|
مشاهدة النسخة كاملة : صيدله المنصوره الشفق الباكي 29-07-2009, 04:19 PM ازيكم يادكاتره الكل يارب يكووووون بخير التوبيك دا لاى حد فى صيدله المنصوره سواء فى اولى او تانيه.................الخ وكمان للى لسه داخل اى مساعده محتاجينها انا موجوده لو عاوزين تسألوا على اى حاجه انا موجوده بردو وربنا يوفقنا جميعا ASOOOM 29-07-2009, 04:48 PM انا لسه مخلصة ثانوي وجالي صيدلة المنصورة وكنت عايزه اعرف اذا كان في حاجة تتذاكر قبل الدراسة علشان اكون مستعدة ولا مفيش وكمان كنت عايزة اعرف شروط المدينة الجامعية علما باني من مواليد 10/1/1992 معلش هتعبك معايا -ameer- 29-07-2009, 05:13 PM انا داخل صيدلة المنصورة السنادي وكنت عايز اعرف اية قسم الاكلينيكال دة؟ الشفق الباكي 30-07-2009, 02:55 AM انا لسه مخلصة ثانوي وجالي صيدلة المنصورة وكنت عايزه اعرف اذا كان في حاجة تتذاكر قبل الدراسة علشان اكون مستعدة ولا مفيش وكمان كنت عايزة اعرف شروط المدينة الجامعية علما باني من مواليد 10/1/1992 معلش هتعبك معايا ايه دا بصره انا كمان 1\10\1992 بس انا اكبر منك سنه دراسيا بصى ياستى المدينه حجزها بعد بدء الدراسه بصى كان ليا صحبات مدينه هسالهم عن الحجز والاولويه وابلغك على طول ان شاء الله انتظرى ردى بكرا بالليل وبالنسبه للمذاكره طبعا مش هتذاكرى دلوقتى خالص سيبك من موضوع دا اهم حاجه مع بدء الدراسه تهتمى جدا بحضور المحاضرات حتى لو ناويه تاخدى كورسات اوغيره بصى ياستى المحاضره هتقربك جدا من فهم شخصيه الدكتور وازاى بيفكر بصى عامه المواد لذيذه بجد اهم حاجه مش تراكمى حاجه عليكى يعنى خلصى اللى بتاخديه اول باول حتى لو مش هتذاكريه مذاكره ميه ميه بس يبقى عندك خلفيه عنه وماتسبيش حاجه قبل الامتحان تكون لاول مره بتذاكريها بصى عندك تحليله او غير عضويه الترم الاول ودا اتنين هيدوكى الماده دى دكتور محى ودا هيديكى تحليله اللى هو جزء ان اورجانك وجزء بسيط كاتيونات وانيونات هو مش بسيط هو فى شويه معادلات كتير ركزى اوى فى سكاشن التحليله عندك الجزء التانى هو الفيزيائيه ودا هتديهولك دكتوره امينه رئيسه القسم وربنا يكون فى عونك بصراحه الجزء دا الذ من جزء دكتور محى ومحتاج فهم لكن جزء دكتور محى دش جامد دا طبعا ول محصلش تغيير فى الدكاتره ثانيا عندك نبات ودا خدى بالك منه جدا جدا وعودى ايدك على الرسم من اول السنه واهتمى بكلام دكتور احمد جوهر لو هو اللى اداكى اناتومى لانه فى الامتحان بيحب الطالب الفايق معاه فى المحاضره وبيعرفه من الاجابه لو اعدادى هتفضل هتاخدى فيزيا الترم الاول تلت اجزاء حديثه وحراره وكهربيه دكتور مصطفى كمال سكره بجد ماتخافيش امتحانه هو بيقوله فى المحاضرات وركزى معاه فى اخر محاضره كهربيه لذيذه المودرن اسئلنتها قلييله بس ركزى مع الدكتور علشان تعرفى الاجابه اللى هو عاوزها عندك الحيوان ودا بجد رائع مادتى سيبينى عليه شويه هههههههههههه اصل الماده الوحيده اللى نصفتنى بصى ماده امتياز لو مقصرتيش فيها عندك الترم الاول طفيلياتparasitology وكمان جينتك عندك انجلش حاجه كده خفيفه خالص وبس كدا الترم الاول خلص وبالتوفيق ملحوظه الاهتمام اول السنه بفهم اللى انتى بتقرايه وماتكسليش تترجمى اوكى بعد كده هتلاقى المصطلحات متداوله واوعى تحاولى تذاكرى بالعربى كارثه بجد شوفى الاسلوب اللى تحبى تذاكرى بيه ورق كورسات بيتباع فى المكتبات محاضرات تبيضيها احم احم ملاحظات تضيفيها لمذكرات الكليه اللى الدكاتره بيرموها دى واهتمى بالساكشن العملى وربنا معاكى الشفق الباكي 30-07-2009, 03:00 AM انا داخل صيدلة المنصورة السنادي وكنت عايز اعرف اية قسم الاكلينيكال دة؟ مرحبا بك فى صيدله المنصوره بص فى توبيك يادكتور امير كامل عن دراسه الصيدله الاكلينيكيه موجود هنا فى القسم بص اللى اعرفه عنه هو كورس مكثف بعدد ساعات معين وبمصاريف عندنا فى المنصوره 13 الف بس عن نطام الدراسه وكده معنديش فكره بجد لانه مستقل عننا نهائيا اممممممممممممم بس ممكن افيدك ههههههههههههه مدرجكم فى الدور الرابع جنب مدرج اعدادى ممكن كمان تدخل على موقع الجامعه www.mans.edu.eg (http://www.mans.edu.eg) وبعد كده الكليات تختار كليه الصيدله واعتقد كانوا كاتبين معلومات عن الكورس وياريت تدور على التوبيك وانا لو لقيته حالا هبعتلك اللينك بتاعه وشكرا على حسن المتابعه asma22 30-07-2009, 11:43 AM انا برده صيدلة المنصورة ان شاء الله بس لسة مستجدة عاوزة اعرف السنة الاعداداى دى بتبقى عامله ازاى وهى زى اعدادى عندسة يعنى التقدير بيأثر فى القسم ولا مفيش اقسام اصلا نفسى اعرف كل صغيرة وكبيرة عن اول سنة عشان الواحد ميبقاش تايه هبه محمود 30-07-2009, 02:13 PM انا كمان صيدله المنصورة ASOOOM 30-07-2009, 02:46 PM شكرا جزيلا ع مجهودك و ذوقك وان شاء الله ربنا يوفقك و تجيبي الامتياز في جميع المواد ويارب يوفقني انا وزملائي وانا منتظرة ردك على شروط المدينة :078111rg3::078111rg3::078111rg3::078111rg3: الشفق الباكي 30-07-2009, 03:37 PM بصوا يابنات معندناش طبعا اقساااااااااااام اوكى الا لو هتدخلوا كلينيكال ودى مشتقله عننا وبمصاريف اوكى مواد اول سنه (اعدادى) نبات ودا بيديه دكاتره العقاقير كيميا تحليليه ترم اول كيميا عضويه ترم تانى فيزيا (دول من علوم) هتاخدوا حراره وكهربيه ومودرن ترم اول وخواص ماده ومودرن وكمان ضوء داترم تانى حيوان ترم ترم اول طفيليات وجينتك ودول جمال على الاخر اهم حاجه فى الطفلييان الرسم ودورات الحياه وهتاخدوا كذا طفيل هتقسم species and families بجد حلوين بلهارسيا ولشمانيا واسكارس وانكلوستوما وتريانوسوما وشويه حاجات كده بس سهله خالص الجينتكس هتاخدوا DNA وبعد كده الانقسام الميوزى والميتوزى اعتقد دكتور شريف عابدين هو اللى هيديكوا زينا وامتحان بيبقى لذيذ والمحاضرات هيبقى منزلهالك POWER POINT على موقع الجامعه الترم التانى هتاخدوا مبادئ فارما ودى 3 اجزاء ب 3 دكاتره مختلفين ودول هيتاخدوا فى صيدله والساكشن كمان وهتاخدوا امبريولوجى (على اجنه) دا فى علوم 4 سكاشن وهتمتحنوا عملى دول طبعا ترم تانى عندكوا انجلش ترم اول من 50 وسهل اوى وليه 2 محاضره فى الاسبوع وحقوق انسان محاضره فى الاسبوع ومش بيضااف لكن ماده رسوب ونجاح بالنسبه للمدينه بصى لو انتى مركز المنصوره ملكيش مدينه دا اللى انا متاكده منه بس التفاصيل ان شاء الله باسرع وقت ممكن هجيبها الشفق الباكي 30-07-2009, 03:48 PM بصوا يابنات اللى عاوز يسال على المدينه انتو قدمتوا عادى خلاص فى الكليه هتروحوا مدينه جيهان ودى اللى جنب بوابه الجلاء اوكى لو مش عارفينها اسالوا هناك عادى اوكى اى امن من على البوابه هناك هتلاقوا مكاتب تقديم هتاخدوا منها استماره تملوها وكده بس اهم حاجه تتاكدوا ان لكوا مدينه مركز المنصوره ملهوش لكن المنزله ودمياط لهم مش عارفه المحله لها ولا لا اسالوا فى المدينه عن الشروط اوكى هتملوا الاستماره وتقدموها تقريبا بتحتاجوا زى رسم تقديم 70 جنيه تقريبا او حاجه زى كده فى الحدود دى ولما يظهر انتى قبلنتى ولا لا ليكى تختارى هتقعدى فى مدينه جيهان ولا الزهراء جيهان دى بتخرجى من بوابه الجلاء وهى البوابه اللى جنبها وبتدخلى المدينه هى جوا سور الجامعه بس عاملنلاها بوابه لواحده اما الزهراء فهى ورا كليتنا على طول بس اعتقد لو كنتو قدمتو فى الكليه ياريت تروحى جيهان على طول تسحبى الاستماره علشات الاماكن وبعدين لو اتقبلتى ليكى تختارى جيهان ولا الزهراء هو انتى مركز ايه طيب؟ Dr.KaJoo 30-07-2009, 04:23 PM بصوا يا جماعه متخافوش من صيدله والله احسن كليه فى الدنيا كلها انا محمد صيدلة المنصوره حصلتلى ظروف كده السنه اللى فاتت و مدخلتش فى 3 مواد الامتحان:022yb4: المهم انا ان شاء الله هكون معاكوا فى اعدادى تانى و اكيد هيكون عندى الخبره عشان دى تانى سنه ان شاء الله و اللى محتاج اى حاجه عن الدكاتره المواد الدراسه اى حاجه انا موجود هنا و على الميل و افتكروا احسن و اسهل كليه هى صيدله Dr.KaJoo 30-07-2009, 04:37 PM نسيت اقولكم فيه اسره عملناها انا و اصحابى السنه اللى فاتت اسمها اسرة ( صيدله اون لاين ) بتنزل ورق و مذكرات و اسطوانات و كل حاجه تساعدكوا ان شاء الله و انا هكون معاكوا فى الاسره السنه الجايه و هجيبلكوا ان شاء الله كل اللى تحتاجوه و ده لينك المنتدى بتاعنا http://saydala-online.alafdal.net/ Dr.KaJoo 30-07-2009, 04:45 PM انا مسافر ان شاء الله لمدة 4 ايام و اللى عايز اى حاجه يكتبها و ان شاء الله لما ارجع اجاوب على كل الاسئله بتاعتكوا و يا رب اقدر افيدكم الشفق الباكي 30-07-2009, 06:02 PM ههههههههههههههههههههههههههههههه اهلا باون لاين معانا الشفق الباكي 30-07-2009, 06:04 PM احم احم على فكره يادكتور محمد نسيت اقولك ممنوع وضع اى ليناكات لاى منتدى او موقع هنا فى المنتدى ولا القوانين دى مش موجوده فى الفورم عندكم موجوده عند الناس كلها معلش لان لو مشرف القسم دخل ولقاها هتتشال فاعتقد الافضل حضرتك تشيلها بنفسك ومنور التوبيك كتير asma22 30-07-2009, 06:26 PM انا دخلت مرة منتدى للصيادلة لقيتهم بيقولوا تانية حديث تالته قديم يعنى ايه الحاجات دى elwarda 30-07-2009, 06:26 PM يلا كويس فى حد هيساعدنا اهو وانا كمان ان شاء الله صيدلة السنادى معاكوا ASOOOM 30-07-2009, 08:40 PM شكرا علي المعلومات القيمة انا من دمياط الشفق الباكي 30-07-2009, 09:52 PM ماشى انتى دمياااااااط خلاص روحى اسحبى ورق تقديم من مدينه جيهان وامليها ولما يقبلوكى فى المدينه وان شاء الله هيقبلوكى واهلا بالدمايط:av4056bb7jp3:ه ليا زميل كتييييييييييييييييييييير جدا جدا جدا من دمياط نص السكشن بتاعى اختارى اما الزهراء او جيهان يارب اكون افدتك بالنسبه لاسماء امممممممممممم اكيد مش منتدى لصيدله المنصوره اولى قديم واولى جديد بتحصل لما يلغوا اعدادى وتبقى الكليه اولى علو طول ماشى مثلا مثلا انتو لو دخلتو السنادى ولغوا اعدادى يبقى انتو اولى احنا كان عندنا اعدادى ورايحين اولى يبقى ازاى 2 اولى يبقى احنا اولى قديم وانتو اولى جديد وهكذا يارب تكون وصلت asma22 31-07-2009, 08:44 AM وصلت الحمدلله معلش انا هدايقك بالاسئلة بس هم امتى بيلغوا الاعدادى asma22 31-07-2009, 08:50 AM سؤال تانى نسيته هو الاحسن مدينة الزهراء ولا جيهان Moky 31-07-2009, 09:05 AM انا جاتلي صيدلة المنصورة بس بفكر احول طب اسنان لكن انا اصلا لا مقتنعة بصيدلة وله طب اسنان:( ومش عارفة ادخل ايه كل ما ابدأ اقتنع بكلية تحصل حاجة تخليني اغير رايي انا محتارة جدا حتى لما جيت اكتب الرغبات كتبت اول رغبة صيدلة المنصورة بس مكنتش واثقة من الاختيار وقلت انا اكتبها وخلاص وممكن ابقى احول بعد التنسيق بجد محتارة جدا وصليت استخارة 3مرات ولسه محتارة:bosyht9: dr.pharma 31-07-2009, 11:38 AM وصلت الحمدلله معلش انا هدايقك بالاسئلة بس هم امتى بيلغوا الاعدادى هو من المؤكد انها مش هتتلغى .. كل سنة بيقولوا كدا ومش بيلغوها ,, وبرده السنة اللى قبل اللى فاتت قالوا هتبقى اخر سنة تدرس اعدادى فيزياء وللاسف مفيش حاجة اتغيرت .. فكلها اشاعات والعميد مصرحش باى حاجة م الكلام ده خالص سؤال تانى نسيته هو الاحسن مدينة الزهراء ولا جيهان ع ما اعتقد مدينة جيهان احسن :angry2: انا جاتلي صيدلة المنصورة بس بفكر احول طب اسنان لكن انا اصلا لا مقتنعة بصيدلة وله طب اسنان:( ومش عارفة ادخل ايه كل ما ابدأ اقتنع بكلية تحصل حاجة تخليني اغير رايي انا محتارة جدا حتى لما جيت اكتب الرغبات كتبت اول رغبة صيدلة المنصورة بس مكنتش واثقة من الاختيار وقلت انا اكتبها وخلاص وممكن ابقى احول بعد التنسيق بجد محتارة جدا وصليت استخارة 3مرات ولسه محتارة:bosyht9: بص يا جميل :( انا برده كنت محتار كدا ايام التنسيق بس انا فى راى صيدلة احسن بكتير من طب اسنان ومجال عملها افضل سواء داخل مصر او خارجها :stickjo4: وغير كدا انا معتقدش ان فى حد دخل صيدلة المنصورة وندم ان دخلها :) لانه بجد اخر راحه الواحد طول السنة طناش ومش بيذاكر غير ايام الامتحانات :av4056bb7jp3: وحتى المحاضرات كلها بتنزل فى مكتبة paper :006et4: اول باول .. يعنى نصيحة منى ادخلى صيدلة وعمرك ما هتندمى :slap1qk6: ولو ندمتى ابقى تعالى اضربينى :stickjo4: او ممكن ادفعلك غرامة :) و اى حد محتاج مساعدة يا جماعه ان شاء الله هحاول اساعده باللى اقدر عليه :) كان معكم من امام كلية صيدلة المنصورة .. انا :av4056bb7jp3: :abdoog8: ASOOOM 31-07-2009, 03:00 PM :av4056bb7jp3::av4056bb7jp3::av4056bb7jp3::av4056b b7jp3::av4056bb7jp3:شكرااا جزيلا علي مجهودك ويارب اتقبل في المدينة:078111rg3::078111rg3::078111rg3::078111rg3 ::078111rg3::078111rg3::):):):) الاسطورة 31-07-2009, 03:07 PM انا دخلت مرة منتدى للصيادلة لقيتهم بيقولوا تانية حديث تالته قديم يعنى ايه الحاجات دى بعد اذن الدكتورة الشفق الباكى كان ليا رأى ف الموضوع ده حضرتك تانية حديث وتالتة قديم دى بتبقى اللايحة يعنى فى لايحة 2004 شغالة عادى جينا ف 2006 اللايحة اتغيرت ها يبقى فى سنة تانية لايحة 2004 وسنة 4 لايحة 2006 فا يقولك حديق وقديم وحضرتك ادرى برضو asma22 31-07-2009, 04:59 PM شكرا يا جماعه لاهتمامكم حاجة تانية كمان ياريت حد يحكيلنا عن اول يوم ليه فى الكلية كان حلو ولا وحش عمل ايه وكده يعنى ويبقى لكم جزيل الشكر الشفق الباكي 31-07-2009, 10:20 PM بعد اذن الدكتورة الشفق الباكى كان ليا رأى ف الموضوع ده حضرتك تانية حديث وتالتة قديم دى بتبقى اللايحة يعنى فى لايحة 2004 شغالة عادى جينا ف 2006 اللايحة اتغيرت ها يبقى فى سنة تانية لايحة 2004 وسنة 4 لايحة 2006 فا يقولك حديق وقديم وحضرتك ادرى برضو مش عارفه لو كانت عملت عندكو كده اكيد حضرتك ادرى منى لان سالت حد اكبر منى عن لو لغوا اعدادى والسنه اللى دخلت بقت اولى ايه مصيرها قالولى هيبقوا هم اولى جديد وانتو اولى قديم وهكذا فمش عارفه بجد واوعدكم هحاول على قدر المستطاع اعرف الاجابه الصحيحه اسال اى حد خلص الكليه بتاعتنا دى ومنوووووووور التوبيك كتير الشفق الباكي 31-07-2009, 10:26 PM شكرا يا جماعه لاهتمامكم حاجة تانية كمان ياريت حد يحكيلنا عن اول يوم ليه فى الكلية كان حلو ولا وحش عمل ايه وكده يعنى ويبقى لكم جزيل الشكر اول يوم دا محتاج حاجه واحده حد هادى خاصه لو عندك محاضرات علشان مش ترتبكى بس لو دخلتى وانتى مرتبكه وخايفه وتبقولى هيحصلى ايه وهاخد ايه والدكتور دا بيقول ايه هتوترى اوى خليكى كول فى اول يوم دا جامد على اد ماتقدرى بصى مش مطلوب منك اول يوم انك هتفهمى كل حاجه الدكتور اللى ادامك دا بيقولها لان نظام جديد ولغه جديده حاولى تركزى معاه اول يوم كان بالنسبالى يوم لذيذ اوى ارخم حاجه فيه ان كان فى رمضان والجو حار على الاخر والمدرج مليان علشان الجروبين كانوا مع بعض والمدرج صغير عليهم بس كان يوم جميل على الاخر حاولوا علاقتكم تبقى كويسه مع كل زمايلكم وخاصه فى الساشكن بصوا لمااعرف اان الجدول نزل هجيبه على طول وكذلك ارقامك وبردو لو حد منكم عارف حاجه يبلغنا يالا بيس ياجماعه واى حد عنده اى سؤال يسال ولو معرفتوش هنسال فيه حد تانى اتمنى لكم اجازه سعيده الشفق الباكي 31-07-2009, 10:30 PM هو من المؤكد انها مش هتتلغى .. كل سنة بيقولوا كدا ومش بيلغوها ,, وبرده السنة اللى قبل اللى فاتت قالوا هتبقى اخر سنة تدرس اعدادى فيزياء وللاسف مفيش حاجة اتغيرت .. فكلها اشاعات والعميد مصرحش باى حاجة م الكلام ده خالص ع ما اعتقد مدينة جيهان احسن :angry2: بص يا جميل :( انا برده كنت محتار كدا ايام التنسيق بس انا فى راى صيدلة احسن بكتير من طب اسنان ومجال عملها افضل سواء داخل مصر او خارجها :stickjo4: وغير كدا انا معتقدش ان فى حد دخل صيدلة المنصورة وندم ان دخلها :) لانه بجد اخر راحه الواحد طول السنة طناش ومش بيذاكر غير ايام الامتحانات :av4056bb7jp3: وحتى المحاضرات كلها بتنزل فى مكتبة paper :006et4: اول باول .. يعنى نصيحة منى ادخلى صيدلة وعمرك ما هتندمى :slap1qk6: ولو ندمتى ابقى تعالى اضربينى :stickjo4: او ممكن ادفعلك غرامة :) و اى حد محتاج مساعدة يا جماعه ان شاء الله هحاول اساعده باللى اقدر عليه :) كان معكم من امام كلية صيدلة المنصورة .. انا :av4056bb7jp3: :abdoog8: اممممممممممممم انا طبعا مع الدكتور لا طبعا صيدله بس على حسب ميولك وطموحك تعرفى انا كان مجموعى قابل اسنان السنه اللى فاتت والمنصوره بس مكنش عندى ادنى طموح ولاميول ليها بصى اهم حاجه رغبتك وحاولى تحدديها من دلوقت بصوا ياجماعه اعدادى سهله جدا باذن الله بس حبوها اهم حاجه تحبوا الحاجه اللى بتاخدوها بصوا انا الحمد لله جبت جيد جدا 80% وماذكرتش ربع مذاكره ولا تمن حتى بس الحمد لله كنت حابه الكليه والمواد اللى علت تقديرى هى المواد اللى حبتها اكتر لكن المواد اللى عملت بينى وبينها حاجز نزلت فيها مع انها اسهل من المواد التانيه سبحان الله والله المواد لذيذه وربنا يوفقكم الشفق الباكي 31-07-2009, 10:35 PM وصلت الحمدلله معلش انا هدايقك بالاسئلة بس هم امتى بيلغوا الاعدادى هههههههههههههه بقولك ايه كلها مسائل اداريه ملناش دعوه بيها هى هى يلغوها مش يلغوها مش فارقه معانا مش هتختلف معاكم كتير غير فى الفيزيا هو الدكتور مصطفى كمال صدعنا السنادى هنجحكم كلكم السنادى علشان ماتبقاش حاجه تربطكم بعلوم وعلشان مفيش اعدادى عندكم السنه الجايه الله اعلم كله كلام اه على فكره دكتور مصطفى كمال دا اطيب دكتور ممكن تشوفوه سكره بجد بس بينسى وطول المحاضره هيقولكم انا كنت بقول ايه بس اى سؤال عاوزينه اسالوه على طول ليه وهو عادى هيرد حتى لو فى الشارع دا الدكتور الوحيد اللى كنت بعرف اتكلم معاه لما اقابله اى سؤال عاوزه اساله اوكى كل سنه وانت طيب اوكى بجد متسااااااااااااامح جدا جدا جدا قريب من الطالب المحترم جدا جدا استغلووووه ياجماعه هو والدكتور عماد الشيوى asma22 01-08-2009, 11:38 AM شكرا جدااااااااا يا دكتورة شفق الواحد بقى كده له خلفيه عن اللى ممكن يحصل ان شاء الله بجد كلامك عن المواد والدكانرة طمنى اوووووووووووى الواحد بقى مشتاق انه يروح ويشوف ايه اللى هيحصل يلا كلها شهر وكله يبقى مباشر ان شاء الله الشفق الباكي 01-08-2009, 03:51 PM ايه دكتوره دى انا ادكم والله ههههههههههههههههه مواليد 92 بس دخلت المدرسه 5 سنين مش سته دا اللى فرق فى السنين الدراسيه اسمى منى اوكى اى سؤال بجد اواى حاجه عاوزين تعرفوها عن الكليه انا موجوده الشفق الباكي 01-08-2009, 05:34 PM ان شاء الله لما الجدول يظهر عندى ليكوا مفاجاه ان شاء الله تعجبكم Dr.KaJoo 03-08-2009, 08:41 AM انا جاتلي صيدلة المنصورة بس بفكر احول طب اسنان لكن انا اصلا لا مقتنعة بصيدلة وله طب اسنان:( ومش عارفة ادخل ايه كل ما ابدأ اقتنع بكلية تحصل حاجة تخليني اغير رايي انا محتارة جدا حتى لما جيت اكتب الرغبات كتبت اول رغبة صيدلة المنصورة بس مكنتش واثقة من الاختيار وقلت انا اكتبها وخلاص وممكن ابقى احول بعد التنسيق بجد محتارة جدا وصليت استخارة 3مرات ولسه محتارة:bosyht9: انا هقولك من الاخر مفيش احسن من صيدله بالذات للبنات مستقبلها جميل جدا جدا جدا و سهله و ممتعه فى نفس الوقت و برده صلى استخاره لحد ما توصلى لقرار ان شاء الله etisalat__011 03-08-2009, 09:27 AM مبروووووووووووووك يا دكاترة أنا مش عارف انا ايه اللى جابنى هنا انا داخل هندسة المنصورة على العموم مبرووووووك بس عندى سؤال و محدش يزعل منى اتفقنا ؟؟ بتزعلوا لما حد يقول عليكوا بياع ؟؟؟ أو فكة خمسة جنيه لو سمحت ؟؟؟؟؟؟ -ameer- 03-08-2009, 09:56 AM مبروووووووووووووك يا دكاترة أنا مش عارف انا ايه اللى جابنى هنا انا داخل هندسة المنصورة على العموم مبرووووووك بس عندى سؤال و محدش يزعل منى اتفقنا ؟؟ بتزعلوا لما حد يقول عليكوا بياع ؟؟؟ أو فكة خمسة جنيه لو سمحت ؟؟؟؟؟؟ طب ونت هتزعل لما تبقي بشمهندس ومش لاقي شغل وتشتغل في محل بياع ويقولولك فكة خمسة جنية لو سمحت؟؟؟؟؟؟؟؟؟؟؟؟؟؟؟؟ واظن من الغباء ان يتقال عن الصيدلي بياع ولو انت شاطر للدرجاتي روح اقف في صيدلية وورينا هتبيع ازاي :abdoog8: etisalat__011 03-08-2009, 05:41 PM أولاً أنا قولت محدش يزعل منى و انته شكلك زعلت بردوا و بعدين أنا مجال تخرجى مش حيوقفنى إطلاقاً فى محل بياع و لكن ممكن على أسوء تقدير فى شركة كمبيوتر و كمان صيانة ثالثا خريج تجارة بيقفوا فى الصيدلية و زيهم زى الدكاترة مش بيميز الدكاترة غير أن لو حد جه قلك انا عندى كذا أخد ايه و بعدين أنا كنت بستهدف و الله أنى أخليكوا تقولوا لاء إحنا كلنا ناويين على الشغل فى مجال تصنيع الأدوية ويبقى فى تحدى بس و مبرووووووووووووووك ليكوا يا دكاترة تانى و انا مقصدتش ازعل حد أنا أختى فى صيدلة بردوا بس انا مش عاجبنى ان دكاترة زى الورد زيكوا يطلعوا يقفوا فى صيدلية يبيعوا دوا وبس أعتقد مجال تصنيع الأدوية أحسن مليون مرة ولا ايه يا أمير ... مستنى ردك تانى و متزعلش و خلينا نتكلم بلاطفة ... و بعدين خد هنا مفيش مبرووووك ليا على هندسة ؟؟؟ ASOOOM 03-08-2009, 10:20 PM لو سمحتوا كنت عايزه اعرف اي معلومات عن السكن في المنصورة وايه الافضل المدينة ولا بيت الطالبات ولا الايجار وياريت اي معلومات عن اماكنهم بالنسبة لكلية الصيدلة Bent 3bdo 04-08-2009, 12:12 PM أولاً أنا قولت محدش يزعل منى و انته شكلك زعلت بردوا و بعدين أنا مجال تخرجى مش حيوقفنى إطلاقاً فى محل بياع و لكن ممكن على أسوء تقدير فى شركة كمبيوتر و كمان صيانة ثالثا خريج تجارة بيقفوا فى الصيدلية و زيهم زى الدكاترة مش بيميز الدكاترة غير أن لو حد جه قلك انا عندى كذا أخد ايه و بعدين أنا كنت بستهدف و الله أنى أخليكوا تقولوا لاء إحنا كلنا ناويين على الشغل فى مجال تصنيع الأدوية ويبقى فى تحدى بس و مبرووووووووووووووك ليكوا يا دكاترة تانى و انا مقصدتش ازعل حد أنا أختى فى صيدلة بردوا بس انا مش عاجبنى ان دكاترة زى الورد زيكوا يطلعوا يقفوا فى صيدلية يبيعوا دوا وبس أعتقد مجال تصنيع الأدوية أحسن مليون مرة ولا ايه يا أمير ... مستنى ردك تانى و متزعلش و خلينا نتكلم بلاطفة ... و بعدين خد هنا مفيش مبرووووك ليا على هندسة ؟؟؟ نبقى نجرب نخلى الدكاترة اللى زى الفل دول مايبقوش شتغلوا ف صيدليات يوم واحد بس وشوفوا هتحتاسوا ازاى Dr.KaJoo 04-08-2009, 04:32 PM عايزين نعرف لو فى حد معانا قدم للكليه خلاص او حد يكون متردد يقدم و خايف Dr.KaJoo 04-08-2009, 04:45 PM اسمها اعدادي عادي انا سالت في شؤون الطلبه النهاردة مفيش اولى حديث ولا الكلام ده و فيه حاجه كمان (المدرجات اتكيفت الحمد لله ) متعرفوش كنا بنبقى عاملين ازاى فى الحر السنه اللى فاتت ASOOOM 04-08-2009, 04:59 PM لو سمحتوا كنت عايزه اعرف اي معلومات عن السكن في المنصورة وايه الافضل المدينة ولا بيت الطالبات ولا الايجار وياريت اي معلومات عن اماكنهم بالنسبة لكلية الصيدلة يا ريت حد يرد عليا لان الموضوع دا ازمة بالنسبة لي والتقديم احتمال يكون الخميس بس الاكيد ان يوم الاحد 9/8 ودا ميعاد مضمون 100% Dr.KaJoo 04-08-2009, 05:17 PM بصى يا دكتوره انا مش اعرف قوى ايه الاحسن بالنسبه للبنات بس اظن الاحسن ليكى مدينة الطالبات اللى جنب الكليه تقريبا اسمها الامل و على فكره المدينه احسن للبنات من السكن الايجار و ان شاء الله انا هروح الجامعه يوم الخميس اسالك على المدينه و على كل حاجه الشفق الباكي 05-08-2009, 03:11 AM المدرجات اتكيفت دى دفعه محظوظه ناقص تقولوا احمد جوهر مش هيديهم وساعتها هايخدوا حته عين مايعلم بيها الاربنا بصى المدينه اللى جنب كليتنا الزهراء بس مش هقدر افتيكى بجد لانى مجربتش وماعرفش ايه الاحسن بس عامة الصيادله مش بياعين اصلى شميت ريحه حاجه زى كده فى التوبيك يباشمهنس الصيادله دول لولالهم على البلد ههههههههههه كان زمانها عمرت من زمان لابجد مفيش كليه وحشه صيدله وهندسه واسنان وبيطرى كله كويس asma22 05-08-2009, 10:54 AM انا من ساعه ما دخلت التوبيك ده وحبيت صيدلة جدااااااااااااااااا كنت الاول متقبلاها لان مجموعى جابها وخلاص وبعدين كل كلية ياجماعه لها مميزاتها ولها عيوبها هندسة لها مميزاتها ولها عيوبها وكمان صيدلة والاتنين مهمين وبعدين عادى لما نفك لحد 5 جنيه حضرتك لو ماشى فى الشارع وحد قالك فكة خمسة مش هتفكيله ربنا يوفقنا جميعا فى كلياتنا ان شاء الله ونقدر نقدم حاجة بيها للاسلام asma22 05-08-2009, 10:56 AM نسيت سؤال هو البلطو بنشتريه ولا بنجيبه ازاى Dr.KaJoo 05-08-2009, 07:32 PM دكتوره منى كله الا احمد جوهر يا دكتوره دا الوحيد الى خلانى مش احب الكليه فى الاول بس هى فتره و بنتعود عليه :d المهم يا اسماء انتى لما تدخلى الكليه هتحبيها اكتر ان شاء الله و بالنسيه للباطلو و الادوات بتاعة الكيميا دى اسهل حاجه ان شاء الله اناكنت شاريه من مكتبة الاصيل قدام بوابة الجلاء و متقلقيش كل دى حاجات هايفه باذن الله Dr.KaJoo 05-08-2009, 07:40 PM و بالنسبه للباطو برده لازم يكون معاكى فى سكاشن مادتين بس هما ( الكيميا و النبات ) لازم منعا للطرد و الاحراج :d لكن فى الفيزيا و الحيوان مش مهم البالطو -ameer- 05-08-2009, 08:45 PM لا انا مزعلتش ولا حاجة وانا اصلا قدامي حاجتين مكان الصيدلية جاهز وقدام مركز طبي يعني هتشتغل زي الفل وقدامي شركة ادوية ليا فيها معارف ولما اتخرج يبقي يحلها حلال وبعدين مبروك ياعم علي الهندسة وياريت اقف في محل بدل القعدة في البيت دي واية رايك تدخل معايا في مشروع هنفتح محل انا هدفع 145 جنية وانت تكمل وابقي تعالي كل يوم اسالني علي فكة 5 جنية وانا اقولك ممعيش asma22 06-08-2009, 10:11 PM شكرا جدااااااااااا يا اخوانا الدكاترة ربنا يجزيكم خير يارب على المساعدة دى M.TAHER 07-08-2009, 10:30 PM شكرا لدكتورة منى وسعيد ( كاجو) حبيب قلبى على مساعداتهم الجميله دى وانا هضيف حاجة عرفتها من على موقع الكليه يا رب تفيدكم ان شاء الله ميعاد الكشف الطبى بتاعكم هيبقى يوم الاثنين 17-8-2009 المكان للشباب مدرجى البدراوى 1-2 بكلية الحقوق للبنات مدرج دكتور عساف ودكتور عصام زايد بكلية التجارة M.TAHER 07-08-2009, 10:33 PM الف مبرووك ليكم على دخولكم كليه الصيدلة .. ان شاء الله تقضوا فيها احلى ايام بالتوفيق ان شاء الله :) asma22 08-08-2009, 08:46 AM شكرااااااا جدااااااااااااا وافونا ان شاء الله بالمستجدات ع الساحه ان شاء الله لغاية ما ندخل اول يوم ويبقى اثبتنا الحمدلله فى الكلية ويبقى كده خدمتونا خدمه كبيرة جداااااااااا ربنا يجزيكم خير عليها Dr.KaJoo 08-08-2009, 05:43 PM ان شاء الله اى جديد فى الكليه او التقديم ا الكلام ده هتكونوا اول ناس تعرفوه باذن الله و ربنا معاكوا و معانا Dr.KaJoo 08-08-2009, 05:56 PM الكشف الطبى ده اى كلام اساسا متقلقوش من اى حاجه دى حاجه روتينيه و خلاص Mostafa 3laa 10-08-2009, 01:47 AM اهلااااااااااااااان بجدعان اعدادى شفتكو وانتو بتقدمو كان شكلكو يفرح بس يارب تفضلو مبسوطين كده على طول وتبقى سنه جميله كليتنا احلى كليه ف المجموعه الطبيه ومحدش يفكر ثانيه واحده قبل ما يدخلها........ادخل وانت مطمن فى ماده ممله بس اللى هى النبات عشان الدكاتره اللى بيدوها:angry2: بس ان شاء الله سهله يعنى الورق بينزل وكله ف التمام :av4056bb7jp3: نصيحه:بلاش تقعدو اول يوم ف اول المدرج....بتبقى معركه قدام واللى بيكسب فيها هما البنات طبعا :abdoog8::049gc0: يلا مرحب بيكو معانا ف صيدله وربنا يكرمكو وتجيبو امتياز كلكو ف اول سنه ليكو ف الجامعه :078111rg3: انا مصطفى علاء زميلكو ف اولى بقالى كتير هنا من ايام ما كنا 3 بس اللى بنشارك هنا من صيدله المنصوره :) عايزين نشوف شغل اعدادى الجديده بقى asma22 10-08-2009, 09:10 AM سؤال صغير هو احنا ان شاء الله لما نروح نقدم بيبقى التقديم فى يوم والكشف الطبى فى يوم ولا الموضوع ازاى -ameer- 10-08-2009, 10:39 AM اة التقديم في اي وقت وبتاخدي ورقة الكشف الطبي اللي هو يوم 17\8 نصيحة اللي عايز يقدم يروح قبل الساعة 9 علشان هيشوف المر علي ما يدفع المصاريف في الخزنة asma22 10-08-2009, 10:51 AM بعنى احنا ان شاء الله نروح نعمل الكشف الطبى الاول وبعدين ناخد الورقة ونروح نقدم ؟ طب المصاريف اد ايه -ameer- 10-08-2009, 11:41 AM بعنى احنا ان شاء الله نروح نعمل الكشف الطبى الاول وبعدين ناخد الورقة ونروح نقدم ؟ طب المصاريف اد ايه لا انتي تروحي دلوقتي الكلية تقدمي الورق وتدفعي 200 و40 قرش وام حاجة الاربعين قرس دول وبعدين هتاخدي وصل دفع تسلمية تاني للي سلمتية الورق في الاول وهيعطيكي ورقة الكشف الطبي تاخديها وتروحي يوم 17\8 كلية تجارة تعملي الكشف الطبي Moky 10-08-2009, 11:50 PM انا الحمد لله رحت قدمت انهارده في صيدلة:d ربنا يعمل اللي فيه الخير شكرا على نصايحكم وربنا يستر علينا في الكلية Dr.KaJoo 11-08-2009, 02:43 AM ربنا يستر عليكم ان شاء الله بصراحه شكلكوا جميل اوى و انتوا بتقدموا فكروتونى باليوم اللى قدمت فيه كان يوم منيل بمليون نيله كان فى رمضان وشفت يوم و الله عمرى ما هنساه فى حياتى Dr.KaJoo 11-08-2009, 02:47 AM متفكرونيش بيوم التقديم كان يوم منيل بمليون نيله كان فى رمضان و الله يوم عمرى ما هنساه اتعذبت عذاب فى اليوم ده مش شفته قبل كده فى حياتى Dr.KaJoo 11-08-2009, 04:24 PM ربنا معاكوا يا رب Dr.KaJoo 13-08-2009, 07:28 PM ايه اخر الاخبار فى الكليه حد راح يقدم قريب ولا ايه؟ -ameer- 13-08-2009, 09:12 PM انا قدمت خلاص والكشف الطبي يوم 17\8 الشفق الباكي 13-08-2009, 10:14 PM دكتوره منى كله الا احمد جوهر يا دكتوره دا الوحيد الى خلانى مش احب الكليه فى الاول بس هى فتره و بنتعود عليه :d المهم يا اسماء انتى لما تدخلى الكليه هتحبيها اكتر ان شاء الله و بالنسيه للباطلو و الادوات بتاعة الكيميا دى اسهل حاجه ان شاء الله اناكنت شاريه من مكتبة الاصيل قدام بوابة الجلاء و متقلقيش كل دى حاجات هايفه باذن الله ههههههههه مين دا دوك احمد جوهر لازم نتقبله غصب عننا باى طريقه كانت علشان نعدى :o الشفق الباكي 13-08-2009, 10:18 PM قدمتوا طيب الحمد لله مش تفكرونى باليوم دا علشان كان يوم خرافه بس صدقونى كله يهون علشان خاطر عيون صيدله ملحوظه صغيره ماتحطوش حاجز بينكم وبين النبات بجد هو محتاج حد باله بس طويل ويحبه لو كرهتوه مش هتعملوا فيه حاجه مهما حسيتوا انه رزل دوسوا فيه بردو -ameer- 13-08-2009, 11:29 PM قدمتوا طيب الحمد لله مش تفكرونى باليوم دا علشان كان يوم خرافه بس صدقونى كله يهون علشان خاطر عيون صيدله ملحوظه صغيره ماتحطوش حاجز بينكم وبين النبات بجد هو محتاج حد باله بس طويل ويحبه لو كرهتوه مش هتعملوا فيه حاجه مهما حسيتوا انه رزل دوسوا فيه بردو خرافة اية !!!!!!!!!! دي يوم تاريخي رحت قدمت وياريتني ما رحت في الاول وقفت في صف فية حوالي 150 واحد وبعد معاناة وصلت للشباك وسلمت الورق وعطوني اذن دفع خدتة وقلت خلاص الصعب عدي وهروح ادفع وانتهي الموضوع ووصلت للخزنة والاقي 5 الاف شخص واقفين يتشاكلوا علشان يدفعوا فقلت اقف زيهم وبعد 3 ساعات ولما قربت من الشباك وخلاص بقيت الرابع وهانت الاقي الشباك بيتقفل ويقولي شطبنا تعالوا بكرة http://saydala-online.alafdal.net/users/56/42/39/smiles/356438.gif رجلي ورمت من الوقفة وفي الاخر رجعت بولا حاجة ورحت تاني يوم من الساعة 8 ونص وملقتش ولا واحد خلصت الورق في دقيقة وروحت Dr.KaJoo 14-08-2009, 04:04 AM قدمتوا طيب الحمد لله مش تفكرونى باليوم دا علشان كان يوم خرافه بس صدقونى كله يهون علشان خاطر عيون صيدله ملحوظه صغيره ماتحطوش حاجز بينكم وبين النبات بجد هو محتاج حد باله بس طويل ويحبه لو كرهتوه مش هتعملوا فيه حاجه مهما حسيتوا انه رزل دوسوا فيه بردو هو النبات ده هو اللى ممكن يعقدكوا بس حاولوا تدوسوا فيه الترم الاول سهل جدا فى كل المواد عكس الترم التانى خالص عندك حق يا دكتوره منى لازم نتعود على احمد جوهر و طريقة كلامه اللى بتخلى الواحد يفقد اعصابه والله :angry2: يلا ربنا معاكوا يا رب الشفق الباكي 14-08-2009, 08:01 PM خرافة اية !!!!!!!!!! دي يوم تاريخي رحت قدمت وياريتني ما رحت في الاول وقفت في صف فية حوالي 150 واحد وبعد معاناة وصلت للشباك وسلمت الورق وعطوني اذن دفع خدتة وقلت خلاص الصعب عدي وهروح ادفع وانتهي الموضوع ووصلت للخزنة والاقي 5 الاف شخص واقفين يتشاكلوا علشان يدفعوا فقلت اقف زيهم وبعد 3 ساعات ولما قربت من الشباك وخلاص بقيت الرابع وهانت الاقي الشباك بيتقفل ويقولي شطبنا تعالوا بكرة http://saydala-online.alafdal.net/users/56/42/39/smiles/356438.gif رجلي ورمت من الوقفة وفي الاخر رجعت بولا حاجة ورحت تاني يوم من الساعة 8 ونص وملقتش ولا واحد خلصت الورق في دقيقة وروحت هههههههههههههههه لا عادى اصل انا ابن عمتى الل قدملى وانا كنت بتفرج عليه بصراحه منظره كان فظيع الجو حر وانا قاعده فى مكان مفيهوش شمس وهو من الشباك دا لدا DR/ASMAA 14-08-2009, 10:00 PM بصراحة انا قرات كل اللى كتبتوه وحبيتكوا جدا من مجرد كلامكم ونفسى اتعرف عليكم لما اخش الجامعة Dr.KaJoo 15-08-2009, 02:37 AM و احنا كمان نتشرف بمعرفتك يا دكتوره اسماء و اهلا بيكى معانا لو محتاجه اى حاجه كلنا معاكى ان شاء الله كلنا هنا بنساعد بعض واهلا بيكى معانا مره تانيه DR/ASMAA 15-08-2009, 03:28 PM شكرا جدا واتمنى بجد انى اتعرف بكم الشفق الباكي 16-08-2009, 05:06 AM هههههههههههه ان شاء الله ياسمسمه هتعرفينى كلنا ماتستعجليش يااااااااااااااه الكليه دى اسهل حاجه فيه انك تشوفى الناس بس اصعب حاجه تعرفى هم مين Dr.KaJoo 18-08-2009, 06:57 AM يا رب يكون الكشف الطبى عدى على خير و اخدتوا فكره عن الكليه و الورق اللى اتوزع عليكوا فى كل حته :d DR/ASMAA 18-08-2009, 10:43 AM اولا الكشف الطبى كان اسهل حاجه يعنى ممكن نقول كان اى كلام ثانيا الورق كان مفيد شويه ثالثا شوفت الويل علشان اختم الورق علشان اوديه المدينه بصراحه انا مش عارفه اليوم ده عدي ازاى انا لما روحت فضلت نايمه للساعة11 انا عمري ما هقدر انسى اليوم ده hanona 91 18-08-2009, 11:51 PM السلام عليكم يا دكاتره انا منى اولى صيدله المنصوره ان شاء الله انا بس لسه مسجله جديد هنا والف مبروك لكل الناس اللى هاينورونا فى صيدله السنه الجايه ان شاء الله ملاك2009 20-08-2009, 11:58 AM هااااااااااااااااااااااى يا شباب.:022yb4: انا كمان اعدادى صيدلة المنصورة معاكم ان شاء اللة.:wub: الحمد للة الكشف الطبى كان تمام بس التقديم هو اللى كان بهدلة شوية.:040vk0: انا سمعت كلام كويس عن الكلية وكلام دكتورة منى ودكتور كاجو طمنى جدااااااااا. يا ريت نبقى نتعرف على بعض فى الكلية ان شاء اللة.:friendsxs3: ميرسى بجد لكل اللى قال كلمة علشان يطمنا بيها.:rolleyes::rolleyes::rolleyes: الشفق الباكي 20-08-2009, 12:38 PM السلام عليكم يا دكاتره انا منى اولى صيدله المنصوره ان شاء الله انا بس لسه مسجله جديد هنا والف مبروك لكل الناس اللى هاينورونا فى صيدله السنه الجايه ان شاء الله يعنى كنتى فى اعدادى السنه دى يعنى كنتى معايا واسمك منى ههههههههه منى مين بقى؟؟؟؟؟؟؟؟؟؟؟؟؟؟؟؟؟؟؟؟؟ الشفق الباكي 20-08-2009, 12:40 PM هااااااااااااااااااااااى يا شباب.:022yb4: انا كمان اعدادى صيدلة المنصورة معاكم ان شاء اللة.:wub: الحمد للة الكشف الطبى كان تمام بس التقديم هو اللى كان بهدلة شوية.:040vk0: انا سمعت كلام كويس عن الكلية وكلام دكتورة منى ودكتور كاجو طمنى جدااااااااا. يا ريت نبقى نتعرف على بعض فى الكلية ان شاء اللة.:friendsxs3: ميرسى بجد لكل اللى قال كلمة علشان يطمنا بيها.:rolleyes::rolleyes::rolleyes: ياجماعه والله مش مستاهله شكر ومش تقلقوا خالص اعدادى دى زي شكه الابره ;) هههههههه بجد باذن الله هتبقى كويسه بس ماتحطوش حاجز بينكم وبين ماده معينه علشان نش تضايقوا منها Moky 20-08-2009, 05:23 PM انا مارحتش الكشف الطبي ناوية ابقى اروح ان شاء الله في اليوم اللي حيعملوه للي ماحدروش ربنا يسهل انا من ساعة مقررت اني ادخل صيدلة وانا بسمع كلام متناقض عن الكلية ناس تقولي دي صعبة جدا وناس تقولي لأ دي سهلة جدا واضح ان الواحد مش حيعرف الا لما يدخل الكلية:bosyht9: الشفق الباكي 21-08-2009, 03:05 AM والله الكليه جميله ولذيذه جدا ومش صعبه ولا حاجه محتاجه حد بس والله يركز شويه بس بجد انا مذاكرتش اى مذاكره خالص السنادى والحمد لله ركزوا انتو بس هههههه وكله هيعدى باذن الله mousa_2010 21-08-2009, 07:03 PM اهلا بكل الطلاب الجدد انا فى تانيه صيدلة المنصوره وعلى فكره كلية صيدله سهله جدا بس مع اللى شاغل دماغه بالمذكرات وانا مجرب وانا تحت رايكم فى اى استفسار وكمان مره الف مبروك لكل الطلاب الجدد Dr.KaJoo 22-08-2009, 12:58 PM فعلا هو الكشف الطبى اى كلام بس المشكله بقى فى تقديم الورق و ورق المدينه بالذات انا رحت الكليه يوم الاتنين و كان منظركوا يصعب على الواحد والله و زى ما قلتللكوا قبل كده مش هتنسوا اليوم ده Dr/sooma 24-08-2009, 02:52 PM باركولي يا جماعة الحمد لله حولت المنصورة والتحويل اتقبل يعني هكون معاكم بإذن الله وان شاء الله هروح أقدم بكرة :av4056bb7jp3: :av4056bb7jp3: mahmoud ahmed2 24-08-2009, 07:54 PM يا جماعه انا كنت صيدله طنطا وبعدين حولت المنصصوره انا لسه داخل اعدادى ان شاء الله mahmoud ahmed2 24-08-2009, 07:55 PM الحمد لله ان تحويلى اتقبلت وهروح جامعه المنصوره هيا فعلا جامعه تحفه من احيه الشكل والنظافه والمضمون وكل حاجه mahmoud ahmed2 24-08-2009, 07:57 PM بس يا جماعه بالنسبه لماده الzoologyمفيش حد فيكم اتكلم عن تشريح الضفادع والكلام ده ولا ده مش موجود فى المنصوره ولا ايه mahmoud ahmed2 24-08-2009, 07:58 PM وكمان ماده الهستولوجى اللى اعرفه ان طلبه صيدله طنطا بيدخلوا مشرحه طب يشوفوا بس وكمان بيشرحوا وانا بتمنى انى ادخل مشرحه واشرح فى ماده الحيوان بايديا لولا ان الطب مواله طويل كنت دخلته بس عشان المشرحه Drsara 24-08-2009, 07:59 PM السلام عليكم صديقتكم من صيدلة طنطا تمنياتى التوفيق للجميع mahmoud ahmed2 24-08-2009, 08:00 PM يا جماعه حد يطمنى على الاناتومى هنشرح وولا لا مستنى الرد lover rose 24-08-2009, 11:17 PM بس يا جماعه بالنسبه لماده الzoologyمفيش حد فيكم اتكلم عن تشريح الضفادع والكلام ده ولا ده مش موجود فى المنصوره ولا ايه احم احم اولا الزولوجى بسيط جدا جدا عندكم فى اعدادى ومفيش تشريح ضفادع ولااى تشريح بس الترم الاول بارا ودا هتشوف طفيليات بالميكروسكوب وكمان جينتكس dna وشويه معلومات عنه والترم التانى هتاخد فارما وامبريولوجى والاتنين بجد لذاذ جدا يارب اكون قدرت افيدك الشفق الباكى بس دى عضويه اختى لو عايز تسأل فى اى حاجه تانيه اوكى اتفضل lover rose 24-08-2009, 11:19 PM مش كل الطفيليات بالميكروسكوب فى طفيليات هتقدروا تشوفوها بعينكم زى الاسكارس سواءmale or female ومفيش هستولوجى فى اعدادى ولا اناتومى ولااى حاجه من دى ان شاء الله لما تطلعوا اولى اللى انا لسه طالعها باذن الله هتاخدوا اناتومى وفسيولوجى وهستو اعتقد بس كده الشفق الباكى mahmoud ahmed2 25-08-2009, 02:39 AM طيب اششمعنى طلبه طنطا هيشرحوا فى الترم الاول فى ماده الحيوان الضفدعه وكمان فى الترم التانى بياخدوا اناومى وبيدخلوا مشرحه حد يرد عليا ليه المواد مختلفه ولا هما خبرتهم هتبقى زياده عننا زى ما بنسمع mahmoud ahmed2 25-08-2009, 02:42 AM يعنى هيا صيدله المنصوره مفيهاش اى تشريح خالص فى اى سنه اى حد يعرف اتمنى يفيدنى يا جماعه lover rose 25-08-2009, 02:42 AM اممممممممم مش عارفه هم عندهم اعدادى الاول ولالا ثانيا ان شاء الله لازياده خبره ولاحاجه اولا واخيرا هتقول انا صيدلى وهو صيدلى بس هم عندهم اعدادى ولالا؟ احنا هنشرح حاجات زى دى تقريبا فى فارما 3 والهستولوجى فى اولى باذن الله والاناتومى بردو فى اولى والفسيولوجى الشفق الباكى lover rose 25-08-2009, 02:43 AM يعنى هيا صيدله المنصوره مفيهاش اى تشريح خالص فى اى سنه اى حد يعرف اتمنى يفيدنى يا جماعه عندنا اناتومى طب فى سنه اولى بس تقريبا مش هنشرح حاجه بس اللى هنشرح فيه ضفادع وكده هتبقى فارما 3 باذن الله هو انت عايز تشرح ليه؟ dr\7atem 25-08-2009, 02:19 PM هاى شباب انااسمى ايمن وداخل السنادى باذن الله صيدلة المنصورة وكنت عايز اعرف من زمايلنا هو جدول محاضرات اعدادى بينزل امتى وفين بالضبط مبنى اعدادى لانى بصراحة لما رحت هناك تهت وشكرا على مجهودكم الغالى الشفق الباكي 25-08-2009, 03:36 PM محاضرات اعدادى فى المبنى ج الدور الرااااااااااااااااااااااااااااااااااااااااااااااا ااااااااااااااااااااااااااابع يعنى هتطلعوا اربع ادوار والجدول اعتقد لسه مانزلش mahmoud ahmed2 25-08-2009, 07:38 PM بالنسبه لعاوز اشرح ليه فانا بعتبرها هوايه اقصد يعنى انى بحب القنوات اللى بتجيب عمليات جراحيه وتشريح وكده زى قناه حورس مثلا تانى حاجه بالنسبه لاناتومى طب ده اللى فى سنه اولى انا عارف انى مش هشرح بس هل انا هدخل مشرحه؟؟؟؟؟؟؟؟؟؟؟؟؟؟؟:romarioxp6: تالت حاجه بالنسبه لفارما 3 اللى هنشرح فيها الضفدعه هتبقى فى سنه كام وهل فعلا التشريح موجود بجد؟؟؟؟؟؟؟؟؟:romarioxp6: يا جماعه مش عاوز اندم انى مدخلتش طب وجيت صيدله بمزاجى انا كان نفسى بس ادخل طب عشان التشريح حد يريحنى ويجاوبنى وبالتوفيق:040vk0: mahmoud ahmed2 25-08-2009, 07:41 PM اظن من الشكل الاخير ده باين انا حيران ومضايق اد ايه mahmoud ahmed2 25-08-2009, 07:42 PM ايه يا جماعه هو انا لوحدى هنا ولا ايه مفيش حد خالص هو الصيام ماثر اوى كده mahmoud ahmed2 25-08-2009, 07:44 PM هااااااااااااااااااااااااااااااااااااااااااااااااا ااااااااااااااااااا:slap1qk6:ااااااااااااااااااااا اى:av4056bb7jp3: mahmoud ahmed2 25-08-2009, 07:45 PM اوك اوك لوحدى لوحدى انا مستنى الرد الشفق الباكي 25-08-2009, 11:27 PM بص يادوك محمود فارما سنه تالته فيها تشريح بس بتاخد تاثير drug معين على حيوانات التجارب سواء فار او ضفدعه يعنى بتخدرها وتديها دوا حاجات زى كده وتشوف تاثيره على سلوك معين او انقباض عضله حاجات زى دى مفيش تشريح من بتاع طب بالنسبه لاناتومى سنه اولى اعتقد اغلبه نظرى وهسأل لحضرتك تانى واقولك بالتوفيق بس لو حضرتك عايز تشريح تشريح ليه مادخلتش طب mahmoud ahmed2 26-08-2009, 04:04 AM مدخلتش طب لان احنا عندنا الصيدله بنحبها بالفطره ليا اخ صيدله واخت صيدله بس طنطا انا حبيت اغير وجيت المنصوره وكمان بالاضافه لموال الطب الرخم والزايد اوى عن اللزوم وكمان رفعوا التكليف بس انا هحاول ابقى ادخل مشرحه مع زمايلى فى طب اشوف بس وليا زمايل فى طنطا عملوها mahmoud ahmed2 26-08-2009, 04:09 AM انا كمان متاجك تفيدنى فى سؤال كده بالنسبه للمعيدين هما بس اللى بيختاروا اى قسم من الاقسام يتخصصوا فيه انما كليه صيدله للطلبه بيدرسوا كل الاقسام صح ده غير الطب يعنى اللى فيه الكالب بيتخصص فى فرقه معينه؟؟؟؟؟؟؟؟ انا امنيه حيات ابقى معيد ازاى بيتم اختيار المعيدين هل حسب حاجه كل قسم ولا ليهم عدد ثابت عالضفعه كل سنه وبلاش تحبطنى وتقولى لو معاك ابن دكتور والكلام ده والنبى لانى انا اعرفشخصيه جاااااااامده اوى فى الكليه بس مليش فى شغل الوسايط ده عشان ربنا يباركلى فى تعبى ومستقبلى:078111rg3: الشفق الباكي 26-08-2009, 04:17 AM العدد بيبقى على حسب احتياج الاقسام فى السنه دى وبالنسبه للمعيدين اللى بيختارهم كل قسم بيبقى على حسب تقدير الماده dr/yasmina 26-08-2009, 05:54 AM انا ان شاء الله داخله اعدادى بس خايفة جدا لانى مش عارفة حد خالص بالكلية وكل اصحابى دخلو كليات تانية انا مرعوبة جدا من اول يوم ومش عارفه هعمل ايه هو اوول يوم بتقضوه ازااااى DR/ASMAA 26-08-2009, 09:53 AM لا متخافيش ابدا لان من الطبيعى انك هتكونى صداقات جديده ان شاء الله لما تدخلى الكليه وان شاء الله نبقى كلنا اصحاب ASOOOM 26-08-2009, 12:27 PM ازيكو يال جماعة كل سنة وانتم طيبين رمضان كريم انا لسه رايحة اعدادي صيدلة وكنت عايزه اعرف لو في ادوات باشتريها للمعامل زي انابيب الاختبار وكده وكنت عايزه اعرف لو هنلبس بالطو هلهو نفسه بتاع كلية الطب وياريت اعرف الاقي الحاجات دي فين ولو لينا بالطو بنشتريه ولا بنفصله ياريت تفيدوني علما باني مش من المنصورة انا من دمياط ولكم مني جزيل الشكر رمضان كريم Dr.KaJoo 26-08-2009, 02:26 PM انا ان شاء الله داخله اعدادى بس خايفة جدا لانى مش عارفة حد خالص بالكلية وكل اصحابى دخلو كليات تانية انا مرعوبة جدا من اول يوم ومش عارفه هعمل ايه هو اوول يوم بتقضوه ازااااى متخافيش يا دكتوره ان شاء الله هتكونى صداقات جديده اكيده و احسن ناس ممكن تقابليهم هتلاقيهم فى الكليه ان شاء الله و اجمل ايام حياتك هتلاقيها فى الكليه و يارب ربنا يوفقك ان شاء الله Dr.KaJoo 26-08-2009, 02:28 PM ازيكو يال جماعة كل سنة وانتم طيبين رمضان كريم انا لسه رايحة اعدادي صيدلة وكنت عايزه اعرف لو في ادوات باشتريها للمعامل زي انابيب الاختبار وكده وكنت عايزه اعرف لو هنلبس بالطو هلهو نفسه بتاع كلية الطب وياريت اعرف الاقي الحاجات دي فين ولو لينا بالطو بنشتريه ولا بنفصله ياريت تفيدوني علما باني مش من المنصورة انا من دمياط ولكم مني جزيل الشكر رمضان كريم الادوات المعيد بيقول عليها فى المدرج فى المحاضره و بتشتريها من المكتبه عادى و دى مفيش فيها مشاكل و البالطو برده بتشتريه من المكتبه تقريبا من مكتبة الاصيل اللى قدام بوابة الجلاء هتلاقى فيها كل حاجه و ربنا يوفقك ASOOOM 26-08-2009, 02:36 PM لو سمحت كنت عايزة اعرف اماكن المحاضرات هل في مواد بتتاخد في علوم تجارة حقوق و في مبني صيدلة القديم الجديد و ايه هي المواد دي و هل المواد اللي بندرسها في صيدلة بتكون في مكان واحد " الدور الرابع " معلش انا اسفة جدا ممكن سؤال كمان ....... بالنسبة للانتظام فى الكلية نروح امتى ؟ وهل السبت دراسة ؟ واخر سؤال مؤقتا اين يوجد جدول المحاضرات؟ الشفق الباكي 26-08-2009, 04:07 PM الجدول اعتقد لسه مانزلش ياجماعه وعامة بيتعلق فى tablueبتاع اعدادى ومفيش محاضرات برا مبنى الكليه الجديد لكن فى سكاشن برا الكليه فى كليه علوم سواء حيوان او فيزيا والمواد وعن ايه وكده هتلاقيها فى الصفحه الاولى وهعملها كوبى ان شاء الله الشفق الباكي 26-08-2009, 04:08 PM مواد اول سنه (اعدادى) نبات ودا بيديه دكاتره العقاقير كيميا تحليليه ترم اول كيميا عضويه ترم تانى فيزيا (دول من علوم) هتاخدوا حراره وكهربيه ومودرن ترم اول وخواص ماده ومودرن وكمان ضوء داترم تانى حيوان ترم ترم اول طفيليات وجينتك ودول جمال على الاخر اهم حاجه فى الطفلييان الرسم ودورات الحياه وهتاخدوا كذا طفيل هتقسم species and families بجد حلوين بلهارسيا ولشمانيا واسكارس وانكلوستوما وتريانوسوما وشويه حاجات كده بس سهله خالص الجينتكس هتاخدوا DNA وبعد كده الانقسام الميوزى والميتوزى اعتقد دكتور شريف عابدين هو اللى هيديكوا زينا وامتحان بيبقى لذيذ والمحاضرات هيبقى منزلهالك POWER POINT على موقع الجامعه الترم التانى هتاخدوا مبادئ فارما ودى 3 اجزاء ب 3 دكاتره مختلفين ودول هيتاخدوا فى صيدله والساكشن كمان وهتاخدوا امبريولوجى (على اجنه) دا فى علوم 4 سكاشن وهتمتحنوا عملى دول طبعا ترم تانى عندكوا انجلش ترم اول من 50 وسهل اوى وليه 2 محاضره فى الاسبوع وحقوق انسان محاضره فى الاسبوع ومش بيضااف لكن ماده رسوب ونجاح dr/yasmina 26-08-2009, 06:14 PM ممكن حد يحكلنا عن اول يوم كان عامل ازاى وهل كنتم عارفين حد ولا لاءه انا مرعوبة لانى مش عارفه حد فى صيدلة وهروح لوحدى .. كل صحباتى دخلو هندسة وطب Moky 26-08-2009, 08:06 PM ممكن حد يحكلنا عن اول يوم كان عامل ازاى وهل كنتم عارفين حد ولا لاءه انا مرعوبة لانى مش عارفه حد فى صيدلة وهروح لوحدى .. كل صحباتى دخلو هندسة وطب انا برضه كل صحباتي دخلوا كليات تانية وما فيش حد دخل صيدلة معايا ومش عارفة حعمل ايه خاصة اول يوم اعتقد ان بعد كده حنبقى بدانا نتعرف على زميلنا انا برضه خايفة من اول يوم وخايفة من الكلية كلها اصل كل ما حد يقابلني يقعد يقول نظام المذاكرة في الكلية مختلف وطريقة المذاكرة بتاعة ثانوي مش حتنفع:blink: خاصة اني كمان كنت بعتمد على اني احل اسئلة اكتر من اني اذاكر وما فيش في الجامعة كتب خارجية الواحد يحل منها زي ثانوي:lol: asma22 26-08-2009, 09:29 PM يا جماعه ان شاء الله نقابل اصحاب جداد ويبقوا كمان احسن من بتوع ثانوى ان شاء الله بس يا جماعه انا حاسة ان الكلية صغيرة ولا انا اللى بيتهيألى ASOOOM 26-08-2009, 10:44 PM انا شايفه ان اول يوم هيكون غريب وبالرغم من ان معظم صحابي معايا الا اننا كلنا خايفين لان دي اول مرة نكون في مكان زي ده ما نعرفش حد و البلد بالنسبة لنا غريبة" انا من دمياط " وعموما اهو يوم وهيعدي اما عن طريقة المذاكرة فيقال ان المحاضرات والكتاب اهم حاجة وربنا يوفقنا جميعا Dr.KaJoo 27-08-2009, 03:52 AM انتوا بتفكرونى بنفسى السنه اللى فاتت اول يوم برده كنت مرعوب منه اوى بس هو اللى هيحصل هتروحوا الصبح عشان المحاضرات بتبدا الساعه 8 الصبح هتلاقوا الناس كلها واقفين قدام المدرج و لما المدرج يتفتح كله بيضرب بعده عشان يقعد قدام و بنصح الولاد يبعدوا عشان البنات هما اللى بيكسبوا و بقعدوا قدام برده :d المهم هتبدا المحاضرات و هتقعدوا مش فاهمين حاجه فى اى حاجه و كلام غريب كله و هيجيلكوا حاله هستيريه من الضحك لانكوا قاعدين و كانكوا مش قاعدين بس مش تقلقوا الكلام ده مش هيستمر كتير شويه بس على بال ما تاخدوا على الوضع و هتلاقوا بقى طول ما انتوا قاعدين ناس عماله توزع ورق عليكوا دعايه لمكتبات و كلام من ده ( كل الكلام ده فى الفاضى :d ) و بالنسبه للاصحاب و الكلام ده انا قولتلكوا قبل كده هو شهر مش اكتر و هتلاقوا الدفعه كلها عارفين بعض و كلكوا بقيتوا اصحاب و يالذات البنات لان البنات فى الدفعه كتير اوى السنه اللى فاتت كنا 1000 بنت و 300 ولد بس و اللى محتاج حاجه انا موجود انا معاكوا فى اعدادى برده زى ما قلت قبل كده بس متخافوش هى سنه سهله جدا جدا و اسهل من الثانوى كمان بس انا اللى حصلتلى ظروف كده و اتخانقت مع دكتور شيلنى ماده بعيد عنكم :d اهم حاجه متخافوش و هى سنه اسهل من الثانوى ان شاء الله و رينا يوفقنا كلنا ان شاء الله يا رب مش اكون طولت عليكم و زهقتوا منى :d Dr.KaJoo 27-08-2009, 04:12 AM يا جماعه ان شاء الله نقابل اصحاب جداد ويبقوا كمان احسن من بتوع ثانوى ان شاء الله بس يا جماعه انا حاسة ان الكلية صغيرة ولا انا اللى بيتهيألى اكيد هتقابلى اصحاب و احلى اصحاب كمان والله بس حكاية الكليه ضيقه دى بقى انتى غلطانه اولا هتلاقى الناس كلها قاعده عند الشؤؤن فى الظل لما الشمس تروح يقعدوا قدام الكليه لحد ما يزهقوا و كفايه بقى المشوار من الكليه لعلوم و صيدله القديمه دا انتوا هتمشوا مشى ربنا معانا يا رب قولوا امين :d ASOOOM 27-08-2009, 02:25 PM بعد السلام كلية علوم مكانها فين وصيدلة القديمة Dr.KaJoo 27-08-2009, 02:36 PM بعد السلام كلية علوم مكانها فين وصيدلة القديمة صيدله القديمه : بين صيدله الجديده و طب قريبه خالص يعنى مش مشكله علوم : جنب كلية تجاره على طول و هى دى المشكله عشان مشوار كبير بينها و بين صيدله لو تعرفى الجامعه كويس ممكن اقولك المكان بالظبط MENH 27-08-2009, 04:27 PM انا دخلت صيدله وعايزه اعرف ايه هيه الكورسات اللى ممكن نأخدها فى اعدادى الشفق الباكي 27-08-2009, 04:56 PM علوم اقولك كلمه خليكى ماشيه من ادام هندسه وزراعه اول ماتحسى انك تعبتى اعرفى ان لسه فى شويه بصى هى اخر الجامعه خالص اخر حاجه الشفق الباكي 27-08-2009, 04:58 PM الكورسات اللى ممكن تاخديها فى اعدادى ممكن تاخدى فى كل حاجه:d وممكن ماتخديش فى اى حاجه انتى وراحتك;) بصى ياقمر هم عاده يعنى بياخدوا كيميا ونبات سواء كيميا تحليليه الترم الاول او عضويه الترم التانى انا شخصيا الحمد لله مااخدتش السنادى :022yb4: وعدت عادى الحمد لله هذة انا 27-08-2009, 05:55 PM السلام عليكم ورحمة الله وبركاتة ازيك يامنة ياحبيبتى انتى لية ناوية بدرى كدة على كورسات ان شاء الله تكون الكلية حلوة زمش محتاجة كورسات بس هى بتبقى ف البداية بس مش سهلة ودة العادى فى اى مرحلة جديدة بس بشوية صبر هتعدى وتبقى تمام انا عن نفسى عديت الحمد لله اعدادى ومش احتجت دروس الحمد لله لو انتى مصممة يعنى ع الكورسات هما عادة بتكون ف الكيمياء التحليلية ف الترم الاول وكيمياء عضوية ف الترم التانى ونبات فى الترميتن بس بنصيحة مش تفكرى من الوقتى ف الكورسات واستعينى بالله وان شاء الله تكون سنة جميلة هذة انا 27-08-2009, 06:09 PM ممكن حد يحكلنا عن اول يوم كان عامل ازاى وهل كنتم عارفين حد ولا لاءه انا مرعوبة لانى مش عارفه حد فى صيدلة وهروح لوحدى .. كل صحباتى دخلو هندسة وطب سلمتك من الرعب والله انتى بتفكرينى بنفسى اول يوم بس ماتخافيش ان شاء الله هيعدى احنا كنابرضة رايحين كدة ف اول يوم مش عارفين حد وكنا فى غاية الحيرة انتو ان شاء الله هيكون المدرج بتاعكو فى الور الرابع وان شاء الله هيقسموكو حسب الترتيب الابجدى لمجموعتين (أ)(ب) والجدول هيتعلق ليكو ف التابلوة وعلى اساسة هتحضرى المحاضرات والسكاشن وان شاء الله هتتعرفى على اصحاب جمال هتحبيهم اوى وابقى عدى ع المسجد وان شاء الله تلافقينا هناك وهنبقى معاكو لحظة بلحظة ان شاء الله وهنكون تحت امركو وهتلاقينا معاكو طول م انتو ف الكلية وان شاء الله تحبى الكلية ومش تترعبى MENH 27-08-2009, 11:34 PM متشكره ليكى جدا انا مش ناويه أخد كورسات ولا حاجه بس انا كنت عايزه اعرف ايه النظام بس Dr.KaJoo 29-08-2009, 04:29 AM يا جماعه فيه خبر كده بس مش متاكد منه اوى مش هيبقى فيه لينا سكاشن فى صيدله القديمه هناخد سكاشن النبات فى الدور الخامس السنه اللى فاتت كنا بنروح سكاشن النبات فى صيدله القديمه بس النه دى تقريبا فى الدور الخامس بس لسه مش متاكد يارب تبقى فى صيدله الجديده الشفق الباكي 30-08-2009, 12:09 AM تقريبا يادوك صيدله القديمه هتتسلم لطب فمش عارفه صح ولا غلط asma22 30-08-2009, 10:45 PM يا جماعه عاوز اعرف حاجة هو فيه مسجد فى الكلية للبنات ولو فيه هو فة اى مكان بالظبط ده لو كده انا مروحش خالص من الكلية الا اخر اليوم حتى لو فيه ساعات بين المحاضرة والتانية شكلها هتبقى سنة حلوة ان شاء الله Dr.KaJoo 31-08-2009, 04:05 AM تقريبا فيه مسجد للبنات فى الكليه كان فى الدور الرابع السنه اللى فاتت و ان شاء الله هتبقى سنه جميله مش حلوه بس :d الشفق الباكي 31-08-2009, 02:51 PM احم احم فى مسجد للبنات كان فى الدور الرابع السنه اللى فاتت بس للاسف اتنقل الدور الخامس واحتمال يبقى فى فرق بين المحاضرات والسكاشن ساعتين او كده مش كل الايام بس فى اوقات بيبقى فى فرق عااااااادى عاااااااادى ولايهمك ASOOOM 31-08-2009, 09:48 PM مساء الخير كان عندي سؤال ياترى يوم السبت لسة اجازة ولا اتلغي وكنت عايزة اعرف هل المحاضرات والسكاشن بتكون طول الاسبوع و لا في ايام محددة و بالنسبة للمدينة الجامعية يقال ان لها كشف طبي ممكن اعرف هيكون امتي وازاي اعرف نتيجة القبول او الرفض في المدينة شكرا جزيلا الشفق الباكي 31-08-2009, 09:56 PM بصى يا سوما المحاضرات مش كل يوم ومش رشط الريست يبقى يوم السبت احنا مثلا اعدادى كان الريست بتاعنا الخميس مش السبت واجاراءات المدينه دى معرفش بجد عنها اى حاجه ASOOOM 01-09-2009, 09:53 PM شكرا جزيلا علي مجهودك ويارب تكون سنة جميلة علينا كلنا :078111rg3::078111rg3::078111rg3: mahmoud ahmed2 03-09-2009, 05:48 AM انا يا جماعه برحب بيكم الاول وكمان عاوز اسال عن قسم الاكلينيكال انا ناوى اقدم فيه ان شاء الله بس سمعت انه بالاضافه للمصاريف الاولويه بتبقى للاصغر سنا فهل ده صحيح mahmoud ahmed2 03-09-2009, 08:44 AM يا جماعه انا نفسى افهم ليه احنا فى المنصوره بندرس غير الناس يعنى الناس كلها عندها تشريح الضفدعه فى اول سنه اعدادى واحنا مفيش الكلام ده حد يفهمنى ارجوكم mahmoud ahmed2 03-09-2009, 08:46 AM :abdoog8:مستنى الرد كل سنه وانتم طيبين يالا سلام الشفق الباكي 03-09-2009, 01:36 PM ليه معندناش تشريح ضفادع هم عايزين كده نعمل ايه ؟؟؟؟؟؟؟؟؟؟؟؟؟؟ امر الله Dr/sooma 03-09-2009, 03:36 PM ممكن أسأل سؤال يا جماعه؟؟؟؟ :) ايه رأيكم في الأسر الطلابيه في الجامعه ؟؟؟ ولو في حد مشترك فيها ياريت يحكي عنها ويقول رأيه الشفق الباكي 03-09-2009, 03:50 PM فى كذا اسره عندنا فى الكليه بس انا شخصيا مش مشتركه فيها اعتقد دكتور kajooممكن يقولك اكتر منى لانه منضم لاسره منهم Dr.KaJoo 03-09-2009, 04:13 PM يا جماعه انا نفسى افهم ليه احنا فى المنصوره بندرس غير الناس يعنى الناس كلها عندها تشريح الضفدعه فى اول سنه اعدادى واحنا مفيش الكلام ده حد يفهمنى ارجوكم ربنا عاوز كده بقى تقدر تقول لأ ؟ هى الدنيا كده :040vk0: Dr.KaJoo 03-09-2009, 04:17 PM فى كذا اسره عندنا فى الكليه بس انا شخصيا مش مشتركه فيها اعتقد دكتور kajooممكن يقولك اكتر منى لانه منضم لاسره منهم شكرا ليكى دكتوره منى بس انا مش خبره اوى يعنى فى الاسر و كده :( بالنسيه بقى لموضوع الاسر ده احنا كنا عملنا اسره السنه اللى فاتت اسمها صيدله اون لاين و الاسر نشاطتها كتبر بتنزل مذكرات و ور البروجكتور ( slides ) و يتنزل اسطوانات فيها تجارب الفيزيا والنبات و الشرايح اللى بنمتحن عليها عملى و برده بتعمل رحلات و كده من الاخر بتبقى حاجه مفيده و ممتعه فى نفس الوقت :022yb4: يا رب اكون قدرت اوصل لحضرتك يا Dr.sooma اللى انتى عاوزه تفهميه Dr/sooma 03-09-2009, 06:03 PM شكرا يا دكتور kajoo على اهتمامك و ردك :078111rg3: و الحمد لله قدرت توصل للي أنا عايزة افهمه :) بس ممكن أعرف حضرتك في سنه كام؟؟؟ mahmoud ahmed2 03-09-2009, 08:07 PM يعنى يا جماعه احنا مش هناخد تشريح فى اى سنه من السنين خالص ولا مفيش فى اعدادى بس افيدونى ربنا يخليكم لان انا حاسس زى ما بيقولوا اننا الصيدله بتاعنا سهله وبنبقى اقل خبره لان كل مصر بتاخد غيرنا ازاى هندرس تشريح ومش نشرح عملى Dr.KaJoo 04-09-2009, 04:05 AM شكرا يا دكتور kajoo على اهتمامك و ردك :078111rg3: و الحمد لله قدرت توصل للي أنا عايزة افهمه :) بس ممكن أعرف حضرتك في سنه كام؟؟؟ الحمد لله انى قدرت اوصلك اللى عايزه تعرفيه انا قولت فى اول الموضوع خالص انا فى اعدادى معاكوا ان شاء الله بس دى تانى سنه ليا بس مش تفتكرى ان الكليه صعبه ولا حاجه لا انا اللى حصلتلى شوية حاجات كده و حصل اللى حصل بقى و قدر الله و ما شاء فعل Dr.KaJoo 04-09-2009, 04:07 AM يعنى يا جماعه احنا مش هناخد تشريح فى اى سنه من السنين خالص ولا مفيش فى اعدادى بس افيدونى ربنا يخليكم لان انا حاسس زى ما بيقولوا اننا الصيدله بتاعنا سهله وبنبقى اقل خبره لان كل مصر بتاخد غيرنا ازاى هندرس تشريح ومش نشرح عملى يابنى انا مش عارف اقولك ايه بس :confused: انت لو فى صيدلة المنصوره هتشرح بنفسك فى سنه تالته و بس لمن فى اعدادى الدكتور هو اللى بيشرح قدامك بس يا رب تكون فهمت :d Mostafa 3laa 04-09-2009, 04:22 AM mahmoud ahmed2 معلش اعتبرنى اخوك الكبير واستحملنى شويه ايه سر رغبتك ف التشريح يعنى؟؟ انا والله العظيم كنت داخل وشايل هم انى ممكن اشرح بس الحمد لله طلع مفيش ف اعدادى تشريح وانت بتقول على صيدله المنصوره قليله؟؟ هتدرس بنفسك وهتشوف كل حاجه ده الدكتور محى اللى هيديكو تحليله ان شاءالله أ.د./ محى محمد خالد شرف الدين المناصب الإدارية: رئيس قسم الكيمياء التحليلية من 9/8/2004 الى 5/2/2005 رئيس قسم الكيمياء التحليلية من 9/8/2001 الى 8/8/2004 رئيس قسم الكيمياء التحليلية من 20/10/1997 الى 18/4/1998 الدرجة الوظيفية: أستاذ متفرغ المؤهلات: الدكتوراه - الكيمياء التحليلية - معهد الصيدلة / بون / ألمانيا الغربية - 1982 ماجستير - الكيمياء التحليلية - كلية الصيدلة / جامعة القاهرة - 1975 بكالوريوس - علوم صيدلية - كلية الصيدلة / جامعة القاهرة - 1971 ده قليل؟؟؟ ده د/ عادل مسعود..اورجانيك الترم التانى أ.د./ محمد عادل محمود مسعود المناصب الإدارية: رئيس قسم من 2/10/2004 الى 1/10/2007 رئيس قسم من 17/9/2003 الى 4/11/2003 الدرجة الوظيفية: أستاذ متفرغ المؤهلات: الدكتوراه - الكيمياء العضوية الصيدلية - جنيف /سويسرا - 1982 ماجستير - الكيمياء العضوية الصيدلية - كلية الصيدلة / جامعة القاهرة - 1975 بكالوريوس - علوم صيدلية - كلية الصيدلة / جامعة القاهرة - وحش بردو؟ د/ احمد جوهر نجم الدفعه أ.د./ أحمد أبو الغيط أحمد جوهر الدرجة الوظيفية: أستاذ المؤهلات: الدكتوراه - بيولوجى - كلية العلوم البيولوجية / الاتحاد السوفيتى / موسكو - 1988 ماجستير - العقاقير - كلية الصيدلة / جامعة المنصورة - 1982 بكالوريوس - علوم صيدلية - كلية الصيدلة / جامعة المنصورة - 1976 الدكاتره جامدين اهه زى منتا شايف وهتلاقى المعلومات كتير والكليه جامده بجد وهتحس بكده لما تدرس وتبدأ شغل فيها سيبك من كلام زمايلك الى ف جامعات تانيه انت هتتعلم من ايد علماء...هما ممكن يكون التعامل معاهم مش كويس بس حاول تستفيد بأقصى طاقتك منهم عشان تطلع بفايده وربنا يوفقك انت وكل دفعه اعدادى ف الدراسه وتلاقوها سهله بإذن الله ده لينك تعرف منه كل المعلومات عن كل دكاتره الكليه بتاعتنا او الكليات التانيه http://app4.mans.edu.eg/mugdb/public/opendataa.aspx?sys=1 mahmoud ahmed2 04-09-2009, 07:33 AM عادى هعتبرك اخويا الكبير رغبتى فى التشريح انى شايفها هوايه كنت عاوز بقى طبيب جراح ومغرم بمشاهده قناه حورس اللى هيا عمليات وتشريح وكلام من ده فكان نفسى اعمل ده بايديا هتقولى مدخلتش طب ليه بالرغم من انى جايب 403 فده لان تقدر تقول احنا ناس مغرمين بتجاره الادويه والدى صيدلى وبالاجبار ايوه بالاجبار دخلت اختى واخويا قبلى صيدله وكان لازم غصب عنى بمزاجى او غيره احبها لان كده كده والدى رافض التغييربان حد فينا يدخل موال الطب لانه عامل الصيدليات تحت اسم العيله يعنى بيحلم اننا نكترها زى مؤسسه تحت اسم اتمنى تكون فهمت وحتى غير الاجبار انا غاويها بس ندمان انى مش هشرح فيها فلما سالت فى طنطا لانى كنت هروح طنطا بس عجبنى المنصوره طبعا لنظافتها وان الاكلينيكال بفلوس وهاخد بيه شهاده معتمده فندمان انى مدخلتش طب عشان التشريح فعرفت انه فى طنطا تشريح ضفدعه واحتمال كبير بيدخلوا مشرحه بس الدكتور بيشرح غير طب طبعا فهمتونى واتمنى تحترموا رغبتى والرد يبقى برقه اكتر من كده محسش انكم مخنوقين اوى كده واللى مش عاجبه الكلام ميردش mahmoud ahmed2 04-09-2009, 07:40 AM والله عارف كل اللى انت ذكرته وقريته على موقع الكليه وادعيلى ان شاء الله انى ابقى واحد منهم وناويها ان شاء الله سواء بواسطه او غيره بس انا اسمع ان المنصوره كل واحد بياخد حقه بدون وسايط وده اللى بتمناه مش عاوز غير حقى وان شاء الله احقق املى انى ابقى معيد واحضر فى القسم اللى فيه الاناتومى هاااااااا الاناتومى عشان ابقى مندمتش على خطوه عدم دخولى الطب ادعولى بس ومتبقوش مضايقين اوى كده Mostafa 3laa 04-09-2009, 03:40 PM لأ التعيين عندنا بالوسايط حق ايه اللى هتاخده من غير كوسه؟؟ انت ف مصر يابنى اكبر مورد كوسه ف العالم كله mahmoud ahmed2 04-09-2009, 07:37 PM اوك لو بالوسايط الحمد لله موجوده جات عليا ومش هتبقى كوسه عديها يا راجل الشفق الباكي 05-09-2009, 12:18 AM لأ التعيين عندنا بالوسايط حق ايه اللى هتاخده من غير كوسه؟؟ انت ف مصر يابنى اكبر مورد كوسه ف العالم كله مش للدرجادى معتقدش ان عندنا فى الكليه زى طب وغيره يعنى مش كله بالوسايط والله اعلم طبعا ماجربتش Mostafa 3laa 05-09-2009, 02:25 AM انا اعرف حد كان مفروض يتعين بس متعينش عشان الكوسه الموجوده ف كل مكان عادى يعنى Mostafa 3laa 05-09-2009, 02:26 AM وبعدين تعيين ايه اللى بنتكلم عليه؟؟ :confused: احنا لسه ف اولى اصلا وبننجح بالعافيه :abdoog8: mahmoud ahmed2 05-09-2009, 03:22 AM والله لو حضرتك بتنج بالعافيه فانا ان شاء الله لا هبقى كده ولا عاوز ابقى كده انت المفروض تشجعنى وتدعيلى ربنا يوفقنى وطالما انا بالنسبه ليا دخلت كليه قدراتى تفوقها ليه مبقاش معيد فيها وربنا معايا وطالما الاصرار موجود والعزيمه مع شويه تعب منى وفى الاول والاخر توفيق ربنا يبقى مفيش مستحيل mahmoud ahmed2 05-09-2009, 03:24 AM وكمان الكوسه والكلام ده موجود بس اسمع انه قليل فى المنصوره انا بنت عمى كانت تربيه طنطنا وكانت معاها بنت دكتور وبالرغم من تقديرها امتياز زيها زى بنت الدكتور تم تعيين بنت الدكتور ولما تم رفع قضيه نجحت القضيه واتعينت هيا كمان مفيش مستحيل بعون الله وربنا يوفقنا جميعا Mostafa 3laa 05-09-2009, 04:45 AM والله لو حضرتك بتنج بالعافيه فانا ان شاء الله لا هبقى كده ولا عاوز ابقى كده انت المفروض تشجعنى وتدعيلى ربنا يوفقنى وطالما انا بالنسبه ليا دخلت كليه قدراتى تفوقها ليه مبقاش معيد فيها وربنا معايا وطالما الاصرار موجود والعزيمه مع شويه تعب منى وفى الاول والاخر توفيق ربنا يبقى مفيش مستحيل ربنا معاك يا عم ملحوظه:انا داخل صيدله ب 407.5 :abdoog8: وجبت جيد جدا 81.6% ف اعدادى :abdoog8: ورينا شطارتك بقى اللى انت بتقول عليه ده مش بيعمله غير واحد بيذاكر من اول يوم ف ادراسه...انما واحد زى حالاتى مش ذاكر غير قبل الامتحان على طول وكمان الكوسه والكلام ده موجود بس اسمع انه قليل فى المنصوره انا بنت عمى كانت تربيه طنطنا وكانت معاها بنت دكتور وبالرغم من تقديرها امتياز زيها زى بنت الدكتور تم تعيين بنت الدكتور ولما تم رفع قضيه نجحت القضيه واتعينت هيا كمان مفيش مستحيل بعون الله وربنا يوفقنا جميعا ربنا يوفقك...لا يضيع حق ورائه مطالب hanona 91 05-09-2009, 06:24 AM والله لو حضرتك بتنج بالعافيه فانا ان شاء الله لا هبقى كده ولا عاوز ابقى كده انت المفروض تشجعنى وتدعيلى ربنا يوفقنى وطالما انا بالنسبه ليا دخلت كليه قدراتى تفوقها ليه مبقاش معيد فيها وربنا معايا وطالما الاصرار موجود والعزيمه مع شويه تعب منى وفى الاول والاخر توفيق ربنا يبقى مفيش مستحيل بص يا محمود اعتبرنى اختك ولا بلاش اختك واخوك دول لأحسن بيزعلوك اعتبرنى حد عاوز مصلحتك مفيش حاجه اسمها انا دخلت كليه تفوق قدراتى لان مفيش حاجه اسمها كده اساسا مش معنى ان طب مجموعها اعلى من صيدله يبقى صيدله دى وحشه ومش معنى انك جايب مجموع طب ومعديه ودى بالمناسبه حاجه عاديه قوى وهاتلاقى تلاتربع دفعتك كده وانا الحمد لله كنت كده يبقى الكليه تحت مستواك بقى وانك خلاص يعنى عديت لأ وانا ما اكرهش الخير لحد وفكرت انك تبقى معيد فى الكليه دى حاجه عاديه وكتييييييييير فى الكليه بتاعتنا وصلوا لدا من غير وسايط وحاجه حلوه ان دا يبقى طموحك حاجه حلوه جدا بس برضو من تواضع لله رفعه :) mahmoud ahmed2 05-09-2009, 10:07 AM مش عارف ليه يا جماعه انتم بتحبطونى انا شىء يشرفنى ان حضرتك تبقى اختى يا جماعه ربنا يوفقنى بس انا مش عارف ليه بحس انكم بتردوا بالقوه mahmoud ahmed2 05-09-2009, 10:25 AM للدكتور مصطفى علاء انتم يا جماعه امتحانتكم فى سنه تانيه مكنتش جامده اوى زى بتاعنا انتم كنتم ايام المجاميع الميه وكام فى الميه يعنى المجموع ده عادى كنت ايام المستوى الرفيع الفلسفه والجعرافيا والكلام ده انما احنا عربى وانجلش نااخدت العربى وجبت فيه عشره وبالنسبه لو حضرتك داخل الفرقه الاولى يعنى امتحنت امتحان فيزياء 2008 اللى هو يعتبر اصعب حاجه شعبه علمى علوم يعنى الامتحان مش جامد اوى زى ما كانوا بيقولوا عنه ده طبعا مش بقلل من قدراتك بس انتم كانت امتحانتكم فى تانيه اسهل مننا بمراحل ملحوظه لحضرت برده انا جايب فى تالته السنه دى 101تقريبا بالمستوى الرفيع بالرغم من الاحياء مكنتش اد كده وكمان الفيزياء كان امتحان يليق بالثانويه العامه انا كل اللى نقصته السنه دى نص درجه عربى والحمد لله ولولا يعنى ظروف مرضيه جامده جدا اااااااااااااااااحصلتلى بسبب وفاه والدتى الله يرحمها فى سنه تانيه وجبت 95 كان ممكن اهرب زى الباقى واكمل رياضه لكن راهنت نفسى والحمد لله قفلت تقريبا كله زى ما هرهن نفسى انى هذاكر من اول يوم واعتبر كده انا جربت بعبع التعليم اللى هيا الثانويه وعن سؤال مجرب قالوا ان مذاكره الكليه ربع مذاكره الثانوويه عشان كده لولا الظروف كنت جبت مركز مش 407.5 اصلك وانت بتقولها بتحسسنى انى يعنى لما قلت انى 403 انى جبت اللى مجاش يعنى مكنش قصدى والله بس كل واحد فينا عار ف اذا كان تعب ولا لا وعارف اذا كان ربنا اداله على اد تعبه ده ولا لا فطالما اللى هيذاكر موجود واللى هيوفق موجود يبقى ايه اللى ناقص فلو حضرتك اوك ممتاز ففى اللى اكتر منك شطاره وفى الاقل وياما عقليات فازه لم يكون الحظ حليفهم واوعى تفتكر ان التعليم فى مصر حاجه يعنى وانا مش بقلل منك لا سمح الله وربنا يوفقك وكمان جيد جدا جامده للى جابها باعلى نسبه بس خليك فاكر انك كنت كاتب انك بتعدى بالعافيه وافتكر دى كلمه لا تليق بصيدلى يجيب جيد جدا فيها تناقض شويه يبقى كده بتحبطنى ولا لاوالمجموع تراكمى واللى لعبت معاه النهارده وجاب امتياز يا عالم بكره هيجيب ايه mahmoud ahmed2 05-09-2009, 10:47 AM وبالنسبه للدوك هانونا اللى كاتبه من تواضع لله رفع الاول على عينى وراسى وميرسى اوى على الاضافه الجامده دى بس ممكن بليز حضرتك توضحيلى انا مكنتش متواضع فى كلامى فى ايه هو انا عشان بتكلم عن طموحى اللى نفسى فيه يبقى خلاص وعشان ذكرت سر حبى للتشريح والاسباب اللى منعتنى من الطب افتكر ان فى واضح من الحضرات طلب منى توضيح الكلام ده ورحم الله امرءاللى بيعرف قدر نفسه فانا طالما شايف انى قدراتى تفوق الكليه دى فدى حاجه ترجعلى والموضوع كبر اوى اوى انا كنت بسال مجرد سؤال للى دخل وسمع وشاف صح الوسايط ولا لا والله ما كنت عاوز اكتر من كده لان نفسى ابقى احس انى عملت حاجه بدون واسطه فبليز يا دكاتره اللى مش عاجبه كلامى ميبقاش يرد المفروض نبقى نرد بطريقه اظرف من كده mahmoud ahmed2 05-09-2009, 10:55 AM وميرسى اوى على ردودكم وتشجيعكم الجامد اووووووووووووووووى ليا ده انا من كتر التشجيع حيت خلاص انى بقيت دكتور فى الجامعه هههههههههههههههه واسف لو كنت رخمت عليكم:romarioxp6: بافكارى وارائى وبعد الظروف الحياتيه الخاصه بس كنت بوضح لحاضرتكم الامور وانا بس زعلت فى الكلام ده كله بس من دوك هانونا اللى بتقول انها لما تبقى اختى يعنى انا هزعل ليه هو انا اطول ده شىء يشرفنى جدا على فكره انا ابسط من كده اوى وعمرى ماكنت مش تواضع وكفايه كده عشان من مدح نفسه فهو كااااااااااااذب mahmoud ahmed2 05-09-2009, 10:59 AM بص يا محمود اعتبرنى اختك ولا بلاش اختك واخوك دول لأحسن بيزعلوك اعتبرنى حد عاوز مصلحتك نفسى اعرف يا دوك حضرتك عرفتنى منين انهمم بيزعلونى او لا ربنا معانا mahmoud ahmed2 05-09-2009, 11:02 AM مستنى ردودكم يا دكتور مصطفى انت والدوك هانونا بس والنبى لو الكلام مش عاجب بكررها وفروا الكلام والنبى عشان انا لما بحس طريقه الكلام وانتم بتكتبوه بزعل جدا عندى تشتمونى ولا تكتبوا بالطريقه دى بس هتشتمونى ازاى هو العيب عمره يطلع من المحترمين اللى زى حضراتكم يارب تبقى احسن منى مليون مره ومش مليون بس وتفضلوا كده خايفين على مصلحتى ومن تشجيع لتشجيع ان شاء الله الشفق الباكي 05-09-2009, 01:03 PM لحظه بقى احنا ايام مجاميع الميه وكام محصلش والدليل تنسيق سنتنا على فكره انا هخرج من النقاش دا علشان محدش يضايق من ردى عليه دلوقتى بس ملحوظه كلية صيدله فى اوائل جمهوريه بيسيبوا طب علشانها ومفيش حد من اللى اتناقش هنا قدراته اقل منها والا مكنش استحق يدخلها وان شاء لى عوده فى الرد بس مش دلوقت علشان محدش يزعل منى ونصيحه صغيره مفيش اصغر منها اللى عايز يبدع فى حاجه مايقلش انا اكبر منها الشفق الباكي 05-09-2009, 01:14 PM بعد ماقرات الردود سورى مضطره ارد تانى معلش مش عايزه الموضوع يقلب خناقه انا عامله الموضوع علشان نبقى فى مكان واحد كطلبه كليه واحده ارد بقى الدوك عايز يبقى معيد ربنا يوفقك واتمنى لحضرتك تتحقق الامنيه دى واقولك اعمل لها وخد بالاسباب وذاكر من اول يوم لاخر يوم وماتركمش حاجه عليك كلمتين كده بقى علشان حبيت اقولهم اعدادى ليست العبره واسألى اى حد فى الدنيا ميزتها ان اللى بيدخل المنافسه فى السنه دى بيبقى حافز ليه يكمل على نفس النمط يعنى يرتب كل سنه وبردووو الدنيا قلابه فعلا ومش مضمونه والله اعلم الموازين ممكن تتقلب فى ثانيه واعتقد فى اكتر من مثل السنادى كانوا الترم الاول اعلى ونزلوا والعكس اهم حاجه يبقى عندك اصرار على الحاجه اللى انت عايزها وبس ماتبصش بقى الناس شايفاها حاجه كويسه ولالا ماتبصش حد هياخد الحق دا منى بعد كده غصب عنى ولالا بص طموحنا مش زى بعضنا ومفيش حد طموحه اسمه قليل ولا كبير مش معنى ان حد مش عايز يبقى معيد ان طموحه صغير لا اعرف ناس مش عايزه تبقى معيده خالص لاسباب مش عاجبها فى الوظيفه دا ولها طمموحها فى سكه تانيه خاالص خلاصه القول اللى عايز حاجه يبقى شغله ومجهوده على ادها دون التقليل من قيمه اى حاجه تانيه ومن غير مايبص للحاجه دى من فوق ويقول انا اكبر منهااااا كل ماتحس ان انت ابعد بيدك حافز ان انت تعمل بجد اكتر دا لو عندك عزيمه كافيه ان انت تكمل المشوار على فكره كلامى مش يزعل حد بالمره الا لو فهم الكلام غلط سلااااااام mahmoud ahmed2 05-09-2009, 04:27 PM حضرتك ليه متعصبه اوى كده انا قلت اللى مش عاجبه الكلام ميردش وبرده رايى هو هو عشان اقهر الحاجه لازم اتاكد مليار فى الميه ان قدراتى تفوقها وكل واحد ادرى بنفسه وانا مقلتش ان اللى مش عاوز يبقى معيد قليل الطموح ده على كده مفيش حد عنده طموح خالص غير اتنين تلاته فى كل كليه ربنا يهدى كل متعصب يا رب الشفق الباكي 05-09-2009, 04:53 PM على فكره يادكتور انا مش متعصبه خالص لاى سبب غير الاسلوب اللى اتكلمتوا بيه انت والدكاتره الشفق الباكي 05-09-2009, 04:54 PM اه على فكره الموضوع للكل ههههههههههههههههههههههههههههه يعنى ياجماعه اللى عايز يرد يتفضل الموضوع هنا للكل انا قولت كده فى الاول الشفق الباكي 05-09-2009, 04:58 PM ياجماعه دكاتره اعدادى لو عايزين اول محاضرات فى المواد المحاضرتين الاولى والتانيه يقولوا وانا هحاول اكتبه بالترجمه بتاعتهم وشكرا Mostafa 3laa 05-09-2009, 06:02 PM لا تعليق انا مش بتكلم بالأسلوب ده عشان كده مش هعرف ارد للأخ محمود..بص ابو الكباتن متحطش ف دماغك انك داخل الكليه بمجموع اعلى منها يبقى اكيد هتجيب امتياز وترتيب ع الدفعه والكلام ده...شيل الافكار دى من دماغك خالص عشان ربنا يكرمك وتعدى بتقدير عالى....لازم تشتغل من نقطه الصفر اكيد يعنى مش هتجيب امتياز بمجموعك ف ثنويه عامه ومش كاتب حاجه على الثنويه العامه بتاعتنا...واضح انك كنت مسافر او حاجه زى كده ومتعرفش امتحانتتا كانت عامله ازاى على فكره..ليا واحد صاحبى جاب 405.5 ودخل صيدله وشال نبات اقرا الرد وخلى تعليقك لنفسك بعد اذنك سلام يا...دوك الشفق الباكي 05-09-2009, 06:11 PM خلاصه القول الدكاتره تتفضل تتكلم فى حاجه جديده فى الكليه وتقفل الموضوع دا لا امتحان ثانويه عامه ولا غيره مش نقطتنا احنا هنا بنساعد بعض واللى عايز حاجه او استفسار يلاقى عليه اجابه Dr.KaJoo 06-09-2009, 03:13 AM فى ايه يا جماعه اغيب يومين عن المنتدى يحصل كل ده مفيش كبير ولا ايه :d الكلام اللى حصل ده مينفعش يتقال من دكاتره من الاخر كده الثانويه دى مرحله و الجامعه مرحله تانيه و لو جايب 410 و الله ممكن تعيد السنه مش تشيل بس مش شرط يعنى و يا ريت محدش يكلم تانى فى الكلام ده لو سمحتوا و بعدين يا محمود انت ايه انت مش كنت عامل مشكله مع دكتور احمد فى توبيك صيدلة طنطا و اتوقفت يا ريت تهدى و تبطل العصبيه دى يا ريت نكلم بعقل شويه احنا هنا عشان نساعد بعض مش اكتر يا ريت تفهموا كده و يا ريت الاداره او المشرف يحذف الكلام اللى اتكتب ده عشان ده تهريج مش يليق بينا كطلبه فى صيدلة المنصوره بعدين يا مصطفى انت و دكتوره منى لما هو يدخل الكليه هيعرف احنا قصدنا ايه و هيفهم لوحده الكلام ده كله :) mahmoud ahmed2 06-09-2009, 04:09 AM بجد انا بستغرب من الانتقاضات دى سابوا كل الكلام ومسكوا فى الثانويه العام بالنسبه للدوك كاجو اللى كان من الاساس ملوش حق يدخل فى صيدله طنطا اقصد فى الحوار اللى دار بنا وحته المشكله دى انا عارف من ردك هناك انك عاوز تطلعنى بتاع مشاكل والسلام بس الحمد لله مش كده ولا هبقى كده كلها ردودو افعل بتختلف من شخص لشخص وانا كنت هناك عشان تقريبا كنت هحول طنطا بس رفضت لسبب خاص بيا ولولا ان من تدخل فيما لا يعنيه سمع ما لا يرضيه انا كان هيبقى ليا تصرف تانى لعلم حضرتك ياللى شايف نفسك كبير دى مش طريقه كلام تانى حاجه الدوك احمد هناك هزر هزار تقيل والدوك مصطفى والحمد لله قال انى مش غلطان ولما عضويتى اتلغت فهيا عشان انا رديتله الاهانه لانى مش هتهان واسكت وعشان اثبت انى قادر على رد الصاع صاعين وتلاته طالما انه فيه اهانه ليا فاتمنى من حضرتك تخليك فى حالك وحضرتك مش محلل نفسى عشان تقولى انى عصبى اولا انتم اللى كبرتم الموضوع واللى اكلم عن الثانويه مش انا بس انا مبسكتش عن الحق حتى لو فيه وقف العضويه وثم ان انت شكلك بتدخل فى اى حاجه لانى انا بكلم من الاول خالص دوك مصطفى ولو مشاركه دوك احمد هناك متحذفتش كنت قلتلهم يشوفوها لانك انت بتتكلم بدون ما تشوف الحوار اوك يا مان فانا بكررها للمره المليار اللى مش عجبه الكلام يخلى رده لنفسه ولو عاوزين تفهموا انا اقصد ايه زورو موضوع (بتحلم بايه كطالب التحقت بكليه صيدله) وميرسى برده على تشجيعكم واللى استفدته من هنا mahmoud ahmed2 06-09-2009, 04:25 AM وحته بقى هفهم او مفهمش لما ادخل الكليه والله واضحه وانا مربطش النجاح فى الثانويه بالنجاح فى الكليه وممكن تقروا الكلام كويس واقرب دليل على كلامى بسال نفسى فين اوائل الثانويه العامه لما بيدخلوا الجامعه ولا بنسمع عنهم وبكده الجامعه بدايه الطريق وحته الثانويه اقصد ان الناس بتعتبرها بعبع فحته ان الواحد فينا يعديها كويس يبقى ده بياكد اصراراه وعزيمته وثقته بنفسه وده اللى كان المفروض يتفهم وهو اللى انا اقصده والله العظيم اعتبرونى بشجع نفسى Drsara 06-09-2009, 05:39 AM وكل رد ميعجبش حد يقولوا الكلام ده ميطلعش من دكاتره ليه ياعم هما يعنى خلاص الدكاتره انزلوا ولا هما ملايكه كل مكان فيه الحلو والوحش انا يمكن لما بعلق بقول كلام مباشر لانى مش بحب اللف والدوران والتعبير بطريقه السخريه زى بعض الناس ملحوظه انا كنت منتظر رد الدوك كاجو على الدكتوره ساره لما قالت ان طنطا للمحترمين فقط انما المنصوره بلاش اكمل اوعدكم يا جماعه طالما انا ضيف تقيل كده اوعدكم مش هتقل عليكم باى اسئله تانى كل ده عشان بحلم انى احقق حاجه امال لو بحلم ابقى وزير ولا رئيس جمهوريه هتعملوا ايه هتموتونى بقى كدة يعنى انا باعتذر لو كنت غلطانة وحضرتك لازم تعمل الى فى نفسك لكن مكن تتقبلى راىء وانتى بترد بس انا والله اتكلمت حلو لكن حضرتك ممكن ما فهمتش اقصدى والله اعلم وياريت يعنى انا ما تدخلش فى المواضع وتحياتى لطموح الفرما والوزير القادم دكتور محمود احمد وياريت تكون انت فى كطنطا معانا لاننا مش هنخسر حد محتلرم ومتفوق وما قيل فى غضب قد انتهى والله غفور رحيم والمسامح كريم الشفق الباكي 06-09-2009, 01:18 PM ستوب انا قولت الموضوع دا يتقفل معلش والنقاش دا ملوش لازمه انا قولت نساعد بعض هنا ونسأل مش هنتخانق مع بعض دوك محمود اللى حضرتك عايز تستفسر فيه أساله واحنا على اد مانعرف هنجاوب بدون انتقادات لاى حد دوك مصطفى ودوك كاجو معلش نقفل موضوع الثانويه العامه دى راحت لحالها ومش بنقييم احنا هنا الكليات اى واحده فيهم افضل فى الاول والاخر انت ملزم بالكليه اللى انت فيها وتثبت فيها نفسك ياريت الموضوع دا يتقفل خالص ونتكلم مع بعض بهدوء اكتر من كده شويه علشان نقاشنا المفروض اكبر من كده بكتير ومعلش محدش يعلق على الرد دا واللى عايز يسأل يتفضل بس يسأل فى نظام سنته والمنهج والكليه مايقارنش الكليه بكليه تانيه اوك؟ سلااام الاسطورة 06-09-2009, 02:17 PM تم اغلاق الموضوع لحين حذف الردود واعادة ترتيب الموضوع وتم وقف العضوين mahmoud ahmed2 (http://www.thanwya.com/vb/member.php?u=293174) Mostafa 3laa (http://www.thanwya.com/vb/member.php?u=153531) |