مدينة بهذا الجمال والرقي تنال كل هذا الإهمال....

لقد حزنت عندما زرت الشاطىء وجدته مملوء بالقاذورات والقمامة


ووجدت أن بورسعيد بكل مؤهلاتها السياحية لا تجد رجل أعمال واحد يفتح فيها مول ضخم على طراز كارفور مثلا .... مشروع مثل هذا سيدر أموالا طائلة وسيفتح باب للشباب للعمل

ولماذا لايتم إنشاء مدينة ملاهي كبيرة على طراز دريم لاند أوحتى السندباد وتنظم لها الرحلات على مدار العام
أو مدينة ألعاب مائية بماأننا مدينة ساحلية

أو تنظيم رحلات لآثار جزيرة التنيس التى لا يعرف بها حتى أهالي بورسعيد نفسهم

مع إن الاهتمام ببورسعيد بيظهر عليها على طول لإنها محافظة محدودة ومنظمة

كلامك سليم وفعلا نحتاج لاهتمام اكبر

لقد دهشت من مستوى النظافة الذى آل إليه الكثير من الشوارع والمناطق ببورسعيد وحتى لا يظن المشاهدون للموضوع والتعليق أنهم أمام مدينة قذرة فاننا نذكر هذا الأمر بامتعاض وشجب لأننا لم نتعوده على بلدنا الحبيب الذى عهدناها جميلة نظيفة راقية فلذلك نمتعض من ان مستوى النظافة اضحى اقل مع انها ما زالت وبفضل الله من أنظف مدن مصر وستظل بإذن الله تعالى

والحق يقال ان المحافظ السابق كان يعرف من اين تؤكل الكتف فكان يعرف كيفية ادارة مدينة جميلة ذات موقع متميز وكيف يحافظ على نظافتها وندعو الله ان يفيق المحافظ الحالى ويحذو حذو سابقه فى هذا المجال ......

كما اتفق معك فى كونها تحتاج لمولات ومشاريع تليق ببورسعيد

تقبلى تحياتى

المحافظ الحالى مصطفى عبد اللطيف ...كان يمر بنفسه مع لجان من الاحياء يوميا من الصباح الباكر حتى انه تابع تغيير بعض اغطية البالوعات على مرىء ومسمع منى ومن اهل بور سعيد ...ولكن اظاهر ان الغربال الجديد يكون له شدة ثم ارتخى الان ولا اعلم لماذا هل اتلمت حوليه نفس الحاشية اللى مبتتغيرش من اعضاء الحزب الوطنى ......
القازورات ملئة الدنيا المرور وجدوا مكاتبهم التائهه لا يوجد مرور الا عند الاحياء الراقية
الشعب يموج فى بعض ...اللى عاوز حاجة بيعملها دلوقت المخدرات انتشرت بطريقة بشعة لا توجد دوريات بالشوارع الا من رحم ربى...لك الله يا بورسعيد..

وكل عام وانتم بالف خير والله النظافة والصرف فى بورسعيد مشكلة المشاكل مش يس بورسعيد ولكن فى كل مصر ربنا يرحمنا وندعى يارب يكون فى امل فى بكرة وأكيد أن شاء الله فى أمل جاىولكن متى!!!!!!!!!!!!!!!!!!!!!!!!!!!!!!!!!!!!

بور سعيد مدينه جميله وهادئه واناااوافقك الراى هى فعلا محتاجه اهتمام من رجال الاعمال لاحياء هذه المدينه انا عن نفسى مقدرش اعيش الا فيها يكفى هدوءها وسهولة التنقل بداخلها

المسؤلون لا يهتمون سوا بالاحياء الراقية ويتركون القمامة فى الاحياء الشعبية مثل حى الزهور والمناخ

:romarioxp6:المسؤلون لا يهتمون سوا بالاحياء الراقية ويتركون القمامة فى الاحياء الشعبية مثل حى الزهور والمناخ

بورسعيد فعلا من اجمل المدن ونفسنا نحن البورسعيديه ان يهتم بها احد مثلا توجد مدينه زي رأس البر معلش ماهيش احلي ولاأكبر من بورسعيد ولكن عليها أقبال شديد من جميع أنحاء الجمهوريه وهي أرزاق ولكي الله يابورسعيد ويجيلك واحد يكون عنده ضمير مش كل همه اي مسئول ان يجمع الا يقدر عليه ولكن في النهايه أوحهه سؤال لاي واحد تسول له نفسه ذلك في النهايه حتودي ده فين وحتقول لربنا ايه عند السؤال عن مالك مما جمعته وهل عملت شئ تقابل به وجه رب كريم وربنا يغفر للجميع ويفوقوا قبل فوات الأوان

عندك حق انا اول مرة اسمع عن التنيس مع انى بورسعيدية
والله هى مهملة جدآ بس تكاليف التصليح قليل ليه يبخلوا علينا بملاليم وهما عندهم الملايين

بورسعيد محافظه جميله جدا وعيب عليك اما تشتم محافظتك وتسميها بالمهمله

على فكرة كلامك صح
بس على فكرة بورسعيد طول عمرها جميلة ونظيفة بس الى عمل فيها كدة الى الغرب الى دخلوها وسحب المنطقة الحرةhttp://www.thanwya.com/vb/life/icons/icon111.gifhttp://www.thanwya.com/vb/life/icons/icon111.gifhttp://www.thanwya.com/vb/life/icons/icon111.gif

وعلى فكرة فى الاخر محدش هيهتم بيها الا ابنائها
مش اى حد تانى

الابناء غشاشين ولا يهتموا إلا بالانترنت و الموبابيل والكلام الفاضى واللبس الفاضح هؤلاء ابناء بورسعيد الكرام (حيث أن ابناء بورسعيد بلطجية بلا فخر ) والانسان الملتزم نقول عنه معقد ... بورسعيد مظلومة بالناس اللى فيها ... بورسعيد كان ممكن تكون أجمل بلد فى مصر ولكن.....كان زمان نقول اللى بيخرب الاستعمار الاجنبى والان الاستعمار من خلال الافكار الرديئة والعقول الخربة .

الابناء غشاشين ولا يهتموا إلا بالانترنت و الموبابيل والكلام الفاضى واللبس الفاضح هؤلاء ابناء بورسعيد الكرام (حيث أن ابناء بورسعيد بلطجية بلا فخر ) والانسان الملتزم نقول عنه معقد ... بورسعيد مظلومة بالناس اللى فيها ... بورسعيد كان ممكن تكون أجمل بلد فى مصر ولكن.....كان زمان نقول اللى بيخرب الاستعمار الاجنبى والان الاستعمار من خلال الافكار الرديئة والعقول الخربة .


على فكره اولا بلاش صيغه الاجماع دى اللى فى كلامك واذا كان على الاهتمام بالانترنت والموبايل على فكره دى تكنولوجيا والعالم كله مهتم بيها ومصر كلها مش بورسعيد بس وبالنسبه للبلطجيه اللى انتى بتتكلمى عنهم ده سلوك نفسى بشرى مش بورسعيدى ولو شوفتى امريكا هتلاقى شيكاغو والمافيا والقاهره هتلاقى الباطنيه وغيرها واسكندريه هتلاقى السياله وغيرها انا طبعا مش هحفظ الاماكن بس ده نوع من البشر وربنا مخلقش الناس كلها ملايكه وبورسعيد فيها الشياطين فهمتى لما تتكلمى عن بلد مليانه امجاد وتضحيات وعن ابناء بلد معظم ابائهم اما شهداء حروب تحرير او مجاهدين تبقى البلد دى جديره بكل احترام وتقدير ميتقالش عنها بلد البلطجيه
لو انتى مش من بورسعيد انزلى البلد واتعاملى مع اهلها ولو انتى بورسعيديه يبقى تفتخرى بنفسك ومتتكلميش عن اهلك كده

بالسبه للنظافه فمصر كلها مفيش اعتناء بالنظافه الشعب دلوقتى بقى كل همه انه يعيش ويقدر يتحمل تكاليف المعيشه فدى مش غلطتنا دى غلطه المسؤلين
بورسعيد دائما وستبقى اجمل بلد فى مصر وفى الدنيا
(نيويورك العرب )