تجمع مهندسين البرمجيات الجدد .. [الأرشيف] - بوابة الثانوية العامة المصرية

الاسطورة

11-08-2009, 02:16 PM

تسلم يا غالي على الفكرة الجميلة ..
وانا اخوكم عبدالله حاسبات حلوان ان شاء الله
وكنت محتاج اعرف شروط التدقيم والاوراق المطلوبة ..
عدد ايام ف الاسبوع ...
المواد في السنة الاولى ...
وسوؤال عام كنت عاوز اعرف ايه الفرق بين انتظام وانتساب ....
وشكرا ليك مقدما
اهلآ بيك يا عبد الله
شوف التقديم بيبقى عايز شهادة النجاح وبطاقة الترشيح و8 صور وبطاقة شخصية وشهادة ميلاد اصلية
عدد ايام الدراسة بيبقى 5
المواد بقى بتختلف من كلية لكلية زى ما انا قولت

ومافيش حضرتك ف حاسبات انتظام وانتساب لان حاسبات كلية عملية زى هندسة وطب وصيدلة
مافيش فيها انتساب

الاسطورة

11-08-2009, 02:17 PM

انا اسراء جاتلى حاسبات الزقازيق و ان شاء الله هحول المنصورة ادعولى يقبل التحويل
أهلآ بيكى يا اسراء
ان شاء الله ها تيجى وتنورى حاسبات المنصورة
مش تقلقى التحويل ها يتقبل بعون الله
وابقى طمنينا

الاسطورة

11-08-2009, 02:18 PM

انا ريهام جاتلى حاسبات بنها ممكن اعرف اىحاجة عنها مميزاتها وشكلها وغيره
اهلآ بيكى معانا ف حاسبات
شوفى بنها اللى اعرفه عنها انها صغيرة ف العدد
اصغر عدد طلبة حاسبات
السنة اللى فاتت كان فيها 50 باين

fatmaelzahraa11

15-08-2009, 04:39 PM

أنا فاطمة حاسبات عين شمس ان شاء الله

السيد عادل

19-08-2009, 01:32 PM

انا بردوا معاكو حاسبات وملومات المنصورة
ويريت حد يقلي بندرس مواد ايه في اولي
انا قدمت ودفعت المصروفات هي 180.65 بسيطة

romio2010445566

20-08-2009, 09:48 PM

انا أحمد دخلت حاسبات المنصورة

الاسطورة

22-08-2009, 01:04 PM

أهلأ بيكم يا باشمهندسين معانا

eng.ahmed55

22-08-2009, 09:16 PM

انا احمد دخلت حاسبات الزقازيق ومحول المنصورة

Eng. Alios

22-08-2009, 10:44 PM

سلام عليكم
انا حاسبات حلوان و الحمد لله

بس انا عايز استفسار لاشياء مهمة

اولاً : في اشاعات بتقول ان جامعة حلوان دي مش معترف بيها في الخارج ... فهل الكلام دا صحيح ؟
ثانياً : في قسم في جامعة حلوان خاص اسمه هندسة البرمجيات ... طبعاً هو بفلوس , المشكلة مش في الفلوس , المشكلة في الدرجة العلمية , هى الجامعة بتقول انه قسم مميز و من افضل الاقسام و ماشي على النظام الاوروبي و في جامعات اوروبية بتدعم النظام ده و القسم ده مش موجود غير في جامعة حلوان و بس ..... الكلام ده جميل زائد انهم قالوا ان انا باخد بكالوريوس حاسبات قسم هندسة برمجيات ... لكن في ناس بتقول انك بتاخد بكالوريوس علوم حاسب مش هندسة برمجيات , و على حسب علمي ان في فرق ما بين هندسة برمجيات و علوم حاسب , لان علوم حاسب بيبقى مبرمج , و هندسة برمجيات بيبقى مهندس البرمجة ككل ... اما في علوم الحاسب فبيبقى مبرمج في مجال الكمبيوتر فقط ....
الكلام ده فعلاً صحيح ؟ هل ح اخد بكالوريوس علوم حاسب ؟
علشان بس مادفعش على الفاضي

و رمضان كريم

محمد سليمان 2010

25-08-2009, 04:01 PM

انا جالي حاسبات الزقازيق و عايز اعرف الدراسة بالعربي ولا بالانجليزى

بنت شبابيك

27-08-2009, 02:40 PM

انا قدمت فى الزقازيق بعد ما اترفض تحويلى

بنت شبابيك

27-08-2009, 02:43 PM

لو حد يعرف المواد اللى بيشتلوها المحولين من الزقازيق للمنصورة ......لان فى ناس قالو ا بيشتالوا 9 مواد و حاسة انهم بيأفوروا

soso2025

29-08-2009, 11:04 AM

اهلا بيكوا يا بشمهندسين
والله كان نفسي ابقى معاكوا
حاسبات دى كانت كليه احلامى من زمان
وانا دخلت رياضه 2 مخصوص علشان ادخل حاسبات
بس لما جه المجموع كبير وبسبب اللى حوليا دخلت هندسه
حكم القوى :slap1qk6:
بس الحمد لله على كل حال
محدش عارف الخير فييين
ربنا معاكوا ويوفقوا

raghdamohammad

29-08-2009, 05:24 PM

السلام عليكم
انا الحمد لله دخلت حاسبات الزقازيق
يارييت لو حد يعرف ايه نشاط الieee فى حاسبات الزقازيق يقولى
ولو كانوا بيشتركوا فى مسابقه الروبوكون ولا لأ ؟
وشكرااااااا

الاسطورة

31-08-2009, 04:55 AM

لو حد يعرف المواد اللى بيشتلوها المحولين من الزقازيق للمنصورة ......لان فى ناس قالو ا بيشتالوا 9 مواد و حاسة انهم بيأفوروا
حضرتك أصلآ لسا فى فرصة التحويل الورقى مش عن طريق النت
انا كنت زيك واترفض تحويلى وحولت بالملف الورقى
ياريت تسألى ف الموضوع ده

بالنسبة لموضوع الزقازيق ها اسأل وارد عليكى

الاسطورة

31-08-2009, 04:56 AM

السلام عليكم
انا الحمد لله دخلت حاسبات الزقازيق
يارييت لو حد يعرف ايه نشاط الieee فى حاسبات الزقازيق يقولى
ولو كانوا بيشتركوا فى مسابقه الروبوكون ولا لأ ؟
وشكرااااااا
انت داخل حامى قوى كده ليه
عايز تشترك ف روبوكون مرة واحدة كده
طيب بس ادخل الكلية انت وظبط نفسك وبعدين ابقى دور على الحاجات دى

AL_Gawad

31-08-2009, 05:06 PM

السلام عليكم
انا الحمد لله دخلت حاسبات الزقازيق
يارييت لو حد يعرف ايه نشاط الieee فى حاسبات الزقازيق يقولى
ولو كانوا بيشتركوا فى مسابقه الروبوكون ولا لأ ؟
وشكرااااااا

هو ايه ال ieee ده ؟؟؟؟

amour_amour88

03-09-2009, 10:03 PM

استنوني وانا كمان حاسبات الزقازيق وليا استفسار هي الدورات بتبقي مهمه اصل الكليه عامله دوره مع المصاريف فمش عارف اخدها من الجامعه ولا من مكان خارجي افضل

ahmed abdelaziz

04-09-2009, 04:02 PM

احمد اولى حاسبات عين شمس

m_fci

06-09-2009, 03:19 PM

مشكلتنا هنا في مصر أن أولياء الأمور بيبصوا للكلية كأنها كلية جيمس ورسوم متحركة وميعرفوش أنه مجال البرمجيات وتكنولوجيا المعلومات من أخطر وأهم المجالات في وقتنا الحالي وأن كل الصناعات وكل المجالات بقه معتمد عليه أعتماد كبييييير جدا .
فعلى فكره مشكلتنا من زمان قلة المعلومات وقلة القراءة وده شأن أي مجتمع متأخر ومليئ بالسلبيات. ثانيا بالنسبة لمجال هندسة البرمجيات لو أي أحد قرأ عن software engineering لضحك على الكلام الي الناس الي بيقولوه دلوقتي بقه الأعتماد على البرمجيات أو السوفت وير أصبح كبير بصورة لا يتخيلها أحد وأصبح ينفق عليه المليارات ودخل بقوة جدا في المجالات الحساسة وأصبح تجاهله مستحيل وذلك ليس من يومين بس بل منذ نصف قرن تقريبا بس أحنا متخرين شوية زغيرن وربنا يوفقنا وعلى فكرة قد يؤدي سوء تصميم أو خطا في السوفت وير إلى كارثة كبيرة من الناحية البشرية أو المادية ممكن بسبب السوفت يصطدم الطائرات ببعضها أو قد يؤدي إلى زهق أروح كثيرة لذلك أصبحت التكلفة في البرمجيات كبيرة ومهمة وعلى فكرة الناس كلها لازم تقرأ وحتى تشوف الكتب المترجمة إذا أحبوا ان يقرأوا بالعربي ويا ريت أي حد يستهون أو مهواش عارف قيمة هذا المجال أو يقول أنه مجال تكميلي ليس أكثر يقرأ قبل أن يقول أي شي لأن كفى بالمرء كذبا أن يتحدث بكل ما سمع كما هو معروف من الحكم القديمة وعلى فكرة كل من دخل كلية الحاسبات والمعلومات هنيأ لك الكلية وإن شاء الله هتلقي في الكلية أشياء لا تدرك معناها إلا إذا فقدتها أو شوفت أي كلية تانية وعلى فكرة أنت أهم وأفضل من تخرج من الجامعات المصرية وأنا أرى أن الكلية الي أنت فيها احسن من طب والهندسة التقليدية لأنك تدرس هندسة وتكنولوجيا غير تقليديين بإعتراف جميع دول العالم المتقدم

m_fci

07-09-2009, 10:08 AM

أحب أرد على الأخ الي بيقول أن علوم الحاسب معناه أنك مبرمج فهذا الكلام غير صحيح بالمرة لأن خريج كلية الحاسبات والمعلمومات قسم علوم حاسب من أهم الأقسام ولا غنى عنه فهو يعتبر مهندس برمجيات لأنه يدرس كورسات هندسة البرمجيات ولأن فيه فرق بينه وبين القسم التاني بإن الي بيغلب على علوم حاسب دراسة المترجمات وأنظمة التشغيل والأسيمبلي والكمبيوتر أركتيكشر وغيره من العلوم الأساسية التي تساعده في أن يعمل في أنظمة كتير مختلفة لكن والله أعلم في القسم الجديد وهو هندسة البرمجيات أشياء أكثر عمقا في هندسة البرمجيات وأكثر عددا من الكورسات الخاصة بهندسة البرمجيات لأن كلا المجالين يتكونون من مجموعة علوم هائلة جدا وليس علم واحد ولا حد لهذه العلوم وعلى فكرة من الناحية العلمية والنظرية كلا القسمين قريبين جدا من بعض ولا يوجد من هو أفضل من الأخر وعايز أعرفك بس الفرق بين العلمين ببساطة وليس لنا علاقة الان باللقب لأن أي حد خريج كلية الحاسبات والعلمومات يعتبر مهندس رغما عن أنف أي أحد وأقول ذلك ليس عصبية ولكن إذا رجعنا لأصول تعريف كلمة مهندس لرأينا أقرب الناس في مصر لهذا اللقب هم خريجين كلية الحاسبات والعلمومات والعاملين في هذا المجال لأسباب كثيرة لا يتسع الوقت الأن للإجابة عليها ولكن أتحدث في هذا الموضوع في وقت لاحق والموضوع ده مش معناه ان انا بدافع عن الكلية لان الكلية مش محتاجة حد يدافع عنها ولكن انا أتحدث من الناحية العلمية وأيضا من الناجية العملية حيث أنا أعمل في المجال ده منذ سنوات كبيرة وأنا خريج كلية الحاسبات والمعلومات قسم الأي تي ولكن دعني أذكر لك الفرق سريعا تمام فأنا أنقل كلام أحد الكتاب المشهورين الذين يكتبون في السوفت وير إنجينيرينج فهو يقول الأتي:
Essentially, computer science is concerned with the theories and methods that underlie computers and software systems, whereas software engineering is concerned with the practical problems of producing software. Some knowledge of computer science is (essential for software engineers in the same way that some knowledge of physics IS essential for electrical engineers.
Ideally, all of software engineering should be underpinned by theories of computer science, but in reality this IS not the case. Software engineers must often use ad hoc approaches to developing the software. Elegant theories of computer science cannot always be applied to real, complex problems that require a software solution.
وهذا الكلام من الناحية النظرية ومن المكن خريح أحد الأقسام يعمل في أي منهما هذا في مصر وخارج مصر وعلى فكرة من معرفتي بقسم علوم الحاسب رغم انني كنت بقسم تكنولوجيا المعلومات أرى أن كورسات علوم الحاسب قاوية جدا جدا ولا غنى عنها حتى تكون مهندس برمجيات محترم والمهم أننا نقرا ونتعلم ونفيد بلادنا ومجتمعنا وهذه العلوم كلها من الاهمية بمكان وقد أكون قد نسيت بعض كورسات علوم الحاسب المهمه ولكن أنا في الأخر إنسان وأسأل كذالك عن كورسات الأقسام الأخرى والفرق ما بينها وأهم شي لازم تتنك طول عمرك عايز تتعلم وتنسى أنك خريج قسم أيه أو أنت لقبك أهم حد سيبك من كلام أي حد وارميه ورا دهرك وأبتدي تتعلم بجدية وإن شاء الله ربنا هيوفقك وإن شاء الله استبشر خير فأنا من واقع العمل أقولك أنت أفضل واحد في مصر من ناحية فرض العمل والمرتبات أيضا والمستوى الإجتماعي وذلك كله إذا تعبت وأديت الي عليك وكنت طموح وفوق كل ده علقتك بربنا كويسة وأخلاقك جميلة والسلام.

the Bosy cat

10-09-2009, 11:54 PM

انا حاسبات حلوان ودفعت مصاريف 242.5 وعلى فكرة الكلية جميلة جدا

comsc

16-09-2009, 04:03 PM

السلام عليكم
انا بجد يا جماعه كان نفسي اساعد كل طلبة حاسبات في كل الجامعات لكن للأسف معنديش معلومات كافية اوي
وبرده عشان مضحكش عليك كل اللي اعرفه ان في مواد اساسية ومشتركه في كل الجامعات
ذي رياضة فيزياء برمجة والله اعلم
على فكره يا جماعة انا في سنة تانية حاسبات ومعلومات جامعة عين شمس
لوفي اي حد محتاج مساعده او اي معلومات من طلبة عين شمس
وده الايميل بتاعي على الياهو
mohamed_salam1990
وربنا معاكوا

eng.ahmed55

16-09-2009, 04:29 PM

انا حاسبات حلوان ودفعت مصاريف 242.5 وعلى فكرة الكلية جميلة جدا
الكلية جميلة اصدك من حيث الشكل ولا الدراسة؟

eng/el doktor

17-09-2009, 05:07 PM

الكلية جميلة اصدك من حيث الشكل ولا الدراسة؟
الكليه جميله من حيث الشكل والدراسه كمان أنا مستجد ف حاسبات ومعلومات حلوان وبالرغم إنى م المنصوره وكان ممكن أحول بس أنا فضلت حلوان وده مش معناه طبعا إن المنصوره مش قويه بالعكس المنصوره من أقوى الجامعات ف مصر لكن أنا إرتحت ف الكليه دى وإن شاء الله بفكر ف القسم الجديد اللى هو هندسة برمجيات اللى إتفتح جديد ف الكليه السنه دى وبالمناسبه عاوز آخد رأيكم ف الموضوع ده .. وشكرا جزيلا

BêDô ΜâśĦâĶëL

21-09-2009, 02:24 PM

أخـوكم عبـداللـه محـول مـن هنـدسة لحـآسبـآت الـزقـآزيـق

eng/el doktor

21-09-2009, 09:43 PM

أخـوكم عبـداللـه محـول مـن هنـدسة لحـآسبـآت الـزقـآزيـق
أهلا بيك يا بشمهندس
سور يعنى لو فيها تطفل
ممكن أعرف سبب تحويلك إيه
وطبعا لو ملكش رغبه براحتك
جزاك الله خير

احمد بووجا

23-09-2009, 02:18 AM

انا احمد من المنصوره وانا فى حاسبات حلوان وربنا معانا وبجد هيا جامعه متطوره وجميله جدا

BêDô ΜâśĦâĶëL

23-09-2009, 03:01 AM

أهلا بيك يا بشمهندس
سور يعنى لو فيها تطفل
ممكن أعرف سبب تحويلك إيه
وطبعا لو ملكش رغبه براحتك
جزاك الله خير

يعـم تـطفـل إيـه بـس
أنـآ إيـزى خـآلـص الفـرق بـس فــ إنـى عـآيـز أدرس حـآجـه تفيـدنـى عمـليـآ وفكـريـآ
أولآ الهـندسـه انا جبت مجموعها بس عشان اثبت للى حوليا حاجات كتير كانو فاهمينها غلط عنى لانى مذاكرتش غير اخر 15 يوم
ثانيا انا جبت الهندسة عشان ارضي اهلى بس ومكونتش عايزهم يفهمو انى عايز حاسبات عشان مش قادر اجيب مجموع هندسة لانهم مفكرنى مهمل ومكسل اذاكر
ثالثا الحاسبات انا عندى ليها خلفية اكبر من خلفيتي عن الهندسة
رابعا معاهد التكنولوجيا اللى بتدى بكالريوس هندسة بقت زى عربيات الفول دلوقتى
يعني ايه انا ابقي معايا بكالريوس هندسة وانا جايب ف الثانوي 96 وواحد جايب 62 ومعاه بردو بكالريوس من نفس الجامعة او من جامعة احسن كمان
هيقولو شغل ده مش زى شغل ده بس اللى هيدفع ف المعهد هيدفع عشان يشتغل وشغلانة احسن من اللى هشتغلها كمان
يعني كدا كدا هتساوى بيه او هو هيبقي احسن منى ف حاجات

بس يا عم الحج
هى دى قصة حياتى

eng/el doktor

23-09-2009, 05:26 PM

انا احمد من المنصوره وانا فى حاسبات حلوان وربنا معانا وبجد هيا جامعه متطوره وجميله جدا
وأنا كمان أحمد من المنصوره وأنا ف حاسبات حلوان
لتكون أنا وأنا مش واخد بالى
أهلا بيك يا بشمهندس

eng/el doktor

23-09-2009, 05:30 PM

يعـم تـطفـل إيـه بـس
أنـآ إيـزى خـآلـص الفـرق بـس فــ إنـى عـآيـز أدرس حـآجـه تفيـدنـى عمـليـآ وفكـريـآ
أولآ الهـندسـه انا جبت مجموعها بس عشان اثبت للى حوليا حاجات كتير كانو فاهمينها غلط عنى لانى مذاكرتش غير اخر 15 يوم
ثانيا انا جبت الهندسة عشان ارضي اهلى بس ومكونتش عايزهم يفهمو انى عايز حاسبات عشان مش قادر اجيب مجموع هندسة لانهم مفكرنى مهمل ومكسل اذاكر
ثالثا الحاسبات انا عندى ليها خلفية اكبر من خلفيتي عن الهندسة
رابعا معاهد التكنولوجيا اللى بتدى بكالريوس هندسة بقت زى عربيات الفول دلوقتى
يعني ايه انا ابقي معايا بكالريوس هندسة وانا جايب ف الثانوي 96 وواحد جايب 62 ومعاه بردو بكالريوس من نفس الجامعة او من جامعة احسن كمان
هيقولو شغل ده مش زى شغل ده بس اللى هيدفع ف المعهد هيدفع عشان يشتغل وشغلانة احسن من اللى هشتغلها كمان
يعني كدا كدا هتساوى بيه او هو هيبقي احسن منى ف حاجات

بس يا عم الحج
هى دى قصة حياتى
شكرا على ردك يا بشمهندس وعلى قصة حياتك المفيده دى
بس كنت عاوز أقول إن مش عشان المعاهد العليا للهندسه والتكنولوجيا بتتساوى بخريج هندسه(ف المسمى طبعا) بس أكيد السبب إنك هتلاقى نفسك ف حاسبات عن هندسه وميولك كمبيوتر وبرمجه
ربنا يكرمك ويوفقك يا بشمهندس

BêDô ΜâśĦâĶëL

23-09-2009, 05:49 PM

شكرا على ردك يا بشمهندس وعلى قصة حياتك المفيده دى
بس كنت عاوز أقول إن مش عشان المعاهد العليا للهندسه والتكنولوجيا بتتساوى بخريج هندسه(ف المسمى طبعا) بس أكيد السبب إنك هتلاقى نفسك ف حاسبات عن هندسه وميولك كمبيوتر وبرمجه
ربنا يكرمك ويوفقك يا بشمهندس

يعم والله كلها محصلة بعضها
انا كنت قاعد مع واحد صاحبي امبارح
انا عارف انه كان شايل فيزيا ونجح ف الدور التانى بقولو جبت توتال كام
قاللى 68.5
قولتلو وناوى على ايه قاللى هندسة ان شاء الله
قولتلو ربنا معاك يا عم بس شد حيلك

انا مش بقل منه بس ليه الواحد يتعب نفسه ويذاكر مدام هى سايحة على بعضها بقا وده بيبقي زى ده

احمد بووجا

23-09-2009, 11:29 PM

وأنا كمان أحمد من المنصوره وأنا ف حاسبات حلوان
لتكون أنا وأنا مش واخد بالى
أهلا بيك يا بشمهندس

ازيك يا احمد انا احمد انيس :078111rg3:

احمد بووجا

23-09-2009, 11:38 PM

يعم والله كلها محصلة بعضها
انا كنت قاعد مع واحد صاحبي امبارح
انا عارف انه كان شايل فيزيا ونجح ف الدور التانى بقولو جبت توتال كام
قاللى 68.5
قولتلو وناوى على ايه قاللى هندسة ان شاء الله
قولتلو ربنا معاك يا عم بس شد حيلك

انا مش بقل منه بس ليه الواحد يتعب نفسه ويذاكر مدام هى سايحة على بعضها بقا وده بيبقي زى ده

ازيك يا بشمهندس والله عندك حق لان التعليم فى مصر اصبح للاغنياء فقط واللى معاه فلوس هو اللى يقدر يتعلم ويخش الكليه اللى عايزها وعلى فكره انا فى واحد صاحبى نفس نظام صاحبك ده ودخل معهد الهندسه والتكنولوجيا بدمياط الجديده والله ربنا معاه ويوفقه بس ده حرام [وعسى ان تكرهوا شئ وهو خير لكمhtm[/html]

BêDô ΜâśĦâĶëL

24-09-2009, 12:11 AM

ازيك يا بشمهندس والله عندك حق لان التعليم فى مصر اصبح للاغنياء فقط واللى معاه فلوس هو اللى يقدر يتعلم ويخش الكليه اللى عايزها وعلى فكره انا فى واحد صاحبى نفس نظام صاحبك ده ودخل معهد الهندسه والتكنولوجيا بدمياط الجديده والله ربنا معاه ويوفقه بس ده حرام [وعسى ان تكرهوا شئ وهو خير لكمhtm[/html]

يا بشمهندس انت ف بلد الصمت
طبعا هتقول يعني ايه
يعني انك تشوف اكتر مشاهد مستفزة وتلتزم الصمت
يعني انك تشوف واحد اقل من التانى ف المجهود ويتفوق عليه وتلتزم الصمت
يعني انك تشوف التفرقة العنصرية بين الطبقات وتلتزم الصمت
يعني انك تشوف واحد طلع عينه وعين اهله معاه ف الثانوية ومعملش ببصلة وتلتزم الصمت
يعني انك تشوف جار الواحد ده وتلاقيه صايع وشمام واهله منفضينله بس يدخل كليه احسن منه وتلتزم الصمت

وده طبعا ميمنعش ان في حاجات كتير حلوة ف البلد شوف دقيقة الموبيل بقت بكام دلوقتى غير العروض :d ;)

m_fci

24-09-2009, 05:43 PM

على فكرة موضوع ان هندسة بتاخد أكبر من حاسبات ده كلام مش مظبط لأن ده معتمد على التنسيق لكن يبدو أن من السنين الأخيرة ده صحيح وأولياء الأمور شايفين أن حاسبات أقل منزلة من هندسة لكن كل الكلام ده ملوش أصل من الصحة ده كلام ناس بتقيس بالشبر وشايفين الموضوع ده من وجهة نظر غير سليمة فأنا بإعتباري ينبغي أن يكون الناس عندهم عقلية أكبر من كده وتعرف أن حاسبات ومعلومات ده من أعظم الكليات الي في مصر بالفعل وده مش مجرد كلام سيبكوا بقه من عصر البشوات والعنتظة على الفاضي وأنا على فكرة خريج كلية الحاسبات والمعلومات وكنت جايب مجموع عالي جدا بفضل الله وكان على سنتي حاسبات ومعلومات تأخد من مجموع يفوق هندسة بمراحل وكان في التنسيق سنتي حاسبات كانت تأخد أعلى من بترول وتعدين ولكن زي ما أنتوا عرفين موضوع التنسيق لا يمثل شيء ولازم برده أولياء الأمور يكونوا مستوعبين أن حاسبات ومعلومات جزء لا يتجزء عن الهندسة وسيبكوا من الأسماء الي بيدعوها وعلى فكرة أنا أعمل منذ فترة في هذا المجال وهو مجال من أجمل وأمتع المجالات بلا منافسة ولكن لمن يعطية ويجتهد فيه وبإذن الله الشغل فيه هايل جدا ويدخل في مجالات كثيرة جدا وأنا الأن أعمل في الإمبيدد سيستم وبأحاول أبدع فيه وأنجز في هذا المجال الصاعد الواعد وأيضا من أحل المجالات لي علوم الذكاء الأصطناعي وعلى فكرة الوحيدين في مصر الي همه شايفين نفسهم يعملون كمهندسين بجد همه الذين يعملون في مجال تكنولوجيا المعلومات عموما

BêDô ΜâśĦâĶëL

25-09-2009, 01:19 PM

dando-255

28-09-2009, 03:42 AM

mohawahby

05-10-2009, 10:15 PM

dando-255

06-10-2009, 01:43 PM

أولا أنا آسف على كتابة استفساري هنا
وده ممكن يضايق الاعضاء علشان الموضوع هنا مختلف عن سؤالي
بس انا قلت ان هنا تجمع لطلبة حاسبات ومعيديها فانا اسف 2 يعني
أولا أنا محمد وهبي طالب ثانوي صف ثالث
لظرف ما أجلت مادة الاحياء فقط وانا ممكن ابدلها برياضة بحيث ابقى علمي رياضة
مجموع كل المواد اللي دخلتها 97% بدون المستوى الرفيع يعني لو لنهائية ف مادة التخصص والمستوي يبقى حوالى 98.5 % يعني ممكن ادخل طب أو اي كلية تانية اذا ربنا أكرمني
لللللللللللللللللللللللكن
انا ميولي ناحية الكمبيوتر والبرمجة كبيرة جدا ويعني بيقولو ان انا موهوب (يمكن)
وانا بفكر بجد ادخل حاسبات وطموحي فيها ملهوش حدود
وعندي كده لو سمحت واستحملت كلامي كذا سؤال عن حاسبات ومستقبلها

- ما هي طبيعة الدراسة؟
- هاطلع ايه؟ مبرمج مؤهل للعمل (اذا تفوقت) ولا اقل ولا أعلى؟
- انا قرأت في احدى المطبوعات ان معيدي حاسبات ومعلومات بياخدوهم مايكروسوفت (انشالله ببلاش ) فهل ده صحيح؟
- ممكن لو دخلتها ف جامعة امريكية يكون في ميزة أكبر؟
- لو (لا قدر الله) تخرجت كطالب عااادي جدا(مش متميز يعني) ممكن ألاقي شغل؟ وايه طبيعة الشغل ده؟
- هل بيعترفوا برة بشهادة حاسبات ومعلومات مصر؟
ومرة 3 انا اسف على كتابة سؤالي هنا لكن انا عايز الاجابة ضروري

أولا
طبيعة الدراسة .. بتدرس اول سنة مواد هندسية ليها علاقة بالمبرمجة زى الفيزيا و الرياضيات و شوية برمجة على خفيف
تانى سنة بتبدأ تتوسع فى مواد الكومبيوتر و البرمجة
لحد ما توصل للاحتراف قبل التخرج
أهم حاجة فى الدراسة انك تكون بتذاكر عشان تتعلم بجد مش عشان تنجح

ثانيا
لو ذاكرت و فهمت كومبيوتر صح و اتطلعت و قريت كتب و خدت الموضوع انك عاوز تعرف كل كبيرة و صغيرة
فهتبقى مهنتك كومبيوتر سيينتيست
و دى أعلى حاجة فى المجال و شاملة كل المهن الفرعية اللى فيها خريجين حاسبات .. زى مبرمج و مطور و سوفت وير اناليزر و ويب ديفوليبر

ثالثا
طبعا مايكروسوفت و غيرها فى احتياج لينا
بس كل دا بيتوقف على امكانياتك و مهاراتك .. لأن الشركات دى مبترميش فلوسها فى الارض
و المرتب اللى هتاخده لازم تكون تستحقه و تشتغل بيه .. مش اى خريج بياخدوه

رابعا
بص انا فى حسابات عين شمس .. العميد كان عامل من يومين مؤتمر للطلبة الجدد و قال احصائيات كتيرة
منها ان حاسبات عين شمس واخدة المركز الاول فى ترتيب الكليات و هى اعلى من الجامعة الامريكية
الجامعة الامريكية فى المركز التالت على ما اذكر

خامسا
اى حد بيتخرج من الكلية دى بيشتغل .. لأن مجالها واسع جدااا أكتر مما تتخيل .. لكن بتفرق فى المرتبات و المراكز و الوظائف و كدا
و الاهم من التقدير هو السكيلز و مهاراتك
ماهو فيه بعض البنات بيدحوا و يجيبوا امتياز و هم اصلا بقر كومبيوتر
بيحفظوا شكل الاسئلة و خلاص
دول مبينفعوش فى سوق العمل

سادسا
كلية حاسبات هى الكلية الوحيدة فى مصر اللى معترف بيها خارج مصر
الكتب اللى انت بتدرسها هى نفس الكتب اللى بيدرسوها فى جامعة هارفادر و كولومبيا فى أمريكا
و اللى يسافر يشتغل بره مش محتاج يمعل معادلة .. زى خريجين باقى الكليات

محمد نوكيا

08-10-2009, 01:35 PM

انا دخلت حاسبات المنيا

seha arman

16-10-2009, 08:53 PM

انا اسحاق حاسبا حلوان

seha arman

16-10-2009, 08:54 PM

انا اسحاق حاسبات حلوان

drop water

07-11-2009, 07:44 PM

وانا بسمه حاسبات ومعلومات المنصورة

لورد حسان

23-08-2010, 09:56 PM

فادي
حاسبات اسيوط

mahmouedsakr

31-08-2010, 09:10 PM

انا ياسيدي قصدي يا باش مهندس انا محمود صقر
حاسبات ومعلومات المنوفية
وان شاء الله اول سنة لي هذة السنة 2010/2011

ادعو الله ان يوفقنا جميعا الي الخير
سلام:078111rg3:

eng_klose

15-09-2010, 10:52 AM

أنا داخل تالتة حاسبات المنصورة وعلى فكرة الكلية من أفضل الكليات الموجودة فى مصر
وبالنسبة لمنهج أولى حاسبات
بتدرس مقدمة عن علوم الحاسب ورياضيات منفصلة ولغة ومادة اسمها تكنولوجيا المعومات ونظم المعومات

دمعة خاشعة

19-09-2010, 09:04 PM

انا معاكم وداخلة 2 حاسبات المنصورة

الاسطورة

20-09-2010, 02:24 AM

طيب كويس فى غالبية من حاسبات المنصورة اهو
يعنى احنا مسيطرين برضو

star ice

20-09-2010, 10:24 AM

انا كمان اولى حاسبات المنصورة السنة دى ادعولى بالتوفيق

الاسطورة

20-09-2010, 01:26 PM

انا كمان اولى حاسبات المنصورة السنة دى ادعولى بالتوفيق
ربنا معاكم ومعانا كلنا يارب
واى حاجة محتاجينها طلبة حاسبات المنصورة انا موجود باذن الله

batchi-man

23-09-2010, 09:06 PM

:078111rg3:السلام عليكم انا محمد محمود من حاسبات و معلومات عين شمس (قسم بيو انفورماتيكس) قسم جديد بيتدخل في الطب انا في سنة تانية اي حاجة انا في الخدمة

cg man

20-05-2011, 01:02 AM

بالتوفيق للجميع

fuoozz

13-06-2011, 04:39 PM

السلام عليكم
معاكم ابوبكر اكاديمية الشروق اولى حاسب

MohamedHigazy

14-07-2011, 11:51 PM

انا محمد حاسبات ومعلومات اكاديميه السلاب ..... انفع ولا عشان انا فى كليه خاصه ............؟؟؟؟؟؟؟؟؟؟؟

ابراهيم فرج عوض

16-07-2011, 08:27 AM

[quote]اهلا بالمبرمجين انا اختكم تالتة حاسبات ومعلوات جامعة القاهرة

mishoo1

18-07-2011, 08:30 PM

اهلا بيكو يا جماعة انا لسة طالب فى ثانوى كنت عاوز اعرف حاسبات ومعلومات بتاخد من كام

البشمهندس احمد

30-07-2011, 03:05 PM

احمد داخل تالتة حاسبات ومعلومات المنصورة

heshammmmm

01-08-2011, 09:29 PM

ان شاء الله حاسبات كايرووووووووووووووووووووووووو

sygma-zita

05-08-2011, 01:57 PM

أهلاً يا برنس ....... أنا جديدة لنج فى حاسبات ... بقالكوا كتييير مش بتشاركوا .... أنا متحمسة للفكرة ... و على فكرة أنا حاسبات الزقازيق ..... عايزين ردود و تفاعل أكبر يا بشمهندسن!!!!!!!1

Sigma6

06-08-2011, 09:12 AM

أنا مصطفى إن شاء الله حاسبات عين شمس
لسه بقى نتيجة المرحلة التانية
بس عموما أنا جايب 384.5 يعني أول المرحلة التانية
فإن شاء الله أنا كده تمام

zizohassan

09-08-2011, 07:52 PM

أنا دخلت حاسبات ومعلومات أسيوط

Sala7_Sniper

09-08-2011, 10:05 PM

أنا زميلكم صلاح جمال صلاح الافندى

أن شاء الله انا داخل حاسبات ومعلومات حلون

واتمنى ابقى وسطكوا

MODI200

10-08-2011, 03:14 AM

سوال خرجى هو خريجى كليه علوم قسم قسم الحاسبات والرياضه ممكن يتسجل فى الجمعية المصرية لمهندسي البرمجيات او يتسجل فى نقابه مهندسى البرمجيات لو عملوها

sygma-zita

12-08-2011, 12:03 PM

ممكن حد يوضحلى إيه لازمة النقابة

شبلانو

12-08-2011, 08:28 PM

محمد شبل - حاسبات القاهرة ;)

Eng.Mo'men

16-08-2011, 08:46 AM

يا نهار ابيض النقابة دى هى أمنا اللى تايهة بجد النقابة دى هتخلى مسماك الوظيفى فى البطاقة مهندس برمجيات دى حاجة الحاجة التانية هتحفظلك حقوقك زى نقابة المهندسين كده والاطباء ومحدش يقدر يشتغل شغلتك غيرك انت يا معلم يا خريج الحاسبات ودا هيخلى الشركات تتهافت علينا وفرص العمل هتزيد والمرتبات هتعلى الحاجة التالتة من الوارد جدا تغيير اسم الكلية لتصبح ( هندسة الحاسبات والمعلومات) لأننا ندرس كل شئ خاص ببرمجيات الحاسب الآلى بطريقة هندسية الحاجة الرابعة مجموع الكلية دى هيعدى حاجز الهندسة وسينافسها كل عام الحاجة الخامسة النقابة بتوفرلك خدمات كلنا نعرفها زى العمرة والمصايف والرحلات والامتيازات التانية الكتير سادس حاجة وضعك الاجتماعى هيفرق كتير جدا لأنك اصبحت مهندس رسميا سابع حاجة النقابة لها القدرة على سن القوانين ورفع القضايا بعكس جمعية مهندسى البرمجيات التى لا حول لها ولا قوة تامن حاجة النقابة دى زى الشلة اللى بتجمع الأفراد اللى ليهم نفس الهوية والمهنة ومن خلال تجمعهم يستطيعوا تبادل الخبرات ومساعدة بعضهم البعض فى مجال العمل والنقابة لها فوائد اكثر من ذلك بكثير ولكن ذلك الحاضر الآن فى ذهنى

Eng.Mo'men

16-08-2011, 08:51 AM

مؤمن الغمرى حاسبات الزقازيق ان شاء الله

ahmednafady

17-08-2011, 02:20 AM

hi ana da5alet hasabat cairo we bsara7a fy el awl kont metdai2 3ashan da3at handasa bs lma 3rft el kolia we kda el7l estria7t el7l

wzaaaa

17-08-2011, 05:02 AM

انا راضى احمد ودخلت حاسبات حلوان بس خايف من الجامعه ديه علشان سمعت عنها كلام مش لطيف خاااااااااااااااااالص ممكن حد يعرفنى بالجامعه ديه اكتر !!!!!!!!!!!!!!!!!!!!!11

Eng.Mo'men

17-08-2011, 12:56 PM

لا جامعة حلوان سمعتها زى الفل بس اللى احسن منها جامعة عين شمس ثم جامعة القاهرة وعشان تتأكد اكتب على جوجل ( جامعة حلوان وجنبها ويكيبيديا )

secret Garden

17-08-2011, 01:10 PM

أحمد ... حاسبات منوفية .

secret Garden

17-08-2011, 02:23 PM

ملحوظة بسيطة ... المفروض ( تجمع مهندسي ) مش مهندسين

mohamedsary

19-08-2011, 10:35 PM

اخوك محمد حاسبات ومعلومات القاهرة انشاء اللة

Eng.Ahmed Hagag

26-08-2011, 01:58 AM

شكرا على ردك يا بشمهندس وعلى قصة حياتك المفيده دى
بس كنت عاوز أقول إن مش عشان المعاهد العليا للهندسه والتكنولوجيا بتتساوى بخريج هندسه(ف المسمى طبعا) بس أكيد السبب إنك هتلاقى نفسك ف حاسبات عن هندسه وميولك كمبيوتر وبرمجه
ربنا يكرمك ويوفقك يا بشمهندس
يا أستاذ أنا عايز اوضح لحضرتك حاجة أنا دلوقتي جايب 92.5% ودخلت أكاديمية الشروق هندسه وده تنسيقها مش زي محضرتك فاكر احنا تنسيقنا السنة دي 89%:d أكيد مش زي هندسة حكومة بس يعني مش 50 أو 60 %89:blush::blush:% يعني تقريبا 90% من الدفعة معديين el-90 % يعني مش فاشلين ولا حاجة أنا حبيت اوضح بس أنا عارف إن معظم المعاهد الخاصة فاشلة بس ده ميمنعش إن فيه أكاديميات ومعاهد محترمة زي العاشر والشروق بس أنا معاك إن 95% منها بيطلع مهندس مش فاهم حاجة بس المشكلة إن المعاهد كلها معتمدة من وزارة التعليم العالي وبيشترك في النقابة وده مش عيب من الطلاب ده عيب من وزارة التعليم العالي
يعني أنا عشان فارقة معايا على 6 درجة مش 68.5% زي مبتقول اضيع حلم حياتي مع احترامي لحاسبات وعلوم بس أنا عايز هندسة
على فكرة حل الموضوع ده وضع حد ادنى للمعاهد الخاصة والجامعات كمان اللي وصل تنسيقها l-70% وبتديك شهادة احسن من الحكومة يعني 90% مثلا ومفيش حد يدخل هندسة اقل من 90 % وده رأيي وخلي بالك هم بيبقوا مهندسين بس بيبانوا بعد كده لما بيقدموا في شغل أو كده يلا كفاية كده أنا طولت عليكم أوي