أنا والأذكياء .. online [الأرشيف] - بوابة الثانوية العامة المصرية

Rymonda

30-07-2009, 04:49 PM

يا سلامو عليكو
:)
ya welcome beekom
:022yb4:
يا رب تكونوا كويسين كده وتمام

خلينا نبدأ ونقول

بسم الله الرحمن الرحيم

عشان ربنا يباركلنا في اللي هنعمله;)

طبعا يا جماعه زي ما انتو عارفين احنا هنبدأ مسابقتنا اللي نوهنا عليها قبل كده

وركزوا معايا ربنا يباركلكم وانا هشرح كل حاجه

(الواد اللي قاعد ورا يركز هنا):p

بصوا بقى .. مسابقتنا عباره عن حاجه ظريفه قوي :d

هتبدأ بمعاد (ساعه معينه يعني) .. وهتخلص بمعاد برضو

ماهي مش سايبه :p

احم احم

واحد يسألني ويقوللي عباره عن ايه المسابقه دي

اقوله اصبر يا ابني ..(لو صبر القاتل ع المقتول ):stickjo4:

المسابقه يا سيدي ( ركز هنا ):stickjo4:.. احم احم

المسابقه هيدخلها 4 متسابقين كل حلقه .. الـ 4 دول هيتنافسوا على 3 مراحل..كل مرحله عدد معين من الاسئله

(البت اللي بتهرش دي تركز معايا):bosyht9:

ركزوا معايا في الحته اللي جايه دي ربنا يباركلكم

اولا : المرحله الاولى ..هيدخلها الـ 4 متسابقين

هنزل انا الاسئله في الموضوع هنا

(اعداد مستر محسن طبعا):)

وهيتفضل المتسابقين مشكورين يبعتولي الاجابه ع الخاص .. في برايفيت

وفي الاخر هنزل انا اجاباتهم كلهم في الموضوع .. ومعايا النتيجه

مع العلم ان لازم واحد فيهم هيطلع وهنكمل بــ 3

اكيد طبعا اكتر 3 حلوا صح هما اللي هيفضلوا معانا

واحد يسألني ويقوللي .. طب افرضي ياختي كلهم حلوا صح؟؟;)

ارد عليه واقوله.. يبقى هنا يا سيدي هيدخل عامل الوقت في الموضوع .. واخر واحد بعت الاجابات هو اللي هيتفضل مشكور يطلع

طب وبعد كده؟؟

بعد كده هندخل المرحله التانيه بالـ3 اللي معانا

ونفس الحكايه .. الاسئله تنزل.. الاجابات تتبعت ..النتيجه تطلع .. سعيد الحظ يستبعد:blush:

واحد يقوللي زي fear factor كده ؟؟

اقوله .. اسم الله عليـــــــــــك .. حاجه شبه كده:d
ندخل بقى في الجد بقى .. ونيجي لآخر مرحله .. واللي الحلقه معموله عشانها اصلا.. يعني المنافسه الجامده.. يعني الاتنين الجامدين اللي هيفضلوا

طبعا هيبقى التنافس اصعب

وبرضو هنزل الاسئله .. وهيبعتوا الاجابات .. وهنزل الاجابات واعلن الفايز ..(استرها يا رب انا خايفه :()

وطبعا لكل مرحله وقت معين هنحدده ساعتها .. واللي هيتأخر عن الوقت هيعتبر منسحب.. وملهوش نتيجه عندنا.. احم احم :049gc0:

دا يعني ملخص كده.. ويا رب تكون الفكره وصلت;)

وعلى فكره تم الاتفاق مع اول 4 يا رب يكونوا استعدوا

كمان مش هنقف لحد كده.. لا .. دا احتمال بعد 4 حلقات ناخد الـ 4 اللي فازوا في كل حلقه .. وينافسوا قصاد بعض على حاجه جامده (لقب مثلا)

كفايا كده انا ايدي وجعتني :(
:slap1qk6:
انتظروا الاعلان عن معاد المسابقه وعن المتسابقين قريبا قوي .. احتمال خلال ساعات
:):)
و أي استفسار تاني .. انا تحت امركم طبعاً

في رعاية الله

http://t1.imagechef.com/ic/imgout/anm65470e73d587a2a6.gif

BaNZeR

30-07-2009, 05:12 PM

احم احم

يامسهل :d

لسه مقررتوش الموعد ومكان اللقاء :d

Rymonda

30-07-2009, 05:21 PM

احم احم

يامسهل :d

لسه مقررتوش الموعد ومكان اللقاء :d

تحت المناقشـــــــــــــــــــــه

eng7oudash

30-07-2009, 06:21 PM

مع العلم ان لازم واحد فيهم هيطلع وهنكمل بــ 3

اكيد طبعا اكتر 3 حلوا صح هما اللي هيفضلوا معانا

واحد يسألني ويقوللي .. طب افرضي ياختي كلهم حلوا صح؟؟;)

ارد عليه واقوله.. يبقى هنا يا سيدي هيدخل عامل الوقت في الموضوع .. واخر واحد بعت الاجابات هو اللي هيتفضل مشكور يطلع

طيب افرضى كله حل غلط

او اكتر من واحد حل غلط

:excl::excl::excl:

light of the mo0on

30-07-2009, 06:42 PM

فكرة جميله جدا
شكرا يا قمر

BaNZeR

30-07-2009, 06:48 PM

طيب افرضى كله حل غلط

او اكتر من واحد حل غلط

:excl::excl::excl:

مش للدرجة مش حنعرف نحل حاجة خالص

يبقى نطلع من دلوقتي :d

عالاقل يعني حنجيب مثلاً سؤالين تلاتة من 20 فرضاً يعني
اكيد واحد حيزيد ع التاني بسؤال

ولو تعادل يدخلوا برده المرحلة التانية مش مشكلة
ويبقو 4 مراحل بدل تلاتة

حلها سهل يعني

mohsen ghareeb

30-07-2009, 06:53 PM

وعليكم السلام ورحمة الله وبركاته

الله ينوّر عليكى يا أميرة :av4056bb7jp3:
إن شاء الله تكون مسابقة متميزة ويستفيد الجميع من تنوع الإجابات :)

Ayman Inventor*

30-07-2009, 08:29 PM

ماشى بس مش تبقى احسن لو احسن اتنين هما اللى يتأهلو مش واحد بس وهما اربع اربعات احسن اتنين من كل اربعة يقابلو اربعة وكده اربعة واربعة وهكذا زى الكورة مجموعات ودور 8 وبعدينالمربع الذهبى اللى هيبقى النهائى
بس ماعلش يعنى عشان النظام ده مش عجابنى

مجرد رأى

وياريت ماتجيش حاجات ماتدرسش الا فى ثانوى عشان لسة هاطلع مادخلتهاش يعنى 3 اعدادى

** MR.SmilE **

30-07-2009, 08:50 PM

يا سلامو عليكو
:)
ya welcome beekom
:022yb4:
يا رب تكونوا كويسين كده وتمام

خلينا نبدأ ونقول

بسم الله الرحمن الرحيم

عشان ربنا يباركلنا في اللي هنعمله;)

طبعا يا جماعه زي ما انتو عارفين احنا هنبدأ مسابقتنا اللي نوهنا عليها قبل كده

وركزوا معايا ربنا يباركلكم وانا هشرح كل حاجه

(الواد اللي قاعد ورا يركز هنا):p

حاضر يا مس اميرة .. بس بلاش ضرب الله يخليكي :p

بصوا بقى .. مسابقتنا عباره عن حاجه ظريفه قوي :d

هتبدأ بمعاد (ساعه معينه يعني) .. وهتخلص بمعاد برضو

ماهي مش سايبه :p

احم احم

واحد يسألني ويقوللي عباره عن ايه المسابقه دي

اقوله اصبر يا ابني ..(لو صبر القاتل ع المقتول ):stickjo4:

ماكانش رد ع الموضوع :p

المسابقه يا سيدي ( ركز هنا ):stickjo4:.. احم احم

المسابقه هيدخلها 4 متسابقين كل حلقه .. الـ 4 دول هيتنافسوا على 3 مراحل..كل مرحله عدد معين من الاسئله

(البت اللي بتهرش دي تركز معايا):bosyht9:

ركزوا معايا في الحته اللي جايه دي ربنا يباركلكم

اولا : المرحله الاولى ..هيدخلها الـ 4 متسابقين

هنزل انا الاسئله في الموضوع هنا

(اعداد مستر محسن طبعا):)

وهيتفضل المتسابقين مشكورين يبعتولي الاجابه ع الخاص .. في برايفيت

وفي الاخر هنزل انا اجاباتهم كلهم في الموضوع .. ومعايا النتيجه

مع العلم ان لازم واحد فيهم هيطلع وهنكمل بــ 3

اكيد طبعا اكتر 3 حلوا صح هما اللي هيفضلوا معانا

واحد يسألني ويقوللي .. طب افرضي ياختي كلهم حلوا صح؟؟;)

ارد عليه واقوله.. يبقى هنا يا سيدي هيدخل عامل الوقت في الموضوع .. واخر واحد بعت الاجابات هو اللي هيتفضل مشكور يطلع

طب وبعد كده؟؟

بعد كده هندخل المرحله التانيه بالـ3 اللي معانا

ونفس الحكايه .. الاسئله تنزل.. الاجابات تتبعت ..النتيجه تطلع .. سعيد الحظ يستبعد:blush:

واحد يقوللي زي fear factor كده ؟؟
انا كنت لسة هاقول لك التعليق العظيم ده :d

اقوله .. اسم الله عليـــــــــــك .. حاجه شبه كده:d
ندخل بقى في الجد بقى .. ونيجي لآخر مرحله .. واللي الحلقه معموله عشانها اصلا.. يعني المنافسه الجامده.. يعني الاتنين الجامدين اللي هيفضلوا

طبعا هيبقى التنافس اصعب

وبرضو هنزل الاسئله .. وهيبعتوا الاجابات .. وهنزل الاجابات واعلن الفايز ..(استرها يا رب انا خايفه :()

وطبعا لكل مرحله وقت معين هنحدده ساعتها .. واللي هيتأخر عن الوقت هيعتبر منسحب.. وملهوش نتيجه عندنا.. احم احم :049gc0:

دا يعني ملخص كده.. ويا رب تكون الفكره وصلت;)

وعلى فكره تم الاتفاق مع اول 4 يا رب يكونوا استعدوا

كمان مش هنقف لحد كده.. لا .. دا احتمال بعد 4 حلقات ناخد الـ 4 اللي فازوا في كل حلقه .. وينافسوا قصاد بعض على حاجه جامده (لقب مثلا)

كفايا كده انا ايدي وجعتني :(
:slap1qk6:
انتظروا الاعلان عن معاد المسابقه وعن المتسابقين قريبا قوي .. احتمال خلال ساعات
:):)
و أي استفسار تاني .. انا تحت امركم طبعاً

في رعاية الله

انا مستني .. اه صحيح هو انا من الرباعي ده ؟؟ :d
في امان الله

Rymonda

30-07-2009, 08:52 PM

مش للدرجة مش حنعرف نحل حاجة خالص

يبقى نطلع من دلوقتي :d

عالاقل يعني حنجيب مثلاً سؤالين تلاتة من 20 فرضاً يعني
اكيد واحد حيزيد ع التاني بسؤال

ولو تعادل يدخلوا برده المرحلة التانية مش مشكلة
ويبقو 4 مراحل بدل تلاتة

حلها سهل يعني

هو ده ..
جبت المفيد ..
الباش مهندس محمود عنده تفاؤل غير عادي .. يا عم تفاءلوا بالخير تجدوه .. ان شاء الله كلكوا هتحلوا صح.. قال تحلوا غلط قال .. مكناش دخلناكوا قسم الاذكياء اصلا .. فين السيلف كونفيدانس يا عم ؟؟

ماشى بس مش تبقى احسن لو احسن اتنين هما اللى يتأهلو مش واحد بس وهما اربع اربعات احسن اتنين من كل اربعة يقابلو اربعة وكده اربعة واربعة وهكذا زى الكورة مجموعات ودور 8 وبعدينالمربع الذهبى اللى هيبقى النهائى
بس ماعلش يعنى عشان النظام ده مش عجابنى

مجرد رأى

وياريت ماتجيش حاجات ماتدرسش الا فى ثانوى عشان لسة هاطلع مادخلتهاش يعنى 3 اعدادى

حلو اقتراحك .. بس خليها في وقتها بقى ..
وبعدين متقلقش .. الاسئله في مستوى الكل ..

soso2025

31-07-2009, 01:00 PM

دى حاجه حلوه اوى

عاشقـــ الانمى ـــة

31-07-2009, 02:18 PM

أنا بحب اتفرج على المسابقات دى:d
فكرة جميلة
يلا بالتوفيق

BaNZeR

31-07-2009, 02:38 PM

هو ده ..
جبت المفيد ..
الباش مهندس محمود عنده تفاؤل غير عادي .. يا عم تفاءلوا بالخير تجدوه .. ان شاء الله كلكوا هتحلوا صح.. قال تحلوا غلط قال .. مكناش دخلناكوا قسم الاذكياء اصلا .. فين السيلف كونفيدانس يا عم ؟؟

سيلف ايه بس ما خلاص بطلناه :d

أنا بحب اتفرج على المسابقات دى:d

فكرة جميلة

يلا بالتوفيق

تتفرجي بس
متشتركي طيب ... عندنا اماكن شاغرة كتير :d
ولسه في متسابقين كتير

Rymonda

31-07-2009, 04:16 PM

ربنا يسهل ونعرف نبدأ النهارده ..
:blush:
انا اصل ظروف النت عندي غريبه شويه .. بيستهبل يعني ..:bosyht9:

بس طول ما الحاله مستقره فإحنا على معادنا النهارده الساعه 11 بإذن الله ..:)

شويه كده وهعلن عن المتسابقين ..

يلا متنسوش تتفرجوا علينا بقى ..:078111rg3:

Rymonda

31-07-2009, 04:19 PM

سيلف ايه بس ما خلاص بطلناه :d

بطلتوه ؟؟

:o
يا خبر !!
:o
امال بتتعاطوا ايه دلوقتي ؟؟:d

:p

eng7oudash

31-07-2009, 04:42 PM

ان شاء الله الأمور تمشى و النت يبقى كويس عند الكل

BaNZeR

31-07-2009, 05:03 PM

طيب يا جماعة اروح انام انا بقى :d

emanhelal

31-07-2009, 06:05 PM

حلوه المسابقه اوى

Medo abdo

31-07-2009, 07:27 PM

شكرا كتيرا على الموضوع بس هم ليه اربعة بس مش كانوا يبقوا اكتر عالعموم انا هحل معاكوا ان شاء الله وهبعت الاجابات مش هقولها وكفاية كده كلام والسلام عليكم ورحمة الله وبركاته

Mystry

31-07-2009, 07:42 PM

أسف يا جماعة مش هبقى متواجد الساعة 11

بس هبقى معاكو بعد كدا

ان شاء الله

eng7oudash

31-07-2009, 10:18 PM

الساعة دلوقت 11

ايه النظام ؟؟؟؟؟؟؟؟؟؟؟؟

Rymonda

31-07-2009, 10:23 PM

سوري سوري سوري جدا يا جماعه على التأخير ..

دلوقتي انا هعلن عن المتسابقين .. ويا ريت يمضوا حضور هنا .. عشان لما اتأكد ان كله وصل .. انزل الاسئله ..

النهارده معانا .. في اول حلقه باذن الله من انا والاذكياء online :

ابو تريكة 2010

banzer

** MR.SmilE **

eng7oudash

يا رب يكونوا استعدوا .. ويا ريت يعرفوني ..

** MR.SmilE **

31-07-2009, 10:24 PM

انا رديت ف الموضوع التاني :d

eng7oudash

31-07-2009, 10:26 PM

I`m Ready

........

Rymonda

31-07-2009, 10:32 PM

بسم الله الرحمن الرحيم .. نبدأ
المرحله الاولى بإذن الله ..
الاسئله ..

السؤال الأول :
اليوم هو الجمعة فما إسم اليوم من أيام الأسبوع بعد 200 يوم من الآن؟؟؟

السؤال الثانى
اشترى أحمد ساعة بمبلغ 100 جنيه وباعها بمبلغ 150 جنيه ، ثم عاد واشتراها بـــ 200 جنيه ثم باعها بمبلغ 250 جنيه . فهل كسب أم خسر ، وكم كسب أو خسر ؟؟؟

السؤال الثالث
فى 3 مباريات لقذف كرة البولينج ، حصلت روضه على 139 ، 143 ، ، 144 نقطة . فما عدد النقط التى تحتاجها روضه فى المباراة الرابعة ليكون متوسط المباريات الأربع 145 نقطة ؟؟؟
فى البداية 139 ، 143 ، 144
:::::::::::::::::::::::::::::::::::::::::::::::::: ::::::::::::::::

مستنيه الاجابات ع الخاص .. وخلي بالكم من الوقت .. يا ريت خلال نص ساعه تكون الاجابات كلها وصلتني ..
وممنوع منعا باتاً اي حد يشارك في الموضوع خلال المسابقه .. والا هيتوقف .. الكلام للمتسابقين وللاعضاء كمان
يلا .. Go

BaNZeR

31-07-2009, 10:33 PM

انا جــــــــــاهز

** MR.SmilE **

31-07-2009, 10:52 PM

معلش .. هي الاسئلة هتنزل قبل الساعة 12
لأني لازم امشي ساعتها

BaNZeR

31-07-2009, 10:58 PM

معلش .. هي الاسئلة هتنزل قبل الساعة 12
لأني لازم امشي ساعتها

على فكرة الاسئلة نزلت لو مشفتهاش
حتلاقيها قبل ردي في الصفحة السابقة

Rymonda

31-07-2009, 10:59 PM

معلش .. هي الاسئلة هتنزل قبل الساعة 12
لأني لازم امشي ساعتها
نزلـــــــــــــــــــــــــــــــــــــــــــت
ابعت بقى فاضل 5 دقايق يا دوك ..

Rymonda

31-07-2009, 11:11 PM

معلش مش هنزل اجاباتهم عشان الوقت .. هعلن النتيجه علطول ..

نتيجه المرحله الاولى ..

هارد لك يا دوكتر سمايل .. بجد معرفش الغلط عند مين .. وحضرتك اللي هتستبعد من معانا .. اتأخرت قوي ..بجد نورتنا ..

باقي معانا في المرحله التانيه

ابو تريكة 2010

banzer

eng7oudash

ثواني والاسئله التانيه هتكون موجوده .. استعدوا ..

Mohamed_MA

31-07-2009, 11:12 PM

ايه الاخبار
النتيجة امتى

mohsen ghareeb

31-07-2009, 11:16 PM

إن شاء الله الحلول كاملة هتنزل بعد انتهاء المسابقة علشان الوقت

Rymonda

31-07-2009, 11:17 PM

يا ريت تكونوا جاهزين .. عشان اللي حصل ميحصلش تاني ..

المرحلة الثانية

السؤال الاول :
1) ماهو العدد الذى ترتيبه (1000) فى المتسلسلة التالية :
1 ، 4 ، 7 ، 10 ، ...
....................................
السؤال التاني :
2) لدى 30 قطعة نقود ذات الخمسة قروش وذات الربع جنيه .
إجمالى قيمة هذه النقود 4.10 جنيهاً .
فما عدد القطع من كل نوع ؟؟؟
....................................
السؤال الثالث :
3) أنفق أحمد 3/8 مامعه من نقود لشراء قلم وأنفق 1/2 الباقى لشراء علبة للأقلام .
فماهو الكسر الدال على ما أنفقه من نقود فى شراء القلم والعلبة ؟؟؟

في انتظار الاجابات منكم خلال نص ساعه .. من دلوقتي ..

**اية

31-07-2009, 11:19 PM

حد يقولي النتيجة هتنزل امتى
وكمان عايزة اعرف لو عايزة اشترك معاكم هعمل ايه عشان انا جربت وعرفت بعض الاجابات

Rymonda

31-07-2009, 11:19 PM

يــــــــــــــــــــــــا ريت بلاش مشاركات يا جماعه .. رجـــاءً..
عشان مش نضطر نقفل الموضوع !!

Rymonda

31-07-2009, 11:23 PM

إجمالى قيمة هذه النقود 4.10 جنيهاً
يعني 410 قرش .. يعني 4 جنيه وعشر قروش

**اية

31-07-2009, 11:24 PM

حد يرد علية ويقولي لو عايزة اشترك اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Rymonda

31-07-2009, 11:29 PM

حد يرد علية ويقولي لو عايزة اشترك اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياستي سجلي اسمك في الموضوع ده ..
http://www.thanwya.com/vb/showthread.php?t=140018 (http://www.thanwya.com/vb/showthread.php?t=140018)

BaNZeR

31-07-2009, 11:51 PM

الله يسامحك مش تقوليلنا إنه السابقة حتكون في يوم واحد كلها :d

انا خلصت المرحلة الاولى ومشيت مش واخد لبالي إنك شغالة

eng7oudash

31-07-2009, 11:54 PM

صندوق الرسايل مليان يا ميرووو

eng7oudash

31-07-2009, 11:55 PM

Rymonda تجاوز المحد له من مساحة الرسائل الخاصة المخزونة ولا يمكنه إستلام رسائل أخرى إلى أن يحرر بعض المساحة.

Rymonda

01-08-2009, 12:08 AM

نتيجه المرحله التانيه ..
اولا بعد المناقشه .. وصلنا اننا هناخد الحل الاول من كل متسابق بس .. مش الحلول التانيه .. يعني يبعت مره واحده بس ..
وبناءً على ده ..
الباش مهندس محمد غلط غلطه واحده بس
الباش مهندس محمود غلط غلطتين
الكابتن ابو تريكه غلط غلطتين

وبدخول عامل الوقت في الموضوع .. فاحنا فاضل معانا ..
eng7oudash

banzer

هارد لك يا ابو تريكه .. ومعلش خيرها في غيرها .. عارفه انك انت والباش مهندس محمود حليتم صح بعد كده .. بس ده مش من اختصاصي .. انا بنفذ اللي بيتقال .. واول اجابه هي اللي بتحسب ..

استعدوا الاسئله جايه في الطريق ..

Rymonda

01-08-2009, 12:20 AM

ركزوا بقى .. واللي يبعت يبعت مره واحده بس .. عشان اللخبطه اللي حصلت ..

المرحله الثالثه والاخيره ..

1) يحتوى كتاب على 500 صفحة أرقامها 1، 2، 3، وهكذا
فكم مرة يظهر الرقم 1 فى أرقام الصفحات ؟؟؟
.................................................. ...

2)إذا كان س ، ص عددين ، وكانت العملية س*ص تعنى : (س+ص)÷2
فما قيمة 3*(6*8) ؟؟؟
.................................................. .

3) يوجد 403 عامل فى مصنع
2/5 العمال الرجال ، 1/4 العاملات من غير سكان المدينة ،
وكان عددهم متساوى فما عدد العاملات فى المصنع اللتى يسكن فى نفس المدينة ؟؟؟

في انتظار الاجابات خلال نص ساعه ..
:bosyht9:

Mohamed_MA

01-08-2009, 12:22 AM

ربنا معاكم يا باش مهندسين وتقدروا تحلوا
سلام

BaNZeR

01-08-2009, 12:23 AM

1) يحتوى كتاب على 500 صفحة أرقامها 1، 2، 3، وهكذا
فكم مرة يظهر الرقم 1 فى أرقام الصفحات ؟؟؟

لما اقول 11 تتحسب صفحة ولا ظهرت مرتين ؟

Rymonda

01-08-2009, 12:27 AM

1) يحتوى كتاب على 500 صفحة أرقامها 1، 2، 3، وهكذا
فكم مرة يظهر الرقم 1 فى أرقام الصفحات ؟؟؟

لما اقول 11 تتحسب صفحة ولا ظهرت مرتين ؟
مره واحده يا باش مهندس .. وبرضو 111 مره واحده وهكذا..
ربنا معاكم!!

BaNZeR

01-08-2009, 12:49 AM

ياريت ميكونش في حاجة تاني عشان حكون مشغول شوية

Rymonda

01-08-2009, 12:51 AM

eng7oudash

01-08-2009, 12:53 AM

الف مبروووووووك يا هندسة :022yb4::022yb4:

و هارد لك ليا :excl:

و بصراحة كانت حلقة جميلة و اسئلة اجمل

طبعا الشكر للاستاذ محسن

و للدكتورة اميرة

ثااااااانك يو

ريناد2025

01-08-2009, 12:59 AM

الف مبروك يا باش مهندس محمد بالرغم انك حليت غلط:049gc0::p بس بردة رفعت راسنا

mohsen ghareeb

01-08-2009, 01:04 AM

بسم الله الرحمن الرحيم ..

احضرونا يا جدعان ..
للاسف .. محدش في الباش مهندسين حل الـ3 اسئله صح .. هما الاتنين غلطوا في اول سؤال ..
ولكن ..
الباش مهندس محمد بعت الاول .. وغلط
والباش مهندس محمود بعت بعده .. وغلط

وبالتالي .. وبدخول عامل الوقت في الموضوع برضو .. اقدر اقول
ان الفايز معانا النهارده .. هو
banzer

هارد لك يا باش مهندس محمود .. وكفايا انك وصلت للمرحله دي ..

مبروووك يا باش مهندس محمد .. الف مبروك ..

إبنتى الفاضلة الدكتورة / أميرة

أشكرك كل الشكر على ماقمتى به من مجهود كبير :078111rg3:
وأدعو الله عز وجل أن يضع ثواب كل حرف كتبتيه فى ميزان حسناتك إن شاء الله

mohsen ghareeb

01-08-2009, 01:08 AM

الف مبروووووووك يا هندسة :022yb4::022yb4:

و هارد لك ليا :excl:

و بصراحة كانت حلقة جميلة و اسئلة اجمل

طبعا الشكر للاستاذ محسن

و للدكتورة اميرة

ثااااااانك يو

إبنى الحبيب جداً بشمهندس / محمود
جزاكم الله خيراً وعلمكم ماينفع ونفعكم بماتعلمتم
أشكرك كل الشكر على مشاركتك الجادة معنا وعلى روحك الطيبة وحسن أخلاقكم.

mohsen ghareeb

01-08-2009, 01:11 AM

الف مبروك يا باش مهندس محمد بالرغم انك حليت غلط:049gc0::p بس بردة رفعت راسنا

نشكرك كل الشكر أختنا الفاضلة / ريناد
نورتى الموضوع وإن شاء الله تشاركى معنا المرات القادمة .

mohsen ghareeb

01-08-2009, 01:22 AM

Rymonda

01-08-2009, 01:26 AM

الاجابات اهي للي عاوز يعرفهم ..
المرحله الاولى ..
1)الثلاثاء
2)كسب مبلغ 100 جنيه
3)154 نقطه

المرحله التانيه ..
1) 2998
2) 17 قطعة من فئة 5 قروش
13 قطعة من فئة 25 قرش
3)11/16

المرحله التالته ..
1) 200
2) 5
3) 186

mohsen ghareeb

01-08-2009, 01:29 AM

السلام عليكم ورحمة الله وبركاته

أتقدم بخالص الشكر والتقدير للأخوة الأفاضل نجوم الحلقة الأولى

الدكتورة أميرة
banzer
eng7oudash
ابو تريكة 2010
MR.SmilE

http://www.thanwya.com/vb/attachment.php?attachmentid=23796&stc=1&d=1249082782

Rymonda

01-08-2009, 01:38 AM

إبنتى الفاضلة الدكتورة / أميرة

أشكرك كل الشكر على ماقمتى به من مجهود كبير :078111rg3:
وأدعو الله عز وجل أن يضع ثواب كل حرف كتبتيه فى ميزان حسناتك إن شاء الله

دا واجبي .. يا رب بس اكون اديته بشكل كويس ..:)
وانا اللي اشكرك يا مستر .. على مجهودك الجبار .. والله كلنا تعبنا .. حتى الناس اللي بتتفرج .. تعبت برضو..كفايا شدة الاعصاب ..:(
بس الحمد لله عدت على خير ..:)
ومبروك مره تانيه يا محمد ..
:blush:

Rymonda

01-08-2009, 01:41 AM

تمـــــــــــــــــــــــــــــــــــــ بحمد الله ــــــــــــــــــــــــــــــــــت

:av4056bb7jp3:

eng7oudash

01-08-2009, 02:18 AM

الحمـــــد للــــــــــه

BaNZeR

01-08-2009, 04:53 AM

بسم الله الرحمن الرحيم ..

احضرونا يا جدعان ..
للاسف .. محدش في الباش مهندسين حل الـ3 اسئله صح .. هما الاتنين غلطوا في اول سؤال ..
ولكن ..
الباش مهندس محمد بعت الاول .. وغلط
والباش مهندس محمود بعت بعده .. وغلط

وبالتالي .. وبدخول عامل الوقت في الموضوع برضو .. اقدر اقول
ان الفايز معانا النهارده .. هو
banzer

هارد لك يا باش مهندس محمود .. وكفايا انك وصلت للمرحله دي ..

مبروووك يا باش مهندس محمد .. الف مبروك ..

أنا شفت النتيجة بس والله حظي حلو جداً إني لحقت آخر لغز قبل ما الراجل يجيلنا (كنا جايبين واحد يشوفلنا الكمبيوتر )
فمحطتش الرد وعذرا لتأخري

وبجد
الف شكر ليكي يا اميرة على مجهودك وع المسابقة الجميلة

BaNZeR

01-08-2009, 04:55 AM

الف مبروووووووك يا هندسة :022yb4::022yb4:

و هارد لك ليا :excl:

الله يبارك فيك
هو انت مش هندسة ولا ايه :d
وبعدين انت مش وحش
وصلت للنهائي برده :)
والفرق بينا غلطة ..

الف مبروك يا باش مهندس محمد بالرغم انك حليت غلط:049gc0::p بس بردة رفعت راسنا

الله يخليكي والف شكر لكلامك الجميل

BaNZeR

01-08-2009, 05:05 AM

السلام عليكم ورحمة الله وبركاته

ألف ألف مليون مبروك لإبنى الحبيب محمد ( banzer )
:049gc0::049gc0::049gc0:
وأتمنى له دوام التوفيق فى حياتع العلمية والعملية :078111rg3::078111rg3::078111rg3:

http://www.thanwya.com/vb/attachment.php?attachmentid=23795&stc=1&d=1249082447

الله يخليك يا استاذ محسن
طبعاً مش حننسى المنظم الاول للمسابقة وواضع الاسئلة
ربنا يكرمك يا مستر ويباركلك

وجزاك الله كل الخير
والله خضرتك اللى عامل جو للقسم هنا
ومعتقدش إنه في حد كان حيقدر ينشطه زي حضرتك كده

ربنا يوفقك بجد

BaNZeR

01-08-2009, 05:11 AM

بالنسبة للحلول

الجزء الاول عندي كله صح

الجزء التاني مخدتش بالي إنه اتحط
فدخلت متأخر وكتبت الاجابات مستعجل
ونتج عن ذلك إنه السؤال الاول كان الحد (1000) فالنتيجة هي العدد 2998
ولكن نظراً لاستعجالي قرأتها الحد (100) وكانت النتيجة 298 (فرقت صفر مش مشكلة :d)

الجزء التالت هو عدد الصفحات ده اللى اعترف إنه غلط ومعرفتهوش لإني حليته بدون قاعدة عامة ومعرفش جه ازاي
يمكن كنت مستعجل برده ومردتش افكر فيه

بس يا أميرة أنا فزت بعامل الوقت ولا بأقل غلطات ؟؟

ومنتظرين اجاباتك يا استاذ محسن عشان نستفيد برده بأفكار حضرتك

Rymonda

01-08-2009, 09:53 AM

بس يا أميرة أنا فزت بعامل الوقت ولا بأقل غلطات ؟؟

بعامل الوقت يا محمد .. لان كل مرحله مستقله لوحدها .. ملهاش دعوه بنتيجة المرحله اللي قبلها ..;)

كويس انك رديت.. احنا خوفنا عليك لـ تكون اتصدمت ومشيت .. بس الحمد لله طلعت بخير والراجل هو اللي اخرك..:p
هههههههههه:d

مبروك ..:)

Medo abdo

01-08-2009, 10:06 AM

الف مبروك لكل اللى حاولو

mohsen ghareeb

01-08-2009, 10:18 AM

السلام عليكم ورحمة الله وبركاته
أقدم لكم إخوانى وأخواتى حلول الحلقة الأولى من مسابقة
أنا والأذكياء online

المرحلة الأولى

السؤال الأول :
اليوم هو الجمعة فما إسم اليوم من أيام الأسبوع بعد 200 يوم من الآن؟؟؟
نعلم أن كل يوم يتكرر كل 7 أيام
200÷7 = 28 أسبوع + 4أيام (السبت ، الأحد ، الإثنين ، الثلاثاء)
.................................................. ........
السؤال الثانى
اشترى أحمد ساعة بمبلغ 100 جنيه وباعها بمبلغ 150 جنيه ، ثم عاد واشتراها بـــ 200 جنيه ثم باعها بمبلغ 250 جنيه . فهل كسب أم خسر ، وكم كسب أو خسر ؟؟؟
مجموع مبلغ الشراء = 100 + 200 = 300 جنيه
ومجموع مبلغ البيع = 150 + 250 = 400 جنيه
إذن المكسب = 400 - 300 = 100 جنيه
.................................................. ...
السؤال الثالث
فى 3 مباريات لقذف كرة البولينج ، حصلت روضه على 139 ، 143 ، ، 144 نقطة . فما عدد النقط التى تحتاجها روضه فى المباراة الرابعة ليكون متوسط المباريات الأربع 145 نقطة ؟؟؟
فى البداية 139 ، 143 ، 144
مجموع النقاط = 4 × متوسط المباريات
139 + 143 + 144 + س = 4 × 145
س + 426 = 580
س = 580 - 426 = 154
عدد النقط التى تحتاجها روضه فى المباراة الرابعة = 154 نقطة .
::::::::::::::::::::::::::::::::::::::::::::::::::

mohsen ghareeb

01-08-2009, 10:36 AM

حلول المرحلة الثانية

السؤال الاول :
1) ماهو العدد الذى ترتيبه (1000) فى المتسلسلة التالية :
1 ، 4 ، 7 ، 10 ، ...
الحد العم لهذه المتسلسلة هو :
ح(ن) = 3ن - 2
وعند ن = 1000
ح(1000) = 3(1000) - 2
= 3000 - 2 = 2998
....................................
السؤال التاني :
2) لدى 30 قطعة نقود ذات الخمسة قروش وذات الربع جنيه .
إجمالى قيمة هذه النقود 4.10 جنيهاً .
فما عدد القطع من كل نوع ؟؟؟
نفرض أن عدد القطع ذات الخمسة قروش بالرمز = س
وعدد القطع ذات الربع جنية = ص
س + ص = 30 ........>(1)
5(س) + 25(ص) = 410 (÷5)
س + 5ص = 82 .........>(2)
وبحل المعادلتين (1) ، (2) معاً ينتج أن :
س = 17 ، ص = 13
إذن عدد القطع ذات الخمسة قروش = 17 قطعة
، وعدد القطع ذات الربع جنية = 13 قطعة .
....................................
السؤال الثالث :
3) أنفق أحمد 3/8 مامعه من نقود لشراء قلم وأنفق 1/2 الباقى لشراء علبة للأقلام .
فماهو الكسر الدال على ما أنفقه من نقود فى شراء القلم والعلبة ؟؟؟
عندما أنفق أحمد 3/8 مامعه من نقود لشراء قلم
الباقى معه = 5/8
وأنفق 1/2 الباقى لشراء علبة للأقلام
أى أنفق 1/2(5/8) = 5/16
إذن الكسر الدال على ما أنفقه من نقود فى شراء القلم والعلبة
= 1 - (5/16) = 11/16
::::::::::::::::::::::::::::::::::::::::::::

mohsen ghareeb

01-08-2009, 11:02 AM

حلول المرحلة الثالثة والأخيرة

1) يحتوى كتاب على 500 صفحة أرقامها 1، 2، 3، وهكذا
فكم مرة يظهر الرقم 1 فى أرقام الصفحات ؟؟؟
باعتبار تكرارات ظهور الرقم "1" فى كل من منازل (خانات) العدد.
خانة الآحاد : يظهر الرقم "1" مرة واحدة فى خانة الآحاد لكل عشرة . ونظرا لأن 500 بها 50 عشرة، فان الرقم "1" يظهر 50 مرة فى خانة الآحاد.
خانة العشرات : يظهر الرقم "1" مرة واحدة فى خانة العشرات لكل مائة. ونظرا لأن 500 بها 5 مئات، فان الرقم "1" يظهر 50 مرة فى العشرات.
خانة المئات : يظهر الرقم "1" 100مرة واحدة فى المئات (100 ، 101، 102، ...، 199) لذلك يظهر الرقم "1" مرات عددها 50 + 50 + 100 = 200 مرة فى أرقام صفحات الكتاب.
.................................................. ...

2)إذا كان س ، ص عددين ، وكانت العملية س*ص تعنى : (س+ص)÷2
فما قيمة 3*(6*8) ؟؟؟
حسب ترتيب إجراء العمليات الحسابية نجرى العمليات التى داخل القوس أولاً
6*8 = (6+8)÷2 = 7
3*(6*8) = 3*7 = (3+7)÷2 = 5
.................................................. .

3) يوجد 403 عامل فى مصنع
2/5 العمال الرجال ، 1/4 العاملات من غير سكان المدينة ،
وكان عددهم متساوى فما عدد العاملات فى المصنع اللتى يسكن فى نفس المدينة ؟؟؟

مجموع الأجزاء = 5 رجال + 8 عاملات = 13 جزء
قيمة الجزء = 403 ÷ 13 = 31
عدد العاملات من سكان المنطقة = 6 أجزاء × 31
= 186 عاملة.

:::::::::::::::::::::::::::::::::::::::::::::::::: :::::::::::::::::::::::::::::

Medo abdo

01-08-2009, 11:24 AM

شكرا على الحل الجميل

mohsen ghareeb

01-08-2009, 11:29 AM

شكرا على الحل الجميل

شكراً على مروركم وحسن أخلاقكم وطيب حديثكم :078111rg3:

eng7oudash

01-08-2009, 11:42 AM

لما اقول 11 تتحسب صفحة ولا ظهرت مرتين ؟

مره واحده يا باش مهندس .. وبرضو 111 مره واحده وهكذا..

ربنا معاكم!!

حلول المرحلة الثالثة والأخيرة

1) يحتوى كتاب على 500 صفحة أرقامها 1، 2، 3، وهكذا
فكم مرة يظهر الرقم 1 فى أرقام الصفحات ؟؟؟
باعتبار تكرارات ظهور الرقم "1" فى كل من منازل (خانات) العدد.
خانة الآحاد : يظهر الرقم "1" مرة واحدة فى خانة الآحاد لكل عشرة . ونظرا لأن 500 بها 50 عشرة، فان الرقم "1" يظهر 50 مرة فى خانة الآحاد.
خانة العشرات : يظهر الرقم "1" مرة واحدة فى خانة العشرات لكل مائة. ونظرا لأن 500 بها 5 مئات، فان الرقم "1" يظهر 50 مرة فى العشرات.
خانة المئات : يظهر الرقم "1" 100مرة واحدة فى المئات (100 ، 101، 102، ...، 199) لذلك يظهر الرقم "1" مرات عددها 50 + 50 + 100 = 200 مرة فى أرقام صفحات الكتاب.

السلام عليكم و رحمة الله و بركاته

بعد اذن حضرتك يا استاذ محسن

احنا كدا حسبنا مثلا الرقم 111 ثلاث مرات

على اعتبار مرة و رقم الاحاد 1
و مرة و رقم العشرات 1
و مرة على اعتبار ان رقم المئات هو الواحد

مع انكم قلتوا انها تتحسب مرة واحدة فقط

و كذلك الحال للارقام 11 و 101 و 121 و ..... الخ

كلام صح ولا غلط ؟ ... طيب ليه غلط ؟؟

انا بالنسبة لحلى قلت

انهم 10 × 5 = 50 من فئة الآحاد
و 10 - 1 = 9 × 5 = 45 من فئة العشرات ....... 1>>>> لان الرقم 11 مكرر مكرر فى خانت الاحاد
و 100 - 10 - 9 = 81 .... طرحنا 10 آحاد قد ذكروا .. و كذلك 9 عشرات

يكون المجموع 50 + 45 +81 =176

و جزاكم الله خيرا

mohsen ghareeb

01-08-2009, 01:16 PM

[/center]

السلام عليكم و رحمة الله و بركاته

بعد اذن حضرتك يا استاذ محسن

احنا كدا حسبنا مثلا الرقم 111 ثلاث مرات

على اعتبار مرة و رقم الاحاد 1
و مرة و رقم العشرات 1
و مرة على اعتبار ان رقم المئات هو الواحد

مع انكم قلتوا انها تتحسب مرة واحدة فقط

و كذلك الحال للارقام 11 و 101 و 121 و ..... الخ

كلام صح ولا غلط ؟ ... طيب ليه غلط ؟؟

انا بالنسبة لحلى قلت

انهم 10 × 5 = 50 من فئة الآحاد
و 10 - 1 = 9 × 5 = 45 من فئة العشرات ....... 1>>>> لان الرقم 11 مكرر مكرر فى خانت الاحاد
و 100 - 10 - 9 = 81 .... طرحنا 10 آحاد قد ذكروا .. و كذلك 9 عشرات

يكون المجموع 50 + 45 +81 =176

و جزاكم الله خيرا[/center]

وعليكم السلام ورحمة الله وبركاته
فعلاً كلامك صحيح يابشمهندس محمود ويتفق مع حلى للسؤال
والخطأ خطئى أنا وليست أميرة فقد تسرعت فى الرد والسبب انشغالنا بدرجة غير طبيعية أنا وأميرة
أرجو المعذرة :078111rg3:

Rymonda

01-08-2009, 01:33 PM

انا مش فاهمه حاجه .. فهموني ..
:angry2:

eng7oudash

01-08-2009, 02:26 PM

طيب ايه النظام دلوقت ؟

mohsen ghareeb

01-08-2009, 03:00 PM

طيب ايه النظام دلوقت ؟

السلام عليكم
أخى الحبيب بشمهندس محمود
هذا لن يغير شىء فى نتيجة المسابقة فحلك الأول خطأ أيضاً
وكذلك حل محمد (banzer) خطأ أيضاً .

BaNZeR

01-08-2009, 06:59 PM

بعامل الوقت يا محمد .. لان كل مرحله مستقله لوحدها .. ملهاش دعوه بنتيجة المرحله اللي قبلها ..;)

كويس انك رديت.. احنا خوفنا عليك لـ تكون اتصدمت ومشيت .. بس الحمد لله طلعت بخير والراجل هو اللي اخرك..:p
هههههههههه:d

مبروك ..:)

هههههههه لأ امشي ده ايه :d
يعني المرحلة الأخيرة فزت بعامل الوقت
بس لو اتحسب بالباقي حيبقى بالنقاط برده :d
مش مشكلة مش حتفرق

انا مش فاهمه حاجه .. فهموني ..

:angry2:

السؤال اللى انا سألته بتاع 111 تتحسب صفحة ولا 3 مرات
هو طلع تلات مرات بس :d

حلول المرحلة الثانية

السؤال الاول :
1) ماهو العدد الذى ترتيبه (1000) فى المتسلسلة التالية :
1 ، 4 ، 7 ، 10 ، ...
الحد العم لهذه المتسلسلة هو :
ح(ن) = 3ن - 2
وعند ن = 1000
ح(1000) = 3(1000) - 2
= 3000 - 2 = 2998

ده مستخدمتهاش كمتسلسلة (مفتكرتهاش)
استخدمت المتتابعة الحسابية اللى كانت بتقول

حن = أ + (ن-1)د

حيث ح هو الحد ، ن رقم الحد
أ الحد الاول ، د الفرق بين الحد التاني والاول

تبقى
ح1000 =1 + (999) × 3
حتطلع برده نفس النتيجة:078111rg3:

a7mad3ali

01-08-2009, 07:17 PM

BaNZeR

01-08-2009, 07:52 PM

الف مبروك يا باش مهندس محمد عقبالنا :d
وبصراحه انا عايز اشكر اميره واستاذ محسن علي التنظيم الجميييييييل للمسابقه وعلي مستوي الاسئله وتدرجها من الاسهل للاصعب بجد الواحد حاسس انه في مسابقه في التلفزيون ولا حاجه وكنت عايز اقترح ان يبقي في رقم تليفون نتصل ونتوقع الفائز منه زي فير فاكتور كده:d:p
ويبقي في جوايز وخمسين الف دولار وحاجات كده
بس اهم حاجه متنسوش نسبتي من ارباح المكالمات:022yb4:
وعايز اعرف بالمناسبه هي المسابقه كل يوم الساعه 11 ولا ايه؟ ولو حد من اللي هيشتركوا مكنش موجود هيبقي ايه النظام وشكرا

هي المسابقة بتتحدد حسب موافقة المتسابقين
يعني احنا الوقت اللى كنا فاضيين فيه اتحدد فيه معاد المسابقة
واهم حاجة وقت ريموندا برده

واللى بيتخلف عن معاده بيطلع من المجموعة :d

ونسبة ارباح ايه
اللى بيقترح قرار بيتبناه
يعني الجوايز حتكون عليك ان شاء الله :d

Mohamed_MA

01-08-2009, 08:05 PM

الف مبروك يا عم
عايزين حاجة ساقعة ولو مش هتجيبلنا هاخيلهم يخسروك
ماشي

a7mad3ali

01-08-2009, 10:25 PM

ونسبة ارباح ايه
اللى بيقترح قرار بيتبناه
يعني الجوايز حتكون عليك ان شاء الله :d[/quote]

نفسي اعرف مين اللي اقترح اقتراح الجوايز ده لو يحد يقولي بس هو مين :angry2:
مش عارف انا اقتراحات غريبه بتحصل اليومين دول:d

Medo abdo

01-08-2009, 10:36 PM

هوه مفيش مسابقة النهارده ولا ايه ولو مفيش طب هتبقى امتى

Medo abdo

01-08-2009, 11:07 PM

حد يرد ويقولى فى مسابقة ولا مفيش النهارده

a7mad3ali

01-08-2009, 11:30 PM

تقريبا شكلها مفيش

Ayman Inventor*

02-08-2009, 09:24 AM

حد يرد ويقولى فى مسابقة ولا مفيش النهارده

لا مافيش دى كل جمعة ولو عايز تسجل فى المسابقة
فى موضوع تانى فى القسم خاص بكده

Medo abdo

02-08-2009, 04:19 PM

شكرا على الرد *ayman محدش كان معبرنى هههههههه

a7mad3ali

02-08-2009, 05:02 PM

3) يوجد 403 عامل فى مصنع 2/5 العمال الرجال ، 1/4 العاملات من غير سكان المدينة ،
وكان عددهم متساوى فما عدد العاملات فى المصنع اللتى يسكن فى نفس المدينة ؟؟؟

مجموع الأجزاء = 5 رجال + 8 عاملات = 13 جزء
قيمة الجزء = 403 ÷ 13 = 31
عدد العاملات من سكان المنطقة = 6 أجزاء × 31
= 186 عاملة.

:::::::::::::::::::::::::::::::::::::::::::::::::: :::::::::::::::::::::::::::::
[/quote]

انا مش فاهم الاجابه ديه او فاهمها بس مش اوي ومش حاسس اني اقدر استفيد بيها في اني احل اي حاجه تانيه شبهها فممكن بعد اذنك يا استاذ محسن تشرحهالي او اي حد تاني عشان انا عارف ان استاذ محسن مشغول في تحضير بقيت الاسئله
وانا حلتها بطريقه تانيه هي اطول شويه بس طلعت معايا في الاخر الحمد لله والطريقه هي
نفرض ان عدد العمال هو س
عدد العاملات هو ص
اذا س+ص=403
2/5س=1/4ص
وعوضت بأي من القيمتين في المعادله اللي فوق وجبنا قيمه س او ص ومنها هنقدر نجيب عدد العاملات من سكان المنطقه مظبوط كده ولا ايه؟

Rymonda

02-08-2009, 06:00 PM

شكرا على الرد *ayman محدش كان معبرنى هههههههه

انا اسفه جدا يا ميدو .. ازاي بس مش معبرينك .. بس انت عارف بقى كل واحد وظروفه ..:blush:
بكرر اسفي .. sorry :blush:

Rymonda

02-08-2009, 06:03 PM

السؤال اللى انا سألته بتاع 111 تتحسب صفحة ولا 3 مرات
هو طلع تلات مرات بس :d

بس لما انت سألت .. انا سألت المستر اولا وبعدين رديت عليك .. انا لو عليا كنت هقوللك الــ 11 دي مرتين .. بس المستر قاللي اللي انا قولتهولك وعلى اساس كده انا رديت ..

وبعدين خلاص .. هما بيقلبوا في القديم ليه .. ماهي عدت ..
حد يسكتهم !!

eng7oudash

02-08-2009, 06:28 PM

3) يوجد 403 عامل فى مصنع 2/5 العمال الرجال ، 1/4 العاملات من غير سكان المدينة ،

وكان عددهم متساوى فما عدد العاملات فى المصنع اللتى يسكن فى نفس المدينة ؟؟؟

مجموع الأجزاء = 5 رجال + 8 عاملات = 13 جزء
قيمة الجزء = 403 ÷ 13 = 31
عدد العاملات من سكان المنطقة = 6 أجزاء × 31
= 186 عاملة.

:::::::::::::::::::::::::::::::::::::::::::::::::: :::::::::::::::::::::::::::::

انا مش فاهم الاجابه ديه او فاهمها بس مش اوي ومش حاسس اني اقدر استفيد بيها في اني احل اي حاجه تانيه شبهها فممكن بعد اذنك يا استاذ محسن تشرحهالي او اي حد تاني عشان انا عارف ان استاذ محسن مشغول في تحضير بقيت الاسئله
وانا حلتها بطريقه تانيه هي اطول شويه بس طلعت معايا في الاخر الحمد لله والطريقه هي
نفرض ان عدد العمال هو س
عدد العاملات هو ص
اذا س+ص=403
2/5س=1/4ص
وعوضت بأي من القيمتين في المعادله اللي فوق وجبنا قيمه س او ص ومنها هنقدر نجيب عدد العاملات من سكان المنطقه مظبوط كده ولا ايه؟[/quote]

انا حليت نفس حلك كدا برده .. اللى هو معادلتين فى مجهولين

Rymonda

03-08-2009, 11:16 AM

eng7oudash

03-08-2009, 12:04 PM

السلام عليكم

اولا مبرووك عليكى الاشراف يا دكتورة

بالنسبة للاستطلاع

انا افضل انه يبقى يومين فى الاسبوع .. لانى شايف المتسابقين كتيير و كله متحمس

و كمان الجمهور كتيييير و منتظر الحلقة الجديدة بسرعة

ربنا يعينك

mohsen ghareeb

03-08-2009, 12:16 PM

انا مش فاهم الاجابه ديه او فاهمها بس مش اوي ومش حاسس اني اقدر استفيد بيها في اني احل اي حاجه تانيه شبهها فممكن بعد اذنك يا استاذ محسن تشرحهالي او اي حد تاني عشان انا عارف ان استاذ محسن مشغول في تحضير بقيت الاسئله
وانا حلتها بطريقه تانيه هي اطول شويه بس طلعت معايا في الاخر الحمد لله والطريقه هي
نفرض ان عدد العمال هو س
عدد العاملات هو ص
اذا س+ص=403
2/5س=1/4ص
وعوضت بأي من القيمتين في المعادله اللي فوق وجبنا قيمه س او ص ومنها هنقدر نجيب عدد العاملات من سكان المنطقه مظبوط كده ولا ايه؟

انا حليت نفس حلك كدا برده .. اللى هو معادلتين فى مجهولين

3) يوجد 403 عامل فى مصنع
2/5 العمال الرجال ، 1/4 العاملات من غير سكان المدينة ،

وكان عددهم متساوى فما عدد العاملات فى المصنع اللتى يسكن فى نفس المدينة ؟؟؟

مجموع الأجزاء = 5 رجال + 8 عاملات = 13 جزء
قيمة الجزء = 403 ÷ 13 = 31
عدد العاملات من سكان المنطقة = 6 أجزاء × 31
= 186 عاملة.

2/5 ::::::> مجموع الأجزاء 5 أو 10 أو 15 أو ....
1/4 ::::::> مجموع الأجزاء = 4أو 8 أو 12 أو ...
وبالتجريب 403 لاتقبل القسمة على (5+4)
، 403 تقبل القسمة على (5+8) أى على 13
ونكمل الحل كما سبق .
ملحوظة : هذا الحل يصلح لجميع المراحل (إبتدائى ، إعدادى ، ... )
أرجو أن تكون الفكرة وصلت:078111rg3:

mohsen ghareeb

03-08-2009, 12:24 PM

استطــــــــــــــــــــــــــــــلاع ..

ايه رأيكم يا جماعه نعمل المسابقه كل تلات وجمعه ؟؟
ومعنى كده اننا ننزل بحلقه جديده بكره ..
ها ايه رأيكم ؟؟
ولا نخليها الجمعه بس ولا ايه؟؟

as U like

السلام عليكم

كما تعودت منكى يادكتورة أميرة
شعلة نشاط ، متحمسة ، ذكية
وطبعاً ده كله هييجى على دماغى أنا :angry2:
هههههههههههههههههه
واضح من أسلوبك إنك عاوزة تشتغلى وتشغلى حبايبنا أعضاء أحلى منتدى قبل الأجازة ماتخلص
وطبعاً أنا معاكى ثلاثاء وجمعة ورزقنا على الله :078111rg3:

a7mad3ali

03-08-2009, 03:41 PM

انا حليت نفس حلك كدا برده .. اللى هو معادلتين فى مجهولين

3) يوجد 403 عامل فى مصنع
2/5 العمال الرجال ، 1/4 العاملات من غير سكان المدينة ،

وكان عددهم متساوى فما عدد العاملات فى المصنع اللتى يسكن فى نفس المدينة ؟؟؟

مجموع الأجزاء = 5 رجال + 8 عاملات = 13 جزء
قيمة الجزء = 403 ÷ 13 = 31
عدد العاملات من سكان المنطقة = 6 أجزاء × 31
= 186 عاملة.

2/5 ::::::> مجموع الأجزاء 5 أو 10 أو 15 أو ....
1/4 ::::::> مجموع الأجزاء = 4أو 8 أو 12 أو ...
وبالتجريب 403 لاتقبل القسمة على (5+4)
، 403 تقبل القسمة على (5+8) أى على 13
ونكمل الحل كما سبق .
ملحوظة : هذا الحل يصلح لجميع المراحل (إبتدائى ، إعدادى ، ... )

أرجو أن تكون الفكرة وصلت:078111rg3:

تمااااام والفكره وصلت بالسلامه الحمد لله وفهمت مش عارف اشكر حضرتك ازاي والله

استطــــــــــــــــــــــــــــــلاع ..
ايه رأيكم يا جماعه نعمل المسابقه كل تلات وجمعه ؟؟
ومعنى كده اننا ننزل بحلقه جديده بكره ..
ها ايه رأيكم ؟؟
ولا نخليها الجمعه بس ولا ايه؟؟

as u like

يارييييييييييييت تلات وجمعه لان الواحد فعلا متحمس زي استاذ محسن مبيقول حتي لو مكنتش في المنافسه

BaNZeR

03-08-2009, 03:56 PM

ملحوظة : هذا الحل يصلح لجميع المراحل (إبتدائى ، إعدادى ، ... )

أرجو أن تكون الفكرة وصلت:078111rg3:

أكيد ياباشا الفكرة واصلة

والله مافاهم الحل ده تبع ايه اصلاً :d
مالها الحل في معادلتين :d

وخلاص يا ريموندا كل يومين
قصدي كل اسبوع مرتين :)

mohsen ghareeb

03-08-2009, 07:41 PM

أكيد ياباشا الفكرة واصلة

والله مافاهم الحل ده تبع ايه اصلاً :d
مالها الحل في معادلتين :d

وخلاص يا ريموندا كل يومين
قصدي كل اسبوع مرتين :)

الحمد لله على وصول الفكرة هو ده المطلوب يابشمهندس
ومش مهم تفهم هو تبع إيه المهم الفكرة وصلت :078111rg3:
الحل ده مخصوص علشان الأولاد إللى :006et4:
وطبعاً الحل عن طريق معادلتين من الدرجة الأولى فى متغيرين صحيح 100%
ولكن ( للكبار شويه )
:039uw8:

Dr.Emadido

03-08-2009, 10:46 PM

انا كنت بس عاااااااااااااااااااااااوز اعرف هو اختيار الناس اللى بتتدخل المسابقة بيكون على اساس ايه
لو باللى سجل الاول يبقى فى ناس اتظلمت كده
ارجوووووووووووووو الرد

Ayman Inventor*

04-08-2009, 09:06 AM

هو مس فيه مسابقة النهارتة ولا ايه

mohsen ghareeb

04-08-2009, 10:14 AM

انا كنت بس عاااااااااااااااااااااااوز اعرف هو اختيار الناس اللى بتتدخل المسابقة بيكون على اساس ايه
لو باللى سجل الاول يبقى فى ناس اتظلمت كده
ارجوووووووووووووو الرد

السلام عليكم
أخى الفاضل Emadido
الاختيار على أساس :
1) أسبقية التسجيل
2) مستويات متقاربة
3) أعمار متقاربة
4) الأكثر استعداداً ورغبة

mohsen ghareeb

04-08-2009, 10:16 AM

هو مش فيه مسابقة النهارتة ولا ايه

السلام عليكم
إن شاء الله فيه مسابقة يا أيمن
جهز نفسك واستعد كويس :028ja7:

~: Zac :~

04-08-2009, 10:17 AM

اهم حاجة يا جماعة تكتبو بخطوط واضحة لان فيه خطوط مش بعرف اقراها خااالص ..

mohsen ghareeb

04-08-2009, 10:24 AM

اهم حاجة يا جماعة تكتبو بخطوط واضحة لان فيه خطوط مش بعرف اقراها خااالص ..

السلام عليكم
إن شاء الله كل حاجه هتبقى واضحة
جهز نفسك يا أخى Zac :028ja7:

Rymonda

04-08-2009, 10:35 AM

انا كنت بس عاااااااااااااااااااااااوز اعرف هو اختيار الناس اللى بتتدخل المسابقة بيكون على اساس ايه
لو باللى سجل الاول يبقى فى ناس اتظلمت كده
ارجوووووووووووووو الرد
الاختيار بنحاول فيه على قد ما نقدر يكون مستوى المتسابقين قريب من بعضه ..واكيد بنختار من اللي مسجلين في الموضوع التاني .. بس في ناس المره اللي فاتت اعتذرت فأخدنا ناس تانيه وكده ..:)
ومتقلقش .. مش هنظلم حد .. :)

a7mad3ali

04-08-2009, 10:49 AM

انا عندي شويه استفسارات بعد اذنكم
1-هو احنا بنبعت الاجابه سؤال سؤال ولا التلات اسئله مع بعض
2-ينفع نبعت اكتر من اجابه للسؤال لو اكتشفنا ان حلنا غلط؟
3-لو الكل جاوب غلط هتاخدوا اللي جاوب غلط الاول يبقي هو اللي فاز؟ (ده ممكن يكون اللي حصل بين محمود ومحمد بس انا بتاكد عشان مش متاكد اني فاهم اللي حصل اوي)
وشكرا ومعلش هتعبكم معايا

Rymonda

04-08-2009, 10:59 AM

انا عندي شويه استفسارات بعد اذنكم
تحت امرك طبعاً..
1-هو احنا بنبعت الاجابه سؤال سؤال ولا التلات اسئله مع بعض
لا.. الـ 3 اسئله على بعض .. يعني المرحله كلها مره واحده ..
2-ينفع نبعت اكتر من اجابه للسؤال لو اكتشفنا ان حلنا غلط؟
لا .. اول اجابه بس هي اللي بناخدها ..
وده عشان تركزوا ..
3-لو الكل جاوب غلط هتاخدوا اللي جاوب غلط الاول يبقي هو اللي فاز؟ (ده ممكن يكون اللي حصل بين محمود ومحمد بس انا بتاكد عشان مش متاكد اني فاهم اللي حصل اوي)
لما النتيجه بتتساوى .. بندخل عامل الوقت .. واللي بعت الاول هو اللي بيفضل معانا ..
وشكرا ومعلش هتعبكم معايا
ولا اي تعب ولا حاجه .. امال احنا لزمتنا ايه .. ما هو عشان نرد ع الاستفسارات ..:)
واحنا تحت امرك يا سيدي في اي وقت ..:)
اسأل بس واحنا نجاوب ..:)

MBM-MaDo

04-08-2009, 11:55 AM

ايييييييييييييييييييييييييييه ........اييييييييييييييييييه ده كله ايه ده كله......:excl:

ده انا حاسس انى بقالى دهر من الزمان مادخلتش هنا.....

الاول مبروك لميرو ع الاشراف ....:022yb4:

و مبروك لبانزر ع الفوز بالمرحلة الاولى.......:friendsxs3:

و بجد فيه مجهود طحن اليومين دول فى القسم......

و طبعا شكر خاص لاستاذ محسن على مجهوده......;)

ربنا يوفق كل المتسابقين و ربنا يعين المشرفين......:p

اقعدوا بالعافية.....:d

مدرس رياضيات

04-08-2009, 05:45 PM

شكرا على الموضوع الجميل ده يااستاذ محسن وشكرا ليكى يادكتورة اميرة
بجد موضوع اكثر من رائع
بالتوفيق الدائم

مدرس رياضيات

04-08-2009, 05:46 PM

شكرا على الموضوع الجميل ده يااستاذ محسن وشكرا ليكى يادكتورة اميرة
بجد موضوع اكثر من رائع
بالتوفيق الدائم

بهاء الخولى
مدرس رياضيات بالازهر الشريف

mohsen ghareeb

04-08-2009, 07:26 PM

شكرا على الموضوع الجميل ده يااستاذ محسن وشكرا ليكى يادكتورة اميرة
بجد موضوع اكثر من رائع
بالتوفيق الدائم

بهاء الخولى
مدرس رياضيات بالازهر الشريف

أهلاً ومرحباً بكم أخى الفاضل أ / بهاء :078111rg3:
شكراً على مروركم وتشجيعكم :078111rg3:

Rymonda

04-08-2009, 09:26 PM

ان شاء الله

باذن الله

ان لم يجد في الامور جديد .. فاحنا على
معادنا ..النهارده الساعه 11

في تاني حلقه من ( انا والاذكياء online )..

انتظرونـــــــــــــا .. كلها دقايق .. ان شاء الله..

BaNZeR

04-08-2009, 09:40 PM

متابع ....:)

E/GOGO

04-08-2009, 09:57 PM

متابعة معاكى يا ميرو

Ayman Inventor*

04-08-2009, 10:17 PM

الساعة 11 هنبدأ دلوقتى

Ayman Inventor*

04-08-2009, 10:19 PM

اكيد هنعتمد على دماغنا فقط من غير نت ولا ألة حاسبة ولا حاجة صح يارب يكون صح عشان يبقى الوضع طبيعى

Rymonda

04-08-2009, 10:22 PM

بسم الله الرحمن الرحيم

هنبدأ النهارده تاني حلقه باذن الله..

احب اول حاجه ارحب بالمتسابقين اللي معانا ..

Ayman*

a7mad3ali

~: Zac :~

Ringer

يا رب يكونوا استعدوا .. ويا ريت يردوا ويدوني الاوكي .. ولو حد اتأخر .. هننزل بالاحتياطي ..

هــــــــا

ready ??

a7mad3ali

04-08-2009, 10:22 PM

ربنا يستر:(

BaNZeR

04-08-2009, 10:23 PM

اكيد هنعتمد على دماغنا فقط من غير نت ولا ألة حاسبة ولا حاجة صح يارب يكون صح عشان يبقى الوضع طبيعى

ياعم احسب بالآلة بس انت تحل :d

Ayman Inventor*

04-08-2009, 10:24 PM

بإذن الله جاهز وياريت ميبقاش فى الات حاسبة

Ringer

04-08-2009, 10:26 PM

hna............moshtrka

Rymonda

04-08-2009, 10:27 PM

يلا يا جماعه .. كله يجمع .. عشان نبدأ..
اتأخرنا ..
و زاك شكله مش هنا ..
لو كده .. خمس دقايق وهدخل حد تاني ..

a7mad3ali

04-08-2009, 10:27 PM

ياعم احسب بالآلة بس انت تحل :d

انا عايز اقول كده برده:d
ازاي من غير اله كان في حاجات في الاسئله بتاعه المسابقه اللي فاتت مينفعش الا من غير اله ياما بقي هتاخد وقت كبير

Ayman Inventor*

04-08-2009, 10:29 PM

زاك مش على الموقع اساسا هنعمل ايه

Rymonda

04-08-2009, 10:31 PM

خلاص ..
كده احنا بنستبعد زاك ..
وهتبقى المتسابقه الرابعه معانا ..
E/GOGO (http://www.thanwya.com/vb/member.php?u=157085)
اديني الاوكي يا هاجر ..

اول ما تستعدي .. هنزل بالاسئله ..

E/GOGO

04-08-2009, 10:33 PM

معاكى يا ميرو

Rymonda

04-08-2009, 10:36 PM

بسم الله الرحمن الرحيم

اسئلة المرحله الاولى ان شاء الله ..

السؤال الأول

مجموعة من قطع البسكويت يمكن توزيعها بالتساوى على 2 أو 3 أو 4 أو 5 أو 6 أطفال بدون تبقى قطعة واحدة .
فما أقل عدد من قطع البسكويت يمكن أن تحتويها المجموعة ؟؟؟
.................................................. ......................

السؤال الثانى
نسبة عدد الأولاد إلى عدد البنات فى جماعة الرياضيات فى البداية هى 1 : 2 وبعد أن انضم 9 أولاد إلى الجماعة أصبحت النسبة 2 : 1 .
فما إجمالى عدد الأطفال فى النهاية ؟؟؟
.................................................. .....................

السؤال الثالث

عُبِىء 100كيلوجرام من الشيكولاتة فى عدة صناديق يحوى كل منها 1.25 كيلو جرام من الشيكولاتة ، ثم بيع كل صندوق بسعر 1.75 جنيهاً .
فما إجمالى ثمن بيع كل صناديق الشيكولاتة ؟؟؟
:::::::::::::::::::::::::::::::::::::::::::::::::: :::::::::::::::::::::

مستنيه الاجابات ع الخاص .. واظن قوانين المسابقه واضحه جدا .. مستنيه الاجابات خلال نص ساعه ..

ويا ريت محدش يشارك اثناء المسابقه .. لان الرد هيتحذف ..

يلا .. Go

mohsen ghareeb

04-08-2009, 10:37 PM

السلام عليكم
أنا شايف إن مافيش مشكلة
فيه حل من اتنين
* نعتبر زاك منسحب ونكمل من المرحل التانية على طول
* ممكن أى حد من حبايبنا الموجودين يشترك بداله
إيه رأيكم ؟؟؟

Ayman Inventor*

04-08-2009, 10:38 PM

هاه هنبدأ ولا لسة

Rymonda

04-08-2009, 10:41 PM

الاسئله في الصفحه الـ 5..
بــــــــــــــــــــــــــــــــــــــــــدأنا ..

a7mad3ali

04-08-2009, 10:51 PM

هي المرحله التانيه هتبدا كمان نص ساعه ان شاء الله ولا لو كلو خلص هتبتدي علي طول؟

Rymonda

04-08-2009, 11:05 PM

بسم الله الرحمن الرحيم ..

بالنسبه للمرحله الاولى ..

الاجابات كانت كالتالي ..

a7mad3ali === كل الاجابات صح (ماشاء الله)

E/GOGO === سؤالين صح و واحد غلط..

Ringer === سؤالين صح و واحد غلط..

*Ayman === سؤال صح واتنين غلط ..

وبالتالي فـ احنا فاضل معانا ان شاء الله ..
a7mad3ali

E/GOGO

Ringer

هارد لك يا ايمن .. بجد نورتنا ..

يا ريت تستعدوا لان المرحلة التانيه خلال دقايق !!

E/GOGO

04-08-2009, 11:06 PM

اوكى ياجميل

Rymonda

04-08-2009, 11:08 PM

يا جماعه والله اول اجابه بس اللي بتحسب ..
ركــــــــــــــــــــــــــــــــــزوا ..

Ringer

04-08-2009, 11:08 PM

Ok We are ready

3la fkra el3'l6a 3'l6a ma6b3ya 3'sb 3ny

Rymonda

04-08-2009, 11:10 PM

المرحلة الثانية

السؤال الأول

فى البداية ، كان مع أحمد وإسلام نفس المبلغ من المال ، وأنفق أحمد 17 جنيهاً وأنفق إسلام 12 جنيهاً فأصبحت نسبة مامع أحمد إلى مامع إسلام 2 : 5 . فكم كان مع أحمد فى البداية ؟؟؟
.................................................. .................

السؤال الثانى

كروت مستطيلة الشكل ، أبعادها 2 بوصة ، 3 بوصة ، قُطِعت من فرخ ورق مستطيل الشكل أبعاده 2 قدم ، 3 قدم .
فما أكبر عدد من الكروت التى يمكن قطعها من فرخ الورق ؟؟؟
ملحوظة : القدم = 12 بوصة .
.................................................. ...............

السؤال الثالث

ماهو عدد المربعات الموجودة على لوحة الشطرنج ؟؟؟
بين طريقة الحل .
:::::::::::::::::::::::::::::::::::::::::::::::::: ::::::::::::::::

نص ساعه برضو ..

Go

Ayman Inventor*

04-08-2009, 11:13 PM

الف مبروك ليكم وبإذن الله حظ سعيد وبإذن الله تبقى المسابقة حامية بينكم
:friendsxs3:

اما بالنسبة لى:slap1qk6:

ونشوف مين اللى هيتأهل يلا ورونا همتكم

((:(:(
:frown:
إهئ إهئ))

BaNZeR

04-08-2009, 11:26 PM

الف مبروك ليكم وبإذن الله حظ سعيد وبإذن الله تبقى المسابقة حامية بينكم
:friendsxs3:

اما بالنسبة لى:slap1qk6:

ونشوف مين اللى هيتأهل يلا ورونا همتكم

((:(:(
:frown:
إهئ إهئ))

هارد لك يايمن ومش مشكلة اديك حاولت :)
مش قلتلك تستخدم الآلة حاسبة :d

Rymonda

04-08-2009, 11:31 PM

w a i t i n g

:stickjo4: :stickjo4: :stickjo4:

Rymonda

04-08-2009, 11:39 PM

نتيجة المرحله التانيه

الاجابات كانت ..

Ringer واحده صح

هاجر ولا واحده صح

احمد علي اتنين صح

كده احنا معانا ..

Ringer

a7mad3ali

هارد لك يا هاجر .. بجد نورتينا والله ..

استعدوا للمرحله الاخيره خلال دقائق ..

E/GOGO

04-08-2009, 11:41 PM

لية بس الفضايح دى
كلـــــه غلط
يالا الحمد لله
يالا ياجماعة شدوا حليكم ومبروك عليكم

Rymonda

04-08-2009, 11:44 PM

المرحله التالته والاخيره ..

السؤال الأول

يحتاج فريق من 3 أشخاص إلى 3أسابيع و 2 يوم لانجاز عمل معين . فما المدة التى يحتاجها فريق مكون من 4 أشخاص لانجاز نفس العمل ؟؟؟
مع العلم بأن كل شخص فى كلا الفريقين يعمل بنفس المعدل كالآخرين .
ملاحظة : كل أسبوع يحوى 6 أيام عمل .
.................................................. ............

السؤال الثانى

قطع راكب سيارة مسافة 60كم بمعدل 20 كم / ساعة
وفى رحلة العودة كان معدله 30 كم / ساعة
فما معدل الراكب فى الرحلة كلها ؟؟؟
.................................................. ..........

السؤال الثالث

نسبة ماوفرته روضة إلى ماوفره أحمد كان 3 : 2 وبعد ما أنفق أحمد 1/4 ماوفره أصبح مالديه أقل مما لدى روضة بمقدار 90 جنيهاً .
فما المبلغ الذى وفرته روضه ؟؟؟
:::::::::::::::::::::::::::::::::::::::::::::::::: :::::::::::::::

في انتظار الاجابات خلال نص ساعه ..
شـــــــــــــــــدوا حيلكم ..

Rymonda

05-08-2009, 12:04 AM

بالنسبه لنتيجة المرحله التانيه ..

معلش كان في خطأ بسيط .. ولكن مش هيغير حاجه في النتيجه ..

a7mad3ali اجاباته كلها صحيحه .. بعد مراجعة اجاباتنا اتأكدنا من ده ..

انا بعتذرلك يا a7mad .. معلش خطأ غير مقصود بالمره ..
بكرر اسفي ..

في رعاية الله ..

a7mad3ali

05-08-2009, 12:07 AM

لا عادي ولا يهمك بس ياريت قبل ما الوقت يخلص بشويه تقولي عشان اعمل حسابي

Rymonda

05-08-2009, 12:09 AM

فـــــــــــــــــــــــــــــاضل تقريبا 10 دقايق ..

Rymonda

05-08-2009, 12:18 AM

a7mad3ali

05-08-2009, 12:25 AM

الله يبارك فيكي يا اميره وانا مش عارف بصراحه الاسئله دي اتحلت ازاي كده اكيد كان حد تاني بيحل مش انا:d
ع العموم الحمد لله وهارد ليكم يا جماعه وهارد ليك يا محمد ويكفي انك وصلت للمرحله الاخيره فعلا زي مأميره بتقول وعقبال بقيت التحديات ومستنيك يا banzer ان شاء الله انت وبقيت الفائزين القادمين:049gc0::d

Ringer

05-08-2009, 12:29 AM

mabrooook ya ahmed :D

mohsen ghareeb

05-08-2009, 12:35 AM

بسم الله الرحمن الرحيم ..

نتيجة المرحله التالته ..

احمد 3 من 3

محمد 0 من 3

وبالتالــــــــــــــــــي

فـــــــــاز معانا النهارده ..

a7mad3ali

الف الف مبروك يا احمد .. كل الاجابات صح .. ما شاء الله ..
مبروك ليك بجد ..:)

هارد لك يا محمد .. وكويس والله انك وصلت للمرحله دي .. شرف المحاوله كفايا ..:)

الف مبـــــــــــــــــــــــروك يا a7mad ..

:):):)

السلام عليكم ورحمة الله وبركاته
بارك الله فيكى يادكتورة أميرة وأكثر من أمثالك :078111rg3:
بصراحة مجهود كبير جداً أدعو الله أن يجازيكى خير الجزاء عن كل حرف تكتبيه :078111rg3:
تنظيم ممتاز ، حكمة ، سرعة بديهة ، روعة فى الآداء
سلمتى وسلمت يداك :078111rg3:

أتقدم بخالص الشكر لجميع المشتركين
Ayman ، a7mad3ali ، Ringer ، E/GOGO
:078111rg3::078111rg3::078111rg3::078111rg3:

ألف ألف مليون مبروك لإبنى العبقرى / أحمد ( a7mad3ali )
:049gc0::049gc0::049gc0:

BaNZeR

05-08-2009, 12:40 AM

eng7oudash

05-08-2009, 12:46 AM

الف مبروك لك يا ابو حميد

و هارد لك للمحالفهمش التوفيق

و مبروووك نجااح الحلقة التانية ... و الى الامام ان شاء الله

a7mad3ali

05-08-2009, 12:46 AM

mabrooook ya ahmed :D
الله يبارك فيك يا محمد

السلام عليكم ورحمة الله وبركاته

بارك الله فيكى يادكتورة أميرة وأكثر من أمثالك :078111rg3:
بصراحة مجهود كبير جداً أدعو الله أن يجازيكى خير الجزاء عن كل حرف تكتبيه :078111rg3:
تنظيم ممتاز ، حكمة ، سرعة بديهة ، روعة فى الآداء
سلمتى وسلمت يداك :078111rg3:

أتقدم بخالص الشكر لجميع المشتركين
Ayman ، a7mad3ali ، Ringer ، E/GOGO
:078111rg3::078111rg3::078111rg3::078111rg3:

ألف ألف مليون مبروك لإبنى العبقرى / أحمد ( a7mad3ali )
:049gc0::049gc0::049gc0:

الله يبارك في حضرتك يا استاذ محسن بس مش لدرجه عبقري اوي كده يعني وربنا يوفق الكل في المسابقات الجايه
بس انا نفسي افهم اجابه السؤال بتاع مربعات الشطرنج:d
انا كنت شوفته قبل كده في قسم من الاقسام فحفظت اجابته من غير مفهمها :(
فياريت تشرحهلنا يا استاذنا
وفي حاجه تاني برده بعد اذن حضرتك(انا عارف هتعب حضرتك معايا النهارده)
السؤال بتاع السرعه المتوسطه ليه الاجابه متبقاش صفر لانه رجع لنفس مكانه لان السؤال ده كان من الاسئله اللي مضيقاني في الديناميكا رغم سهولته ومكنتش عارفله جواب وكان في كتب تكتب صفر وكتب تحله عادي وتدي الرقم والمدرسين برده كان في كده وكده فياريت تقولي حضرتك الصح وشكراااااااا

a7mad3ali

05-08-2009, 12:50 AM

الف مبرووك ياباشا ومجهود جبار الصراحة
اجاباتك كلها صح ماشاء الله والاسئلة كانت صعبة خصوصاً الجزء التاني :friendsxs3:
الله يبارك فيك يا خصمي :p
ومنتظرك في ارض المعركه قريب ان شاء الله:049gc0: :040vk0::d
الف مبروك لك يا ابو حميد

و هارد لك للمحالفهمش التوفيق

و مبروووك نجااح الحلقة التانية ... و الى الامام ان شاء الله
الله يبارك فيك يا باشمهندس

mohsen ghareeb

05-08-2009, 01:03 AM

الله يبارك فيك يا محمد

الله يبارك في حضرتك يا استاذ محسن بس مش لدرجه عبقري اوي كده يعني وربنا يوفق الكل في المسابقات الجايه
بس انا نفسي افهم اجابه السؤال بتاع مربعات الشطرنج:d
انا كنت شوفته قبل كده في قسم من الاقسام فحفظت اجابته من غير مفهمها :(
فياريت تشرحهلنا يا استاذنا
وفي حاجه تاني برده بعد اذن حضرتك(انا عارف هتعب حضرتك معايا النهارده)
السؤال بتاع السرعه المتوسطه ليه الاجابه متبقاش صفر لانه رجع لنفس مكانه لان السؤال ده كان من الاسئله اللي مضيقاني في الديناميكا رغم سهولته ومكنتش عارفله جواب وكان في كتب تكتب صفر وكتب تحله عادي وتدي الرقم والمدرسين برده كان في كده وكده فياريت تقولي حضرتك الصح وشكراااااااا

صلى على رسول الله
أولاً ) نعلم أن كل ضلع فى لوحة الشطرنج عبارة عن 8 مربعات صغيرة نرقمها 1، 2، 3 ، ......، 8
عدد المربعات = 1^2 +2^2 +3^2 + ............+8^2
= 1+4+9+16+25+36+49+64 = 204 مربع .

ثانياً ) السرعة المتوسطة = المسافة الكلية ÷ الزمن الكلى
هذا القانون صحيح 100% لأى مسألة فيها سرعات مختلفة .

بارك الله فيك وعلمك ماينفع ونفعك بما تعلمت .

~: Zac :~

05-08-2009, 05:52 AM

ااااااااااااااااااسف جدا والله يا جماعة انبارح النت كان فاصل طووول اليوم تقريبا ومعرفتش ادخل خالص
معلش والله بس هبقى معاكو الماسبقة الجاية ان شاء الله لو ينفع يعني ....!!

mohsen ghareeb

05-08-2009, 09:41 AM

السلام عليكم ورحمة الله وبركاته

حل أسئلة المرحلة الأولى

1) أصغر عدد من البسكويت الذى يمكن أن تحتويه المجموعة هو المضاعف المشترك الأدنى للأعداد 2، 3، 4، 6،5

م. م. أ. ( 2، 3، 4، 5، 6) = 60.
.................................................. ......

2) نفرض أن عدد الأولاد = س ، عدد البنات = ص

س/ص = 1/2 :::::::> ص = 2س ........>(1)

(س+9)/ص = 2/1 ..........>(2)

وبالتعويض من (1) فى (2)

(س+9)/2س = 2/1

4س = س+9

3س = 9 (÷3)

س = 3 :::::> ص = 6

إذن عدد الأولاد فى النهاية = 3+9 = 12 ولد

، عدد البنات = 2×3 = 6 بنت

إذن إجمالى عدد الأطفال فى النهاية = 12 +6 = 18 طفل .
.................................................. ......

3) عدد الصناديق = 100 ÷1.25 = 80 صندوق

ثمن البيع = 80 × 1.75 جنية = 140 جنيه.
.................................................. ...........

mohsen ghareeb

05-08-2009, 10:06 AM

حل أسئلة المرحلة الثانية

1) نفرض أن مامع أحمد = مامع إسلام = س

(س-17)/(س-12) = 2/5

5س-85 = 2س-24

3س = 61 (÷3)

س = 20.3 جنيهاً تقريباً .

ملحوظة :
لجعل المسألة أكثر انضباطاً يمكن وضع 27 بدل 17 فيكون النانتج = 37 جنيهاً .
.................................................. .......................
2)
مساحة الكارت الواحد 6 بوصات مربعة.

ومساحة فرخ الورق 24 × 36 بوصة مربعة

إذن عدد الكروت = ( 24 × 36 )÷ 6 =144كرت.
.................................................. ....
3) نفرض أن الأعداد هى :

س-4، س-2 ، س ، س +2 ، س+4

5س = 320 (÷5)

س = 64

إذن أصغر عدد = 64-4 = 60 .
.................................................. .....

Ayman Inventor*

05-08-2009, 10:12 AM

السلام عليكم ورحمة الله وبركاته

حل أسئلة المرحلة الأولى

1) أصغر عدد من البسكويت الذى يمكن أن تحتويه المجموعة هو المضاعف المشترك الأدنى للأعداد 2، 3، 4، 6،5
م. م. أ. ( 2، 3، 4، 5، 6) = 60.
.................................................. ......
2) نفرض أن عدد الأولاد = س ، عدد البنات = ص
س/ص = 1/2 :::::::> ص = 2س ........>(1)
(س+9)/ص = 2/1 ..........>(2)
وبالتعويض من (1) فى (2)
(س+9)/2س = 2/1
4س = س+9
3س = 9 (÷3)
س = 3 :::::> ص = 6
إذن عدد الأولاد فى النهاية = 3+9 = 12 ولد
، عدد البنات = 2×3 = 6 بنت
إذن إجمالى عدد الأطفال فى النهاية = 12 +6 = 18 طفل .
.................................................. ......
3) عدد الصناديق = 100 ÷1.25 = 80 صندوق
ثمن البيع = 80 × 1.75 جنية = 140 جنيه.
.................................................. ...........

الله اومال ايه بقى ريموندا قالت انى حليت واحدة بس وانا حليت 2 الأولانية كتبت 60 والتانية كتبت 140 كده انا حليت اتنين صح مش واحد وفى اول اجابة اللى هى هتتحسب اللى مجاوبتش غيرها

mohsen ghareeb

05-08-2009, 10:14 AM

حل أسئلة المرحلة الثالثة

1) كل شخص فى فريق العمل المتكون من 3 أشخاص عمل 3 × 6 + 2 = 20 يوما لذلك فان عدد أيام العمل الفردية لإنجاز العمل هو 60 يوماً.

وعلى ذلك فان كل عضو فى فريق العمل المتكون من 4 أشخاص يجب أن يعمل 15 يوما لتوفير الـ 60 يوم عمل.
.................................................. ..........
2)
السرعة المتوسطة لأى رحلة هى خارج قسمة المسافة الكلية على الزمن الكلى المقطوع فى الرحلة.

إجمالى المسافة كان 120 كيلومتر والزمن الكلى 5 ساعات.
إذن السرعة المتوسطة

=(120 كيلو متر ) ÷ (5 ساعات) أى 24 كيلومتر/ ساعة أى 24كم/س
.................................................. ...........
3 ) تم حل هذا السؤال سابقاً .
.................................................. ...........
ملحوظة هامة :
"" توجد حلول أخرى ""

Ayman Inventor*

05-08-2009, 10:17 AM

انا اجابتى فى المرحلة الأولى كانت كده بالظبط

1- 60

2- 12

3- 140

Ayman Inventor*

05-08-2009, 10:21 AM

سا جماعة حد يرد عليا

Rymonda

05-08-2009, 11:29 AM

1- 60 بسكويتة

2- 12 طفل

3- 240 جنيه

دي اجاباتك بالظبط يا كابتن ايمن ..
ولو تحب ابعتلك البرايفيت تاني ..

Rymonda

05-08-2009, 11:46 AM

ااااااااااااااااااسف جدا والله يا جماعة انبارح النت كان فاصل طووول اليوم تقريبا ومعرفتش ادخل خالص
معلش والله بس هبقى معاكو الماسبقة الجاية ان شاء الله لو ينفع يعني ....!!

ولا يهمك طبعا ..

تتعوض ان شاء الله ..

a7mad3ali

05-08-2009, 02:04 PM

صلى على رسول الله

أولاً ) نعلم أن كل ضلع فى لوحة الشطرنج عبارة عن 8 مربعات صغيرة نرقمها 1، 2، 3 ، ......، 8
عدد المربعات = 1^2 +2^2 +3^2 + ............+8^2
= 1+4+9+16+25+36+49+64 = 204 مربع .

ثانياً ) السرعة المتوسطة = المسافة الكلية ÷ الزمن الكلى
هذا القانون صحيح 100% لأى مسألة فيها سرعات مختلفة .

بارك الله فيك وعلمك ماينفع ونفعك بما تعلمت .

شكرا يا استاذ محسن علي تعبك والحمد لله فهمت الاولي وبالنسبه للتانيه فاوكي خلاص هستعمل القانون علي اي حاجه ان شاء الله

NOUFALL

05-08-2009, 06:58 PM

ايه الافكار الجامده دى
اسئله الى حد ما حلوه
متاااااااااااااااااااااااااابع
ومنتظر الفائــــــــــــز
اللى هقابله ف احسن 4
ههههههههههههه

Rymonda

05-08-2009, 07:15 PM

اسئله الى حد ما حلوه

الى حد ما ؟؟
ماشي ماشي ..

ومنتظر الفائــــــــــــز
اللى هقابله ف احسن 4
ههههههههههههه

ماشي يا عم الثقه ..
انتظر بقى !!

NOUFALL

05-08-2009, 07:25 PM

الى حد ما ؟؟
ماشي ماشي ..

اه الى حد ما

ماشي يا عم الثقه ..
انتظر بقى !!

اه واثق من نفسى
بس ده مش معناه انى فزت

BaNZeR

05-08-2009, 08:35 PM

اه واثق من نفسى
بس ده مش معناه انى فزت

طيب وليه تحرج نفسك من دلوقتي
ما تستنى لحد ما تفوز:d

Rymonda

05-08-2009, 08:43 PM

طيب وليه تحرج نفسك من دلوقتي
ما تستنى لحد ما تفوز:d

ههههههههههههه

طب كويس انك رديت ..:d

NOUFALL

06-08-2009, 10:49 AM

:stickjo4:اهىء اهىء :stickjo4:
:stickjo4: انتو كلكووا عليا ولا ايه :stickjo4:

a7mad3ali

06-08-2009, 11:25 AM

:stickjo4:اهىء اهىء :stickjo4:

:stickjo4: انتو كلكووا عليا ولا ايه :stickjo4:

اه كلهم عليك وانا معاهم كمان بقي ايه رايك
وبعدين مفيش الف مبروك يا احمد ع الفوز ولا اي حاجه كده ماشي يا عم براحتك
اهو لو كنت باركتلي بقي مكنش حد كلمك :p

Mohamed_MA

06-08-2009, 12:09 PM

الف مبروك يا احمد

ان شاء الله تقدر تفوز في الحلقةاللي هيبقي فيها احس ن 4
بس انا بصراحة اتمنى ان الباش مهندس محمد يكسب

بالرغم انه ماجبش حاجة ساقعة ووزعها على المنتدى
ماشي يا باش مهندس
عالعموم المسامح كريم وربنا يوفقط
اخوك: د محمد

NOUFALL

06-08-2009, 12:33 PM

اه كلهم عليك وانا معاهم كمان بقي ايه رايك
وبعدين مفيش الف مبروك يا احمد ع الفوز ولا اي حاجه كده ماشي يا عم براحتك
اهو لو كنت باركتلي بقي مكنش حد كلمك :p

اولا : معلش يا عم احمد مختش فى بالى
ثانيا : براحتك ما انت مشترك فى مسابقه من سيربح ال50 نقطه وهوريك هناك

Rymonda

06-08-2009, 03:48 PM

خلاص يا جماعه ..

هـــــــــــــــــــــــــــــــــــــــــــــــدو ء ..

BaNZeR

06-08-2009, 05:19 PM

خلاص يا جماعه ..

هـــــــــــــــــــــــــــــــــــــــــــــــدو ء ..
حاضر يافندم :d

الف مبروك يا احمد

ان شاء الله تقدر تفوز في الحلقةاللي هيبقي فيها احس ن 4
بس انا بصراحة اتمنى ان الباش مهندس محمد يكسب

بالرغم انه ماجبش حاجة ساقعة ووزعها على المنتدى
ماشي يا باش مهندس
عالعموم المسامح كريم وربنا يوفقط
اخوك: د محمد

انا اقدر برده
انا مستني النهائي عشان اعزمكو صح :d

BaNZeR

06-08-2009, 05:33 PM

رد مكـــــــــــــرر

Rymonda

06-08-2009, 05:37 PM

رد مكـــــــــــــرر

احم ..
بتقول حاجه؟؟

انا مش عارفه فعلا كل ما اجي اشارك يقوللي مكرر .. وكمان عدد المشاركات مش بيزيد ..
ومش بيقول ان انا اخر رد في الموضوع ..

دا من ايه دا ؟؟

محمد دبور

06-08-2009, 06:17 PM

تسلم ايدك
مشكووووووووووووووور
جزاك الله خيرا

mohsen ghareeb

06-08-2009, 07:00 PM

السلام عليكم ورحمة الله وبركاته
إخوانى وأخواتى أعضاء أحلى منتدى
موعدنا إن شاء الله غداً الساعة 11 مساءاً مع الحلقة الثالثة من المسابقة
أرجو من الجميع الاستعداد والتواجد فى الميعاد
وشكراً .

a7mad3ali

06-08-2009, 08:44 PM

الف مبروك يا احمد
الله يبارك فيك يا باشا
ان شاء الله تقدر تفوز في الحلقةاللي هيبقي فيها احس ن 4
بس انا بصراحة اتمنى ان الباش مهندس محمد يكسب
انا متمناش طبعا انه هو اللي يكسب :d بس انا متوقع ان هو اللي هيكسب وده من قبل المسابقه متبدا حتي
بالرغم انه ماجبش حاجة ساقعة ووزعها على المنتدى
ماشي يا باش مهندس
عالعموم المسامح كريم وربنا يوفقط
اخوك: د محمد
................

~: Zac :~

07-08-2009, 02:43 AM

احم ..
بتقول حاجه؟؟

انا مش عارفه فعلا كل ما اجي اشارك يقوللي مكرر .. وكمان عدد المشاركات مش بيزيد ..
ومش بيقول ان انا اخر رد في الموضوع ..

دا من ايه دا ؟؟

بتحصل معايا بردو :p
بس بعمل نفسي مش واخد بالي :blush:

برنسس الثانوية

07-08-2009, 04:00 PM

حلوة الفكرة دى يا رب تنجح وتفرحينا بيها

BaNZeR

07-08-2009, 04:35 PM

احم ..
بتقول حاجه؟؟

انا مش عارفه فعلا كل ما اجي اشارك يقوللي مكرر .. وكمان عدد المشاركات مش بيزيد ..
ومش بيقول ان انا اخر رد في الموضوع ..

دا من ايه دا ؟؟

آخر رد في كل موضوع واقف من يوم كامل لسه راجع من دقايق بس من كتابتي للرد ده
حتى على الرغم من وجود ردود جديدة

وكل رد يتحط مرتين انا بصراحة زهقت
كويس إنه مزدش عن يوم

mohsen ghareeb

07-08-2009, 09:15 PM

MBM-MaDo

07-08-2009, 09:50 PM

السلام عليكم ورحمة الله وبركاته
إخوانى وأخواتى أعضاء أحلى منتدى
نعتذر عن تقديم الحلقة الثالثة من المسابقة
وذلك بسبب مرض أختنا الدكتورة أميرة المفاجىء
شفاها الله وعافاها وحفظها من كل سوء .

لا حول و لا قوة الا بالله......

بجد مش عارف اقول ايه....:(

اصلى اتفاجئت .....:o

ربنا يشفيها و يرجعها لنا بالسلامة....

و يحفظها من كل سوء...

و فى ستين الف سلامة الحلقة مش مهم....

المهم ندعيلها بالشفاء العاجل....

:(

Dr.Emadido

07-08-2009, 10:12 PM

السلام عليكم ورحمة الله وبركاته

إخوانى وأخواتى أعضاء أحلى منتدى
نعتذر عن تقديم الحلقة الثالثة من المسابقة
وذلك بسبب مرض أختنا الدكتورة أميرة المفاجىء

شفاها الله وعافاها وحفظها من كل سوء .

المسابقة دى بجد جامدة جداااا عشان كده ياجماعة انا بطلب منكم كلكم انكم تدعو للدكتورة اميرة ان ربنا يرجعها بالسلامة
شفاها الله وعافاها وحفظها من كل سوء
:frown::frown::frown::frown::frown::frown:

maryam.s

07-08-2009, 10:12 PM

أسأل الله العظيم رب العرش العظيم أن يشفيكي يا أميرة *6 مرات كمان بقي يا جماعة*

BaNZeR

07-08-2009, 10:58 PM

ربنا معاكي يا اميرة وتقومي بالسلامة إن شاء الله

اللهم اشفها شفاء لا يغادره سقماً

~: Zac :~

07-08-2009, 11:08 PM

السلام عليكم ورحمة الله وبركاته

إخوانى وأخواتى أعضاء أحلى منتدى
نعتذر عن تقديم الحلقة الثالثة من المسابقة
وذلك بسبب مرض أختنا الدكتورة أميرة المفاجىء

شفاها الله وعافاها وحفظها من كل سوء .

:o:o:o:o:o

الف الف الف سلامة عليها
والله بجد اتدايقت جدا

ف انتظارها تقوم بالسلامة ان شاء الله وتطمننا :(

eng7oudash

07-08-2009, 11:46 PM

ألف سلامة عليكى يا دكتورة

تقومى بالسلامة ان شاء الله

a7mad3ali

08-08-2009, 01:37 AM

الف سلامه للدكتروه اميره وتقوم بالسلامه ان شاء الله
المسابقة دى بجد جامدة جداااا عشان كده ياجماعة انا بطلب منكم كلكم انكم تدعو للدكتورة اميرة ان ربنا يرجعها بالسلامة

:frown::frown::frown::frown::frown::frown:

هههههههههه يعني لو مكنتش المسابقه جامده مكناش ندعيلها انها تقوم بالسلامه
طبعا بهزر بهزر اوعي تزعل:d

.. Mysterious ..

08-08-2009, 02:38 AM

الف مليون سلامة عليكي يا فندم
وإن شاء الله ترجعلي لنا بألف سلامة
وكمان ترجعلي للمسابقة اللي مفتقده حضرتك جدا
ومرة تانية
ربنا يرجعلك لينا بألف مليون سلامة

رونالدينهوو

08-08-2009, 03:24 AM

أسأل الله العظيم رب العرش العظيم أن يشفيكي يا أميرة
أسأل الله العظيم رب العرش العظيم أن يشفيكي يا أميرة
أسأل الله العظيم رب العرش العظيم أن يشفيكي يا أميرة
أسأل الله العظيم رب العرش العظيم أن يشفيكي يا أميرة
أسأل الله العظيم رب العرش العظيم أن يشفيكي يا أميرة
أسأل الله العظيم رب العرش العظيم أن يشفيكي يا أميرة
أسأل الله العظيم رب العرش العظيم أن يشفيكي يا أميرة

Mohamed_MA

08-08-2009, 12:22 PM

الف سلامة ليكي يا دكتورة اميرة
ربتا يشفيك يارب

Rymonda

08-08-2009, 01:06 PM

ميرســـــــــــــــــــــــــــــي يا جماعه بجد ربنا يخليكم ..
انا الحمد لله تمام مفيش اي حاجه .. هو بس دور برد جامد جدااااً..
وكان عندي صداع رهيب فــ مكنتش هقدر اركز خالص في الحلقه .. انا بعتذر ليكم بجد .. والله مكنش بايدي ..;)
وان شاء الله تتعوض الحلقه دي ..
:)
بس بجد ميرسي على زوقكم .. ربنا يخليكم ليا ..
:)
واسفه مره تانيه للمتسابقين .. معلش كان غصب عني .. سوري بجد ..;)
:blush:

a7mad3ali

08-08-2009, 02:15 PM

حمد لله علي السلامه يا دكتوره اميره
وكان عندي اقتراح ياريت تشوفيه انتي واستاذ محسن وهو اننا نكمل المسابقه النهارده بدل امبارح مدام انتي قومتي بالسلامه والحمد لله
وبعد كده تبقي جمعه وتلات عادي يعني وده طبعا يعتمد علي وقتك ووقت استاذ محسن ووقت المتسابقين فلو لاقيتي محدش عنده مشاكل نكملها النهارده بدل امبارح

Rymonda

08-08-2009, 02:30 PM

لما نشوف .. ربنا يسهل ..
ونشوف رأي المستر والجمهور !!

~: Zac :~

08-08-2009, 05:37 PM

الف حمدا لله على السلامة يا اميرة .. نووورتي ..
وانا شايف لو لسه تعبانة يبقى يوم التلات وخلاص ولو متاكدة انك مش تعبانة اوك يبقى انهاردة عشان الناس اللي مستنيين المسابقة ..
بس اعذروني لو انهاردة مش هقدر اشترك بردو عشان مسافر ...
وتاني مرة الف حمدا لله على السلامة ...

MBM-MaDo

09-08-2009, 02:15 AM

الاول حمد الله ع السلامة....

وخليها الثلاثاء مش تضغطى ع نفسك....

وبعدين خديهم يومين نقاهة...:d

فى حفظ الله و سلامتك...

:)

Rymonda

09-08-2009, 03:46 AM

الاول حمد الله ع السلامة....

وخليها الثلاثاء مش تضغطى ع نفسك....

وبعدين خديهم يومين نقاهة...:d

فى حفظ الله و سلامتك...

:)

الله يسلمك يا احمد .. ميرسي ..
:blush:
فعلا والله محتاجه انا فترة نقاهه .. هو البرد ده بالساهل ؟
ده برد الصيف حاجه بشعه ..:(
يلا ما علينا ..
خلاص معادنا ان شاء الله يوم التلات .. اكون حتى خفيت شويه ..
:)

اوركيديا

10-08-2009, 01:11 AM

وصلتوا لفين ؟؟؟
:d

BaNZeR

10-08-2009, 01:20 AM

وصلتوا لفين ؟؟؟

:d

قربنا نوصل للصفحة التاسعة :d

خلصنا دورتين والتالتة حتبدأ التلات اوالجمعة الجاي
هو مين في الأول :slap1qk6:
اه التلات الجاي

سجلي اسمك واستني الطابور لما يخلص وحتوصلي ان شاء الله :d

منورة القسم يا اوركيديا :078111rg3:

Rymonda

10-08-2009, 07:48 PM

اقتباس:
المشاركة الأصلية كتبت بواسطة اوركيديا http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=1490653#post1490653)
وصلتوا لفين ؟؟؟

:d

منورانا يا لولو والله .. اخيرا حد فيكم سمع كلامي ودخل الاذكياء ..

ده انا كل ما اقول لواحده ادخلي الاذكياء زي ما يكون بشتمها ..

يلا كويس انك جيتي .. منورانا ..واحتمال نجيب رجلك ..

:slap1qk6:

اوركيديا

11-08-2009, 01:40 AM

قربنا نوصل للصفحة التاسعة :d

خلصنا دورتين والتالتة حتبدأ التلات اوالجمعة الجاي
هو مين في الأول :slap1qk6:
اه التلات الجاي

سجلي اسمك واستني الطابور لما يخلص وحتوصلي ان شاء الله :d

منورة القسم يا اوركيديا :078111rg3:
احم .. معلش عشان انا شكلى اللى حوصله لل 9 :d
مش فاهمه ايتها حاجه :d
حد يطوع و يشرحلى دلوقتى بالظبط ايه اللى حيحصل عشان انا بفكر بفكر اتابع معاكوا :d

اه شكرا يا بانزر على الرد بس شكلك اتدبست
اشرحلى
:d

فى رعايه الله

NOUFALL

11-08-2009, 08:21 PM

يا ريت يا جماعه مش يكون فيه النهارده

عشان المنتدى باااااايظ ومش هعرف اقعد كمان

E/GOGO

11-08-2009, 10:08 PM

انا معاكى يا ميرو ومتابعة ان شاء الله

MBM-MaDo

11-08-2009, 10:11 PM

هاااا...

انا جيت من بدرى قاعد فى الموضوع لوحدى....

ايه النظام....

سى يو ناو...

E/GOGO

11-08-2009, 10:11 PM

انا معاكى يا ميرو
ومتابعة ان شاء الله

mohsen ghareeb

11-08-2009, 10:33 PM

السلام عليكم
إخوانى وأخواتى أعضاء منتدانا الحبيب
حضراتكم طبعاً ملاحظين مشكلة الموقع
وربنا يسهل وتتحل ونكمل مسابقتنا اليوم وإلا سنضطر آسفين للتأجيل :stickjo4:
نرجو المعذرة :078111rg3:

mohsen ghareeb

11-08-2009, 11:00 PM

السلام عليكم ورحمة الله وبركاته
إخوانى وأخواتى أعضاء أحلى منتدى
مساء الورد عليكم
نرجو المعذرة فالموقع فيه صيانه
ربنا يسهل وتخلص بسرعه
دعواتكم

Rymonda

12-08-2009, 03:08 PM

ان شـــــــــــــــــــــــــــــــاءالله حلقه امبارح هنعوضها النهارده ..

ادعوا بقى للمنتدى ربنا يهديه !!

Rymonda

12-08-2009, 03:24 PM

احم ..المشكله انى مش فاهمه حاجه :d

و انا بفكر بفكر انى اشترك :d
بس فين و انتوا وصلتوا لايه
ياريت حد يفهمنى بقى عشان الذكاء ناقح معايا
اه شكرا يا بانزر على الرد بس شكلك اتدبست :d
اشرحلى :d

يلا فى رعايه الله

طب ينفع اوضح انا ؟؟

ما هو الموضوع زي موضوعي برضو ..:d

بصي انتي لو قريتي اول الموضوع هتفهمي .. دا انا شرحته بطريقه تفهم اي حد ..

http://www.thanwya.com/vb/showpost.php?p=1458126&postcount=1 (http://www.thanwya.com/vb/showpost.php?p=1458126&postcount=1)

شوفيه كده ولو مفهمتيش .. احنا تحت امرك ..

هنعمللك فريق متخصص يفهمك ..:p

وشوفي الموضوع ده كمان هيساعدك ..

http://www.thanwya.com/vb/showthread.php?t=140018 (http://www.thanwya.com/vb/showthread.php?t=140018)

شوفي كده وردي علينا .. او ممكن بانزر يفهمك بطريقه افضل ..

وللعلم .. احنا عملنا حلقتين .. وداخلين ع التالته ..

دووومتي ..
:)

~: Zac :~

12-08-2009, 05:54 PM

waiting ....!!:romarioxp6:

Rymonda

12-08-2009, 10:09 PM

ان شاء الله شويه وهتنيدأ بس لما الناس يوصلوا بس

~: Zac :~

12-08-2009, 10:23 PM

:bosyht9::bosyht9::bosyht9::bosyht9: .... Still waiting .....

ياريت اسرع عشان ساعة وهضطر اقوم :friendsxs3:

Rymonda

12-08-2009, 10:24 PM

طب اعمل ايه بقى في الناس اللي مش ملتزمه بمواعيدها دي ؟

~: Zac :~

12-08-2009, 10:30 PM

اهو بقى اي حاجة

نعتبرهم انسحبو

نديهم مخالفات

نطردهم

يعني بس
:p:d

Rymonda

12-08-2009, 10:33 PM

معنى كده انك انت اللي هتكسب عشان مفيش غيرك ..
ههههههههه
والله اعملها ..

~: Zac :~

12-08-2009, 10:45 PM

طيب مهو دا اللي هنعملو بقى انا كفاية اني جيت اصلا :d

BaNZeR

12-08-2009, 10:46 PM

طيب الف مبروك مقدما يا زاك
معندكش ولا غلطة
ههههههههه

Rymonda

12-08-2009, 10:47 PM

حسبي الله ونعم الوكيل ..

حد يقوللي اعمل ايه بدل ما ارتكب جنايه ؟؟

~: Zac :~

12-08-2009, 10:49 PM

الله يبارك فيك يا بانزر دنا تعبت اوي ف الحل :d:d

وياريموندا لازم تاخدي قرار وموقف سريع :d

ياما اكسب انا ياما تشوفي اتنين تانيين :stickjo4:

Rymonda

12-08-2009, 10:54 PM

طب شوفلي انت .. لو عندك حد ..
كلهم غير متواجدين ..
ولا استنى شويه وهنكسبك وخلاص ..
هههههههههه

~: Zac :~

12-08-2009, 10:58 PM

واشوف انا ليه هوا مين المشرف ومين صاحب الموضوع ؟ :d:d:d

وايه هنكسبك دي ؟ لالالا انا اكسب بمجهودي احسن :d:blush::d

فيه ناس كتير متواجدين اختارو اي حد منهم بقى :028ja7:

Rymonda

12-08-2009, 11:09 PM

اصوت ؟

هو اي حد يدخل كده وخلاص ؟؟

هما مش عاوزين ..

بص ربع ساعه بس وهقوللك القرار النهائي ..

Rymonda

12-08-2009, 11:19 PM

قرار رقم 1 في المسابقه الغريبه دي ..

تم تأجيل حلقه النهارده لبكره ..

رغماً عن انفي ..:angry2:

حسبي الله ونعم الوكيل ..
:angry2:

دمتم ..

قوم نام يا زاك ..
:bosyht9:

~: Zac :~

12-08-2009, 11:22 PM

ههههههههههههههههههههه

لالالالا دا ظلم بقى:slap1qk6:

لاني بعد بكرة مسافر بعد الفجر وممكن معرفش اجي:(

خلاص لو مجتش تاجلوها تاني بقى :angry2:

مش كفاية عطلتوني انهاردة:stickjo4:

مااشي يا مشرفتنا مسيري ابقى مشرف وادمن كمان :d:d

واتعامل معاكو بطريقتي :abdoog8::d:d

ومش هنام بقى :angry2:

eng7oudash

13-08-2009, 12:01 AM

:confused::confused::confused::confused::confused: :confused::confused::confused::confused::confused: :confused::confused:

BaNZeR

13-08-2009, 12:10 PM

لا لا لا
انا لو منك زاك ارفع قضية
ده كده اتفاق جماعي عليك

~: Zac :~

13-08-2009, 12:34 PM

ههههههه
شوفت بقى بيحصلي ايه وانت موجود يا باشا ؟؟ ينفع كده ؟؟؟

Rymonda

13-08-2009, 12:35 PM

لا لا لا
انا لو منك زاك ارفع قضية
ده كده اتفاق جماعي عليك

ايوه سخنه كمان سخنه ..

اصل هي ناقصه ..

والله ان كان عليا كنت هعلنه فايز في ساعتها..

بس هو اللي عملي فيها حقاني .. وعاوز يكسب بمجهوده ..

يشـــــــــــــــــــــــــــــــرب بقى !!

~: Zac :~

13-08-2009, 01:18 PM

ههههههههههههههههههههه

لاحظي ان كلامك جارح :d:d:d:d

واان شاء الله احاول اجي انهاردة .....:stickjo4:

Rymonda

13-08-2009, 03:42 PM

ههههههههههههههههههههه

لاحظي ان كلامك جارح :d:d:d:d

واان شاء الله احاول اجي انهاردة .....:stickjo4:

هههههههههههههههههه

قال جارح قال ..

على فكره احتمال تيجي النهارده متلاقيش حد برضو..

ساعتها انا هضحك ضحك ..ههههههههههههههههههه

ونعلن انك كسبان ونخلص !!

eng7oudash

13-08-2009, 03:50 PM

هو فيه حلقة انهاردة ؟؟؟

Rymonda

13-08-2009, 03:54 PM

ان شاء الله .. لو المعازيم جم ..

قصدي لو المتسابقين جم ..

ادعيلهم ..

NOUFALL

13-08-2009, 04:12 PM

ازيكووا يا شباب
عاملين ايه ؟
يا رب تكونو بخير

ايه الحلاوه اللى انتو فيها
شويه اعضاء عثل عثل يعنى

وانت يا عم زاك مش ترسم اوى كده وتقولى لازم بمجهودى
ما انا لو كنت دخلت من الاول ووريتوا عبقرتى اللى مش ليها حدود :022yb4:

ده انتو لسه متعرفوش عنى حاجه
احسن لكو برده هتتفاجأوا بجد :d

ادعولى بس اعرف ادخل النهارده

متزعلش يا زاك بهزر مش اكتر

~: Zac :~

13-08-2009, 04:27 PM

هههههههههههههههههه

قال جارح قال ..

على فكره احتمال تيجي النهارده متلاقيش حد برضو..

ساعتها انا هضحك ضحك ..ههههههههههههههههههه

ونعلن انك كسبان ونخلص !!

نعم ؟؟؟؟؟؟؟؟؟؟؟؟ انا لو جيت ملقتش حد همسك مشرف مكانك :d

ازيكووا يا شباب
عاملين ايه ؟
يا رب تكونو بخير
ايه الحلاوه اللى انتو فيها
شويه اعضاء عثل عثل يعنى
وانت يا عم زاك مش ترسم اوى كده وتقولى لازم بمجهودى
ما انا لو كنت دخلت من الاول ووريتوا عبقرتى اللى مش ليها حدود :022yb4:
ده انتو لسه متعرفوش عنى حاجه
احسن لكو برده هتتفاجأوا بجد :d
ادعولى بس اعرف ادخل النهارده
متزعلش يا زاك بهزر مش اكتر

لالالا انا زعلت بقى هه :p:d:d

زعلت ايه بس ربنا ميجيب زعل كلنا هنا اخوات
وانا قابل اي هزار من اي حد عادي ....:bosyht9:

ومستنيين تفاجئنا بالعبقرية يا باشا :d

Rymonda

13-08-2009, 08:44 PM

نعم ؟؟؟؟؟؟؟؟؟؟؟؟ انا لو جيت ملقتش حد همسك مشرف مكانك :d

واللي يرجع ؟؟

بس ان شاء الله هتلاقي ولو مجوش هننزل بالاحتياطي ..

متقلقش ..(الوضع تحت السيطره)

MBM-MaDo

13-08-2009, 09:38 PM

مفائجا...

انا ماقلتش مفاجأة...

المهنش...

انا كييييييت...

يلا هاا فين الناس ....

يلا لسة باقى ساعة الا ربع...

مستنى...

Rymonda

13-08-2009, 09:55 PM

انتظــــــــــــــــــــــــرونا ..

ربنا يسوقكم ياللي في بالي ..

:slap1qk6:

Rymonda

13-08-2009, 10:30 PM

هو انتو حالفين لازم واحد بس اللي يحضر؟؟

MBM-MaDo

13-08-2009, 10:37 PM

هههههههههههههههههههههه....

قلبى معاك يا اختى....

معلش بتحصل فى ارقى المنتديات...

خير خير...

Rymonda

13-08-2009, 10:40 PM

والعمل دلوقتي ؟؟

اولع فيهم ولا في نفسي ؟؟

حتى الاحتياطي مش جم ..

بنهزر احنا بقى ؟

MBM-MaDo

13-08-2009, 10:45 PM

بصى لو محدش جه النهاردة....

مش هينفع نعيدها كل شوية...

ترسى على زاك هوا اللى جه فى الميعاد المحدد اول مرة...

ده المفروض...

يعنى حرام اكسب بعدم الحضور بتاعهم...

وزاك لا فى المرة اللى فاتت...

و برده حرام نتعبكم معانا..

ده راى ......

و كل عام و رمضان علينا سعيد....

Rymonda

13-08-2009, 10:52 PM

طب ما تمشيش يا مادو لحد ما نشوف ..

لعب عيال والله ..

MBM-MaDo

13-08-2009, 10:56 PM

انا بايت فى الموضوع فاتح له تاب و سايبه مفتوح...

معاكى اهو...

وان شاء الله يجو ...

mohsen ghareeb

13-08-2009, 11:32 PM

السلام عليكم ورحمة الله وبركاته
إخوانى وأخواتى أعضاء منتدانا الحبيب
أذكركم بحديث رسول الله صلى الله عليه وسلم :
" آية المنافق ثلاث ، إذا حدث كذب ، وإذا وعد أخلف وإذا أؤتمن خان "
صدق رسول الله صلى الله عليه وسلم .
لا أعرف ماذا حدث هذه الأيام !!!
قليل بل نادر أن تجد إنسان يحترم مواعيده مع الناس !!!
إن كنتم تعتقدون أن هذه المسابقة دون المستوى أو لاتستحق اهتمامكم
فقولوها لنا بصراحة حتى نبحث عن منتدى آخر به أعضاء يقدرون العلم ويحترمون مواعيدهم
كلنا عندنا مايشغلنا ولكن نحترم ونقدر مشاعر الناس ولانسىء لأى أحد

إخوانى وأخواتى
إن كنتم تودون أن تستمر المسابقة فقولوا لنا اقتراحاتكم
لكى يلتزم الجميع ونقوم بعملنا على أكمل وجه
ونكون قدوة لأولادنا وللمنتديات الأخرى .

Rymonda

13-08-2009, 11:53 PM

يا ريت لو حد يمسك المسابقه الغريبه دي غيري عشان انا خلاص تعبت ..

انتو بتعملوا كده ليه ؟؟

استغفر الله العظيم ..

لاغـــــــــــــــــــــــــــي ..

الى اجل غير مسمى ..

.دمتم .

MBM-MaDo

13-08-2009, 11:58 PM

يا استاذنا مش محتاجة ده كله....

الله ادرى بظروف عباده...:)

نفترض انى وعدت انى جاى المسابقة...

و مت ابقى منافق...:d

مين فيكم هايعرف عنى انى فين و لا جرى لى ايه....

محدش....:p

يبقى نحتسب عذرا لكل غائب...

و بعدين برده الرسول(عليه الصلاة و السلام) قال احتسب لاخيك المسلم سبعين عذرا...

و فى رواية سبعة و سبعين عذرا...

و المسابقة قيمة جدا و احنا مقدرين...:friendsxs3:

و الا ماكنش حد اشترك من الاول...;)

و عارفين مجهودكم و ربنا يعينكم..

بس احنا اخوات قبل كل ده...:friendsxs3:

انا باقول منعا للخبطة اكتر...

نلغى الحلقة دى و ندخل ع اللى بعدها...

و نخلى دى للاخر...

و بجد الموضوع مش مستاهل ده كله حضرتك...

خلى حضرتك احسن مننا...;)

و اسف بالأصالة عن نفسى و بالنيابة عن باقى المتسابقين....
:)

عن اللخبطة اللى حصلت....:friendsxs3:

فى امان الله...

:)

mohsen ghareeb

14-08-2009, 12:08 AM

يا ريت لو حد يمسك المسابقه الغريبه دي غيري عشان انا خلاص تعبت ..

انتو بتعملوا كده ليه ؟؟

استغفر الله العظيم ..

لاغـــــــــــــــــــــــــــي ..

الى اجل غير مسمى ..

.دمتم .

يا استاذنا مش محتاجة ده كله....

الله ادرى بظروف عباده...:)

نفترض انى وعدت انى جاى المسابقة...

و مت ابقى منافق...:d

مين فيكم هايعرف عنى انى فين و لا جرى لى ايه....

محدش....:p

يبقى نحتسب عذرا لكل غائب...

و بعدين برده الرسول(عليه الصلاة و السلام) قال احتسب لاخيك المسلم سبعين عذرا...

و فى رواية سبعة و سبعين عذرا...

و المسابقة قيمة جدا و احنا مقدرين...:friendsxs3:

و الا ماكنش حد اشترك من الاول...;)

و عارفين مجهودكم و ربنا يعينكم..

بس احنا اخوات قبل كل ده...:friendsxs3:

انا باقول منعا للخبطة اكتر...

نلغى الحلقة دى و ندخل ع اللى بعدها...

و نخلى دى للاخر...

و بجد الموضوع مش مستاهل ده كله حضرتك...

خلى حضرتك احسن مننا...;)

و اسف بالأصالة عن نفسى و بالنيابة عن باقى المتسابقين....

:)

عن اللخبطة اللى حصلت....:friendsxs3:

فى امان الله...

:)

السلام عليكم

ياريت يا أميرة ماتزعليش بالشكل ده
الموضوع مش كبير بالدرجة دى
على رأى الأخ " مادو "

الله ادرى بظروف عباده
عندك حق أخينا الفاضل فى كل كلمة قلتها
إهدى يادكتورة أميرة والله أعلم أين الخير :078111rg3:

maryam.s

14-08-2009, 12:32 AM

السلام عليكم
انا بجد اسفة جدا جدا على امبارح بجد الظروف كانت خارجة عن ارادتى والنهاردة انا لسة راجعة حالا من القاهرة والله قلت لازم ادخل وافسر عشان مازعلش حد وبجد ما كنتش متوقعة اتا خر كده الا كنت قلت لاميرة من قبلها والله حتى اتصلت ع امى عشان تحولى رصيد ادخل موب اشوف الاحوال ولو هعتذر اعتذر وبعد عناء طويل وصل الرصيد وانه يدخل ع الصفحة مافيش لكن ع غيرها يدخل سبحان الله
وبجد يا استاذ محسن المسابقة جميلة و جامدة جدا وزى ما مادو قال عشان كده دخلناها وتابعناها من الاول
ويا ريت يا اميرة بجد تعذرينى
وبتاسف مرة تانية
ولكم حرية التصرف مع المتاخرين
وشكرا للاخ مادو ع دفاعه عننا
تقبلوا اعتذارى
مريم سامى