حضرتك مؤسس الموقع على عينى وراسى بس غير مسموح لحضرتك توعد حد على حسابى
طبعا واضح اوى ان حضرتك وعدت الاستاذ عصام الجاويش انك سوف تتولى موضوعه يعنى سيادتكم ظهر لى وده طبعا مخليه واثق جدا فى نفسه على حساب ناس كتيرة اولهم انا اللى معنديش شخصية ولا ليا لازمة زى ما حضرتك ناوى توضح للجميع
كل اللى عمله اتغطى فى ثوانى وبقت ردوده رائعة جدا يتخللها استفزاز واضح جدا لى
حضرتك المسئول عن اللى بيحصل ووقفت واحد ضد الكل
هل هذه عملية تنظيف لبعض الناس الذين لا تريدهم معك ومحرج منهم زيى مثلا ؟
والله بسيطة جدا بس متقنعنيش انى همشى برده بدماغ حضرتك
لازم الاستاذ يعزل من الاشراف على الاقل من المرحل الاولى وتعيينه مشرف على اى مرحلة اخرى
وان لم يتم يبقى فعلا سيادتك زى ما انا قلت عايزنى اظهر فى القسم انى حد مالوش لازمة وهو ده اللى لم اتعرض له من قبل علشان كده كنت مستمر وبقوة الحمد لله لكن غير كده انا اسف
ووداعا للنظام الجديد بالنسبة لى
جبتهالك على طبق من فضة يعنى بقت سهلة

سلام عليكم
نصلى على النبى ونهدا كدا وبراحة يا استاذ بدوى
حضرتك مشرف ادارى تعليمى
ليك حرية التصرف فى الاقسام التعليمية فى حدود القوانين اللى المنتدة ماشى عليها
بغض النظر عن كون اللى الكلام بيدور حوله الاستاذ عصام الجاويش او غيره
حضرتك لو شوفت اى مخالفة او رد غير لائقمن حقك تعمله تحرير دون الرجوع الى المدير حتى
المسألة سهلة وبسيطة
دود استفزازية = تحرير الردود وانتهت المشكلة وعند التكرار فى انذار ووقف وخلافه

لازم الاستاذ يعزل من الاشراف على الاقل من المرحل الاولى وتعيينه مشرف على اى مرحلة اخرى


حضرتك ادرى بالاقسام التعليمية
دمتم فى رعاية الله
تصبحو على خير

والله انا بقيت متوتر جدا اليومين دول وبقيت عصبى فعلا وخصوصا الموضوع الاخير ده
بس عايز اوضح انه يوجد خطأ بالفعل ولا استطيع توقع الموقف اذا استمر الاستاذ عصام جاويش
والله انا ليس فى نيتى اى تهديد لا سمح الله ولا املك القدرة على التهديد اصلا
كلكم عارفين ان البوابة بيتى ولا استطيع الاستغناء عنها وعمرى ما طلبت منها اكثر من توفير مناخ صالح للعمل
بس الموضوع ده قلب لتحدى منه لى مع انه كان دفاع منى لرواد الحجرة وعمرنا ما اختلفنا فى الحجرة كده ولا عمرنا دخلنا فى حورات كده ....... يبقى فيه حاجة غلط
زى ما حضراتكم عايزين بس انا غير مرتاح تماما للوضع القائم وغير مسئول عن النتائج مهما كانت
لذلك يجب ان يتم النظر للامر من اوله مش من اول اتباعه اسلوب اللين ورمى الكلام وتعديل المشاركات التى بها اخطاء يحاسب عليها
الغرفة هيبقى فيها عدم استقرار وهى تعد من اهم الغرف فى البوابة

الموضوع فجأة تحول انى همشى كلامى على المشرفين ومن امتى ده ؟ ومن امتى لم اعمل على توفير الراحة النفسية لمدرسينى ..... يعنى فجأة اتغيرت ؟

انا قلت اللى عندى واذا عدى الموضوع كده انا اسف يا استاذ محمود سرحان مش هبقى مرتاح على الاطلاق
وعلى فكرة فى ناس كتيرة ومهمين جدااا نفسهم مسدودة عن القسم بعد ان بذلنا مجهود رهيب اننا نخليهم يعطوا البوابة اوقات كثيرة ومجهود لم يسبق له مثيل

شكرا لكم واسف لو اسلوب كلامى به ما يخرج عن حدود اللياقة

من فضلك انا عاوز رد مستر فاضل و مستر محمود فتحى على الموضوع ده هنا
و اللى حضراتكم تتفقوا عليه هنفذه
ولا تقولى ضهر ولا عبيد هو إحنا فين حضرتك ؟

موضوع مستر عصام جاويش أنا لم أقل له سوى إنى هحاول أحل الموضوع

مستر محمود هااطلب من وقت حضرتك نص ساعة تشوف فيها الروابط دي وفى النهاية تحدد ايه المشكلة بالظبط
1- الرابط الاول بداية المشكلة او بالاصح احتدام المشكلة

http://www.thanwya.com/vb/showthread.php?t=139256

2- دة الرابط اللى مستر فاضل عمله لاحتواء المشكلة

http://www.thanwya.com/vb/showthread.php?t=139661&page=2

واللى اعرفه ان اساس المشكلة ان مستر عصام لغى تثبيت موضوع لاحد المدرسين ودمج موضوعين لاثنين من المدرسين .
انا رايي الشخصي ان عصام جاويش مارس مهامه الاشرافية عادي جدا ودة بيحصل كل يوم وكل وقت . لكن المشكلة ان الموضوع توسع شوية ومستر بدوي حط نفسه طرف فى الصراع رغم انه اكبر من كدة بكتير اوي ووضعه فى الصراع ده او المشكلة دي ظلم له هو . المشكلة دلوقتى واللى اعتقده ان فيه رسائل خاصة استفزت مستر بدوي وخليته عصبي كدة على غير عهدنا بيه .ودي يسأل فيها مستر بدوي .

طبعآ انا مش حضرت المشكلة
فا جيت ادخل ع اللينكات
قالى انه مش معايا تصريح
ياريت حد يسلفنى التصريح بتاعه اشوف المشكلة واخرج على طول

السلام عليكم مستر محمود فتحى
من فضلك يا فندم أنا طالب رأيك بصفتك متابع لما تم و تعرف الأخوة أطراف المشكلة
تقبل تحياتى

هو احنا منعرفش نبقى هاديين شوية مع بعض ونناقش الأمر بالراحة ونعرض أي مشكلة بأعصاب هادية يا جماعة احنا في الأول والآخر أسرة واحدة ولازم جو الأسرة الهادئ يسود بنا ونستحمل بعض

هو احنا منعرفش نبقى هاديين شوية مع بعض ونناقش الأمر بالراحة ونعرض أي مشكلة بأعصاب هادية يا جماعة احنا في الأول والآخر أسرة واحدة ولازم جو الأسرة الهادئ يسود بنا ونستحمل بعض

هل تعترف اولا بمسألة التقدير ؟
يعنى مثلا لما حد ييجى يقوللى احمد نجم بيستقصدنى ارد اقول ايه ؟
استاذ محمود سرحان مقتنع ان الامر شخصى من الاول للاخر لا والله العظيم وانا عند كلامى ومخاوفى حتى الان
ويعلم من خلقنا كم الكلمات التى استقبلها على التليفون والتى تحمل استياء لما حدث وتحمل تجريح خفى لوضعى الان علشان كده انا عايز ارتاح انا كمان واكتفى بصفة مدرس فقط لكن انا معنديش استعداد اواجه هذا المشرف مرة اخرى لانه هيبقى على حساب حاجات تانية

انا قولت له كلام ورده اثبت لى ما اعتقده فيه خلاص ياخد القسم يتصرف فيه بس محدش يجبرنى على عمل شيئ انا غير مقتنع به والقرار اتاخد اصلا احد العصامين يمشى والاخر مشرف رغم انف مش عارف مين

هل انت على دراية يا استاذ محمود ان من ضمن انجازات المشرف دعوة المدرسين المختلفين معه الى الاشراف فى بوابة التفوق هههههههههههه بس دى كانت مرحلة قبل ما يستنجد بسيادتك وحضرتك تضعنى فى هذا الموقف الظريف

على فكرة انا كنت فى بيت استاذ طارق فؤاد يوم الجمعة السابق ولما اتناقشنا مع بعض تأكدت من انى لم اخطئ ولسه زى ما انا وزى ما الناس عارفانى

وانا مبسوط بوجوده واتوقع من شدة نجاحه انه سيكون نجم الغرفة الصوتية هذا العام لدرجة ان مفيش حد هيقدر يواجه قوته العلمية فى الغرفة وهو بصراحة على قدرة علمية عالية ولا يستهان بها ولانى صريح فهو من رواد حجرتنا ان لم يكن الاول على الحجرة وسأعلن ذلك بنفسى الان احقاقا للحق

أستاذ بدوى ..
هو حضرتك ليه مش فاهمنى أو مش عاوز تفهم وجهة نظرى ؟

أستاذ بدوى ..
هو حضرتك ليه مش فاهمنى أو مش عاوز تفهم وجهة نظرى ؟

هايل ..........
لو عند حضرتك وقت فهمنى و بعدين انا اللى هسأل نفس السؤال
عسى ان نكون متفاهمين فيما بعد و نكون على قدر المسئولية

على فكرة انا جاى المرة دى لابس زى رسمى جديد مكتوب عليه بوابة الثانوية العامة
لو سيادتكم hg انا بقى hs
متفكرش كتير Home Service

الموضوع سهل يا فندم
حضرتك زعلان من مستر جاويش
أنا طالب أعرف رأى الزملاء فى عزله
أنا مباخدش قرار لواحدى لأنى معرفش مستر جاويش ولا أعرف هل غلطته دى لا تغتفر و هل يستحق العزل
طلبت رأى الزملاء عشان هما أدرى منى بالموضوع ده

بس

يا مستر محمود المشكلة دلوقتى مش اصبحت اخطاء عصام جاويش بقدر ماهي موقف بدوي الدجوي السيء فى المرحلة الاولى فلأمر تخطى نطاق مشرف مخطيء أو غير مخطيء الى نطاق ان مستر بدوي اصبح شكله وحش امام بعض اعضاء المنتدى وتقريبا هما اربعة او خمسة محددين وفى هذا الصدد احب اسجل موقف صغير وياريت الناس تفهمني فيه صح
على مستوى العمل انا لا ارى عصام جاويش اخطأ خطأ يستحق فيه عزله او تغييره من الاشراف نهائيا بل بالعكس هو من انشط المشرفين فى البوابة وحضرتك ادخل اقسام اللغة الانجليزية وشوف شغله . دة اولا
ثانيا بدوي الدجوي اخ وصديق شخصي جدا ليا ولو هايوصل الامر انى اخسره او المنتدى يخسره لان بيلوح بكدة فى كل مالموضوع يثار انه يا هو يا عصام انا اختلف جدا معاه فى عزل جاويش ولكن ان كان هذا من وجهة نظره فى صالح المنتدى وصالحه فى موقفه مع الجميع فأنا معه ومنحازا له لمكانته عندي ومكانته للجميع فى المنتدى . وانا عرضت الموضوع امام الجميع حتى يتفهم الجميع الموقف . لكن كما قلت قبل ذلك الموقف تخطى اى مشكلة واصبح موقف شخصي حاليا رغم نفي الاستاذ بدوي لذلك لان فعلا هناك من يحاول ان يقلل من وضع ومكانة مستر بدوي فى القسم ويربطها بتواجد عصام جاويش حتى الان ودة للاسف خطأ كبير . دلوقتى انا نفسي بين اختيارين هل اوافق على عزل عصام جاويش كما طلبت حضرتك رأينا ؟ ان وافقت سيكون موافقتى فقط لان مستر بدوي شخصية لا يمكن ان يخسرها المنتدى ولها مكانتها واحترامها لدينا واشعر ان هذا الموضوع سبب له حرج كبير فى المنتدى وارى انه ربط وجوده فى المنتدى بتواجد عصام جاويش . أما غير ذلك فأنا وضحت رأيي ان هذا الرجل قام بمهامه الاشرافية على اكمل وجه والطبيعي جدا لاى مشرف نشيط ان تكون هناك اختلافات للرأى مع الاخرين .

شكراً لردك مستر محمود .. فى إنتظار رد مستر فاضل .. وردك مستر بدوى

يا جماعة الموضوع خلص خلاص بالنسبة لى واعترفت ان الاستاذ عصام الجاويش من افضل مدرسى المنتدى ان لم يكن افضلهم وتقريبا فعلا مفيش حد زيه فى مستواه العلمى فهو الاعلى فى وسطنا بالفعل لدرجة ان كثيرون يتفادون مناقشته حتى لا يتم احراجهم فهو يملك من المراجع ما لايملكها غيره والاكثر من ذلك انها جميعها فى دماغه ومتواجدة اوتوماتيكيا اللهم لا حسد

بالعكس انا بفكر ان اى حد يزعله بعد كده هاقف ضده فانا اعلنها انى من انصار الاستاذ عصام الجاويش وساعلنها فى الغرفة قريبا حين يأتى الوقت المناسب وبعدين مين يقدر يعمل اللى بيعمله الاستاذ عصام جاويش 12 ساعة يوميا ويمكن اكثر من ذلك

اظن كده ممكن انال رضاك يا استاذ محمود سرحان ولا لسه محتاج تسمع رد الاستاذ احمد فاضل
انا ماكنتش فاهم بس ليه التأجيل ؟ بس حضرتك وضحت ....... علشان تعرف رأى الاستاذ محمود فتحى والاستاذ احمد فاضل وتتأكد من كلامى والحمد لله تأكدت ان طلبى كان فى غير محله وكنا ممكن نخسر مشرف عظيم زى ده

استاذ محمود فتحى :
مش فاهم يعنى ايه لو هيوصل الامر انك تخسرنى او المنتدى يخسرنى ؟
البوابة لا تخسر احد ولا تقف على احد الا الاستاذ عصام الجاويش فليحيا الاستاذ عصام الجاويش يا ريتنى بعرف ازغرط

شكراً لك مستر بدوى تقبل خالص إحترامى و تقديرى لشخصكم الكريم

شكراً لك مستر بدوى تقبل خالص إحترامى و تقديرى لشخصكم الكريم

اى خدمة
معلهش استحملنى هما يومين

عيبك يا مؤسس الموقع انك فاكر ان صوابعك زى بعضها
انا عندى شكلة كبيرة وحضرتك بتحلها بالتدريج جزاكم الله خيرا
استمر ربنا معاك

عيبك يا مؤسس الموقع انك فاكر ان صوابعك زى بعضها
انا عندى شكلة كبيرة وحضرتك بتحلها بالتدريج جزاكم الله خيرا
استمر ربنا معاك

وجهة نظر تحترم مستر بدوى
هما أعضاء مجلس الإدارة فين
هو محدش بيرد ليه
هو محدش بيقول رأيه ليه ؟
يا جماعة حد ينقذنى
مستر بدوى عاوز يشيل مستر عصام جاويش من الإشراف قولوا رأيكم عشان محدش يقول قرار فردى يا إخوانى

بالله عليكم إن كنتم عايشين تنقذونى

اقتباس:
لازم الاستاذ يعزل من الاشراف على الاقل من المرحل الاولى وتعيينه مشرف على اى مرحلة اخرى

موافق
وأرى ان تعديل كلمة يعزل الى الاستغناء عنه
من الاشراف على المرحلة الاولى وتعينه مشرفا على اى مرحلة اخرى .
*وأرى مستقبلا ان يكون القرار فى حالة عزل اى مشرف
هو (الاستغناء عنه وتوجيه الشكر له على ما قدم من مجهودات ) .

وجهة نظر تحترم مستر بدوى
هما أعضاء مجلس الإدارة فين
هو محدش بيرد ليه
هو محدش بيقول رأيه ليه ؟
يا جماعة حد ينقذنى
مستر بدوى عاوز يشيل مستر عصام جاويش من الإشراف قولوا رأيكم عشان محدش يقول قرار فردى يا إخوانى

بالله عليكم إن كنتم عايشين تنقذونى

ههههههههههههههههههههههههه
طب عايز ننقذك ازاى ؟
انا عايز مصلحة القسم وانت ضد ده على فكرة انا مش عايز اتكلم لان المفروض يبقى فيه ثقة بيننا ومش المفروض افكرك بالكلام ده

على فكرة كمان فى فرق كبير اوى ان ادخل اطلب طلب وانى استشير المجلس فى امر اخاف ان اكون مخطئ فيه
امال يا مؤسس الموقع اخترت اعضاء مجلس الادارة على اساس ايه ؟

انت وصلتنى لمرحلة انى فى خلال ايام كنت هقدم استقالتى بجد ومكنتش هدخل تانى بجد برده والنية موجودة وبكل هدوء ومن غير شوشرة علشان عارفك بتحب الاسلوب ده
خليك بقى كده تعطل وتسوف لغاية ما العام الدراسى يبدأ رسميا

اه تبقى تابع كده المشرف المذكور بيعمل ايه ههههههههههههه بس للاسف مينفعش اى تقليد ينجح

انا لست على دراية بالموضوع

بالتالى مش هقدر احكم

فى رعاية الله

اعتذر على تأخرى فى الرد
واعتذر عن عدم تواجدى لمدة 6 ايام كاملة
المهم
أعتقد أن مستر محمود سرحان طلب رأيى
واللى فهمته من مستر بدوى فى اتصال تليفونى ان الموضوع انتهى والاستاذ محمود وافق على طلبه
يبقى خلاص
الموضوع انتهى

اعتذر على تأخرى فى الرد
واعتذر عن عدم تواجدى لمدة 6 ايام كاملة
المهم
أعتقد أن مستر محمود سرحان طلب رأيى
واللى فهمته من مستر بدوى فى اتصال تليفونى ان الموضوع انتهى والاستاذ محمود وافق على طلبه
يبقى خلاص
الموضوع انتهى