السلام عليكم

ازيكم يا دكاترة وازى كلياتكم

لو سمحتم محتاجة مساعدتكم

أنا من المنوفية وفاتتنى صيدلة القاهرة على درجة تقريبا

وجالى فى التنسيق صيدلة فى حلوان

ينفع انى أحول من دلوقتى من غير ماخد سنة فى حلوان الى القاهرة لأن القاهرة اقرب ليا
مع العلم بان مجموعى اقل من صيدلة القاهرة

ويعنى اية تحويل 10% ده ؟

ولو مش هينفع دلوقتى ممكن بعد سنة ولا المواد مختلفة ؟

يا ريت دكاترة حلوان يساعدونى ويقولوا ايه المواد اللى بياخدوها فى سنة أولى فى حلوان

وأختى فى صيدلة القاهرة هتقولى أخدوا ايه هناك

محدش يبخل عليا بالنصيحة

فى انتظار ردكم

أنا كمان جالي صيدلة حلوان و روحت هناك وسألت قالوا ان التحويل هيكون عن طريق النت من 1الى 15/8 هيبقى في يوم واحد بس متاح للتحويل خلال ال15 يوم(( يعني لازم تتابع عالنت )) وهتدخلي وتشوفي انتي عايزه تحولي كلية ايه وانت وحظك ممكن تكوني من ضمن ال 10 % المتاح ليهم التحويل يعني لو في 100 طالب هيتقبل منهم 10 بس حسب المجموع على ما أعتقد ((للحد من الإغتراب)) زي ما بيقولوا وبعد حوالي 3 أيام هيوصلك جواب ترشيح جديد( لو قبلوا التحويل) وهتروحي تقدمي في الكليه الجديده اللي انت اترشحتي لها وهتطبعي بطاقة الترشيح دي طبعا . ولو منفعش التحويل هتضطري تروحي تقدمي في الكلية اللي جات لك الأول يعني حلوان وهتقدمي كمان في السكن لو عايزه .
وأنا من المنصورة وان شاء الله هحول المنصورة ويارب ينفع

وبالنسه للمواد معرفش حاجه لسه عنها ومقدرش أفيدك بصراحة
و ممكن تحولي القاهرة (( بس ))لو قعدت سنه لأن بيدرسوا نفس المواد هناك بس مينفعش تحولي أي جامعة تانية يعني تقضي في حلوان الخمس سنين

أنا قلت كل اللي أعرفه بصراحه وأرجو الدعاء بالتوفيق وربنا يوفقك انت كمان

:078111rg3::078111rg3::078111rg3:

أشكرك يا sooma على ردك

وربنا يوفقك وتقدرى تحولى للمنصورة

طيب بالنسبة للسكن أقدم فى المدينة فى حلوان عشان أضمن مكان ولا استنى نتيجة التحويل ؟

sooma يا ريت لو عرفتى أى حاجة عن يوم التحويل ده تبلغينى بيها هنا

ان شاء الله لو عرفت أي أخبار مش هتأخر عليكي
وبالنسبة للسكن الجامعي بتقدمي فيه مع تقديم الكليه والتقديم وسمعت انه بيستمر لأخر شهر 8 يعني متقلقيش .
و أعتقد متقدميش في السكن دلوقتي لحد متعرفي التحويل هيتقبل ولا لأه عشان متتعبيش نفسك عالفاضي و زي ما وعدتك هقولك على اي حاجة جديدة أعرفه وربنا معاكي

لو عايزة تعرفي المواد اللي هندرسها
في موضوع ل dr.sara ممكن يفيدك بعنوان(كل ما يخص اعدادي صيدلة عين شمس)

يوم السبت المقبل حيفتح مرحلة للتحويلات المرحلة الاولي و الثانوية والتحويل ده كليات متناظرة بنسبة 10/100 من تعداد الكلية المحول منها و اليها و ده بيتيحلك تكتبي لحد 3 رغبات و بما انك في المنوفية مثلا يعني حتكتبي اقرب تلاتة بالترتيب لمحافظتك أو زي ما بتقولي عايزة القاهرة سيبك من المجموع اهم حاجة تكون مناظرة يعني صيدلة

على فكرة أنا نقلت الخبر ده من موضوع asd159 ولو عايزة تستفسري اسأليه وهو يجاوبك ان شاء الله
عنوان الموضوع (حاجة مفيدة في التنسيق ادخل وافهم قبل ما تفوتك الفرصة وتتغرب) في( تنسيق 2009)

شكرا جزيلا

محمد سامى صيدلة حلوان برضو احتمال نبقى زملاء ان شاء الله فى كلية واحدة وربنا يستر بقى

هى صيدله حلوان فى حلوان ولا فين

أنا روحت الجامعه بالمترو و الجامعه تقريبا قبل محافظة حلوان بمحطتين
انتي بتنزلي من المترو تلاقي الجامعه قصادك على طول وصيدله أول كليه تقابلك لما تدخلي الجامعة وعلى فكرة جامعة حلوان جميلة ونظيفة أوي

هاى يا دكاترة
انا كمان جالى صيدلة حلوان وهحاول احول عين شمس لانها اقرب لى
يا رب كل حد فيكوا يحول للى اقرب له بس انا قريت ف جريدة الجمهورية ان بدء التحويل من يوم الخميس ان شاء الله
لو معرفناش نحول اكيد هنتقابل ف حلوان
سلام

ana zyk bzabt fattne el kahera 3ala darga
el mohem el t5wel ynf3 momken abl el dersa le 3enshams aw el kahera
we b3d el drsa le el kahera bs 3ashan el mwad el by5doha fe helwan m5tlfa 3n mwad 3enshams fa maynf3s 3enshams
momken el kahera bs
we el t5wel youm 10/8/2009 we by3d 5 DAYS bs
we isa kol el 3awz y5wel ...y5wel :)
w8ting 4 any questions

انا كمان جالى صيدلة حلوان ولكن ممكن احول القاهرة وانا مش عارفة اعمل اية وكان نفسى اعرف المواد وكمان نظام الدراسة فى كلتا الجامعتين ارجو الافادة و لو بكلمة واحدة ممكن تفيدنى :confused::confused::confused::confused::confused: :confused::confused::confused::confused::confused: :confused::confused::confused::confused::confused: :confused::confused::confused::confused:

انا كمان جالى صيدلة حلوان وعايزه احول اسكندريه

عارفين لو كلنا حولنا حيفضل فى صيدلة حلوان من حلوان 28 طالب بس تصوروا تبقى دفعه 100-100