبه السنه اللى فاتت هناك كاانوا حوالى خمسين بس ليه دكاتره لوحدهم ومعامل خاصه فى الدور بتاعهم وكمان اداره خاصه والكلام ده كان على لسان رئيس قسم الاكلينيكال هناك وكمان قالنا بيحسبوه بالساعه والساعه تقريبا ب250 جنيه والترم 15 اسبوع قالنا تقريبا الترم ب6 الاف جنيه حتى انتظار ما تتحده لجنه ادويه او حاجه زى كده مؤسسه خاصه بالصيدله يعنى يعنى هيبقى الاكلينيكال هناك ب60 الف جنيه فى الخمس سنين تقريبا بس الفرق انا كده اخدته كدوره لانى هرجع اخد الكورس ده بعدين لو كنت بكالريوس عادى يعنى هاخد بيه شهاده معتمده بانى بكالريوس اكلينيكال وده طبعا عشان انا مش همارس مهنه الصيدله فى مصر لانها ما هيا غير محل بقاله ادويه حتى ده اعرف ناس عملنها مشروع باسم دكتور انا عاوز احسن انى دكتور مش بياع وطبعا مش هلاقى ده غير بره مصر بل والدول العربيه:039uw8:

مستنى تعليقك على الحاجتين يا دكتور مصطفى :romarioxp6:

حكايه تشريخ الفئران ده كانت موجوده واتلغت من اربع سنين وحكايه الاناتومي اللي في طب لا طبعا ملكش الحق انك تشرح وتشرح ليه يعني انت ليك انك تشوف الاعضاء والله اعلم يمكن يكون حظك من حظي ومش تدلخلها بس انا دخلتها مع بتوع طب
بالنسبه للاكلينيكال ده قسم موجود برده عندنا في الكليه واللي بدرس القسم ده ومجانا طنطا وعين شمس في القاهره برده هيبقى الترم بحوالى برده 7 الاف جنيه يعني زي المنصوره
ويا سيدي يكفى انك تكون خريج صيدلة طنطا صدقني بيعملوا ليها شان في الدول العربيه

على فكرة انا كنت فى الكلية النهاردة وفعلا يا دكتور محمود ان الكلية متغيرة عن الصر تماما انا اول مشوفتها كنت بحسبها كلية تانية بس انا سمعت من واحد قريبى فى الكلية شغال فى السكرتارية قالى ان السنة اللى اقبل اللى فاتت عميد الكليه هدم بعض الاماكن زى الكافيتريا بسبب الوضع المحرج لمنظر البنات والاولاد حتى بص فى الصورة بص الولد والبنت اللى فىالخلف وبعدين هوحضرتك مرتش الكلية ولاايه

اوك يا :friendsxs3: دكتور ريهام انا لما رحت طنطا اشترى نموذج اتنين جند ده اصل انا مقيم بالمحله منعونا اولا من الدخول الا بالبطاقه فكان بعضنا مش معاه البطاقه فمدخلناش ثانيا انا رحت كليه المنصوره والجامعه هناك الدخول فيها عادى وكليه الصيدله اربع مبانى لفيناهم كلهم والنظافه ايه والمعامل ايه بجد جامعه من ناحيه الشكل والنظافه حكايه

على فكرة انا كنت فى الكلية النهاردة وفعلا يا دكتور محمود ان الكلية متغيرة عن الصر تماما انا اول مشوفتها كنت بحسبها كلية تانية بس انا سمعت من واحد قريبى فى الكلية شغال فى السكرتارية قالى ان السنة اللى اقبل اللى فاتت عميد الكليه هدم بعض الاماكن زى الكافيتريا بسبب الوضع المحرج لمنظر البنات والاولاد حتى بص فى الصورة بص الولد والبنت اللى فىالخلف وبعدين هوحضرتك مرتش الكلية ولاايه
صح فعلا الكليه حصل فيها تجديدات من المعامل والمبنى الجديد اللي هيخلص ان شاء الله
بس حكاية ان العميد يهدم الكافتيريا لا طبعا لان الكافتيريا ما زالت موجوده وبعدين ده كافتيريا للجامعة كلها مش لصيدلة بس
وبالنسبة للصورة اللي محمود حاطها ده صورة متصوره عن مدرج 3 واللي في الصورة من ورا ده صورة لبنتين قاعدين في شباك مدر ج 3
وبص يا دكتور محمود هتفضل كل شويه تقارن بين كليتك وكلية تانيه في جامعه تانيه يبقى الافضل تحول للكليه التانيه ومش كل شويه تقارن امال هتعمل ايه لما تدخل الترم التاني وتاخد organic chemistry ودكتور كامل يشرحلك وتطلع مش فاهم اي حاجه
واي استفسار برده انا موجووووووووود............

يا جماعة عاوزين تعاون وياريت كل حد فى صيدلة طنطا يدخل علشان نفيد ونستفيد لاننا كلنا فى الاخر اخوات وياريت الغايب يعلم الحاضر وشكرااا على من يتعاون وجزاكم الله كل خير مقدماا وياريت نكون ايد واحدة لما ندخل الكلية سلامى وتحياتى للجميع

ا كيد طبعا يا دكتور ساره عايزين تعاون من الجميع وطبعا اكيد المنتدى هنا مفتوح للجميع لاي اسئله او اي استفسار
واكيد اي حد عايز معلومات انا او غيري موجودين علشان نقدر نوصل اي معلومه

ايه يا دكتور مصطفى حضرتك متعصب كده ليه وانا لا عملت مقارنه ولا اى حاجه انا بتكلم عن حاجات شفتها بعنيا وسمعتها وحتى لو بعمل مقارنه ما كلنا مزايا وعيوب فانا بوضح للناس الصوره وعلى العموم ميرسى اوى انك رديت وافدتنى عن الحاجات اللى انا تقلت عليك فيها بس عشان خاطرى انت باين انك اضايقت وده اللى لاحظه كمان التعليق اللى قالك فيه المستخدم اننا لازم نتعاون وانا فى الاول والاخر اسف لو كنت ضايقت وعلى فكره الصوره اللى عند مدرج 3 لولد وبنت مش بنتين:(

اه نسيت اقولك حاجه يا دكتور مصطفى لو انا كتبت حاجه بعد كده هتعصبك متبقاش تعلق عليها وانا والله كان كلامى موجه للدكتوره ريهام وده للعلم وبس

يا جماعة نتعصب لية واحنا داخلين الكلية يا جماعة الحكاية مش مستهلة ربنا معانا يارب وعلى فكرة لازم نكون اكتر من كدة ولا اية يا جماعة وشكراا يا دكتور مصطفى على سعة استعابكم لنا وربنا يزيدك وياريت تبلغ الناس الم معاك علشان يدخلوا وكل واحد يشوف صاحبة وندخل عاوزين نكون احسن الدفع فى مصر بعلمنا وتقديرتنا كل واحد لازم يبدا من نفسة وياريت نكون هادين وبلاش عصبية بسرعة ماشى يا دكاترة وبالتوفبق دنيا واخرة سلام

هو انا لوحدى الى بنادى فى المنتدى كلنا لازم نتعاون الى عندة سؤال يقول ولو حتى اى حد فى صيدلة يفدنا ولا اية يا جماعة يلا بالتوفيق فى الدارينوالختام سلام

امرى لله معى ربنا واتنين مليكة وربنا يعمل الى فية الخير ان شاء الله لكن وراكو وراكو لحد ما الكل يدخل المنتدى ومش هياايس ابدااا يلا والله حرام

المشكله يا دكتور ساره اننا مش بندخل فى وقت محدد مع بعض فلو نقدر حتى نتفق على وقت ممكن بسيط نضمن فيه اننا نبقى موجودين فيه يبقى احسن

اوكية وانا مع الراى دة هواحسن وقت كل واحد يقول راية ويقول لصحابة وكدة وانا ممكن اعمل استطلاع لكدة وبالتوفيق باذن الله

السلام عليكم ورحمة الله وبركاته
أسماء المواد وتوزيع الدرجات للفرقه الاعدادية بكلية الصيدلة جامعة طنطا
هنا يمكنك من الرابط التالي معرفة المواد التي سيتم دراستها في كلا الترمين الاول والثاني وتوزريع الدرجات في كل مادة عملى وشفوي وتحريري وكذلك ساعات الدراسة في كل مادة واللــــــــــــــــــــــــــــــــــــــــــه الموفق
http://www.tantapharmacy.org/courses/pre/
واي استفسار عن اي حاجه انا تحت امـــــــــــــــــركم والامـــــــر لله سبحانه وتعالى وحده

موضــــــــــــوع لابـــــــــــــــــــــ منه ــــــــــــــــــــــد للطلبة الجدد
اهلا ومرحبا بكم في بيتكم الثاني واسرتكم الثانيه في كليــــــــــــــــــــــ الصيدلة ــــــــة جامعــــــــــــــ طنطا ــــــــــة

عالم جديد ........ وامل مشرق

هتكون عبارة عن ترحيب بالطلبة الجدد


والكلية عبارة عن ايه


وليه هما اختاروها


وهل هما احسنوا الاختيار


وهل الكلية زى ما هما سمعوا عنها بره


واللى منتظرهم فى بيت الرعب اللى هما داخلين عليه ده


وايه الافكار والاشاعات اللى سمعوا عنها والتساؤلات اللى عاوزة اجابات


وايه المتاعب اللى هتواجهم




بالاضافة لمرحلة اعداد نفسى كويس


وبعد كده قبل الدراسة نبدأ نتكلم عن كل مادة




الاول هنقول لهم مبروك الافراج


من سجن الثانوية العامة



وطبعا دلوقتى انت فرحن وحقك انت طالب جايب على الاقل 97 %


والمفروض الناس من دلوقتى بتقول لك يا دكتور


وفى البيت فخورين بيك


وانت حاسس انك عملت حاجة كويسة


ووصلت للي انت عايزه



وطبعا دى اول اجازة تاخدها كلها فسح وفرح وسفر وهدايا ولبس علشان النجاح



طبعا ده كله حقك


خصوصا بعد ما تعرف بعد كده ان تقريبا غالبية الطلبة اللى بيذاكروا من الاول تقريبا كمان بياخدوا اول اسبوع من الكلية على سبيل الفسحة ويبدأوا يفكروا يذاكروا بعد تاني او تالت اسبوع




انا فى البداية مش عاوز احبطك


بس انا هقول لك حاجة علشان متبقاش اتصدمت او تخدعت زى ما معظمنا حصل معاه



انت مفكر نفسك خرجت من سجن عبارة عن اوضة صغيرة


انت دلوقتى اعتبر نفسك فى سجن عبارة عن بيت كامل



ناس كتير مفكرة ان هى طالما وصلت لمرحلة الجامعة ودخلت كلية محترمة يبقى خلاص كده


على العكس تماما


انت كده بدات اول خطوة علشان تحقق الهدف ده


ولسه حتى مكملتش اول خطوة



الكلية صعبة


واصعب من الثانوى بكتير


وبرضو مش مسحيلة


ومش وحشة


والدراسة فيها مش وحشة



بس انا عاوز اشيل من دماغك فكرة انك كده حققت اللى عليك وان الباقى سهل


الباقى صعب جدا


بس انت اعمل نص مجهودك فى الثانوى وانا اضمن لك باذن الله تجيب تقديرات كويسةمن جيد جدا لامتياز



دلوقتى هنسال بعض


انت ليه دخلت كلية صيدلة


وايه الميزة اللى فيها


؟؟؟؟؟


اكيد موضوع ليه دخلت انت احسن واحد تجاوب عليه


بس يعنى غالبا لانى كنت فى يوم من الايام مكانك او مكانها



انى مش بحب الطب والطب مواله كبير ومش مضمون وليه قدامى عشر سنين اقل حاجة قبل الماجستير لان طبعا فى جيش عن ناس كتير


وبعد الماجستير ربنا يسهل لى وافتح عيادة


وطبعا مش هبقى مشهور غير يمكن بعد الدكتوراه والله اعلم هخدها ولا لاء


فطب لو انت مش غاوى من الاول طب ودماغك فيه يبقى متدخلش حتى لو مجموعك كبير


لان صيدلى عادى جدا افضل من دكتور فاضل


غير كمان ان طب حاليا تقريبا العائد لا قيمة له


حوالى 200 جنيه


وانت لو واقف فى صيدلية مش بتاعتك وصيدلية مستواها اى كلام هتاخد حوالى 300 اقل حاجة يعنى وباقل مجهود


ويمكن كمان حسب ما باسمع مرتبك فى الشغل بيكون اعلى من مرتب الطبيب فى وقت التكليف


طبعا غير ان صيدلة مجالات السفر والشغل فيها اكبر بكتير


وعائدها المادى عادة بيكون كويس وده اللى بيخلى الناس تحسدنا

دى كلها حاجات لما تحط صيدلة قدام طب ترجع صيدلة عن طب فى وقتنا الحاضر ده غير ان عدد الدكاترة بقى اوفر قوى قوى غير ان المريض لازم لما يروح الطبيب لازم يروح بعدها للصيدلى

انما المريض ممكن جدا يروح للصيدلى من غير ما يعدى على طبيب


كمان من الحاجات المهمة اللى بترجح كفة صيدلة عند الطالب لو هو بيحب الكيميا واحيانا كتيرة وهنا امثلة كتيرة لو بيحب الرياضيات بس خايف من رياضة اتنين او اهله عاوزين يبقى دكتورة فبيختار احسن فرصة قدامه لانه ملوش فى البيولوجى قوى وبيختار صيدلة اللى تعتبر كلية شيك فى نظره ومستقبلها وتقيمه لها افضل من طب

وعلى فكرة ناس كتيرة اعرفها كانوا عاوزين يدخلوا هندسة ولما النصيب جابيهم صيدلة وشافوا زمايلهم فى هندسة وخصوصا هندسة شبين والمنصورة والقاهرة واسكندرية دول يعني الاول قالوا الحمد لله على النعمه اللي احنا فيها


طبعا فى ناس دخلت علشان المجموع جابها هنا ودى بتبقى ناس مخنوقة من الكلية جدا لو كانوا اصلا من البداية مش عاوزين يدخلوها

اقول لكم حاجة

انا اعرف واحد والله قعد فى طب اربع سنين ومقدرش يكمل وبعدها حول صيدلة

علشان كان مستخسر المجموع بتاعه

وفى ناس الاتنين مجموعها وميولها

وفى طبعا ناس مجموعها يجيب طب وبتدخل صيدلة لانها شيفاها احسن ودول ناس انا بحترم فيهم حسن تقدير لهم للامور ولانهم شايفين المستقبل قدامهم بطريقة كويسة


طيب ليه طنطا افضل من اى كلية تانية فى صيدلة ؟؟؟؟؟

انا مقدرش اقول انها افضل

بس بالنسبة للجامعات الاقاليم اللى حواليها تعتبر افضل واعرق صيدلة فيهم

يعنى اولا المشهور قوى فيها موضوع الكلينكال وهو انك تقدر تشخص بعض الامراض من غير ما المريض يروح للدكتور

ده الى معروف للناس

بالنسبة لى انا كطالب

ان اى حاجة بتتقال فى المحاضرة بنسبة كبيرة بتعرف تجيبها

يمكن المادة العلمية كبيرة جدا ومعقدة

بس الامتحانات عموما بالنسبة لى لو انت ذاكرت من الورق المنهج كنت هتحل فيهم كويس جدا

على حين بعض الكليات الاخرى زى المنصورة

المنهج سهل بدرجة اكبر من عندنا

بس نظام امتحانات معقد جدا اكتر من عندنا

بجد الدكاترة عندهم فى الامتحانات

يعنى هقول

no comment


طبعا نظام المذاكرة وهتذاكر منين هنقوله بس فى بعد كده ان شاءالله



دلوقتى نيجى انت حالتكم هتبقى عاملة ازاى

فرحان بالكلية الجديدة

وفخور بيها

اولا

هتحس انك كده فى حالة نشوة ونشاط وعاوز تعمل كل حاجة تفيدك فى كليتك ومهنة المستقبل

وعاوز تستفيد من كل حاجة هتتقال

وده برضو هنتكلم عنها يمكن فى حلقة تانية موضوع انك هتستفاد ايه من الكلية والواقع عامل ازاى


علشان عادة انت بتدخل الكلية باوهام مش هتفوق منها غير تانى سنة


اولا انت فى الكلية اللى يمكن بيخليك تحس انك بعد الثانوى قدمت رسالتك خلاص فى الحياة انك هتبقى مستريح نفسيا لانهم كمان هما عادة فى البيت بيكونوا حاسين انك قطعت شوط المهم فى المبارة والباقى عاوز درجة اقل من المجهود

هيبقى لك درجةحرية اكبر تروح وتلعب وقت الدراسة وتخرج ويمكن وقت الامتحانات كمان وهتصاحب ناس كتير وتتعرف على اشكال واصناف من الناس من بلاد مختلفة

وهتحس بعد فترة ان الدفعة كلها اصحابك

والكلية هتغير من شخصيتك تماما

حتى لو انت شخصية انطوائية الكلية فى خلال ترم وبعد ما يخلص لو انت استجبت للتغير ده هتتحول للعكس تماما


وده مش وحش انك يبقى لك علاقات كويسة مع ناس كتير وتعرف ناس كتير


اكيد احسن ما يكون لك صاحب واحد او اتنين او حتى عشرة


غير ان قدرتك على الاعتماد على نفسك هتزيد


وهتتعلم حاجات كتيرة عن الحياة فى خلال الخمس سنين


وهتتبدل حاجات كتيرة صدقنى


وهتتعرض لصدمات وحالات اكتئاب


يعنى هتشوف حاجات كتير فى الكلية



كمان عاوز اقول لك حاجة


الكلية المرحلة الوحيدة


اللى انت هيسمح لك انك تعيش حياتك


لسبب بسيط


ان قبلها كان الثانوى ومرحلة الحرمان الاجبارى


بعدها الجيش والشغل ومحاربتك علشان تستقر وتكون اسرة ومرحلة الحرمان الاجبارى برضو بس هيكون نابع منك مش من شخص تانى


يعنى الكلية من الاخر ذاكر وعيش حياتك مش تعيش حياتك وطنش للدراسة


اكيد انت مش هتنجح كده من غير اى مجهود فى كلية صعبة والمناهج فيها ضخمة زى عندنا



مرة تانية بقول لك انت اخترت اختيار صح


هتتعب اه فى الكلية شوية


بس هتحس صدقنى انك اخترت صح لما تعرف بعد كده الفرق بينك وبين اللى دخل طب واسنان


مع احترامى ليهم طبعا



المرة الجاية ان شاء الله هنتكلم عن احلامك كطالب جديد


والواقع وده مرضتش اخليه فى اول مره علشان متحولش من الكلية ولا حاجه
فخليك متفائل شوية


اما عن المذاكرة ومعلومات عن كل مادة


زى ما قلنا


هنخليها قبل الدراسة


برضو الحلقة الجاية هنتكلم عن الانشطة الطلابية اللى عادة انت بتدخل ومفيش فى دماغك حاجة جوا الكلية غير الدراسة بس وان الانشطة دى زى حصص الرسم والمجال الزراعى والصناعى فى المدرسة


فعاوز اشيل الفكرة الخطا دى من دماغك


ونعرفك الحقيقة
وانتظرونــــــــــــــــــــــــــــــــــــــــــ ـــــــــــــــــــــــــــــــــــــــــا

يلا على انتظار باذن الله

بجد يا دكتور مصطفى معلومات مثمره جدا وافادتنى زى العاده والله هو مكنش ف اوهام ولا حاجه بس الواحد بيبقى حابب يدخل افضل حاجه مش اكتر وانا واثق ان صيدله طنطا جامده اووووووووووووووووى

كمان موضوع الانشطه ده انا كنت ضرورى هسالك فيه بس يارب قسم الانشطه اللى انا عاوزه يبقى موجود فى الكليه انا كان امنيتى ادخل معهد فنون مسرحيه فيا ترى المجال ده موجود

السلام عليكم هو ما فيش حد عاوز يجى طنطا ولا اية يا جماعة

ليه يا دكتور ساره الاحباط ده هما اللى جايين كتير بس مش كلهم مهتمين بانهم يتصفحوا عن النت وكده هما فى ماغهم انهم دخلوا كليه صيدله وخلاص انا اصحابى كتير جدا طنطا

انا بس نفسى يا جماعه الناس اللى على المنتدى هنا نتقابل ونبقى جماعه تفوق فعلا الكليه كلها تشهدلنا بده ونعاهد بعض على التفوق ايه رايكم

يلا ربنا معانا ويفقنا وانا هبدا مع حضرتك لكن عاوزين اكيد مساعدة من الى قبلنا والى معانا وفوق كل ذلك ربنا يكوا معانا

احنا ان شاء الله نجتهد ونعمل اللى علينا ونخلى فى المقام الاول اننا نثبت نفسنا فى الكليه ندخلها منخرجش منها ونفضل فيها معيدين واظن توفيق ربنا ثم اجتهادنا ثم اصرارنا ودعاء الوالدين يوصلنا اوى لبر الامان

ان شاء الله فما شاء الله كان ولم يشا لم يكن

هو دكتور مصطفى راح فين وفين افادتة احنا عاوزين نشاط يا دكتور

فى البداية خالص التهنئة الى كل الأمة الاسلامية بمناسبة شهر رمضان

يسرنى ويسعدنى ان أكون معكم فى هذا الملتقى الطيب

طالب بكلية صيدلة طنطا الفرقة الاعدادية

أشكرك دكتور مصطفى وفرت على الكثير وأتيت بالمضمون فى سطور قليلة وهذا ماوددته

أتمنى أن تقبلونى فى هذه الأسرة الطيبة وكل عام وانتم بخير

رمضان كريم

كل سنه وانتم طيبين

يارب يكون شهر رمضان بدايه طيبه

انا شايفه ان في اثنين متواجدين الدكتوره ساره والدكتور احمد

ياريت يكون تواجدنا للافاده والخير

هوانا غلطانه مفيش حد

موجود ان شاء الله وكل عام وانت بخير يادكتور عمر

الله معانا رمضان كريم

ان شاء الله حلقة النهارده هتكون عن......
نظام مذاكرة كل ماده
ومعلومات عن المواد
والامتحانات
وازاى تذاكر
واالدكاترة
والكورسات

فى الحلقة السابقة

*قلنا مبروك للدفعة الجديدة
*وقلنا لهم انهم احسنوا الاختيار
*وقلنا ليه صيدلة افضل من غيرها
*وليه صيدلة طنطا بالذات افضل من غيرها
*وقولنا ان الاشاعة بان الكلية اسهل من الثانوى دى اشاعة مش صحيحة
لكن العامل النفسى والراحة هى اللى بتخلينا نشعر بده
خصوصا ان الاهل كل اللى عاوزينه ان الابن يدخل الكلية الفلانية وخلاص
وقلنا هنلاقى الناس مش فارق معاها وقت دراسة من اجازة من اامتحانات والناس بتخرج وعايشة حايتها عادى

ده تقريبا ملخص اللى اتقال

.................................................

فى الحلقة دى هنتكلم عن
المواد اللى علينا والنظام ماشى ازاى
يعنى ربنا يسهل لو اقدر افيد ولو معلومة صغيرة
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,
الدراسة عندنا على ترمين
وترمين صغيرين كمان
كل ترم منفصل على الاخر
وكل ترم يعتبر سنة دراسة منفصلة
عكس بعض الكليات زى المنصورة لو مثلا عندك فى الترم الاول عقاير وفى الترم التانى عقاقير لو انت شلت عقاقير الترم الاول وجبت فى الترم التانى مثلا جيد جدا ممكن ينجحوك فى الترم الاول وتاخد مثلا فى المادة كلها على بعضها جيد او مقبول

عندنا مفيش النظام ده
عندنا كل ترم منفصل عن التانى
وكل ترم له درجات الرأفة بتاعته لوحدها
وله نظامه ومواد مختلفة عن الاخر

السنة دى عندنا سبع مواد
فيزياء
نبات
كيمياء فزيائية
رياضيات
انجليزى
حيوان
مدخل صيدلة
.................................................

المطلوب منك فى ترم علشان تنجح.............

لو كنت شايل مواد تشيل مادتين اساسيتين ومادتين غير اساسيتين
وتنجح فى الباقى
يعنى لو شلت اكتر من كده لقدر الله تقعد السنة

طيب المواد الاساسية اللى عندك الترم ده
الفزياء والنبات والحيوان ومدخل الصيدلة والكيمياء الفزيائية

المواد الغير الاساسية
الباقين
اظن واضح من تقسيمة المواد لي سموها اساسية وليه غير اساسية

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


طيب ليه انت بتدرس المواد العجيبه وايه علاقة المواد دى بالدواء..................

المفروض كليتك بتتخرج منها وعندك تصريح مزاولة مهنة معينه
عكس مثلا كلية العلوم
فاانت بتاخد المواد اللى بتخليك تشتغل المهنه دى بالاضافة لمواد تانية علمية ممكن يكون قائم عليها المواد اللى انت هتاخدها علشان تزاول مهنتك
فلازم يبقى فى اساس علمى
وطبعا ده كلام نظرى مش بيحصل فى مصر والكلام ده كله مش هتفتكر منه حاجة والمهنة بتاعتك هتزاولها بعد كده بالخبرة والمعرفة اللى هتكتسبها من بره الكلية
المهم نرجع لموضوعنا
المطلوب منك انك فى كل ترم علشان تعدى ميكونش معاك اكتر من مادتين اساسيتين ومادتين غير اساسية
والمادتين دول بتمتحنهم السنة اللى بعدها فى الاجازة مش فى نفس الاجازة بتاعتك
وخلى بالك لو انت لقدر الله شلت مادة فى اعدادى
وجيت فى اولى منجحتش فيها برضو وشلت كمان من اولى مادتين
كده يبقى انت معاك تلت مواد لقدر الله
للاسف هتبقى راسب

*وان شاء الله كلكم تبعدوا عن الحاجات دى
بس انا بقول لكم كده علشان تبقوا فاهيمن كل حاجة فى الكلية

****
فى كل مادة علشان تنجح فيها..................
عادة بيكون عندك امتحان تحريرى وامتحان عملى واحيانا شفوى وكمان حاجة اسمها شيت sheet او mid-term
وال sheet ده اسمه كده لان كلمة شيت يعنى ورقة لانه بيبقى صغير وبيكون فى ورقة واحدة بس
وده بيبقى تقريبا فى الاسبوع الخامس او السادس من الدراسة بيبقى امتحان عليه 10% من الدرجات
امتحان صغير مدته ساعة الا ربع
يعنى هى فكرة الامتحان انه معمول علشان الطالب يحصل ويذاكر اول باول
طبعا انتم بتتخضوا لما بتسمعوا امتحان فى اول شهر ونص من الكلية
وانتم مش عارفين تذاكروا
متقلقوش

طيب نرجع تانى لموضوعنا
*****************************

علشان تنجح لازم فى امتحان اخر الترم تجيب تلت الورقة
وده اهم شرط
بعد كده يبدوا يضيفوا درجات العملى والشيت والشفوى
ولو كل ده مجبش نسبة النجاح وهى 60% مش 50% بيبقى فى درجات الرافة وهى عادة الاول بتكون فى درجات رافةللدفعة كلها
يعنى مثلا نسبة الناجحين فى الدفعة لسه موصلتش لنسبة معينه لازم تنجح
فبيرفعوا الدفعة كلها مثلا خمس درجات
لحد ما يوصلوا لنسبه معينه يبقى كده خلاص
بعد كده انت المفروض ليك حوالى 40 درجة رافة
لو حليت تلت ورقة الامتحان وبعد اضافة درجات العملى والشفوى والشيت لسه موصلتش لنسبة 60% بيحطوا من درجات الرافة
لو برضو درجات الرافة مش هتنجحك يبقى مش هتتحط وتشيل المادة
لو انت كمان كنت شايل تلت مواد المفروض انك لقدر الله هتعيد السنة لو درجات الرافة دى هتخليك تعدى واحدة منهم علشان تنجح ويبقى معاك مادتين هتاخدهم انما لو الدرجات دى مش هتفيدك يبقى مش هتاخدهم وهتفضل شايل المواد الثلاثة
برضو لو انت شايل مواد كتير درجات الرافة ملهاش لازمة فمش هتاخدها
غير كده لو درجات الرافة دى هتنجحك وتخليك تعدى ولو على الحافة هتاخدها
وان شاء الله كلكم تجيبوا تقديرات كويسة ومتحتجوش لها ابدا

نيجى بقى نتكلم فى كل مادة لوحدها
.................................................. ........................
الفيزياء

انسى فزياء الثانوى دى خالص
والمسائل والكلام ده
المسائل فى المنهج عندنا تتعد على الصوابع وكلها سهلة ومن الكتاب
المنهج اصلا لسه محطوط من كام سنه
وقايم على الحفظ الصم
طالما انك حفظته كويس هتدخل تجاوب حلو قوى

المادة من 300 درجة زى معظم المواد فى صيدلة
60عملى
و 60شفوى
و 30 للشيت

***وعلى فكرة انت بتختار فى كل سنة فى صيدلة فى الترم الاول تلت مواد تمتحن فيها شفوى
ولازم يكونوا اصعب مواد عندك علشان تاخد درجات الشفوى بتاعتها
طبعا انت بتقول ده ان المواد الصعبه هبعد عن الشفوى
هفهمك النقطة دى بعدين بس ابقى فكرنى لو نسيت

دى توزيعة الدرجات

المنهج .....
مقسوم جزئين
جزء دكتور طارق النمر
وجزء دكتور فاروق

اول حاجة تشيل من دماغك فكرة انك هتجيب درجات نهائية زى الثانوى
انت فى الكلية المطلوب منك انك تطلع باقل خسائر
وبرضو اللى حاطط فى دماغه انه هيتعين معيد فى الكلية
احب اعرفك ان الدفعة حوالى 1200 واحد بيختاروا منهم اتنين بس
يعنى لازم اتنين يكونوا عقليات مهولة
واذا كنت انت فى الثانوى بتبان انك عبقرى علشان كان بيبقى معاك عقليات تانية اقل منك او زيك
دلوقتى انت مع ناس جايبين نفس مجموعك ويمكن احسن منك وفى نفس سنك وتفكيرك
وطبعا لكل مجتهد نصيب
بس علشان معظمنا بيبقى داخل نفسه فى الموضوع ده قوى
عموما لو انت شايف انك تملك المواصفات اللى تخليك من الاتنين دول فخليك على موقفك وحارب لحد ما توصل للمكان ده
وربنا ان شاء الله معاك ويوفقك
برضو شيل من دماغك انك هتدخل مذاكر المنهج كله وتراجع وتحل عليه نماذج الوزارة وسلاح التلميذ
ده مش شرط
طيب دلوقتى الفزياء هتتذاكر ازاى ........
احنا عندنا جزئين زى ما قلنا
جزء دكتور طارق النمر
وده تحاول تركز عليه فى المذاكرة بقدر كبير لانه بيبقى اسهل غير انه امتحان كمان بيبقى مباشر وهو كمان يعتبر فى المحاضرة شرحه مباشر
جزء دكتور فاروق
هو فى المحاضرة بيبقى بيشرح تقريبا على السبورة وانت هتقعد تايه فى الكتاب وراه
بس فى الاخر ذاكر من الكتاب او من الورق عادى


الفيزياء فى منهجنا مفهاش تقريبا فهم عبارة عن حفظ
مش مهم تفهمها
لانها ملهاش لازمة فى دراستك تقريبا على الاقل المنهج اللى انت هتاخده انا مش فاكر انى قابلت لحد دلوقتى كلمة واحدها من اللى خدتها في الفيزياء
ولا هتفيدك فى اى مادة فى صيدلة
فانت مجرد انك هتحفظها وتدخل تكتبها وتنسى بعد كده كل الكلام ده او حتى ممكن تطبق عليها بقى في مجالاتك

**وعلى فكرة امتحان الشيت عادة بيجى صعب جدا لكن هما فى الاخر بيبقوا عارفين ان الطلبة مش فاهمين منهم حاجة فبيجيبوا فى الاخر امتحان مباشر وسهل وكمان بيبقى تساهل شوية فى الدرجات

طيب هتذاكر منين .......

اول محاضرتين ممكن تذاكرهم من ورق مكتب التصوير
بعد كده الافضل لك تذاكر من ورق الكورسات حتى لو مش بتاخد كورس بيبقى اسهل واصغر وجايب الاجزاء المهمة اللى بتيجى فى الامتحان واللى ملوش لازمة مش بيتذاكر ودى عادة بتبقى سياسة المذاكرة بعد كده
انا يا جماعه مش بقولكم بالكلام ده اننا نهمل الكتاب لا الكتاب مهم برده وفي دكاتره بيركزوا على حاجات فيه وبيقولوا عليها في المحاضره
انا كنت عاوز اسيب موضوع الكورسات ده نتكلم فيه فى الاخر وورق الكورسات والكورسات كويسة ولا وحشة والكلام ده لان عادة انتم لما بتدخلوا الكلية بتاخدوا معلوماتكم فى الموضوع من مصدر واحد الكورسات بالنسبة له تعتبر تقليل من قدرته على انه يوصل المعلومة وانك بتروح تاخدها من شخص اخر مع ان الموضوع مش كده خالص هى الفكرة ان صعب ان الواحد يقدر يفهم فى وجود حوالى 1000 طالب او اكتر فى ظل الاعداد المهولة دى وفى ظل كمان ان المستوى اللى الدكتور بيشرحه فوق مستوى الطلبة اللى قاعدين وبالتالى بيضطروا يروحوا لوحاد تانى يقدر ينزل المعلومة لمستواهم خصوصا ان تقريبا وزارة التعليم العالى مش قادرة تفرق بين الباحث الاكاديميى والباحث التربوى بس هما تقريبا واخدين الموضوع انك طالما الشخص ده قدر يوصل المعلومة لدكاترة كبار وقدر ياخد شهادة دكتوراه فاكيد هو شخص بيقدر يوصل المعلومة لاى شخص تانى مع ان فى البعض مش بيعرف يوصل المعلومة للمستويات الاقل منه

هنتكلم دلوقتى على موضوع
الكورسات بايجاز.......
معظمكم قبل ما يدخل الكلية بيقول احسن حاجة بعد كده ان مفيش دروس والواحد هيستريح الاجازة كلها
هو فعلا احسن حاجة انك بتستريح الاجازة كلها
موضوع الدروس انا مش معاه ولا ضده
ولا هقول لك خد كورس
ولا متخدش انا عن نفسى بقدر احدد مصلحتى وعارف ان الكورس مش هيفدني وهعرف اوصل للمعلومه بطريقتي وعلى فكرة مش شرط كله يبقى زى بعضه لان فى ناس هترد على كلمه من غيرها مش هقدر انجح وتقول ما فى ناس بتنجح من غيرها
انا بقول دى حاجة شخصية اكيد مش كل الناس زى بعضها فى ناس ممكن تنجح من غيرها وناس تانية لاء
ومتسمعش كلام حد فى الموضوع ده
انت اكيد عارف مصلحتك فين وتعرف انت محتاج ايه

لو انت فى الكلية شايف انك هتعرف تمشى لوحدك وتقاوم وتحارب شوية وعندك امكانيات انك تذاكر وتجمع وتفهم وتحفظ نفسك
يبقى ابعد عن الكورسات خالص
وده افضل
على فكرة حاجة نسيت اقولها انت مش مطالب فى الكلية انك تفهم بقدر ما انت مطالب انك تحفظ وتحل فى الامتحان ودى هتبقى اول صدمة ليك فى الكلية
وبرضو بقول لك ماتسمعش كلام حد من اللى بيقول لك الكورسات وحشة
ولا اللى بيقولوا الكورسات حلوة
وهتلاقى فى طلبة احيانا موجودين فى اول كام اسبوع بيعملوا دعاية لموضوع الكورسات ده
سيبك من الناس دى خالص لانهم بياخدوا نسبة على الطلاب اللى بتيجى من ناحيتهم
شوف انت مصلحتك

طيب دلوقتى نرجع للفيزياء
هى المادة انا فى رايى اى مادة حفظ يبقى الكورس فيها ملوش لازمة
انت ممكن تذاكر من ورق الكورس تجيبه من حد من صحابك واكيد فى الاخر الحاجات دى بتبقى فى متناول ايد الجميع

لو اتكمنا على حضور محاضرات .......
انتم فى الاول هتحضروا كله وبعد كده اغلب الطلبة مش هتحب تحضر وهيقفوا مع بعض تحت الكوبرى او قدام المدرج على السلم
الفزياء زى ما قلنا هى مش محتاجة فهم يعنى ممكن بعد الشيت لو مش عاوز تحضر متحضرش وتذاكر لوحدك بس الحضور طبعا هيبقى عندك شوية معلومات عن المادة لما تيحى تذاكر وتبقى سمعت الكلام قبل كده وتخطط ورا الدكتور فى الكتاب
نظام الامتحان ::
عبارة عن short notes
او يعنى بنظام الثانوى اسمه اكتب ما تعرفه عن او انثر او اكتب نبذه عن


النبات

اكتر مادة اهتم بيها واكتر مادة صعبة وحاول تفهما كويس لانك هتحتاجها جدا بعد كده فى العقاقير الترم التانى
النبات من المواد الصعبة الطويلة اللى عاوزة فهم
ونفس تقسيمة الفزياء فى الدرجات
*وهى عبارة عن تلت اجزاء Morphology
مورفولجى
يعنى ازاى تصف النبات من بره وتتعرف عليه

*وال anatomy
يعنى التركيب من جوا والكلام ده

*وال taxonomy
يعنى التصنيف والازهار والكلام ده

الجزء التانى بتاع الانتومى عادة هو اطول جزء واكتر جزء بيجى متكرر من الامتحانات اللى قبل كده
المادة دى صعبة
واهتموا بيها جدا وبالعملى بتاعها
المذاكرة هتبقى منين
متشتريش ورق علشان تذاكر منها من مكتب التصوير خالص
كله ورق كورسات
بالنسبة لحضور المحاضرات
طبعا لازم الحضور لانها ماده محتاجه فهم جدا
نظام الامتحان ::
على سنتي السنه اللي فاتت يعني كانت M.C.Q
يعنى اختصار multi choice Question
يعنى اختار الاجابة الصحيحة من بين الاقواس بنظام الثانوى
وعلى فكرة نظام الاختيارى فى الكلية الاجابة عليه بتكون بانك بتختار الاجابةالصح وفىاول ورقة الاجابة بيبقى فى ورقة عليك انك تعلم على علامة صح على الرقم اصح
يعنى اول ورقة بتبقى اسمها answer sheet اول ورقة الاجابة ودى مش بيبقى فيها الاسئلة والاسئلة محدش بيدخل يقراها فىالتصحيح هما بس بيراجعوا الورقة الاولانيه دى
بالزبط زى فى الثانوى لما كنت بتلاقى الاسئلة ويقول لك الاجابات صفحة كذا فى الاخر


ونكمل الباقي ان شاء الله علشان نازل بس بعد اذنكم

بسم الله تبارك الله

والله انا حاسس انك من ال 10 الاوائل بل من اللى عقولهم مهولة وان شاء الله من الاثنين اللى بيت اختيارهم كنعيدين


واضح ان حضرتك اكتسبت خبرة مهولة فى اعدادى ومحبتش تكتم الخبرة دى بل اذعتها ونفعت بها الغير وتعبت نفسك

جزاك الله خيرا وجعله الله فى ميزان حسناتك خصوصا خلاص الليلة دى اول ليلة فى رمضان....................

انا ملاحظ ان فى 3 اعضاء متصلين معايا ودى اول مره تحصل هو رمضان مجمعنا ولا ايه كل عام وانتم بخير

وانت بخير ودكتور مصطفى وكل الاخوة الموجودة والاخوات كمان

عايزين نتعرف بالدكتور مصطفى هو فى اى فرقة

ممكن يا دكتور مصطفى تقولى انت فعلا من العشره الاوائل ولا لا

دكتور احمد اخبارك ايه منور جدا معانا هنا

وحضرتك فى اى فرقة

دا نورك ربنا يخليك هو انا فعلا لسة مشترك فى المنتدى بس كنت بزوره كتير

انا ان شاء الله داخل اعدادى

شرفت بمعرفتك

اهلا بحضرتك دكتور احمد معانا في بيتك التاني كلية الصيدلة جامعة طنطا واهلا بيك دكتور محمود
وكل عام وانتم بخير يا رب بمناسبة حلول شهر رمضان المبارك اعاده الله عليا بالخير واليمن والبركات
لا يا دكتور احمد انا مكنتش من الاوائل بس ان شاء الله السنين اللي جايا اعمل اقصى ما عندي
وان شاء الله اتمنى لكم التوفيق ف الكليه وتكونوا من الاوائل باذن الله
وانا ان شاء الله داخل الفرقة الاولى
واي حاجه انا تحت امركم وان شاءالله هكمل الموضوع
واهلا بيكم مره تانيه ورمضان كريم عليكم جميعا

طيب ممكن يا دكتور مصطفى تقولى الاتنين دول بيتم اختيارهم على اساس التسيب اللى بنسمع عنه انهم يعنى اولاد دكاتره ولا على اساس مجموع الخمس سنين التراكمى

انا يا دكتور احمد زيك لسه داخل فرقه اعدادى واتمنى اتعرف عليك اكتر واشوفك اول يوم فى الكليه ان شاء الله

انا نفسى اغلب طلبه كليه صيدله طنطا يتجمعوا هنا ونقدم صوره كويسه عن كليه صيدله طنطا لكل الناس طبعا هيا الصوره كويسه بس محتاجين ندعمها اكتر وبالاخص لما دكتور مصطفى قال ان الجامعه هتبقى دوليه ان شاء الله

باذن الله ربنا يكون معانا كلنا وانا كمان والله نفسى كلنا نتجمع ونخلى كليتنا احسن كلية ونقول لبعض اى حاجة عن الكلية يارب يوفقنا ويكون معانا ويارب تدخل بنت علشان اكلم معاهابدلل ما كلكم صبيان كدة يلا ربنا مع الجميع ويارب نكون احسن دفعة وندعى للجميع بالتوفيق واحنا داخلين رمضان

نسيت حاجة مهمة والله شكل كل مرة شكرااا يا دكتور مصطفى على هذا الموضوع مع انك لسة فى اولى لكن حضرتك تملك من موهبة افادة الاخرن نعمة كبيرة جزاك الله كل خير ويارب نشوفك اول الدفعة باذن الله ويارب نكون كلنا اسرة على هذا المنتدى الرائع ولازم مشاركة دكتور محمود واحمد ومصطفى والاخوات الى نفسى يدخلوا اسراء واى بنت ولا انا لوحدى يعنى حرااااااااااااااااااااااااموبالتوفيق فى الدارين

يا دكتور ساره كلنا اخوات وربنا يوفق الجميع وكل سنه وكل الامه الاسلاميه بخير وممكن حضرتك تدعى صحباتك للدخول للمنتدى

وحضرتكم طيبين يارب وفقنا كلنا ربنا معنا يارب التوفيق فى كل مجالات الحياة يارب

يارب معانا

ايه يا جماعه انتم فين الصيام ماثر عليكم اوى كده ولا ايه

والدكتور مصطفى فينه وفين محاضراته اللى بتفيدنا كتير ومحتاجين نكمل باقى المحاضره بتاعت امبارح يمكن بعد الفطار يبقى فى جديد على العموم صوما مقبولا ان شاء الله

بليز يا جماعه لو فى حد عامل طلب تحويل ممكن يقولى التحويل نتيجته هتظهر فعلا صباح الاثنين اللى جاى ده ولا لا وشكرا:av4056bb7jp3:

السلان عليكم اللهم تقبل صيامنا ودعواتنا امين دكتور مصطفى مسافر اسكندرية وهيعد يومين كدة وانا هاعمل تحويل لكن سيبها على ربنا والله ا علم

هو الدكتور مصطفى قال امتى انه مسافرalex وحضرتك منين عرفتى

والله هيوحشنا جدا وهتوحشنا محاضراته

انا نفسى اعرف ايه الفرق بين صيدلة المنصوره وصيدلة طنطا
واي واحده هى الافضل

والله يا دكتورة اسماء طنطا اصعب ومعروفة هى احسن كلية فى الدلتا وفيها اكلينيكال اى نعم هم لسة ما خلهوهاش اكلينيكال بس مين عارف اما المنصورة الاكلينيكال بانعشر تلاف فى السنة وتتخرجى ويقولوا خريج صيدلة اكلينيكية ودكتور مصطفى كتب كدة لدكتور محمود والله اعلم

عرفت اول يوم رمضان علشان كنت بقول للناس رمضان كريم وكل سنة وانتم طيبن وهو قال كدة اللهم بلغت اللهم فاشهد واه على فكرة رمضان كريم لكم كلكم واعادة الله علينا بالخير واليمن والبركات امين يارب العالمين

يا جماعه انتظروا نتيجه التحويل ان شاء الله بكره الصبح او النهارده بالليل واللى حابب يعرف اكتر عن نتائج التحويل المبدئيه والطلبه اللى اتقبلت واللى لا يفتح اللينك ده

:022yb4::022yb4: (http://www.masrawy.com/News/Egypt/Politics/2009/august/23/helal.aspx)http://www.masrawy.com/News/Egypt/Politics/2009/august/23/helal.aspx

الاول اهلا بحضرتك يا دكتور اسماء فى بيتك الجديد منتدى طلبه كليه صيدله طنطا وكل عام وحضرتك بخير

شكراااا يا دكتور محمود انا على انتظار التحويل ربنا معانا ويوفقنا لما يحبة ويرضاة بالتوفيق للجميع

بس الحمد لله لقيت حد على المنتدى معايا

هاى دكتور ساره اهلا بيكى حضرتك فين واخيرا اهو بقى فى هنا بنات واضمت لينا دكتور اسماء

حضرتك قريتى اللى مكتوب فى الخبر ده اتوقع ان الاعداد المقبوله يعنى شويه كويسه:redface: عكس السنه اللى فاتت خالص اتمنى نكون ان شاء الله تم تحويلنا لصيدله طنطا ان شاء الله مع انى انا كنت بتمنى اعيش جو المدينه الجامعيه بس حصل خير لو كنت كتبت طنطا فى الاول كان زمانى مرتاح لكن انا كتبت الجامعه الوحيده اللى توزيعها مش اقليمى وهيا الاسماعيليه بس النصيب

وبالنسبه للدكتور اسماء انا عاوز رايك يا دكتور ساره اشرح ليها تانى ايه الفرق ولا ننصحا بانها ترجع للحوار اللى دار بينى وبين دكتور مصطفى عن المزايا والعيوب باختصار اكيد صوره كليه صيدله طنطا غنيه عن التعريف

مش فاهمة يعنى حضرتك من طنطا طاب لية كتبت اسماعلية وحضريتك جبت كام اساسااااا

والله هى اساسااا ما دخلتش يا دكتور وانا ىكنت هنبها اكدة وحوارك مع اخونا الكبير طبعااا دكتور مصطفى وتمنياتى التوفيق للجميع

حضرتك اكيد لما تقدمى بتقديم الرغبات على موقع التنسيق الالكترونى وحبيتى تشوفى ايه الكليات اللى كانت متاحه لينا حسب التوزيع الجعرافى تلاقى انه فى اول القائمه اول كليه كانت صيدله الاسماعيليه لان جامعه قناه السويس لايتم توزيعها اقليمى وده كان فى كليات القطاع الطبى كله عدا طبعا العلاج الطبيعى فانا اساسا كنت مرتبط باصحاب ليا فى اسماعيليه فحبيت اروحلهم فاتسرعت بدون ما اخد راى حد وكتبت الاسماعيليه وكمان انا بعشق حياه الغربه والسفر والاعتماد عالنفس وده كان بالنسبه ليا حافز انى اعمل كده وحاولت اكتب بعديها alexبس دى كانت اقليميه

بالنسبه انا جايب كام انا الحمد لله جايب 403 بس انا دخلت صيدله عشان انا حاببها وكمان نفس اسباب رفض الطب البشرى هيا اللى شجعتنى على دخول صيدله ولولا العند اللى عاندته وكتبت طنطا فى الاخر كان زمانى مرتاح

اقصد يعنى تالت رغبه كان زمانى مرتاح بس انا ندمان على عدم دخول طب عشان انا كان نفسى ابقى جراح وكمان كان نفسى ادخل مشرحه و اشرح بايديا لانى انا بشوف على فناه حورس على الرسيفر عمليات كتير ودى يعنى بعتبرها هوايه
كمان انا فرحان ان مدخلتش طب عشان مواله طويل جدا جدا والصيدله طبعا مجالتها اوسع واكتر ومستبقلها مضمون جدا وبالاخص لو كانت صيدله طنطا

انا يا جماعه نتيجه التحويل ظهرت وجانى صيدله المنصوره قولولى اعمل ايه

ماانت كلة شوية تقول المنصورة المنصورة هوانت كتبت الاسماعبية فى الرغبات وفى التحويل عملت لكلية اية انت عملت اية بالظبط يا دكتور محمود

يا جماعه انتم قبلتونى اخ وزميل مهنه وانا كده كده كان لازم ادخل المنصوره عشان الاكلينك بعد ماعرفت انى مش هاخد فى طنطا شهاده معتمده من طنطا لكن انا هشتريه هناك بالفلوس انما احنا فى طنطا هناخد نبذه عنه لكن انا هدرسه هناك طول الخمس سنين معلش كل واحد فينا بيدور على مستقبله بس انت اكيد مش هترفوضوا صديق صيلى من المنصوره

بالراحه شويه يا دكتور ساره واخبار التحويل بتاعك ايه

الحمد لله انا حولت من القاهرة لطنطا واسفة يا دكتور على اندفاعى وطبعااا حضرتك تشرفنا فى اى وقت هوانت اساسا من طنطا ولا اية واسفة مرة تانية لانى مش عاوزة اخسر حد من صيدلة طنطا ربنا معانا كلنا وبالتوفيق فى الدارين

لا يا دكتور ساره كلنا فى الال والاخر اخوات انا اساسا من المحله الكبرى يعنى لا بعيد عنى طنطا ولا بعيده المنصوره بس انا نفسى الدكتور مصطفى او حضرتك لو عندك علم هل اده الاناتومى وباقى المواد هيا هيا باستثناء موا الاكلينيكال

الله اعلم استنى دكتور مصطفى هو اكيد هيدخل بكرة والله اعلم

الدكتور مصطفى اتاخر اوى يا جماعه ايه هو نسانا ولا ايه ولا راح يصوم رمضان فى مكان مجهول خالى من النت

:022yb4:ايه يا دكتور اتاخرت علينا اوى وحشتنا ووحشتنا محضراتك:022yb4:

:friendsxs3::av4056bb7jp3::):o:006et4::022yb4::028 ja7::p:excl::bosyht9::bosyht9::angry2:

السلام عليكم ورحم الله وبركاته
اسف جدا يا دكاتره على التاخير بس اعمل ايه السفر والعباده في رمضان ممتعه بس انا تحت امركم والامر لله وحده
وربنا يجعل هذه الايام المباركه مليئه بالطاعه والتوبه والعمل الصالح ( اللهم اقبل صيامنا وركوعنا وسجودنا يا ارحم الراحمين لا اله الا انت سبحانك اني كنت من الظالمين)
وان شاء الله اواصل الحديث عن الكلية

لا حضرتك يا دكتور الصلاة والعبادة اهم واحنا منتظريتم فى وقت وشكراااا على موضوعاتك الجميلة ورمضان كريم وحمد الله على السفر

حمد الله على السلامة وتقبل الله منا ومنكم

حقا هذه الايام خير غنيمة لمن يغتنمها واهم حاجة هى الثبات على الطاعة وعدم الاستسلام للمعصية

خاصة احنا داخلين على مرحلة صعبة

موضوع الاختلاط وخصوصا ان الكلية بتاعتنا 3/4 منها بنات

ربنا يستر ويعصمنا من الفتن

الله يسلمك دكتوره ساره والله يسلمك دكتور احمد
صح يا دكتور طبعا الايام ده ايام مباركة صعب الانسان ان يعوضها والاجر والثواب فيهم عظيم من عند الله سبحانه وتعالى فيارب جميع المسلمين نغتنم تلك الفرصه الثمينه
لا طبعا يا دكتور ساره انا هواصل المشاركه في المنتدى الحمد لله بعرف انظم وقتي كويس
والف مبروك ليكي على قبول التحويل لصيدلة طنطا
واهلا بيك طبعا يا دكتور احمد معانا

يا دكتور احمد البنت بنت والولد ولد حطيت فى دماغك الاختلاط هتتعب خليك فى حالك شكل ما كنت فى الثانوى واكيد ربنا هيحميك البنات يعنى مش خلاص ملت الكلية كل واحد يقدر يحافظ على نفسة كويس واستعينوا بالصبر والصلاة بالصبر والصلاة والاعتماد على الله والاتكال علية والتديت والضمير المراقب خلاص وياريت تكون المرحلة الصعبة هى الصيدلة وكيفية التعامل مع المواد واجتيازها بتفوق مش بنجاح بس انتو مش داخلين على مجزرة بنات !!!!!!!!!!!!!!!!!!!!!!!!!!!

صح يا دكتوره ساره كلامك مظبوط
وانت لو في حالك يا دكتور احمد هيكون افضل مع اصحابك ومع جروبك اللي بتحبهم وكده هيكون افضل وافضل
لا طبعا يا دكتوره مجزره بنات ايه بس هو فعلا صح عددكم كبير بس ده بيرجع لتفوق البنات وفعلا من اربع او خمس سنين والبنات متفوقين تفوق ملحوظ جدا وربنا يوفقهم ويوفق الجميع
بس يا دكتور احمد وبرده دكتوره ساره لما تدخل الكليه عايز اول يوم ليك هيبقى عندك محاضره طبعا مش هيبقى فيها شرح كتير علشان اول يوم وكده عايزك تنظر بس نظره واحده الى المدرج بالكامل وكل الطلبه اللي معاك في الدفعه وتقول لنفسك حاجه واحده انا داخل الكليه ده علشان من وسط العدد ده كله ابقى رقم واحد بس مشتقول بس بلسانك لا القول لوحده مش كفايه
زي اللي بيقول لا لا انا خلاص هبدا حياتي من جديد وهبدا اصلي واغير حياتي كله كلام
لازم تبدا حمس نفسك دايما وان شاء الله ربنا معاكم ويوفقكم
تذكروا ( ان الله لا يضيع اجر من احسن عملا )
ويا رب الدراسه هتبدا بعد رمضان والعيد ان شاء الله تكون جميع الناس الله هداها الى الطريق المستقيم وتكون كل ايامك القادمه خير وسعاده يا رب

يارب يا دكتور ربنا معانا كلنا

يا دكتور مصطفى انا جانى صيدله المنصوره وعاوز احول طنطا قولى اعمل ايه وهينفع وولا لا ولاتنصحى اخلينى فى المنصوره بليز محتاج الرد

سورى نسيت اقولك حمد لله على سلامتك يا دكتور مصطفى وربنا يثبتك على الطريق المستيقم ان شاء الله

بالنسبه للدكتور احمد انا حاسسس انه مزود الحكايه ومجزره بنات ايه اللى قالت عليه الدكتور ساره يا جماعه احنا اخوات قبل كل شىء ده انا حتى اسمع ان السكاشن دى بتكون احلى جروبات بنات وولاد وبيبقى فيها تعاون حتى ان التجربه العملى سمعت برده ان فى الاغلب ولد وبنت بيشتغلوا مع بعض والله اعلم

فلازم كل واحد فينا يفكر فى مستقبله الاول ويعرف ان الكليه مش نهايه المطاف وخلاص هنرتاح بقى وبنات وكده وهتعيش حياتك
بالعكش دى الكليه دى بدايه المطاف وتحقيق الحلم وبناء المستقبل اللى هو الحياه الجايه فلازم يبقى فى سلاسه اكتر من كده فى موضوع البنات ده ونعتبره انه عادى وكلهم اخواتنا احنا كليه عمليه متهيالى اه انك هتعيش حياتك ودى اجمل مرحله اللى هيا الجامعه بس ووقتنا فى الكليه يعنى سورى مش زى التجاره ولا الكلام ده مع احترامى لكل الناس اللى فى تجاره

يا دكتور احمد البنت بنت والولد ولد حطيت فى دماغك الاختلاط هتتعب خليك فى حالك شكل ما كنت فى الثانوى واكيد ربنا هيحميك البنات يعنى مش خلاص ملت الكلية كل واحد يقدر يحافظ على نفسة كويس واستعينوا بالصبر والصلاة بالصبر والصلاة والاعتماد على الله والاتكال علية والتديت والضمير المراقب خلاص وياريت تكون المرحلة الصعبة هى الصيدلة وكيفية التعامل مع المواد واجتيازها بتفوق مش بنجاح بس انتو مش داخلين على مجزرة بنات !!!!!!!!!!!!!!!!!!!!!!!!!!!


فى البداية شكرا على النصيحة الجميلة ( خليك فى حالك )

انا عارف ان الموضوع ده يمكن مش فى دماغك او دماغ البنات بصفة عامة لكن زى ما تقولى الجميع دخل تحدى معايا وعلى فكرة ناس قبلنا فى الكلية وكانوا على درجة رفيعة من الأخلاق الحميدة والمثل العليا

كلهم بيقولوا ان الكل بيتأثر بموضوع الإختلاط وقليل جدا اللى بينجو من هذا الفخ

صدقينى المرحلة الصعبة مش هى الصيدلة ( ممكن بالنسبة لى ) هى التغلب على هذه الحواجز والعقبات لأن تخطيها بييجى وراه كل العلوم وصدقينى موضوع خليك فى حالك ده مش بيتحقق

حاجة تانية بعتقد ان هى اكثر تأثيرا وهى الصحبة زى ما قال الدكتور مصطفى ( الجروب ) والرء على دين خليله

ممكن واحد (ة) يكون ممتاز فى جميع المراحل التعليمية وفى الثانوية العامة ماشاء لله جايب 100%

انتشر شوية وفى الاخر يادوبك بيطلع بمقبول دا اذا عدا

موضوع الحماسة والارادة بيبقى موجود فى ذهن كل طالب جامعى محترم عايز يحقق حاجة مش مجرد التخرج من الكلية وتحقيق الكسب المادى وجميل جدا موضوع احلامك وطموحاتك وسرد نماذج مشرفة ذكورا واناثا ممكن نقشت اسمائهم على أحجار التاريخ

ولكن استمرار هذه الحماسة المشتعلة او المولعة وأعتقد انك بتمرى بالحالة دى متوقف على الاشياء اللى ذكرتها وهى 1- تجنب الجنس الاخر مش فى كل الامور علشان مانعممش
2- الصحبة ودى ليها نسبة 60% وان كان الامر امر كنت ادتها 99%
3- تجنب الاهمال والكسل فى حضور المحاضرات

واضح ان حضرتك داخلة بشراسة طبعا انا مابحسدشى ولكن ستكون منافسة قوية والغلبة للاجدر
وبالتوفيق للجميع وأن بحترم حماسك ويارب كل البنات تبقى احلامهم على هذا النحو ومبروك عليكى التحويل وبالتوفيق لكى فى الدارين ( غشتها منك )

ودى مجرد وجهه نظر عن الموضوع ده وربنا يوفقنا كلنا ويوقف لينا اولاد الحلال فى طريقنا امثل دكتور مصطفى كده وتانى بقولك حمد لله على سلامتك يا دكتور مصطفى

حلو اوى الكلام ده يا دكتور احمد واحنا فتحنا المنافسه دى من زمان واتفقنا عليها مع دكتور ساره وانت قلتها البقاء للاقدر وبرده ربنا يوفقنا فى الدارين(غشتها منكم)

حلو اوى الكلام ده يا دكتور احمد واحنا فتحنا المنافسه دى من زمان واتفقنا عليها مع دكتور ساره وانت قلتها البقاء للاقدر وبرده ربنا يوفقنا فى الدارين(غشتها منكم)


ان كانت الجملة دى ضايقت الكل منى وهزارها كان رخم فأنا متأس ف وتم الحذف

ان شاء الله يا دكتور مصطفى انا رايح طنطا النهارده عشان اشوف حكايه التحويل الورقى دى ادعولى

ههههههههههههههههه اضحكلى سلف يا دكتور احمد:040vk0:
بجد شكلك خفه اوى
انت اللى داخل علينا ضيف على المنتدى ورحبنا بيك ده على اساس ان اكرام الضيف واجب
انما ان شاء الله لما تروح للى خلقك فى الحاله دى بيقولوا اكرام الميت دفنه ده ده لمعلومات بس

ههههههههههههههههه اضجكلى سلف يا دكتور احمد
بجد شكلك خفه اوى
انت اللى داخل علينا ضيف على المنتدى ورحبنا بيك ده على اساس ان اكرام الضيف واجب
انما ان شاء الله لما تروح للى خلقك فى الحاله دى بيقولوا اكرام الميت دفنه ده ده لمعلومات بس


شكرا جزيلا ياسيدى على السخرية دى بس مقبولة منك

ياحبيبى والله ماقصد ان انت جديد أو انا الضيف احنا مش هنتخانق على حتة ارض

كل اللى اقصده على حد علمى ان حضرتك هتحول من الكلية فعشان كدة بقولك ان ده مش مكانك اقصد صيدلة طنطا وطبعا انا مش فرحان زى ما حضرتك متخيل دا بالعكس حضرتك كنت عضو كويس وكنا هنستفيد أكتر

بس حضرتك أخدت الموضوع غلط تماما أما حكاية دفنه دى فكان هزار ياأخى ولا انت مابتهزرش وياأخى لكل اجل كتاب وكلنا سنذوق الموت ماحدش بيموت ناقص عمر بس انا مش بفول عليك ولا حاجة

ان كنت غلطت فيك (مع ان ده ماحصلشى والله ) فانا اسف وشكرا مرة تانية وصدقنى مش أنا اللى اسخر من حد أو اتعالى على حد وبرده ( كل سنة وانت طيب )

يارب تكون فهمتها وانا مسختش ولا حاجه انا بس بقول كما تدين تدان
واهى واحده بواحده ويبقى خلاص كده خالصين
انا عاوزك زى ما دكتور ساره قالت خليك فى حالك
عشان ربنا يوفقك فى الدارين
او عادى خليك فى مشاكل الاختلاط يمكن توصل لحل
مع احترام للمشاكل اللى حضرتك بتطرحها:039uw8:
زى الصوره كده خد بالشورى
وبعدين اضحك

ربنا معنا كلنا يا جماعة واحسن حاجة المنافسة الشريفة من اجل بلدك كلنا لازم نكون ايد واحة والله مش كلام اشعار كلام جد وعلى فكرة كلام دكتور احمد صح لكن !هناك كتاب للدكتور ابراهيم الفقى انا تقراة ممكن تسيطر على نفسك من موضوع الاختلاط دة لكن كمان اسمحلى انى اقوللك ان مش كل الاختلاط غلط ومش كلة صح لانسلبياتة اكتر من ايجابياتة وبالتوفيق فى الدارين بس اطلب منكم حاجة ياريت تعملوها اعملوا ما فى جهدكم صلاة وعبادة وطاعة لربنا وتجنب الجنس الاخر الافى ابسط الامور وتجنب الشلل وبالذات الاقل منك او الاعلى اوى منك وهاقولها تانى سياسة خليك فى حالك

فيه ايه يا جماعه انتوا هتتخانقول ولا ايه و بعدين يا دكتر محمود عيب اوى اللى انت بتقوله ده

الموضوع للمناقشه مش اكتر مش ينفع اللى انتوا عاملينه ده

احنا ناس كبار مش صغيرين يعنى

تم حذف المشاركه و ايقاف العضو mahmoud ahmed2
(http://www.thanwya.com/vb/member.php?u=293174)

اية الى انتو بتعملوة ده هوانتو اتسحرتوا وفقتوا على بعض انا ما شفتش الكلام دة عيب يا جماعة انا كنت باكتب على الكلام البنفسجى لدكتور احمد وانتم بتسخروا من بعض دية مش كلام دكاترة صيادلة ولا اية كل واحد يستهدى بالله والى ما صلاش يقوم يصلى واقوموا اقروا قران احلى لانة احسن وقت اقرات القران ماشى والسلام ختام

خلاص يا دكتوره ساره المشاركه اتمسحت و العضو محمود اتوقف عشان الكلام اللى كتبه

و اى مخالفه فى المشاركات العضو هيتقف على طول

احنا مش صغيرين و ده مش كلام دكاتره خالص

رمضان كريم :d

معلشى انا اسف لايحق لى التدخل فى امور الادارة ولكن هو ماعملشى حاجة علشان يستحق الوقف كان مجرد سوء تفاهم وأنا سامحته وهو أحق منى بالاستفادة من المنتدى انا مازلت عضو جديد وخلينى اخد حسنات واحنا اخوات مهما حصل فارجو عودة عضويته واستكمال وجهة نظره وشكرا,,,,,,

على فكرة يا دكتور محمود كدة كفاية جداااااا ودة عمر ما كنت اتوقعة من حضرتك كشاب صيدلى محترم لكن الانسان لية تصرفات ممكن تكون غلطتة الكبيرة ولوسمحت احنا قبلناك ضيف لكن بالاحترام مش بالاسلوب دة وصيدلة المنصورة مفتوحة لحضرتك وطنطا كمان مفتوحة لكن مش للشطار بس لا للمحترمين لاراء الاخرين والاسلوب وللناس وياريت تكون دة غلطة صغيرة مش صفة فى خحضرتك لاننا مش عاوزين نخسر حد

معلشى انا اسف لايحق لى التدخل فى امور الادارة ولكن هو ماعملشى حاجة علشان يستحق الوقف كان مجرد سوء تفاهم وأنا سامحته وهو أحق منى بالاستفادة من المنتدى انا مازلت عضو جديد وخلينى اخد حسنات واحنا اخوات مهما حصل فارجو عودة عضويته واستكمال وجهة نظره وشكرا,,,,,,

اولا يا دكتوره ساره انا فى صيدلة المنصوره و مش اول سنه على فكره
و كلنا محترمين الحمد لله

و بالنسبه ليك يا دكتور احمد هو اتوقف خلاص لان الكلام اللى قاله ده ميصحش يخرج من دكتور
و مينفعش اللى اتثال ده و لو انت مسامح دى حاجه بتاعتك انت لكن ده شغل الاداره

و اسف لو طولت عليكم يا رب تكونوا فهمتوا كلامى

اولا يا دكتوره ساره انا فى صيدلة المنصوره و مش اول سنه على فكره
و كلنا محترمين الحمد لله

و بالنسبه ليك يا دكتور احمد هو اتوقف خلاص لان الكلام اللى قاله ده ميصحش يخرج من دكتور
و مينفعش اللى اتثال ده و لو انت مسامح دى حاجه بتاعتك انت لكن ده شغل الاداره

و اسف لو طولت عليكم يا رب تكونوا فهمتوا كلامى


طيب حضرتك مشرف فلو سمحت زور القسم بتاع التنسيق فى عضو هناك سب الادارة والاداريين والاعضاء باقبح الالفاظ

حضرتك يا دكتور فهمتنى غلط صيادلة المنصورة على راسى من فوق ولى اصحاب كتير هناك انا قصدى ان هو صيدلة المنصورة خلاص يروحها لان ملتقى صيدلة طنطا الى يدخلة لابد ان يكون مقدرة ومقدر اعضاؤة وياريت تكون فهمتنى صح وياريت كمان ترجعة تانى لانه فعلا اخ لنا فى الاول والاخر ودخل معانا كتير على المنتدى وخلاص كان هيكون واحد منا فياريت ما نخسرش حد واسفة مرة تانية واحترامة لكل صيادلة المنصورة

يا دكتوره انا مش قصدى اقول انك بتقولى ان صيادلة المنصوره مش محترمين مش قصدى خالص

و انا مش مشرف عشان اوقف عضو او ارجعه تانى و بعدين هو غلط يتحمل بقى

و شكرا على ذوقك

حد قدم فى الكلية

لا هو اية الجديد فى التحويل هما قلولى الاسبوع الجى تعالى قدمى وادونى النمرة دية فى كلية الصيدلة لشئون الطلبة*** 3336007****

انا برده اتصلت بالكلية قالولى الاسبوع الجاى تعرفى ايه هى طلبات التقديم علشان مش عايز ارجع تانى اصل انا مش من الغربية انا من المنوفية ووشكرا جزيلا

انا اما رحت اقدمت خدت 8صور 1كارنية +1 الكشف الطبى +6 هما عايزنها وهتاخد شهادة الثانويةوانت لماتدفع المصاريفهيدوك وصل وهتسلمة لما تقدم وخد معاك بطاقة الترشيح وهتختمها من الكلية ويرت تاخد بطاقة الترشيح القديمة برضو احتياطى وخد 160.5 للمصاريف وياريت تاخد بالك وتحافظ على الورقة اللى هتختمها وتثبت انك فى الكلية دى لانك مش هتعرف تدخل الا بيها ودى معلوماتى وحاول تشوف اى معلومات تانية لانها بتختلف لنك ولد وسبب تانى ان انا مقدمة وكنتش مستنظرة تحويل انا اسفة طولت عليك وكل سنة وانتو طيبيين انا معرفتش ادخل من زمان وانا ان شاء الله مستمرة معاكو ونورت صيدلة طنطا يا دكتورة سارة
انا بجد نفسى اتعرف عليكى واتمنى دة اول يوم الدراسة

شكرا جزيلا يادكتورة ريهام على المساعدة والمشاركة المفيدة

طيب فى حاجة الكشف الطبى بيجرى فى محافظتى ام فى مبنى الكلية بتحدده وكمان فى حاجة الكارنيه اللى حضرتك بتقولى عليه بنستلمه امتى وشكرا مرة تانية

الكشف الطبى بيكون فى كلية تربية رياضية فى سبرباى ومتخفش منة دى حاجة صورية بيشوفوك ويمضو انك سليم بس دة بعد متاخد الصورة وتدبس فى ورقة الكشف اللى هتاخدها من الكلية بعد متقدم وموضوع الكا رنية بيطلع بعد حولى 2 او3 اسابيع

الكشف الطبى بيكون فى كلية تربية رياضية فى سبرباى ومتخفش منة دى حاجة صورية بيشوفوك ويمضو انك سليم بس دة بعد متاخد الصورة وتدبس فى ورقة الكشف اللى هتاخدها من الكلية بعد متقدم وموضوع الكا رنية بيطلع بعد حولى 2 او3 اسابيع
شكـــــرا جزيلا جعله الله فى ميزان حسناتكم ووفقنا ووفقكم الى ما فيه الخير

الشكر لله وحدة و امين يارب العالمين

امال هى فين الدكتورة سارة هو واحدة تيجى وواحدة تشى ولا يمكن تكونى مشغولة فى تضير الفطار اللهم تقبل صيامنا وسجودنا وركوعنا امين يارب العالمين

مرحبا بك يا دك مصطفى امال فين بقية محضراتك

هو ممكن اعرف حضرتك جبت تقدبر اية فى اعدادى وجد انا زعلت انك مكنتش من العشرة الاوائل بس ان انشاء الله ربنا يكرمك

اهلا بحضرتك يا دكتوره ريهام
ومعلومات كويسه جدا اللي افدت بيها في موضوع التقديم
بس هتبقى في حاجه زياده ليك يا دكتور احمد لانك ولد هتبقى في ورقة اسمها 2 جند ده لازم تجبها وتقدمها مع ورقك
هتجبها منين هقولك منين ( من مبني كلية الحقوق بالمجمع الطبي بالطابق الثالث هتقولهم فقط انا عايز ورقة 2 جند وهما عارفينها كويس اوك)
وموضوع الكارنيه فعلا الكارنيه مش بيتاخر اخره اوي اسبوعين
وموضوع المحاضرات باذن الله هكمله مع حضرتكم وعايز مناقشه منكم برده واي حد عنده تعقيب على كلامى يا ريت يقوله لان بحب الراي والراي الاخر وتبادل الخبرت ده موضوع مفيد جدا انا ممكن اقول كلمه تفيد وممكن برده اسمع منكم كلمه تفيدني مش عيب اننا نستفيد من خبرات بعض العيب اننا نصر على راينا ونتعصب من خلاله الله سبحانه وتعالى ولا رسوله عليه الصلاة والسلام يأمر بذلك
وانا موضوع المحادثه السابقة بين دكتور احمد ودكتور محمود محبتش توصل للحد ده لان في الاول والاخر اهلا بأي رأي يتقال انا مكنتش اعرف لسه حالا بتفرج على الاسلوب اللي بيتكلموا بيه يا ريت نرقى اكتر من كده فاسلوبنا وكلامنا وفكرنا وتخطيطنا خلاص انتوا بقي توا طالب جامعي يعني ليك فكر وليك راي اتمنى انه يكون فكر عالى زي ما انا شايف ان الناس كلها هنا على قدر عالى من الاخلاق والتادب والاسلوب الراقي اتمنى انه يدوم
واهلا بحضرتك مره تانيه يا دكتور ريهام
بس عايز بساقولكم حاجه الاخوه ليس بينهم القاب فاتمنى اننا نقول الاسم وبلاش اللقب لان اللقب ده محدش يستحقه الا انه يكون عامل بيه
وانا كمان حزين يا دكتوره ريهام اني مكنتش من الاوائل لكن الحمد لله على كل شئ وانا جبت جيد جدا وان شاء الله اشوفكم انتم كلكم اوائل في الكليه وبنا يوفق الجميع و تقبل الله منكم صيامكم

الحمد لله يارب اشكرك لفيت بنت وكمان اسمها ريهام يعنى ممكن نكون فى نفس السكشن الحمد لله وانا فعلا كنت بساعد ماما فما دخلتش بس باذن الله نتواصل سويا واهلبا بيكى يا رهومة وبكل من ياتى الى بيتة الثانى هنا بيت العلم والادب والاحترام والتفوق واحنا كلنا وراك يا دكتور مصطفى علشان يكون ليك ترتيب على الدفعة وكمان حلمك الى يارب يتحقق على ايد المصرين وهوعلاج السرطان وبالتوفيق للجميع فى الدارين

يا رب ان شاء الله يا دكتوره ساره وانا كمان معاكم علشان ان شاء الله يا رب تحصلوا على التقدير المشرف الا وهو الامتياز
ربنا يوفقكم كلكم وانا هستاذن حاليا علشان صلاة المغرب وان شاء الله بالليل هكمل باقي الموضوع اللي كنت عامله وعايز مشاركات منكم اكتر وفاعليه اكتر علشان نقدر كلنا نستفيد
واهلا بكل طالب محترم عنده طموح عنده امل في الحياة
انصحكم جميعا بمشاهدة برنامج قصص القرآن للاستاذ عمرو خالد والمشاركة في حملة سنحيا بالقرآن
لعلنا نستفيد من قصص القرآن في حياتنا ونرى كم كان سيدنا موسى عليه السلام قائد عظيم لا ييأس وجعل ثقته في الله اكبر ما يكون فلعلنا جميعا نستفيد من هذه القصص وبالتوفيق لكم جميعا في هذه الايام المباركة

ياااااااااااااارب

ياسلام ايه الجمال ده كل دى اعضاء بتتفاعل فى ملتقى واحد فى المجموعة الطبية

دكتورة سارة وكمان دكتورة ريهام ودكتور مصطفى ودكتور أحمد ودكتور محمود سابقا ( هو ايه اللى حصل )

بسم الله ماشاء الله ربنا يزيد ويبارك

انا كنت مترددة بصراحة فى دخول المكان ده قبل اما تظهر نتيجة التحويل وظهرت وحولت الحمد لله

وانا من موقعى هذا بوجه انذار شديد اللهجة ( بلاش الجملة دى ) اقصد بحذر الناس سيبولى المركز

الاول فاضى :bosyht9: ولا بلاش علشان ماازعلشى لو فاتنى

بالتوفيق يادكتورس وعقبال البكالريوس والماجيستير والدكتوراة والروضة

ولقائنا مع الاسبرين والنيكوتين والبنسلين والكوكايين والبنزين والبرسيم وكل سنة وانتم طيبيين ( ياسلام أخيرا طلعت شعر )

بس للاسف انا مسافرة وهقعد سبوعين كان نفسى ابقى معاكم خصوصا بعد التفاعلات الكيميائية العضوية منها والغير عضوية والتحليلية والفيزيائية الموجودة بين الاعضاء

صدقونى انكم حببتونى فى الصيدلة ( مش عارفه يه كنت كارهاها )

شكرا جزيلا لكم وواصلوا الافادة والابداع والتميز ولقائنا فى بلد الأونطة ( اسف للطنطاويين والله احسن ناس )

:078111rg3::078111rg3::078111rg3::078111rg3::07811 1rg3::078111rg3:

ياجماعة ماتثبتوا الموضوع اشمعنى بقى المنصورة والاسكندرية ولا احنا مش قد المقام:049gc0:

كلامك صح ولا علشان دكتور احمد ودكتورة الشفق البكى مشرفين كدة حرااااااااااااااااااااااااااااااام

مش كدة برده
وحشانى جدا ياسارة مع حفظ الالقاب طبعا ومبروك التحويل وعقبال الشهادة الكبيرة وطبعا ليا الحلاوة الا قوليلى احجز لك انى مركز ماعادا الاول ده طبعا بتاعى يعنى ههه كل عام وانتى بخير

يا اسراء الحمد لله جيتى طنطا نورتينا ياقمر

دا نورك ياجميل بس خلى بالك فى الهزار اوكيه لكن فى الجد والمذاكرة والتقديرات ماعرفش حد اولى يعنى الاولى

ولا انتى ايه رايك

اولى اولى ربنا المعين دة على كدة طنطا هتولع

الا بقولك ايه وانا بقرأ اقسام كلية الصيدلة فى قسم اسمه
قسم الاقربازين والسموم.
يعنى ايه الاقربازين
السموم ماشى عارفنها

اولى اولى ربنا المعين دة على كدة طنطا هتولع

ااولى وتانية ايه بس ادخلى كدة على موقع الاستاذ هتلاقى نصف الكلية جايبين فى الثانوية العامة فوق 403

ياحبيبتى دول هيفرمونا بس يلا خلينا نحلم اما نشوف الحلم ده هيودينا لحد فين

اشوفكم كمان اسبوعين

طيب يا دكاتره أنا معاكوا ف نفس المجمع
يعني تحت نفس الكوبري
بس للأسف أنا طب طنطا
إن شاء الله هنكون دفعه جااااامده آخر حاجه

نورتنا يا دكتور احمد ونورت خصوصا ملتقى صيدلة طنطا

اهلا بحضرتك يا دكتوره ريهام
ومعلومات كويسه جدا اللي افدت بيها في موضوع التقديم
بس هتبقى في حاجه زياده ليك يا دكتور احمد لانك ولد هتبقى في ورقة اسمها 2 جند ده لازم تجبها وتقدمها مع ورقك
هتجبها منين هقولك منين ( من مبني كلية الحقوق بالمجمع الطبي بالطابق الثالث هتقولهم فقط انا عايز ورقة 2 جند وهما عارفينها كويس اوك)
وموضوع الكارنيه فعلا الكارنيه مش بيتاخر اخره اوي اسبوعين
وموضوع المحاضرات باذن الله هكمله مع حضرتكم وعايز مناقشه منكم برده واي حد عنده تعقيب على كلامى يا ريت يقوله لان بحب الراي والراي الاخر وتبادل الخبرت ده موضوع مفيد جدا انا ممكن اقول كلمه تفيد وممكن برده اسمع منكم كلمه تفيدني مش عيب اننا نستفيد من خبرات بعض العيب اننا نصر على راينا ونتعصب من خلاله الله سبحانه وتعالى ولا رسوله عليه الصلاة والسلام يأمر بذلك
وانا موضوع المحادثه السابقة بين دكتور احمد ودكتور محمود محبتش توصل للحد ده لان في الاول والاخر اهلا بأي رأي يتقال انا مكنتش اعرف لسه حالا بتفرج على الاسلوب اللي بيتكلموا بيه يا ريت نرقى اكتر من كده فاسلوبنا وكلامنا وفكرنا وتخطيطنا خلاص انتوا بقي توا طالب جامعي يعني ليك فكر وليك راي اتمنى انه يكون فكر عالى زي ما انا شايف ان الناس كلها هنا على قدر عالى من الاخلاق والتادب والاسلوب الراقي اتمنى انه يدوم
واهلا بحضرتك مره تانيه يا دكتور ريهام
بس عايز بساقولكم حاجه الاخوه ليس بينهم القاب فاتمنى اننا نقول الاسم وبلاش اللقب لان اللقب ده محدش يستحقه الا انه يكون عامل بيه
وانا كمان حزين يا دكتوره ريهام اني مكنتش من الاوائل لكن الحمد لله على كل شئ وانا جبت جيد جدا وان شاء الله اشوفكم انتم كلكم اوائل في الكليه وبنا يوفق الجميع و تقبل الله منكم صيامكم


حمد الله على السلامة الاول يادكتور مصطفى وصدقنى ماحصلشى اى تجاوز منى وممكن حضرتك تراجع الحوار بالعكس دا أنا اهنت ومع ذلك سامحته وحتى طلبت من الاشراف سحب وقف العضوية بس هو رفض وعمرى ما اغلط ى حد مش من منطلق اللى انا بقيت صيدلى لا من منطلق انى شاب مسلم عيب انه يغلط بل حرام انه يسب حد أو يسخر منه ... اما بالنسبة لا سلوب الحوار فانا ماعتقدشى انى تكلمت بأسلوب غير راقى بالعكس كنت محترم فى كل كلمة قولتها .......

ااولى وتانية ايه بس ادخلى كدة على موقع الاستاذ هتلاقى نصف الكلية جايبين فى الثانوية العامة فوق 403

ياحبيبتى دول هيفرمونا بس يلا خلينا نحلم اما نشوف الحلم ده هيودينا لحد فين

الثانوية العامة أو مراحل التعليم اللى سبقت الثانوية العامة عمرها ماكانت مقياس او ميزان نقيس على اساسه المستوى الجامعى ... الجامعة محتاجة نفس طويل لخمس جولات مش جولتين بس


طيب يا دكاتره أنا معاكوا ف نفس المجمع
يعني تحت نفس الكوبري
بس للأسف أنا طب طنطا
إن شاء الله هنكون دفعه جااااامده آخر حاجه



ليه للاسف
مبروك على التحويل ونورتنا

ماتكلمونا عن الكورسات ياجماعة والدكاترة وكدة فين التفاعل

ان شاء الله هقول الكلام اللي قولته قبل كده وهضيف عليه الكلام الجديد علشان يكون كل الكلام حاضر امام الجميع
وان شاء الله يكون في تواصل من الجميع واسمع ارآئكم واي حد عنده تعقيب على اي كلمه يا ريت يقول

موضــــــــــــوع لابـــــــــــــــــــــ منه ــــــــــــــــــــــد للطلبة الجدد
اهلا ومرحبا بكم في بيتكم الثاني واسرتكم الثانيه في كليــــــــــــــــــــــ الصيدلة ــــــــة جامعــــــ طنطا ـــــــة

عالم جديد ........ وامل مشرق

هتكون عبارة عن ترحيب بالطلبة الجدد


والكلية عبارة عن ايه


وليه هما اختاروها


وهل هما احسنوا الاختيار


وهل الكلية زى ما هما سمعوا عنها بره


واللى منتظرهم فى بيت الرعب اللى هما داخلين عليه ده


وايه الافكار والاشاعات اللى سمعوا عنها والتساؤلات اللى عاوزة اجابات


وايه المتاعب اللى هتواجهم




بالاضافة لمرحلة اعداد نفسى كويس


وبعد كده قبل الدراسة نبدأ نتكلم عن كل مادة




الاول هنقول لهم مبروك الافراج


من سجن الثانوية العامة



وطبعا دلوقتى انت فرحن وحقك انت طالب جايب على الاقل 97 %


والمفروض الناس من دلوقتى بتقول لك يا دكتور


وفى البيت فخورين بيك


وانت حاسس انك عملت حاجة كويسة


ووصلت للي انت عايزه



وطبعا دى اول اجازة تاخدها كلها فسح وفرح وسفر وهدايا ولبس علشان النجاح



طبعا ده كله حقك


خصوصا بعد ما تعرف بعد كده ان تقريبا غالبية الطلبة اللى بيذاكروا من الاول تقريبا كمان بياخدوا اول اسبوع من الكلية على سبيل الفسحة ويبدأوا يفكروا يذاكروا بعد تاني او تالت اسبوع




انا فى البداية مش عاوز احبطك


بس انا هقول لك حاجة علشان متبقاش اتصدمت او تخدعت زى ما معظمنا حصل معاه



انت مفكر نفسك خرجت من سجن عبارة عن اوضة صغيرة


انت دلوقتى اعتبر نفسك فى سجن عبارة عن بيت كامل



ناس كتير مفكرة ان هى طالما وصلت لمرحلة الجامعة ودخلت كلية محترمة يبقى خلاص كده


على العكس تماما


انت كده بدات اول خطوة علشان تحقق الهدف ده


ولسه حتى مكملتش اول خطوة



الكلية صعبة


واصعب من الثانوى بكتير


وبرضو مش مسحيلة


ومش وحشة


والدراسة فيها مش وحشة



بس انا عاوز اشيل من دماغك فكرة انك كده حققت اللى عليك وان الباقى سهل


الباقى صعب جدا


بس انت اعمل نص مجهودك فى الثانوى وانا اضمن لك باذن الله تجيب تقديرات كويسةمن جيد جدا لامتياز



دلوقتى هنسال بعض


انت ليه دخلت كلية صيدلة


وايه الميزة اللى فيها


؟؟؟؟؟


اكيد موضوع ليه دخلت انت احسن واحد تجاوب عليه


بس يعنى غالبا لانى كنت فى يوم من الايام مكانك او مكانها



انى مش بحب الطب والطب مواله كبير ومش مضمون وليه قدامى عشر سنين اقل حاجة قبل الماجستير لان طبعا فى جيش عن ناس كتير


وبعد الماجستير ربنا يسهل لى وافتح عيادة


وطبعا مش هبقى مشهور غير يمكن بعد الدكتوراه والله اعلم هخدها ولا لاء


فطب لو انت مش غاوى من الاول طب ودماغك فيه يبقى متدخلش حتى لو مجموعك كبير


لان صيدلى عادى جدا افضل من دكتور فاضل


غير كمان ان طب حاليا تقريبا العائد لا قيمة له


حوالى 200 جنيه


وانت لو واقف فى صيدلية مش بتاعتك وصيدلية مستواها اى كلام هتاخد حوالى 300 اقل حاجة يعنى وباقل مجهود


ويمكن كمان حسب ما باسمع مرتبك فى الشغل بيكون اعلى من مرتب الطبيب فى وقت التكليف


طبعا غير ان صيدلة مجالات السفر والشغل فيها اكبر بكتير


وعائدها المادى عادة بيكون كويس وده اللى بيخلى الناس تحسدنا


دى كلها حاجات لما تحط صيدلة قدام طب ترجع صيدلة عن طب فى وقتنا الحاضر ده غير ان عدد الدكاترة بقى اوفر قوى قوى غير ان المريض لازم لما يروح الطبيب لازم يروح بعدها للصيدلى


انما المريض ممكن جدا يروح للصيدلى من غير ما يعدى على طبيب




كمان من الحاجات المهمة اللى بترجح كفة صيدلة عند الطالب لو هو بيحب الكيميا واحيانا كتيرة وهنا امثلة كتيرة لو بيحب الرياضيات بس خايف من رياضة اتنين او اهله عاوزين يبقى دكتورة فبيختار احسن فرصة قدامه لانه ملوش فى البيولوجى قوى وبيختار صيدلة اللى تعتبر كلية شيك فى نظره ومستقبلها وتقيمه لها افضل من طب



وعلى فكرة ناس كتيرة اعرفها كانوا عاوزين يدخلوا هندسة ولما النصيب جابيهم صيدلة وشافوا زمايلهم فى هندسة وخصوصا هندسة شبين والمنصورة والقاهرة واسكندرية دول يعني الاول قالوا الحمد لله على النعمه اللي احنا فيها




طبعا فى ناس دخلت علشان المجموع جابها هنا ودى بتبقى ناس مخنوقة من الكلية جدا لو كانوا اصلا من البداية مش عاوزين يدخلوها



اقول لكم حاجة



انا اعرف واحد والله قعد فى طب اربع سنين ومقدرش يكمل وبعدها حول صيدلة



علشان كان مستخسر المجموع بتاعه



وفى ناس الاتنين مجموعها وميولها



وفى طبعا ناس مجموعها يجيب طب وبتدخل صيدلة لانها شيفاها احسن ودول ناس انا بحترم فيهم حسن تقدير لهم للامور ولانهم شايفين المستقبل قدامهم بطريقة كويسة




طيب ليه طنطا افضل من اى كلية تانية فى صيدلة ؟؟؟؟؟



انا مقدرش اقول انها افضل



بس بالنسبة للجامعات الاقاليم اللى حواليها تعتبر افضل واعرق صيدلة فيهم



يعنى اولا المشهور قوى فيها موضوع الكلينكال وهو انك تقدر تشخص بعض الامراض من غير ما المريض يروح للدكتور



ده الى معروف للناس



بالنسبة لى انا كطالب



ان اى حاجة بتتقال فى المحاضرة بنسبة كبيرة بتعرف تجيبها



يمكن المادة العلمية كبيرة جدا ومعقدة



بس الامتحانات عموما بالنسبة لى لو انت ذاكرت من الورق المنهج كنت هتحل فيهم كويس جدا



على حين بعض الكليات الاخرى زى المنصورة



المنهج سهل بدرجة اكبر من عندنا



بس نظام امتحانات معقد جدا اكتر من عندنا




بجد الدكاترة عندهم فى الامتحانات


يعنى هقول



no comment




طبعا نظام المذاكرة وهتذاكر منين هنقوله بس فى بعد كده ان شاءالله





دلوقتى نيجى انت حالتكم هتبقى عاملة ازاى



فرحان بالكلية الجديدة



وفخور بيها



اولا



هتحس انك كده فى حالة نشوة ونشاط وعاوز تعمل كل حاجة تفيدك فى كليتك ومهنة المستقبل



وعاوز تستفيد من كل حاجة هتتقال



وده برضو هنتكلم عنها يمكن فى حلقة تانية موضوع انك هتستفاد ايه من الكلية والواقع عامل ازاى




علشان عادة انت بتدخل الكلية باوهام مش هتفوق منها غير تانى سنة




اولا انت فى الكلية اللى يمكن بيخليك تحس انك بعد الثانوى قدمت رسالتك خلاص فى الحياة انك هتبقى مستريح نفسيا لانهم كمان هما عادة فى البيت بيكونوا حاسين انك قطعت شوط المهم فى المبارة والباقى عاوز درجة اقل من المجهود



هيبقى لك درجةحرية اكبر تروح وتلعب وقت الدراسة وتخرج ويمكن وقت الامتحانات كمان وهتصاحب ناس كتير وتتعرف على اشكال واصناف من الناس من بلاد مختلفة



وهتحس بعد فترة ان الدفعة كلها اصحابك



والكلية هتغير من شخصيتك تماما








حتى لو انت شخصية انطوائية الكلية فى خلال ترم وبعد ما يخلص لو انت استجبت للتغير ده هتتحول للعكس تماما



وده مش وحش انك يبقى لك علاقات كويسة مع ناس كتير وتعرف ناس كتير




اكيد احسن ما يكون لك صاحب واحد او اتنين او حتى عشرة




غير ان قدرتك على الاعتماد على نفسك هتزيد




وهتتعلم حاجات كتيرة عن الحياة فى خلال الخمس سنين




وهتتبدل حاجات كتيرة صدقنى




وهتتعرض لصدمات وحالات اكتئاب




يعنى هتشوف حاجات كتير فى الكلية





كمان عاوز اقول لك حاجة




الكلية المرحلة الوحيدة




اللى انت هيسمح لك انك تعيش حياتك




لسبب بسيط




ان قبلها كان الثانوى ومرحلة الحرمان الاجبارى




بعدها الجيش والشغل ومحاربتك علشان تستقر وتكون اسرة ومرحلة الحرمان الاجبارى برضو بس هيكون نابع منك مش من شخص تانى




يعنى الكلية من الاخر ذاكر وعيش حياتك مش تعيش حياتك وطنش للدراسة




اكيد انت مش هتنجح كده من غير اى مجهود فى كلية صعبة والمناهج فيها ضخمة زى عندنا










مرة تانية بقول لك انت اخترت اختيار صح


هتتعب اه فى الكلية شوية


بس هتحس صدقنى انك اخترت صح لما تعرف بعد كده الفرق بينك وبين اللى دخل طب واسنان


مع احترامى ليهم طبعا



المرة الجاية ان شاء الله هنتكلم عن احلامك كطالب جديد


والواقع وده مرضتش اخليه فى اول مره علشان متحولش من الكلية ولا حاجه
فخليك متفائل شوية


اما عن المذاكرة ومعلومات عن كل مادة


زى ما قلنا


هنخليها قبل الدراسة


برضو الحلقة الجاية هنتكلم عن الانشطة الطلابية اللى عادة انت بتدخل ومفيش فى دماغك حاجة جوا الكلية غير الدراسة بس وان الانشطة دى زى حصص الرسم والمجال الزراعى والصناعى فى المدرسة


فعاوز اشيل الفكرة الخطا دى من دماغك


ونعرفك الحقيقة
وانتظرونــــــــــــــــــــــــــــــــــــــــــ ـــــــــــــــــــــــــــــــــــــــــا

ان شاء الله حلقة النهارده هتكون عن......
نظام مذاكرة كل ماده
ومعلومات عن المواد
والامتحانات
وازاى تذاكر
واالدكاترة
والكورسات

فى الحلقة السابقة

*قلنا مبروك للدفعة الجديدة
*وقلنا لهم انهم احسنوا الاختيار
*وقلنا ليه صيدلة افضل من غيرها
*وليه صيدلة طنطا بالذات افضل من غيرها
*وقولنا ان الاشاعة بان الكلية اسهل من الثانوى دى اشاعة مش صحيحة
لكن العامل النفسى والراحة هى اللى بتخلينا نشعر بده
خصوصا ان الاهل كل اللى عاوزينه ان الابن يدخل الكلية الفلانية وخلاص
وقلنا هنلاقى الناس مش فارق معاها وقت دراسة من اجازة من اامتحانات والناس بتخرج وعايشة حايتها عادى

ده تقريبا ملخص اللى اتقال

.................................................

فى الحلقة دى هنتكلم عن
المواد اللى علينا والنظام ماشى ازاى
يعنى ربنا يسهل لو اقدر افيد ولو معلومة صغيرة
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,
الدراسة عندنا على ترمين
وترمين صغيرين كمان
كل ترم منفصل على الاخر
وكل ترم يعتبر سنة دراسة منفصلة
عكس بعض الكليات زى المنصورة لو مثلا عندك فى الترم الاول عقاير وفى الترم التانى عقاقير لو انت شلت عقاقير الترم الاول وجبت فى الترم التانى مثلا جيد جدا ممكن ينجحوك فى الترم الاول وتاخد مثلا فى المادة كلها على بعضها جيد او مقبول

عندنا مفيش النظام ده
عندنا كل ترم منفصل عن التانى
وكل ترم له درجات الرأفة بتاعته لوحدها
وله نظامه ومواد مختلفة عن الاخر

السنة دى عندنا سبع مواد
فيزياء
نبات
كيمياء فزيائية
رياضيات
انجليزى
حيوان
مدخل صيدلة
.................................................

المطلوب منك فى ترم علشان تنجح.............

لو كنت شايل مواد تشيل مادتين اساسيتين ومادتين غير اساسيتين
وتنجح فى الباقى
يعنى لو شلت اكتر من كده لقدر الله تقعد السنة

طيب المواد الاساسية اللى عندك الترم ده
الفزياء والنبات والحيوان ومدخل الصيدلة والكيمياء الفزيائية

المواد الغير الاساسية
الباقين
اظن واضح من تقسيمة المواد لي سموها اساسية وليه غير اساسية

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


طيب ليه انت بتدرس المواد العجيبه وايه علاقة المواد دى بالدواء..................

المفروض كليتك بتتخرج منها وعندك تصريح مزاولة مهنة معينه
عكس مثلا كلية العلوم
فاانت بتاخد المواد اللى بتخليك تشتغل المهنه دى بالاضافة لمواد تانية علمية ممكن يكون قائم عليها المواد اللى انت هتاخدها علشان تزاول مهنتك
فلازم يبقى فى اساس علمى
وطبعا ده كلام نظرى مش بيحصل فى مصر والكلام ده كله مش هتفتكر منه حاجة والمهنة بتاعتك هتزاولها بعد كده بالخبرة والمعرفة اللى هتكتسبها من بره الكلية
المهم نرجع لموضوعنا
المطلوب منك انك فى كل ترم علشان تعدى ميكونش معاك اكتر من مادتين اساسيتين ومادتين غير اساسية
والمادتين دول بتمتحنهم السنة اللى بعدها فى الاجازة مش فى نفس الاجازة بتاعتك
وخلى بالك لو انت لقدر الله شلت مادة فى اعدادى
وجيت فى اولى منجحتش فيها برضو وشلت كمان من اولى مادتين
كده يبقى انت معاك تلت مواد لقدر الله
للاسف هتبقى راسب

*وان شاء الله كلكم تبعدوا عن الحاجات دى
بس انا بقول لكم كده علشان تبقوا فاهيمن كل حاجة فى الكلية

****
فى كل مادة علشان تنجح فيها..................
عادة بيكون عندك امتحان تحريرى وامتحان عملى واحيانا شفوى وكمان حاجة اسمها شيت sheet او mid-term
وال sheet ده اسمه كده لان كلمة شيت يعنى ورقة لانه بيبقى صغير وبيكون فى ورقة واحدة بس
وده بيبقى تقريبا فى الاسبوع الخامس او السادس من الدراسة بيبقى امتحان عليه 10% من الدرجات
امتحان صغير مدته ساعة الا ربع
يعنى هى فكرة الامتحان انه معمول علشان الطالب يحصل ويذاكر اول باول
طبعا انتم بتتخضوا لما بتسمعوا امتحان فى اول شهر ونص من الكلية
وانتم مش عارفين تذاكروا
متقلقوش

طيب نرجع تانى لموضوعنا
*****************************

علشان تنجح لازم فى امتحان اخر الترم تجيب تلت الورقة
وده اهم شرط
بعد كده يبدوا يضيفوا درجات العملى والشيت والشفوى
ولو كل ده مجبش نسبة النجاح وهى 60% مش 50% بيبقى فى درجات الرافة وهى عادة الاول بتكون فى درجات رافةللدفعة كلها
يعنى مثلا نسبة الناجحين فى الدفعة لسه موصلتش لنسبة معينه لازم تنجح
فبيرفعوا الدفعة كلها مثلا خمس درجات
لحد ما يوصلوا لنسبه معينه يبقى كده خلاص
بعد كده انت المفروض ليك حوالى 40 درجة رافة
لو حليت تلت ورقة الامتحان وبعد اضافة درجات العملى والشفوى والشيت لسه موصلتش لنسبة 60% بيحطوا من درجات الرافة
لو برضو درجات الرافة مش هتنجحك يبقى مش هتتحط وتشيل المادة
لو انت كمان كنت شايل تلت مواد المفروض انك لقدر الله هتعيد السنة لو درجات الرافة دى هتخليك تعدى واحدة منهم علشان تنجح ويبقى معاك مادتين هتاخدهم انما لو الدرجات دى مش هتفيدك يبقى مش هتاخدهم وهتفضل شايل المواد الثلاثة
برضو لو انت شايل مواد كتير درجات الرافة ملهاش لازمة فمش هتاخدها
غير كده لو درجات الرافة دى هتنجحك وتخليك تعدى ولو على الحافة هتاخدها
وان شاء الله كلكم تجيبوا تقديرات كويسة ومتحتجوش لها ابدا

نيجى بقى نتكلم فى كل مادة لوحدها
.................................................. ........................
الفيزياء

انسى فزياء الثانوى دى خالص
والمسائل والكلام ده
المسائل فى المنهج عندنا تتعد على الصوابع وكلها سهلة ومن الكتاب
المنهج اصلا لسه محطوط من كام سنه
وقايم على الحفظ الصم
طالما انك حفظته كويس هتدخل تجاوب حلو قوى

المادة من 300 درجة زى معظم المواد فى صيدلة
60عملى
و 60شفوى
و 30 للشيت

***وعلى فكرة انت بتختار فى كل سنة فى صيدلة فى الترم الاول تلت مواد تمتحن فيها شفوى
ولازم يكونوا اصعب مواد عندك علشان تاخد درجات الشفوى بتاعتها
طبعا انت بتقول ده ان المواد الصعبه هبعد عن الشفوى
هفهمك النقطة دى بعدين بس ابقى فكرنى لو نسيت

دى توزيعة الدرجات

المنهج .....
مقسوم جزئين
جزء دكتور طارق النمر
وجزء دكتور فاروق

اول حاجة تشيل من دماغك فكرة انك هتجيب درجات نهائية زى الثانوى
انت فى الكلية المطلوب منك انك تطلع باقل خسائر
وبرضو اللى حاطط فى دماغه انه هيتعين معيد فى الكلية
احب اعرفك ان الدفعة حوالى 1200 واحد بيختاروا منهم اتنين بس
يعنى لازم اتنين يكونوا عقليات مهولة
واذا كنت انت فى الثانوى بتبان انك عبقرى علشان كان بيبقى معاك عقليات تانية اقل منك او زيك
دلوقتى انت مع ناس جايبين نفس مجموعك ويمكن احسن منك وفى نفس سنك وتفكيرك
وطبعا لكل مجتهد نصيب
بس علشان معظمنا بيبقى داخل نفسه فى الموضوع ده قوى
عموما لو انت شايف انك تملك المواصفات اللى تخليك من الاتنين دول فخليك على موقفك وحارب لحد ما توصل للمكان ده
وربنا ان شاء الله معاك ويوفقك
برضو شيل من دماغك انك هتدخل مذاكر المنهج كله وتراجع وتحل عليه نماذج الوزارة وسلاح التلميذ
ده مش شرط
طيب دلوقتى الفزياء هتتذاكر ازاى ........
احنا عندنا جزئين زى ما قلنا
جزء دكتور طارق النمر
وده تحاول تركز عليه فى المذاكرة بقدر كبير لانه بيبقى اسهل غير انه امتحان كمان بيبقى مباشر وهو كمان يعتبر فى المحاضرة شرحه مباشر
جزء دكتور فاروق
هو فى المحاضرة بيبقى بيشرح تقريبا على السبورة وانت هتقعد تايه فى الكتاب وراه
بس فى الاخر ذاكر من الكتاب او من الورق عادى


الفيزياء فى منهجنا مفهاش تقريبا فهم عبارة عن حفظ
مش مهم تفهمها
لانها ملهاش لازمة فى دراستك تقريبا على الاقل المنهج اللى انت هتاخده انا مش فاكر انى قابلت لحد دلوقتى كلمة واحدها من اللى خدتها في الفيزياء
ولا هتفيدك فى اى مادة فى صيدلة
فانت مجرد انك هتحفظها وتدخل تكتبها وتنسى بعد كده كل الكلام ده او حتى ممكن تطبق عليها بقى في مجالاتك

**وعلى فكرة امتحان الشيت عادة بيجى صعب جدا لكن هما فى الاخر بيبقوا عارفين ان الطلبة مش فاهمين منهم حاجة فبيجيبوا فى الاخر امتحان مباشر وسهل وكمان بيبقى تساهل شوية فى الدرجات

طيب هتذاكر منين .......

اول محاضرتين ممكن تذاكرهم من ورق مكتب التصوير
بعد كده الافضل لك تذاكر من ورق الكورسات حتى لو مش بتاخد كورس بيبقى اسهل واصغر وجايب الاجزاء المهمة اللى بتيجى فى الامتحان واللى ملوش لازمة مش بيتذاكر ودى عادة بتبقى سياسة المذاكرة بعد كده
انا يا جماعه مش بقولكم بالكلام ده اننا نهمل الكتاب لا الكتاب مهم برده وفي دكاتره بيركزوا على حاجات فيه وبيقولوا عليها في المحاضره
انا كنت عاوز اسيب موضوع الكورسات ده نتكلم فيه فى الاخر وورق الكورسات والكورسات كويسة ولا وحشة والكلام ده لان عادة انتم لما بتدخلوا الكلية بتاخدوا معلوماتكم فى الموضوع من مصدر واحد الكورسات بالنسبة له تعتبر تقليل من قدرته على انه يوصل المعلومة وانك بتروح تاخدها من شخص اخر مع ان الموضوع مش كده خالص هى الفكرة ان صعب ان الواحد يقدر يفهم فى وجود حوالى 1000 طالب او اكتر فى ظل الاعداد المهولة دى وفى ظل كمان ان المستوى اللى الدكتور بيشرحه فوق مستوى الطلبة اللى قاعدين وبالتالى بيضطروا يروحوا لوحاد تانى يقدر ينزل المعلومة لمستواهم خصوصا ان تقريبا وزارة التعليم العالى مش قادرة تفرق بين الباحث الاكاديميى والباحث التربوى بس هما تقريبا واخدين الموضوع انك طالما الشخص ده قدر يوصل المعلومة لدكاترة كبار وقدر ياخد شهادة دكتوراه فاكيد هو شخص بيقدر يوصل المعلومة لاى شخص تانى مع ان فى البعض مش بيعرف يوصل المعلومة للمستويات الاقل منه

هنتكلم دلوقتى على موضوع
الكورسات بايجاز.......
معظمكم قبل ما يدخل الكلية بيقول احسن حاجة بعد كده ان مفيش دروس والواحد هيستريح الاجازة كلها
هو فعلا احسن حاجة انك بتستريح الاجازة كلها
موضوع الدروس انا مش معاه ولا ضده
ولا هقول لك خد كورس
ولا متخدش انا عن نفسى بقدر احدد مصلحتى وعارف ان الكورس مش هيفدني وهعرف اوصل للمعلومه بطريقتي وعلى فكرة مش شرط كله يبقى زى بعضه لان فى ناس هترد على كلمه من غيرها مش هقدر انجح وتقول ما فى ناس بتنجح من غيرها
انا بقول دى حاجة شخصية اكيد مش كل الناس زى بعضها فى ناس ممكن تنجح من غيرها وناس تانية لاء
ومتسمعش كلام حد فى الموضوع ده
انت اكيد عارف مصلحتك فين وتعرف انت محتاج ايه

لو انت فى الكلية شايف انك هتعرف تمشى لوحدك وتقاوم وتحارب شوية وعندك امكانيات انك تذاكر وتجمع وتفهم وتحفظ نفسك
يبقى ابعد عن الكورسات خالص
وده افضل
على فكرة حاجة نسيت اقولها انت مش مطالب فى الكلية انك تفهم بقدر ما انت مطالب انك تحفظ وتحل فى الامتحان ودى هتبقى اول صدمة ليك فى الكلية
وبرضو بقول لك ماتسمعش كلام حد من اللى بيقول لك الكورسات وحشة
ولا اللى بيقولوا الكورسات حلوة
وهتلاقى فى طلبة احيانا موجودين فى اول كام اسبوع بيعملوا دعاية لموضوع الكورسات ده
سيبك من الناس دى خالص لانهم بياخدوا نسبة على الطلاب اللى بتيجى من ناحيتهم
شوف انت مصلحتك

طيب دلوقتى نرجع للفيزياء
هى المادة انا فى رايى اى مادة حفظ يبقى الكورس فيها ملوش لازمة
انت ممكن تذاكر من ورق الكورس تجيبه من حد من صحابك واكيد فى الاخر الحاجات دى بتبقى فى متناول ايد الجميع

لو اتكمنا على حضور محاضرات .......
انتم فى الاول هتحضروا كله وبعد كده اغلب الطلبة مش هتحب تحضر وهيقفوا مع بعض تحت الكوبرى او قدام المدرج على السلم
الفزياء زى ما قلنا هى مش محتاجة فهم يعنى ممكن بعد الشيت لو مش عاوز تحضر متحضرش وتذاكر لوحدك بس الحضور طبعا هيبقى عندك شوية معلومات عن المادة لما تيحى تذاكر وتبقى سمعت الكلام قبل كده وتخطط ورا الدكتور فى الكتاب
نظام الامتحان ::
عبارة عن short notes
او يعنى بنظام الثانوى اسمه اكتب ما تعرفه عن او انثر او اكتب نبذه عن


النبات

اكتر مادة اهتم بيها واكتر مادة صعبة وحاول تفهما كويس لانك هتحتاجها جدا بعد كده فى العقاقير الترم التانى
النبات من المواد الصعبة الطويلة اللى عاوزة فهم
ونفس تقسيمة الفزياء فى الدرجات
*وهى عبارة عن تلت اجزاء Morphology
مورفولجى
يعنى ازاى تصف النبات من بره وتتعرف عليه

*وال anatomy
يعنى التركيب من جوا والكلام ده

*وال taxonomy
يعنى التصنيف والازهار والكلام ده

الجزء التانى بتاع الانتومى عادة هو اطول جزء واكتر جزء بيجى متكرر من الامتحانات اللى قبل كده
المادة دى صعبة
واهتموا بيها جدا وبالعملى بتاعها
المذاكرة هتبقى منين
متشتريش ورق علشان تذاكر منها من مكتب التصوير خالص
كله ورق كورسات
بالنسبة لحضور المحاضرات
طبعا لازم الحضور لانها ماده محتاجه فهم جدا
نظام الامتحان ::
على سنتي السنه اللي فاتت يعني كانت M.C.Q
يعنى اختصار multi choice Question
يعنى اختار الاجابة الصحيحة من بين الاقواس بنظام الثانوى
وعلى فكرة نظام الاختيارى فى الكلية الاجابة عليه بتكون بانك بتختار الاجابةالصح وفىاول ورقة الاجابة بيبقى فى ورقة عليك انك تعلم على علامة صح على الرقم اصح
يعنى اول ورقة بتبقى اسمها answer sheet اول ورقة الاجابة ودى مش بيبقى فيها الاسئلة والاسئلة محدش بيدخل يقراها فىالتصحيح هما بس بيراجعوا الورقة الاولانيه دى
بالزبط زى فى الثانوى لما كنت بتلاقى الاسئلة ويقول لك الاجابات صفحة كذا فى الاخر

ده الكلام اللي انا قولته قبل كده وان شاء الله نزود النهارده ...............

شكراااااااااااااااااااااااااا وجزاك الله خير لكن انا ىقريت الكلام دة وحقظتة اية الجديد يا دكتور وياريت تقول المواعيد بتاعتك فى رمضان علشان الكل هنا يعرفعها وندخل كلنا مع بعض وخاصة فى الدراسة لاننا بنعتبرك اخونا الكبير ومرشدنا العليم وبالتوفيق فى الدارين

الحيوان
نفس توزيعة درجات الفزياء والنبات
بس دى مفهاش شفوى لان محدش بيختارها فدرجات الشفوى بتتحول على التحريرى بتاع اخر السنة يعني بيبقى التحريري من 210 ازاي المجموع ده 150 تحريري و 60 درجة للشفوي للناس اللي مش بتختارها
المنهج مقسم لحاجتين
جزء ال DNA
الجزء ده عايز تركيز وفهم جامد جدا لانه جزء الى حد ما صعب يمكن يكون فيه اجزاء من اللي تمت دراستها في الثانوي لكن في حاجات جديده كتير فياريت تركزوا اوي على الجزء ده والدكتور بيشرح عى powerpoint واطمنوا مه لان احنا معانا المحاضرات بتاعت دكتور اسماعيل الشرقاوي اللي هيشرح لكم الماده ده باذن الله احنا كنا اخدناها من حضرته السنه اللي فاتت وان شا ء الله انزلها لكم هنا في الوقت المناسب لسه بدري شويه لان محتاجه شرح
وبالنسبه لامتحان الشيت في الجزء ده ذاكروا واعملوا اللي عليكم في ورق بينزل بيبقى في اسئله MCQ بيبقى حوالى 60 MCQا ظن خلاص عارفين هي ايه لان نظام الامتحان في الجزء ده question and MCQ
وفى اخر السنة بينزل زيهم بس بيبقى عدد اسئلةاكتر حوالى 180 سؤال اختيارى وبينزل خمس اسئلة فيها كتابه بيجى فى الامتحان اتنين او تلاتة منهم

محدش يقول انا هذاكر نص المنهج وابقى كده نجحت
لان حتى المهم الجزء التانى
بتاع دكتور محمد منى
ده اهم جزء
لان الجزء التانى مفهوش حاجة
الجزء بتاع دكتور محمد عبارة عن حفظ ومحتاج شوية فهم
ودكتور محمد منى من الدكاترة المحترمة قوى
واللى شرحها كويس
ومحاضرته كويسة
وبيقول اسئلة الامتحان فى المحاضرة
المادى دى بالذات ذاكرها من الكتاب
طبعا جزء دكتور محمد منى بس
انما جزء دكتور اسماعيل هتذاكره من المحاضرات وشويه من الكتاب وفي ورق بينزل للجزء ده وكمان الاسئله
الامتحان
نص دكتور اسماعيل سؤالين كتابة والباقى اختيارى
جزء دكتور محمد منى
اهتم بالرسومات جدا
ودورات الحياة
والامتحان بيبقى عبارة عن كتابة برضو

المادة مش محتاجة كورس لو كنت بتفكر فى كورس
لانها سهلة وعبارة عن حفظ

الانجليزى
بالنسبه للماده ده اللي هيشرحها دكتور سعيد الجوهري ومن الدكاتره المحترمه وهي ماده بتتكلم عن مقلات صيدليه انتوا بترجموها وتذاكروها وفي غياب بيتاخد في المحاضرات لان كل قطعه الدكتور بيخلصها ترجمة في اسئله عليها بيبدا يشوف الاسامي من الكشف ويسال بس يعني عادي مش عليها درجات كتير حكايه الحضور

والمهم اكتر واكتر انك تشترى الكتاب
وتحضر السكاشن بتاعتها
ولازم تعرف ال Idioms اللي عليك وترجمتها وكده وده من المحاضره طبعا وكمان ترجمة القطع
الامتحان بتاع الشيت عبارة عن شوية جمل من اللى كانت فى القطع دى والمطلوب منك انك تكمل الجمل على اساس انك فاكر القطعة
وشوية تعبيرات idioms تقول معناها او يجيب لك المعنى وانت تقول التعبير
واخر السنة بيبقى اسهل
لان بيجيب قطعة من الكتاب بالنص
ونفس الاسئلة
وانت بتجاوب عليها من النص فى القطعة
وعلى فكرة
لو مثلا عندك سؤال واحد واتنين
هتلاقى اجابة سؤال واحد من القطعة قبل الجزئية بتاعه اجابه سؤال اتنين
وبالنسبة لل grammer
قمة السهولة بجد منهج فعلا قمة في السهوله ومش تشغلوا بالكم بالماده ده مادة جميله وسهله جدااااااااااااااااااا

الرياضيات
مادة سهلة وخفيفة
عبارة عن جزئين
جزء دكتور محمد عزت عبد المنصف العميد السابق لكلية العلوم
وده عبارة عن تفاضل وتكامل
وهو بيقول على الاسئلة المهمة فى المحاضرة
وبيشرحها حلو
وهى اصلا عبارة عن منهج تانية ثانوى
بالاضافة لشوية تكامل من بتاع رياضة اتنين
لازم تحضر المحاضرات علشام الامثله اللي دكتور محمد بيذكرها لانه بيجيب نفس الافكار في الامتحان او نفس المسائل
والامتحان بيبقى عبارة عن اسئلة امتحانات سابقة
حلقات النقاش مجرد تدريب عادى على اللى انتم خدتوا فى المحاضرة او لو عاوز تفهم حاجة مش فاهمها
طيب هذاكر ازاى
من المحاضرات اللي انت هتحضرها وبرده على ايام الامتحانات بينزل ورق مسائل كتير جدا يعني ابقى حله كتدريب ليك
المادة سهلة ودرجاتها مضمونة
بس انت احضر وذاكر والمسائل بالنص من المحاضرة
توزيع الدرجات
الماده من 200
اخر السنة 120
والشيت من 80 وده مهم جدا لانه عليه درجات كبيرة
لان اللى بيحصل ان المفروض الشيت من 40 بس الكراسة من 40 برضو الكراسة
هتقول كراسة ايه ده ده عباره عن كراسه كده بتستلمها مع الكتب بيكون فيها مسائل المفروض والمطلوب منك انك تحلها وعادي يا جماعه حلوها كتمرين ليكم
بس اقولكم على سر الكراسات ده احتمال كبير جدا انها مش بتتفتح هما بس بياخدوها منكم علشان مش تدوها لحد من الدفعات الجديده
اللى بيحصل ان درجة الشيت بتدرب فى اتنين عادة
وده من كلام احد المعيدين اللى اعرفهم
الجزء التانى اللى نسينا نتكلم عنه شوية وهو الاحصاء
وعلى فكرة هو نفس منهج الاحصاء بتاع الثانوى بس بالانجليزى
بس انا من الناس اللي كنت بعاني في الجز ده لاني كنت علم نفس فمكنتش فاهم الموضوع من اوله بس الحمد لله الواحد فهم كل حاجه بس اللي بيكون فاهم اكتر من اول محاضره اللي كان احصاء في الثانوي
امتحان اخر السنةالمفروض انك تبقى مقفل التفاضل والتكامل بمعنى الكلمة
وبكده المفروض انك نجحت
والاحصاء تحل فيها كويس برده وان شاء الله لو حليت فيها كويس اضمن ان شاء الله الامتياز
والاهم انك تحل في الشيت كويس لانه عليه 40 درجه وبدرجه الكراسه يعني 80

الكيمياء الفزيائية
الجزء اللى هتاخده فى صيدله زى معظم مواد صيدلة
محتاجة حفظ
وهى فيها شوية معلومات عن حاجات ممكن تفيدك بعد كده
وشوية عمليات زى مثلا التبخر والتسامى والحاجات دى
ويعنى ايه محلول ومركب وتفاعل ايونى
وانا بصراحه الماده ده كنت بحبها جدا كانت من احب المواد ليا وان شاء الله برده هتلاقوها ماده لذيذه وكويسه جدا
المادة مقسمة لتلت اجزاء
جزئين تيع صيدلة
وجزء سهل حاول تضمنه تبع علوم
جزء Kinetic تبع دكتور ابراهيم سالم من علوم وده دكتور محترم جدا
وشرحه سهل وامتحانه سهل جدا
ولازم تضمن الجزء بتاعه
والجزء التانى من صيدلة اسمه Thermo ثرمو بس واللي بيشرح الجزء ده الدكتور مختار محمد مبروك عميد كلية الصيدلة والاتنين دول احضر كل محاضراتهم
وجزئهم سهل ومضمون فى الامتحان
الجزء برده اللي تبع صيدلة طويل شوية بس سهل للي يحبه ويفهمه ويحفظه
ودكتور ابراهيم سالم عامل موقع الالكتروني في كل الجزء اللي هو بيشرحه علشان تدخلوا تشوفوا الشرح وكده مره واتنين وتلاته وكمان تعملوا مع دكتور ابراهيم شات على الموقع
توزيع الدرجات زى الفزياء والنبات ودى من المواد اللى بتتاخد شفوى

ويا دكاتره هقولها تاني كمان انت الترم الاول بتاخد 3 مواد بس شفوي و 3 مواد دول الاغلب بياخد physical chemistry كيمياء فيزيائيه و Botany علم النبات و physics الفيزياء
اما الترم التاني فكل المواد اللي عليك شفوي معادا طبعا حقوق الانسان
وبالنسبة للعملى يا جماعه المطلوب منك في المقام الاول البالطو في معيدين بتضايق عليك لو ضرت في المعمل من غيره واي ادوات لما تدخلوا هما هيطلبوا منكم كل حاجه وهو قسم واحد بس اللي هيطلب قسم الحيوان
معروف برده ان مواد صيدلة هتاخد العملى بتاعها في صيدله
زي الكيمياء الفيزيائيه هتاخد العملى بتاعها في كليه الصيدلة معمل أ و جـ بالطابق الثاني
الرياضه هتاخد حلقات النقاش بالطابق الخامس في كلية الصيدلة
النبات والحيوان والفيزياء هتاخد العملى بتاعهم في علوم الحيوان كان في الدور السادس والنبات الدوء الرابع والفيزياء الدور الاول
انا يبقى كده كلمتكم عن كل المواد عندكم في الترم الاول في الكليه واي تعقيب من حضرتكم انا تحت امركم
وان شاء الله نتواصل في كلام اخر والسلام مسك الختــــــــــــــــــــــــــــام
السلام عليكم ورحمة الله وبركاته

شكرا جداااااااا وخزاك الله خير بس ممكن اعرف موقع دكتور ابراهيم سالم بتاع الفيزياء

لا دكتور ابراهيم سالم مش بيشرح فيزياء انا قلت دكتور ابراهيم بيشرح kinetic chemistry كيمياء حركية وده جزء من مادة physical chemistry الكيمياء الفيزيائية
http://cms.nelc.edu.eg/login/index.php
ده لينك الموقع بس للاسف مش هتعرفي تدخلى لان الدخول بيبقى ب username and password الدكتور هيقولكم على الموضوع ده في اول محاضره له معاكم ان شاء الله علشان كده انا مكتبتش اللينك
واي استفسار انا في الخدمة....................

اسفة انا كانقصدى كمياء فيزيائية لكن استسهلت بس انا دخلت على الموقع دولوقتى يعنى اما ما ينفعش اسجل فية يعنى اية الشروط معلش واسفىة على ازعاج حضرتك

يا ريت ما اسمعش كلمة اسفه على الازعاج ده مره تانيه
النسبة لموضوع الموقع لا طبعا مش هينفع تسجلى حاليا لان موضوع التسجيل بيحصل باشراف من مركز التعليم الالكتروني اللي دكتور ابراهيم سالم يبقى مدير هذا المركز يعني كمان لما الدكتور يقولكم على الموضوع ده في المحاضره بالظبط اللي هيحصل
هيتوزع ورقة لكل طالب في المدرج هيكتب اسمه والكليه والفرقه وهيكتب ايميله لو عنده لو معندوش مش مشكله
الدكتور بياخد الورق ده وبيتعمل اسم مستخدم وباسورد وهتتبعت على الايميل وغير كده كمان الدكتور هيقولكم هتوحوا هناك المركز علشان تستلموا الاسم والباسورد وكمان البشمهندسة سلمى والبشمهندسين اللي هناك هيعلموا الطلبه كيفية التعامل مع الموقع ومع المقرر الالكتروني
وانا موجود في اي استفسار تاني وبكرر بلاش اسفه او اسف على الازعاج

حاضر يا دكتور لكن الاسف مطلوب لان حضرتك فى مقام المعيد او الدكتور لانك بتدينا محضرات فى غاية الاهمية شكرا مرة تانية وبلاش شكرا خليها جزاك الله خيرا وجعلة فى ميزان حسناتك

جزانا الله عنا وعنكم كل الخير واتمنى من الجميع مشاركه فعاله في المنتدى علشان نقدر نوصل للاسمى والافضل دائما
لان المناقشه هي خير وسيله للوصول للهدف فياريت برده نسمع ارآء الدكاتره اللي موجوده في المنتدى ومعانا في الكليه ومرحبا باي طالب مش في الكليه معانا المجال مفتوح للجميع
واي نقد اي استفسار اي سؤال اي معلومه يا ريت نسمعها وناقشها
وانا مش معيد ولا دكتور ولا اي حاجه يا دكتوره ساره كل ما في الامر انا طالب زيي زيكم مررت بمرحلة الفرقة الاعداديه وبحاول اوصل اللي عشته في المرحله ده علشان نقدر كلنا نستفيد في الاول والاخر
وانا بقرا كل شويه منكم كلمة دكتور هي بضايقني لان محبش اسمها تتقالي الا بعد ان اثبت جدارة هذا الاسم
انا وغيري كتير مش داخلين الكليه سواء الصيدة او الطب او طب الاسنان علشان نسمع لفظ دكتور من الناس احنا داخلين علشان نعمل في صمت وبعد ما نثبت جدارة هذا الاسم يبقى يتقال واحنا في الاول والاخر اخوة وليس بين الاخوة القاب فيعني دعونا ندع الالقاب جانبا وندعونا نتحدث بالاسماء كاخوه في الله

جزاك الله كل خير وشكرا على الموضوع الجميل دة بجد انا استفدت منه كتير ومستنيين المحاضرات التا نية

انا عايزة استفسر عن حاجة
(1) هو احنا هنشرح ضفدعة فى اولى ولا تالتة
(2) التشريح دة موجود فى صيدلة طنطا زى الكليات التانية ولا لا
(3) هو فى عندنا فى الكلية بتاعتنا حاجة اسمها رفع كفاءة وبتبقى بفلوس ولا تبع الكلية وبتبقى امتى كدة

انا عايزة استفسر عن حاجة
(1) هو احنا هنشرح ضفدعة فى اولى ولا تالتة
(2) التشريح دة موجود فى صيدلة طنطا زى الكليات التانية ولا لا
(3) هو فى عندنا فى الكلية بتاعتنا حاجة اسمها رفع كفاءة وبتبقى بفلوس ولا تبع الكلية وبتبقى امتى كدة
موضوع تشريح الضفدعه يا دكتور ريهام علشان نقول فيه كل حاجه تشريح الضفدعه هيبقى ان شاء الله في اول سنه ليكم في الكليه بس يعني في الفرقة الاعدادي هتدرسوه كجزء من مادة Zoology علم الحيوان وقلنا قبل كده هتدرسوا الضفدعه ليه يعني قلت علشان التشابهه بين بعض الاعضاء الداخليه للضفدعه والانسان بالشكل وبالوظيفه اهم السكاشن اللي هتمر عليكم في تشريح الضفدعه هيبقى سكشن muscles العضلات لان الاسماء بتاعتها مش قليله وصعبه الى حد ما في النطق وكمان علشان انتوا هتكونوا اول سنه وهي موضع امتحان العملى كمان فلو كده اوك هبقى انزلكم السكشن ده بالصور وبالشرح كمان على المنتدى علشان تدخلوا وتكونوا عارفينه
.................................................. .......................
بالنسبه للاناتومي في صيدلة انتي الترم الاول عندك تشريح ضفدعه وقلنا هي تبع مادة ايه الترم التاني عندك مادة Anatomy and Histolgy بالنسبه للاناتومي هيشرح لكم كل جس الانسان العضلات والعمود الفقري وكله بس برده انتم مش مطالبين بكل حاجه والدكاتره هيحددوا معاكم اللي انتم محتاجينه واللي هيشرح الماده ده دكتور ممدوح ودكتوره فتنه ودول دكاتره من كلية طب بشري وغنين عن التعريف
بالنسبة للهستولوجي فده اسمه علم الخليه يبقى اكيد بيدرس مكونات الخليه واعضاء جسم الانسان كلها واللي هيشرحها دكتور عصام محمود
.................................................. .......................
بالنسبة لموضوع رفع الكفاءة ما اظنش ان حاجه زي ده موجوده عندنا في الكليه لان مفيش تفرقه بين طالب وطالب في الكليهاللي بيفرق التقدير والتفوق للطالب وبس
يمكن تكوني سمعتي مثلا اسم وحدة ضمان او توكيد الجوده ده مش للطلبه ده للمقررات التعليميه بالكليه
.................................................. .....................
واي استفسار تاني انا في الخدمة

اولا شكرا على الرد يا دكتور مصطفى بس عايزة اتاكد يعنى حضرتك مسكت ضفدعة فى ايدك وشرحتها ؟ ؟؟؟

طيب انت اول ممسكتها حصل حاجة ؟ وفى السكاشن انتو طبعا مبتحفظوش كل حاجة بسرعة فهل بيسمح المعيد او الدكتور انه يخلى الطلبة تصور بالموبيل انا عارفة ان حضرتك قولت انة ينفع فى المحاضرات بس فى فى السكاشن كمان؟؟

اخيرا احنا مش قولنا نشيل الالقاب وجزاك الله كل خير على تعبك معانا

اولا شكرا على الرد يا دكتور مصطفى بس عايزة اتاكد يعنى حضرتك مسكت ضفدعة فى ايدك وشرحتها ؟ ؟؟؟

طيب انت اول ممسكتها حصل حاجة ؟ وفى السكاشن انتو طبعا مبتحفظوش كل حاجة بسرعة فهل بيسمح المعيد او الدكتور انه يخلى الطلبة تصور بالموبيل انا عارفة ان حضرتك قولت انة ينفع فى المحاضرات بس فى فى السكاشن كمان؟؟

اخيرا احنا مش قولنا نشيل الالقاب وجزاك الله كل خير على تعبك معانا

اكيد طبعا مسكت ضفدعه وشرحتها بايدي بس مش بايدي اوي لاني كنت لابس gloves فالموضوع كان الى حد ما كويس وكنا مستمتعين جدا بالموضوع
لكن بالنسة للبنات لا الموضوع يختلف في بنات اكيد بتخاف وعادي يعني يا ريهام هي بتكون متخدره فمفيش خوف انا فاكر ان اخر سكشن لينا والله صعبت عليا الضفادع لان السكشن ده كان مفروض نشوف العمود الفقري بتاعها شرحناها ايه مقولكيش المواهب بتاعت افلام الرعب ظهرت مخلوش يا عيني في الضفدعه الا عمودها الفقري يلاقوا الاعضاء يشلوها ويرموها عادي عادي
واول ما مسكتها هقولك بالظب احنا عملنا ايه مروض ان العامل بيمر على كل واحد ويديله ضفدعه وبيكون موجود في المعمل طبق تشريح ملوش لزمه انك تجبيه احنا جبناه واترمى في الاخر الدكتور بيشرح انتي هتشرحي ازاي بتقلبيها على ظهرها وتفردي الارجل بتاعتها وتثبتيها في الطبق بدبابيس وتبداي تشتغلى اول مر ده كنا قاعدين نضحك على بعض لان اكيد كان في توتر بس انا كنت واخد الموضوع بمتاع اكتر
لا من ناحية الشرح ف السكاشن اللي عايز يكتب ورا المعيد بيكتب واطمني يعني لو ملحقتيش تكتبي او مش كتبتي ممكن بتنقليه من حد كتب الموضوع سهل يعني
حاضر وبالنسبة لموضوع الالقاب انا بسمع الكلام اهه وقلت ريهام بدون القاب
واي استفسار تاني انا في الخدمة................

انا نفسى اجرب الموضوع دة اوى انا حاسة انى اول ممسكها هتنط فى وشى مع انى عارفة ان هى متخدرة وحاسة لو جبت واحدة فى البيت هتهرب منى وهجرى وراها فى البيت يلا كلة يهون بس كل مفكر فى دة بضحط جاند وشكرا يا مصطفى (بدون القاب)فى رعاي الله

سلام عليكم
حد راح الكلية انهارده وهل اسماء المحولين راحت الكلية ولا لسة

لا والله انا عايزة اروح خلال السبوع دة اختم ورقة ترشيح تانية من مكتب التنسيق علشان يبقى معايا وحدة ادخل بيها الكلية والتانية احتياطى علشان لو ضاعت الورقة الاولى بس انا من رايى ان انت تتصل بالرقم اللى سارة كانت كتباة

هو حضرتك مش بتستلمى كارنيه

هو احنا بنستلمة بعد الدراسة باسبوغين وبعدين بردو هيبقو معايا للذكرى ومفيهاش حاجة لو انت رحت الكلية بكرة تشوف الاخبار كانها زياره

ربنا يسهل ان شاء الله هروح الكلية
شكرا جزيلا

يا قوم اين انتم يا عشيرة الغد والمستقبل (كلام اشعار)

اين انتم ياطلبة طنطا انتوا كسلتوا ولا ايه

مش عارفة لو سمنحت يا دكتور احمد اسفة والله بس ممكن تكلم دكتور مصطفى تساله لية مش بيدخل لانة بيدخل بقال تلت ايام يبص ويطلع انا ملاحظة كدة والله اعلم !ّصحيح سالت عن التقديم امتى لنا وبالتوفيق دنيا واخرة

انا والله لسة ماسألتش ع التقديم وكنت عايز أسألك السؤال ده اما دكتور مصطفى فيمكن مشغول

اين الموضوعات يا دكتور مصطفى

مش عارفة لو سمنحت يا دكتور احمد اسفة والله بس ممكن تكلم دكتور مصطفى تساله لية مش بيدخل لانة بيدخل بقال تلت ايام يبص ويطلع انا ملاحظة كدة والله اعلم !ّصحيح سالت عن التقديم امتى لنا وبالتوفيق دنيا واخرة
انا موجود وكل حاجه يا دكتوره ساره اها كلام كصح انا فعا بدخل ابص بس مش بشارك بشوف المواضيع الجديده والمنتدى هنا ايه يعني الجديد في الكلام
لان حاليا بحضر موضوع هيفيد الناس هنا في المنتدى بشكل عام وممكن كمان يفيد اي حد وخصوصا المرضى
انا ممكن ادلكم فكره عامة على الموضوع
الموضوع باختصار في حاجه اسمها OTC drugs وهي كيفية وصف لدواء للمريض لان طبعا زي ما حضرتكم تعرفوا وممكن تكون كما شفتوها وحصلت ادامكم وهي ان مريض بيسال الصيدلي اللي واقف في الصيدليه عن اعراض المرض اللي عنده والصيدلي بيقوله
هو ده الموضوع اللي ان شاء الله انزله في المنتدى
معايا ملفات في الموضوع ده انا رفعته على اكتر من السيرفر علشان الناس كلها تقدر تستفيد بالموضوع وده 3 محاضرات انا حضرتهم تبع كلية الصيدلة واللي كان بيشرح كان دكتور خالد صبحي الاستاذ المساعد بقسم الاكلينيكال بكلية الصيدلة جامعة طنطا
وان شاء الله الفائده تعم على الجميع وانا متواجد لاي استفسار عند حضرتكم
تقبلوا مروري.......................:078111rg3:........... ..............

انا موجود وكل حاجه يا دكتوره ساره اها كلام كصح انا فعا بدخل ابص بس مش بشارك بشوف المواضيع الجديده والمنتدى هنا ايه يعني الجديد في الكلام
لان حاليا بحضر موضوع هيفيد الناس هنا في المنتدى بشكل عام وممكن كمان يفيد اي حد وخصوصا المرضى
انا ممكن ادلكم فكره عامة على الموضوع
الموضوع باختصار في حاجه اسمها otc drugs وهي كيفية وصف لدواء للمريض لان طبعا زي ما حضرتكم تعرفوا وممكن تكون كما شفتوها وحصلت ادامكم وهي ان مريض بيسال الصيدلي اللي واقف في الصيدليه عن اعراض المرض اللي عنده والصيدلي بيقوله
هو ده الموضوع اللي ان شاء الله انزله في المنتدى
معايا ملفات في الموضوع ده انا رفعته على اكتر من السيرفر علشان الناس كلها تقدر تستفيد بالموضوع وده 3 محاضرات انا حضرتهم تبع كلية الصيدلة واللي كان بيشرح كان دكتور خالد صبحي الاستاذ المساعد بقسم الاكلينيكال بكلية الصيدلة جامعة طنطا
وان شاء الله الفائده تعم على الجميع وانا متواجد لاي استفسار عند حضرتكم
تقبلوا مروري.......................:078111rg3:........... ..............شكرااا انا اسفة انى بتخصص فى امورك لكن اعمل اية المفتش كرومبو سايب اثر لكن نتكلم فى المفيد حضرتك هتبدا ونحن اذان صايغة للمناقشة لكن للعلم بالشىء على ما اظن حضرتك كتبت وانت فى تالتة ثانوى ادنا ايام النتيجة انك بتعمل ابحاث وحاجات عن مرض السرطان فلو عندك اى فكرة ممكن تقولها لان الموضوع دة يهم ناس كتييير واسفة مرة اخرة وتمنياتى بالتوفيق ديما ودائماااا

انا والله لسة ماسألتش ع التقديم وكنت عايز أسألك السؤال ده اما دكتور مصطفى فيمكن مشغول انا الحمد لله ممكن اجوبلك انا رحت النهاردة بالصدفة لقيت التقديم وقدمت فممكن حضرتك تقدم بكرة بمشيئة الله واى استفسار كلنا موجودين

اخيرا ميرسى اوى ياسارة طمنتينى ........ خلصتى كل حاجة حتى الكشف الطبى ؟ وهو بيبقى فين ؟ اصل مش من الغربية ... معلشى ضيف تقيل عليكم

لا ضيف تقيل ولا حاجة انت تنور الغربية وخاصة طنطا وان المكان بتاع الكشف الطبى فى سبرباى فى كلية تربية رياضية بس كنت عايزة اسال الدكتورة سارة هو نتيجة التحويل الورقى بانت ولا لسة

كنت عايزة اعرف علشان اقول لزمايلى

http://www.sayadla.com/vb/showthread.php?t=9399
ياريت يادكتور مصطفي تدخل علي الرابط ده انا مش هستفيد حاجه لاني لسه داخله اعدادي صيدله
ياريت تبقي تقولي استفدت ولا لا

د الاء

:022yb4:شكرااا يا الاء على دخولك لكن غيرى الاسم بقه:blush:

ضيف تقيل ولا حاجة انت تنور الغربية وخاصة طنطا


طنطا منورة بأهلها متشكر أوى


واهلا بالضيف لجديد

يا دكتور احمد انت عارف الطلبات والحاجات الى تعملها بكرة اولا بدون تدخل يعنى

ياريت تقوليهالى من فضلك بالتفصيل تدخلى براحتك وفيها ايه يعنى هو احنا مش زمايل

بسم الله توكلت والية انبت --------------------------------------------------------------------------------------------اولا بما انك لست من الغربية تروح الساعة تسعة هناك يعنى تطلع 7 يعنى ما تنمش بعد السحور دة اولا اما ثانيا تاخد معاك حد كبير يكون وشة سمح لان عمك عبدة بتاع الخزينة صعب وطالع عينية ثالثا هتاخد 8 صور منهم 2 الكشف الطبى ة6 للتقديم خليك معى كمان هتاخد صورة الميلاد الاصلية وشهادة الثانوية ومعاك 160ونصف جنية وفلووووس المواصلات طبعاا وهتقدم لكن ممكن تتاخر الكشف للتقديم فى الخزينة بيكون اربعة اربعة خد معاك تاتة كمان ومجموع المصاريف 264 ماشى الكلام كمان تكتب الاسم على الصور اية تانى اه حضرتك ممكن تخلص بسرعة علشان تلحق تروح سبرباى ممكن تركب تاكسى وتقولة دخلنى من طريق منوف وخد التاكسى من قدام الكلية حاجة كمان هتملى دوسية شخص كدة بلديات هيقلك تملية اذين لابس نضارة على فكرة مافيش بقة غير انك تقدم لانننا كنا حوالى عشرة وبكرة هيذيدم لانهم لسة عارفين وحاجة كمان الدغع الى قبلنا كلها بتدفع المصاريف فلازم تلحق وعلى العموم انا سالت قالولى التقديم لحد دخول الكلية وكمان الكشف الطبى يعنى لاداعى للقلق من اى شخص وربنا يبركلنا كلنا ويسا عنا واللهم وفق الامة من اجل الامةومع السلامة وفى رعاية الله

:022yb4:شكرااا يا الاء على دخولك لكن غيرى الاسم بقه:blush:
شكرا لك جداااااااااااااااااااا

الاء عاوزينك معانا على طووووول ايد واحدة احنا كلنا هنا ايد واحدة لا تفرقة بين حد الجروب بتاعنا عرفها الجينيز دكتور مصطفى واخونا فى الله وزميلنا دكتور احمد بناتنا الحلوين ريهام واسراء ولنتى وانا واى حاجة انا معاكى يا قمر لكن والنبى استحلفك بالله غيرى الاسم علشان كدة ما ينعش خالص ممكن كدة يضرك دى نصيحة منى

اللهم بلغت اللهم فاشهد كدة وصلت الى عندى الى محول يروح وانا ما اعرفش حاجة عن التحويل الورقى يا ريهام بصوا انا كنت عاوزة اكلمك واجمعكم النهاردة فابعت لدكتور احمد رسالة خاصة ولكن الجهاز عندى بيفصل وكمان معرفتش اكلم ريهام او اسراء او الاء ودكتور مصطفى فياريت تجمعوا بعض علشان عاوزة اقوللكم حاجة اوكية بس انا كنت النهاردة تعبانة فانام والفجر هكون اعدة مع السلامة وفى رعاية الله والحاضر يعلم الغايب

انا كتبت موضوع ليس بتافة وفى اخر لحظة النت فصل مش هكتبة بقى كان عن حاجة انا تعبت فيها طول الليل وهى ReMsaa

طبعا يا جماعه برحب بيكم بعد غياب مش عارف كام يوم المهم بعتذر لكل اللى اضايقوا من الكلام وزى ما دكتور احمد سامح انا سامحت برهده من قبل وقف العضويه بس الاولى اللى علقوا وهما مضايقين اوى وبالخص دكتور ساره واللى بيتفهم من كلمه ان طنطا للمحترمين بس ومش الشاطرين على فكره هيا يعنى الكلمه كان لازم لها تعليق بس مش مشكله ولو انه مفيش شاطر مش محترم او معظمهم كده وبليز مفيش حد يحكم على حد من رد فعل على موقف
يمكن دكتور احمد مكنش يقصد الاهانه بكلمه اكرام الضيف دفنه واللى انتم طبعا مشفتهاش لانها اتحذفت بس انا قلتله ما محبه الا بعد عداوه وانا كسبتكم اصدقاء وبالاخص دكتور مصطفى اللى كلمته على الاميل فى الكام يوم دول اكتر من مره والحمد لله تفهمنى تماما وفوق ده وده اعترف فعلا انى مش انا اللى بدات بالغلط ةاكيد هو لامنى على اللى كتبته بس معنى كه مكنش موقفه سلبى زى اللى علقوا ولامونى انا بس وانا بشكره وللمره المليون بتاسف للدكتور احمد ويعنى بوجه اللوم للدكتور اللى هيا فى المنصوره ودكتور ساره لانهم كبروا الموضوع اوى وانا ان شاء الله اتفقت مع دكتور مصطفى انى هقابله ان شاء الله ويكون معاه دكتور احمد عشان انا سامحت بعد ما فهمت انه هزار فبليز الامر كان يخصنى انا وهو وانتم كمان بس ده مش يخليكم تكتبه فيه اكتر من صفحه
واحب افكر دكتزر ساره بالكلمه اللى قالتها للدكتور احمد على موضوع البنات اللى هيا (خليك فى حالك) واللى افتكر انه علق عليها وسواء طنطا او المنصوره فكلنا محترمين اولا وشاطرين ثانيا ولو انا مزعلكم اوى كده انا اوك قلت لدكتور مصطفى انى بعد اللى حصل وزي ما قلت نصفنى والحمد لله انى مش هدخله تانى طالما انى مبقتش محترم ومزعلكم اوى كده وانا ان شاء الله لو انتم فاكرين ان احمد زعل فهو مزعلش وهروحله الجامعه مخصوص واعتذرله لانه زى ما انا هزارى كان تقيل هو عندى هزاره كان تقيل انا كنت بس بوريه انى قادر ارد بكلام جارح برده على العموم بالتوفيق ان شاء الله ورمضان كريم وسلام ليك يا احمد بدون القاب ومتزعلش انا بس كنت منفعل شويه ان التحويل مجاش طنطا مع انى كاتب المنصوره بمزاجى ورت طنطا يومها على فكره وكنت هحول ورقى بس قلت لو مرتحتش فى المنصوره هحول تانى سنه طنطا عادى ومتزعلش يا حماده ومتخليش حد كان يدخل بنا

وممكن يا دكتور ساره طالما حضرتك شايفه ان منتدى صيدله المنصوره بيما فيه الشفق الباكى وكده والسب اللى شفتيه من احد الاعضاء للاداره يعنى صورتك عنه مش كويسه حضرتك بتدخليه ليه بقى لما انتى شايفه كمان ان كل منتدى يبقى لطلبه كليته وبس
احنا كلنا صيادله ان شاء الله فى الاول والاخر
وسلامى للجميع
وميرسى اوى يادكتور مصطفى على الافاده

وان شاء الله يا دكتور ساره المنافسه مستمره زى ما كنا اتفقنا عالتفوق سواء كنا هنا اوهنا ومفيش صيدله سهله ومفيش طريق تفوق بدون عقبات وبرده لو كلامى زعلك شويه فانا اسف اصل حسيت من ردود افعال اللى ليه وملوش فى الموضوع بيكلم ويزود عدد المشاركات وخلاص واللى متشوق كمان انه يعرف الموضوع وزعلان اوى انه ما حضروش وبيسال ايه حصل على اساس اننا ارتكبنا جريمه او كده بجد احنا البششر طبعنى غريب ما بنصدق زيى ما بيقولوا (ما بنصدق نلقى جنازه ونشبع فيها لطم) بدل ما نصلح

طبعا يا جماعه برحب بيكم بعد غياب مش عارف كام يوم المهم بعتذر لكل اللى اضايقوا من الكلام وزى ما دكتور احمد سامح انا سامحت برهده من قبل وقف العضويه بس الاولى اللى علقوا وهما مضايقين اوى وبالخص دكتور ساره واللى بيتفهم من كلمه ان طنطا للمحترمين بس ومش الشاطرين على فكره هيا يعنى الكلمه كان لازم لها تعليق بس مش مشكله ولو انه مفيش شاطر مش محترم او معظمهم كده وبليز مفيش حد يحكم على حد من رد فعل على موقف
يمكن دكتور احمد مكنش يقصد الاهانه بكلمه اكرام الضيف دفنه واللى انتم طبعا مشفتهاش لانها اتحذفت بس انا قلتله ما محبه الا بعد عداوه وانا كسبتكم اصدقاء وبالاخص دكتور مصطفى اللى كلمته على الاميل فى الكام يوم دول اكتر من مره والحمد لله تفهمنى تماما وفوق ده وده اعترف فعلا انى مش انا اللى بدات بالغلط ةاكيد هو لامنى على اللى كتبته بس معنى كه مكنش موقفه سلبى زى اللى علقوا ولامونى انا بس وانا بشكره وللمره المليون بتاسف للدكتور احمد ويعنى بوجه اللوم للدكتور اللى هيا فى المنصوره ودكتور ساره لانهم كبروا الموضوع اوى وانا ان شاء الله اتفقت مع دكتور مصطفى انى هقابله ان شاء الله ويكون معاه دكتور احمد عشان انا سامحت بعد ما فهمت انه هزار فبليز الامر كان يخصنى انا وهو وانتم كمان بس ده مش يخليكم تكتبه فيه اكتر من صفحه
واحب افكر دكتزر ساره بالكلمه اللى قالتها للدكتور احمد على موضوع البنات اللى هيا (خليك فى حالك) واللى افتكر انه علق عليها وسواء طنطا او المنصوره فكلنا محترمين اولا وشاطرين ثانيا ولو انا مزعلكم اوى كده انا اوك قلت لدكتور مصطفى انى بعد اللى حصل وزي ما قلت نصفنى والحمد لله انى مش هدخله تانى طالما انى مبقتش محترم ومزعلكم اوى كده وانا ان شاء الله لو انتم فاكرين ان احمد زعل فهو مزعلش وهروحله الجامعه مخصوص واعتذرله لانه زى ما انا هزارى كان تقيل هو عندى هزاره كان تقيل انا كنت بس بوريه انى قادر ارد بكلام جارح برده على العموم بالتوفيق ان شاء الله ورمضان كريم وسلام ليك يا احمد بدون القاب ومتزعلش انا بس كنت منفعل شويه ان التحويل مجاش طنطا مع انى كاتب المنصوره بمزاجى ورت طنطا يومها على فكره وكنت هحول ورقى بس قلت لو مرتحتش فى المنصوره هحول تانى سنه طنطا عادى ومتزعلش يا حماده ومتخليش حد كان يدخل بنا

وممكن يا دكتور ساره طالما حضرتك شايفه ان منتدى صيدله المنصوره بيما فيه الشفق الباكى وكده والسب اللى شفتيه من احد الاعضاء للاداره يعنى صورتك عنه مش كويسه حضرتك بتدخليه ليه بقى لما انتى شايفه كمان ان كل منتدى يبقى لطلبه كليته وبس
احنا كلنا صيادله ان شاء الله فى الاول والاخر
وسلامى للجميع
وميرسى اوى يادكتور مصطفى على الافاده

وان شاء الله يا دكتور ساره المنافسه مستمره زى ما كنا اتفقنا عالتفوق سواء كنا هنا اوهنا ومفيش صيدله سهله ومفيش طريق تفوق بدون عقبات وبرده لو كلامى زعلك شويه فانا اسف اصل حسيت من ردود افعال اللى ليه وملوش فى الموضوع بيكلم ويزود عدد المشاركات وخلاص واللى متشوق كمان انه يعرف الموضوع وزعلان اوى انه ما حضروش وبيسال ايه حصل على اساس اننا ارتكبنا جريمه او كده بجد احنا البششر طبعنى غريب ما بنصدق زيى ما بيقولوا (ما بنصدق نلقى جنازه ونشبع فيها لطم) بدل ما نصلح

اية الى انتو بتعملوة ده هوانتو اتسحرتوا وفقتوا على بعض انا ما شفتش الكلام دة عيب يا جماعة انا كنت باكتب على الكلام البنفسجى لدكتور احمد وانتم بتسخروا من بعض دية مش كلام دكاترة صيادلة ولا اية كل واحد يستهدى بالله والى ما صلاش يقوم يصلى واقوموا اقروا قران احلى لانة احسن وقت اقرات القران ماشى والسلام ختام

على فكرة يا دكتور محمود كدة كفاية جداااااا ودة عمر ما كنت اتوقعة من حضرتك كشاب صيدلى محترم لكن الانسان لية تصرفات ممكن تكون غلطتة الكبيرة ولوسمحت احنا قبلناك ضيف لكن بالاحترام مش بالاسلوب دة وصيدلة المنصورة مفتوحة لحضرتك وطنطا كمان مفتوحة لكن مش للشطار بس لا للمحترمين لاراء الاخرين والاسلوب وللناس وياريت تكون دة غلطة صغيرة مش صفة فى خحضرتك لاننا مش عاوزين نخسر حد

حضرتك يا دكتور فهمتنى غلط صيادلة المنصورة على راسى من فوق ولى اصحاب كتير هناك انا قصدى ان هو صيدلة المنصورة خلاص يروحها لان ملتقى صيدلة طنطا الى يدخلة لابد ان يكون مقدرة ومقدر اعضاؤة وياريت تكون فهمتنى صح وياريت كمان ترجعة تانى لانه فعلا اخ لنا فى الاول والاخر ودخل معانا كتير على المنتدى وخلاص كان هيكون واحد منا فياريت ما نخسرش حد واسفة مرة تانية واحترامة لكل صيادلة المنصورة

لا هو اية الجديد فى التحويل هما قلولى الاسبوع الجى تعالى قدمى وادونى النمرة دية فى كلية الصيدلة لشئون الطلبة*** 3336007****ارجوك يا دكتور المستقبل محمود تقرءاى الموضوع وتفهمة كويس اوى وخلى دكتور مصطفى يربطة كدة مع معاك وانت اخويا فى الله اولا واخيرااا وتصدق بالله انا كنت بكتب موضوع مهم جداااا كان ممكن يغير الى انتى كتبة لكن النت فصل وربنا اراد كدة علشان تطلع الى جواك وانا اسفة تشريليون مرة ليك مع انى ما كنتش قصدة اعمل فيك حاجة تضايقك كدة لانكم قبل ما تكونوا معايا صيدلة اخواتى ومن سنى بس وممكن كمان تقول لنفسك مين الى ردت على عدم قبولك لطنطا بنرفذة شديدة لانى حسيت انى ممكن اخسر حد محترم ومتفوق وياريت تقرءاى الكلام حلو اوى وسعتها كلام زمان وانتى هادىء هيعرفك انى ما كنتش بالسوء دة واستحملونى لانى والله بتنرفذ باقصى حاجة وكلامى السبق هيرد على كلامك استودعم بالله اخويا د المستقبل محمود وانتوا الله كلكم اخواتى فى الله ولازم تحول طنطا شوفلك اي حاجة ان شالة واسطة وبالتوفيق للجميع فى الدارين

يا دكتور ساره انا مش زعلان من الموقف خالص بالعكس حضرتك عارفه انى بحترمك جدا واحنا يمكن بدانا الموضوع مع اخونا الدكتور مصطفى وحضرتك وبعدين انا بس جات عمليه الحظر دى منعتنى شويه بس مشكله وانا قلت لحضرتك ان مجموعى يفوق طنطا بكتير يعنى ممكن اعمل التحويل 150 جنيه وكان ممكن ادخلها من الاول او احولها بس انا جيت فى اخر ايام التحويل حولت المنصوره يمكن لسبب شخصى قلت لدكتور مصطفى عليه وكمان عجبنى الشكل العام للكليه ومعاملها والمنظر العام للجامعهفى المنصوره وطنطا كمان كويسه جدا بس انا ان مرتحتش فى المنصوره هحول طنطا ان شاء الله
تانى حاجه حته العصبيه دى بتبقى بس ردفعل سريع على موقف معين وربنا يوفقنا جميعا

اتمنى من حضرتك يا دكتور ساره انك تشاركى معايا فى الموضوع الجديد اللى انا عامله وانا طرحته على الصفحه المتعلقه بالموضوعات الموجوده على منتدى كليه صيدله وهو(بتحلم بايه كطالب التحقت بكليه صيدله)
وربنا يجزينا خير على تعبنا بعون الله

اهلا بيك يا دكتور مصطفى وسواء انت فى المنصورة او طنطا انت اخونا وخلاص محصلش حاجة ولو انتو زعلنين من بعض احنا نفتح صفحة جديدة وزى مسارة قالت احنا اخوات فى الله وربنا يهدينا ويوفقنا ونورتنا مرة تانية يا مصطفى (بدون القاب):av4056bb7jp3:

اتمنى من حضرتك يا دكتور ساره انك تشاركى معايا فى الموضوع الجديد اللى انا عامله وانا طرحته على الصفحه المتعلقه بالموضوعات الموجوده على منتدى كليه صيدله وهو(بتحلم بايه كطالب التحقت بكليه صيدله)
وربنا يجزينا خير على تعبنا بعون الله

يا دكتور ساره انا مش زعلان من الموقف خالص بالعكس حضرتك عارفه انى بحترمك جدا واحنا يمكن بدانا الموضوع مع اخونا الدكتور مصطفى وحضرتك وبعدين انا بس جات عمليه الحظر دى منعتنى شويه بس مشكله وانا قلت لحضرتك ان مجموعى يفوق طنطا بكتير يعنى ممكن اعمل التحويل 150 جنيه وكان ممكن ادخلها من الاول او احولها بس انا جيت فى اخر ايام التحويل حولت المنصوره يمكن لسبب شخصى قلت لدكتور مصطفى عليه وكمان عجبنى الشكل العام للكليه ومعاملها والمنظر العام للجامعهفى المنصوره وطنطا كمان كويسه جدا بس انا ان مرتحتش فى المنصوره هحول طنطا ان شاء الله
تانى حاجه حته العصبيه دى بتبقى بس ردفعل سريع على موقف معين وربنا يوفقنا جميعا
الحمد لله الهدوء حلو وياريت يا جماعة نبدا صفحة جديدة لكن والله انا قريت الكلام بتاعى اكتر من مرة وحسيت انى مكنتش وحشة للدرجة دى لكن الحمد لله وعلى كل شىء وتنورنا فى طنطا

سبحان الله الحمد لله على التجمع ياريت كللنا نشارك ممكن